rasmiy ma'ruzalar va tabriklar (49)
rasmiy ma'ruzalar va tabriklar
Assalomu alaykum aziz ustozlar!
Qadrli o‘qituvchi va murabbiylar!
Avvalo siz azizlarni sizlarning timsolingizda uchquduqlik barcha o‘qituvchi va murabbiylarni o‘zining ilmu salohiyati, kuch-g‘ayratini, kerak bo‘lsa butun umrini yosh avlodga ta’lim-tarbiya berishdek eng sharafli chin ma’noda mashaqqatli ishga bag‘ishlab kelayotgan muhtaram ustozlarni umumxalq bayrami – “O‘qituvchi va murabbiylar” kuni bilan chin qalbimdan samimiy muborakbod etaman.
Dunyoda shunday kasb egalari borki, ularsiz hayotimizni tasavvur qilish qiyin. O‘qituvchilar esa hayotimiz yo‘lchi yulduzidir. Kim bo‘lmaylik, qaysi sohada ishlamaylik, barchamizga muallimlar ta’lim va tarbiya berishgan.
Xalqimizda: "Ustoz, otangdek ulug‘", degan hikmatli so‘z bor. Kimki bu hayotda biror yutuqqa erishsa, kasbidan e’zoz topsa, uning qalbida ustozlariga, birinchi o‘qituvchisiga bo‘lgan hurmat abadiy muhrlanadi.
Shuning uchun ham sizlardan ta’lim va tarbiya olgan, o‘zini sizning oldingizda umrbod qarzdor deb biladigan barcha insonlar nomidan sizlarga har qancha minnatdorlik bildirsak shuncha oz. Hayot bor ekan, o‘qituvchilik kasbi o‘zining ma’no-mazmuni va olijanobligini, ahamiyati va hurmatini hech qachon yo‘qotmaydi.
Aziz ustozlar!
Biz, ota-onalar o‘zimizning eng katta boyligimizni – aziz farzandlarimiz kelajagini siz, muhtaram ustozlar qo‘liga ishonib topshirganmiz. Ha, xalqimizda “Maktab taqdiri – millat taqdiri” degan purma’no gap bor. Shu nuqtai nazardan hurmatli Prezidentimiz va hukumatimiz rahbariyati xalq ta’limini rivojlantirishga katta e’tibor berayotganligini nafaqat soha xodimlari, balki ko‘p ming sonli o‘quvchilarimiz va ularning ota-onalarini ham behad quvontirmoqda.
Barchamiz o‘z faoliyatimizda hurmatli Prezidentimiz Shavkat Miromonovich Mirziyoyevning “Maktab masalasi – bu kelajak masalasi, ta’bir joiz bo‘lsa, hayot-mamot masalasi” degan iboralarining ma’nosini chuqur anglab, ishimizni shu asosda tashkil etsak, men o‘ylaymanki, ta’lim sohasida ko‘zlangan maqsadga, albatta, erishamiz.
Aziz tumandoshlar!
Bugungi kunda Uchquduq tumanida 19 ta umumta’lim maktabi, 15 ta davlat maktabgacha ta’lim tashkiloti, 17 ta oilaviy nodavlat maktabgacha ta’lim tashkiloti, Barkamol avlod bolalar maktabi, Bolalar musiqa va san’at maktabi, tuman sport maktabi, “Lochin” sport-sog‘lomlashtirish majmuasi, Uchquduq sanoat texnikumi hamda Uchquduq kasb-hunar maktabi faoliyat ko‘rsatmoqda. Mazkur ta’lim dargohlari va sport majmualarida ta’lim – tarbiya topayotgan iste’dodli yoshlar tomonidan qo‘lga kiritilayotgan yutuqlarda albatta, ilm dargohlarida mehnat qilayotgan o‘qituvchilarning, sport seksiyalar murabbiylarining mehnati beqiyos, albatta!.
Bugun o‘qituvchilar, ustoz va murabbiylar sha’niga eng yaxshi so‘zlarni aytib, ularga ezgu niyatlarimizni bildirar ekanmiz, turli bellashuvlar va sport musoqabalarida Uchquduq sha’nini himoya qilayotgan bilimli va iste’dodli bolalarni kamolga yetkazayotgan barcha o‘qituvchi va murabbiylarga o‘z minnatdorchiligimni bildiraman.
Hurmatli tadbir ishtirokchilari!
Aytish joiz bo‘lsa, bugun “Yangi O‘zbekiston – maktab ostonasidan boshlanadi!”, degan shior asosida maktab ta’limini rivojlantirish umumxalq harakatiga aylandi. Buni birgina, Uchquduq tumani misolida aytadigan bo‘lsak, joriy yilda 3 va 9 – sonli maktablari 14 mlrd. so‘m mablag‘ sarflanib, kapital ta’mirdan chiqarilmoqda. Mazkur bilim dargohlarida ertamiz egalarining barkamol, komil insonlar bo‘lib voyaga yetishlari uchun barcha shart-sharoitlar yaratilmoqda.
Shuningdek, 20 - maktabda quvvatiga nisbatan o‘quvchilar sonining ortishi munosabati bilan 210 o‘rinli qo‘shimcha bino kapital ta’mirdan chiqarilmoqda. Qariyb, 1,5 mlrd. so‘m mablag‘ evaziga barpo etilayotgan ushbu o‘quv binosi 7 ta yangi zamonaviy sinf-xonalar yaqin kunlarda o‘quvchi-yoshlarni o‘z bag‘riga oladi.
Bugungi kunda 7,18 – sonli maktablarda sun’iy qoplamali sport maydonining qurilish ishlari ham jadallik bilan olib borilayotganligi-ni ta’kidlash o‘rinli, albatta!.
Aziz pedagoglar! Yutimizda o‘qituvchilarni moddiy rag‘batlantirish hamda ularning malakasiga yarasha toifa berish orqali o‘zaro sog‘lom raqobat muhiti yaratilgan.Tumanimizdagi maktabgacha ta’lim tashkilotlari hamda umumta’lim maktablarida faoliyat olib borayotgan tarbiyachi va pedagoglarning 35 foizi oliy, birinchi va ikkinchi toifaga ega bo‘ldi. 80 nafar chet tili o‘qituvchilarining 78 nafari milliy va xalqaro sertifikatlarni qo‘lga kiritiib, bu ko‘rsatkich 98 foizga yetkazildi.
2023-2024 o‘quv yilida o‘rta maktabni 392 nafar yigit-qizlarimiz bitirib, mustaqil hayotga yo‘l oldi. Namunali xulq-atvorga ega hamda jamoat ishlarida faol bitiruvchilarning 22 nafariga oltin va kumush medallar tantanali topshirildi.
Bitiruvchilarning 80 foizi oliy ta’lim muassasalariga talabalikka qabul qilingan bo‘lsa, 122 nafari mamlakatimizdagi va chet eldagi oliy ta’lim dargohlariga muddatidan oldin talaba bo‘lishgan.
Ta’lim sohasida qo‘lga kiritilayotgan yutuqlarga to‘xtaladigan bo‘lsak, maktablar milliy reytingida Uchquduq tumani respublikada kuchli o‘ntalikdan munosib o‘rin egallagani barcha uchquduqlik o‘qituvchilarning mehnatiga berilgan baho, desak to‘g‘ri bo‘ladi.
Shuningdek, joriy yilda 20 - maktab ikkinchi darajali “Zamonaviy maktab” maqomiga ega bo‘ldi, “Xorijiy tillarni o‘qitish bo‘yicha eng yaxshi maktab” tanlovining viloyat bosqichida 20-maktab jamoasi faxrli ikkinchi o‘rinni qo‘lga kiritib, 200 mln. so‘m pul bilan mukofotlandi.
Hurmatli tadbir ishtirokchilari!
Joriy yilning 27 sentyabrida O‘zbekiston Respublikasi Prezidentining farmoni bilan, Mamlakatimizda ta’lim-tarbiya tizimini rivojlantirish, sohada islohotlarni muvaffaqiyatli amalga oshirish, o‘quv jarayoniga milliy va ilg‘or xorijiy tajribalar, innovasion pedagogik va axborot-kommunikatsiya texnologiyalarini keng joriy etish borasidagi munosib hissasi, o‘quvchilarga ilm-fan asoslari va zamonaviy kasb-hunarlarni o‘rgatish, ularning intellektual va ma’naviy salohiyatini yuksaltirishga qo‘shgan ulkan hissasi uchun bir guruh ustoz-murabbiylar taqdirlandi.
Shuni mamkuniyat bilan ta’kidlash o‘rinliki, ular orasida Uchquduq tumanidagi 20 - maktabining fizika fani o‘qituvchisi Yuldashev Jamshid Abdimalikovichning ham borligi barchani birdek quvontirdi. U “Shuhrat” medali bilan taqdirlandi.
Jamshid Abdimalikovich! Yosh avlodni komil insonlar qilib voyaga yetkazish, farzandlarimizni Vatanga mehr va sadoqat, umuminsoniy qadriyatlarga hurmat ruhida tarbiyalashdagi ibratli faoliyatingiz uchun Uchquduq tumani faollari va keng jamoatchiligi nomidan chuqur minnatdorchiligimni bildiraman!
Qadrli o‘qituvchi va murabbiylar!
Mehridaryo muallimlar!
Bu bayram, avvalo Sizning bilim va tajribangiz, iste’dod va mahoratingiz va qalb qo‘ringiz, butun borlig‘ingizni ayamasdan, ma’rifat yo‘lida beminnat xizmat qilayotganingiz uchun xalqimizning hurmat va ehtiromi namunasidir.
Ulug‘ xalqimiz ustozlarni e’zozlab: “Ustozning umri – mangu, chunki shogirdlar umri unga ulanadi”, deyishadi. Darhaqiqat, muallim – ustoz shunday ulug‘ zotki, uning nomi ham, umri ham hamisha boqiydir!
Sizlarni 1 oktyabr – O‘qituvchi va murabbiylar kuni bilan yana bir bor tabriklab, barchangizga sihat salomatlik, baxt va omad xonadonlaringizga tinchlik-xotirjamlik, fayzu baraka tilayman!
Yuzingizdan, qalbingizdan doimo mehr nuri yog‘ilaversin, sharafli kasbingiz ortidan hamisha shogirdlar va el-yurt ardog‘ida bo‘ling, aziz ustozlar!
E’tiboringiz uchun raxmat!
Учқудуқ туман ҳокими У.Ф.Елмуратовнинг янги 2024/2025-ўқув йили ҳамда "Билимлар куни" муносабати билан йўллаган табриги.
Ассалому-алайкум! Ҳурматли устозлар, азиз ўқувчилар!
Қадрли ота-оналар!
Мен сўзимнинг аввалида барчангизни куни - кеча кенг нишонланган ва бутун ватанимиз бўйлаб шукуҳи кезаётган энг улуғ ва энг азиз байрам – Ўзбекистон Республикаси Давлат мустақиллигининг 33 йиллиги билан самимий муборакбод этаман!
