Учқудуқ туман ҳокими С.Ф.Хамроев иштирокидаги навбатдаги сайёр қабул Дўстлик маҳалласидаги Нуронийлар масканида бўлиб ўтди. Туман ҳокими ва ўринбосарлари, ташкилотлар раҳбарлари иштирок этган қабул давомида фуқароларнинг ижтимоий ёрдам, ишга жойлаштириш, тадбиркорлик фаолиятини йўлга қўйиш ва фаолияти давомида юзага келаётган муаммоларга ечим сўраб қилган 40 га яқин мурожаатлари кўриб чиқилди.

          Қабул давомида турмуш шароити оғир оилалардан 3 нафарига “Саҳоват ва кўмак” жамғармаси маблағлари ҳисобидан моддий ёрдам ажратилган бўлса, тадбиркорлик ва спорт машғулотларига жой ажратиш масалаларида қилинган яна бир қатор мурожаатлар жойида ҳал этилди. Муддат талаб этилувчи муаммоларнинг бартараф этилиши юзасидан туманнинг тегишли мутасадди ташкилот ва идораларига топшириқлар берилди.

Учқудуқ туман ҳокимлиги ахборот хизмати

      Энг улуғ, энг азиз байрам – Ватанимиз мустақиллигининг 32 йиллиги шодиёналари тобора яқинлашмоқда. Ўзбекистон Республикаси Вазирлар Маҳкамасининг 2023 йил 21 июлда қабул қилинган 459-Ф-сон фармойиши бу борадаги ишлар кўламини кенгайтиришда муҳим ўрин тўтиб, мамлакатимизнинг барча ҳудудларида ушбу қутлуғ айёмни муносиб кутиб олишга қизғин тараддуд кўрилмоқда.

            Тоза-озода, обод жойда файзу барака бўлади – деганларидек юртимизда ката шодиёналар, байрамлар олдидан умумхалқ ҳашарлари уюштирилиб, хонадонлар, маҳалла, кўча ва хиёбонлар, гузарлар, муқаддас қадамжоларни янада обод қилиш яхши анъанага айланган.   

           Туманимизни ҳамиша озода ва саранжом – саришта тутиш ҳамда мустақиллигимизнинг
32 йиллигини нишонлашда “Маҳалладан хонадонгача” тамойили асосида маҳаллалар ҳудудларини ободонлаштириш орқали аҳоли фаровонлигини ошириш мақсадида “Ободонлаштириш ойлиги” ўтказилиб, ойлик давомида маҳаллалар, аҳоли пунктлари, кўп қаватли уйлар ва бинолар, ҳовлилар атрофи, гузарлар, хиёбонлар, зиёратгоҳ ва қабристонлар, ариқлар, кўча ва йўлаклар, болалар майдончаларини тартибга келтириш, ҳудудларни ободонлаштириш, ижтимоий ҳимояга муҳтож аҳоли қатламига моддий ва маънавий ёрдам кўрсатиш, уларнинг уй-жой шароитларини яхшилашга кўмаклашиш режалаштирилган.

      Фуқароларимиз томонидан доимий равишда ободонлаштириш ва санитария қоидаларига амал қилишда, яъни барча жамоат жойларида тозаликка ва тартиб-интизомга риоя қилишлари, бутун жамоатчилик ўз теварак атрофидаги ҳудудларни тозалаб туриши, яшил ниҳоллар кимга қарашли бўлишидан қатъий назар, улар шаҳарнинг дахлсиз яшил фонди ҳисобланганлиги сабабли  дарахтларни парвариш қилиб боришлари ва ташкилотлар, корхоналар, муассасалар ҳамда уй эгалари улар эгаллаб турган бинолар атрофидаги ҳудудларни озода тутишлари керакдир. Корхона бинолар ва уйларни кўнгилдагидек саранжом-саришта тутиш, ўз вақтида таъмирлаб туриш, биноларнинг фасад қисмларини бўяб бориш лозимдир. Кўчалар, йўлаклар, гулзорлар ҳамда суғориш шаҳобчаларига маиший чиқиндиларни ташлаш, кўча томонга қаратилган балконларга ҳар хил рўзғор буюмларини илиш ва қўйиш, кўча ва йўлкаларни қазиш, ғишт қуйиш ҳамда қурилиш материалларини уйиб қўйиш шаҳарсозлик қоидаларига зиддир. 

