Uchquduq shahar ichimlik suvini saqlash rezervuarlarida suv sathi keskin pasayib ketganligini inobatga olib Vaqtinchalik sanoat zonalari hamda 11 mikrayon 1a_2a_3a_4a _9_10_11_12 uylariga ichimlik suvini yetkazib berish bugun soat 16:30 dan kechki soat 19:30 gacha vaqtinchalik to'xtatiladi. tuman aholisidan suv zahirasini to'ldirib olish tavsiya etiladi.

"Issiqlik manbai" DUK ma'muriyati.

      “Tashabbusli budjet” jarayonining birinchi mavsumiga joriy yilning 1 fevralidan start berildi.

"Ochiq budjet" (openbudget.uz) portali orqali o‘z mahallangizni obod qilish yoki mavjud kamchiliklarni bartaraf etish bo‘yicha takliflaringizni ilgari suring va ovoz to‘plab g‘olib bo‘ling!

Hurmatli Uchquduq tumani fuqorolari, Sizni qiynab kelayotgan, yechimi mablag‘ bilan bog‘liq muammolar mavjudmi?

Endi ushbu muommolarni hal etish uchun budjet mablag‘lari Sizning tashabbusingiz asosida yo‘naltiriladi.

Uchquduq tuman iqtisodiyot va moliya bo‘limi tomonidan olib borilayotgan “Tashabbusli budjet” jarayonining 1 mavsumiga joriy yilning 1 fevralidan start berildi.

1-bosqich: Portal orqali taklif kiritish muddatlari 1 fevralidan 20 fevralgacha.

2-bosqich: Takliflarni saralash muddatlari 21 fevraldan 11 martgacha.

3-bosqich: Taklifga ovoz berish muddatlari 12 martdan 31 martgacha .

Jarayonda ishtirok etgan holda o‘z taklifingizni bildirishingiz yoki Sizning ehtiyojlaringizni aks ettirgan boshqa takliflarga ovoz berishingiz mumkin.

Onlayn ishtirok etish bevosita Iqtisodiyot va Moliya vazirligining “openbudget.uz”  Ochiq budjet axborot portali orqali amalga oshiriladi.

Portal orqali Ro‘yxatdan o‘tish jarayonida Siz ism-sharifingiz, tug‘ilgan yilingiz, yashash hududingiz va shu kabi boshqa ma’lumotlarni kiritishingiz va eng asosiysi o‘zingiz doimiy ishlatadigan telefon raqamingizni ko‘rsatishingiz lozim bo‘ladi.

Siz quyidagi yo‘nalishlar bo‘yicha taklifingizni qoldirishingiz mumkin:

-Ichimlik suvi ta’minotini yaxshilash;

-Yoritish tizimini yaxshilash;

-Ichki yo‘llarni ta’mirlash, shag‘allashtirish yoki asfalt yotqizish;

-Ijtimoiy soha obyektlarini ta’mirlash, jixozlash yoki moddiy-texnik bazasini rivojlantirish;

Taklif qoldirish jarayoni juda ham sodda bo‘lib, Siz o‘z shaxsiy kabinetingiz orqali qo‘shish tugmasini bossangiz va ochilgan sahifaga o‘z taklifingiz haqida ma’lumotlarni kiritsangiz bas.

Shuni alohida ta’kidlash lozimki bildirilgan taklifda yagona ijtimoiy muammo aks ettirilishi hamda taklifning manzili aniq ko‘rsatilishi lozim.

Taklif qoldirish va ovoz berish yakuniga ko‘ra eng ko‘p ovoz to‘plagan takliflar g‘olib deb topiladi hamda taklifni amalga oshirish uchun mablag‘ ajratilishi yuzasidan qaror qabul qilinib, amaliy ishlar boshlanadi.

Tashabbus ko‘rsating va “Tashabbusli byudjet” jarayonida faol ishtirok eting!!!

Muammolarni hal etish endi o‘z qo‘lingizda.

Uchquduq tuman Iqtisodiyot va moliya bo‘limi.

        Конституциявий суд судьяларининг ваколат муддати ўзгарди

        Президент томонидан имзоланган Қонун (ЎРҚ-895-сон, 12.01.2024 й.) билан “Ўзбекистон Республикаси Конституциявий суди тўғрисида”ги Қонунга ўзгартиш ва қўшимчалар киритилди 

       Унга кўра, Конституциявий суд референдумга чиқарилаётган масалаларнинг Конституцияга мувофиқлиги тўғрисида хулоса беради.

Конституциявий суд мазкур тоифадаги масалалар бўйича тегишли ҳужжатлар олинган кундан эътиборан 15 кундан кечиктирмай қарор қабул қилади.

        Шунингдек, киритилган ўзгартиришга кўра, Конституциявий суднинг судьялари қайта сайланиш ҳуқуқисиз 10 йиллик муддатга сайланади (илгари биринчи марта 5 йилга, иккинчи марта 10 йилга сайланган).

