3-сонли гидрометаллургия заводидаги иш жараёни худди табиат ва ақл ўртасидаги ҳеч қачон тўхтамайдиган ҳамкорликдек кўринади. Бу жараёнда энг муҳим босқичлардан бири – майдалаш цехи.

     Дастлаб, йирик майдалаш цехидан ўтган катта - кичик тош аралашган қумлар илмий тилда айтадиган бўлсак маъдан, олтинга айланиш йўлидаги иккинчи қадамни майдалаш цехида амалга оширади. 1995 йилда ишга туширилган цех аввалига 3 та майдалаш тегирмони билан тошларни “янчиш”ни бошлаган бўлса 2007-2010 йилларда тегирмон блоклари сони 6 тага етказилган.

    Ўтган 2024 йилда фойдаланишга берилган 7 ва 8 тегирмон блоклари ҳисобидан яна 56 та иш ўрни яратилган. Бугунги кунда Анвар Қодиров раҳбарлик қилаётган цех жамоаси Шерали Ҳақназаров, Шамсиддин Муҳаммадиев, Наврўзжан Жўрабеков  каби “Кончилик шуҳрати” кўкрак нишонининг 3 та даражасини қўлга киритган “ковалер” ходимлари билан фахрланади.  Фарход Улашев, Отабек Асадов, Ортиқ Сатторов, Абдулазиз Хушбаков, Аббос Латипов каби умидли ёшларга эса ишонч билдиради.

    Цех жамоаси 1993 йилдан бери чанг, шовқин, намлик ва тебраниш каби зарарли омилларга қарамай меҳнат қилаётган Шинаргул Игибашовани алоҳида ҳурмат қилади.

Илк фаолияти йилларида 1 млн. 272 минг 300 тонна маъданни майдалаган бўлса, бугунги кунга келиб тошлар таркибининг ўзгариши, ишлаб чиқариш ҳажмининг оширилиши шунингдек, цехларда маъдан қабул қилиш имконияти кенгайиши ортидан бу кўрсаткич 8 млн 620 минг тоннани ташкил этмоқда. 2025 йилда цех ишчи-ходимларининг ўз олдига қўйган улкан мақсадларидан бири бу кўрсаткични 10 млн. тоннага етказишдан иборат.

Майдалаш цехидаги жараён 27 минг тонна маъданни бағрига сиғдира оладиган бункердан бошланади. Бункерга қия лента орқали олиб келинган маъданлар 8 дона икки томонлама лента орқали 300 тоннали конвейерга юборилади. Бу ленталарнинг ҳар бири шунчалик мустаҳкамки улар соатига 140-150 тонна рудани тарозига ташиш қувватига эга.

Конвейердан келган маъдан шарлар ёрдамида майдалашга мослаштирилган НМТ70х23 русумли тегирмонларда намлаб майдаланади.  Тош ҳолидан қумга аралашиб ўзига хос лойқа кўринишига келган маъданлар тегирмондан чиқиб классификаторларга йўналтирилади. Классификатор улкан фильтр вазифасини бажаради. Парраклар остида тинимсиз айланиб турган қора қуюқ лойқа эса  сирли “дарё”га ўхшайди. Унинг тубидаги “жавоҳир”ларга  фақат вақт ва меҳнат орқали эришиш мумкин.

Етарлича майдаланган маъданлар флотация цехига йўл олса йирик бўлаклиси яна бир “имтиҳон”дан ўтиш учун қайта майдалашга йўналтирилади. Бу вазифани тегирмонлар қаршисидаги классификаторлар бехато бажариб беради. Ҳар бир тегирмонда соатига 70-80 куб метр сув сарфланади. Цехдаги барча тегирмонлар фойдаланадиган сув ҳажми эса 2000 метр кубни ташкил этади. Тиндирилган тозаланган сув ишлаб чиқариш жараёнида қайта иштирок этади. Эътиборлиси, шу тариқа сувдан унумли фойдаланилади.

Ҳа, майдалаш цехи ишлаб чиқаришнинг муҳим бўғини бўлиб, бу ерда фидойи инсонларнинг заҳматли меҳнатлари туфайли ўлкамиз табиий бойликлари инсоният фаровонлигига хизмат қилаётир.

Феруза ЯНДАШОВА,

махсус мухбиримиз.

     “Обод ва хавфсиз маҳалла” тамойили асосида Йўлчилар овулида ўтказилган ижтимоий профилактика тизими доирасидаги ишларда 225 нафар соҳа мутасадди ва ходимлари иштирок этди. Улар таркибида ҳуқуқ-тартибот идоралари вакиллари, электр энергия, газ, ободонлаштириш хизмати ходимлари шунингдек, тиббиёт ҳамда санитария эпидемиологик осойишталик ва жамоат саломатлиги туман бўлими мутахассислари иштирок этди.
Овулда истиқомат қилувчи аҳолининг 44 нафари ногирон 1 нафари якка-ёлғиз бўлиб, улар тиббиёт ходимлари томонидан яшаш хонадонларида умумий профилактик кўрикдан ўтказилган.
      Ҳуқуқ-тартибот идоралари вакиллари томонидан 67 нафар профилактик ҳисобда турувчи фуқаролар билан суҳбатлар олиб борилди. Ажрим ёқасига келиб қолган 2 та оиланинг яшаш шароити, ўзаро келишмовчиликларнинг сабаблари ўрганилди.
Эътиборлиси, овулдаги 5 та кўчадан 5 та машинада маиший чиқиндилар ташиб чиқарилган. Ёнғин хавфсизлиги ходимлари аҳоли хонадонларида бўлиб, ёнғин хавфсизлиги қоидаларига риоя қилишга доир “огоҳлантирувчи хат”лар тарқатилган. Электр энергия таъминоти корхонаси ходимлари эса овулдаги мавжуд трансформаторларни кўрикдан ўтказиб, носозликлар бартараф этилди.
      “Обод ва хавфсиз маҳалла” тамойили маҳаллалар ободлиги бу ерда яшайдиган аҳоли тинчлиги ва осойишталигини таъминлашда муҳим аҳамиятга эга.
Дарвоқе, ободлик ва хавфсизликка доир олиб бориладиган эзгу ишларнинг кейинги манзили “Дўстлик” маҳалласи бўлади.

УЧҚУДУҚ ТУМАН ҲОКИМЛИГИ АХБОРОТ ХИЗМАТИ

       Учқудуқ тумани олис чўл ҳудудида жойлашган бўлиб чорвачиликка ихтисослашган туманлардан ҳисобланади. Туманда асосан чорвачиликнинг қўйчилик, қорамолчилик, йилқичилик, туячилик тармоқлари кенг ривожланган. Учқудуқ туманида бугунги кунда 89 та чорвачилик фермер хўжаликлари ва 44 та чорвачилик МЧЖ лари фаолият юритмоқда.

      Чорва мол бош сонлари: 2024 йил якуни билан барча тоифа хўжаликларда йирик шоҳли қорамоллар жами  5 636  бошни,  қўй  ва  эчкилар    141 821  бошни,  отлар жами 4 701 бошни,  паррандалар  эса жами 16 170 бошни ташкил этди.

      Чорвачилик маҳсулотлари: барча тоифа хўжаликларда
7 713 тонна (тирик вазнда) гўшт,  соғиб олинган сут 7 081 тонна,  олинган тухум 1 млн 72  минг дона, қирқиб олинган жун 379 тонна  ва олинган қоракўл терилар эса 34 042 донани ташкил этиб, қишлоқ хўжалигининг ўсиш суръати 101,9 % ни ташкил этди.

     Туманда 2024 йилдда чорвачилик йўналишида янги лойиҳаларни амалга оширадиган ташаббускорларни аниқлаш бўйича ишлар олиб борилди ва жорий йилда 18 млрд 600 млн сўмлик 24 та лойиҳалар шакллантирилди. Шундан қиймати 800 млн сўмлик қорамолчилик бўйича 1 та лойиҳа, қиймати 2 600 млн сўмлик йилқичилик бўйича 3 та лойиҳа, қиймати 11 500 млн сўмлик қўйчилик бўйича 14 та лойиҳалар шакллантирилган ва тармоқ жадваллари ишлаб чиқилган ҳамда йил якуни билан жами 49 та янги иш ўринлари яратилиши кўзда тутилган бўлиб, ушбу лойиҳалардан бугунги кунда барчаси ишга туширилган бўлиб 49 та янги иш ўринлари яратишга эришилди.

Жорий йилда 105 та фуқароларга имтиёзли кредит асосида
2 234 000000 млн сўм чорвачилик йўналишида кредитлар ажратилиб аҳоли бандлиги таъминланди ва 948 бош МШМ ва 25 бош ЙШМ лар тарқатилди. Барча тоифа хўжаликларида оқсил касаллигига 2400 бош йирик шохли, 42200 бош майда шохли моллар, куйдирги касаллигига 4500 бош йирик шохли, 105540 бош майда шохли ва 330 бош йилқи 1350 бош туялар ва нодулярни дерматид касаллигига 500 бош йирик шохли молларда прафлактик эмлаш ишлари олиб борилди. 550 дона итларда қутириш касаллигига ва 10 000 бош паррандаларга  эса парранда касалликларига қарши профилактик эмланган бўлиб, хазирда туманда эпизоотик барқарорлик таъминланди.

        Қолаверса чорвачилик билан шуғулланиш истагида бўлган
15 нафар ёшларга Ипакчилик ва жун саноатини ривожлантириш қўмитасига доимий фойдаланишга берилган яйлов ер майдонларидан 8 450 гектар ер майдони иккиламчи ижара шартномаси асосида ажратиб берилди.

        Давлатимиз раҳбарининг 2017 йил 29 сентябрдаги “Навоий вилоятининг Томди, Учқудуқ, Конимех, Нурота туманлари ва Зарафшон шахрини комплекс ривожлантириш ҳамда аҳолиси бандлигини таъминлашга доир қўшимча чора-тадбирлар тўғрисида”ги ПҚ-3301-сонли қарорига асосан Учқудуқ туманида  қўйчилик, қорамолчилик, йилқичилик, туячилик тармоқларини ривожлантириш мақсадида сув таъминоти оғир бўлган ҳудудлар танлаб олинган.

      Натижада, давлат бюджетидан ажратилган 7,5 млрд сўм маблағи ҳисобидан 20 та тик қудуқлар қазилиб, чорва молларини суғориш учун ҳудуддаги фермер хўжаликларига қулайликлар яратилди. Ушбу 20 та тик қудуқларни қазиш ишлари якунланиши натижасида келгусида йилларда 35,8 минг гектар яйлов майдонлари ўзлаштирилиб 13 минг бош майда шохли моллар бош сонлари ошишига эришилади.

     Бундан ташқари қишлоқ хўжалиги соҳасида иш ўринларини яратиш, аҳоли бандлигини таъминлаш ҳамда соҳада норасмий бандлик улушини қисқартириш бўйича жорий йилда Учқудуқ туманида жами 286 та янги иш ўринларини яратиш режалаштирилган бўлиб, бугунги кунда жами 302 та янги иш ўринлари яратилиб, йиллик режага нисбатан 103,6 фоизга бажарилди.

 Ветеринария соҳаси бўйича:

Туман ветеринария ва чорвачиликни ривожлантириш бўлими томонидан 2024  йил  давомида  ўта ҳавфли юқумли касалликларни олдини олиш бўйича олиб борилган қўйидаги эпизоотик тадбирлар бажарилди. Жумладан:

 Йирик  шоҳли  молларни “Нодулярни дерматит” касалигига қарши эмланиш  тадбири  жами  5800  бош;

Йирик  шоҳли  молларни қуйдирги касалигига қарши эмланиш  тадбири  жами  5200 бош;

 Йирик  шоҳли  молларни “Яшур” касалигига қарши эмланиш тадбири  жами  5900  бош;

 Майда  шоҳли  молларни  “Яшур” касалигига қарши эмланиш тадбири  жами 78500 бош;

 Майда  шоҳли  молларни  “Чечак” касалигига қарши эмланиш тадбири  жами 90000 бош;

 Майда  шоҳли  молларни  “Бруцеллёз” касалигига қарши эмланиш тадбири  жами 110240 бош;

Майда  шоҳли  молларни  “Куйдирги” касалигига қарши эмланиш тадбири  жами 107340 бош;

 Майда  шоҳли  молларни  “Бродзод”  касалигига қарши эмланиш тадбири  жами 5000 бош;

Отларни “Тоқ туёқли” хайвонлардан Куйдирги касалигига қарши  эмланиш тадбири  жами 330 бош;

 Эшаклар, Куйдирги касалигига  қарши  эмланиш тадбири  жами  жами
50 бош;

 Туялар Куйдирги касалигига  қарши  эмланиш тадбири  жами 1350 бош; Туялар улати касалигига қарши эмланиш тадбири  жами 2200 бош; Парандаларни “Ньюкасил (Н)” эмланиш тадбири  жами 10000 бош;

  Итларни қутуриш касалигига қарши 770 бош.

