Азалдан ўзининг дўстлик, биродарлик ва бағрикенглик анъаналари билан шуҳрат қозонган қадимий ва бетакрор Ўзбекистон заминида бугунги кунда 130 дан ортиқ миллат ва элат вакиллари ўзаро тинч ва аҳил яшаб, эзгу орзу-умид, аниқ мақсад ва ниятлар йўлида ҳамкор, ҳамфикр ва ҳамжиҳат бўлиб юртимиз равнақига муносиб ҳисса қўшмоқда.

28 июль куни тумандаги “Учқудуқ” маданият уйи қаршисида 30 июлъ “Халқлар дўстлиги куни” муносабати билан “Биз бир оиладек дўстликда яшаймиз!” шиори остида тадбир ўтказилган  бўлса унинг давоми сифатида "Учқудуқ" маданият уйида

Шимолий кон бошқармаси тасарруфидаги корхона ва ташкилотларда фаолият юритаётган ишчи ходилар ўртасида "Дўстлик оҳанглари" танлови ҳам  юқори савияда ўтказилди. Ўтказилган тадбирда тумандаги корхона ва ташкилотларда фаолият олиб бораётган турли миллат вакилларининг чиқишлари  мамлакатимизда ҳар бир  миллатнинг тенг ҳуқуқли ва эркин яшаб келаётганлигининг исботи бўлди. Тадбирда сўз олганлар томонидан бағрикенглик – давлатимиз сиёсатининг асосий ғояларидан бири эканлиги яна бир бор таъкидланди.

   Миллатлараро дўстлик намуналари акс этган тадбирда туманимизда истиқомат қилиб келаётган 20 дан ортиқ турли миллат вакиллари жам бўлдилар. Қизилқум маданият уйи ҳамкорлигида ўтказилган тадбирда нафақат санъат вакиллари, балки тиббиёт ходимидан тортиб, педагогларгача, чилангар, қурувчи, умуман санъатга алоқадор бўлмаган касб эгалари томонидан намойиш этилган турли миллат қўшиқлари-ю, намойиш этилган турли халқлар урф-одатлари байрам дастурини янада гўзал ўтишига ўз ҳиссасини қўшди. Тадбирда туман ҳокимининг ўринбосарлари ҳамда тегишли идораларнинг масъуллари иштирок этиб,  кўп миллатли туманимиз аҳлини байрам билан самимий муборакбот этдилар.

Бундай гўзал байрамлар чинакам дўстлик ва бағрикенглик замини бўлган учқудуқликларнинг ёдида узоқ вақт қолиши шубҳасиз.

     Oʼzbekiston Respublikasi Vazirlar Mahkamasining 30.01.2020-yildagi “Konsullik ro‘yxatida turuvchi O‘zbekiston Respublikasi fuqarolariga O‘zbekiston Respublikasining xorijdagi konsullik muassasalari, O‘zbekiston respublikasi tashqi ishlar vazirligining konsullik-huquqiy departamenti, shuningdek, O‘zbekiston respublikasi Tashqi ishlar vazirligining Qoraqalpog‘iston respublikasi va viloyatlardagi bo‘linmalari tomonidan O‘zbekiston Respublikasi fuqarosining xorijga chiqish biometrik pasportini rasmiylashtirish, berish va almashtirish tartibi to‘g‘risidagi nizomni tasdiqlash haqida” 49-sonli qaroriga koʼra, fuqarolarga xorijga chiqish biometrik pasportini berish:

• • xorijdagi konsullik muassasalari;
• • Tashki ishlar vazirligining Konsullik-huquqiy departamenti;
• • Tashki ishlar vazirligining Qoraqalpogʼiston Respublikasi va viloyatlardagi boʼlinmalari tomonidan amalga oshiriladi.