Мустақиллик йилларида юртимизда ёшлар келажаги, уларнинг ҳар томонлама баркамол инсонлар бўлиб вояга етишларини таъминлаш масаласи давлат аҳамиятига молик устувор вазифа сифатида қаралиб, бу борада улкан ислоҳотлар амалга оширилмоқда.
Хусусан таълим соҳасига қаратилаётган эътибор, айтиш мумкинки ёшларимизнинг тақдири ҳал бўладиган умумий ўрта таълим тизимини янада ривожлантириш, ўқувчиларга замонавий талаблар асосида таълим-тарбия бериш, ўқитувчиларнинг жамиятдаги обрўси ва нуфузини ошириш борасидаги амалга оширилаётган ишлар барчамизни қувонтиради, албатта!.
Ҳурматли Юртбошимиз Шавкат Миромонович Мирзиёевнинг қуйидаги сўзлари халқимизнинг сизларга бўлган юксак ҳурмат-эҳтиром ва эзгу тилакларини ифодалайди: “Сизлар дунёдаги энг бебаҳо бойлик ва боқий меросни яратиш, уни халқимизга, униб-ўсиб келаётган ёш авлодимизга безавол етказиш йўлида чинакам фидойилик кўрсатиб меҳнат қилаётган улуғ инсонларсиз. Бу улкан бойлик – ақл-заковат ва илм, бу ўлмас мерос – яхши тарбиядир”.
Азиз ўқувчи-ёшлар!
Мароқли ёзги таътилдан сўнг янги ўқув йили бошланиб, қўлларида гул, қалбларда ҳаяжон билан севимли мактаблари томон ошиқаётган ўқувчи-ёшларнинг севинчлари чексиз.
Бугун мамлакатимизнинг барча ўқув муассасаларида бўлгани каби Учқудуқ туманидаги 19 та мактабда ҳам биринчи қўнғироқ тадбирлари бўлиб ўтмоқда. “Билимлар куни” муносабати билан ўтказилаётган байрам тадбирлари “Бир бўлсак – ягона халқмиз, бирлашсак – Ватанмиз!” шиори остида ташкил этилмоқда.
Туманимизда 2024-2025 ўқув йилида 867 нафар болажонлар 1 - синфларга қабул қилиниб, уларга “Президент совға”лари тантанали топширилмоқда.
Таъкидлаш жоизки, Учқудуқ туманида ҳам эътибор самараси сифатида тизимдаги педагог ходимларнинг фидокорона меҳнатлари эвазига эътирофли натижалар қайд этилмоқда. Хусусан, сўнгги марта эълон қилинган ҳудудлар ва мактаблар рейтингида Учқудуқ тумани республикада 8 – ўринни, вилоятда эса 3-ўринни эгаллаб турибди.
2023-2024 ўқув йилида туманимиздаги 19 та мактабни 392 нафар йигит-қизларимиз битириб, мустақил ҳаётга йўл олди. Битирувчиларнинг олий таълимга кириш кўрсаткич 80 % ни ташкил этмоқда.
Таълим тизимига қаратилаётган улкан эътибор натижаси ўлароқ Учқудуқ туманида ҳам ўқувчиларнинг сифатли таълим-тарбия олишлари учун янада қулай шарт-шароитлар яратилмоқда. Мактаблар замонавий кўринишга келтирилиб, моддий техник базаси мустаҳкамланмоқда. Жумладан, тумандаги 20 - умумий ўрта таълим мактабида қувватига нисбатан ўқувчилар сонининг ортиши муносабати билан 210 ўринли қўшимча бино капитал таъмирдан чиқарилмоқда. Қарийб, 1,5 млрд. сўм маблағ эвазига барпо этилаётган ушбу ўқув биноси 7 та янги замонавий синф-хоналарда ўқувчи-ёшларни бағрига олади.
Шунингдек, Ўзбекистон Республикасининг ижтимоий ва ишлаб чиқариш инфратузилмасини ривожлантириш чора-тадбирлари тўғрисидаги Президент қарорига асосан, айни кунларда 3 ва 9 сонли мактабда қурилиш ва таъмирлаш ишлари олиб борилмоқда. 14 млрд. сўм маблағ сарфланиб, капитал таъмирдан чиқарилаётган мазкур муассасаларда эртамиз эгаларининг баркамол, комил инсонлар бўлиб вояга етишлари учун барча шарт-шароитлар яратилмоқда.
Бундан ташқари, 7,18 – сонли мактабларда сунъий қопламали спорт майдонининг қурилиш ишлари жадаллик билан олиб борилмоқда.
Азиз ўқувчи ёшлар !
Мен яна бир бор Сизларни бугунги байрам тадбирлари ва янги ўқув йилининг бошланиши билан чин дилдан қутлайман!.
Ҳурматли Президентимиз, устозларингиз ва ота-оналарингиз ишончини оқлаб, келажакда яхши билим кўникмаларини эгаллашингизга ишонаман!.
Сизларга узоқ-умр, сиҳат-саломатлик, ўқишларингизда улкан зафарлар ҳамиша ҳамроҳ бўлишини тилаб қоламан!.
Эътиборларингиз учун рахмат!
Ассалому алайкум азиз юртдошлар!
Қадрли учқудуқликлар!
Авваламбор, Сиз азизларни ва бутун туманимиз аҳлини энг улуғ ва энг азиз байрамимиз – Ўзбекистон Республикаси Дав-лат Мустақиллигининг33 йиллиги билан самимий муборакбод этаман.
Бундан роппа-роса ўттиз уч йил муқад-дам Ўзбекистон ўз мустақиллигини эълон қилди. Бу – бутун халқимизнинг тарихий ютуғи. Зеро, мустақиллигимизнинг жорий йилда “Биз бир бўлсак ягона халқмиз, бирлашсак Ватанмиз!” деган эзгу ғоя асо-сида нишонланиши замирида ҳам юртдош-ларимизнинг Ватанимизга бўлган юксак меҳри ва чексиз фахру ифтихори мужас-самдир.
Сиз, азизларнинг Ватанга меҳр ва садо-қат билан қилаётган ҳар кунлик меҳнатингиз Ўзбекистон мустақиллигини янада мустаҳ-камлашга хизмат қилмоқда. Шу маънода, истиқлол байрами – барчамизнинг байрамимиз, мустақил Ўзбекистон – барчамизнинг фахримиз, ифтихоримиз, десак, айни ҳақиқатни айтган бўламиз.Биз учун янги давр, эркин ва озод ҳаётни бошлаб берган ушбу қутлуғ сана ҳар бир инсон, ҳар бир оила ҳаётида ўз ўрнига эга. Шу боис ҳам бу айёмни ҳар биримиз ўзгача кўтаринкилик ва меҳнатда катта зафарлар билан кутиб оламиз.
Мана шу шукуҳли дамларда иқтисодиётимиз ривожи, халқимиз фаровонлигини ошириш йўлида жонбозлик кўрсатаётган Сиз азизларга барча яхши тилакларимизни билдириб қоламиз.
Қадрли дўстлар!
Ҳурматли Президентимиз Шавкат Миромонович Мирзиёев таъкидлаганлари-дек, истиқлол йилларида эришган ютуқ-ларимизга таяниб, миллий тикланишдан – миллий юксалиш сари дадил қадам қўймоқдамиз. “Ўзбекистон – 2030” стратегияси, “Ёшлар ва бизнесни қўллаб-қувватлаш йили” давлат дастури, “Ҳар бир оила – тадбиркор”, “Ёшлар – келажагимиз”, “Беш ижобий ташаббус” каби муҳим дастур ва режалар доирасида олиб борилаётган туб ислоҳотлар сўнгги йилларда аҳолининг ҳаёт даражаси ва сифатини тубдан юксалтиришда муҳим аҳамият касб этмоқда.
Буни биргина, туманимиз мисолида айтадиган бўлсак, жорий йилнинг
7 ойи давомида саноат маҳсулотларини ишлаб чиқариш ҳажми 286,9 млрд. сўм ёки ўтган йилнинг мос даврига нисбатан 109,8 фоизга, пудрат ишлари 139,1 млрд. сўм ёки 128,0 фоизга, хизматлар ҳажми 240,6 млрд.сўм ёки 110,9 фоизга, чакана савдо айланмаси 358,1 млрд.сўм ёкм 113,4 фоизга, экспорт 928,1 минг АҚШ доллари ёки 141,6 фоизга бажарилди.
Эътиборлиси, аҳоли турмуш шароитини яхшилаш мақсадида 2024 - 2025 йилларда туманимизда 28 та 1261 хонадонли янги уй-жойлар барпо этиляпти. Шундай 6 та 345 хонадонли кўп қаватли уй-жойлар эгаларига топширилди.
Кичик бизнес ва хусусий тадбиркор-ликни ҳар томонлама қўллаб-қувватлаш, уларнинг самарали фаолият кўрсатишлари учун зарур шароитлар яратиш мамлакати-мизда амалга оширилаётган ислоҳотларнинг муҳим йўналишларидан биридир. Бу йўналишда Учқудуқ туманидаги тижорат банклари томонидан 330 та кичик бизнес ва тадбиркорлик субъектларига хом ашё ва айланма маблағлар учун кредит маблағлари ажратилди. 96 та тадбиркорлик субъекти фаолиятини рағбатлантириш ҳамда кенгай-тириш мақсадида 774 млн. сўм, 58 та тадбиркорга эса 6,9 млрд. сўм миқдорида кредитлар ажратилди.
Шундан келиб чиққан ҳолда, аҳоли бандлигини таъминлаш ва оилавий тадбиркорликни ривожлантиришга қара-тилган ижтимоий дастурлар доирасида 255 та оилага 5,6 млрд.сўм имтиёзли кредитлар ажратилди. 75 та кичик бизнес субъекти янгидан ташкил қилиниб, туманда уларнинг сони 1135 тага етказилди. Эътиборлиси, янгидан ташкил этилган кичик бизнес субъектларида 225 та иш ўринлари яратилди.
Ишга туширилган лойиҳалар ва тўғридан-тўғри ўзлаштирилган хорижий инвестициялар ҳисобига бюджетга 1,7 млрд. сўмдан ортиқ қўшимча солиқ ва бошқа мажбурий тўловлар тўлаб берилди. Туманга 6,1 млн. АҚШ доллари миқдорида тўғридан-тўғри хорижий инвестиция жалб қилинди.
Айтиш жоизки, туманимизда Мисрликлар билан ҳамкорликда янги қўшма корхонага асос солинди. Бу “Copper Mining” МЧЖ қўшма корхонаси лойиҳа қиймати 20 млн.АҚШ долларига тенг бўлиб, ушбу корхонада қарийб 50 нафар фуқароларимиз бандлиги таъминланади.