Диагностик текширишлар Бруцеллёз ЙШМ 2367 бош, МШМ 25294 бош, Итлар 135 бош, ҳайвонларга профилактик тадбирлари  режа  асосида  олиб борилди.

  Крим-Конго геморрагик иситма касаллиги бўйича фермер хужаликлар ва аҳоли хонадонларидаги мавжуд  204300 кв.м  майдонида жойлашган
11846 қура-қутонларда “Каналар”га қарши бўйича дезинфексия ишлари олиб борилди. Ҳозирда туманда эпизоотик барқарорлик таъминланган.

           Ўрмон хўжалиги бўйича:       

         Ўзбекистон Республикаси Вазирлар Маҳкамасининг 2022 йил
18 январдаги “Орол денгизининг суви қуриган тубида ва оролбўйи ҳудудларида “яшил қопламалар” – ҳимоя ўрмонзорларини барпо этишнинг қўшимча чора- тадбирлари тўғрисида”ги 31-сонли қарорига асосан Учқудуқ туманида  2022-2026 йилларда 100 минг гектар майдонда “яшил қопламалар” – ҳимоя ўрмонзорларини барпо этиш режалаштирилган бўлиб шундан
2023-2024 йил холатига туман Давлат ўрмон хўжалиги бўлими томонидан ўтган 2023 йилда 120 тоннадан ортиқ саксовул ва бошқа чўл ўсимликлари уруғлари йиғиб олинган бўлиб, 2024 йилда 31 300 гектар майдонга уруғ сепиш ишлари олиб борилди. Бундан ташқари бугунги кунда 15 тонна чўл ўсимлиги (исириқ) уруғлари йиғиб олиниб захира қилинган.

      Д.Астанов
   Туман ҳокими ўринбосари 

    Oʻzbekiston Respublikasi Vazirlar Mahkamasining 2025-yil 11-yanvardagi 8-sonli qaroriga asosan Vazirlar Mahkamasining 2016-yil 2-maydagi 132-sonli qaroriga oʻzgartirishlar kiritildi.

Oʻzgartirishlarga koʻra, umumiy oʻrta va oʻrta maxsus, kasb-hunar ta’limi muassasalarining oshxonalari "E-auksion" tizimida oʻtkazilgan tanlov asosida ijaraga beriladi.

Qarorga koʻra ijaraga olish istagidagi shaxslarga bir qator talablar qo’yilmoqda.

Jumladan:

• tadbirkorlik faoliyatini yuritish uchun davlat roʻyxatidan oʻtgan;
• umumiy ovqatlanish boʻyicha kamida 6 oy davomida faoliyat yuritayotgan;
• oshxona faoliyati yoʻnalishi boʻyicha maxsus jihozlarga ega boʻlgan;
• shartnoma va sud hujjatlari boʻyicha zimmasida ijara hamda soliq toʻlovlaridan qarzdorligi mavjud boʻlmagan.

Bunda ijaraga oluvchi arizasiga ushbu talablarga javob berishini tasdiqlovchi hujjatlarning nusxalari va tegishli ma’lumotlarni ilova qiladi.

Tanlov Vazirlar Mahkamasining 2022-yil 12-yanvardagi 18-son qarori bilan tasdiqlangan «E-auksion» elektron savdo platformasida elektron onlayn-auksion va tanlovlarni tashkil etish hamda oʻtkazish tartibi toʻgʻrisidagi nizomga muvofiq oʻtkaziladi.

Ta’lim tashkilotlarining oshxonalari Vazirlar Mahkamasining 2023-yil 14-dekabrdagi 660-son qarori bilan tasdiqlangan Davlat mulkini ijaraga berish tartibi toʻgʻrisidagi nizomga muvofiq ijaraga beriladi.

Tanlovda gʻolib deb e’tirof etilgan ijaraga oluvchi bilan ijara shartnomasi shu davrdagi oʻquv yili uchun tuziladi.

Majburiyatlarini muddatida va toʻliq bajarib kelayotgan ijaraga oluvchining tashabbusi bilan shartnoma muddati keyingi oʻquv yillari uchun qonunchilik hujjatlarida belgilangan tartibda ijaraga berishning eng koʻp muddatigacha uzaytirilishi mumkin.

Muratbek Jurumbayev
“Elektron onlayn-auksionlarni tashkil etish” AJ
Navoiy viloyati hududiy vakili     

Учқудуқ туманида 2024 йил бошидан буён “Ёшлар дафтари” электрон платформасига жами 232 та ариза келиб тушган. Шундан: 194 таси тасдиқланган, 39 таси рад этилган. Тасдиқланган 194 та аризанинг барчасига амалий ёрдам кўрсатилган.

194 нафар аризалари тасдиқланган ёшлар қуидаги йўналишларда “Ёшлар дафтари”дан ёрдам кўрсатилган: 4 нафари моддий ёрдам йўналишида, автомототранспорт воситалари ҳайдовчиларини тайёрлаш йўналишида 3 нафар, асбоб ускуналар ва меҳнат қуролларини харид қилиш йўналишида 25 нафар, тўлов-контракт бўйича 93 нафар, сафарбарлик чақируви резервидаги хизматни ўташ бадали 17 нафар, олимпиада, танлов ва мусобақаларнинг маҳаллий босқичларида қатнашиш харажатлари бўйича 4 та, мамлакатда ёки хорижий давлатларда даволаниш харажатлари бўйча 1 та, Фуқоролик пасспорти олиш тўлови учун 1 нафар, “Ёшлар дафтари”га киритилган ёшларнинг иш билан бандлигини таминлаш йўналишида 34 нафар ва 12 нафар ёшларга бошқа йўналишларда ёшларга ёрдамлар кўрсатилган.

Дафтарга киритилган ушбу ёшларнинг муаммоларини ҳал этиш мақсадида Ёшлар жамғармасидан жами бўлиб 439,4 млн. сўм сарфланди, бундан ташқари Ёшлар жамғармаси маблағлари ҳисобидан Беш ташаббус олимпиадаси спортнинг футбол, мини футбол ва аёллар футболи турлари бўйича ДХХ раиси кубоги ғолибларини тақдирлаш мақсадида 76,8 млн. сўм, Беш ташаббус олимпиадаси миллий кураш тури бўйича бош Прокурор кубоги ғолибларини тақдирлаш мақсадида 6 млн. сўм,  30-июнь “Ёшлар куни” гала консерти учун 50 млн. сўм маблағлар сарфланди.

Жорий йилнинг 12 январь куни Ўзбекистон Республикаси Президенти, қуролли кучлар олий бош қўмондони Ш.М.Мирзиёев раислигида бўлиб ўтган хавфсизлик кенгашининг кенгайтирилган йиғилишида ёшлар масаласига алоҳида тўхталиб, масъулларга мазкур йўналишда бажарилиши лозим бўлган бир қатор топшириқларни ҳуқуқни мухофаза қилувчи органлар (Мудофаа вазирлиги, бош Прокуратура, Фавқулотда Вазиятлар Вазирлиги, Ички Ишлар Вазирлиги, Адлия Вазирлиги, Миллий Гвардия)га берди. Топшириққа мувофиқ Учқудуқ туманида 7 та йўналиш (Оғир тоифадаги 85 нафар, В.М.468-сонли қарори бўйича рўйхатда турувчи ёшлар 18 нафар, Ишсиз ёшлар 210 нафар, Миграциядаги ёшлар 70 нафар, Мактаб ўқувчилари 1494 нафар, Профессионал таълим ўқувчилари 316 нафар, ОТМ талабалари 1030 нафар) бўйича 3223 нафар ёшлар ҳуқуқни мухофаза қилувчи органларга  бириктирилди. Бириктирилган ёшларда жами бўлиб 353 та муаммо аниқланган бўлиб, барча муаммолар ижобий ҳал этилди.

Жорий йилда “Беш ташаббус олимпиадаси” доирасида 27 та танлов ва лойиҳалар бўлиб ўтиши мақсад қилинди. Ушбу лойиҳа ва танловларда Учқудуқ туманида 10 мингдан ортиқ ёшлар рўйхатдан ўтказилиб, танлов ва мусобақаларнинг маҳалла, сектор, туман, вилоят ва республика босқичларида иштироки таъминланди. “Ёшлар овози” Бўзатов-ФЕСТ танловининг вилоят босқичида 1 ўринни эгаллаб, республика босқичида фаол иштирок этди. Спортнинг шашка туридан 27-30 ёшли аёллар ўртасидаги мусобақада Абай МФЙ ёши Амирова Вазира Республика босқичи А лигада 2-ўринни қўлга киритди. Спортнинг стритбол туридан 27-30 ёшли аёллар ўртасидаги Республика босқичида Навоий МФЙ ёшлари C лигада 3-ўринни қўлга киритди. “Беш ташаббус” лойиҳаларида янгилик бўлган касблар танловининг вилоят босқичида “Ёш қурувчи” танловида Йўлчилар ОФЙ ёши 3-ўринни, “Ёш дизайнер” танловида Дўстлик МФЙ ёши 3-о ъринни,   “Електромантаж устаси” танловида Ифтихор МФЙ Ёши 3-ўринни қўлга киритди.

Хорижий тилларни ёшлар орасида бепул ўргатиш мақсадида Ибрат фарзандлари лойиҳаси орқали 1500дан зиёд Учқудуқлик ёшлар рўйхатдан ўтказилди. Хотин-қизлар фаоллигини оширишга қаратилган “Қизлар академимияаси” платформасига туманда 300 нафар қизлар тарғиботлар давомида қамраб олинди. Ёшлар ўртасида шахматга бўлган қизиқишини ошириш мақсадида “Uzchess” платформасига 150 нафар ёшлар қамраб олинди. Китобхонлик маданиятини оширига қаратилган “Mutolaa” платформасига 420 нафар ёшлар қамраб олинди.

Давлатнинг алоҳида кўмагига муҳтож “оғир” тоифадаги ёшлар билан ишлаш бўйича йўриқномага асосан “оғир” тоифадаги ёшлар тумандаги 8 та сектор ва корхона ташкилот раҳбарларига бириктирилди. Бириктирилган ёшларнинг ҳар бири билан учрашилиб, муаммо ва таклифлари тингланди. Бириктирилган ҳар бир ёшнинг ота оналарига хат жўнатилди. Раҳбарлар томонидан йўриқномадаги йўл харита асосида йўл хариталар ишлаб чиқилди. 48 нафар ёшларда муаммо мавжудлиги аниқланиб ва шу кунга қадар барча муаммолар ижобий ҳал этилди.

“Ёшлар баланси” асосида 593 нафар ёшлар (61 нафар ишсиз, 297 нафар мактаб битирувчилари, 120 нафар профессионал таълим битирувчилари ҳамда 113 нафар ОТМ битирувчилари, 63 нафар ишсиз ёшлар) бўйича маҳаллалар кесимида “фуқаробай” “Ёшлар бандлиги дастурлари” ишлаб чиқилиб, 593 нафар (100 %) ишсиз ёшларнинг (328 нафари доимий ишга жойлаштириш, 6 нафарини касб-ҳунарга ўқитиш, 3 нафарига субсидия ажратиш, 94 нафар ёшларни ўзини ўзи банд қилиш, 7 нафарига тадбиркорлик учун кредитлар ажратиш, 155 нафарини таълимнинг кейинги босқичи) бандлиги таъминланди.

Шу билан бир қаторда, Вазирлар Маҳкамасининг 2023 йил
13 сентябрдаги 468-сонли қарорига асосан 10 та тоифа бўйича
18 нафар уюшмаган ёшлар рўйхати тўлиқ шакллантирилиб,
2 нафар ҳуқуқ тартибот органлари масъул раҳбарларга бириктирилди.

Прокуратура (туман прокурори) тизими бўйича – 9 нафар;

ИИБ (туман ИИБ бошлиғи) тизими бўйича – 9 нафар ёшлар бириктирилди.

Бириктирилган масъуллар томонидан амалга оширилган ишлар натижасида 18 та ёшларнинг 16 та муаммолари ҳал этилди.

Октябр ойида қилинган хатловга асосан туман ҳудудида 134 нафар ёшлар хорижий давлатларга ишлаш, ўқиш ҳамда яшаш мақсадида миграцияга кетганлиги аниқланди. Шундан 93 нафар ёшлар ўқиш, 41 нафар ёшлар ишлаш мақсадида кетган.