    Konsullik muassasalari tomonidan xorijga chiqish biometrik pasportini quyidagi fuqarolarga rasmiylashtiriladi:

• • xorijda doimiy yashaydigan va doimiy konsullik roʼyxatida turuvchilar;
• • Oʼzbekiston hududida doimiy yashaydigan va 6 oydan koʼp muddatga xizmat safari, oʼqish, davolanish, kontrakt boʼyicha ishlash, oilasi bilan birlashish maqsadida xorijga vaqtinchalik chiqqan hamda konsullik ro’yxatida turganlarga.

Pasport olish haqida tegishli idoralarga murojaat qilinganda, hujjatlar qabul qilingan kundan boshlab, Oʼzbekiston hududida - 10 kun muddatda, xorijda esa – diplomatik postga joʼnatilish jadvaliga asosan amalga oshiriladi.

Uchquduq tumani adliya bo’limi

Yuridik xizmat ko’rsatish markazi

Bosh yuriskonsulti N.Shodiyeva

   Respublika ma’naviyat va ma’rifat markazi faollari va bir guruh ma’rifat targ‘ibotchilarning O‘zbekiston xalqiga Murojaati bilan tanishib chiqdim. Haqiqatdan ham tinch, osuda mamlakatda yashayapmiz. Yoshlarimizga bilim olishi, turli musobaqa va tadbirlarda ishtirok etishi uchun imkoniyat va imtiyozlar yaratilgan. Lekin ayrim ota-onalarimizning e’tiborsizligi yoki befarqligi sababli yoshlar orasidan oson pul topish maqsadida diniy oqimlarga kirib qolish holatlari ham uchrab turibdi. 

   Yoshlar bizning kelajagimiz. Qachonki yoshlar tarbiyasiga ota-onalar, mahalla, keng jamoatchilik o‘zini mas’ul deb qarasa, o‘ylaymanki yoshlarimiz vataniga sodiq, kelajagi uchun o‘zini mas’uliyatini his qila oladi. Ushbu ishlarni amalga oshirishda mahalla faollari va keksa avlod vakillari ham muntazam yoshlar bilan uchrashuvlar tashkil etib, ularga shunday farovon kunlarga yetib kelgunga qadar xalqimiz boshidan kechirgan mashaqqatli o‘tmishidan saboq olib, hozirgi farovon hayotimiz uchun shukronolik hissini uyg‘otishimiz lozim. Har bir oila a’zolari orasida o‘zaro mehr-oqibat, fidoiylik va jonkuyarlik fazilatlarini kuchaytirish zarur. Shundagina biz ko‘zlagan maqsadimizga yana shahdam qadamlar bilan ildamlashimiz mumkin. Tinch va osuda yurtimizga ko‘z tegmasin. 

Mahalla faoli Keksalar maslahati guruhi rahbari

Sharipova Oydin Sobirovna

"Yangi O‘zbekiston" gazetasi orqali e’lon qilingan "Respublika Ma’naviyat va ma’rifat markazi faollari va bir guruh ma’rifat targ‘ibotchilarning O‘zbekiston xalqiga Murojaati bilan tanishib chiqdim. Murojaatda keltirilgan fikrlar menga ma’qul bo‘ldi. Haqiqatdan ham biz bugungi kunda mehr-oqibat singari tushunchalarni yoshlar ongiga ko‘proq singdirishimiz lozim bo‘lgan bir vaqtda, oila tashvishlari deb o‘zimiz ham e’tiborsiz bo‘lib qolganga o‘xshayapmiz. Men yaxshi yashamadim, farzandim yashasin deb boylik, mol-dunyo ketidan quvib ayrim yoshlarimizni turli oqimlarga kirib ketishi, oson pul topaman deb xatto Vatan xoini bo‘lishiga ham oilaning, mahalla-kuyning aybi bor deb o‘ylayman. Tinch-totuv mamlakatda yashayapmizu ayrim hollarda keksalarga hurmat, yoshlarga mexr -oqibatli bo‘lish lozimligini xatto kattalar ham unutib qo‘yapti. Menimcha bolalariga ko‘proq ma’naviyatni, odob-ahloqni singdirish o‘rniga pul, mol-davlat topish bilan shug‘ullangan oilalarda xudbin farzandlar tarbiya topsa kerak. Bugungi farovon yurtda yashayotgan har bir yoshi ulug‘ otaxonu-onaxonlar tarbiyani maktabda ko‘proq o‘rgatishiga ishonib o‘tirmasdan, oilada, xatto ko‘cha-kuyda, jamoat joylarida ham yoshlarimizga necha asrlik ma’naviyatimiz, qadriyatlarimizni singdirsak albatta yoshlarimiz ushbu qadriyatlarimizga sodiq bo‘ladi. Buning uchun biz nuroniy otaxonu-onaxonlar har doim yoshlarning eng yaqin maslahatchilari, ustozi bo‘lishimiz lozim.