          Аҳоли яшаш пунктларининг ҳудудларини ободонлаштириш қоидаларини бузиш, шунингдек тозалик ва санитария тартибини таъминлаш қоидаларига риоя қилмаслик жавобгарликга сабаб бўлади.

          “Ободонлаштириш ойлиги” давомида амалга оширилаётган эзгу ишлардан четда турманг, азиз юртдошлар!

Надя Канатбаева

Учқудуқ туман СЭО ва ЖСБ ходими

   Коррупция бу шахснинг ўз мансаб ёки хизмат мавқеидан шахсий манфаатларини ёхуд ўзга шахсларнинг манфаатларини кўзлаб моддий ёки номоддий наф олиш мақсадида қонунга хилоф равишда фойдаланиши, худди шунингдек, бундай нафни қонунга хилоф равишда тақдим этишдир. Яъни коррупция мансаб, мавқеидан шахсий мақсадларда фойдаланиш билан боғлиқ бўлган бир неча жиноятларни ўзида мужассамлаштирувчи иллатдир.
    Бугун Навоий вилояти Учқудуқ туман қўриқлаш бўлимида Навоий вилояти ҳарбий прокурор ёрдамчиси С. Шодмонов томонидан «Коррупцияга қарши курашиш – ҳар биримизнинг вазифамиз» мавзусида учрашув ташкил этилди.
Тадбирда сўзга чиққан вилоят прокурори ёрдамчиси С.Шодмонов ўз маърузасида, коррупция ва унинг оқибатлари, вужудга келиш тарихи, бугунги халқаро жамоатчиликнинг коррупцияга қарши фаолияти ва Ўзбекистонда коррупцияни олдини олиш, соғлом инвестицион муҳитни яратиш, халқ манфаатларини таъминлашга қаратилган ислоҳотлар тўғрисида батафсил маълумотлар бериб ўтди.
Учрашув очиқ савол-жавоблар билан ташкил этилиб, баҳс-мунозаралар билан давом этди.

     Давлат активларини бошқариш агентлиги Навоий вилоят ҳудудий бошқармаси томонидан Зарафшон шаҳрида  хусусийлаштирилиши белгиланган давлат активлари жумладан, корхоналардаги давлат улушлари, бўш турган давлат мулки объектлари ва сотилиши белгиланган ер участкалари тўғрисида  навбатдаги “Roadshow” тақдимоти ўтказилди.

    Ўзбекистон Республикаси Президентининг 2023 йил 24 мартдаги “Иқтисодиётда давлат иштирокини қисқартиришнинг қўшимча чора-тадбирлари тўғрисида”ги ПҚ-102-сонли қарори мазмун-моҳиятини тушинтириш ва тарғибот қилиш ишларини жадаллаштириш мақсадида, жорий йилнинг 17 август куни ташкил этилган ушбу тадбирда Зарафшон шаҳри, Учқудуқ ва Томди тумани тегишли масъул ташкилотлари ва ҳудуддаги тадбикорлик субъекттлари иштирок этди.

    Ушбу тадбирда 100 нафардан зиёд соҳага алоқадор туман ташкилот вакиллари, тадбиркорлар ва инвесторлар иштирок этди.

    “Roadshow” иштирокчиларига Давактив агентлиги Навоий вилояти ҳудудий бошқармаси томонидан 2022 йил давомида хусусийлаштириш дастурларига мувофиқ жами 117 та давлат активлари аукцион савдоларига чиқарилганлиги, шундан 21 та давлат активлари 58,3 млрд.сўм қийматга бўлиб-бўлиб тўлаш шарти билан сотилганлиги маълум қилинди.