Шунингдек, Вазирлар Маҳкамасининг “Каолин хомашёсидан юқори қўшилган қийматли маҳсулотлар ишлаб чиқаришни янада ривожлантириш чора-тадбирлари тўғриси”даги қарорига асосан “Sifatli Kaolin” МЧЖ томонидан янги лойиҳага қўл урилмоқда. Саноат йўналишида каолинни қайта ишлашга мўлжалланган мазкур лойиҳа қиймати11 млн. АҚШ долларини ташкил этади. 2025 йил якунига қадар тўғридан-тўғри хорижий инвестиция лойиҳасини амалга ошириш орқали 100 дан ортиқ янги иш ўрни яратиш мақсад қилинган.
Ҳурматли тадбир иштирокчилари!
Ўзбекистон Республикасининг ижти-моий ва ишлаб чиқариш инфратузилмасини ривожлантириш чора-тадбирлари тўғри-сидаги Президент қарорига асосан, айни кунларда 3 ва 9 сонли мактабда қурилиш ва таъмирлаш ишлари олиб борилмоқда. 14 млрд. сўм маблағ сарфланиб, капитал таъмирдан чиқарилаётган мазкур муасса-саларда эртамиз эгаларининг баркамол, комил инсонлар бўлиб вояга етишлари учун барча шарт-шароитлар яратилмоқда. Қарийб, 1,5 млрд. сўм пул эвазига 20-мактабнинг қўшимча биносида таъмирлаш ишлари олиб борилмоқда.
Шунингдек, 7,18 – мактабларга сунъий қопламали спорт майдони қуриш ишлари, “Мустақиллик”, “Дўстлик”, “Абай” маҳаллаларида ички йўлларни, “Амир Темур” шохкўчасидан ўтувчи марказий йўлни кенгайтириш, таъмирлаш ва асфальт ётқизиш ишлари якунига етказилмоқда. Туман марказидаги ички йўлларни кенгайтириш ва таъмирлаш ишларига алоҳида эътибор қаратилган бўлиб, бу йўналишда “Ифтихор”, “Йўлчилар”, “На-воий” маҳалларида жами 1 млрд. 33 млн. сўм маблағ эвазига пиёдалар йўлагини қуриш, 65 та кўча ёритиш чироқларини ўрнатиш шунингдек,1 км. узунликда велойўлак қуриш ишлари олиб борилмоқда.
Асосий таянчимиз ва суянчимиз бўлган ёшларга эътибор ва ғамхўрлик кўрсатиш, уларга барча соҳаларда ўз иқтидори ва салоҳиятини тўлиқ намоён этиши учун зарур шароит ва имкониятлар яратиб бериш давлатимиз сиёсатининг устувор йўналиши ҳисобланади.
Туманимиз ёшларининг 114 нафари “Ёшлар дафтари” га киритилган бўлиб ҳозирда уларнинг 100 нафарига турли йўналишларда ёрдам кўрсатилган. Жумладан, 51 нафар талаба-ёшнинг 192 млн. сўм миқдоридаги шартнома пуллари тўлаб берилган бўлса яна 15 нафарига 97 млн. сўм маблағ эвазига асбоб ускуналар субсидия асосида берилди.
“Ёшлар дафтари” жамғармасига йил бошидан буён 499 млн. сўм миқдорда маблағ шакллантирилган бўлиб, шундан 318 млн. сўм маблағ ёшлар муаммоларини ҳал этишга йўналтирилган. Қарийб 133 млн. сўм пул эса ёшлар ўртасида турли спорт мусобақаларини ўтказишга сафрланди.
Ҳурматли Учқудуқликлар!
Олдимизда турган яна бир муҳим вазифа – жамият ҳаётининг барча соҳаларида аёллар учун тенг имкониятлар яратишдир. Шунинг натижаси ўлароқ, “Аёллар дафтари”га киритилган 476 нафар хотин-қизларнинг 437 нафарига амалий ёрдам кўрсатилди. 176 нафар аёллар чуқурлаштирилган тиббий кўрикдан ўтказилди.
Жумладан, 87 нафар хотин-қизларнинг бандлиги таъминланди, 38 нафар тадбиркорлик қилиш истагидаги опа-сингилларимизга кредит ва субсидиялар ажратилди, учинчи, тўртинчи ва олтинчи тоифадаги 333 нафар хотин-қизлардан 261 нафарига жами 417 млн. сўмлик бир марталик моддий ёрдамлар кўрсатилди.
Бугунги кунгача “Аёллар дафтари” га киритилган ижтимоий-тиббий ҳимояга муҳтож хотин-қизлар учун 545 млн. сўмга яқин маблағлар сарфланди.Биз бу йўналишдаги ишларимизни бундан кейин ҳам изчил давом эттирамиз.
Ҳурматли тадбир иштирокчилари!
Кончилик – машаққатли шу билан бирга шарафли касблардан бири. Туманимиздаги ишга лаёқатли аҳолининг қарийб, 80 фоизи шу йўналишда меҳнат қилишади. Мураккаб иш ва иқлим шароитида фидокорона меҳнат қилиб келаётган кончилар, металлурглар геолог ва муҳандислар, қурувчилар оддий ишчи-хизматчилар қўйингки, барчалари қазилма бойликларни қидиришдан бошлаб, маъданларни қазиб олиш, қайта ишлаш, тайёр маҳсулот ишлаб чиқаришгача бўлган жараённи юксак маҳорат билан уддалаб келмоқдалар.Сизнинг заҳматли меҳнатингиз туфайли ризқ-рўз ундирилмоқда. Ана шундай машаққатли аммо шарафли ишларингизда улкан муваафақиятлар тилайман!
Дарҳақиқат, ҳудудда юз бераётган ўзгаришлар, бунёдкорлик жараёнларининг бугунги суръати тумандошларимизни янги марралар сари руҳлантирмоқда. Ислоҳотлар самарасини ўз тақдирида, кундалик ҳаётида кўраётган ҳар бир тумандошимиз қалбида бугунидан рози бўлиш, эртанги кунга мустаҳкам ишонч туйғуси мужассам.
Бундан кейин ҳам халқ манфаати, одамларни ҳаётдан рози қилиш – доимо фаолиятимизнинг асосий мезони бўлиб қолаверади.
Сўзимнинг якунида, барчангизга мустаҳкам соғлиқ, узоқ умр, юртимиз равнақи йўлидаги эзгу ишларингизда улкан муваффақиятлар тилайман.
Юртимиз тинч ва фаровон, меҳнаткаш ва бағрикенг халқимиз доимо соғ-омон, осмонимиз мусаффо бўлсин!
Мустақиллигимиз абадий бўлсин!
Эътиборингиз учун раҳмат!
Ассалому алайкум ҳурматли учқудуқликлар!
Қадрли дўстлар!
Сиз, азизларни, бутун Учқудуқ тумани аҳолисини мамлакатимизда тўртинчи йил нишонланаётган байрам – “Халқлар дўстлиги” куни билан чин қалбимдан, самимий муборакбод этаман.
Маълумки, Бирлашган Миллатлар Ташкилоти Бош Ассамблеясининг қарорига мувофиқ, 30 июль – бутун дунёда Халқаро дўстлик куни сифатида нишонланиб келинади. Ўзбекистонда 2021 йил 10 февралда қабул қилинган қонунга асосан ушбу сана “Халқлар дўстлиги” куни деб белгиланди. Бу байрамнинг таъсис этилиши бутун республикамиз аҳолисининг айни кўнглидаги иш бўлди.
Дарҳақиқат, инсон ҳаётини безайдиган, унга маъно ва мазмун бағишлайдиган, унинг яхши кунида қувончига қувонч, шодлигига шодлик қўшиб, ёмон кунида эса суянч тоғи бўладиган мўъжиза бу – дўстликдир!
Халқлар ўртасидаги дўстлик эса кимнингдир иродаси билан эмас, балки ҳаёт тақозоси билан юзага келади. Дўстлик масофа танламайди, тил, дин ёки ирқ билан чегараланмайди. У нафақат инсонларни, шунингдек халқларни ва давлатларни ҳам ўзаро ҳурмат, ишонч асосида бирлаштиради.
Аслини олганда, дўстга садоқат, бирдамлик каби эзгу туйғулар халқимиз орасида қадрият даражасига кўтарилган. Азал-азалдан ота-боболаримизнинг ўгитларида, мақол ва ҳикоятларда, шунингдек шоиру донишмандларимизнинг асарларида дўстлик туйғуси улуғланган, таъбир жоиз бўлса, бундай дунёқараш асрлар давомида қон-қонимизга сингиб кетган.
Ҳурматли Президентимиз Ш.М.Мирзиёев таъкидлаганларидек, “Ўзбекистон – улкан имконият ва ресурсларга эга бўлган мамлакат. Лекин бизнинг энг катта бойлигимиз – турли миллат ва конфессиялар вакиллари ўртасидаги тинчлик ва барқарорлик, ўзаро ҳурмат ва ҳамжиҳатликдир”.
Бугунги кунда мамлакатимизда 130 дан зиёд миллат ва элат вакиллари ягона ва аҳил оила бўлиб яшаётгани барчамизни қувонтиради. Улар барча соҳа ва тармоқларда фидокорона меҳнат қилиб, жонажон Ўзбекистонимизнинг равнақи ва гуллаб-яшнашига муносиб ҳисса қўшмоқдалар.
Юртимизда 16 та конфессияга мансуб диний ташкилотлар ўз фаолиятини эркин амалга оширмоқда. Мамлакатимизда миллатлараро муносабатларни янада уйғунлаштиришда 150 та миллий маданий марказ катта роль ўйнамоқда. Давлат таълим муассасаларида ўқув ишлари 7 тилда олиб борилмоқда, Ўзбекистон Миллий телерадиокомпанияси ўз кўрсатув ва эшиттиришларини 2 тилда бериб бормоқда.
Жумладан, Учқудуқ туманида ҳам 30 га яқин турли миллат ва элат тинч-тотув ҳамжиҳатликда истиқомат қилади. Таълим 3 тилда, “Учқудуқ” газетаси фаолияти 3 тилда олиб борилади.
Биз барчамиз туманимизда яшаб, Ватанимиз тараққиёти йўлида фидокорона меҳнат қилаётган турли миллат ва элат вакиллари, жумладан, миллий маданий марказларнинг раҳбарлари ва фаолларини яхши биламиз ва юксак қадрлаймиз.
Бу ҳақда сўз юритганда, “Рус миллий-маданий марказ”и раҳбари Колеватова Татьяна Андреевна, Шимолий кон бошқармаси ахборот-коммуникация технологиялари маркази муҳандис - дастурчиси Александр Халтуринский, “Ануш” хусусий корхонаси раҳбари Габриелян Роскир Абрамович, фахрийларимиздан Керуенбаев Абдулла Молдабаевич, Пардаева Гуласар Пардаевна каби ёш авлодимизга ўрнак бўлиб келаётган жамоатчилик вакилларининг номларини алоҳида тилга олишни истардим.
Ҳурматли тадбир иштирокчилари!