Uchquduq tuman Abay MFY faxriysi Sh. Rustamov.

   Республика Маънавият ва маърифат маркази фаоллари ва бир гуруҳ маърифат тарғиботчиларининг Ўзбекистон халқига йўллаган Мурожаати айни ўз вақтида қилинган Мурожаат деб қабул қилдим. 

   Президентимиз Шавкат Мирзиёев раҳнамолигида Ўзбекистонда янги Уйғониш даври, яъни Учинчи Ренессанс пойдеворини яратиш асосий мақсад этиб белгиланди. 

Давлатимиз раҳбари таъкидлаганидек, “Биз Учинчи Ренессанс масаласини стратегик вазифа сифатида олдимизга қўйиб, уни миллий ғоя даражасига кўтармоқдамиз”. Юртимизда улуғ ниятлар билан пойдевори қўйилаётган Янги Уйғониш даврининг ёрқин саҳифаларга бой буюк тарихи яратилмоқда. 

Бу оламшумул самаралар келгуси авлодларга муносиб мерос қолдиришга хизмат қилиши шак-шубҳасиздир.  

Ушбу уйғониш даврига қадам босар эканмиз, мурожаатда алоҳида тўхталиб ўтилганидек, оила мустаҳкамлигини ошириш, миллий тарихимиз ва қадриятларимизни сақлаб қолиш ва кейинги авлодга етказиш, ёшлар тарбиясидек муҳим вазифаларни амалга оширишда биз биринчи навбатда юртбошимизга, халқимизга камарбаста бўлишимиз керак. 

Бугунги таҳликали даврда халқимизга ва ёшларга турли хил ёт иллатлар, аҳлоқсизликлар, бузғунчи ғоялар хавф солмоқда. энг аввало ёшларни миллий ва умуминсоний қадриятларни ерга урадиган ғоявий таҳдидлар, ахборот хуружларидан асраш – бизнинг илк вазифамиздир.  

Оқ-қорани таниб улгурмаган, яхши-ёмоннинг фарқига бормаган айрим ёшлар интернет орқали узатилган айрим маълумот-хабарларни мутлоқ ҳақиқат деб қабул қилиш ҳолатлари учраётгани кишини жиддий хавотирга солади. 

Фарзандларимизни ана шундай турли тузоқларга тушиб қолмасликлари учун уларни тарбиясини тўғри ташкил этайлик, фикрсизлик, ахлоқсизлик, дидсизлик, бефарқликдан асрайлик. 

Фарзандларимизга шундай тарбия берайликки, улар ўз ота-боболарига, ўз тарихларига, Ватанига, она тилига, ўз миллий сиймоларига, муқаддас ислом дини анъаналарига содиқ бўлиб қолишсин. Чунки илмли, одобли, фаросатли одам ҳаётда ўз ўрнини, албатта топиб олади. 