      Фуқаролар мансабдор шахслар қарорлари устидан маъмурий судга мурожаат қилганда давлат божи ундирилмайди

Жисмоний шахслар ўз ҳуқуқларини ва қонуний манфаатларини бузаётган маҳаллий давлат ҳокимияти органларининг, республика ижро этувчи ҳокимият органларининг, маъмурий-ҳуқуқий фаолиятни амалга оширишга ваколатли бўлган бошқа органларнинг, фуқаролар ўзини ўзи бошқариш органларининг, улар мансабдор шахсларининг қарорлари, ҳаракатлари (ҳаракатсизлиги) устидан судга мурожаат қилганда давлат божини тўлашдан озод қилинади.

     Мазкур шахсларнинг талабларини қаноатлантириш тўлиқ ёки қисман рад этилган тақдирда, давлат божи шу шахслардан талабларнинг қаноатлантирилиши рад этилган миқдорига мутаносиб равишда ундирилади.

Бу ҳақда Президент томонидан Қонун имзоланиб, (ЎРҚ–897-сон, 16.01.2024 й.) “Давлат божи тўғрисида”ги қонунга ўзгартириш ва қўшимчалар киритилди 

       Крипто-активларни қонунга хилоф равишда олганлик учун маъмурий жавобгарлик белгиланди

Президент томонидан имзоланган Қонун (ЎРҚ–899-сон, 19.01.2024 й.) билан бир қатор кодексларга ўзгартириш ва қўшимчалар киритилди

         Жумладан, Маъмурий жавобгарлик тўғрисидаги кодексга киритилган қўшимчага кўра, қуйидагиларга нисбатан жавобгарлик белгиланди:

       Мобиль қурилманинг халқаро ўзига хос идентификация кодини қонуний ишлаб чиқарувчининг рухсатисиз ўзгартириш, худди шунингдек ушбу мақсадда махсус дастурларни ишлаб чиқиш, тарқатиш ёки улардан фойдаланиш БҲМнинг 15 бараваридан 20 бараваригача миқдорда жарима солишга сабаб бўлади.

Бунда ҳуқуқбузарлик содир этиш қуроли мусодара қилинади.

         Абонент қурилмасининг идентификациялаш модулини қонуний ишлаб чиқарувчининг ёки унинг қонуний эгасининг рухсатисиз ўзгартириш ёки унинг нусхасини яратиш ҳуқуқбузарлик содир этиш қуролини мусодара қилиб, БҲМнинг 20 бараваригача миқдорда жарима солишга сабаб бўлади.

         Крипто-активларни қонунга хилоф равишда олиш, ўтказиш ёки айирбошлаш, лицензия олмасдан крипто-активлар айланмаси соҳасидаги хизматлар провайдерлари фаолиятини амалга ошириш 15 суткагача маъмурий қамоққа олишга ёки маъмурий қамоқ қўлланилиши мумкин бўлмаган шахсларга БҲМнинг 20 бараваридан 30 бараваригача миқдорда жарима солишга сабаб бўлади.

Бунда крипто-активларни ҳамда мазкур ҳуқуқбузарликларни содир этиш қуроллари мусодара қилинади.

        Крипто-активлар айланмаси соҳасидаги хизматлар провайдерлари томонидан аноним крипто-активлар билан операцияларни амалга ошириш мансабдор шахсларга БҲМнинг 30 бараваридан 40 бараваригача миқдорда жарима солишга сабаб бўлади.

       Майнинг фаолиятини белгиланган тартибни бузган ҳолда амалга ошириш, мазкур ҳуқуқбузарликни содир этиш қуролларини мусодара қилиб, 5 суткагача маъмурий қамоққа олишга ёки маъмурий қамоқ қўлланилиши мумкин бўлмаган шахсларга БҲМнинг 20 бараваридан 30 бараваригача миқдорда жарима солишга сабаб бўлади.

      Аноним крипто-активлар майнинги билан шуғулланиш, крипто-активларни ҳамда ҳуқуқбузарлик содир этиш қуролларини мусодара қилиб, мансабдор шахсларга БҲМнинг 30 бараваридан 40 бараваригача миқдорда жарима солишга сабаб бўлади.

Қизилқум кўчаси 1-уйнинг 3-қаватида яшайдиган бир ҳамшаҳримиз бизга мурожаат қилиб, ўтган йилдан буён ёғингарчилик бўлса уйларига томдан чакки ўтишини, неча марта ширкатга мурожаат қилсалар ҳам бу ёнғингаргача ҳеч қандай натижа бўлмаган. Бу йил эса кунора ёмғир қорнинг ёғиши бу хонадон эгаларини яна ташвишлантирсада жойдаги масъулларни томга чиқаролмади.
Унинг мурожаати туман ҳокими Соли Фармоновичга етгач натижа ижобий бўлди. Бир хонадоннинг хотиржамлигини таъминлаб берганларга раҳмат айтамиз‼️
Унутманг УЧҚУДУҚ24 ҳали ҳам сизнинг муаммонгизни масъулларга етказишда кўприк вазифасида