Бугунги мураккаб замонда дунёнинг турли минтақаларида миллатлар ва конфессиялар ўртасида кескинлик кучайиб бормоқда. Бундай таҳликали шароитда биз биринчи навбатда жамиятимиздаги тинчлик, барқарорлик ва фуқаролараро тотувликни кўз қорачиғидек асраб-авайлашимиз, фарзандларимизни кўпмиллатли халқимизнинг юксак маънавий-ахлоқий қадриятлари руҳида тарбиялашимиз зарур.
Ҳурматли дўстлар, барчангизни яна бир бор “Халқлар дўстлиги” куни билан табриклайман.
Ишончим комилки, ушбу байрам юртдошларимиз қалбида мустаҳкам ўрин эгаллайди ва ҳаётимизда эзгу анъанага айланади.
Барчангизга сиҳат-саломатлик, ютуқ ва омад, оилаларингизга тинчлик ва фаровонлик тилайман.
Гўзал ва бетакрор юртимизда доимо тинчлик ва осойишталик ҳукм сурсин, кўпмиллатли Ўзбекистонимиз халқига бахту саодат ёр бўлсин!
Эътиборингиз учун рахмат!
Ассалаумағалейкум, қымбатты Үшқұдықтықтар!
Құрметті достар!
Сіздерді, барша Үшқұдық ауданының тұрғындарын елімізде төртінші жыл тойланып жатқан «Халықтар достығы» мерекесімен шын жүректен құттықтаймын. Біріккен Ұлттар Ұйымы Бас Ассамблеясының шешіміне сәйкес 30 шілде бүкіл әлемде Халықаралық достық күні ретінде аталып өтетіні белгілі. Өзбекстанда 2021 жылдың 10 ақпанында қабылданған заңға сәйкес бұл күн «Халықтар достығы» күні болып белгіленді.
Бұл мерекенің белгіленуі республикамыздың барша тұрғындарын толғандырған мәселе болды. Расында да, достық – адам өмірін көркейтетін, мән-мағынасын арттыратын, жақсы күні қуанышқа шаттық, қуанышына шаттық қосатын, жаман күнде тірегі болатын ғажап!
Құрметті Президентіміз Ш.М.Мирзиёев атап өткендей, «Өзбекстан – үлкен мүмкіндік жәнересурстары бар ел. Бірақ біздің ең үлкен байлығымыз – татулық пен тұрақтылық, түрлі ұлт пен конфессия өкілдерінің өзара сыйластығы мен ынтымағы. Бүгінде елімізде 130-дан астам ұлт пен ұлыстың өкілдері біртұтас, ынтымағы жарасқан отбасы болып өмір сүруі баршамызды қуантады. Олар барлық салаларда, салаларда аянбай еңбек етіп, сүйікті Өзбекстанымыздың дамуы мен гүлденуіне лайықты үлестерін қосуда. Еліміздегі 16 конфессияға жататын діни ұйымдарz өз қызметін еркін орындауда. Еліміздегі этносаралық қарым-қатынастарды одан әрі үйлестіруде 150 ұлттық мәдени орталықтың рөлі зор. Мемлекеттік оқу орындарында тәрбие жұмыстары 7 тілде жүргізілсе, Өзбекстан Ұлттық телерадиокомпаниясы 2 тілде хабар таратады. Атап айтқанда, Үшқұдық ауданында 30-ға жуық түрлі ұлт пен ұлыс өкілдері тату-тәтті өмір сүріп жатыр. Оқу 3 тілде, «Үшқұдық» газеті 3 тілде жүргізіледі. Біз бәрімізАуданымызда тұрып жатқан, еліміздің дамуы жолында аянбай еңбек етіп жүрген түрлі ұлт пен ұлыс өкілдерін, оның ішінде ұлттық мәдени орталықтардың жетекшілері мен белсенділерін жақсы білеміз және жоғары бағалаймыз.
Құрметті достар!
Баршаңызды халықтар достығы күнімен тағы да құттықтаймын. Бұл мереке жерлестеріміздің жүрегінен берік орын алып, өмірімізде игі дәстүрге айналатынына сенімдімін. Баршаңызға зор денсаулық, табыс пен сәттілік, отбасыларыңызға тыныштық пен береке тілеймін. Әсем де бірегей елімізде әрқашан бейбітшілік пен тыныштық, көп ұлтты Өзбекстан халқына бақыт пен гүлдену болсын!
Назар аударғаныңызға рақмет!
Ассалому алайкум қадрли ёшлар, азиз ўғил-қизларим!
Ҳурматли тадбир иштирокчилари!
Сизларни ва сизнинг тимсолингизда барча учқудуқлик ёшларни тобора яқинлашиб келаётган 30 июнь – Ёшлар куни байрами билан самимий муборакбод этаман!
Учқудуқ туманининг ғайрати баланд, интилувчан ўғил-қизларимиз иштирокида “Янги Ўзбекистон ёшлари, бирлашай-лик!” шиори остида ўтказилган барча тадбирлар ёшларимиз учун етуклик ва ҳақиқий ватанпарварлик кўриги бўлди, десак тўғри бўлади.
Янги Ўзбекистонни барпо этишга қаратилган умумхалқ ҳаракати сафларида сиз, азиз ёшларимизнинг қудратли куч бўлиб майдонга чиқаётганингиз таҳсинга сазовор, албатта.
Ҳурматли Юртбошимиз ташаббуслари билан бугун ҳаётимизнинг қайси соҳа ва тармоғини олмайлик, ёшларга эътибор ва ғамхўрлик асосий ўринга кўтарилиб, уларга зарур шароит ва имкониятлар яратиб берилмоқда. Эртамиз эгалари бўлган ёшлар билан ишлашнинг мутлақо янги тизими – “Ёшлар дафтари” ва “Ёшлар дастурлари” ҳаётга татбиқ этилмоқда.
Олиб борилган амалий ишлар натижасида ўтган 6 ой мобайнида “Ёшлар дафтари”га кирган 87 нафар йигит-қизнинг муаммоларини ҳал этиш учун 452 млн. 391 минг сўм маблағ йўналтирилди. 54 нафар талабанинг 169 млн. 687 минг сўм миқдоридаги контракт пули, 6 нафар йигитнинг 36 млн. 903 минг сўм миқдоридаги сафарбарлик чақируви резерви учун белгиланган бадал пуллари тўлаб берилди. 11 нафар ёшларга 73 млн. сўм миқдорида субсидия маблағлари ажратилиб, меҳнат қуроллари олиб берилди.
Шу билан бирга, 28 нафар ўғил-қизларнинг тадбиркорлик лойиҳалари учун, 1,2 млрд. сўм имтиёзли кредитлар ажратилди. “Ёшлар саноат ва тадбиркорлик зонаси”даги 6 та лойиҳа доирасида ёшларимиз учун 32 та янги иш ўринлари яратилди.
Қолаверса, туман марказидаги “Олтин кўл”, “Орзу” истироҳат боғи, “КЕLАJАК” ёшлар маркази, IТ маркази ва ўнлаб спорт иношотлари бугун ёшлар ихтиёрига берилган.
Жорий ўқув йилида туманимиздаги умумий ўрта таълим мактаблари, касб-ҳунар мактаби ва саноат техникумини 757 нафар ёшлар тамомлаб, мустақил ҳаётга қадам қўймоқда. Шу боис ёшларнинг бандлигини таъминлаш фаолиятимизнинг энг устувор йўналишларидан бири бўлиб қолади. Бу йўналишда ҳар бир маҳалла кесимида қанча ёшларни касб-ҳунарга ўқитиш, қанчасини иш билан таъминлаш, нечта тадбиркорлик лойиҳасини амалга ошириш белгилаб олинади.
Шунингдек, барча учун таълим кредити имтиёзли шартларда 7 йил муддатга, Марказий банкнинг асосий ставкасида, ажратилади. Бунга қўшимча равишда, таълим кредитларини қоплаш учун йўналтирилган маблағлар даромад солиғидан ҳам озод қилинган.
Бундан ташқари, “Дафтарлар”га кирган оилаларнинг янги турмуш қураётган фарзандларига ўз хонадонида қўшимча уй-жой тиклаб олиши учун 33 миллион сўмгача гаровсиз кредит ажратиш тизими йўлга қўйилди.
Қадрли ёшлар!
Бугун шу юксак минбардан туриб, туманимизда ёшликка хос шижоат, жўшқинлик ва орзу-интилишларни амалий ҳаракатга айлантириб, салмоқли натижаларга эришаётган ёшлар кўпчиликни ташкил этишини таъкидламоқчиман.
Жорий ўқув йилини 392 нафар битирувчи тугатаётган бўлса, уларнинг 143 нафари муддатидан олдин талаба бўлди. 11-синф битирувчиларнинг сафларида 15 нафари олтин медаль, 1 нафари кумуш медаль билан мактабни тамомлаётган ўқувчиларнинг борлиги, зукко ва билимдон фарзандларимиз билан ҳар қанча фахрлансак арзийди.
Шунингдек, 9-мактабнинг 11-синф ўқувчиси Альбина Жамаладинова фан олимпидасининг республика босқичида қозоқ тили ва адабиёти фанидан фахрли 2-ўринни эгаллаганлиги туманимизда билимли ва салоҳиятли ёшларнинг кўплигидан далолат беради, албатта!
Фурсатдан фойдаланиб, мактабни олтин ва кумуш медаллар билан тугатаётган битирувчиларнинг ана шундай ютуқларга эришишига катта ҳисса қўшган жонкуяр ота-оналарига, заҳматкаш устоз ва мураббийларига ҳам ўзимнинг самимий миннатдор-чилигимни билдираман.
Шу ўринда туман ёшларининг спортда қўлга киритаётган ютуқларини ҳам эътироф этиб ўтиш ўринли. Куни-кеча Қозоғистон Республикасининг Ақтау шаҳрида самбо бўйича ёшлар, ўсмирлар, кадетлар ва спорт усталари ўртасида Осиё чемпионати бўлиб ўтди. Мазкур нуфузли мусобақада туманимиздаги 18-сонли ва 10-сонли мактаб ўқувчилари, “Лочин” спорт мажмуаси тарбияланувчилари Гулина ва Гуласал Облоқулова ҳамда Асал Шавкатовалар 65 кг. вазн тоифасида кумуш медални қўлга киритишди. Бу муваффақият жорий йил октябрь ойида Кипр давлатида бўлиб ўтадиган Жаҳон чемпионатида қатнашиш ҳуқуқини беради.
Яна бир эътиборли жиҳат, Гуласал Облоқулованинг спортда эришган ютуқлари инобатга олиниб, Ёшлар сиёсати ва спорт вазирлиги томонидан “спорт устаси” мақоми берилди. Спортчи қизимиз олий таълим муассасасига киришда ижодий имтиҳондан озод этилади ва спорт йўналишида талабаликка қабул қилинади.
Ҳурматли тадбир иштирокчилари!
Хабарингиз бор, ҳурматли Президентимиз томонидан илгари сурилган “Беш ташаббус олимпиадаси” нинг 2024 йил мавсуми мусобақаларига март ойида старт берилганди. Шу давр мобайнида маҳалла, сектор, туман ҳамда вилоят босқичлари ўтказиб келинмоқда. Ушбу олимпиада доирасида бўлиб ўтаётган беллашувларда Учқудуқ туман ёшлари ҳам фаол иштирок этишмоқда.