Учқудуқ туман 1-сон политехникумида 2024- йилда эришилган натижалар муаммо камчиликлар ҳамда 2025 йилда амалга оширилиши лозим булган устувор вазифалар тўғрисида   

МАЪЛУМОТ

Учқудуқ туман 1-сон политехникумида ҳозирги кунда фаолият юритаётган 32 нафар ўқитувчиларидан 5 нафар катта ўқитувчи, 3 нафар етакчи ўқитувчи,
2 нафар бош ўқитувчи ва 22 нафар олий маълумотли ўқитувчи фаолият юритиб келмоқда. Политехникумида келажакда Вазирлар Маҳкамасининг 2021 йил 17 сентябрдаги № 572-сонли қарори асосида педагогик ходимлар босқичма-босқич аттестациядан ўтказиб ва малака тоифасини ошириб бориш ишлари режали тартибда амалга оширилиб келмоқда. Политехникумида халқаро стандартлар талабларига жавоб берадиган миллий баҳолаш тизимида олинган сертификатга эга бўлган педагог ходимлар Шониёзов Ҳаёт Ҳусан ўғли тарих  Milliy sertifikat A1 Наврўзова Гулсанам Бафоевна Рус тили С1, Мустафоева Гўзал Суннатуллаевна Рус тили С1, Шодиева Насиба Рўзимурод қизи Информатика ва ахборот технологиялари Astrum, Рузиқулова Муҳайё Рузиқуловна Информатика ва ахборот технологиялари Astrum, Худойбердиева Ситора Жобир қизи Инглиз тили B2,  Қувондиқова Моҳинисо Файзулло қизи  Инглиз тили B2. “Ибрат фарзандлари” йўналиши бўйича рус тили фанидан 14 нафар ўқувчи онлайн курсларда иштирок этиб, шундан 9 нафар ўқувчи тестларни аъло даражада бажариб сертификат олди. Инглиз тили фанидан 26  нафар ўқувчи онлайн курсларда иштирок этиб, шундан 3 нафар ўқувчи тестларни аъло даражада бажариб сертификат олди. Турк  тилидан 4 нафар ўқувчи онлайн курсларда иштирок этиб, шундан 2 нафар ўқувчи тестларни аъло даражада бажариб сертификатлар олди. Политехникум  Олий таълим муассасалари томонидан профессионал таълим муассасаларига кўрсатилаётган илмий ва методик жиҳатдан  қўллаб - қувватлаш бўйича Бухоро Давлат университети ўқув - услубий қўлланмалар 2 та, Навоий Давлат кончилик ва техналогиялар университети ўқув-услубий қўлланмалар 2 та, Навоий Давлат педагогика институти ўқув-услубий қўлланмалар 1 та, Тошкент давлат Ислом Каримов номидаги техника Университети ўқув-услубий қўлланмалар 1 та, Қуқон Давлат педагогика Университети биргаликда ёзилган илмий мақолалар сони 24 та, Навоий вилояти Навоий Ёшлари газетаси  оммавий ахборот воситаларида ёритилган материаллар сони 2 та, Фарғона вилояти Халқаро Педагоглар журнали   оммавий ахборот воситаларида ёритилган материаллар сони 1 та.

2023-2024-ўқув йилда касб-ҳунар мактабида 223 нафар битирувчилар битирди шундан 47 нафари қиз болаларни ташкил этиб, 88 нафари ОТМ га ўқишга кирган ва доимий ишга жойлашганлар 14 нафар, вақтинчалик иш билан банд бўлганлар 106 нафар бўлиб жами битирувчилардан 208 нафар яъни 93.3 % ни ташкил этади.

2024-йилда Профессионал таълим тизимида “Энг яхши рақамли таълим ресурслари” Республика кўрик – танловда ИЧТУ Л.Фозилова ўзининг “Меҳнат мухофазаси ва техника хавфсизлиги” фанидан таълим ресурсини ишлаб чиқди ва вилоятда фахрли ўрин эгаллаб Республикага йўлланма олди.

Профессионал таълим муассасалари учун “Чилангар иши” ўқув амалиётидан ўқитиш материаллар тўпламини ишлаб чиқилди ва https://prof.edu.uz  платформасига фойдаланиш учун жойлаштирилди.

Навоий вилоят ҳокими Н.Турсуновнинг Навоий вилоятида фаолият юритаётган касбий таълим муассасаларини ҳудудидаги иш берувчи корхона ва ташкилотларга бириктириш жадвалида Учқудуқ туман 1-сон политехникуми НГМК АЖ Шимолий кон бошқармаси, “Навоийуран” ДК Учқудуқ ишлаб чиқариш майдони, “НГМК жамғармаси” ДМ Учқудуқ ҳудудий бошқаримаси, “Ҳудудий электр таммоқлари” АЖ ва “Иссиқлик манбайи” ДУК Учқудуқ филиалларига бириктирилди. Ушбу бириктириш жадвали асосида  Учқудуқ туман 1-сон политехникумда 2025-йилда тумандаги мавжуд ташкилот ва корхоналар билан ҳамкорлик шартномалар тузилди  ва шу шартномалар асосида   Дуал таълим йўлга қўйилди.

         Туман ҳокимлиги ва камбағалликни қисқартириш ва бандликка кўмаклашиш бўлими билан ҳамкорликда калажакда талаб этиладиган касбларни ўрганиб чиқиб, талаб этиладиган касблар бўйича  қабул параметрларини ташкил этиш. Очилиши кутилаётган янги мутахаассиликлар бўйича ва ҳамкор ташкилотлардан олинган буюртмалар тўғрисида мактабларда тарғибот-ташвиқот ишларини йўлга куйиш ва политехникумда “Очиқ эшиклар куни” тадбирини  ташкиллаштириб тумандаги барча мактабларни таклиф қилиш режалаштирилган.    

 “Беш муҳим ташаббус олимпиадаси” доирасида барча гуруҳлар ўртасида белгиланган спорт турларидан мусобоқалар ташкиллаштирилиб, ғолиб бўлган ўқувчилар ҳамда жамоалар муносиб тақдирланиб, туман ҳамда вилоят босқичларида муносиб иштирок этишди.

         “Спорт бизни бирлаштиради”, “Спорт – саломатлик гарови”, “Жисмоний тарбия ва маданият замонавий ўқувчи учун асосий мезон” шиори остида мунтазам равишда гуруҳлар ўртасида ҳамда педагог ва ишлаб чиқариш таълим усталари ҳамда ишчи ходимлари ўртасида мусобоқалар ташкиллаштирилиб ғолиб ва совриндор ўқувчилар ҳамда ходимлар тақдирланиб борилди.

2024-йил давомида маънавий-маърифий тадбирлар ўтказилиб келинди. Жумладан, ўқувчиларнинг бўш вақтларини мазмунли ўтказиш мақсадида “Заковат”, “Китобхонлик”, “Спорт мусобоқалари”, муҳим саналарга бағишланган саҳна кўринишлари, бадий кечалар ва ўқувчи-ёшлар ўртасида жиноят ва ҳуқуқбузарлик содир этишини олдини олиш борасида ҳуқуқни муҳофаза қилувчи органлар билан ҳамкорликда учрашувлар, давра суҳбатлари, давомат тадбирлари, ўқувчилар ётоқхонасида учрашувлар ташкил этилиб, профилактик тадбирлар амалга оширилди.

         Бундан ташқари, 2024-йил ноябрь-декабрь ойларида спортнинг мини футбол туридан “Бошқарма бошлиғи кубоги” Политехникумда кўтаринки руҳда ташкил этилди. 1-босқичда ғолиб бўлган жамоа туман босқичида муфавваққиятли иштирок этиб, фахрли 1-ўринни қўлга киритиб, вилоят босқичига юлланмани қўлга киритди. Бундан ташқари, ўқувчилари ҳарбий спорт турлари бўйича ташкил этитлган мусобоқаларда туман ҳамда вилоят босқичларида наъмунали иштирок этиб келишди. Жумладан, 2024-йил апрель ойида Политехникумнинг  терма  жамоаси Навоий шахрида ташкил этилган “Шунқорлар” ҳарбий спорт мусобоқасининг вилоят босқичида муносиб иштирок этишди.

Политехникумида ўқувчи ёшлар ўртасида ҳуқуқбузарликлар профилактикасини ташкил этиш мақсадида 2024 йил давомида  ҳуқуқни  муҳофаза  қилувчи  органлар ва жамоатчилик иштирокида жами 38 маротаба профилактик учрашувлар, шундан 22 маротаба давра суҳбатлари ва 16 маротаба мунозара бахслари ташкил этилди. Шундан, одам савдоси бўйича 5 маротаба давра суҳбати, диний экстримизм ва терроризмга қарши кўрашиш борасида 4 маротаба учрашувлар ва 2 маротаба давра суҳбати, гиёҳвандликни олдини олиш борасида 4 маротаба давра суҳбати, ўз жонига қасд қилиш  (суитсид)ни  олдини  олиш борасида 3 маротаба учрашувлар ва 2 маротаба давра суҳбати, коррупциянинг олдини олиш борасида 2 маротаба давра суҳбатлари ва 16 маротаба бошқа маънавий-маърифий тадбирлар ташкил этилиб, ўқувчи-ёшларга профилактик тушунтириш ишлари олиб борилди.

Ўқувчи-ёшларда Ватанга садоқат, мардлик ва жасурлик фазилатларини мустаҳкамлаш мақсадида туман мудофаа бўлими ҳамда туман ҳудудида жойлашган ҳарбий қисм хизматчилари билан маънавий-маърифий йўналишда “Буюк келажагимизни мард ва олижаноб халқимиз билан бирга қурамиз” мавзусида маънавий-маърифий учрашувлар, ҳарбий қисмга саёҳатлар ташкил этилди.

Политехникумда 2024-йил давомида ички туризмни ривожлантириш мақсадида “Мозийга саёҳат” дастури доирасида музейлар ва тарихий манзилгоҳларга ташриф ташкил қилинди. Жумладан, март ойида Навоий вилояти тарихи ва маданияти музейига ташриф буюрди.

  Бундан ташқари, апрел ойи давомида ўқувчи-ёшлар мамлакатимизнинг хушманзара ва тарихий масканларидан бири Хоразм вилояти Хива шаҳрига саёҳат ташкил иқлинди. Ўқувчи-ёшлар саёҳат давомида Хиванинг кўҳна ва боқий меъморий объектларидан “Ичан қалъа”, “Калта Минор”, шунингдек “Хоразм тарихи музейи”га ташриф буюришди. Саёҳатдан кўзланган мақсад ёшларни миллий қадриятларимизга ёғирилган тарихий анъаналаримиз ва қадамжоларимиздан хабардор қилиниб, яқиндан таништирилди.

Шунингдек, март ойи давомида Самарқанд шаҳридаги “Ҳазрати Хизир” мақбараси, “Шоҳи-Зинда” қадимий археологик мажмуасига, “Регистон” ансамбилига, “Гўри Амир” мақбарасига, “Бибихоним” мақбараларига туристик саёҳат ташкил этилди.

Политехникум раҳбар кадрлари ва педагогик жамоаси учун ҳар ҳафта мамлакатимизда амалга оширилаётган барча соҳалардаги ислоҳотлар, хорижда рўй бераётган воқеалар, янги қабул қилинган қонун, Ўзбекистон Республикаси Президентининг Фармон, Қарор ва Фармойишлари, Вазирлар  Маҳкамасининг қарор ва фармойишлари, шунингдек, олий таълим тизимида қабул қилинган норматив-ҳуқуқий ҳужжатлар ва топшириқларнинг мазмун-моҳиятини тушунтиришга қаратилган турли мавзуларда маърифат соатларини  ташкил этилди.

Шунингдек, ўқувчи-ёшлар ўртасда мунтазам равишда китобхонлик, заковат, турли салбий иллатларга қарши расмлар ва иншолар танловлари ўтказилиб келинди. Ушбу тадбирлар ўқувчилар ётоқхонасида ҳам ташкил этилди.

Учқудуқ туман 1-сон политехникумида ўқувчиларнинг кунлик давоматини олиниб борилди. Ўқувчиларнинг давоматини яхшилаш мақсадида дарс машғулотларига келмаган ўқувчиларнинг сабаблари ўрганилиб, сабабсиз дарс машғулотларига қатнашмаган ўқувчиларнинг уйларига борилиб, сабаблари ўрганилиб, дарс машғулотларига қайтариш чоралари кўрилди.

Учқудуқ туман 1-сон политехникумининг 2024 йил учун харажатлар сметасига ажратилган жами бюджет маблаглари миқдори 5384248.0 минг сўмни ташкил қилиб, шундан ўқитувчи ва ишчи ходимларнинг иш ҳақларига 3920633.0 минг сўм, ягона ижтимоий тўлов учун 989624.0 минг сўм, коммунал тўловлар учун 289319.0 минг сўм ва бошқа турдаги харажатлар учун 184672.0 минг сўм ажратилган бўлиб, барча касса харажатлари белгиланган кодлар орқали амалга оширилди, бундан ташқари “Open byudjet” лойихаси орқали 170000.0 минг сўм ютиб олиниб ушбу маблағлар ҳисобидан политехникумга

119984.0 минг сўмга ҳар бирини 7499.0 минг сўмдан 16 дона моноблок.

22990.0 минг сўмга 1 дона интерактив панель.

25790.0 минг сўмга 1 комплект турникет сотиб олинди.

Булардан ташқари “Яшил энергия” МЧЖ билан тузилган шартнома орқали политехникумга 20 киловаттлик қуёш батареялари ўрнатилиб, бунинг натижасида 2024 йил давомида 23775.0 кВ электр энергияси тежалишига эришилди.

