Республика мақсадли китоб жамғармаси фаолияти тугатилмоқда.

Жорий йил 26 майда қабул қилинган Президент фармонига кўра, 2022/2023 ўқув йилидан бошлаб мактаб дарсликларининг ижара тўлови тўлиқ Давлат бюджети маблағлари ҳисобиданқоплашҳамда ўқувчиларга дарсликларни бепул фойдаланишга бериш тизими жорий қилинганлиги муносабати билан бюджетдан ташқари Республика мақсадли китоб жамғармасифаолияти тугатилади.

Бунда, Республика мақсадли китоб жамғармасининг барча функциялари Мактабгача ва мактаб таълими вазирлигига ўтказилиб, давлат бюджети ҳисобидан ушбу мақсадлар учун ажратиладиган маблағларалоҳида шахсий ғазна ҳисобварағида юритиш орқали мустақил тасарруф этилади.

Учқудуқ туман адлия бўлими.

   Давлатимиз томонидан жисмоний ва юридик шахсларнинг мурожаатларини кўриб чиқилишига нисбатан берилаётган эътиборнинг кундан-кун ортиб бораётганлиги, барча давлат ва хўжалик бошқаруви органлари, маҳаллий давлат ҳокимияти ва бошқаруви органлари, мулкчилик шаклларидан ва идоравий бўйсунувидан қатъи назар хўжалик юритувчи субъектларга юксак масъулият юкламоқда ва бу борада қабул қилинаётган қонун ҳужжатларининг асосий мақсадларидан бири аҳоли билан тўғридан-тўғри мулоқотни ташкил этиш, жисмоний ва юридик шахсларнинг ҳуқуқ ва эркинликлари ҳамда қонуний манфаатларини тўлақонли ҳимоя қилишга қаратилган.
    Ўзбекистон Республикасининг 2014 йил 3 декабрда қабул қилинган “Жисмоний ва юридик шахсларнинг мурожаатлари тўғрисида”ги ЎРҚ–378-сонли Қонунига ўзгартиш ва қўшимчалар киритилиб, Қонунчилик палатаси томонидан 2017 йил 15 август куни қабул қилинди, Сенат томонидан 24 август куни маъқулланди ва Президентимиз томонидан 2017 йил 11 сентябрь куни имзоланиб, Ўзбекистон Республикасининг ЎРҚ–445-сонли Қонуни билан янги таҳрирда тасдиқланди. Ушбу Қонун 12 сентябрь куни ОАВда эълон қилинди ва шу кундан кучга кирди.
Ўзбекистон Республикасининг “Жисмоний ва юридик шахсларнинг мурожаатлари тўғрисида”ги Қонунига киритилган ўзгартириш ва қўшимчалар қисқача қуйидагиларда ўз аксини топди.
Жумладан, Қонуннинг 3-моддасида ариза, таклиф, шикоят каби асосий тушунчалардан ташқари электрон мурожаат, такрорий мурожаат, аноним мурожаат, мурожаатнинг дубликати, оммавий қабул, видеоконференцалоқа ҳамда давлат иштирокидаги ташкилот каби тушунчалар ҳам киритилди.
   Белгиланган тартибда ахборот-коммуникация технологиялари воситасида берилган, шу жумладан ташкилотнинг расмий веб-сайтига жойлаштирилган мурожаатга электрон мурожаат деб таъриф берилган.
Қонун ҳужжатларидан маълумки, такрорий мурожаат айни бир мурожаатчидан келиб тушган, унинг аввалги мурожаати юзасидан ташкилот томонидан қабул қилинган қарори устидан шикояти ёки мурожаатни қонун ҳужжатларида белгиланган муддатларда кўриб чиқилмаганлигидан норозилиги баён этилган мурожаатга айтилади. Буни, мурожаатнинг дубликатидан фарқлаш муҳим аҳамиятга эга чунки, мурожаатнинг дубликатида айни бир жисмоний ёки юридик шахс мурожаатининг кўчирма нусхаси берилади. Яъни, мурожаат муаллифи мурожаат бўйича тегишли ташкилотдан жавоб олмай туриб, унинг қарорини билмай туриб, ўша мурожаатни кўчирма нусхасини такроран тақдим этиши тушунилади.
  Бундан ташқари, мурожаатларни кўриб чиқишда қонунийлик; мурожаатларни ўз вақтида ва тўлиқ кўриб чиқиш; мурожаатларга нисбатан талабларнинг бир хиллиги; жисмоний ва юридик шахсларнинг ҳуқуқлари, эркинликлари ва қонуний манфаатларига риоя этилиши; мурожаатларни кўриб чиқишда бюрократизм ва сансалорликка йўл қўйилмаслиги; мурожаатларни кўриб чиқишда давлат органлари, ташкилотлар ва улар мансабдор шахслари фаолиятининг шаффофлиги Қонуннинг асосий принциплари сифатида 4-моддада белгилаб берилди.
   Шунингдек, Қонунга киритилган яна бир, муҳим янгилик сифатида халқ қабулхоналари ва виртуал қабулхоналарнинг асосий вазифалари, ҳуқуқ ва мажбуриятлари, Ўзбекистон Республикаси Президентининг Виртуал қабулхонаси томонидан мурожаатларга доир масалалар бўйича реал вақт режимида маслаҳатлар берилиши, Давлат органларининг, ташкилотларнинг ва улар мансабдор шахсларининг виртуал қабулхоналарини ташкил этиш тартиблари 2-бобда аниқ белгилаб берилди.