Хусусан, олимпиада доирасидаги “Бўзатов-ФЕСТ” ёшлар овози танловининг вилоят босқичида “Дўстлик” маҳалласи ёшларидан Севинч Эшмаматова мақом йўналишида фахрли 1-ўринни эгаллаб, Республика босқичида фаол иштирок этди. Артур Тайирбаев эса опера йўналишида фахрли 3-ўринни, эстрада йўналишида Бақытбек Тoйлибаев фахрли 3-ўринни қўлга киритишди.
Айни кунларда давом этаётган олимпиаданинг вилоят босқичи спорт мусобақларида Учқудуқ ёшлари ҳам фаол иштирок этиб, ўз иқтидорларини намойиш этмоқда.
Азиз ёшлар!
Бутун дунёда глобаллашув жараёни изчил давом этаётган шу синовли кунларда ўз ақл-заковати, мустақил фикри билан ўзининг кимлигини, қандай буюк зотларнинг авлоди эканини чуқур англаб етган, ён-атрофидаги воқеаларга дахлдорлик туйғуси билан яшаётган баркамол ёшларимиз қалбимизга ҳамиша чексиз фахру ифтихор бағишлайди.
Улар сафида бугун бепоён Қизилқум саҳроси бағрида камол топаётган, билим эгаллаётган, биз билан ёнма-ён меҳнат қилаётган шижоатли, матонатли чорвадор-у, кончиларнинг ёш авлод вакиллари ҳам борлиги қувонарлидир.
Зеро, бугун ёнимизда шундай шижоатли ёшлар кўплаб топилади. Ана шундай кўзи ёниб турган, замонавий фикрлайдиган, илм-фан сирларини пухта эгаллаган издошларимиз етишиб келаётганидан ғурурланамиз.
Шу ўринда, эътиборларингизни қуйидаги рақамларга жалб этмоқчиман. Статистик маълумотларга қараганда, ҳозирда дунё аҳолисининг 20 фоизини, жонажон юртимизда эса аҳолининг 60 фоизини, туманимизда эса 63 фоизини ёшлар ташкил этади. Бу ўз-ўзидан Ўзбекистон ҳақиқий ёшлар мамлакати ва улар етакчи куч эканлигини тасдиқлайди.
Бир сўз билан айтганда, юртимизнинг ёрқин келажаги ва халқимизнинг умиду ишончи Сиз қора кўзларимизга боғлиқ. Ўз навбатида, келажагимиз эгалари ҳам яратилаётган кенг имкониятлардан фойдаланган ҳолда, мукаммал билим олиш ва касб-ҳунар эгаллаш, шунингдек, халқимизнинг орзу-истакларини амалий ишлар билан рўёбга чиқаришни ўз олдига мақсад қилиб қўйишлари лозим.
Ҳурматли Юртбошимиз Шавкат Миромонович Мирзиёев таъкидлаганларидек: “Сизлар том маънода юртимиз истиқболи, ёруғ келажагимиз бунёдкорисиз! Машҳур шоиримиз Эркин Воҳидов айтанидек, ёшликдаги куч-ғайратни эл-юртига бахш этган йигит-қиздан Ватан ҳам, халқ ҳам, ёшликнинг ўзи ҳам рози бўлади”!
Барчангизни ана шундай улкан бахт ва шараф насиб этсин! Ишонаманки, Сиздай шижоатли, ғайратли, ватанпарвар ёшларимиз бор экан, юкимиз ҳеч қачон ерда қолмайди. Кўзлаган юксак марраларимизни дадиллик билан забт этаверамиз!
Азиз ёшлар, Сизларни яна бир бор бугунги байрам - ёшлик, шижоат, куч-қудрат ва матонат айёми билан, чин қалбимдан муборакбод этаман!
Ўқиш ва ишларингизда, оилавий ҳаётингизда улкан муваффа-қияттар тилайман!
Парвозингиз, интилишларингиз бундан ҳам сарбаланд бўлаверсин!
Юртимиз тинч, халқимиз соғ-саломат, эзгу ниятларимиз ижобат бўлсин.
Эътиборингиз учун рахмат!
Uchquduq tuman hokimi Xamroyev Soli Farmonovichning 1 iyun – Xalqaro bolalarni himoya qilish kuni munosabati bilan yo‘llagan tabrigi
Qadrli farzandlarim, aziz o‘g‘il-qizlarim!
Bolalik inson umrining go‘zal va beg‘ubor fasli, ulkan orzu-umidlar, beqiyos imkoniyatlar davri. Shuni chuqur his etgan holda Siz, navnihol farzandlarimizga eng ezgu tilaklarimni izhor etaman. Shu fursatda foydalanib, Sizlar hayotimiz mazmuni, ertangi kundan umidimiz va orzularimiz ro‘yobi ekanligingizni ta’kidlab, 1 iyun – Xalqaro bolalarni himoya qilish kuni chin qalbimdan tabriklayman!
Taraqqiyparvar davlatlar hayotidan mustahkam o‘rin egallagan bu bayram davlatimiz, xalqimiz o‘z farzandlarining baxti va kamoli uchun hech narsani ayamasligini, mamlakatimiz yoshlari ham Vatanimiz ravnaqi uchun xizmat qilishni o‘z hayotining mazmuni deb bilishini yaqqol ifoda etmoqda.
Haqiqatan ham, bu dunyonining barcha quvonchi bir bola ko‘zida xalqalangan bir tomchi yosh, barcha qayg‘usi bir go‘dak labidagi nim tabassumga arzimaydi. Shu sababdan ham statistik ma’lumotlarning aksariyati bolalarga nisbatan olinib, “jumladan falon foyizi bolalar” iborasiga tez-tez duch kelamiz. Boshqacharoq ifodalasak bugun dunyoda 1 milliardga yaqin odam och-nahor kun kechirayotgan bo‘lsa shuning 25 foyizini bolalar tashkil etadi. Yoki odam savdosidek jirkanch illatdan har yili o‘n millionga yaqin bola jabr ko‘rmoqda. Bunday raqamlarni yana ko‘plab keltirishimiz mumkin.Xulosa shuki bola Yer yuzida aholining himoyaga muhtoj qatlami. Ayni chog‘da u hayot abadiyligining tantanasi. Unga bo‘lgan e’tibor, g‘amxo‘rlik va rag‘bat ertangi kun, o‘z kelajagimizga bo‘lgan e’tibor demakdir.
Aziz bolajonlar!
Sizlarni yana bir bor Xalqaro bolalarni himoya qilish kuni bilan qutlab, mustahkam sog‘liq tilayman! Yozgi ta’tillaringiz maroqli va yorqin xotiralarga boy o‘tsin!
E’tiboringiz uchun raxmat!
Assalomu alaykum, muhtaram ustoz va murabbiylar, qadrli do‘stlar, va aziz bitiruvchi yoshlar!
Mana, bugun yurtimizdagi barcha umumiy o‘rta ta’lim maktablarida 2023-2024 o‘quv yili ham nihoyasiga yetib, yana bir yilga ulg‘aydingiz. Kechagina jajji qadamlari bilan otasi yoki onasi hamrohligida maktab ostonasiga kirib kelgan bolajonlarimiz, bugun shaxdam qadam tashlaydigan, o‘z oldiga maqsad qo‘ygan o‘quvchiga aylandi.
Bugungi “Ilm – saodat kaliti” shiori ostida o‘tkazilayotgan “So‘ngi qo‘ng‘iroq” tadbirlarida, Siz aziz o‘quvchilarni va shu muqaddas dargohda qo‘limizga qog‘oz-qalam tutqazib, yozuv-chizuvni o‘rgatgan, ming-minglab murg‘ak qalblarga ezgulik yog‘dusini baxsh etgan, o‘z o‘quvchilariga, haqiqatdan ham, hayot maktabini beradigan mo‘tabar ustozlarimizni va barchangizni o‘zim nomimdan va tuman hokimligi nomidan samimiy muborakbod etaman!
Hurmatli maktab bitiruvchilari!
Siz hayotingizda eng muhim qadamlarni boshlash arafasidasiz. Shu vaqtgacha qadrdon maktabdagi ustozlaringiz va do‘stlaringiz bilan o‘tkazgan kundalik turmush tarzingiz o‘rniga yangi hayot, ajoyib taassurotlar va tajribalar olamiga safaringiz boshlanmoqda.
Hozirda ko‘pchiligingiz asosiy vaqtingizni oliy ta’lim muassasalariga kirish uchun tayyorgarlikka qaratmoqdasiz va bu yo‘lda barchangizga omad tilab qolaman! Inson muvaffaqiyatining ko‘pi bilan 10 foizi omadga va tashqi omillarga, qolgan 90 foizi esa aynan o‘ziga bog‘liq ekanligi uchun oldingizga yuqori maqsadlar qo‘yib, o‘z kuchingizga ishonib tinmay harakat qilishingiz zarur!
Eng asosiysi, vaqtingizni behuda o‘tkazmang! Vaqt — hayotingizdagi eng qimmatbaho resurs hisoblanadi. Vaqtingizni doim o‘zingiz, oilangiz va jamiyatga foyda keltirish uchun sarf qiling hamda mamlakatimiz nufuzini oshirishga o‘z hissangizni qo‘shing!
Mustaqil hayotga qadam qo‘yishni boshlar ekansiz, sizning kelgusi faoliyatingizga muvaffaqiyatlar tilayman!
Aziz o‘quvchi yoshlar!
Siz Vatanimizning ertangi kelajagi, yurtimiz nomini dunyoga tanitguvchi ishonchimizsiz! Shunday ekan Prezidentimiz Shavkat Mirziyoyevning “Dunyoda eng katta boylik-yoshlikda olingan bilim va egallangan kasb-hunardir”, “Yoshlar – kelajagimiz poydevori” degan so‘zlari va Siz yoshlarga bo‘lgan katta ishonchini oqlab, nafaqat tumanimiz, butun respublikamizni ham dunyoga tanitadigan shijoatli, bilimli, har tomonlama yetuk yoshlar bo‘lib yetishasiz degan umiddaman.
Qadrli o‘qituvchi va murabbiylar, ota-onalar!
Joriy o‘quv yilida tumanimizdagi 13 ta ta’lim muassasasidan 392 nafar bitiruvchi mustaqil hayotga qadam qo‘ydi. Ularning 15 nafari oltin 1 nafari esa maktabni kumush medal bilan maktabni tamomlagan bo‘lsa, 143 nafari muddatidan oldin talabalikka qabul qilinganligini ta’kidlashni istardim.
Shuningdek, xorijiy davlatlarning OTM lariga o‘qishga qabul qiligan o‘quvchilar soni 21 nafar, xorijiy davlatlarning O‘zbekistondagi filiallariga kirganlar soni 122 nafar, xalqaro sertifikatlarni qo‘lga kiritganlar soni 19 nafar, milliy sertifikatlarni qo‘lga kiritganlar soni 120 nafarni tashkil etadi. E’tiroflisi, 9-maktabning 11-sinf bitiruvchisi Albina Jamaladdinova fan olimpiadasi g‘olibi imtiyoziga ega bo‘ldi.