Учқудуқ туман 2-сон политехникумида 2024/2025-ўқув йили давомида амалга оширилган ишлар тўғрисида

Маълумот

Учқудуқ саноат техникуми биноси 1983 йилда қуриб фойдаланишга топширилган. 2020 йилдан буён Учқудуқ саноат техникуми номи остида фаолият юртиб келмоқда. Ўқув биноси биносининг сиғими 630 ўринга мўлжалланган. Бундан ташқари Учқудуқ саноат техникумида 2003 йилда 120 ўринли устахона биноси, 2013 йилда спорт зал ҳамда 2014 йилда 100 ўринли ётоқхона биноси фойдаланишга топширилган. Ҳозирда техникумда жами 336 нафар ўқувчи тахсил олади. Кундузги таълимда жами 97 нафар, кечки таълимда 50 нафар, сиртқи таълимда 189 нафар ўқувчи тахсил олади.

Учқудуқ саноат техникумида 2024 йил давомида 15 нафар педагог ходимлар фаолият олиб борди, педагог ходимлардан 6 нафари умумтаълим, 9 нафари махсус фанўқитувчиси,шундан 1 нафари физика–математика фанлар номзоди, доцент, 2 нафари бош  ўқитувчи, 5 нафари катта ўқитувчи ҳамда 7 нафари олий маълумотли мутахассис ўқитувчилар. Техникумда 2 та кафедра  “Махсус фанлар ” ва “Табиий ва гуманитар фанлар” кафедралари ташкил етилган. 2024–йилда аттестацияга жалб қилинган  8 нафар ўқитувчилар тест синовларида тўлиқ қатнашиб, 4 нафар умумтаълим ва махсус  фан ўқитувчилари катта ўқитувчи, 2 нафар умумтаълим фан фан ўқитувчилари бош ўқитувчи  тоифасига ега бўлишди.

2024 йилдаЎзбекистон Республикаси Олий таълим, фан ва инновациялар вазирлиги томонидан ташкиллаштирилган профессионал таълим тизимида “Енг яхши рақамли таълим ресурслари” кўрик-танловининг Республика  босқичида “Кончилик иши ” ё‘налиши бўйича Учқудуқ саноат техникумининг  махсус фанлар катта ўқитувчиси С.Каххорова 1-ўринни егаллаган. 2021 йилдан ҳозирги давргача  профессионал таълим муассасалари учун “Кончилик иши” ва “Металлургия” ё‘налишлари  бўйича малака талаби, намунавий ўқув режаси ва ўқув дастурларни такомиллаштирувчи  Республика ўқув-услубий  бирлашмасида Учқудуқ саноат техникумининг 3 нафар махсус фанлар бўйича катта ўқитувчилар С. Каххорова, Ш.Рузиев, Н.Бобоёровалар  ишчи гурух аъзоси сифатида фаолият олиб боради.

Учқудуқ саноат техникумининг ўқув ишлари бўйича директор ўринбосари Г.С.Назирова, инглиз тили фани бош  ўқитувчиси Д.Ш. Сатторова,  информатика ва АКТ фани  бош ўқитувчиси Г.Қ.Тилавовалар 2024 йил март ойида  Самарқанд шаҳрида “Олтин қалам  соҳибаси – 2024 ” Финландия билан ҳамкорликда ўтказилган халқаро конференсияда ўз мақолалари билан иштирок етиб,  сертификатлар хамда  кўкрак нишонлари билан тақдирландилар. 2024 йил  1-октябр “Ўқитувчилар куни” муносабати билан Учқудуқ саноат техникумининг махсус фанлар катта ўқитувчиси С.Каххорова “Ўрта махсус ва профессионал таълим  аълочиси ” кўкрак нишони билан тақдирланди.

 Учқудуқ саноат техникумида жорий йининг 5-январ куни Президентимиз томонидан 2023 йил 22-декабр куни ўтказилган Маънавият ва маърифат Кенгашида еътироф етилган ғоялар ҳамда маърузанинг мазмун-моҳияти тарғиб қилинди. Шунингдек, амалга оширилаётган ислоҳотлар, бунёдкорлик ишлари, аҳоли фаровонлигини таъминлаш, тинчликни асраш борасида фикрлар билдирилди.

Жорий йилнинг 13-январ куни Учқудуқ саноат техникумида 14-январ “Ватан ҳимоячилари куни” муносабати билан Учқудуқ туман мудофаа ишлари бўлими бошлиғи маёр Давлатов Қахрамон Рахматович ҳамда Учқудуқ тумани Мудофаа ишлари бўлими бошлиғининг  тарбиявий ва мафкуравий ишлар бўйича ўринбосари М.Бозоровлар иштирокида “Янги Ўзбекистон армияси - мамлакат қудрати, юксак ғурур ва садоқат тимсолидир!” шиори остида давра суҳбати ташкил етилди. Давра суҳбатида меҳмонлар ўқувчи-ёшларни байрам билан табриклаб, ҳозирда армиямиз ва унда яратилган шарт-шароитлар билан таништириб ўтди.

2024 йил 18-январ куни Учқудуқ саноат техникумида “Енг яхши китобхон гуруҳ” танлови ўтказилди. Танлов Ўзбек миллий адабиётининг йирик намояндаларидан бири, буюк романнавис Абдулла Қодирийнинг ҳаёти ва ижодий фаолияти ҳамда унинг  “Ўткан кунлар” романи асосида 1-босқич кундузги таʼлим 3-23 ва 4-23 гуруҳлари ўртасида беллашув тарзида ўтказилди. Беллашув сўнги натижаларига кўра 3-23 гуруҳ талабалари 12 та саволдан 9 тасига тўғри жавоб бериб   “Енг яхши китобхон” гуруҳ деб топилди.

Ўзбекистон Республикаси Президентининг 2019 йил 19-мартдаги видеоселектор йиғилишида берилган топшириқларига асосан ёшлар маънавиятини юксалтириш ва уларнинг бўш вақтларини мазмунли ташкил етиш бўйича 5та муҳим ташаббуснинг 2 ташаббуси ёшларни жисмоний чиниқтириш, уларнинг спорт соҳасида қобилиятини намоён қилиш ҳамда ўқувчиларнинг бўш вақтларини мазмунли ўтказиш мақсадида 2024-йил 7-феврал куни Учқудуқ саноат техникуми ўқувчи-ёшлари ўртасида спортнинг волейбол  тури бўйича мусобақа ташкил етилди. 

2024 йил 8-феврал куни Учқудуқ саноат техникумида Ҳазрат Алишер Навоий таваллудининг 583 йиллиги муносабати билан “Улуғ мутафаккир сўз мулкининг султони” мавзусида ўқувчи-ёшлар ўртасида тадбир  ташкил етилди. Тадбирда ўзбек мумтоз адабиётининг йирик вакили, ўзбек адабий тилининг асосчиси, буюк қомусий олим ва мутафаккир, улуғ донишманд, давлат арбоби ўз даврининг илим-фан санʼат ва адабиёт аҳлига мураббий, устоз  Мир Алишер Навоийнинг бебаҳо ижодий-илмий мероси нафақат халқимиз, балки жаҳон адабиёти тарихида, миллий маданиятимиз, адабий-естетик тафаккуримиз ривожида алоҳида ўрин егаллаганлиги таъкидланди. Шоир ер юзидаги миллионлаб китобхонлар қалбидан муносиб ўрин егаллаб келмоқда. Тадбир давомида шоирнинг  ҳаёти ва ижодига оид саҳна кўринишлари намойиш етилди. 2024 йил 14-март куни Учқудуқ саноат техникуми ўқувчи-ёшлар билан биргаликда Зарафшон шаҳрида жойлашган “Қизилқум” музейига саёҳат уюштирилди. Саёҳат жараёнида ўқувчи-ёшлар тоғ-кон  саноатига оид експонатлар ва музей тарихи  билан яқиндан танишди.

Шунингдек, давлат рамзлари ҳамиша муқаддас ва улуғ саналади. Чунки у халқнинг ўтмиши, бугуни ва келажагини ўзида мужассам етган Ватаннинг ёрқин тимсолидир. Миллатимиз  байроғи халқаро майдонда мустақил ватанимизни ифодаламоқда. Ўзбекистон Республикасининг “Давлат байроғи тўғрисида”ги Қонуни қабул қилинганлигининг 33 йиллиги муносабати билан 2024 йил 10-декабр куни  Учқудуқ саноат техникумида “Миллат байроғи” шиори остида асосида  сиёсий саводхонлик тадбирлари ўтказилиб келинаётганлиги маълум қилинади.

   Учқудуқ тумани спорт мактаби спортчилари вилоят очиқ биринчилиги, турнирлар, чемпионат ҳамда кубок мусобақаларида 2024-йил давомида турли спорт мусобақаларида иштирок етиб

 44 нафари 3-ўринни,

 33 нафари 2-ўринни,

 68 нафари 1-ўринларни эгаллаган.  Шунингдек, жами соврундор бўлган спортчилар сони 145 нафарни ташкил этди.

Республика чемпионат ҳамда кубок мусобақаларида спортчи ўқувчиларимиз Еркин кураш, жиу-жицу, кураш, ўзбек жанг санъати, белбоғли кураш, пауерлифтинг, пара пауерлифтинг, самбо  спорт  мусобақаларида иштирок етиб 

38 нафари 3-ўринни,

18 нафари 2-ўринни,

25 нафари 1-ўринларни эгаллаганлиги жами соврундор бўлган спортчилар сони 81 нафарни ташкил этди.

2024-йилда Осиё чемпионати ҳамда  кубок мусобақаларида спортчи ўқувчиларимиз  самбо, жиу-жицу, ашихара карате-до спорт мусобақаларида иштирок етиб

4 нафари 3-ўринни,

7 нафари 2-ўринни,

5 нафари 1-ўринларни эгаллаб жами 15 нафар спортчиларни ташкил этганлиги маълум қилинади.

Юқоридагиларни инобатга олиб, ушбу кўрсаткич 2023 йилга нисбатан 2024 йилда бу кўрсаткич 10 фоизга ошди.

2024-йилнинг 25-июндан 7-июл кунлари Россия давлатининг Якутиский шаҳрида Нормуродова Нозима Назиржон қизи спортнинг Еркин кураш туридан  Халқаро Осиё болалари ўйинларида 1-ўринни егаллаб қайтди.

Ушбу кўрсаткичларни 2025 йилда 16 фоизга етказиш мақсад қилинганлиги ҳамда 2025-йилда бўлиб ўтадиган жаҳон чемпионати мусобақаларида спортнинг  самбо, жиу-жицу, пауерлифтинг каби йўналишларида 4 нафар спортчилар иштирок етиб ғолибликни қўлга киритиши режалаштирилган.

    2024-йилда Учқудуқ туман тиббиёт бирлашмаси хизмат кўрсатадиган аҳоли сони 37594 тани ташкил этиб, шундан 22014 нафари эркаклар, 15580 нафари аёллар ҳамда 9420 нафари 0-14 ёш болаларни ташкил этади.Туман аҳолисига 10 та тиббиёт муассасалари томонидан тиббий хизмат кўрсатилиб,ушбу     муассасаларга 1та стационар, 1 та кўп тармоқли марказий поликлиника, 1 та оилавий     поликлиника, 7та оилавий шифокор пунктилари киради. Туманда 1 та  80 ўринли стационар даволаш-профилактика муассасалари мавжуд бўлиб шу кунга қадар 3825 нафар бемор даволаниб чиқди.

Сўнгги беш йилда мамлакатимизда барча соҳалар қаторида, соғлиқни сақлаш соҳасига ҳам жуда катта эътибор берилмоқда.Хусусан, соҳага оид Президент ва Ҳукуматнинг 100 дан ортиқ норматив ҳужжатлари қабул қилиниб, аҳолининг тиббиётдан розилигини таъминлаш борасида амалий ишлар бажариб келинмоқда.

Ҳурматли Президентимиз томонидан бирламчи тиббий санитария ёрдами, ихтисослаштирилган хизмат, хусусий сектор фаолияти, фармецевтика соҳасида кенг кўламли ислоҳотлар амалга оширилди. Бугунги кунда, тиббиёт ходимлари учун барча зарур шароитлар яратиб берилиб, барчаси инсон қадри учун деган тамойил асосида кенг кўламли ишлар олиб борилмоқда. Аҳоли ва тиббиёт ташкилотларининг сифатли дори воситалари ҳамда тиббий буюмлар билан таъминланганлик даражасини ошириш, соҳада таъсирчан жамоатчилик назоратини олиб бориш учун шарт-шароитлар яратиш, шунингдек,Аҳолини сифатли дори воситалари билан таъминлаш юзасидан чора-тадбирларни амалга ошириш бўйича «ЙЎЛ ХАРИТАСИ» тузилди. Беморларни шифохонада дори воситалари ва тиббий буюмлар билан таъминлаш бўйича Бирламчи тиббий-санитария хизмати муассасаларини дори воситалари ва тиббий буюмлар билан таъминлаш ишларини янада яхшилаш  мақсадида Туман тиббиёт бирлашмасига қарашли барча бирламчи тиббий-санитария  хизмати муассасалари Соғлиқни сақлаш вазирлигининг 13.10.2023 йилдаги 41-сонли буйруғига асосан 120 хил  дори-воситалари жумладан 80 турдаги дори воситалари, 16 турдаги стоматологик воситалар, 24 турдаги тиббий воситалар билан таъминлаш мақсадида 2024 йил смета харажатларида 1 109 061,700 ( бир милярдбирюзи туккиз  млн сўм ) ажратилди.Бу эсабитта беморга стационар ётиб даволанган беморлар учун 18 368 сўмдан, амблатор даволанишда эса 16 500 сўмдан тўғри келади.  Президентимизнинг 2022  йил 24 март куни тиббиёт ходимлари билан бўлиб ўтган учрашувдаги ПҚ-33 сонли қарорига асосан ҳар бир КТМП, ОП ва ОШП ларда кундузги стоционарлар ташкил этилиб туманимиз аҳолисига бепул дори воситалари (жумладан Антиструмин,Инсулин,Эналаприл,Цинноризин,Натрий тиосульфат,Дексометазон,Албендазол ва турли витамин, ҳк) ва тиббий хизмат билан қамраб олинди. 2024 йил  11 ой давомида амблатор шароитда кундузги стационарларда 6425 нафар беморлар ётиб  даво муолажаларини олиб чиқишган.