    Uchquduq tuman maktabgacha va maktab ta’limi bo’limiga qarashli 19 ta umumiy o’rta ta’lim maktabi, 15 ta Davlat maktabgacha ta’lim tashkiloti va “Barkamol avlod” bolalar maktabi faoliyat korsatmoqda.
Tumandagi umumiy o’rta ta’lim maktablarida jami 8123 nafar o’quvchi tahsil olayotgan bo’lib, shundan 6907 nafari tuman markazidagi, 1216 nafar o’quvchi esa qishloq hududlarida joylashgan umumta’lim maktablarida o’qiydi.
Uchquduq tumanidagi umumta’lim maktablarida bugungi kunda jami 793 nafar pedagog xodimlar faoliyat ko’rsatayotgan bo’lib, mazkur pedagoglarning 743 nafari oliy ma’lumotli, 30 nafari tugallanmagan oliy ma’lumotli, 20 nafarini o’rta maxsus ma’lumotli pedagog xodimlar tashkil etadi. Pedagog xodimlarning toifasi bo’yicha
179 nafari (22.6%)ni oliy toifali, 231 nafari (29.1%)ni 1-toifali, 166 nafari (20.9%)ni
2-toifali, 167 nafari (21.1%)ni mutaxassis va 50 nafarini toifasiz o’qituvchilar tashkil etadi.
Uchquduq tuman so’nggi 6 yilda tumandagi 19 ta maktabdan 15 tasida mukammal ta’mirlash ishlari amalga oshirilib, moddiy texnik bazasi yanada yaxshilandi. Bu esa o’z navbatida o’quvchilarning sifatli ta’lim-tarbiya olishlari uchun yanada qulay shart-sharoitlar yaratilishini ta’minladi.
Milliy reyting natijalariga ko’ra 2021 yilda Uchquduq tumani respublikadagi
207 ta tuman va shaharlar ichida 8-o’rinda, viloyat miqyosida 3-o’rinda qayd etildi.
Jumladan bitiruvchilarning oliy ta’lim muassasalariga kirish ko’rsatkichi bo’yicha respublikada 4-o’rinda, viloyatda 3-o’rinda;
Pedagoglarning sifat tarkibi, ya’ni oliy va birinchi toifali o’qituvchilar ulushi bo’yicha tuman respublikada 7-o’rinda, viloyatda 2-o’rinda qayd etildi,
Avvallari tumandagi maktablarda oliy toifali o’qituvchilar ulushi 2 % ga ham etmagan bo’lsa, so’nggi uch yilda amaldagi islohotlar natijasida tizimda faoliyat ko’rsatayotgan pedagog xodimlarning 22.6 % ni oliy toifali, 29.1 % ni 1-toifali o’qituvchilar tashkil etmoqda.
2022-2023 o’quv yilidan joriy etilgan Vazir jamg’armasidan ustama olish uchun o’tkazilgan saralash test sinovlarida Uchquduq tumanidan jami 33 nafar pedagog xodimlarning ishtiroki ta’minlandi. 33 nafar pedagog xodimlarning
13 nafari o’tkazilgan test sinovlaridan muvaffaqiyatli o’tib, 2-bosqich suhbat natijalariga ko’ra Vazir jamg’armasidan 9 oy davomida ustama olish huquqini qo’lga kiritdilar.
Navoiy shahrida o’tkazilgan Fan olimpiadasining III boshqichi Uchquduq tuman MMTBga qarashli umumtalim maktablari o’quvchilari faol ishtirok etib, 9-sinf òquvchilari o’rtasida 1 ta o’rin, 4 ta 2-o’rin, 10-sinf òquvchilari o’rtasida 2 ta 1-o’rin,
2 ta 2-o’rin, 1 ta 3-o’rin, 11-sinf òquvchilari o’rtasida 1 ta 2-o’rin, 2 ta 3-o’rin qo’lga kiritildi.
O’zbekiston Respublikasi Prezidentining 2021-yil 19-maydagi 5117-sonli qarori asosida 2022-yilda birinchi marotaba o’tkazilgan O’zbekiston Respublikasi Prezidentining sovrini uchun “Xorijiy tillarni o’qitish bo’yicha eng yaxshi maktab” tanlovining viloyat bosqichida Uchquduq tumanidagi 20-sonli maktab jamoasi faxrli
1-o’rinni qo’lga kiritdi va o’quvchilar va ularning o’qituvchisi Buyuk Britaniyada
1 haftalik sayohatga borib kelishdi.
Maktab jamoasi 2023-yilda o’tkazilgan tanlovda ham tuman va viloyat bosqichida faxrli 1-o’rinni qo’lga kiritib, respublika bosqichida ham muvaffaqiyatli ishtirok etishdi.
Ta’lim muassasalarida o’quvchilarni kasb-hunarga yo’naltirish, maktabni bitirgunga qadar biror kasbni egallab sertifikat olishlarini ta’minlash bo’yicha bir qator ishlar amalga oshirildi. Jumladan, 2021-yilda maktablarni bitirgan 446 nafar o’quvchilardan 443 nafarining tegishli kasb hunarlarga o’qib, maxsus sertifikat olishlari ta’minlandi.
2021-2022, 2022-2023 o’quv yillarida esa 11-sinf bitiruvchilarining barchasi kasb-hunar o’rganib, sertifikatga ega bo’lishdi.
Uchquduq tumanidagi umumta’lim maktablarini yangi o’quv yiliga tayyorlash, o’quvchilar uchun yanada qulay shart-sharoitlar yaratish, sifatli ta’lim-tarbiya berilishini ta’minlash maqsadida keng ko’lamdagi ishlar amalga oshirilmoqda.
Tumandagi 5-sonli maktabda quvvatiga nisbatan o’quvchilar soni oshib ketgan edi. Joriy yilda maktab binosi yonidan qariyb 2 mlrd so’m evaziga 220 o’rinli qo’shimcha zamonaviy o’quv binosi barpo etildi.
Hozirgi kunda bo’limga qarashli umumta’lim maktablarida jami 26 ta kompyuter sinflari mavjud bo’lib, ularning barcha zamonaviy kompyuter texnikalari bilan ta’minlangan. Shu bilan birga, umumiy o’rta ta’lim maktablari joriy yilda 5 ta kompyuter sinfi bilan ta’minlandi. Xitoy granti mablag’lari hisobidan 1 ta (10-maktab), Respublika byudjet mablag’lari hisobidan 4 ta (3-7-9-20-maktablar) jami 81 dona zomonaviy kompyuter texnikalari bilan ta’minlandi. a
Tumandagi barcha maktablar internet tarmog’iga ulangan bo’lib, ulardan 17 tasi keng polosali intenet tarmog’iga ulangan. 2 ta umumta’lim maktablari olis cho’l hududlarida (16-sonli hamda 19-sonli maktablar) joylashganligi uchun Sputnik antenna orqali internet tarmog’iga ulangan. 2022-2023-o’quv yilidan boshlab 400 nafargacha o’quvchisi bo’lgan maktablarda (1-2-4-5-6-8-11-12-13-15-maktablar) internet tezligi
40 MbitG’s “Education-2” tarifiga, o’quvchilar soni 400 nafardan yuqori bo’lgan maktablarga (3-5-7-9-10-18-20-maktablar) 100 MbitG’s “Education-3” tarifiga o’tkazildi.
Maktabgacha va maktab ta’lim vazirligi tomonidan qo’shimcha texnik qurilmalar (Elektron doska, wi-fi, mikrotik, robototexnika) bilan doimiy ta’minlanib kelmoqda.
Jumladan tumandagi 8 ta umumta’lim maktablariga (54 dona) Elektron doskalar,
4 ta maktabga Wi-fi (1 ta 4 talik, 3 ta 7 talik) qurilmalari, 19 ta maktabga mikrotik qurilmalari yetkazib berilgan va bugungi kunda to’liq ishchi holatda foydalanilmoqda.
Hozirgi kunda umumiy o’rta ta’lim maktablari o’qvchilari tomonidan “Bir million dasturchi” loyihasining mantiqiy davomi bo’lgan Coursera o’quv kurslari bo’yicha ta’lim muassasalarida targ’ibot ishlari amalga oshirilib borilmoqda. Viloyat maktabgacha va maktab ta’limi boshqarmasining 2023-yil 26-senyabrdagi 01-03G’4-694-sonli nazorat rejasiga asosan Uchquduq tumaniga 2023-yil yakuniga qadar 417 nafar o’quvchi yoshlar ushbu platformada onlayn o’qib sertifikat olishi belgilangan bo’lib, bugungi kunga qadar 1813 dan ortiq o’quvchi yoshlar ushbu platformada o’qib sertifikat olishdi.
Tumandagi umumta'lim maktablarida jami 14 ta sport zal mavjud bo'lib 12x24 o'ljamli sport zallar 6 tani, 9x18 o'lchamlilari jami 8 tani tashkil etmoqda.
Uchquduq tumanida Maktabgacha ta’lim tizimida 2022-2023-o’quv yillari davomida bajarilgan ishlar to’g’risida ma’lumot