Bundan tashqari, 11-sinf bitiruvchilarining barchasi qisqa kasbga yo‘naltiruvchi kurslarda tahsil olib, sertifikatlarni qo‘lga kiritishdi.
Bitiruvchi o‘g‘il-qizlarimizning bu kabi yutuqlarida Siz ota-onalar va ustozlarning hissasi beqiyos, albatta!
Ayni damda o‘quvchilarimizning oldida yakuniy imtihonlar va oliy o‘quv yurtiga kirish imtihonlari turibdi. Hech shubhasiz, ularning mustaqil hayot bo‘sag‘asida nurli manzillarni katta dovonlarni zabt etishlarida yana Sizning har tomonlama qo‘llb-quvvatlashingiz juda muhim hisoblanadi.
Aziz bitiruvchilar!
Bugun sizlarning hayotingizda eng quvonchli kun. 11 yil mobaynida bir partada yonma-yon o‘tirgan, bir oila a’zolaridek bo‘lib qolgan sinfdoshlarning har biri ertadan boshlab o‘zining shaxsiy hayotini qurishga kirishadi. Kimdir tahsilni oliy o‘quv yurtida davom ettirsa, yana kimdir halol mehnati bilan oilasiga qanot bo‘ladi.Qayerda bo‘lmang, maktab partasida olgan bilimlaringiz sizga qo‘l kelishiga, kelgusida ularni yanada mustahkamlab borishingizga umid qilaman. Vatanimiz rivoji uchun o‘z hissangizni qo‘shishingizga aminman.
Barchangizga sihat-salomatlik, ish va o‘qishlaringizda kattadan-katta muvaffaqiyatlar yor bo‘lishini tilayman!
Maktab dargohidagi so‘nggi, mustaqil hayot yo‘lingizdagi ilk qo‘ng‘irog‘ingiz muborak bo‘lsin!
Mustaqil hayotdagi qadamlaringiz qutlug‘ va barakali bo‘lsin, aziz o‘g‘il-qizlarim.
E’tiboringiz uchun raxmat!
Assalomu alaykum aziz uchquduq-liklar!
Hurmatli soha fidoiylari!
Mamlakatimizda may oyining uchinchi yakshanbasida, O‘zbekiston Respublikasi kon-chilik va metallurgiya sanoati xodimlari kuni sifatida keng nishonlanmoqda.
Shu munosabat bilan ko‘p ming sonli Navoiy kon metallurgiya kombinati hamda Shimoliy kon boshqarmasi tasarrufidagi mehnat jamoalarini, u yerda fidoiylarcha mehnat qilayotgan soha xodimlarini kasb bayrami bilan chin qalbimdan samimiy muborakbod etaman!
Darhaqiqat, konchilik – mashaqqatli shu bilan birga sharafli kasblardan biri. Murakkab ish va iqlim sharoitlarida fidokorona mehnat qilib kelayotgan ishchi-xizmatchilar, geolog va muhandislar, quruvchilar, qo‘yingki barchalari qazilma boyliklarni qidirishdan boshlab, ma’dan-larni qazib olish, qayta ishlash, tayyor mah-sulot ishlab chiqarishgacha bo‘lgan jarayonni yuksak mahorat bilan uddalab kelmoqdalar.
Aytish joizki, mamlakatimizda konchi-lar va metallurgiya sanoati xodimlariga berilayotgan e’tibor va g‘amxo‘rlik tufayli soha fidoiylari oldiga qo‘yilgan vazifa-larni yuqori darajada bajarishda kuch va madad bo‘lmoqda.
Hurmatli tadbir ishtirokchilari!
Bugun Navoiy kon-metallurgiya kombinati turdosh korxonalar ichida jahonda yetakchi o‘rinlarda turadigan eng yirik sanoat korxonalaridan biriga aylangan. Oltin qazib olish bo‘yicha respublikamiz Mustaqil Davlatlar Hamdo‘stligi mamlakatlari orasida ikkin-chi, aholi jon boshiga to‘g‘ri keladigan oltin bo‘yicha esa birinchi o‘rinni egallaydi.
Qizilqum hududida aniqlangan qimmat-baho qazilma boyliklar zaxirasining 85 foizi Navoiy kon-metallurgiya kombinati hissasiga to‘g‘ri keladi. Shu bois, kombi-natni haqli ravishda mamlakatimiz tog‘-kon sanoatining bayroqdori, deyish mumkin.
Bugun mamlakat kon metallurgiya sano-atining peshqadamlaridan biri bo‘lgan Navoiy kon-metallurgiya kombinatiga beshik vazifasini o‘tagan – Uchquduq bilan har qancha faxrlansak, har qancha g‘ururlansak, arziydi.
Aziz uchquduqliklar!
Hozirgi shiddatkor zamonda yuqori texnologiyalarga asoslangan ishlab chiqarish rivojlanib, global raqobat kuchaymoqda. Buning natijasida, har bir sohada innovasion texnologiyalarga asoslangan yangiliklar yaratish hayotiy zaruratga aylanmoqda. Mazkur yo‘nalishda amalga oshirilgan ishlarga to‘xtaladigan bo‘lsak, joriy yilda 3-gidrometallurgiya zavodida yiliga 2 million tonna ma’danni qayta ishlash quvvatiga ega 2 ta yangi tegirmon bloki barpo etilmoqda. Yangi tegirmon bloklarining ishga tushirilishi bilan aholi uchun yangi ish o‘rinlari yaratiladi. E’tiborlisi, korxonada ma’danni qayta ishlash hajmini 10 million tonnaga yetkazish, yarim tayyor mahsulot ishlab chiqarishni 12 foizga oshirish imkonini beradi.
Shuningdek, “Daugiztau” konida davriy uzluksiz texnologiyasi majmuasi magistral konveyeri 2,2 kilometrga uzaytirildi. Natijada og‘ir yuk tashuvchi avtoag‘dargich-larning dizel yoqilg‘isi, moy mahsulotlari, avtoshina va boshqa turdagi tovar-moddiy boyliklar ortiqcha sarfining oldi olinmoqda.
Bundan tashqari, “Adjibugut” konida sanoat maydoni infratuzilmasi, xodimlar uchun dam olish xonalari foydalanishga berildi. Hozirda “Daugiztau” kar’yerini kengaytirish ishlari olib borilmoqda.
Yana shuni alohida ta’kidlash joizki, avvallari, yer osti boyliklarini qazib olish bazasi hisoblangan ushbu hudud ayni paytda yirik sanoat markaziga aylanib bormoqda. Katta-kichik ishlab chiqarish korxonalari, zamonaviy maishiy xizmat ko‘rsatish majmualari barpo etilmoqda. Eng muhimi, insonlar istiqlol islohotlari mohiyatini teran anglagan holda, ezgu ishlarga o‘z hissalarini qo‘shmoqdalar.
Aziz hamkasblar!
Bugun do‘stlikning namunasi amalda o‘z isbotini topgan jamoa ahli mamlakat istiqlolini mustahkamlash yo‘lida bor bilim va salohiyatini safarbar qilgan holda mehnat qilmoqdalar. Ana shunday samarali mehnatingizga qut-baraka, oilala-ringizga sog‘lik-salomatlik tilayman!
Uchquduq oltini jonajon Vatanimizning gullab-yashnashi va yorqin kelajagining bir garovi bo‘lib uzoq yillar xizmat qilaver-sin!
Bayramingiz yana bir bor muborak bo‘lsin, aziz soha xodimlari!
Yurtimiz tinch, istiqlolimiz abadiy bo‘lsin!
E’tiboringiz uchun raxmat!
Uchquduq tuman hokimi Xamroyev Soli Farmonovichning 9-may – Xotira va qadrlash kuni munosabati bilan “Xotira” xiyobonida o‘tkazilgan bayram tadbirida so‘zlagan nutqi
Assalomu alaykum muhtaram faxriylar!
Hurmatli tumandoshlar!
Avvalo barchangizni va albatta Vatan ozodligi, yurtimiz tinchligi uchun mehnat frontida fidoyilik ko‘rsatgan tabarruk nuroniylarimizni - Xotira va qadrlash kuni hamda Ikkinchi jahon urushida qozonilgan g‘alabaning 79 yilligi bilan tumanimiz faollari hamda keng jamoatchiligi nomidan samimiy qutlayman.
Bugun barchamiz avvalo buyuk Gʻalabaga beqiyos hissa qo‘shgan, mana shu yorug‘ kunlarga yetib kelolmagan aziz insonlarni yod etamiz, ularning xotirasi, pok ruhlari oldida ta’zim qilamiz. Shafqatsiz urushdan keyingi tiklanish yillarida mashaqqat bilan mehnat qilgan barcha faxriylarimizga yuksak hurmat va ehtirom, chuqur minnatdorlik bildiramiz.
Ta’kidlash joizki, yurtimizda Ikkinchi jahon urushi talofatlaridan jabr ko‘rmagan, qirg‘inbarot janglarda yaqinlaridan ayril-magan bironta xonadon, oilani topish qiyin. Shu paytgacha O‘zbekistondan urushga 1,5 million kishi safarbar qilingan, deb hisoblanardi, biroq keyingi yillarda hurmatli Prezidentimiz tashabbusiga asosan olib borilgan tadqiqotlar natijasida o‘sha paytda 6,5 million aholi yashagan yurtimizdan
2 milliondan ortiq kishi janglarda ishti-rok etgani aniqlandi. Ularning yarim milliondan ziyodi halok bo‘lgan, 133 ming nafarga yaqini bedarak yo‘qolgan. 60 mingdan ortiq vatandoshimiz esa urushdan nogiron bo‘lib qaytgan.
Ana shunday shukuhli kunlarda 421 nafar Uchquduqning mard va jasur o‘g‘lonlari yelkama-yelka turib qonli janglarda fashizm ustidan qozonilgan g‘alabaga o‘z hissalarini qo‘shganligini alohida ta’kidlash o‘rinli. Afsuski, bu mudhish urushda ularning 172 nafari ayni navqiron yoshida halok bo‘lganini eslash nihoyatda og‘ir, albatta! Ana shu insonlar xotirasi oldida bosh egamiz. Ularning buyuk jasorati dillarimizda mangu yashaydi.
Hurmatli tadbir ishtirokchilari!
Bugun buyuk ajdodlar izdoshi ekanligimizni chuqur his etgan holda, bu yorug‘ kunlarga yetish uchun qurbon bo‘lganlar ruhini shod, xotirasini yod etishni, moʻtabar keksalarimiz duosini olishni eng muhimi, tinchlik va osoyishtalikning qadriga yetishni, istiqlol bergan imkoniyatlarni asrab-avaylashni o‘zimizning muqaddas burchimiz ekanini hech qachon unutmasligimiz zarur.