 Аҳолининг кам таъминланган, ижтимоий химоя ва тиббий ёрдамга мухтож қатламлари, пенсионерлар, ногиронлар ва кўп болали оилалар фарзандларини ёшлар ва аёлларни саломатлигини янада мустахкамлаш мақсадида “Инсонга эътибор ва сифатли таълим йили” Давлат дастури доирасида, улар билан доимий очиқ мулоқотни хар бир махаллада тор соха мутахасислари ва тиббиёт бирлашмаси рахбари томонидан ўтказилиб,  чуқур тиббий кўрикдан мунтазам ўтказиб бориш, аниқланган касалликлар бўйича соғломлаштириш ишларини олиб борилмоқда.

Мактаблар ва касб ҳунар мактабларида таълим олаётган, имконияти чекланган болаларни алоҳида рўйхатга олиш ва уларга мураббийларни бириктириш, тиббий ижтимоий ёрдамларни ташкил этиш бўйича туман халқ таълими бўлими билан хамқорликда ишлар амалга оширилиб,тузилган ишчи гурух томонидан хозирда 34 нафар болаларга уй таълимини тайинланган.

Кўп болали, кам таъминланган оилалар фарзандларининг ижтимоий химоясига эътибор қаратиш, уларнинг моддий ва маънавий жихатдан қўллаб қувватлаш ҳамда мазкур қарорни амалга оширилишида туманда фаолият кўрсатаётган оилавий поликлиника ва оилавий шифокорлик пунктларининг масъулиятини эътиборга олган ҳолда, қўшимча чора-тадбирлар режаси белгиланиб, хар бир овул ва маҳаллаларда яшаётган аҳолинининг хожатманд қатламлари рўйхати шакллантирилиб, уларга тиббий-ижтимоий ёрдам кўрсатиш самарадорлигини оширишга алоҳида эътибор қаратилиб келинмоқда.-режада белгиланган ижтимоий химояга мухтож аҳоли қатламлари хусусан пенсионерлар, ногиронлар ва бошқа эхтиёжманд оилаларга бериладиган реабилитатсия техник воситалари ва протез-ортапедия махсулотлари билан 2024 йил 11 ой давомида Реаблитация техник воситалари билан 25 нафар фуқаролар таъминланган. Жумладан 11 та каттлар учун ногиронлик аравачалари,2 та болалар учун аравачалар, 11 та эшитиш мосламаси, 10 та қўлтиқ таёқ, 20 та хасса, 4 та юриш мосламаси (ходунок), тирсакли қўлтиқ таёқ 6 та, кўзи ожизлар хассаси 3 та, нажас қабул қилгич 1 та лар берилди.

4. Оналик ва болаликни муҳофаза қилиш бўйича:

Ўзбекистон Республикаси Президентининг 2022 йил 25 апрелдаги ПҚ-216-сон “Оналик ва болаликни мухофаза қилишни кучайтириш”тўғрисидаги қарори ижросини таъминлаш мақсадида  Учқудуқ туман тиббиёт бирлашмасичора-тадбир режаси ишлаб чиқилган бўлиб унга кўра оилавий шифокор пунктлари ва оилавий поликлиникалар ҳамда туман кўп тармоқли марказий поликлиникалари томонидан болалар ва ҳомиладор ҳамда туғиш ёшидаги аёлларни янада сифатли тиббий хизмат билан тўлиқ қамраб олиш учун «тиббиёт бригадалари»га 2022-2023 йилларда қўшимча 8 та ўрта тиббиёт ходимлари (педиатрия ҳамшираси ва доя) штатлари ажратилиб, аҳолиги тиббий хизмат кўрсатмоқда.

Туманда яшовчи 18 ёшгача бўлган болаларни педиатр, стоматолог, эндокринолог, ортопед каби энг зарур мутахассислар томонидан манзилли кўрикдан ўтказилиб, аниқланган касалликлар бўйича соғломлаштириш ишлари олиб борилмоқда.Туман тиббиёт бирлашмаси туғруқ бўлимини моддий-техника базасини мустаҳкамлаш (жиҳозлаш) учун маҳаллий ҳокимият маблағлари ҳисобига  Доплер, операционний лампа, электрический операционний стол, Барбова ва стаблизатор аппаратлари сотиб олинди. Ҳудудларда эшитиш заифлиги ва карлик мавжуд болаларни эрта аниқлаш ва кохлеар имплантация амалиёти билан қамраб олишни кенгайтири мақсадларида  аудиоскрининг тадбирлари натижалари таҳлил қилиниб, туғруқ бўлими аудиометр аппаратлари билан  таъминланди ҳамда чақалоқлар орасида туғма карликни аниқлаш мақсадида мутахассислар ўқитилиб, текширув ишлари йўлга қўйилди. Аудиоскрининг тадбирлари натижаларини таҳлил қилиш учун трекинг маркази зарур анжомлар (компьютер техникаси, принтер, мобил алоқа воситалари (сим-карталар) билан таъминлаб, уларни туғруқ муассасасидаги скрининг аудиометр билан уланиб мунтазам ишлаши таъминланди. Тумандаги  8850  нафар фертил ёшидаги хотин-қизларга тиббий хизмат кўрсатилади, шундан ҳомиладорлар 420  нафар аёл тиббий кузатувга олинган.

КТМП қошидаги болалар ҳамда аёллар маслаҳатхоналари,  ўсмир қизлар тиббий кўрик хонаси, марказий шифохона таркибида 13 ўринли болалар бўлими ва  22 ўринли туғруқ ва гинекология ҳамда ҳомиладор аёллар патологияси бўлимлари томонидан соғломлаштириш ишлари олиб борилади. Жорий йилнинг шу кунига қадар туман марказий шифохонаси туғруқ бўлимида туғруқлар  сони-454та бўлиб,  ўтган йилнинг мос даврига нисбатан ( 523 та) -69 тага камайганлиги кузатилди.

 Гўдаклар ўлими  4 та  қайд этилиб, ўтган йилнинг мос даврига нисбатан (2023 йил 7 та.). Гўдаклар ўлими сабаблари:100% перинатал даври касалликлари, туғма аномалиялар, нафас олиш тизими касалликларини ташкил этди.Фертел ёшидаги аёлларни исталмаган хомиладорликдан сақлаш хамда туғруқлар интервалларини сақлаш мақсадларида контрацепция воситалари билан қамраб олинда махаллий бюджет  маблағларидан 12000000 млн. ажратилди.

Худудларда олиб борилаётган потранаж хизматидан тўлиқ фойдаланиш, потранаж ходимларини аҳоли яшаш пунктларига бириктириш, хонадонларга бориб эхтиёжманд оилаларни ҳолидан хабар олишни ташкил этиш мақсадларида, уларни дори-дармон ва патронаж  сумкалари билан тўлиқ таъминланди. Планшетлар билан ишлаш йўлга қўйилди. Потранаж ходимларини малакасини мунтазам ошириб бориш, IT курсларига ўқишлари бепул йўлга қўйилди.

Алоҳида тоифаларига ажратиладиган айниқса 120 хил бепул давлат томонидан берилаётган дори-дармон воситаларини манзилли етиб боришини таъминлаш, бунда ногиронлар, ижтимоий химояга мухтож аҳоли қатламлари ҳамда якка ёлғизларга алоҳида эътибор қаратиш мақсадларида Оила шифокорлари томнидан хар бир хонадонга борган холда уларни соғломлаштириш,”электрон ордер” орқали вилоят ва ркспублика ихтисослаштирилагн марказларда даволанишлари учун мунтазам фаолият олиб борилмоқда.

3. Кадрлар таъминоти, салоҳияти ҳамда тиббиёт соҳасида таълим, илм фан ва инновацияларни ривожлантириш бўйича:

Бугунги кунда туман тиббиёт  бирлашмаси тизимига кирувчи ходимлар жами 558.5 штат бирлиги мавжуд бўлиб ушбу штат бирликларида ишловчи ходимлар сони 690 нафар. Тизимда ишловчи ходимларнинг 17 нафари 3,5 %ни пенсия ёшидаги ходимлар ташкил қилади. Шунингдек, ўриндошлик асосида ишловчи ходимлар сони 10 нафарни ташкил қилади. 54 нафар шифокорлар (12 нафар оилавий шифокорлар ва 42 нафар тор соҳа шифокорлари) фаолият кўрсатиб келмоқда

Мавжуд вакансияларни камайтириш мақсадида: 2024 йилда Тиббиёт олийгохларни битирувчи ёшлари билан шартномалар тузилиб 10 нафарини ишга қабул қилинди 09 таси Оилавий шифокор, 1 таси стоматолог, шифокори хисобланади.

5. Тиббиётни рақамлаштириш соҳаси бўйича:

Учқудуқ туман тиббиёт бирлашмаси тизимидаги даволаш-профилактика муассасаларида жами  97 та компьютер жамланмаси мавжуд бўлиб, интернет тизими ва ички локал тармоқ тизимига уланган.

Учқудуқ туман тиббиёт бирлашмаси тизимидаги даволаш-профилактика муассасалари фаолиятини тўлиқ рақамлаштиришга ўтказиш мақсадида   электрон тиббиёт дастурига яъни “МедҲуб Бот”  электрон поликлиника дастури ўрнатилиб, ишга туширилган.

Шунингдек, Соғлиқни сақлаш вазирлиги ҳузуридаги “UZINFOCOM MCHJ” |томонидан “Туғилиш ва ўлимни электрон рўйхатга олиш”, “Хатлов”, “СМАТ”, “Коронавирус инфекциясига қарши эмлаш ҳисобини юритиш бўйича ягона ахборот тизими”, “ТМЭК”, “Касаллик варақалари ҳисобини юритиш”, “Имтиёзли йулланма”, “Ногиронликни электрон тарзда белгилаш”, “Касаллик варакасини электрон рўйхатдан ўтказиш” ахборот тизимлари  жорий этилган. Шу билан бир қаторда электрон навбат (йўлланма) тизими (mis.ssv.uz) ҳам йўлга қўйилган бўлиб, имтиёзли даволаниши мумкин бўлган беморлар вилоят ва Республика муассасаларга юборилмоқда. Бундан ташқари Ўзбекистон Республикаси Президентининг 2022 йил 25 июлдаги “Ўзбекистон Республикаси аҳолисини ижтимоий ҳимоя қилиш стратегиясини тасдиқлаш тўғрисида”ги ПФ-175-сонли Фармонининг 4-банди ҳамда 14 февралдаги ПҚ-128-сонли қарори билан тасдиқланган Йўл харитасининг18-бандига асосан ва Молия вазирлиги ҳамда Соғлиқни сақлаш вазирлигининг 2022 йил 31 августдаги 05/26/12-34/2485-сонли қўшма хати асосида 2023 йил 10 июлъ бошлаб бюджет ташкилотларидан ташқари барча юридик шахсларда меҳнат шартномаси бўйича охирги 6 ой давомида узлуксиз иш стажига эга бўлган аёлларга ҳомиладорлик ва туғиш нафақалари тўланиши ҳамда бюджет ташкилотлари ходимларининг вақтинча меҳнатга қобилиятсизлик варақаларини электрон шаклда расмийлаштириш йўлга қўйилди.Ушбу тизимга маъсуллар томонидан киритилган вақтинча меҳнатга қобилиятсизлик варақалари тўғрисидаги маълумотлар Молия вазирлигининг “Ижтимоий ҳимоя ягона реестри” ахборот тизимига ҳамда “УЗАСБО” дастурий таъминотига электрон шаклда юборилади.