   Шуни алоҳида таъкидлаш жоизки, аҳоли билан тўғридан-тўғри мулоқотни ташкил этиш, уларнинг ҳуқуқлари, эркинликлари ҳамда қонуний манфаатларини тўлақонли ҳимоя қилишга қаратилган, мурожаатлар билан ишлашнинг самарали тизими фаолиятини таъминлаш, мурожаат қилишга оид конституциявий ҳуқуқнинг сўзсиз амалга оширилиши учун шароитлар яратиш, келиб тушган мурожаатларнинг тўлиқ, холисона ва ўз вақтида кўриб чиқилишини ташкил этиш, келиб тушган ҳамда тегишлилиги бўйича давлат органларига, ташкилотларга юборилган мурожаатларнинг кўриб чиқилиши устидан тизимли мониторинг ва назоратни амалга ошириш, жисмоний шахсларнинг ва юридик шахслар вакилларининг қабулларини ўтказиш, келиб тушаётган мурожаатларни қайд этиш, умумлаштириш, тизимлаштириш Ўзбекистон Республикаси Президенти Халқ қабулхоналари ва Виртуал қабулхонасининг асосий вазифалари сифатида белгиланди.
    Қонуннинг аввалги таҳририда мурожаатлар бўйича иш юритиш (9-модда) тартиби бошқа қонун ҳужжатлари билан тартибга солиниши кўрсатилган бўлса, амалдаги янги таҳрирда давлат органи, ташкилот ёки уларнинг мансабдор шахсига келиб тушган мурожаат ўша куннинг ўзида, иш вақти тугаганидан кейин келиб тушган тақдирда эса, кейинги иш куни рўйхатдан ўтказилиши кераклиги, мурожаатни рўйхатдан ўтказишни рад этишга йўл қўйилмаслиги, давлат органларида, ташкилотларда мурожаатларни рўйхатдан ўтказиш дафтари юритилиб, унда мурожаатнинг тартиб рақами ва келиб тушган санаси, мурожаат этувчи жисмоний шахснинг фамилияси (исми, отасининг исми), юридик шахснинг номи, мурожаатнинг қисқача мазмуни, ижроси тўғрисидаги белги кўрсатилиши норма сифатида аниқ белгиланди.
Шу билан бирга, давлат органининг раҳбарига ёки ваколат берилган мансабдор шахсига оммавий (сайёр) қабуллар вақтида тушган ва жойида ҳал этилган оғзаки мурожаатларни рўйхатдан ўтказиш талаб қилинмаслиги, фақатгина жисмоний шахснинг ёки юридик шахс вакилининг фамилияси (исми, отасининг исми), унинг яшаш жойи тўғрисидаги маълумотлар, мурожаатнинг қисқача мазмуни, шунингдек уни кўриб чиқиш натижаси оммавий қабул баённомасида кўрсатилиши назарда тутилади.
    Қонуннинг 26-моддасида мурожаат этувчини эшитиш ҳам назарда тутилган. Бу ўз навбатида давлат органи, ташкилот ёки уларнинг мансабдор шахслари мурожаат этувчига мурожаатда кўтарилган масалалар бўйича ўз фикрини билдириш ва мурожаат бўйича қўшимча ахборот тақдим этиш имкониятини беради. Бунда, Давлат органи, ташкилот ёки уларнинг мансабдор шахслари мурожаат этувчини эшитишга экспертларни, мутахассисларни ва манфаатдор ташкилотларнинг вакилларини ҳам жалб этиши мумкин бўлади.
Қонунга киритилган яна бир муҳим янгиликлар шундаки, агар такрорий мурожаатларда янги важлар ёки янгидан очилган ҳолатлар келтирилмаган бўлса, илгариги мурожаат материалларида эса текширувларнинг тўла-тўкис материаллари мавжуд бўлса ва мурожаат қилувчига белгиланган тартибда жавоблар берилган бўлса, мурожаатчига такрорий мурожаатнинг асоссизлиги ва ушбу масала юзасидан у билан ёзишмалар тугатилиши тўғрисида ёзма равишда хабардор қилиб, кўриб чиқишни тугатиш мумкин.
    Шу билан бирга, мурожаат қилувчи ўз мурожаатини белгиланган тартибда чақириб олган бўлса ёки уни кўриб чиқишни тугатиш тўғрисида илтимос қилган бўлса, яшаш жойи, турган жойи (почта манзили), электрон почта манзили ёки бошқа реквизитлари ўзгарганлиги тўғрисида ўз вақтида хабардор қилмаганлиги туфайли мурожаатчини чақиришнинг имкони йўқлиги сабабли мурожаатни мурожаат қилувчининг иштирокисиз кўриб чиқиш имконияти бўлмаганда, мурожаатни мурожаат қилувчининг иштирокисиз кўриб чиқиш имконияти мавжуд эмаслиги сабабли, давлат органи, ташкилот ёки уларнинг мансабдор шахси томонидан чақирилган мурожаатчи келмай қолган тақдирда, шунингдек мурожаатчи вафот этганидан сўнг мурожаатни кўриб чиқиш ҳуқуқий ворисликка йўл қўймаса мурожаатларни кўриб чиқишни тугатиши мумкин бўлади (30-модда).
     Бунда, давлат органининг, ташкилотнинг раҳбари ёки уларнинг ваколат берилган мансабдор шахси мурожаатни кўриб чиқишни тугатиш тўғрисидаги қарор қабул қилади.   
    Ташкилот томонидан ёзишмалар олиб бориш тугатилган бўлсада, мурожаат қилувчидан такрорий мурожаат келиб тушаверса, бундай мурожаатни мурожаат қилувчини бу ҳақда хабардор қилмасдан ҳам тугатилиши мумкинлиги белгилаб қўйилди.
    Мухтасар айтганда, Ўзбекистон Республикасининг “Жисмоний ва юридик шахсларнинг мурожаатлари тўғрисида”ги Қонунига киритилган ўзгартириш ва қўшимчалар мурожаат этувчиларнинг қонуний талабларини ҳал этилишига, ҳуқуқ ва манфаатларини янада самарали ҳимоя қилинишига хизмат қилади.
    Сўз юриталаётган Қонунда бундан ташқари ҳам кўплаб янгиликлар киритилган бўлиб, киритилган ўзгартириш ва қўшимчалар бўйича муаллиф томонидан келтирилган фикрлар қонунга шарҳ сифатида баҳоланмаслиги лозим.

