Turkiyaning Istanbul shahrida 31 yoshli o‘zbekistonlik Burhonjon Ochilov tilanchilik bilan shug‘ullanuvchi turk fuqarosi tomonidan pichoqlab o‘ldirildi. Bu haqda “Effect.uz” sayti xabar berdi.

Жорий йилнинг 10 декабр куни бўлиб ўтган матбуот анжуманида Жисмоний тарбия ва спорт вазирлиги вакили Умид Ражабов «Соғлом турмуш тарзини ҳаётга кенг татбиқ этиш ва оммавий спортни янада ривожлантириш чора-тадбирлари тўғрисида»ги фармон ижроси ҳақида маълумот берди.

Маълум қилинишича, 2021 йилнинг биринчи чорагидан бошлаб президент фармонига кўра яратилган махсус платформа орқали бир кунда 10 минг қадам юрган шахснинг электрон ҳамёнига 3 минг сўм тушади. Бу платформа Жисмоний тарбия ва спорт вазирлиги, Ахборот технологиялар  ва коммуникацияларини ривожлантириш вазирлиги ҳамда Молия вазирлиги билан ҳамкорликда ишлаб чиқилмоқда.

«10 минг қадам ва ундан ортиқ юрган шахс қандай аниқланади?» деган савол туғилиши мумкин. Бу илова телефонда юкланади ва онлайн тизимда ишлайди. Мутахассислар томонидан бу платформа шундай яратиляптики, шахсга тегишли маълумотлар (исм-шарифи, бўйи, вазни, ёши) киритилган ҳолда рўйхатдан ўтилади. Рўйхатдан ўтилгач старт тугмаси босилади ва 10 минг қадам ва ундан ортиқ юрилса, маълумот яратилган махсус базада кўринади. Шу маълумот асосида фуқаронинг электрон ҳамёнига маблағ келиб тушади», — деди Умид Ражабов.

Биласиз, декабрь ойининг иккинчи якшанбасида мамлакатимизда қишлоқ хўжалиги ходимлари куни нишонланади.
Сана муносабати билан бугун туман ҳокимлиги биносида туман ҳокими
С.Ф.Хамроев қишлоқ хўжалигида улкан натижаларга эришаётган бир гуруҳ тумандошларимиз: фермер, ветеринария ва чорвачиликни ривожлантириш бўлими ходимлари, ўрмон хўжалиги бўлими ходимлари ва қишлоқ хўжалиги ташкилотлари раҳбарлари билан учрашди.

Учрашув давомида туман ҳокими йиғилганларни касб байрами билан табриклаб, уларга машаққатли ишларида зафарлар тилади ва қимматбаҳо совғаларни топширди.

Маълумот учун: тумандабугунги кунда 121 та фермер хўжаликлари ҳамда аҳоли хонадонларида жами 120 минг бош майда шохли, 3687 бош йирик шохли моллар парвариш қилинмоқда. Туманда жорий йилда умумий қиймати 33.3 млрд.сўм бўлган 36 та қишлоқ хўжалиги лойиҳаларини амалга ошириш натижасида 117 та янги иш ўринлари яратилди.

Ўз навбатида туман ҳокимлиги ушбу соҳа ходимларини касб байрамлари билан чин дилдан табриклайди.

14 декабрда қуёшнинг тўлиқ тутилиши юз беради. Бунда Ер, Ой ва Қуёш бир чизиққа туради ва Ой Қуёшни тўлиқ тўсиб қўяди ҳамда унинг атрофида “қуёш тожи”ни кўриш мумкин бўлади.    

Ой Қуёшни Тошкент вақти билан 19:32дан бошлаб Тинч океанининг марказий қисми устида тўса бошлайди. Қуёш тутилишининг максимал фазасини соат 21:13да кузатиш мумкин бўлади ва у 2 дақиқадан кўпроқ давом этади.  

Тўлиқ тутилишда оловли ҳалқани эслатувчи “қуёш тожи”ни, Қуёш яқинида жойлашган юлдузлар ва сайёраларни кўриш мумкин бўлади. Астрономларнинг маълумотларига кўра, қуёшнинг тўлиқ тутилишини Чили ва Аргентина аҳолиси яққол кузатади, Жанубий Америка, Полинезия, Антарктида ва Африкада эса унинг қисман тутилишини кўриш мумкин.

Дунёнинг қолган аҳолиси эса ушбу астрономик ҳодисани интернет орқали онлайн тарзда кузатишлари мумкин бўлади. 

Кейинги қуёш тутилиши 2021 йилнинг 10 июнида юз беради ва у узуксимон кўринишда бўлади.

Ой ва қуёш тутилиши ҳар ярим йилда 2 ҳафталик фарқ билан кузатилади. Бунда Қуёш, Ой ва Ер осмонда бир чизиққа туради. Агар Қуёш ва Ер орасида Ой турса, қуёш тутилиши, Қуёш ва Ой орасида Ер турса, ой тутилиши кузатилади.