Китоблардан ўрганилган маърифий илм қаторида оилада олинган ҳаёт илми ҳам инсон учун сув ва ҳаводек зарур. Бугунги кунда энг муҳим вазифамиз ўсиб келаётган ёш авлодни буюк аждодларимизга муносиб ворислар сифатида диний ва миллий қадриятлар асосида тарбиялаш, улар қалбида Ватанга садоқат туйғусини кучайтириш, уларни ҳар хил бузғунчи кучларнинг ахборот хуружларидан огоҳ этиш, муносиб ҳимоя қилишдан иборатдир. 

Мурожаатда келтирилган чорловни , миллатни уйғотишга чақирган ундовни қўллаб-қувватлайман, Ватан ва ёшлар келажаги учун биргаликда ҳаракат қилайлик! 

Жанагул Булекбаева , Учқудуқ туман Маънавият ва маърифат бўлинмаси раҳбари

    "Янги Ўзбекистон" газетаси орқали эълон қилинган " Республика Маънавият ва маърифат маркази фаоллари ва бир гуруҳ маърифат тарғиботчиларнинг Ўзбекистон халқига Мурожаати билан танишиб чиқдим.

   Ушбу Мурожаат айни вақтда юборилган мурожаат деб ўйлайман. Ҳақиқатдан ҳам Аллоҳга минг шукрлар қилишимиз керакким тинч, осуда мамлакатда яшаяпмиз.

   Ёшларимизга билим олиши, турли мусобақа ва тадбирларда иштирок этиши учун имконият яратилиши билан бирга муносиб рағбатлантирилиб ҳам келинмокда.

   Лекин гуруч курмаксиз бўлмагани сингари айрим ота-оналаримизнинг эътиборсизлиги ёки бефарқлиги сабабли ёшлар орасидан осон пул топиш, бойликка эришиш мақсадида турли ноқонуний гуруҳларга қўшилиши ёки уқувсизликлари сабабли диний оқимларга кириб қолиш ҳолатлари ҳам учраб турибди. Ёшлар бизнинг келажагимиз.

   Қачонки ёшлар тарбиясига ота-оналар, маҳалла, кенг жамоатчилик ўзини масъул деб қараса, ҳар бир зиёли уларни ўз билими билан, юртимизда яратилаётган имкониятлар, жаннатмакон юртимиздаги ижобий ўзгаришлар ҳакида ва биз қандай инсонларнинг ворислари эканлигимизни улар онгига сингдирса, ёшларни ватанни севиш ва ватанпарвар бўлиш сингари туйғуларни улар юрагига жо қила олса, ўйлайманки ёшларимиз ватанига содиқ, уни келажаги учун ўзини масъулиятини ҳис қила олади.

   Ушбу ишларни амалга ошириш учун хар бир таълим муассасалари, маҳалла фаоллари ва кекса авлод вакиллари-нуронийларимизнинг мунтазам ёшлар билан учрашувларини ташкил этиб, уларга шундай фаровон кунларга етиб келгунга кадар юртимизда олиб борилган ислохотлар, бугунги кундаги имкониятлар ва хозирги кунда хам айрим давлатларда ёшларни оғир турмуш шароитлари ҳақида тушунчалар бериш лозим.

   Ҳар бир оила аъзолари орасида ўзаро меҳр-оқибат, фидоийлик ва жонкуярлик фазилатларини кучайтириш зарур.

   Шундагина биз кўзлаган мақсадимизга яна шахдам одимлар билан илдамлашимиз мумкин.

Учқудуқ туман Маьнавият тарғиботчилар гуруҳи раҳбари М.Камолова.

     Республика Маънавият ва маърифат маркази фаоллари ва бир гуруҳ маърифат тарғиботчиларининг Ўзбекистон халқига мурожаатини ўқиб чиқар эканман беихтиёр Ўзбекистоннинг бир бўлаги, ҳам ёш сифатида, ҳам она сифатида атрофимга бир назар солдим.