Жасур Алимов,

туман Халқ қабулхонаси етакчи мутахассиси.

     Янги Меҳнат кодекси 232-моддасига кўра, ҳар йилги меҳнат таътилидан чақириб олишга таътилнинг исталган вақтида фақат ходимнинг розилиги билан йўл қўйилади. Шу муносабат билан таътилнинг фойдаланилмай қолган қисми ходимга мазкур иш йили давомида бошқа вақтда берилиши ёки ушбу Кодекснинг 230 ва 231-моддаларида назарда тутилган талабларга риоя этилган ҳолда кейинги иш йилида берилиши керак. Янги меҳнат кодекси 232-моддаси 2-қисмига кўра он саккиз ёшга тўлмаган ходимларни, ҳомиладор аёлларни ва меҳнат шароитлари ўта зарарли ва ўта оғир ишларда банд бўлган ходимларни ҳар йилги меҳнат таътилидан чақириб олишга йўл қўйилмайди.
    Таътилдан чақириб олишга фақат ходимнинг розилиги билан йўл қўйилади. Бундай розиликсиз чақириб олиш Маъмурий жавобгарлик тўғрисидаги кодекснинг 49-моддасига кўра, базавий ҳисоблаш миқдорининг 5 бараваридан 10 бараваригача миқдорда жарима солишга сабаб бўлади. Худди шундай ҳуқуқбузарлик маъмурий жазо чораси қўлланилганидан кейин бир йил давомида такроран содир этилган бўлса базавий ҳисоблаш миқдорининг 10 бараваридан 15 бараваригача миқдорда жарима солишга сабаб бўлади.
Агар томонлар таътилнинг бир қисми жорий йилда тақдим этилиши тўғрисида келишган бўлса, буйруқда бу қисмдан фойдаланиш ойи ёки календар даври кўрсатилиши ёки таътилнинг фойдаланилмаган қисми жорий йилда ходимнинг аризасига кўра тақдим этилиши тўғрисида ёзилиши керак. МК 230-моддасига кўра, ҳар йилги меҳнат таътили ҳар йили, ушбу таътил берилаётган иш йили тугагунига қадар берилиши керак.
    Агар томонлар таътилдан чақириб олиш ва унинг бир қисмини кейинги иш йилига кўчириш тўғрисида келишган бўлсалар, буйруқда фойдаланилмай қолган кунларнинг кўчирилиши ва уларнинг таътиллар жадвалига мувофиқ кейинги иш йили учун бериладиган навбатдаги таътил билан бир вақтда тақдим этилиши тўғрисида кўрсатилади. Ишлаб чиқариш хусусиятига эга сабабларга кўра жорий йилда ҳар йилги меҳнат таътилини тўлиқ бериш имкони бўлмаган алоҳида ҳолларда ходимнинг розилиги билан таътилнинг 14 календар кундан ортиқ бўлган қисми кейинги иш йилига кўчирилиши мумкин бўлиб, ушбу йил давомида ундан фойдаланилиши шарт.
    Ходимнинг розилиги билан уни таътилга чиққан куннинг эртасига таътилдан чақириб олиш мумкин. Лекин, ходим меҳнат таътилини пулли компенсацияга алмаштиришни сораса, ушбу кодекснинг 234-моддасига кора таътилнинг энг кам давомийлиги (21 кун 217-модда)дан, ноқулай меҳнат шароитларидаги иш учун йиллик қошимча таътил (481-модда)дан, ноқулай табиий-иқлим шароитларидаги иш учун ҳар йилги қошимча таътил(483-модда, Вазирлар Маҳкамасининг 743-сонли қарори билан белгиланган таътиллар)дан, он саккиз ёшга толмаган ходимларга, 1-2-гуруҳ ногиронлиги болган ходимларга бериладиган ижтимоий таътилларнинг барча турларидан, ҳар йилги узайтирилган асосий меҳнат таътилларидан ташқари қисми пулли компенсацияга алмаштирилиши мумкин.
    Эътибор беринг, ходимни таътилдан чақириб олиш қоидалари ҳар йилги меҳнат таътилига
нисбатан татбиқ қилинади. МК 216-моддасига кўра, ҳар йилги меҳнат таътилининг турлари
қуйидагилардан иборат:
    - асосий меҳнат таътили (ҳар йилги асосий энг кам ёки ҳар йилги асосий узайтирилган);
    - ушбу Кодекснинг 222-моддасида назарда тутилган тартибда асосий энг кам ёки асосий узайтирилган таътил билан жамлаб ҳисобланадиган қўшимча меҳнат таътили.
МК 236-моддасига кўра, ходимларга оналик, болаларни парваришлаш, таълим олиш учун қулай шарт-шароитлар яратиш мақсадида, шунингдек бошқа ижтимоий мақсадларда бериладиган таътиллар ижтимоий таътиллардир.
    Диққат! Таътилдан чақириб олиш қоидалари яъни 230, 231, 232-моддалар ижтимоий таътилларга, шу жумладан иш ҳақи қисман сақланадиган таътил ва иш ҳақи сақланмайдиган таътилларга нисбатан қўлланилмайди. Улардан ҳам асл ҳолда фойдаланилади.

Дилдора Рустамова,

туман юридик хизмат кўрсатиш маркази бошлиғи.

Карманалик   Шоҳжахоннинг  Учқудуққа келиб  машинани  ёқиб юборгани мўъжаз шаҳарда анча пайтгача шов-шув бўлди. Бу жиноят иши эса  жиноят ишлари бўйича  Учқудуқ туман суди биносида кўрилди.

Шоҳжахон Учқудуқ туман “Абай” маҳалласида яшовчи қиз билан унаштирилади. Бунга сабаб эса ота-оналарнинг олдиндан  оилавий танишлиги бўлади. Тўйдан олдинги расм-русумлардан кейин  никоҳ тўйи  белгиланади. 