     Бундан ташқари, 2022 йил давомида тадбиркорлар ва фуқаролар учун 2110 та 25,4 гектар ер участкалари электрон онлайн-аукцион савдоларига чиқарилган бўлиб, шундан 730 та 97,9 гектар ер участкалари  35,1 млрд.сўмга сотилишига эришилган.

     Учқудуқ туманида 2023 йил ўтган даври мабойнида жами 16 та давлат активлари аукцион савдоларига чиқарилган бўлиб, шундан 3 та давлат активлари 834 млн.сўм қийматга бўлиб-бўлиб тўлаш шарти билан сотилишига эришилди.

     Ҳозирги кунда умумий қиймати 13,8 млрд.сўм бўлган 13 та давлат активларининг савдоси давом этмоқда.

     Бундан ташқари туман бўйича 2023 йилнинг ўтган даври мобайнида тадбиркорлар ва фуқаролар учун 120 та 8,4 гектар ер участкалари қиймати                                    1 819,0 млн.сўм бошланғич нарх билан баҳоланиб электрон онлайн-аукцион савдоларига чиқарилган, шундан 41 та 4,4 гектар ер участкалари                       1 056,0 млн.сўмга  сотилганлиги билдирилди.

     Шунингдек тадбир қатнашчиларга юридик ва жисмоний шахслар ўзларига тегишли доимий фойдаланиш ёки умрбод эгалик қилиш ҳуқуқи асосида бўлган қишлоқ хўжалигига мўлжалланмаган ер участкаларини хусусийлаштириш тартиби бўйича тушунтиришлар берилди.

    Ўз ўрнида, Давактив агентлиги мутасаддилари томонидан қатнашчиларга “E-auksion” электрон савдо платформасидан фойдаланиш бўйича "мастер-класс" ўтказилиб, савдо платформасида шахсий кабинет очиш, онлайн электрон имзо олиш ва савдоларда қатнашиш учун аризалар бериш тартиблари ҳам назарий, ҳам амалий тушунтирилди.

   Ota-onalar o'z xohishiga ko'ra o'quv yilida yoki u tugaganidan so'ng farzandini bir maktabdan boshqasiga o'tkazish huquqiga ega. Bunda bir maktabdan boshqasiga o'tkazish uchun uning sabablarini ko'rsatib maktab direktori nomiga ariza beriladi. Ariza 1 ish kunida ko'rib chiqiladi va o'qishni davom ettirish uchun tanlangan maktabga taqdim etish uchun maktabdan ketish taloni beriladi.

    Ota-onalar farzandi o'qishni davom ettirishi uchun tanlangan maktab direktoriga ariza beradi. Arizaga maktabdan ketish taloni ilova qilinadi. O'qishni davom ettirish uchun tanlangan maktab direktori ariza va talonni qabul qilgach, shu kunning o'zida ota-onalarga o'quvchi ta'lim olayotgan maktabga taqdim etish uchun maktabga kelish talonini beradi.O'quvchi o'qiyotgan maktab direktori maktabga kelish talonini olgach, shu kunning o'zida o'quvchini maktab o'quvchilari safidan chiqarish to'g'risida buyruq qabul qiladi.Maktab direktori mazkur buyruq bilan ota-onalarni tanishtirganligi to'g'risida imzo qo'ydirib, ularga quyidagi hujjatlarni taqdim etadi va hujjatlar berilganligi to'g'risida tilxat oladi:

o'quvchining maktab o'quvchilari safidan chiqarilganligi to'g'risidagi buyruqdan ko'chirma;

o'quvchining baholar (o'zlashtirish) tabeli;

o'quvchining tibbiy kartasi.

   O'qishni davom ettirish uchun tanlangan maktab direktori boshqa maktabdan o'tkazilayotgan o'quvchining o'quv jarayonlaridan chetda qolib ketmasligini ta'minlash uchun barcha zarur choralarni ko'rishi shart.