Tumanda Maktabgacha ta’lim tashkilotlari soni jami 36 ta bo’lib, shundan 15 ta davlat maktabgacha ta’lim tashkilotlari, 2 ta Davlat-xususiy sherikchilik asosidagi nodavlat maktabgacha ta’lim tashkilotlari, 19 ta oilaviy nodavlat maktabgacha ta’lim tashkilotlaridir. Tumanda 3-7 yoshdagi bolalar soni 3561 nafarni tashkil etib, ularning 3451 nafari maktabgacha ta’lim tashkilotlariga qamrab olingan. (davlat 2934, nodavlat 467). Natijada tumanimizda maktabgacha yoshdagi bolalarni qamrovi 94 foizni tashkil etdi.
Tumanda Maktabgacha ta’lim tizimida 730 nafar (davlat 659, nodavlat 71) xodim faoliyat olib bormoqda. Shundan, 328 nafar pedagog xodim bo’lib, 106 nafari oliy ma’lumotli, 42 nafari tugallanmagan oliy ma’lumotli xodimlar hisoblanadi.
Joriy yilda DMTTlarning 56 nafar pedagog xodimlari o’z mutaxassisliklari bo’yicha attestasiya sinovdan o’tkazildi. Shundan 44 nafari 2-toifa, 6 nafari 1-toifani oldi.
Uchquduq tumanida 21 ta hususiy maktabgacha ta’lim tashkilotlari mavjud bo’lib, shundan oilaviy nodavlat maktabgacha ta’lim tashkilotlari soni 19 tani, Davlat hususiy sheriklik asosidagi nodavlat maktabgacha ta’lim tashkilotlari soni 2 tani tashkil etadi.
Shundan, hozirgi kunda 3-7 yoshli tarbiyalanuvchilar soni 463 nafarni tashkil etmoqda. Mazkur maktabgacha ta’lim tashkilotlarida jami ishchilar soni 56 nafarni tashkil etayotgan bo’lib, shundan tarbiyachilar 24 nafar, yordamchi tarbiyachilar 32 nafarni tashkil etmoqda. Ushbu maktabgacha ta’lim tashkilotlarida 4 nafar oliy ma’lumotli pedagog xodimlar faoliyat ko’rsatib kelmoqda.
Tumandagi davlat maktabgacha ta’lim tashkiloti xodimlarining professional tayyorgarligi va mahoratini oshirib borish maqsadida rahbar va pedagoglarni malaka oshirish kursiga reja-grafigi asosida yuborilmoqda. O’quv yili boshidan hozirga qadar 120 nafar pedagog xodimlar malaka oshirish kurslariga jalb etildi.
Yangi, ilg’or pedagogik texnologiya va metodlar asosida yaratilgan uslubiy qo’llanma va tavsiyalarni tuman miqyosida 34 nafar pedagog xodim, viloyat miqyosida 6 nafar pedagog xodimning ishlari ommalashtirildi.
“Yilning eng yaxshi tarbiyachisi - 2022 ” kasbiy ko’rik tanlovining viloyat bosqichida 1-sonli DMTTning tarbiyachisi Gulbahor Faxrieva hamda 5-sonli DMTT tarbiyachisi Gulnoza Ro’zievalar faxrli birinchi o’rinni egallab respublika bosqichida ishtirok etdi.
Respublika bosqichida 5-sonli DMTT tarbiyachisi G.Ro’ziyeva faxrli 2-o’rinni egallab, Maktabgacha ta’lim vazirligining 7 mln so’mlik pul mukofoti va oliy ta’limga grant asosida o’qishga qabul qilindi.
    “Yilning eng yaxshi tarbiyachisi-2023” kasbiy ko‘rik-tanlovining viloyat bosqichida Uchquduq tumanidan 5 nafar tarbiyachilar ishtirok etishdi. Ishtirokchilar tanlov nizomiga muvofiq 3 shart bo‘yicha mahoratlarini ko‘rsatib, o‘zaro bellashdi.
“Eng ijodkor-ixtirochi tarbiyachi” nominatsiyasida
1- o‘rin tumandagi 2-sonli davlat MTT tarbiyachisi G‘aniyeva Dilrabo;
“Innovatsiya va axborot texnologiyalarini qo‘llaydigan eng yaxshi tarbiyachi” nominatsiyasida 14-sonli davlat MTT tarbiyachisi Fayziyeva Maftuna 1-o‘rinni
“Eng yaxshi ma’naviy kamolotga yetaklovchi tarbiyachi” nominatsiyasida 5-sonli davlat MTT tarbiyachisi Mamanova Firuza 1-o‘rinni,
“Eng yaxshi metodist” nominatsiyasida 2-davlat MTT metodisti Jontemirova Umida 2-o‘rinni;
“Eng yaxshi eko-targ‘ibotchi tarbiyachi” nominatsiyasida 12-davlat MTT tarbiyachisi Sadullayeva Zebo 2-o‘rinni qo`lga kiritishdi;
“Yilning eng yaxshi tarbiyachisi - 2023” kasbiy ko‘rik-tanlovining respublika bosqichida “Eng ijodkor-ixtirochi tarbiyachi” nominatsiyasida tumandagi 2-sonli davlat MTT tarbiyachisi G‘aniyeva Dilrabo faxrli 3-o‘rinni qo`lga kiritdi.