   Бугун 30 ёшни қаршилаган, ахборот технологиялар ичидаги инсон бўлсамда, олдимда шиддат билан ривожланиб бораётган тармоқларнинг охирги йилларда ҳаддан зиёд тезлашганини, бунинг оқибати эса ўсиб келаётган ёш авлод онгига таҳдиднининг ҳам ошиб бораётганлигига эътибор қаратдим. Мурожаатда Ўзбекистон халқига ва келажагига беетибор бўлмаслик, фарзандларимиз ва ёш авлодни асрашга чорлов бўлсада, бунинг ортида ҳақли хавотирни ҳис қилиш мумкин. Ҳа ҳар бир ота-она борки фарзандини ёмон кўздан асрашга интилади, хўш нима учун биз фарзандимизни ёт ғоя ва қарашларга тўла уммонга отишимиз, кези келганда унга қўшилиб ўргимчак тўрига илинишимиз керак, нима учун фарзандларимизга эҳтиёткорликни кимдир эслатиши керак. Ватан ҳаммамизники, унинг келажаги, равнақи йўлида ҳамма зиёлилар, фаоллар, умуман жамиятнинг барча қатлами бирдек жон куйдириши керак назаримда, чунки бизнинг қонимизга сингиб кетган тушунчалар бор, "Боланинг бегонаси бўлмайди". 
    Ҳа Биз Ўзбекистоннинг келажаги бўладиган авлодни тарбиялаяпмиз, келинг бу йўлда бирлашайлик, ёшми қарими, қўлни қўлга бериб ўзимиз орзу қилган келажакни бирдамликда, ёт ғояга қарши тура оладиган, ҳар қандай ёт тушунчаларни ўзига сингдиришга йўл бермайдиган билими ва салоҳияти кенг бўлган ёш кучлар билан қурайлик. Зеро Ватан тақдири, барчамизнинг қўлимизда.

Феруза Яндашова "Учқудуқ" газетаси мухбири

Бугун ижтимоий тармоқларнинг бирида “Очиқ бюджет портали. Шундай қилса ҳам бўларканми?” сарлавҳаси остида хабар тарқатилди.

Ушбу ҳолат юзасидан туман ҳокимлигида ишчи гуруҳ тузилиб, хабардаги ҳолат ўрганилмоқда.

Мазкур масала юзасидан қўшимча маълумот берилади.

УЧҚУДУҚ ТУМАН ҲОКИМЛИГИ АХБОРОТ ХИЗМАТИ.

Murojaatnomani o‘qir ekanman, shu jamiyatning mas’ul farzandi sifatida o‘zimda kelajakka ishonch, ozgacha kuch va yangi loyihalar uchun ajoyib motivatsiya oldim, shu bilan bir qatorda ulkan mas’uliyatni ham his etdim.

Jamiyatda shukronalik darajasi tarbiya tizimiga, ma’naviy, ahloqiy tamiyillar barqarorligiga, ahloqiy birdamlik turmush tarzi yaxlitligiga ko‘p jihatlarga ko‘ra bog‘liqdir. Bugun dunyoda bo‘layotgan notinchliklar, iqtisodiy-siyosiy nizolar, noinsoniy xunrezliklar va millatlararo kelishmovchiliklarni yoki ba’zi mantaqalardagi xalqlarni bir burda nonga zor bo‘layotganlarini ko‘rib har bir inson O‘zbekistondagi tinch-osuda farovon hayot va to‘kin dasturxonimiz uchun Alloh taologa cheksiz shukrlar aytishimiz lozim bo‘ladi.