Бироқ, тўйга яқин кунлар қолганида бўлажак келиннинг онаси  Г.  тўй бўлмаслигини айтиб куёв томон келтирган сарполарни уларга қайтариб жўнатади. Бундан ҳайрон бўлган Шоҳжахон бўлажак қайнонасидан бўлажак қайлиғи Туркия Республикасига жўнатиб кетганини эшитади.

Шоҳжахоннинг акаси билан бир кунда бўлиши керак бўлган тўйда фақат акаси куёвнавкар билан тўйхонага кириб келди. Шу кундан ўзининг орияти “топталган”, деб ҳисоблаган йигит нима бўлса ҳам  қиз томондан  ўч олишни мақсад қилади.

Ўзининг олдиндан пухта ўйлаган жиноий режасини тузади. Яшаш хонадонидан темирдан ишланган болға ва 5 литрли елим идишда бензин билан Учқудуқ шаҳрига ярим кечаси кириб келади. Ва, бўлмай қолган қайлиғининг онаси Г. бошқарувида бўлган  “Орландо” русумли автомашинага бензин   сепиб ўт қўяди.

Ушбу ҳолатга гувоҳ бўлган қўшнилар зудлик билан ёнғин хавфсизлиги қисмига хабар беришади. Ёнғин хавфсизлиги ходимлари томонидан ёнғин бартараф қилингани оқибатида жиноий ҳаракатларини охирига етказа олмаган.

Жиноят ишлари бўйича  Учқудуқ туман суди томонидан  судланувчи Н. Шоҳжахон Ўзбекистон Республикаси ЖКнинг тегишли моддалари билан айбли деб топилди ва 2  йил муддатга озодликдан чеклаш жазоси тайинланди.

Халқимизда қилмиш-қидирмиш, деган нақл бор. Бу ҳар қандай қилмишнинг, албатта, ажри борлигига ишора. Н. Шоҳжахон ҳам энди бу нақлнинг мағзини тушунган бўлса ажабмас.

Шоҳруҳ РАХИМОВ,

туман прокурори ёрдамчиси лавозимида иш ўрганувчи.

“Янги Ўзбекистон — ёшлар мамлакати!» шиори остида бўлиб  ўтаётган “Ёшлар ойлиги”  доирасида  Шимолий кон бошқармасида    “Раҳбар ва ёшлар” учрашуви ўтказилди.  Унда  ШКБ директори Неъматилло Ахатов  корхона ёшлари  билан суҳбатлашди, уларнинг таклиф, фикр ва мулоҳазаларини ҳамда келажакдаги режаларини тинглади.

Бугунги кунда 8 мингдан ошиқ ишчи-ходим фаолият юритаётган корхонада 30 ёшгача бўлган ёшлар 2248 нафарни ташкил этади. Уларнинг 371 нафари хотин-қизлар, 66 нафари раҳбар ходимлар, 144  нафари муҳандис техник ходимлардир.

Очиқ ва ошкора мулоқотлар майдонига айланган учрашувда корхонада ёш мутахассис сифатида иш бошлаётган йигит – қизлар учун барча имконият ва шароитлар яратилганлиги таъкидланди. Ана шундай қулайликлардан фойдаланаётган корхона  ёшлари жорий йилнинг ярим йиллигида 8 та рационализаторлик таклифлари ишлаб чиқишган.

Ҳозирда ишлаб чиқаришга фаол тадбиқ этилаётган ушбу рационализаторлик таклифларидан 1 млрд. 310 млн. сўм иқтисодий самарадорлик кутилмоқда.       

Нафақат Шимолий кон бошқармасида балки "НКМК" АЖда ҳам  тан олинган ишлаб чиқариш жараёнларида қўлланилаётган рационализаторлик таклифлари муаллифлариНуриддин Камолов, Азамат Исамов, Азиз Солиев,  Зухриддин Мустафоев, Ержан Жанахметов каби  ёшларимизнинг қатори кенг.

Тадбир давомида раҳбарлари билан учрашган ёшларга ўзларининг таклиф ва муаммоларини ҳам айтишга имкон берилди. –“Орзу” истироҳат боғида ёшлар йўлигини ташкил этмоқчиман, - деди Муроджон.

Ҳам корхонадаги ишини давом эттириб, ҳам  тадбиркорлик қилишни мақсад қилган ғайратли интилувчан бу ёш  лойиҳа чизмалари ва умумий харажатлар ҳақида маълумот берди.

“Албатта  биз сени, Учқудуқ учун қилинадиган ҳар бир ташаббусни қўллаб-қувватлаймиз”, дея  ёшларни руҳлантирди  корхона раҳбари. Бундан дадиллашган ёшларнинг кўпчилиги  "бўйинбоғсиз учрашув"га келган директорга  ўз фикр-мулоҳазалари ва  таклифларини айтдилар.

ШКБ ахборот хизмати.

ЯНГИ ЎЗБЕКИСТОН – ЁШЛАР МАМЛАКАТИ!

Сизлар том маънода юртимиз истиқболи, ёруғ келажагимиз бунёдкорисиз! Машҳур шоиримиз Эркин Воҳидов айтанидек, ёшликдаги куч-ғайратни эл-юртига бахш этган йигит-қиздан Ватан ҳам, халқ ҳам, ёшликнинг ўзи ҳам рози бўлади!

Шавкат МИРЗИЁЕВ,

Учқудуқ туманининг  ғайрати баланд, интилувчан ўғил-қизлари иштирокида “Лочин” стадионида “Янги Ўзбекистон – ёшлар мамлакати!”  шиори остида гала концерт бўлиб ўтди.

Айтиш жоизки, Президентимиз илгари сурган беш муҳим ташаббусини янада қўллаб-қувватлаш, истеъдодли ёшларни моддий ва маънавий рағбатлантириш тадбирдан кўзланган мақсад бўлди.

Фестивални очилиш маросимида туман ҳокими С.Хамроев туман ёшларини табриклаб, уларни ёшликдан пухта билим олиш, замонавий касб-ҳунарларни ўрганиш, юртимиз равнақига муносиб улуш қўшишга ундади.