Uchquduq tumani markazidagi «Xotira» xiyobonida Ikkinchi jahon urushida fashizmga qarshi janglarda qatnashib, jasorat ko‘rsatgan va halok bo‘lgan 172 nafar uchquduqlik mard o‘g‘lonlarning xotirasini abadiylashtirish maqsadida peshlavha tashkil qilindi. Ularning ismi sharifi ushbu peshlavhaga o‘yib yozildi.
Hozirda ushbu maskan o‘quvchi-yoshlarning muqaddas bir go‘shasiga aylangani o‘sib kelayotgan yosh avloldning o‘z tarixiga ota-bobolarining jasoratiga bo‘lgan qiziqish-laridan dalolat beradi.
Ayni kunlarda tumanimizda urush orti mehnat faxriysi Krevenyuk Anna Ivanovna el-yurt ardog‘ida istiqomat qilmoqda. Bugungi ayyomning yana bir muhim jihati shundaki, u bizni avvalambor safimizda bo‘lgan front orti mehnat faxriysiga mehr-oqibat ko‘rsatib yashashga, muhtaram nuroniylarimizning hayotini mazmunli qilish hamda umrini uzaytirishga, ularga nafaqat mana shunday bayram shodiyonalarida, balki har kuni, har soatda g‘amxo‘rlik va mehribonlik ko‘rsatishga undaydi.
Qadrli tadbir ishtirokchilari!
Afg‘onistondagi jang maydonlarida Uchquduq tumanidan 50 nafarga yaqin mard va jasur yigitlari diniy ekstremizm va terrorizmga qarshi janglarda ishtirok etishgan. Ularning 36 nafari bugun tumandoshlarimiz saflarida bo‘lishsa, yana 2 nafar jasur yigitlar mustaqillik yillarida xizmat burchini o‘tash chog‘ida halok bo‘lgan.
Xalqimizning qadr-qimmati, or-nomusini, milliy an’analarimiz va urf-odatlarimizni himoya qilishda, bosqinchi va yovuz kuchlarga qarshi mashaqqatli kurashlarda bukilmas iroda va jasorat namunasini amalda namoyon etib, bugungi tinch va osoyishta kunlar uchun jonini fido qilgan ajdodlarimizning muqaddas xotirasini yod etish, ezgu ishlarini davom ettirish – bizga tinchlik, omonlik kerak, deb yashaydigan bag‘rikeng xalqimizga xos azaliy qadriyatdir.
Eng muhimi, yurtimizda tinchlik va barqarorlik mustahkamlanib, ko‘pmillatli mamlakatimizda o‘zaro hurmat ham hamjihatlik tobora keng qaror topayotganini ta’kidlash o‘rinlidir.
Aziz yurtdoshlar!
Yana bir bor fursatdan foydalanib, tumanimiz ahlini, muhtaram faxriylari-mizni, hamyurtlarimizni bugungi qutlug‘ bay-ram bilan muborakbod etaman.
Barchangizga sihat-salomatlik, baxt-saodat, xonadonlaringizga qut-baraka tilay-man. Doimo hayotimizga fayz berib, el-yurti-miz ardog‘ida bo‘lib yurishingizni Yaratgandan so‘rayman.
Baxtimizga hamisha omon bo‘ling!
Yurtimiz tinch, osmonimiz musaffo, mustaqilligimiz abadiy bo‘lsin!
More...
Assalomu alaykum qadrli do‘stlar!
Madaniyat va san’at sohasining fidoyilari!
Avvalo, Siz azizlarni, sizlar orqali minglab san’at muxlislarini 15 aprel kuni nishonlanadigan O‘zbekiston Respublikasi madaniyat va san’at xodimlari kuni bilan chin qalbimdan samimiy muborakbod etaman.
Hammamizga yaxshi ma’lumki, inson va jamiyat hayotida, xalqning ma’naviy dunyosini, ongu tafakkurini yuksalti-rishda san’atning o‘rni va ahamiyati
beqiyosdir.
Mamlakatimizda uchinchi yil nishonlanayotgan mana shu quvonchli bayram kunida ko‘p asrlik shonli tarixga, ijodiy maktablarga ega bo‘lgan o‘zbek madaniyati va san’ati o‘zining boy an’ana va qadriyatlarini saqlab, zamon bilan hamnafas bo‘lib, izchil rivojlanib kelayotganini alohida ta’kidlash o‘rinlidir.
Hayot yo‘llarida uchrab turadigan turli muammo va qiyinchiliklarga qaramasdan, o‘zining sevgan kasbiga, qadrdon sahnasiga hamisha sadoqat ko‘rsatib, ko‘pmillatli xalqimizga sidqidildan xizmat qilib kelayotgan “Uchquduq” madaniyat uyi xodimlari Miliya Mudarisovna, Banu Iskakova, Gulnur Quraqbayeva, Feruz Ibodullayeva, Po‘lat Amonov Qobiljon Qurbonov, Nodir Fatullayev, “Qizilqum” madaniyat uyi xodimlari Qasыmbek Qojanbayev, Bag‘ila Amanova, Nurjan Davletov, Janiy Alpamisov, Meyramkul Pirmanova, Raxmatillo Qurbonnazarov, Jang‘ali Jubatxanov, Gʻaziza Alxojayevalarning mashaqqatli va fidokorona mehnatlarini har qancha olqishlasak, chin qalbdan rahmat aytsak, arziydi, albatta.
Biz sizlarning timsolingizda san’at degan noyob va beqiyos ma’naviy boylikni asrab-avaylab, rivojlantirib, kelgusi avlodlarga bezavol yetkazib kelayotgan olijanob insonlarni ko‘ramiz.
O‘ylaymanki, so‘nggi yillarda barcha sohalar qatori madaniyat tizimida ham tub o‘zgarishlar amalga oshirilayotganidan barchangiz xabardorsiz.
Shu borada qabul qilingan qator farmon va qarorlar sohani yanada rivojlantirish, uning moddiy-texnik bazasi va kadrlar salohiyatini mustahkamlash, xalqimiz, birinchi navbatda, yoshlar o‘rtasida san’at va madaniyatga bo‘lgan qiziqish va e’tiborni kuchaytirishga qaratilgandir.
2020 yilning 26 may sanasida qabul qilingan “Madaniyat va san’at sohasining jamiyat hayotidagi o‘rni va ta’sirini yanada oshirish chora-tadbirlari to‘g‘risida” Prezident Farmonida ham ana shu masalalarga ustuvor ahamiyat berilganini qayd etish lozim.
Ushbu sohaga mehr va havas qo‘ygan yoshlarimizning iste’dod va qobiliyatini ro‘yobga chiqarish uchun ijodiy tanlov va festivallar o‘tkazilmoqda. Ko‘plab hududlarda madaniyat yo‘nalishidagi oliy o‘quv yurtlarining filiallari ochilmoqda, ularga qabul kvotalari oshirilmoqda, kam ta’minlangan oilalarga mansub iste’dodli qizlarimizga alohida imtiyozlar berilmoqda.
Ana shunday ezgu ishlarning davomi sifatida Uchquduq tuman maktabgacha va maktab ta’limi bo‘limga qarashli 10 ta umumta’lim maktabi, “Qizilqum” madaniyat uyi hamda 10-sonli Bolalar musiqa va san’at maktabi yuzlab millionlik mahalliy byudjet mablag‘lari hisobidan zaruriy musiqa cholg‘u asboblari bilan ta’minlanganini sizlarga ma’lum qilish menga katta mamnuniyat bag‘ishlaydi.
Hurmatli tadbir ishtirokchilari!
Hozirgi kunda shiddatli zamon, hayotning o‘zi barchamizning oldimizga o‘ta muhim va murakkab vazifalarni qo‘ymoqda. Xususan, el-yurtimizni turli xavf-xatarlardan asrash, unib-o‘sib kelayotgan yosh avlodimizni Vatanga muhabbat va sadoqat, milliy va umumbashariy qadriyatlarga ehtirom ruhida barkamol insonlar etib tarbiyalash, jaholatga qarshi ma’rifat bilan kurash olib borish dolzarb vazifaga aylanmoqda.
Biz bu yo‘lda barcha ijodkor ziyolilarimiz qatori siz, hurmatli san’atkorlarimizning iste’dod va salohiyatingiz, bilim va tajribangiz, ezgu
fazilatlaringizga tayanamiz.
Aziz va muhtaram do‘stlar!
Sizlarni bugungi qutlug‘ ayyom – O‘zbekiston Respublikasi madaniyat va san’at xodimlari kuni bilan yana bir bor samimiy tabriklab, barchangizga sihat-salomatlik, kuch-g‘ayrat va ilhom yor bo‘lishini tilayman.
Madaniyat uyi sahnalarida, ijodiy jamoalaringizda mana shunday quvonchli kunlar ko‘p bo‘lsin, xonadonlaringizdan hech qachon tinchlik-xotirjamlik, fayzu baraka, baxt va omad arimasin!
Yana bir bor bayramingiz muborak bo‘lsin!
E’tiboringiz uchun tashakkur!
Ассалому алайкум аҳли жамоа!
Қадрли учқудуқликлар!
Сиз азизларни сизлар орқали барча мўмин-мусулмонларни ва бутун учқудуқ-ликларни ер юзидаги Ислом уммати томонидан кенг нишонланаётган улуғ ва муборак айём – Рамазон ҳайити билан чин қалбимдан самимий табриклайман!.
Барчамиз учун инсонпарварлик, сабр-қаноат, хайру саховат ва шукроналик тимсоли бўлган ушбу қутлуғ байрам кунларида энг яхши эзгу-тилакларимни билдираман!.
Ўзининг миллий урф-одат ва анъаналарига содиқ, меҳнаткаш ва саховатли туманимиз фуқаролари ана шундай юксак фазилатларни яққол намоён этиб, муқаддас Рамазон ойини тинчлик ва осойишталик, ўзаро ҳурмат ва ҳамжиҳатлик муҳитида ўтказгани ҳамда ушбу эъзозли айёмни бугун шоду хуррамлик билан кутиб олаётгани Ийд ул - Фитр байрамига алоҳида файзу шукуҳ бағишламоқда.
Муборак Рамазон ҳайити моҳиятида мужассам бўлган хайру саховат, меҳр-оқибат, инсонпарварлик сингари азалий анъана ва қадриятларимизни асраб-авайлаш ҳамда кенг тарғиб этиш, халқимизнинг эзгу ният ва орзу-интилишларини қўллаб-қувватлаш мақсадида 8 апрелда ҳурматли Президентимизнинг “Муборак Рамазон ҳайитини нишонлаш тўғрисида”ги қарори қабул қилинди.
Унга кўра, жорий йилда Рамазон ҳайитининг биринчи куни 10 апрель – чоршанба кунига тўғри келиши ҳақидаги Ўзбекистон мусулмонлари идорасининг ахбороти маълумот учун қабул қилиниб, мамлакатимизда 2024 йил 10 апрель куни Рамазон ҳайити байрами сифатида кенг нишонланмоқда.