Ўзбекистон Республикаси Президентининг 2022 йил 14 июндаги “Давлат органлари ва ташкилотлари фаолиятининг очиқлик даражасини ошириш ва баҳолаш тизимини жорий этиш чора-тадбирлари тўғрисида”ги ПФ-154-сонли фармонига асосан очиқ маълумотлар бўлимида эълон қилинган ҳужжатлар 

         Кодирова Райҳон Уразовна 1970 йилда Бухоро вилояти Когон туманида туғилган.

     2014 йилда Ўзбекистон давлат миллий университетини тамомлаган.
     2012 йилда “Шуҳрат” медали билан тақдирланган.

     2020 йилдан бугунги кунга қадар халқ депутатлари Учқудуқ туман Кенгаши депутати.

     1993-1997 йй – “Когон ҳаёти” газетасининг адабиёт ва санъат бўлими мудири,

     1997-2008 йй – Учқудуқ туман ҳокимлиги  бош мутахассис,

      2008-2019 йй - “Учқудуқ” газетаси  бош муҳаррири лавозимларида фаолият юритган.

    2019 йил ҳ. в. -“УЧҚУДУҚ” газетаси масъул котиби 

      2019 йил ҳ. в. - Учқудуқ туман ҳокимлиги ахборот хизмати раҳбари, матбуот котиби вазифасида фаолият юритиб келмоқда.

Лавозимга тайинлов Ахборот ва оммавий коммуникациялар агентлиги Навоий вилоят бошқармаси хулосасига кўра амалга оширилган.

       Эслатиб ўтамиз, Ўзбекистон Республикаси Президентининг 2019 йил 27 июндаги ПҚ-4366-сонли қарорига мувофиқ, давлат органлари ва ташкилотлари матбуот котиби бир вақтнинг ўзида раҳбарнинг ахборот сиёсати масалалари бўйича маслаҳатчиси ҳисобланиб, меҳнатга ҳақ тўлаш, тиббий ва транспорт хизмати кўрсатиш шартларига кўра, раҳбар ўринбосарига тенглаштирилган.