Янги Ўзбекистонни барпо этишга қаратилган умумхалқ ҳаракати сафларида ёшларимизнинг қудратли куч  бўлиб майдонга чиқаётгани  таҳсинга сазовор,  албатта. “Ёшлар ойлиги” доирасида туманимиз ёшлари ўртасида кўплаб лойиҳалар, тадбирлар, мусобақалар, беллашувлар, учрашувлар  ўтказилди.

Жумладан, армрестлинг спортидан “Давлат солиқ инспекцияси кубоги” мусобақаларида эркаклар ўртасида биринчи ўринни “Айтим” маҳалласидан Х.Тоғаев, иккинчи ўринни “Дўстлик” маҳалласидан А.Утегенов, учинчи ўринни “Абай” маҳалласидан Э.Турдиевлар эгалладилар. Беллашувларнинг қизлар ўртасидаги мусобақаларида биринчи ўринга “Йўлчилар” овулидан В.Очилова, иккинчи ўринга “Навоий” маҳалласидан С.Омонова, учинчи ўринга “Йўлчилар” овулидан К.Зайниддиновалар сазовор бўлишди.

“Камондан ўқ отиш” спортидан  ўтказилган “Миллий гвардия кубоги” мусобақаларида ўғил болалар ва эркаклар ўртасида биринга ўринни “Шалхар” овулидан Н.Таженов, иккинчи ўринга “Мустақиллик” маҳалласидан А.Баходиров, учинчи ўринга “Дўстлик” маҳалласидан Э.Мадаминовлар эгалик қилишди. Яна бир спорт тури шахмат беллашувлари “ДХХ кубоги” учун ўтказилди. Муросасиз кечган баҳсларда эркаклар ўртасида биринчи ўринни “Абай” маҳалласидан С.Тошқонов, иккинчи ўринни “Дўстлик” маҳалласидан Б.Исматуллаев, учинчи ўринни “Мустақиллик” маҳалласидан С.Бўстоновлар қўлга киритдилар. Қизлар баҳсида эса фахрли биринчи ўринга “Дўстлик” маҳалласидан М.Бобоқандова, иккинчи ўринга “Мустақиллик” маҳалласидан Ш.Рашидова, учинчи ўринга “Дўстлик” маҳалласидан П.Абдуҳамидовалар  сазовор бўлдилар.

Спортнинг стол тенниси мусобақалари “Ҳоким кубоги” учун бўлиб ўтди. Унда эркаклар баҳсида биринчи ўринни “Ифтихор” маҳалласидан Р.Махрубаев, иккинчи ўринни “Айтим” маҳалласидан Е.Махрубаев, учинчи ўринни “Абай” маҳалласидан Ж.Манатов қўлга киритишди. Қизлар баҳсида эса биринчи ўрин “Навоий” маҳалласидан Л.Ғофуровага, иккинчи ўрин “Абай” маҳалласидан Г.Қорақуловага, учинчи ўрин “Ифтихор” маҳалласидан Д.Тоироваларга насиб этди.

Миллий спорт ўйинидан арқон тортиш мусобақаларининг эркаклар ўртасидаги баҳсларида фахрли биринчи ўринни “Абай” маҳалласи, иккинчи ўринни “Айтим” маҳалласи, учинчи ўринни “Мустақиллик” маҳалласи ёшлари эгалладилар. Қизлар ўртасида ўтказилган мусобақаларда эса биринчи ўринга “Абай” маҳалласи, иккинчи ўринга “Мустақиллик” маҳалласи, учинчи ўринга “Йўлчилар” овули ёшлари эгалик қилишди.

Шунингдек, тош кўтариш баҳсларида биринчи ўринга “Мустақиллик” маҳалласидан Ф.Жумаев,  иккинчи ўринга “Айтим” маҳалласидан  Х.Тоғаев, учинчи ўринга “Мустақиллик” маҳалласидан А.Исмоилов сазовор бўлган. Беллашувларнинг қизлар баҳсида фахрли биринчи ўрин “Йўлчилар” овулидан З.Шомуродовага, иккинчи ўрин “Мустақиллик” маҳалласидан Д.Жўрабоевага, учинчи ўрин “Мустақиллик” маҳалласидан Н.Нормуродоваларга насиб этди.

“Ёшлар ойлиги” доирасида ўтказилган мазкур беллашувлар ғолиб ва совриндорлари туман ҳокимининг ташаккурномаси ва қимматбаҳо совғалари билан тақдирланди.

Яна бир эътибор бериладиган жиҳат, жорий ўқув йилида 19 та умумий ўрта таълим мактабининг 11-синфини 346 нафар, 9-синфини 345 нафар жами 691 нафар битирувчи тугатаётган бўлса уларнинг 17 нафари аъло даражали шаҳодатнома, 19 нафари эса олтин медал билан мактабни тамомлаётгани барча тенгдошларига ғурур багишлайди, албатта!

Фан, таълим ва  спортда юқори натижаларни қайд этган бир гуруҳ ёшларга ҳамда 19 нафар битирувчиларга олтин медалларни  ва уларнинг ота-оналарига  ташаккурномаларни тантанали равишда топширди.

Айниқса, фестивал меҳмони Жаноб Расул томонидан ижро этилган куй-қўшиқларни учқудуқлик ёшлар кўтаринки кайфият билан кутиб олдилар.

УЧҚУДУҚ ТУМАН ҲОКИМЛИГИ АХБОРОТ ХИЗМАТИ.

2023 йил 28 июнь – ҳижрий 1444 йил Зулҳижжа ойининг 10-куни Ислом умматининг энг йирик байрами – Қурбон ҳайити кунидир.

“Қизилқум” жомеъ-масжиди жамоаси барча учқудуқлик мўмин-мусулмонларни ушбу байрам билан қутлайди.