    O‘quvchini xorijiy davlatdagi ta'lim muassasasiga o‘tkazishda — Ota-onalar o‘qish, ishlash, uzoq muddatli davolanish yoki boshqa maqsadlarda doimiy yoki vaqtincha yashash uchun xorijiy davlatga ketayotgan bo‘lsa, farzandini doimiy yoki vaqtincha yashash uchun ketayotgan davlatdagi ta'lim muassasasiga o‘tkazish huquqiga ega.

    Ota-onalar farzandini xorijiy davlatdagi ta'lim muassasasiga o‘tkazish uchun uning sabablarini ko‘rsatgan holda maktab direktori nomiga ariza bilan murojaat etadi. Arizaga tuman (shahar) hokimligi huzuridagi voyaga yetmaganlar ishlari bo‘yicha komissiyaning voyaga yetmaganni maktab o‘quvchilari safidan chiqarish uchun roziligi aks etgan qaroridan ko‘chirma ilova qilinadi.

    Ariza maktab direktori tomonidan bir ish kuni ichida ko‘rib chiqilib, o‘quvchini maktab o‘quvchilari safidan chiqarish to‘g‘risida buyruq qabul qilinadi. Maktab direktori mazkur buyruq bilan ota-onalarni tanishtirganligi to‘g‘risida imzo qo‘ydirib, ularga belgilangan hujjatlarni taqdim etadi va hujjatlarni olganligi to‘g‘risida tilxat oladi.Ota-onalarning hujjatlarni olganligi haqidagi tilxati o‘quvchining maktabda saqlanadigan shaxsiy hujjatlar yig‘ma jildiga tikib qo‘yiladi.O‘quvchilar safidan chiqarish to‘g‘risidagi buyruq qabul qilingach, uch kun ichida sinf jurnali va o‘quvchilar harakati daftariga tegishli yozuv kiritiladi.

    Maktab direktori tomonidan xorijiy davlatdagi ta'lim muassasasiga o‘tkazilayotganligi sababli o‘quvchilar safidan chiqarilgan voyaga yetmaganlar to‘g‘risidagi ma'lumotlar bazasi shakllantiriladi hamda har o‘quv yili choraklari oxirida tegishli tuman (shahar) xalq ta'limi bo‘limiga, tuman (shahar) ichki ishlar bo‘limiga (boshqarmasiga) va tuman (shahar) hokimligi huzuridagi voyaga yetmaganlar ishlari bo‘yicha komissiyasiga taqdim etiladi.

Uchquduq tuman Adliya bo`limi Yuridik xizmat
ko`rsatish markazi bosh yuriskonsulti
Shodiyeva Nafisa Minboy qizi

          14.08.2023 йилда “Вазирлар Маҳкамасининг «Ўзбекистон Республикасининг фуқаролигига қабул қилишда давлат тилини билиш даражасини аниқлаш тартиби тўғрисидаги низомни тасдиқлаш ҳақида» 2020 йил 28 сентябрдаги 592-сон қарорига ўзгартиришлар ва қўшимча киритиш тўғрисида”ги 368-сон қарори қабул қилинди. 

           Киритилаётган ўзгартиришлар билан чет эл фуқаролари ва фуқаролиги бўлмаган шахслар томонидан фуқароликни олишда давлат тилини билиш даражасини аниқлаш учун имтиҳондан ўтиш учун аризани давлат хизматлари маркази ёки ЯИДХП орқали топшириш имкони яратилмоқда.

         Шунингдек, эндиликда ҳудудий давлат тилини билиш даражасини аниқлаш бўйича ҳудудий имтиҳон комиссиясининг қароридан норози бўлган номзодлар апелляция беришлари мумкин.

        Апелляция давлат хизматлари маркази ёки ЯИДХП орқали имтиҳон натижалари эълон қилинган пайтдан бошлаб 5 кун ичида берилади.