Ўзбекистон Республикасига коронавируснинг кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича Республика махсус комиссияси баёноти эълон қилинди.

«Сўнгги вақтда жаҳонда, шу жумладан, қўшни давлатларда карантин чекловларининг амал қилиш муддати узайтириб борилаётгани, шунингдек янги 2021 йил кириб келаётганини инобатга олиб, эпидемиологик вазиятнинг барқарорлигини сақлаб қолиш мақсадида Республика махсус комиссиясининг қарори қабул қилинди», – дейилади баёнотда.

Унга кўра:

• вазирлик, идоралар, давлат улуши бўлган корхоналар ва бошқа ташкилотларига турли хил корпоратив байрам тадбирлари ташкил этиш тақиқланди;
• вазирлик, идоралар, давлат улуши бўлган корхоналар ва бошқа ташкилотларига корпоратив байрам тадбирларидан тежаб қолинган маблағларни таълим, соғлиқни сақлаш, меҳрибонлик уйлари ва бошқа ижтимоий соҳаларга йўналтириш тавсия этилди;
• юқоридаги чеклов ресторан, кафе ва бошқа умумий овқатланиш объектларида 30 кишидан ошмаган ҳамда санитария-гигиена ва карантин талабларига қатъий риоя этган ҳолда байрам тадбирларини ўтказишга нисбатан татбиқ этилмаслиги белгиланди;
• мактабгача таълим ташкилотлари, умумтаълим мактаблари ҳамда олий таълим муассасаларида тарбияланувчилар, ўқувчилар ва талабалар иштирокида ёпиқ биноларда турли байрам тадбирлари ва кечаларини ташкил этиш ва ўтказиш тақиқланди;
• фуқароларга янги 2021 йил байрами тадбирларини оила даврасида ўтказиш тавсия этилди;
• янги йил байрами муносабати билан болажонлар учун мўлжалланган «Президент арчаси» байрам тадбирлари фақатгина меҳрибонлик уйлари ва болалар шаҳарчалари тарбияланувчилари учун ўтказилиши белгиланди, бунда тарбияланувчиларнинг биргаликда бир масканда истиқомат қилиши инобатга олинди;
• вилоятлар, туманлар марказлари ва шаҳарларда очиқ осмон остида арчалар ўрнатиш тавсия этилди.

Таъкидланишича, вазирлик, идоралар ва бошқа давлат ташкилотлари ҳамда хўжалик бирлашмалари янги 2021 йил байрами тадбирларини оила даврасида ўтказиш учун ходимларга зарур шарт-шароитларни яратиш чораларини кўради.

Ресторан, кафе, чойхона ва бошқа умумий овқатланиш шохобчаларида карантин чекловларига (мижозларни жойлаштиришда ижтимоий масофани сақлаш, тиббий ниқобдан фойдаланиш, 30 кишидан ошмаган ҳолда тўй ва оилавий маросимларни ўтказиш, шунингдек, дезинфекция ишларини амалга ошириш) қатъий риоя этилиши устидан назоратни кучайтириш бўйича масъул идораларга тегишли топшириқ берилди.

Жаҳон соғлиқни сақлаш ташкилотининг тавсияларини ҳамда коронавирус инфекциясига қарши курашиш борасидаги хорижий мамлакатлар ижобий тажрибасини инобатга олган ҳолда жамоат жойларида ниқобдан фойдаланиш бўйича тарғибот ишларини кучайтириш назарда тутилди.

Ижтимоий тармоқларда республикадаги барча олий таълим муассасаларида 2021 йил 16 январдан дарс жараёнлари фақат анъанавий тарзда бошланиши ҳақида хабарлар тарқалмоқда. 

 

Kun.uz мухбири мазкур хабарларга ойдинлик киритиш мақсадида Олий ва ўрта махсус таълим вазирлиги билан боғланди. Вазирлик матбуот хизматининг маълум қилишича, бу ёлғон маълумот. 

Қайд этилишича, республикадаги олий таълим муассасаларида дарсларнинг анъанавий тарзда ташкил қилиниши фақат вазирликка боғлиқ эмас. Бунинг учун Республика махсус комиссияси ва Соғлиқни сақлаш вазирлиги билан ҳамкорликда иш олиб борилади. 

«Шуни расман маълум қиламизки, олий таълим муассасаларининг барча талабаларини тўлиқ анъанавий таълим шаклига ўтказиш режалаштирилмаган. Мазкур масалада янгилик бўлса, вазирлик расмий веб-сайти ва Telegram канали орқали маълум қилинади», дейилган вазирликнинг расмий муносабатида.

Эслатиб ўтамиз, Ўзбекистонда барча олий таълим муассасаларида ўқув жараёнлари 16 ноябрдан эътиборан анъанавий шаклда давом эттирилмоқда. Бунда талабаларнинг ўзи анъанавий ёки онлайн таълим шаклини танлаши мумкин.