Қурбон ҳайити – улуғ байрам. Пайғамбаримиз (с.а.в). бу кунда янада меҳрибонроқ, шафқатлироқ бўлар, етим-есирлар бошини силар, қариялар, касалмандлар, муҳтожлардан хабар олар, уларнинг кўнгилларига ҳам байрам шукуҳини олиб кирар эдилар.

Қалбларимиз қувончга ва эзгу ниятларга тўлган ушбу саодатли ва мунаввар дамларда аввало шундай табаррук кунларга етказгани, байрамни тинч ва осуда муҳитда, оиламиз, қариндош-уруғлар, қўни-қўшнилар билан ҳамжиҳатликда кутиб олаётганимиз учун Яратганга чексиз шукроналар айтамиз.

Дарҳақиқат, халқимиз азал-азалдан диний арконларни мукаммал адо этиб келган эл ҳисобланади. Бу борада динимизнинг энг катта байрамларидан ҳисобланган диний ва миллий байрам сифатида халқимиз онгу шуурига сингиб кетган икки Ҳайит байрамларини жуда кенг миқёсда, ўзгача шодиёналик билан нишонланиши эса азал-азалдан ота-боболаримиздан қолган бой миллий ва диний меросимиз ҳисобланади.

Бу борада эса Расулуллоҳ (с.а.в). бизларга исломнинг икки улуғ байрами хабарини берганлар: “Аллоҳ таоло исломгача бўлган даврда нишонлайдиган байрамлар ўрнига афзалроқ бўлган Рамазон ва Қурбон ҳайити байрамини ҳадя қилди” – деганлар. (Абу Довуд ривояти).

Барча дунё мусулмонлари Ийд ал-Адҳа – Қурбон ҳайитини катта шукуҳ ва хурсандчилик ила нишонлаш остонасида турибди.Яна шу кунларда 25  нафар учқудуқликбиродарларимиз ҳаж сафарида бўлиб, Яратгандан Ватанимиз тараққиёти, халқимиз равнақини сўраб Маккаи мукаррамада, Арафот ва Мино водийсида дуои хайрлар қилмоқдалар. 

Куни-кеча давлатимиз раҳбари  томонидан "Қурбон ҳайитини нишонлаш тўғрисида"ги қарори қабул қилинди. Унга кўра, ушбу  муборак кунларни мазмунли ва кўтаринки кайфиятда ўтказиш учун Рамазон ҳайити муносабати билан юртимизда дам олиш кунлари эълон қилинганидан хабарингиз бор, албатта! . Ишонаманки, бундай қулай шароит байрамнинг файзу тароватини, қадр-қимматини янада оширади. Бинобарин, ушбу ҳордиқ кунлари – мўътабар ота-оналарни зиёрат қилиш, беморлар ва муҳтожлар ҳолидан хабар олиш, яқинлар билан дийдор кўришиш учун яхши имкониятдир.

Жаннатмакон юртимизни турли бало-офатлардан Яратганнинг ўзи асрасин, кейинги Қурбон ҳайити кунларига сиҳат-саломатликда етиб боришимизни ҳаммамизга Аллоҳнинг ўзи насиб этсин. Юртимизга  тинчлик, халқимизга фаровонлик, Юртбошимизнинг эл-юрт манфаати йўлидаги хайрли ишларига юксак муваффақиятлар ёр бўлсин! Ватанимиз истиқболи порлоқ, диёримиз тинчлиги ва осойишталиги бардавом, халқимиз фаровонлиги янада зиёда бўлишини Парвардигордан сўраб қоламиз. Келаётган қутлуғ байрамнинг файзу баракоти қалбларимиз ва хонадонларимизни мунаввар ва хушнуд айласин.

Байрам шукуҳидан қалбларимиз янада нурафшон бўлсин!

Ийд ал-Адҳа – Қурбон ҳайити ҳайити муборак бўлсин, азизлар!

Абдижалол ТУРДИЕВ,

“Қизилқум” жомеъ-масжиди имом-хатиби.

   Кунлар исиши билан фуқароларнинг совутиш тизимига бўлган эхтиёжи ошади, бу эса совутиш тизимларининг доимий ишлаши ва кўплаб совутиш тизимларининг бир вақтда ишлаши электр симларнинг уланган жойларда қизиш (қисқатуташув), ортиқча юкланиш оқибатида ва (ёки) совутиш тизимларининг қизиб кетиши натижасида ёнғинлар келиб чиқиши мумкин.

Шунингдек ёз мавсумида қурилиш, таъмирлаш ишлари давомида пайвандлаш, қиздириш, очиқ оловдан фойдаланиш давомида этиборсизлик сабаб ёнғинлар келиб чиқиши мумкин.

Бу каби салбий ҳолатларни олдини олиш мақсадида ёнғин хавфсизлиги қоидаларига қатъий риоя қилишингизни сўраймиз.