       Ушбу ҳолатда имтиҳон натижалари эълон қилинган пайтдан бошлаб 10 кун ичида апелляция имтиҳони ўтказилиб, натижаси бўйича қуйидаги қарорлардан бири қабул қилинади:

• апелляцияни қаноатлантиришда рад этиш;
• дастлабки имтиҳон натижаларини ўзгартириб, апелляцияни қаноатлантириш;
• дастлабки имтиҳон натижаларини бекор қилиб такрорий имтиҳон тайинлаш.

     Апелляция комиссиясининг қарори юзасидан судга шикоят топшириш мумкин. https://www.norma.uz/

Учқудуқ тумани адлия бўлими

юридик хизмат кўрсатиш маркази

бош юрисконсульти Ф.Умурова

      Ижтимоий тармоқларда Хайрия концертини ўтказиш нега ман этилди? сарлавҳасида хабар тарқатилди.
Фуқаро С.Эргашов ўзининг хатида “Мустақиллик” МФЙда яшовчи Нурислом билан юз берган кўнгилсиз ҳодиса муносабати билан хайрия концерти ташкил этилаётганлигини тадбирдан тушган маблағлар Нурисломни соғлигини тиклашга сарфланиш режалаштирилганлигини маълум қилиб, ушбу тадбирни кўтаринки руҳда ўтказиш учун (Учқудуқ газетаси балансида бўлган LED монитор ўрнатилишида амалий ёрдам сўраган.
     Юқоридагиларни инобатга олиб, Ўзбекистон Республикаси Вазирлар Маҳкамасининг 2014 йил 29 июлдаги “Оммавий тадбирларни ташкил этиш ва ўтказиш тартибини янада такомиллаштириш чора-тадбирлари тўғрисида”ги 205-сон қарорига асосан тадбирни ўтказиш бўйича Оммавий комиссия раҳбари туман ички ишлар бўлими бўлиб, ушбу тадбир юзасидан комиссия раҳбарига хат билан мурожаат қилмаганлиги, тадбир ташкил этилганда жамоат хавфсизлигини таъминлашга ва оммавий тадбирлар иштирокчиларининг хавфсизлигини таъминлашга ички ишлар бўлими масъул эканлиги маълум қилинади.
    Шунингдек, Оммавий комиссия раҳбарининг ушбу тадбирдан хабари йўқлиги сабабли, туман ҳокимлиги томонидан LED экран ўрнатилишига рухсат берилмаганлиги маълум қилинади.

Учқудуқ туман ҳокимлиги матбуот хизмати!

  Мамлакатимиз иқтисодиётида кичик бизнес ва хусусий тадбиркорликнинг ўрни ва мавқеи тобора ошиб бормоқда. Таъкидлаш жоизки, юртимизда тадбиркорлик ривожида банклар томонидан имтиёзли асосларда ажратилаётган кредит маблағлари ҳам муҳим ўрин тутади. Бироқ амалиётда тадбиркорлик субъектлари томонидан кредит шартномасида белгиланган мажбуриятларни бажармаслик ёки лозим даражада бежармаслик ҳолатлари ҳам учраб туради.

   Савдо-саноат палатаси банк манфаатида ўз вақтида тўланмаган кредит қарздорлигини ундириш мақсадида тадбиркорга нисбатан даъво аризаси билан Учқудуқ туман иқтисодий судига мурожаат қилишга мажбур бўлди.

    2020 йил 13 апрелда тузилган кредит шартномасига асосан тадбиркор
“Я” МЧЖга (тадбиркор номи ўзгартирилган) Автомойка ва ГИПС цех қуриш учун йиллик 24 фоиз устама тўлаш шарти билан 6 ой имтиёзли давр асосида
36 ой муддатга 500.000.000 сўм миқдорида кредит маблағи ажратилган эди.