Дарҳақиқат, сизу биз учун эзгулик, меҳр-оқибат, хайру саховат, маънавий покланиш айёми бўлиб келаётган муборак Рамазон ойини бу йил учқудуқлик мўмин-мусулмонлар ҳам ўзгача шукуҳ ва ҳамжиҳатлик билан ўтказмоқдалар. Айниқса, раҳмат ва мағфират нурлари ёғиладиган ушбу саодатли кунларда туманимиздаги 100 нафардан ортиқ кам таъминланган ва эҳтиёжманд оилалар, ногиронлиги бўлган шахсларга моддий ва маънавий ёрдамлар кўрсатилаётгани, барча маҳалла ва овулларда кенг жамоатчилик вакиллари иштирокида эҳсон дастурхонлари ёзилиб, эл-юртимизнинг тинчлиги, бахти ва келажаги учун дуойи фотиҳалар қилинаётгани бу ойнинг файзу тароватини янада оширмоқда.
Давлатимиз раҳбари: «Рамазон ойи – сахийлик, меҳр-оқибат ва бағрикенглик ойидир. Бу қутлуғ айёмда меҳр-шафқатли, кечиримли бўлиш ҳаммамиз учун ҳам фарз, ҳам қарз» — дея таъкидлаганлар.
Шу муносабат билан, Рамазон ҳайити арафасида Президент адашиб жиноятга қўл урган, лекин айбини чуқур англаб, тузалиш йўлига қатъий ўтган 426 нафар фуқарони афв этиш бўйича фармонни имзолади.
Афв этилган шахсларнинг 135 нафари асосий жазодан тўлиқ озод этилди, 200 нафари жазони ўташдан муддатидан илгари шартли озод қилинди, 26 нафарининг озодликдан маҳрум этиш жазоси енгилроқ жазо билан алмаштирилди. Шунингдек, 65 нафар шахсларга тайинланган озодликдан маҳрум этиш жазосининг муддатлари қисқартирилди.
Азиз тумандошлар!
Ислом дини – аввало, тинчлик ва дўстлик, аҳиллик ва бирдамлик, билим ва
маърифат динидир.
Жамиятимизда ҳукм сураётган турли миллатлар ва элатлар, диний конфессиялар ўртасидаги бағрикенгликни, фуқаролар орасидаги ўзаро ҳурмат, меҳр-оқибат муҳитини янада мустаҳкамлаш, бугунги осуда ҳаётимизнинг қадрига етиш барчамизнинг асосий бурчимиздир.
Шунинг баробарида фарзандларимизни ҳаётга эндигина кириб келаётган ёш авлодни Ватанга муҳаббат, умуминсоний қадриятларга ҳурмат, элу-юрт фаровонлигига муносиб улуш қўшадиган етук ва баркамол инсонлар қилиб тарбиялашимиз муҳим аҳамиятга эга.
Муборак ҳадисларда Пайғамбаримиз (соллаллоҳу алайҳи ва саллам): “Уч кишининг дуоси қабулдир: отанинг фарзандига қилган дуоси, мазлумнинг дуоси ва мусофирнинг дуоси”, деганлар. Ота-она бундай неъмат ва имкониятдан унумли фойдаланиши ва фарзандларининг келажакда солиҳ ва тарбияли инсон бўлиб камол топишини Аллоҳдан сўраши лозим!
Расулуллоҳ (соллаллоҳу алайҳи васаллам) яна бир ҳадисларида: “Болаларингизга одоб беринглар ва одобларини чиройли қилинглар”, «Ота болага гўзал одобдан яхшироқ нарсани бера олмайди», дея марҳамат қилганлар.
Ҳурматли имом-хатибларимиз, ота-оналар, устоз-мураббийлар, муҳтарам нуронийларимиз яқин ҳамкорликда бу борада янада фаол ва самарали иш олиб борадилар, деб ўйлайман.
Қадрли учқудуқликлар!
Аллоҳ таолонинг марҳамати ёғиладиган ушбу барокатли ва нурафшон кунда сизларни яна бир бор азизу мукаррам байрам -Рамазон ҳайити билан чин қалбимдан самимий табриклайман!.
Моҳи Рамазонда қилган барча эзгу ният ва дуоларимиз ижобатини берсин, Аллоҳим!
Жонажон Ватанимизни, барча-барчамизни Яратганнинг Ўзи паноҳида асрасин!
Осмонимиз мусаффо, тинчлигимиз ва мустақиллигимиз абадий бўлсин!
Рамазон ҳайити барчамизга муборак бўлсин!
Ассалому алайкум ҳурматли маҳалла тизими ходимлари ва фаоллари!
Қадрли тадбир иштирокчилари!
Аввало, сиз, азизларни, сизларнинг тимсолингизда тумандошларимизни мамлакатимизда кенг нишонланаётган муҳим сана – Маҳалла тизими ходимлари куни билан чин қалбимдан самимий табриклайман!
Маҳалланинг инсон ҳаётидаги ўрни ва аҳамиятини тубдан ошириш борасида қилинаётган ишлар, айниқса, ёшлар, нуронийлар ва хотин-қизлар билан ишлаш йўналишида янада яққол кўзга ташланмоқда.
Ҳурматли Президентимиз ташаббуслари билан ҳозирги кунда ҳар бир маҳаллада бу йўналишда янги тизим яратилган бўлиб, аҳоли учта ижтимоий дафтарга киритилади, моддий ёрдам, субсидия ва кредит ажратиш каби 70 дан ортиқ масала маҳалланинг ўзида ҳал қилинади. Шунингдек, ижтимоий дафтарлар учун бериладиган маблағлар бандлик, тадбиркорлик ва касаначилик жамғармаларидан ҳар бир маҳаллага тақсимланади. Яъни, маблағни ишлатиш маҳалланинг ўзида, “еттилик” ихтиёрида бўлади.
Жумладан, Ўзбекистон маҳаллалари уюшмасининг Учқудуқ тумани бўлими ташкил қилинган бўлиб, 14 та маҳалла ва овул фуқаролар йиғинларида “олтиталик” фаолият олиб бормоқда. Жорий йилнинг 1 майига қадар ҳар бир маҳаллада ижтимоий ходим ҳам иш фаолиятини бошлайди.
Дунёнинг бирор бир мамлакатида учрамайдиган миллий ўзлигимиз тимсоли бўлган маҳаллаларимиз гўзал ва бетакрор Ватанимизда тинчлик ва аҳиллик, ўзаро ҳурмат ва ҳамжиҳатлик маконига айлангани билан албатта барчамиз фахрланамиз.
Ҳурматли маҳалла тизими ходимлари!
Муҳтарам фаоллар!
Бугунги маҳалла ходими фаол ислоҳотчи сифатида, аввало, замон билан ҳамқадам бўлиши, ўз билим ва малакасини доимий ошириб бориш ҳақида ўйлаши, “Обод маҳалла”, “Обод кўча”, “Обод хонадон” мезонларини ҳаётга татбиқ этиш, турли ижтимоий муаммоларни ҳал қилиш, ишсизлик ва камбағалликни қисқартириш, маҳаллаларни тадбиркорлик марказларига айлантириш чораларини кўриши даркор.
Бугунги мураккаб ва синовли кунларда маҳалла тизими ходимлари ва фаоллари ана шундай масъулиятли вазифаларни адо этишда фаол иштирок этиб, барчага ўрнак ва намуна бўласизлар, деб ишонаман.
Фурсатдан фойдаланиб, ана шундай олижаноб ишларга бош-қош бўлиб келаётган жонкуяр маҳалла оқсоқоллари ва фаолларига, ҳудуд равнақига муносиб улуш қўшаётган тумандошларимизга самимий миннатдорлик билдираман.
Биз маҳаллаларимизни янада обод ва фаровон этишда бундан буён ҳам сизларнинг куч-ғайратингиз, билим ва тажрибангизга таянамиз, албатта!
Сиз, азизларни бугунги байрам билан, туманимизда давом этаётган Наврўз айёми ҳамда муборак Рамазон ойи билан чин қалбимдан самимий табриклайман.
Барчангизга мустаҳкам соғлиқ, хонадонларингизга файзу барака, серқирра ва масъулиятли фаолиятингизда ютуқ ва омадлар тилайман.
Эътиборингиз учун рахмат!
Ассалому алайкум азиз юртдошлар!
Қадрли учқудуқликлар!
Табиат уйғониб, жонажон диёримизга барчамиз орзиқиб, соғиниб кутган Наврўзи олам кириб келмоқда. Минг йиллар давомида маънавий ҳаётимизнинг кўрку зийнати бўлиб келаётган бу ажойиб, хосиятли байрам бугун қалбларимизга яна чексиз қувонч ва завқ улашмоқда.
Бепоён Қизилқум саҳроси узра фасллар келинчаги баҳор ўз сепини ёйган, мўъжизакор табиат, ҳар бир инсон қалбини ўзига мафтун этган бир паллада, доно халқимизнинг “Яхши одам – кўзидан, яхши йил – Наврўзидан” деганидек, бу шукуҳли айём ва шарқона янги йилни меҳнатда улкан ютуқлар ва эзгу ниятлар билан муносиб кутиб олмоқдамиз. Туманимиз саноатчилари ва кончилари ҳам йилни муваффақиятлар билан бошлаб, ишларига унум барака бахт ва омад ҳамиша ҳаётий ҳамроҳ бўлишини Яратгандан сўрамоқдала.
Айтиш жоизки, бу йилги Наврўз тантаналари туманимизда ўзгача бир руҳда, янгиликларга бой тарзда "Олам нурга тўлсин сен билан, Наврўз! ” шиори остида бўлиб ўтмоқда. Наврўз байрами арафасида туман марказида истироҳат боғларида овулларда ва аҳоли хонадонларида ободонлаштириш ва кўкаламзорлаштириш ишлари олиб борилди. Минглаб мевали ва манзарали дарахтлар экилди, қабристонлар атрофи ва йўлаклари тартибга келтирилди, ижтимоий кўмакка муҳтож кам таъминланган, ёлғиз кексалар ҳолидан хабар олиниб, меҳр ва эътибор кўрсатилди.
Қадрли дўстлар!
Шундай ёруғ ва мунаввар кунларда сизларни ва сиз орқали барча туманимиз аҳлини яна бир бор Наврўз байрами билан чин қалбимдан самимий табриклайман.
Шарқона Янги йилимиз — Наврўзи оламнинг қадами қутлуғ ва баракали келсин! Мана шу қутлуғ кунда сиз азизларга сиҳат-саломатлик, бахт, омад, оилаларингизга тинчлик-тотувлик, файз ва барака тилайман.
Наврўз ҳар бир хонадонга, бутун туманимиз аҳлига тинчлик-хотиржамлик, бахту саодат, қут-барака олиб келсин!
Барча эзгу ният ва мақсадларимиз амалга ошсин!
Осмонимиз мусаффо, тинчлигимиз абадий бўлсин!
Наврўз айёми барчамизга муборак бўлсин, азиз юртдошлар!