Учқудуқ тумани ФВБбошлиғи Ғайрат Уралов

Учқудуқ туманининг ғайрати баланд, интилувчан ўғил-қизлари иштирокида “Лочин” стадионида “Янги Ўзбекистон ёшлар мамлакати!” шиори остида гала концерт бўлиб ўтди.
Дарҳақиқат, Янги Ўзбекистонни барпо этишга қаратилган умумхалқ ҳаракати сафларида ёшларимизнинг қудратли куч бўлиб майдонга чиқаётгани таҳсинга сазовор, албатта. “Ёшлар ойлиги” доирасида туманимиз ёшлари ўртасида кўплаб лойиҳалар, тадбирлар, мусобақалар, беллашувлар, учрашувлар ўтказилди.
Жумладан, армрестлинг спортидан “Давлат солиқ инспекцияси кубоги” мусобақаларида эркаклар ўртасида биринчи ўринни “Айтим” маҳалласидан Х.Тоғаев, иккинчи ўринни “Дўстлик” маҳалласидан А.Утегенов, учинчи ўринни “Абай” маҳалласидан Э.Турдиевлар эгалладилар. Беллашувларнинг қизлар ўртасидаги мусобақаларида биринчи ўринга “Йўлчилар” овулидан В.Очилова, иккинчи ўринга “Навоий” маҳалласидан С.Омонова, учинчи ўринга “Йўлчилар” овулидан К.Зайниддиновалар сазовор бўлишди.
“Камондан ўқ отиш” спортидан ўтказилган “Миллий гвардия кубоги” мусобақаларида ўғил болалар ва эркаклар ўртасида биринга ўринни “Шалхар” овулидан Н.Таженов, иккинчи ўринга “Мустақиллик” маҳалласидан А.Баходиров, учинчи ўринга “Дўстлик” маҳалласидан Э.Мадаминовлар эгалик қилишди. Яна бир спорт тури шахмат беллашувлари “ДХХ кубоги” учун ўтказилди. Муросасиз кечган баҳсларда эркаклар ўртасида биринчи ўринни “Абай” маҳалласидан С.Тошқонов, иккинчи ўринни “Дўстлик” маҳалласидан Б.Исматуллаев, учинчи ўринни “Мустақиллик” маҳалласидан С.Бўстоновлар қўлга киритдилар. Қизлар баҳсида эса фахрли биринчи ўринга “Дўстлик” маҳалласидан М.Бобоқандова, иккинчи ўринга “Мустақиллик” маҳалласидан Ш.Рашидова, учинчи ўринга “Дўстлик” маҳалласидан П.Абдуҳамидовалар сазовор бўлдилар.
Спортнинг стол тенниси мусобақалари “Ҳоким кубоги” учун бўлиб ўтди. Унда эркаклар баҳсида биринчи ўринни “Ифтихор” маҳалласидан Р.Махрубаев, иккинчи ўринни “Айтим” маҳалласидан Е.Махрубаев, учинчи ўринни “Абай” маҳалласидан Ж.Манатов қўлга киритишди. Қизлар баҳсида эса биринчи ўрин “Навоий” маҳалласидан Л.Ғофуровага, иккинчи ўрин “Абай” маҳалласидан Г.Қорақуловага, учинчи ўрин “Ифтихор” маҳалласидан Д.Тоироваларга насиб этди.

Миллий спорт ўйинидан арқон тортиш мусобақаларининг эркаклар ўртасидаги баҳсларида фахрли биринчи ўринни “Абай” маҳалласи, иккинчи ўринни “Айтим” маҳалласи, учинчи ўринни “Мустақиллик” маҳалласи ёшлари эгалладилар. Қизлар ўртасида ўтказилган мусобақаларда эса биринчи ўринга “Абай” маҳалласи, иккинчи ўринга “Мустақиллик” маҳалласи, учинчи ўринга “Йўлчилар” овули ёшлари эгалик қилишди.
Шунингдек, тош кўтариш баҳсларида биринчи ўринга “Мустақиллик” маҳалласидан Ф.Жумаев, иккинчи ўринга “Айтим” маҳалласидан Х.Тоғаев, учинчи ўринга “Мустақиллик” маҳалласидан А.Исмоилов сазовор бўлган. Беллашувларнинг қизлар баҳсида фахрли биринчи ўрин “Йўлчилар” овулидан З.Шомуродовага, иккинчи ўрин “Мустақиллик” маҳалласидан Д.Жўрабоевага, учинчи ўрин “Мустақиллик” маҳалласидан Н.Нормуродоваларга насиб этди.
“Ёшлар ойлиги” доирасида ўтказилган мазкур беллашувлар ғолиб ва совриндорлари туман ҳокимининг ташаккурномаси ва қимматбаҳо совғалари билан тақдирланди.

Яна бир эътибор бериладиган жиҳат, жорий ўқув йилида 19 та умумий ўрта таълим мактабининг 11-синфини 346 нафар, 9-синфини 345 нафар жами 691 нафар битирувчи тугатаётган бўлса уларнинг 17 нафари аъло даражали шаҳодатнома, 19 нафари эса олтин медал билан мактабни тамомлаётгани барча тенгдошларига ғурур багишлайди, албатта!
Туман ҳокими С.Хамроев фестивал иштирокчилари ва туманимиз ёшларига байрам табриги йўллади ҳамда спортда юқори натижаларни қайд этган бир гуруҳ ёшларга ташаккурнома ва қимматбаҳо совғаларни тантанали равишда топширди. Бундан ташқари, олтин медал соҳиблари бўлган 19 нафар битирувчи ва уларнинг ота-оналарига ташаккурнома ва олтин медаллар ҳам берилди.
Айниқса, фестивал меҳмони Жаноб Расул томонидан ижро этилган куй-қўшиқларни учқудуқлик ёшлар кўтаринки кайфият билан кутиб олдилар.

УЧҚУДУҚ ТУМАН ҲОКИМЛИГИ АХБОРОТ ХИЗМАТИ.

“Янги Ўзбекистон – ёшлар мамлакати” шиори остида ўтказиладиган ёшлар фестивали иштирокчиларига 

  БАЙРАМ ТАБРИГИ

  Ассалому алайкум, азиз ёшлар!

  Бугунги тадбир иштирокчилари ва туманимизга ташриф буюрган  қадрли меҳмонлар! 

  Аввало, Сиз азиз ёшларни бугунги ажойиб кун билан, 30-июнь Ёшлар кунига бағишланган, “Янги Ўзбекистон ёшлар мамлакати” шиори остида ўтказилаётган “Ёшлар фестивали” байрами билан, чин қалбимдан самимий муборакбод этаман.

  Дарҳақиқат, ёшлар ҳар бир давлатнинг келажагини, салоҳиятини белгиловчи энг муҳим қатлам ҳисобланади. Бугунги кунда ёшларнинг таълим олиши, касб-ҳунар эгаллаши, етук инсонлар бўлиб улғайиши йўлида юртимизда барча шарт-шароитлар яратиб берилмоқда. Уларнинг орзу-мақсадларини рўёбга чиқариш, ташаббускор ғояларни қўллаб-қувватлашга алоҳида эътибор қаратилмоқда. Шу боис, юртимизда жамиятнинг фаол қатлами сифатида эътироф этиладиган ёшларга юрт равнақини таъминловчи катта куч, давлатнинг стратегик ресурси сифатида ишонч билдирилмоқда. Натижада юксак билимли, замонавий фикрлайдиган, қатъий позицияга эга ёшлар, мамлакатнинг эртанги тараққиётида ҳал қилувчи кучга айланиб бормоқда, - десак муболаға бўлмайди.