Битта табуретка ясаш учун нечта маска керак? 1500та, деб жавоб беряпти кореялик Ким Ҳа Неул. Бу йигит ҳақида Reuters ҳикоя қилади. 

Асоси полипропилен бўлган бир марталик юз ниқобларининг чиқитларидан безор бўлган мебель дизайнери уларни эритиб табуреткалар ясаяпти. У табуреткаларга «Stack and Stack» деб ном берди.

«Платмасса қайта ишланса, нега пластмассадан қилинган ниқобларни қайта ишлаш мумкинмас экан?» – дейди 23 яшар дизайнер.

Июнь ойида Ким ўзи таҳсил оладиган Кайвон санъат ва дизайн университетида ниқоб тўплаш учун қути қўйди. Ўшандан бери у 10 мингта ниқоб тўплади, фабрикадан эса яна бир тоннадан ортиқ яроқсиз ниқобларни олди.

Коронавирус юқтириб олиш эҳтимолини камайтириш учун, Ким ниқобларни камида 4 кун омборда сақлайди. Кейин резина бандларни олиб ташлаб, ниқоблар матосини 300 даражада қиздириб эритади.

Пировардида Ким баландлиги 45 см бўлган оқ, пушти, ҳаворанг ва қора ниқоблардан тайёрланган уч оёқли табуреткаларни битирув кечасида намойиш қилди.

Энди Ким стул, стол каби бошқа мебель буюмлари ишлаб чиқаришни мўлжаллаб турибди. У, шунингдек, ҳукумат ва хусусий компанияларни алоҳида қутиларда йиғилган ниқобларни қайта ишлашга чақирмоқда.

Сентябрнинг ўзида, ҳукумат берган маълумотга кўра, Жанубий Кореяда бир миллиард ниқоб ишлаб чиқарилган.

Кимнинг табуреткалари ҳали савдога чиқарилмаган бўлса-да, курсдошлари унинг топқирлиги ва табуреткаларнинг ғаройиб дизайнига тан бериб бўлишди.

12 декабрда Россиянинг Волжский шаҳридан (Волгоград области) 700дан кўпроқ ўзбекистонлик қўшимча поезд билан ватанга жўнатилди. Бу ҳақда Россия томони маълум қилди.  

Таъкидланишича, поезд Волжскийдан маҳаллий вақт билан соат 21:57да (Тошкент вақти билан соат 22:57) Тошкентга йўл олган. Барча 722та чипта сотиб олинган. Ушбу рейсга талаб юқорилиги сабабли 19 ва 26 декабрга яна иккита қўшимча поезд белгиланган. 

Маълум қилинишича, поезд Россия ҳудудида тўхташларсиз ҳаракатланади. 

Ўзбекистон фуқароларининг Россиядан олиб чиқилиши икки давлат ўртасидаги халқаро келишувлар доирасида амалга оширилмоқда. Россия томонининг маълум қилишича, сентябр охиридан айни вақтгача Волжскийдан Ўзбекистонга 31 мингдан кўпроқ ўзбекистонлик олиб чиқилган. 

Bu operatsiyasi bo‘yicha ayollar va bolalardan tashqari erkaklarni qaytarilishi ham rejalashtirilganmi, degan savolga Vazirlar Mahkamasi huzuridagi Din ishlari bo‘yicha qo‘mita raisining birinchi o‘rinbosari Muzaffar Komilov javob berdi.

“Ushbu operatsiya davomida birinchi navbatda eng muhtoj bo‘lgan bolalar va ayollar olib kelinyapti.

Erkaklar masalasida o‘rganish kerak bo‘lgan jihatlar bor. Agarki, qo‘li qon bo‘lmasa, kimningdir qotili bo‘lmasa, vaqti kelib, Vatanga, albatta, qaytadi”, – dedi Muzaffar Komilov.

Ma’lumot uchun, O‘zbekiston rahbariyati “Mehr” insonparvarlik operatsiyasini ilk bor 2019-yil may oyi oxirida amalga oshirgan, o‘shanda 156 nafar o‘zbekistonlik, asosan ayollar va bolalar Uzbekistan Airways’ning Suriya poytaxti Damashqdan amalga oshirilgan maxsus reysi bilan O‘zbekistonga olib kelingan edi.

Keyinchalik ushbu operatsiya davomida O‘zbekiston tomoni ma’lum bir qiyinchiliklarga duch kelgani ayon bo‘lgan edi. Xususan, O‘zbekiston Prezidenti Shavkat Mirziyoyev bir davlat Suriyadan vatandoshlarni olib qaytish uchun O‘zbekiston samolyotini urib tushirish bilan tahdid qilganini ma’lum qilgan edi.

2019-yilning oktabr oyida esa Yaqin Sharqdagi mojarolar hududidan o‘zbekistonliklarni qaytarish bo‘yicha ikkinchi maxsus operatsiya amalga oshirilgan.