6. Моддий-техника базасини мустаҳкамлаш бўйича:

Аҳолига кўрсатилаётган тиббий хизмат сифатини ошириш мақсадида Туман тиббиёт бирлашмасига қарашли кўп тармоқли поликлиникасига 1 дона сокоохлодител,  марказий шифохона стерилизация бўлимига паровой стерилизатор 1 дона   олиб келинди. 36 оилавий поликлиникага аквадистилятор электрический, ташхисловчи магнитний терапия, физиотерапия аппаратлари олиб келинди. Тиббиёт муассасасига жаррохлик булимига Монитор диагностический аппаратура 12 млн сумга, стол операционний 952 млн сумга. Светилник операционний 135 млн сум, Коагулятор 44 млн сумга, жаррохлик туплами 960 млн га, лапароскоп аппарати 63 млн га, барбова аппарати 3 млнга аппаратлари сотиб олинди ва ахолига сифатли тиббий хизмат курсатишда туман тиббиёт бирлашмаси бўлимларида беморларга ёрдам кўрсатишда фойдаланиб келинмокда. 2024 йил 11 ой давомида туман тиббиёт бирлашмаси ички дорихонасига бюджет маблағлари асосида 95 млн сўмлик реактив, дори-дармон ва боғлов воситалари харид қилиниб қиримга олинган. Хамда 11 ой давомида бирлашмага мурожаат қилган беморларни даволаш учун фойдаланилган.

7.Аҳолини соғлом-турмуш тарзини қўллаб-қувватлаш,тиббий профилактика сохаси бўйича.

Туман тиббиёт бирлашмаси томонидан ёшлар ўртасидаги гёҳванд моддаларсиз соғлом турмуш тарзини шакллантириш спорт тўгаракларига жалб этилган ўсмирлар қамровини кенгайтириш юзасидан ахоли қатламлари орасида хар ҳафта ташкилот ,корхона  махалла, ешлар марказида, миллий гвардия ташкилотида,  касб-хунар мактабида, саноат техникумида,  мактабларда, МТТда Гиёхвандликнинг тиббий  зарари тугрисида  давра суҳбатлари ва тарғибот-ташвиқот ишлари амалга оширилмоқда. Аҳолини соғлом-турмуштарзини қўллаб-қувватлаш ва жисмоний фаоллигини ошири бўлими билан биргаликда гиёҳвандликнинг салбий оқибатларини акс этган  1300  та буклет,  600 та дан тарқатма материаллар аҳолига тарқатилди. Шунингдек тиббиёт ходимлари орасида Ўзбекистон Республикаси Президентининг  2018 йил 12 декабрдаги “Юқумли бўлмаган касалликлар профилактикаси, соғлом турмуш-тарзини қўллаб-қувватлаш ва аҳолининг жисмоний фаоллиги даражасини ошириш чора-тадбирлари тўғрисида” ги ПҚ-4063-сонли қарори ҳамда Ўзбекистон Республикаси Президентининг 2020 йил 30 октябрдаги ПФ-6099-сон“Соғлом турмуш-тарзини кенг татбиқ этиш ва оммавий спортни янада ривожлантириш чора-тадбирлари тўғрисида” ги Фармони ва Ўзбекистон Республикаси Вазирлар Маҳкамасининг 2021 йил 28 апрелдаги “Соғлом турмуш-тарзи платформаси фаолиятини ташкил этиш чора-тадбирлари тўғрисида”ги 253-сонли қарорлари ижросини таъминлаш мақсадида ички буйруқ ишлаб чиқилиб белгиланган йўналишлар асосида спорт тадбирлари ташкил этиб келинмоқда. Аёллар спортини ривожлантириш мақсадида тиббиёт бирлашмасида ишловчи аёллар ўртасида спортнинг волейбол тури бўйича ички ўйинлар ташкил этилиб, саралаб олинган жамоалар туман босқичи ўйинларида фаол иштик этмоқда.

    Вазир жамғармасидан устама олиш учун ўтказилган саралаш тест синовларида бўлим тасарруфидаги умумтаълим мактабларидан 21 нафар педагогларнинг ҳужжатлари тайёрланиб, Мактабгача ва мактаб таълими вазири жамғармаси ҳисобидан 2024-йилда ҳар ойлик устамага даъвогар педагоглар саралаш имтиҳонларидан ўтказилган бўлса, шундан туман таълим тизимида фаолият кўрсатиб келаётган 4 нафар ўқитувчилар ўтказилган тест синовларидан муваффақиятли ўтиб, 2-босқич суҳбат натижаларига кўра Вазир жамғармасидан 9 ой давомида устама олиш ҳуқуқини қўлга киритди ва ўзларининг егаллаган билимлари билан вазир жамғармасидан устама олиб келмоқда. Булар;

1. Темиров Лазиз Расулович – 10-мактабнинг тарих фани ўқитувчиси;
2. Идиева Мўтарам Бажриддиновна – 10-мактабнинг она тили ва адабиёт фани ўқитувчиси;
3. Худойбердиев Дилшод Мухаммадалиевич – 20-мактабнинг математика фани ўқитувчиси;
4. Отаева Шахло Зубайдуллаевна - 20-мактабнинг тарих фани ўқитувчиси.

Фан олимпиадасининг 3 (вилоят) босқичида Учқудуқ туман ММТБга қарашли умумталим мактаблари ўқувчилари фаол иштирок етиб, вилоятда умумий ҳисобда

3-ўрин эгалланди.

Жумладан, 9-синф ўқувчилари ўртасида 3 та 1-ўрин, 2 та 2-ўрин, 1 та 3-ўрин, 10-синф ўқувчилари ўртасида 2 та 1-ўрин, 1 та 2-ўрин, 11-синф ўқувчилари ўртасида 2 та 1-ўрин, 2 та 2-ўрин ҳамда 1 та 3-ўрин, жами туман бўйича 14 та совринли 1-, 2-, 3-ўринлар қўлга киритилди.

Вилоят босқичи натижаларига кўра тумандан иштирок этган 117 нафар ўқувчиларнинг 14 нафари совринли ўринларни қўлга киритган бўлса, ғолиб бўлганларнинг 2 нафари 7-мактаб, 5 нафари 9-мактаб ҳамда 7 нафари 20-мактаб ўқувчиларини ташкил етади.

Хорижий тилларни ўқитадиган енг яхши мактаб кўрик-танловининг 2024-йил натижаларига кўра 20-мактаб жамоаси 1-ўринни, 7-мактаб жамоаси 2-ўринни ҳамда 18-мактаб жамоалари 3-ўринни қўлга киритди. 

Ўзбекистон Республикаси Президентининг 2021 йил 19 майдаги 5117-сонли қарори асосида Ўзбекистон Республикаси Президентининг соврини учун “Хорижий тилларни ўқитиш бўйича енг яхши мактаб” танловининг вилоят босқичида 20-сонли мактаб жамоаси фахрли 2-ўринни қўлга киритди.

Ҳозирги кунда умумий ўрта таълим мактаблари ўқувчилари томонидан “Бир миллион дастурчи” лойиҳасининг мантиқий давоми бўлган Коурсера ўқув курслари бўйича таълим муассасаларида тарғибот ишлари амалга оширилиб борилмоқда. Вилоят мактабгача ва мактаб таълими бошқармасининг назорат режасига асосан Учқудуқ туманига 2024 йил якунига қадар 800 нафар ўқувчи ёшлар ушбу платформада онлайн ўқиб сертификат олиши белгиланган бўлса, бугунги кунга қадар 1000 дан ортиқ ўқувчи (125%) ёшлар ушбу платформада ўқиб сертификатларни қўлга киритди.

Учқудуқ туманида 2023-2024 ўқув йилининг якуни билан мактаб битирувчиларининг ОТМларига ўқишга кириш кўрсаткичлари таҳлил қилинганда туман кўрсаткичи 80%ни (барча ОТМ, чет ел ОТМлари, Хорижий давлатларнинг Ўзбекистондаги филиаллари ва х.л ) ташкил қилган. Ўзбекистондаги ОТМларига 166 нафар битирувчилар ўқишга кириб, шулардан 75 нафари грант асосида, 91 нафари давлат контракти асосида талаба бўлди.

Чет тили фанидан 91 нафар ўқитувчилардан 58 нафари ИЕЛЦ , 30 нафари ТКТ, ЛИНГУАСКИЛЛ, АПТИС, МУЛТИ-ЛЕВЕЛ ҳамда бошқа миллий ва халқаро сертификатларга  ега бўлди.

Чет тили фанидан 9-11-синфларда таълим олаётган 910 нафар ўқувчилардан 86 нафари ИЕЛЦ, ЛИНГУАСКИЛЛ, МУЛТИ-ЛЕВЕЛ сертификатларга ега бўлди.

Ўқитувчиларнинг малака тоифалари 2024 йилда кўтарилиб, олий тоифали ўқитувчилар сони 45 тага, 1-тоифали ўқитувчилар сони 32 нафарга кўтарилди.

Учқудуқ туман ММТБга қарашли 7-МФЧЎИДУМнинг ўқувчилари “Заковат” интелектуал ўйинининг республика босқичида фахрли 1-ўринни қўлга киритишди.

Жамоа аъзолари:

1. Расулов Асилбек - 11-"А" синф ўқувчиси, жамоа сардори.
2. Раҳматиллоева Дилноз - 11-"А" синф ўқувчиси
3. Холмаматова Дурдона - 11-"А" синф ўқувчиси
4. Бахриддинов Анвар - 11-"А" синф ўқувчиси
5. Абдурашитова Дилнора - 11-"Б" синф ўқувчиси
6. Турсинниёзов Хушнуд - 11-"Д" синф ўқувчиси
7. Мустафоева Мадина - 9-"А" синф ўқувчиси

Заковат координатори Сарвар Қосимов Анваржон ўғли.

9-мактаб ютуқлари:

2024-2025-ўқув йилида асосий фан олимпиаданинг туман босқичида  муносиб иштирок етиб, қозоқ тили ва адабиёти фанидан 9-синф ўқувчиси  Қалжанова Айгерим Артықбаевна 1-ўринни қўлга киритди.

Қозоқ тили ва адабиёти фанидан 11-синф ўқувчиси  Музаффарова Айдынай Ғалымжановна1-ўринни қўлга киритди.

Қозоқ тили ва адабиёти фанидан 11-синф ўқувчиси  Ануарбеков Артур Айдарбекович 2-ўринни қўлга киритди.

Қозоқ тили ва адабиёти фанидан 11-синф ўқувчиси  Джаббарова Ұлманай Талғатовна 3-ўринни қўлга киритди.

2024 йил 21-24-март кунлари Тошкент шаҳрида ўтказилган катталар ва ёшлар ўртасида ўтказилган “Ўзбекистон чемпионати”да  пауерлифтинг  бўйича  Утегенов Асилхан 3-ўринни эгаллади.

2024-йил 21-24-март кунлари Тошкент шаҳрида ўтказилган катталар ва ёшлар ўртасида ўтказилган “Ўзбекистон чемпионати”да  пауерлифтинг  бўйича  Тағаймуратов Нурғиса 3-ўринни эгаллади.

2024-йил 30-апрелдан 4-май кунига қадар Фарғона шаҳрида ўтказилган  “Ўзбекистон кубоги” учун кураш спорт тури бўйича 8-синф ўқувчиси Сахиева Балжан 3-ўринни эгаллади.

2024-йил 1-6-май куни Тошкент  шаҳрида ўтказилган Халқаро кўп жанрли  танлов, бобалар ва ўсмирлар ижодиёти фестивалида Хореография ё‘налишида      Амангелдиева Ақерке 1-ўринни эгаллади.

2024-йил 1-6-май куни Тошкент  шаҳрида ўтказилган Халқаро кўп жанрли  танлов, бобалар ва ўсмирлар ижодиёти фестивалида Хореография ё‘налишида      Кўпешова Аия 1-ўринни эгаллади.

2024-йил 1-6-май куни Тошкент шаҳрида ўтказилган Халқаро кўп жанрли  танлов, бобалар ва ўсмирлар ижодиёти фестивалида Хореография ё‘налишида     Анарбаева Албина 1-ўринни  эгаллади.

2024-йил 1-6-май куни Тошкент шаҳрида ўтказилган Халқаро кўп жанрли  танлов, бобалар  ва  ўсмирлар  ижодиёти  фестивалида Хореография ё‘налишида   Есбергенова Аяжан 2-ўринни  эгаллади.

2024-йил 1-6-май куни Тошкент шаҳрида ўтказилган Халқаро кўп жанрли  танлов, бобалар ва ўсмирлар ижодиёти фестивалида Хореография ё‘налишида      Уристемова Аяна 1-ўринни эгаллади.

2024-йил 1-6-май куни Тошкент шаҳрида ўтказилган Халқаро кўп жанрли  танлов, болалар  ва  ўсмирлар  ижодиёти  фестивалида Хореография ё‘налишида      Кенесбаева Аружан 1-ўринни  эгаллади.

2024-йил 1-6-май куни Тошкент шаҳрида ўтказилган Халқаро кўп жанрли  танлов, бобалар  ва  ўсмирлар  ижодиёти  фестивалида Хореография    ё‘налишида      Ерланова Аяру  1-ўринни  эгаллади.