   Ёшларни маданият, санъат, жисмоний тарбия ва спортга кенг жалб этиш, уларнинг ахборот технологиялари бўйича саводхонлигини ошириш, ёшлар ўртасида китобхонликни тарғиб қилиш, хотин-қизлар бандлигини таъминлаш вазифаларини ўз ичига олган бешта муҳим ташаббус алоҳида ҳаракатга айланди. 

    Туманда ёшларга оид давлат сиёсатини янада ривожлантиришга доир қўшимча чора-тадбирлар дастурида ўз иқтидори ва салоҳиятини камол топтириш, келажакда қизиққан соҳасининг етук мутахассиси бўлиб етишиши учун ёшларда, ўзини-ўзи ривожлантириш бўйича кучли мотивация уйғотиш мақсадида ёшлар даврасида мотивацион тадбирлар ўтказиб келинаётганлиги Сиз азизлар учун яратилаётган имкониятларнинг яна биридир.

Давлатимиз раҳбари таъкидланган-ларидек, “Ёшлар давлатимизнинг энг катта бойлиги, бебаҳо хазинасидир”.

  Давлатимиз раҳбарининг ташаббуслари билан мамлакатимизда бундан уч йил олдин Ёшлар ишлари Агентлиги ташкил этилиб ҳар бир маҳаллада ёшлар етакчилари лавозими жорий этилди. Ёшлар тўлиқ хатловдан ўтказилиб яшил, сариқ ва қизил тоифаларга бўлиб олинди. 

   Туманда жорий йилнинг январь ойида ўтказилган хатлов натижасида 8739 нафар 14-30 ёшдаги ёшларимизнинг руйхати шакллантирилди, турли муаммоли масалалари бор ёшлар ажратиб олинди ва бу ёшларга 15 нафар раҳбар бириктирилди ҳамда ҳар бир маҳалла кесимида “йўл хариталари” ишлаб чиқилди ва улар билан алоҳида ишлаш тизими йўлга қуйилди. 

Туманда йил бошидан 53 нафар ёшларнинг контракт тўловлари тўлаб берилган бўлса, 10 нафар ёшларга асбоб-ускуна ва меҳнат қуроллари сотиб олиш учун субсидиялар ажратиб берилди. Шунингдек беш нафар ёшларнинг ҳайдовчилик гувоҳномаси учун тўловлар тўлаб берилди. 22 нафар ёшларга “Келажак касблари” лойиҳаси доирасида ўқув курслари учун тўловлар тўлаб берилди. 5 нафар ёшларнинг сафарлик чақирув резерв бадаллари тўлаб берилган бўлса, 7 нафар ёшларга беш ташаббус олимпиадаси танловларининг кейинги босқичларига иштирок этиш харажатлари тўлаб берилди. 

Шу жумладан 543 нафар ёшларнинг бандлиги таъминланди. 

Олиб борилган одилона сиёсат натижасида ёшлар ўртасида таълим йўналишида, маданият, тиббиёт, ишлаб чиқариш ҳамда спорт соҳасида сезиларли кўрсатгичларга эришилди. 

Туман мактабгача ва мактаб таълими бўлимига қарашли 19 та умумий ўрта таълим мактабларидаги 691 нафар 9-синф битирувчиларидан 17 нафари аъло даражали шаҳодатнома билан битириб, 346 нафари 11-синф битираётган ўқувчи-ёшларимиз етуклик шаҳодатномаларини қўлларига олмоқда. 

Шулардан 19 нафар битирувчилар олтин медаллар билан  якунлаётганлиги албатда қалбларимизга ғурур бағишлайди. 

Азиз ёшлар, қадрли фарзандларим!

       Мана шу қувончли кунда сизларни, кўпмиллатли туманимиз халқини ишонтириб айтмоқчиман: туманда ёшларга доир давлат сиёсатини ҳеч оғишмасдан, қатъият билан  давом эттирамиз. Нафақат давом эттирамиз, балки бу сиёсатни устувор вазифа сифатида бугун давр талаб қилаётган юксак даражага кўтарамиз. Сизларнинг замонавий билим ва касб-ҳунарларни эгаллаб, ҳаётда ўз мустаҳкам ўрнингизни топишингиз, бахтли бўлишингиз учун бор куч ва имкониятларимизни сафарбар этамиз.

        Сиз, жондан азиз ўғил-қизларимиздан фақат битта илтимосим, битта тилагим бор: ота-оналарингиз, устоз-мураббийларингиз, туманимизнинг сизлардан кутаётган орзу-умидларини амалий ишлар билан рўёбга чиқариш йўлида ҳорманг, чарчаманг!

       Ўқиш-ўрганиш, доимий изланиш, илм-фанга, тараққиёт чўққиларини эгаллашга интилиб яшаш доимо ҳамроҳингиз бўлсин!

       Мен сизларнинг ҳар бирингизга эл-юртимиз фахрланадиган, жонажон Ўзбекистонимизнинг муносиб фарзанди, ҳақиқий инсон бўлиш бахти насиб этишини тилайман.   

        Сизларни яна бир бор 30-июнь Ёшлар кунига бағишланган, “Янги Ўзбекистон ёшлар мамлакати” шиори остида ўтказилаётган “Ёшлар фестивали” байрами билан самимий табриклайман. 

  Озод ва обод Ватанимиз осмони ҳамиша мусаффо бўлсин, юртимизни тинчлик-хотиржамлик, қут-барака ва фаровонлик ҳеч қачон тарк этмасин. 

Ҳамиша соғ-омон бўлинг, азиз фарзандларим!