   Матбуот котибининг вазифалари:

• * ижтимоий тармоқлар, давлат органлари ва ташкилотларининг расмий веб-сайтлари, шунингдек, бошқа ахборот ресурслари орқали, шу жумладан матбуот анжуманлари, брифинглар, медиатурлар ташкил этиш йўли билан аҳолига мунтазам, тўлиқ ва тезкор равишда ахборот тақдим этиб бориш;
• * мамлакатимизнинг ижтимоий-сиёсий ва социал-иқтисодий тараққиёти жараёни ҳақида ахборот бериш ва ёритиш бўйича чора-тадбирлар ишлаб чиқиш ва амалга ошириш;
• * ахборот сиёсати соҳасида зиммасига юкланган вазифаларни амалга оширишда Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги билан самарали амалий ҳамкорликни йўлга қўйиш;
• * ОАВ билан самарали ҳамкорлик қилиш, ахборот хизматлари билан доимий ишловчи журналистлар ва блогерлар доирасида тезкор маълумотларни тарқатиш, шунингдек, норматив-ҳуқуқий ҳужжатлар лойиҳаларини муҳокама қилишда кенг аҳоли қатламларининг иштирокини таъминлаш мақсадида экспертлар гуруҳини шакллантириш;
• * мунтазам равишда ОАВда давлат органлари ва ташкилотлари раҳбарларининг чиқишларини ташкил этиш;
• * ахборот макони мониторингини олиб бориш ва таҳлил қилиш, танқидий ва кенг муҳокама қилинаётган ахборот хуружларига тезкор муносабат билдириш, оммавий ахборот воситалари ва Интернет тармоғида тегишли давлат органлари ва ташкилотлари фаолиятига алоқадор ахборотни тарқатиш бўйича ишларни ташкил қилиш;
• * давлат органлари ва ташкилотлари билан биргаликда маҳаллий ва хорижий оммавий ахборот воситалари орқали тарқатиш учун хабар, маълумот, шарҳ ва бошқа ахборот-таҳлилий материаллар тайёрлаш;
• * Вакилнинг фаолияти тўғрисида жамоатчилик фикрини, миллий ва хорижий оммавий ахборот воситаларининг позициясини ўрганиш, долзарб таклифлар ишлаб чиқиш ва улар тўғрисида давлат органлари ва ташкилотлари раҳбариятига ахборот бериб бориш;
• давлат органлари ва ташкилотларининг ваколатига кирувчи норматив-ҳуқуқий ҳужжатларнинг лойиҳалари ҳамда уларнинг тасдиқланган матнларини белгиланган тартибда ўз расмий веб-сайтида жойлаштириш;
• * давлат органлари ва ташкилотларининг фаолиятига алоқадор матнли, фото-, аудио- ва видеоматериаллардан иборат маълумотлар базасини шакллантириш ва янгилаб бориш.

Uchquduq tuman hokimi Yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosarining

2024-yil I-yarim yillikka mo‘ljallangan ISH REJASI

         “Очиқ бюджет”га ажратилган маблағлар ижтимоий соҳа, йўл, сув, электр энергия ва бошқа соҳалар кесимида ишлатилиши, улар ҳисобига амалга оширилган ишлар хусусида қуйидаги маълумот берилмоқда.
Ўзбекистон Республикаси Президентининг 2021 йил 13 апрелдаги “Бюджет жараёнида фуқароларнинг фаол иштирокини таъминлаш бўйича қўшимча чора-тадбирлар тўғрисида”ги ПҚ-5072-сонли қарори ижросини таъминлаш мақсадида, туманда “Ташаббусли бюджет” дастури доирасида 2023 йилда 7 090 млн. сўмлик шу жумладан, маҳаллий бюджет параметрлари ҳисобидан 5 849 млн. сўм, маҳаллий бюджетнинг қўшимча манбалари ҳисобидан 1 241 млн. сўмлик маблағ ажратилган.
Шунингдек, Ташаббусли бюджет жараёнининг 2023 йил 1-мавсумида “Фуқаролар ташаббуси” жамғармасига жами 4 541.0 млн.сўм маблағ шакллантирилди.
Маълумот учун, 01.01.2023 йил бошига қолдиқ:
      1 150.4 млн.сўм,эркин қолдиқ маблағларидан 390.3 млн.сўм, бюджет параметрида умумий харажатларнинг 5 % миқдорида режалаштирилган маблағ 3 000.0 млн. сўм.
Ушбу маблағлар учун фуқаролар томонидан 238 та турли хил мазмундаги таклифлар келиб тушди.Овоз бериш жараёнларига 15 360 мингга яқин фуқаролар иштирок этиб, натижада 4 470.0 млн. сўмлик 17 та лойиҳалар ғолиб деб топилди. Жумладан;
- 7 та лойиҳа 1 230.0 млн. сўм таълим муассасаларини таъмирлаш ва жихозлаш;
- 3 та лойиҳа 1 700.0 млн. сўм ички йўлларни таъмирлаш, пиёдалар йўлаклар барпо этиш;
- 3 та лойиҳа 640.0 млн. сўм мактабгача таълим соҳасини ривожлантириш;
- 2 та лойиҳа 700.0 млн. сўм тиббиёт объектларини таъмирлаш ва жихозлаш;
- 2 та лойиҳа 200.0 млн. сўм бошқа таълим муассасаларнии таъмирлаш ва жихозлаш каби аҳолини узоқ йиллардан бери қийнаб келаётган муаммоларини бартараф этилишига йўналтирилди.