2024-йил 22-май куни Навоий шаҳрида ўтказилган Мактабда футбол лойҳасида вилоят босқичида Футбол спорт тури бўйича 5-7-синф ўқувчиларидан иборат  мактаб жамоаси  ҳамда Жарилкасинов Нуржас 2-ўринни эгаллади.

2024-йил 24-сентябрда туман Қизилқум маданият уйида ташкил етилган “Янги Ўзбекистон истеъдодлари” танловида “Естрада  хонандалиги”  ё‘налишида  Махрубаев Ернур 2-ўринни  эгаллади.

Ўқувчи-ёшларнинг бўш вақтини мазмунли ташкил етиш мақсадида “Беш ташаббус олимпиадаси” танловининг туман босқичида  мини футбол спорт  туридан  2-ўринни егаллади.”Волейбол” спорт туридан ўғил болалар 1-ўринни егаллади, қиз  болалар 1-ўринни егаллади, шахсий “стол тениси” спорт туридан Махрубаев Ернур 1-ўринни егаллади. ”Гимнастика” спорт туридан 1-ўринни эгаллади.

2024-йил Тошкент шаҳрида ўтказилган Сеҳрли Мия Республика очиқ  чемпионатида  инглиз тили  фанидан Мектепбаева Аружан 1-ўринни, Керимбетова Алматай 2-ўринни эгаллади.

2024-йил 1-4-ноябр кунлари Тошкент шаҳрида ўтказилган Халқаро кўрик-танловда вокал ё‘налишида супер-гран-прини 7-синф  ўқувчиси Нурлибаев Тўлеби,  гран-прини   Умирзахов Мейрлан эгаллади.

2024-йил октябр ойида  Қозоғистон Республикаси “Ватандошлар Жамияти” томонидан  ташкил етилган  ижодий ишлар танловида  9-синф ўқувчиси 1-ўринни эгаллади

2024-йил  25-30-ноябр кунлари ўтказилган “Республика  чемпионатида” спортнинг  кураш тури бўйича Сахиева Балжан 1-ўринни  эгаллади.

Учқудуқ туман 18-умумий ўрта таълим мактабида 2024-йилда мактабнинг  еришган ютуқлари тўғрисида МАъЛУМОТ

         Учқудуқ туман "КЕЛАЖАК" Ёшлар марказида Учқудуқлик ёшлар учун "Ўзбекистон ёшлар мамлакати!" шиори остида Ёшлар сайли бўлиб ўтди. Ушбу сайл доирасида отказилган "Конституция билимдонлари" танловида  18-мактабнинг "СЕНАТОРЛАР" жамоаси фахрли 1-ўринни қўлга киритиб, 300000 сўмлик ваучерга ега бўлдилар.Шунингдек мактабнинг 10-синф ўқувчиси Абдумажидова Сабрина "Ўзбекистон ёшлар мамлакати" шиори остида ўтказилган иншолар кўрик-танловида фахрли 3-ўринни қўлга киритиб, 100000 сўмлик ваучерни қўлга киритди.

         2023-йилда Навоий шаҳрида ўтказилган 11-синфлар ўртасида ўтказилган Олимпиадасининг Вилоят  босқичида Каримов Шуҳрат 2-ўринни  егаллади ҳамда Навоий давлат педагогика институтининг физика факултетига муддатдан олдин талаба бўлди.

         "Ёшлар ойлиги" доирасида  Учқудуқ туман Мактабгача таълим ва мактаб таълими бўлимига қарашли таълим муассасалари ўқувчилари ўртасида "Ёшлар ойлиги" доирасида "Янги Ўзбекистон-ёшлар мамлакати" ҳамда "Кураш миллий ғуруримиз" шиори остида ўтказилган спорт мусобақасида 18-мактабнинг  6-"Б" синф ўқувчиси Абдуллаев Шахзод фахрли 1-ўринни, 8-"Б" синф ўқувчиси Файзуллаев Фаррух 55 кг вазн тоифасида фахрли 1-ўринни, 6-"А" синф ўқувчиси Турсунтошев Ҳусан 42 кг вазн тоифасида фахрли 2-ўринни, 6-"Д" синф ўқувчиси Норимов Давлатбек 55 кг вазн тоифасида фахрли 2-ўринни қўлга киритдилар.

         2023-йилда еса 36 нафар битирувчиларнинг 28 нафари   Ўзбекистондаги  ОТМ га кирган 77%,  4 нафари саноат техникунларида ўқишга кириб  88 % ни ташкил етди.         Мактабнинг физика фани ўқитувчиси Мансурова Наргиза "Ўзбекистон Республикаси халқ таълими аълочиси" кўкрак нишони билан тақдирланди.

         Ёшлар  маънавиятини юксалтириш, китоб ўқишга бўлган қизиқишларини ошириш, мутолаа маданиятини  ривожлантириш  мақсадида  туманда ёшлар  иштирокида  ташкиллаштирилган  “Ҳафтада  1 китоб, ойида 4 китоб, йилида 52 китоб ўқиймиз” лойиҳасида 18-мактаб ўқувчилари 1 даражали диплом билан тақдирланди.

         Жорий йилнинг 27-октябр куни Учқудуқ туман Ёшлар марказида "ЁШ КИТОБХОН" Республика кўрик-танловининг туман босқичи ўтказилди. Танловда 10-14 ёш тоифасида 18-мактабнинг 6-"Д" синф ўқувчиси АЗИМОВА ХУМОРА фахрли 1-ЎРИННИ, 6-"Д" синф ўқувчиси Зокиров Қувончбек фахрли 3-ўринни қўлга киритди. Азимова Хумора табловнинг вилоят босқичида муносиб иштирок етди.

         2023- йил  30-октябр куни Учқудуқ туман Маънавият ва маърифат бўлинмаси томонидан ўтказилган "ВАТАН ТАРАҚҚИЁТИГА МЕНИНГ ҲИССАМ!" Республика кўрик-танловининг туман босқичида 18-мактабнинг 10-"Б" синф ўқувчиси ҚЎЛДОШЕВА МАДИНА тасвирий-амалий санъат ё‘налиши бўйича фахрли 3-ўринни егаллади ва диплом ва есдалик совғалари билан тақдирланди.

         Учқудуқ туман ММТБга қарашли 18-умумий ўрта таълим мактабнинг 9-синф ўқувчиси Тоштемиров Баҳриддин "БЕШ ТАШАББУС ОЛИМПИАДАСИ" вилоят босқичининг ШАШКА спорт мусобақасида фахрли 1-ўринни қўлга киритди.

         Жорий йилнинг 24-27 декабр кунлари Қирғизистоннинг Бишкек шаҳрида спортнинг дзюдо тури буйича Халқаро турнир бўлиб ўтди. Мусобақада Россия,Қозоғистон ва Тожикистон ҳамда Ўзбекистон давлатларидан дзюдочилар татамида кураш олиб бордилар.

Шулардан Ватанимиз шарафини ҳимоя қилган Учқудуқлик икки нафар спортчиларимиз  18-мактабнинг собиқ ўқувчиси ва хозирда 11 синф ўқувчиси Опа-Сингиллар Облокулова Гуласал 57 кг вазнда КУМУШ МЕДАЛ соҳибаси бўлган бўлса, Гулина Облоқулова 70 кг вазнда мусобақада 1-ўринни егаллаб, ОЛТИН МЕДАЛ соҳибаси бўлишдилар. 

20-мактаб 2024-йил ютуқлари

Учқудуқ туман 20-сонли умумий ўрта таълим мактабида бугунги кунда 2013 нафар ўқувчига 149 нафар олий маълумотли педагог ходимлар таълим-тарбия бериб, Янги Ўзбекистон ривожига муносиб ҳисса қўшиб  келмоқда. Жорий ўқув йилида 263 нафар ўқувчи 1-синфга қабул қилинди.

Педагогларнинг 59 нафари олий тоифали, 37 нафари биринчи тоифали ўқитувчилардир. Бугунги кунда 20-мактаб республика рейтингида юқори ўринларни егаллаб келмоқда.

2024-йилда ҳам мактабимиз  инглиз тили билимдонлари жамоаси Президент соврини учун ўтказиб келинаётган “Хорижий тилларни ўқитиш бўйича енг яхши мактаб” кўрик-танловининг туман босқичида 1-ўринни егаллаб, вилоят босқичига 2-ўринни егаллади. “Яшил мактабим” республика танловларининг туман босқичида мактабимиз ўқувчилар жамоаси 1-ўринни, вилоят босқичида 2-ўринни егаллади. Информатика ва математика  олимпиадасининг туман босқичида 8 нафар ўқувчи 1-2-3-ўринларни егаллаб, улардан 2 нафари вилоятда 4-5-ўринларни эгаллади.

Жумладан, Республика таълим инспексияси томонидан “Замонавий мактаб”ларга қўйилган талаблар рейтинги ўтказилиб, баҳоланганда мактабимиз 1-соҳа “Таълим ва тарбия жараёни” ё‘налишида республикада 2-ўрин, 3-соҳа -“Малакали мутахассислар ҳамда бадиий адабиётлар” ё‘налишида республикада 1-ўрин, умумий баллар бўйича вилоятда 1-ўринни, республикада 3-ўринни егаллади.

Ўқувчиларимиз йил давомида нафақат таълим соҳасида, балки спорт соҳасида ҳам улкан ютуқларни қўлга киритиб келдилар.  Ўқув йили давомида  ўтказилган “Беш ташаббус” олимпиадасининг туман босқичида спортнинг “Қувноқ стартлар” ё‘налишидан 1-ўринни, вилоят босқичида 3-ўринни, “Мини футбол” ё‘налишидан туман босқичида 1-ўринни, “Енгил атлетика” ё‘налишидан Турсунмуродов Азизбек туман босқичида 3-ўринни,  Шомуродова Зиёда 2-ўринни, Турсунмуродов Азизбек вилоят босқичида 1-ўринни,”Стол тенниси” ё‘налишидан туман босқичида Жаҳонқулов Умрзоқ 1-ўринни, вилоят босқичида 1-ўринни, Қорақулова Гулсанам туман босқичида 2-ўринни, шахмат ё‘налишидан Ҳамидова Изоза 1-ўринни,  физика фани ўқитувчиси Ҳамдамова Зарина туман босқичида 1-ўринни, “Ёш китобхон” ё‘налишидан туман босқичида 10-14 ёш тоифасида Ҳусенова Кумуш, 15-19 ёш тоифаси бўйича Ҳамроева Шаҳлолар 1-ўринни егалади. 9-синф ўқувчиси Шомуродова Зиёда САМБО бўйича бир неча марта Ўзбекистон ҳамда  Осиё чемпиони бўлди.

“Йил аёли” кўрик танловида мактабнинг тасвирий санъат ва чизмачилик фани ўқитувчиси Сафарова Моҳигул туман босқичида 1-ўринни, “Гердир тенглик” танловининг туман босқичида Отаева Муножот туман босқичида 1-ўринни эгалади.

“Зулфияхоним издошлари”  республика кўрик танловининг туман босқичида 5 нафар ўқувчимиз 1-ўринни егаллаб вилоят босқичида иштирок этди.

“Жадидлар изидан” республика кўрик танловининг туман босқичида 6-8-синф тоифаси ё‘налишидан Тўхтапўлатова Асида 9-10-синф тоифасидан Ҳамроева Шаҳло 1-ўринни вилоят босқичида 4-ўринни эгалладилар.

“Ҳуқуқий-маърифий билимдон” республика кўрик-танловининг туман босқичида мактабнинг “Қалқон” жамоаси 1-ўринни, вилоят босқичида 3-ўринни эгалладилар.

2023-2024-ўқув йилида 94 нафар битирувчи ўқувчиларимизнинг 84 нафари ОТМларга табаликка қабул қилинди. 2024-2025-ўқув йилида 9-11-синф ўқувчилари ўртасида ўтказилган Фан олимпиадасининг туман босқичида 36 нафар ўқувчимиз 1-2-3-ўринларни, вилоят босқичида еса 7 нафар ўқувчи 1-2-3-ўринларни эгалладилар.

Ҳурматли Президентимиз Шавкат Мирзиёев таъкидлаганидек, “Бизнинг асосий мақсадимиз — ёшларнинг сифатли таълим олиш имкониятига эга бўлишига эришиш, уларнинг ўз қобилияти ва истеъдодини рўёбга чиқариш учун барча зарур шарт-шароитларни яратиб беришдан иборат”.

Ушбу фикрлар тасдиғи ўлароқ, энг чекка ҳудуд Учқудуқ туманида ҳам фар¬зандларимиз таълим–тарбия оладиган масканларда энг аввало, шарт–шароитни яхшилаш йўлида изчил ишлар амалга оширилмоқда.

Бир йил сарҳисобига назар ташлайдиган бўлсак, 3,9- мактабларда 14 млрд. 18 млн. сўм маблағ эвазига капитал таъмирлаш ишлари олиб борилди. Мутлақо янги кўринишга келтирилган ўқув даргоҳлари янги ўқув йилида ўқувчиларни бағрига олди.