  Шартнома шартига кўра, банк томонидан жавобгарга шартномада назарда тутилган миқдорда ва шартлар асосида пул маблағлари (кредит) бериши, жавобгар эса шартноманинг ажралмас қисми бўлган тўлов графиги асосида пул суммаси (кредит)ни қайтариш ва унинг учун фоизларини тўлаш мажбуриятини олган.

   Банк томонидан шартнома шартлари бажарилган бўлсада, жавобгар томонидан шартнома шартлари лозим даражада бажарилмасдан, кредитнинг асосий қисми ва фоизлари тўлов графигида белгиланган муддатларда тўланмасдан келинган.

Ишни кўриш жараёнида банк томонидан тақдим этилган
маълумотномага кўра, жавобгарнинг муддати ўтган кредит қарздорлиги жами 605.293.602 сўмни ташкил қилганлиги аниқланди. Бундан кўринадики, даъво аризаси судга берилганидан сўнг ҳам кредит тўловлари жавобгар томонидан умуман амалга оширилмаган.

Шу боис суд, даъвони қаноатлантиришни, жавобгардан банк фойдасига жами 605.293.602 сўм кредит қарздорлигини ундиришни лозим топди.

Хулоса ўрнида таъкидлаш жоизки, шартнома шартларига қатъий риоя қилиш тарафлар учун бирдек фойдали бўлиши баробарида иқтисодиётни юксалтиришда муҳим аҳа­миятга эга. Буни ҳеч қачон унутмаслик зарур.

Дилшод Турдиев

                   Учқудуқ туман иқтисодий

суди раиси

     Судланувчи Хурсанд(исм ўзгартирилди) ўзи билан Учқудуқ туманидаги ишчилар ётоқхонасида бирга яшовчи хонадоши Шерзод (исм ўзгартирилди)нинг 4 млн 25 минг сўм миқдордаги пулларни ягона қасд билан 1хбет катализатор иловасида мавжуд бўлган авиатор ўйини орқали кўпайтириб, мўмайгина даромад қилишни ўзига мақсад қилган ҳолда, ўзининг телефон аппаратига ўрнатилган 1хбет шахсий кабинети ҳисоб рақамига ўтказиб олиб мазкур пулларни ўз эҳтиёжи йўлида ишлатиб юборган.
Хўш бу қандай содир бўлди? Минг афсуски судланувчи ҳам, жабрланувчи ҳам бир ишхонада ишлашади. Бир хонада яшашади. Шу учун улар ўртасида деярли сир йўқ эди. Хурсанд Шерзодга қачон ойлик маош тушишини ва уни қачон нималарга ишлатишидан хабардор эди. Ва унинг номига расмийлаштирилган пластик картаси телефонига ўрнатилган қора рангли резена ғилоф ичида телефонни орқа тарафида туришини ҳам яхши биларди. Хонадошининг кундузи ишга кетгани ва телефон аппарати ва пластик картаси уйда қолганидан фойдаланиб унинг картасини шу ўйин дастурига киритиб, бор пулни 1Хбет ўйинларига тикиб ютқизиб қўяди. Ишдан қайтган Шерзод эртасига озиқ-овқат олиш учун магазинга борганида пластигидан пуллар йўқолганини билиб қолади ва ИИБга мурожаат қилади. Ўғри эса ўз хонасида қўлга тушади.

   Жиноят ишлари бўйича Учқудуқ туман суди судьяси судланувчини Ўзбекистон Республикаси Жиноят кодексининг 169-моддаси 3-қисми “а,б” бандлари билан айбли деб топиб, ҳар ойлик иш ҳақининг 20 фоизи давлат ҳисобига ушлаб қолиш шарти билан 2 (икки) йил муддатга аҳлоқ тузатиш ишлари жазоси тайинланди.
Баъзида биз ўз мулкимизга беэътибор бўлиб ўзимизга ана шундай зиён етказамиз. Бировнинг жиноят кўчасига бемалол кириб келиши учун эшик очамиз.

Суд материаллари асосида Лайло Каримова тайёрлади