Shuningdek, O‘zbekiston xalqiga qilingan murojaatni mazmun mohiyatini bugun barchamiz hayotga tadbiq qilib, murojaatnomada ko‘rsatilgan fikr va mulohazalarga amal qilishimiz lozim deb o‘ylayman. Qachonki yoshlar tarbiyasiga ota-onalar, mahalla, keng jamoatchilik ozini mas’ul deb qarasa, har bir ziyoli ularni oz bilimi bilan, yurtimizda yaratilayotgan imkoniyatlar, jannatmakon yurtimizdagi ijobiy ozgarishlar haqida va biz qanday insonlarning vorislari ekanligimizni ular ongiga singdirsa, yoshlarni vatanni sevish va vatanparvar bolish singari tuygularni ular yuragiga jo qila olsa, oylaymanki yoshlarimiz vataniga sodiq, uni kelajagi uchun ozini mas’uliyatini his qila oladi.

Bu borada eskirgan, zerikarli va samarasiz usullardan voz kechib, har bir uchrashuv va muloqotni ta’sirchan, no’ananaviy va aniq natijaga xizmat qiladigan yangicha usullar asosida o`tkazish eng muhim vazifalardan biri deb e’tirof etilgani ayni haqiqat.

Murojaatnomada keltirilga fikr mulohazalar o‘rinli o‘z vaqtida aytilgan, shu bois Mamlakatimizning kelajagi boʻlmish yoshlarimizni har tomonlama yetuk, bilimli, salohiyatli shaxs, komil inson sifatida tarbiyalash masalasiga barchamiz mas’ul va javobgarmiz deb bilaman.

Novoiy viloyati Uchquduq tuman
ma’naviyat va ma’rifat bo‘linmasi
bosh mutaxassisi K.Axmatova

    Аслини олганда, дўстга садоқат, бирдамлик каби эзгу туйғулар халқимиз орасида қадрият даражасига кўтарилган. Азал-азалдан ота-боболаримизнинг ўгитларида, мақол ва ҳикоятларда, шунингдек шоиру донишмандларимизнинг асарларида дўстлик туйғуси улуғланган, таъбир жоиз бўлса, бундай дунёқараш асрлар давомида қон-қонимизга сингиб кетган.

   Халқлар дўстлиги ва умумхалқ бирдамлик кунини байрам сифатида белгилашдан асосий мақсад – жамиятимизнинг турли қатламлари ҳамда тузилмалари ўртасида ҳамжиҳатлик, бағрикенглик, миллатлараро тотувликни мустаҳкамлаш ва дўстлик алоқаларини янада ривожлантиришдан иборат. Ҳозир мамлакатимизда 130 дан зиёд миллат ва элатлар ҳамда 16 та диний конфессия вакиллари истиқомат қилиб, 141 та миллий маданий марказ ва 36 та дўстлик жамияти фаолият юритмоқда.

   Шу жумладан Учқудуқ туманида ҳам 30 га яқин миллат ва элат вакиллари тинч-тотув, иноқликда умргузаронлик қилиб, Ватан равнақи халқ фаровонлигига муносиб улуш қўшмоқдалар.

    Сана муносабати билан Шимолий кон бошқармаси тасарруфидаги Идоравий ҳарбийлаштирилган қўриқлаш отряди томонидан “Тонг” ошхонасида байрам дастурхони безатилди. Унда бўлинмада меҳнат қилаётган турли миллатга мансуб опа-сингилларимиз иштирок этишди.

    Иштирокчилар турли миллат вакилларининг миллий либослари, миллий таомларидан иборат кўргазма билан яқиндан танишдилар. Миллатлараро тотувлик, диний бағрикенлик мавзуларида ўзаро фикр-мулоҳазалар билдирилиб, иш тажрибалари билан ўртоқлашдилар.
Ушбу тадбирда “Учқудуқ” маданият уйи хонандалари шунингдек, туман рус маданияти маркази жамоаси томонидан ижро этилган куй-қўшиқлар барчага байрам кайфиятини улашди.
   Бугунги кунда бўлинмада Ринат Исанов, Проза Майдабекова, Деҳқон Ҳамроев, Рахила Боханова, Марина Королкова, Толиб Суюнов каби турли миллатлар вакиллари бир оила аъзоларидек, елкама-елка туриб хизмат қилишмоқда.