       Мисол учун, Учқудуқ тумани Абай,Мустақиллик ва Дўстлик МФЙ ташаббускорлари томонидан 3 та ички йўлларни асфальтлаштириш таклиф келиб тушган. Ушбу махаллаларда истиқомат қилувчи аҳоли ушбу муаммони кўтариб, 1 059 та овоз билан ғолибликни қўлга киритди ва 1 700 млн. сўм ютиб олишга эришди.
Туманимизда таълим олиш имкониятини янада кенгайтириш уқув машғулот, касбга йўналтириш хоналарини замонавий жихозлар билан таъминлаш юзасидан 7 та таклифлар келиб тушган. Ушбу ташаббускорлар ушбу муаммони кўтариб, 7 727 та овоз билан ғолибликни қўлга киритди ва 1 230 млн. сўм ютиб олишга эришди, фуқароларимизнинг узоқ йиллардан бери қийнаб келаётган муаммоларини бартараф этилмоқда.
Бундан ташқари, Ташаббусли бюджет жараёнининг 2023 йил
2-мавсумида “Фуқаролар ташаббуси” жамғармасига жами 3 825.9 млн.сўм маблағ шакллантирилди.
Маълумот учун, бюджет параметрида умумий харажатларнинг 5 % миқдорида 3 000.0 млн.сўм,маҳаллий бюджет ортиқча бажарилган қисмининг 30 % 309.9 млн.сўм,жамғарма ҳисобидаги қолдиқ маблағлар 516 млн.сўм.
       Ушбу маблағлар учун фуқаролар томонидан 250 та турли хил мазмундаги таклифлар келиб тушди.Овоз бериш жараёнларига 124 та таклифлар ўтқазилиб ушбу таклифларга 19 минг 728 га яқин фуқаролар иштирок этиб, натижада 2 620.0 млн.сўмлик 2 та лойиҳалар ғолиб деб топилди. Жумладан;
- 1 та лойиҳа 1 320.0 млн. сўм таълим муассасаларини таъмирлаш ва жихозлаш;
- 1 та лойиҳа 1 300.0 млн. сўм ички йўлларни таъмирлаш, пиёдалар йўлаклар барпо этишга йўналтирилди;
Мисол учун, Учқудуқ тумани Дўстлик МФЙ ташаббускорлари томонидан ички ишлар биносига борадиган ички йўлларни асфальтлаштириш таклиф келиб тушган. Ушбу махаллаларда истиқомат қилувчи аҳоли ҳамда бутун учқудуқ аҳли ушбу муаммони кўтариб, 3 135 та овоз билан ғолибликни қўлга киритди ва 1 300 млн. сўм ютиб олишга эришди.
Туманимизда таълим олиш имкониятини янада кенгайтириш уқув машғулот хоналарини замонавий жихозлар билан таъминлаш юзасидан бир нечта таклифлар келиб тушган. Ушбу ташаббускорлар ушбу муаммони кўтариб, 2 896 та овоз билан ғолибликни қўлга киритди ва 1 320 млн. сўм ютиб олишга эришди, фуқароларимизнинг узоқ йиллардан бери қийнаб келаётган муаммолари бирин кетин бартараф этилмоқда бундан фуқороларимиз мамнун эканлигини кўришимиз мумкин.
2023 йилда туман маҳаллий бюджети харажатлари
125 828,4 млн. сўмни ташкил этмоқда. Жумладан,
- Халқ таълим соҳасида 2023 йил учун 14 160.6 млн.сўм маблағлар ажратилган бўлиб, умумий харажатларининг 12,4 фоизни
- мактабгача таълим соҳаси 11 425 млн. сўм умумий харажатларининг 9.1 фоизни
- маданият ва спорт сохасининг 2022 йил харажатлари 6 248.8 млн.сўм бўлиб умумий харажатнинг 5 фоизни
- соғлиқни сақлаш сохасининг 2023 йил харажатлари 42 977.6 млн. сўм бўлиб умумий харажатнинг 34,2 фоизни
- ободонлаштириш ва қишлоқ хўжалиги ташкилотлари соҳаси бўйича 2023 йил харажатлари 18 675.6 млн.сўм бўлиб умумий харажатнинг 14.8 фоизни
- бошқарув органларини маблағ билан таъминлаш учун 17 421.6 млн. сўм ёки умумий харажатларнинг 13.8 фоизи
- бошқа харажатларга 13 473.4 млн.сўм ёки харажатларнинг 10.7 фоизи йўналтирилди.
       Йил давомида маҳаллий бюджетининг йил бошидан эркин қолдиқ ҳамда даромодларидан харажатлари орттириб бажарилган қисми ҳисобидан туширилган қўшимча 4 млрд 592.2 млн.сўм харажатларга сарфланиши тўғрисида қисқача тўхталиб ўтсам. Ушбу манбалар ҳисобидан соҳалар кесимида қарайдиган бўлсак;
Таълим тизимининг пойдевори бўлган Мактабгача таълим ва мактаб таълимининг ижтимоий инфратузилмаларини мустаҳкамлаш, реконструксия қилиш, ободонлаштириш ва моддий техника базаларини мустахкамлаш харажатлари учун 223.2 млн.сўм қўшимча манбалар ҳисобидан маблағ ажратилди.
      Ижтимоий соҳанинг яна бир бўғини бўлган соғликни сақлаш муассасалари учун бу йил 113.3 млн.сўм қўшимча маблағлар йўналтирилди.
Бундан ташқари худудни ободонлаштириш ишлари, йўлларни таъмирлаш ва асфалт ётқизиш, ичимлик суви қувурларини реконструксия қилиш ҳамда туман кўчаларига тунги ёритиш чироқлари ўрнатиш ва бошқа харажатлар учун туман ободонлаштириш бошқармасига 764.3 млн.сўм маблағлар йўналтирилди
      Бундан ташқари, ёшларни ижтимоий-иқтисодий муоммоларни ҳал этиш учун "Ёшлар дафтари" жамғармасига 730.1 млн.сўм, аёллар ва қизларни муоммоларини ҳал қилиш ҳамда уларни хар томонлама қўллаб-қувватлаш мақсадида "Аёллар дафтари" жамғармасига 566.8 млн.сўм маблағлар йўналтирилди.
2023 йилда туман маҳаллий бюджети қўшимча манбалари ҳисобидан шаклланган маблағлардан 30% яъни 1 241.6 млн. сўм маблағ “Ташаббусли бюджет” жамғармасига қўшимча йўналтирилди
    Шу билан бирга туман маҳаллий бюджетининг бошқа ташкилотларнинг моддий техника базасини мустаҳкамлаш, тадбир харажатлари ва бошқа харажатлар учун 1 519.7 млн. сўм маблағлар молиялаштирилди.