“Ташаббусли бюджет”нинг 2024 йил 1-мавсуми ғолиб лойиҳалари қаторида 7- мактабда 311 млн. сўм,  18- мактабда 310 млн. сўм ҳисобидан  сунъий қопламали  спорт майдончаси қурилиб фойдаланишга топширилган. 18-мактаб  ҳудуди  ички йўлакларига 600 млн. сўмга асфальт ётқизиш ишлари олиб борилди.

Шунингдек, 20-мактабнинг 280 ўринли қўшимча биноси ҳам 1-мавсум лойиҳаси бўлиб, 1 млрд. 224 млн. сўм маблағ сарфланган.  Икки қаватли янги бинода 7 та синф хонаси замонавий дизайн ва ўзгача услубда қурилган. Кенг ва ёруғ коридорда ўқувчиларнинг устки кийимлари учун шкафлар қўйилгани нафақат болаларни балки ота-оналарни ҳам беҳад қувонтирмоқда.

Шу кеча-кундузда 1 млрд. 178,2 млн. сўм пул ҳисобига  “Йўлчилар” овулидаги 11-сонли ДМТТ биносида  таъмирлаш ишларига якунига етказилмоқда.

Худди шундай, “Ташаббусли бюджет”нинг 2024 йил 2-мавсуми ғолиблар  сафида  “Жузқудуқ” овулидаги 2-мактабда 400 млн. сўмга сунъий қопламали мини стадион қурилаётган бўлса, 18-мактабнинг фасад қисмида 600 млн. сўмлик таъмирлаш ишлари олиб борилаётир.

 20-мактабнинг фасад қисми эса 1 млрд. 360 млн. сўмга таъмирланмоқда. Ушбу қурилишлар яқин кунларда якунланиб, объектларни фойдаланишга топшириш  мақсад қилинган.

Учқудуқ туманида амалга оширилаётган бу каби эзгу ишларнинг барчаси ўқувчи-ёшларнинг сифатли таълим-тарбия олишига қаратилганганлиги билан ҳам аҳамиятлидир.

      Шимолий кон бошқармасидек гигант корхона таркибида қатор бўлим ва бўлинмалар борки улар орасида 3-сонли Гидрометаллургия заводининг ўрни беқиёс. Жорий йил июнида 30 ёшни қаршилайдиган завод йиллар давомида салоҳиятли кадрларга эга ривожланган инфратузилма ва замонавий стандартларга жавоб бера оладиган замонавий корхонага айланди.
      Минглаб ходимларни ўзида жамлаган корхона бугун қайсидир маънода Учқудуқдан унча узоқда бўлмаган яна бир кичик шаҳарчадек, тасаввур уйғотади кишида. Ишлар қатъий тартиб ва интизом асосида йўлга қўйилган корхонанинг дарвозасидан ичкарига киришингиз биланоқ, ўзга бир механизмнинг ичига тушиб қолгандек бўласиз, гўё!
     Катта майдоннинг ҳар бурчагида иш билан банд бўлган ишчи-ходимлар ўз ишига шунчалик берилиб кетган-ки, кимнингдир қўлида қалин қўлқоп, яна бирови мустаҳкам шлемда. Хуллас, “НКМК 3-ГМЗ” ёзуви туширилган иш формасини кийиб олган бу одамлар катта ижтимоий симфониянинг ноталаридек, кетма-кетликда ҳаракат қилишган. Улар ўртасидаги мувофиқлик шунчалик мукаммалки, бу ритмни бирор бир “дирежёр” бошқараётгандек кўринади. Ҳа, бу ерда тартиб шундай!.
Металлнинг ўзига хос ҳиди, оловнинг иссиқ нафаси, механизмларнинг ғир-ғир ва шовқинли товушлари ҳар замонда самода кўтариладиган чанг ва ғубор билан завод гўё тирик организмдек нафас олади. Ҳар бир ходим бу улкан жараённинг бир халқаси, сифатида намоён бўлади.
Илк манзил 3-ГМЗнинг остонаси йирик майдалаш цехи бўлди. Ахир бу ердан заводнинг “қайноқ ҳаёти” бошланади. Боймуродов Эркин Каюмович раҳбарлигидаги цехда 60 киши меҳнат қилади.
       Муҳандис - техник ходимлар билан бирга, бункерловчи, янчиш, тортиш, конвейер ва саралаш механизми машинисти, таъмирловчи чилангар, электоромонтёр, электрогазпайвандчи касбларда фаолият олиб бораётган ходимлар кондан келаётган маъданларни ташиб, янчиб бункер орқали майдалаш цехига тақсимлаб беришдек масъулиятли вазифани сидқидилдан бажармоқдалар. 10 йилдан бери хоналар тозалигига жавобгар бўлган Асал Эргашевани жамоада катта-кичик барча ҳурмат қилади.
       Цехга ташриф 353,5 метр узунликдаги қия лентадан бошланади. “Наклонний конвейр”, дея номланувчи бу лента тоғдан пастга қараб шошилаётган улкан сўқмоқни эслатади. Лента бўйлаб оқаётган маъданли тошлар эса табиат сирини очишга интилган ўзандай бир текис ҳаракатланади. Ер сатҳидан 31 метр чуқурликка қараб кетган бу қия лентани цех ишчи-мутахассисларининг ер қаърини ўрганувчи илмий сафарига ўхшатиш мумкин.
Аҳамиятлиси тинимсиз шовқин ва тебраниш бўладиган майдонда конвейер машинистлари учун алоҳида хона бор. - Тинимсиз тебраниб турувчи бу хонада ҳатто жиҳозлар ҳам биз билан қўшилиб тебранишга мослашиб кетган дейди, - ярим ҳазил ярим чин маънода машинист Газбек Турганбаев.
Темир зиналар бўйлаб эстакадага кўтарилар эканмиз атрофда барча нарса енгил қум зарраларига кўмилганлигига гувоҳ бўламиз. Ҳеч қанча вақт ўтмай вагондаги 65 тонналик маъданнинг бир зумда бункерга бўшатилганини қулоқни қоматга келтирган овоздан пайқаш мумкин. Бу ЙМК 1500/180 русумли майдалаш конуси бўлиб, соатига 1450 метр куб рудани майдалаш цехига юборади.
      Бу ерда ишчилар кундуз куни махсус “сигнал” чалиш, кечаси эса ёруғликни ўчириб-ёқиш орқали амалга ошираётган ўзаро мулоқоти бизни таажжубга солди. Цех мутахассисларининг “топағон”лигидан ҳайратландик.
      Эътиборлиси, мураккаб технологияли корхонада кечаётган бу жараёнда инсон саломатлигига алоҳида эътибор қаратилган. -Бункерга тўкилган маъдандан ажраладиган чангларни камайтириш мақсадида тинимсиз ишлаб турадиган сув пуркагичлари ўрнатилган, қолаверса СИОТ номли чанг ва газдан тозалаш ускунаси жараёнда ҳосил бўладиган 95% чангни ушлаб қолишга мўлжалланган, - деди цех катта устаси Ҳабибулло Омонов.
      Ишчи-ходимлар ҳар беш йилда аттестациядан, ҳар олти ойда тиббий кўрикдан ўтказилади. Меҳнат шароитлари ҳам мунтазам ўрганилиб борилади. Улар ўртасида касб касалликларининг олдини олиш мақсадида овқат рациони бепул берилади.
    Йилига 10 млн. тонна маъданни қайта ишлашнинг кейинги босқичига юбораётган аҳил жамоага мустаҳкам соғлик, оилавий бахт ёр бўлишини тилаймиз!

Феруза ЯНДАШОВА, махсус мухбиримиз.

     Абдалим Ачилов 1966 йилда ён-томонлари азим тоғлар билан ўралган Қўйтош қишлоғида туғилган. Сокин ва ҳуснбахш бу гўша Жиззах вилоятининг Ғаллаорол туманида жойлашган. Ёшлиги тоғ-ён бағридаги яйловлар-у кенгликларда яхши инсонлар қуршовида ўтди.
Қишлоқдан унчалик узоқда бўлмаган шахталарда иш тун-у кун қизғин давом этганлиги унинг кончилик ишига қизиқишини оширгани рост. Ҳали мактаб давридаёқ, ўз олдига аниқ мақсадни қўйган Абдалим тоғликларга хос танти ва жайдари, мард ва жасур ўғлон бўлиб улғайди. Мактабни тугатиб, йигитлик бурчини ўташ учун армия сафига отланди.
      Табиатан бақувват алпкелбат эмас-ми, у байналминал жангларда иштирок этиш учун Афғонистонга сафарбар қилинган. 1985-1987 йилларда Қобул шаҳрида хизмат қилган. Кучли ирода ва жасоратини бир неча бор намойиш этган қаҳрамонимиз ўзига берилган ҳар бир топшириқни сидқидилдан бажариб, қуролдошлари ҳурматини қозонган. Уруш ўчоғидаги машаққатлар ҳақида ҳозиргача ҳам гапирмайди. Бу борада сўз юритилганда эса бир нуқтага узоқ тикилиб, жим ўтиришидан унинг қалбида уйғонган даҳшатли хотираларни юз ифодасидаги ўзгаришлардан англаш мумкин.
      Эсон-омон она қишлоғига қайтган Абдалим 1987-1992 йилларда Тошкент давлат техника университетида ўқиган. Академик Ваҳоб Рахимович тавсияси билан маркшейдер йўналишини танлаганлигини фахр билан эслайди. Университетда таҳсил йилларида устози Олег Александрович берган таълимдан миннатдор эканлигини таъкидлайди. Етук кадр бўлиб қишлоғидаги шахтада аввалига мастер кейинчалик участка бошлиғи вазифаларида ишлаган.
2001 йил янги рудникда участка маркшейдери вазифасига ишга чақирилган Абдалим аканинг Учқудуқда яшаш ва ишлаш насибасида бор экан таклифни қабул қилди. Тез орада малакали мутахассис ҳамкасбларидан кўмагини аямайдиган яхши инсон сифатида танилди.
      Ўз билим ва тажрибаси билан 2003 йилдан “Даугизтау” конида участка маркшейдери, бош маркшейдер лавозимларида фаолият юритган. 2008-2015 йилларда эса Шимолий кон бошқармаси бош маркшейдер вазифаси унга ишониб топширилган.
Абдалим Ачиловнинг масъулиятли фаолияти кончилик ишларининг техникавий томонларини мувофиқлаштириш, ўз вақтида тезкор қарорлар қабул қилиш қолаверса, юқори даражадаги ташкилотчилик қобилияти ҳамда жамоа билан самарали ишлашни ҳам ўз ичига олади.
2016 йилдан “Шарқий” кон участкасида маркшейдер бўлиб фаолиятини давом эттирган бўлса ҳозирда Геомеханика бўлими бошлиғи лавозимида ишлаб келаётир. Соҳадаги 24 йиллик фаолияти давомида кўплаб шогирдлар тарбиялаган. Фахриддин Йўлдошев ва Меҳриддин Бобоқуловлар ундан ўрганган амалий ва ҳаётий тажрибалари ортидан бугун турли бўлинмаларда раҳбарлик лавозимида ишламоқда.
Дарвоқе, “Даугизтау” ва “Шарқий” конидаги маркшейдерларнинг аксарияти Абдалим Ачиловни ўзининг устози деб билади.
Турмуш ўртоғи Гулбаҳор Очилова билан беш нафар фарзандни ўстирди. Оиланинг икки ўғли ота изидан бориб, олий маълумотли етук мутахассис. Катта қизи эса Тошкентдаги Президент мактабида инглиз тили фанидан ёш авлодга таълим беради. 2 нафар неварали бу ибратли оилада фарзандлар ютуғидан ғурурланиш, уларнинг мақсад ва интилишларига қанот бўлишлик муҳим жиҳат, оила қадрияти саналади.
       Ҳа, Абдалим Ачилов юртимизда ҳукм сураётган тинчликнинг қадрини чуқур англайдиган инсон эканлигини суҳбатимиз осносида билиб олдик. –Уруш кимга бахт олиб келган, кимнинг муаммосини ечган, оғирини енгил қилган? Қайси бир мамлакатда юз берса офат, қайғу, бахтиқароликдан бошқа нарса келтирмади. Бугунги ҳаётимизга қаранг, кунларимиз тинч, тунларимиз осуда, меҳнатимиз баракали, кўчаларимиз файзли, Учқудуғимиз кундан кунга гўзаллашиб бормоқда. Энг муҳими болаларимиз эртасидан кўнглимиз тўқ, уларнинг шўх кулгуси хонадонларимиз файзига қайз қўшиб турибди, - дейди қаҳрамонимиз.
      Халқимизда: “Мард одамнинг изи ерда, номи элда, улуғлиги эса дилда қолади” деган ҳикматли сўз бор. Биз ҳам Абдалим ака Ачиловнинг ҳаёт йўлларига назар соларканмиз, у ўзининг билими, элу-юртига фидоийлиги билан шогирдлар ва жамодошларининг ҳурматини қозонган устоз ва ҳамкасб эканлигини англадик.

Нилуфар РЎЗИЕВА,
ШКБ “Шарқий” кони маънавий маърифий ишлар бўйича инспектори.