УЧҚУДУҚ ТУМАН МОЛИЯ БЎЛИМИ

Учқудуқ тумани олис чўл ҳудудида жойлашган бўлиб чорвачиликка ихтисослашган туманлардан ҳисобланади. Туманда асосан чорвачиликнинг қўйчилик, қорамолчилик, йилқичилик, туячилик тармоқлари кенг ривожланган. Учқудуқ туманида бугунги кунда 92 та чорвачилик фермер хўжаликлари ва 52 та чорвачилик МЧЖ лари фаолият юритмоқда.

Чорва мол бош сонлари: 2023  йил  якуни билан  барча тоифа хўжаликларда йирик шоҳли қорамоллар жами  5980  бошни,  қўй  ва  эчкилар    142976  бошни,  отлар жами 4510 бошни,  паррандалар  эса жами 18142 бошни ташкил этиб, йил давомида туманда чорвачиликнинг ўсиш суръати 105,0 % ни ташкил этди.

Чорвачилик маҳсулотлари: 2023 йилда барча тоифа хўжаликларда
6 349 тонна (тирик вазнда) гўшт,  соғиб олинган сут 4 988 тонна,  олинган тухум 726 минг дона,  қирқиб олинган жун 347,3 тонна ва олинган қоракўл терилар эса 31 498 донани ташкил этиб, чорвачилик маҳсулотларининг ўсиш суръати 105,2 % ни ташкил этди.

Туманда 2023 йилда умумий қиймати 27 200 млн сўмлик қишлоқ хўжалиги йўналиши бўйича  29 та лойиҳа шакллантирилган бўлиб, шундан қиймати 1 500 млн сўмлик қорамолчилик бўйича 1 та лойиҳа, қиймати 9 100 млн сўмлик йилқичилик бўйича 10 та лойиҳа, қиймати 13 300 млн сўмлик қўйчилик бўйича 15 та лойиҳа, қиймати 1 300 млн сўмлик паррандачилик бўйича 1 та лойиҳа ва қиймати 2000 млн сўмлик балиқчилик бўйича 2 та лойиҳалар шакллантирилган. Бугунги кунда ушбу лойиҳаларнинг барчаси ишга туширилиб 65 та янги иш ўринлари яратилди.

Туманда барча тоифа хўжаликларда 2023-2024 йиллар қишлов мавсумида 5 980 бош қорамол, 142 976 бош қўй ва эчкилар, 4 510 бош отлар,  3420 бош туялар мавжуд.

Туманда бугунги кун ҳолатига 92 та фермер хўжаликларига қарашли 76 та чўпон уйларидан 72 таси ёки 95 %, 97 та ярим ёпиқ қўралардан 93 таси ёки 95,8 % тўлиқ таъмирланган.

 Тумандаги барча тоифа хўжаликларда 2022-2023 йиллар қишлов мавсумига тайёргарлик ёки ем хашак базасини мустаҳкамлаш қишлов мавсумини беталофат ўтказиш мақсадида 51 минг тонна дағал хашак жамғариш режалаштирилиб, шундан шахсий ёрдамчи деҳқон хўжаоикларида 34 минг тонна, фермер хўжаликларида эса 17 минг тонна дағал хашак жамғариш режаси белгиланиб, бугунги кун ҳолатига аҳолида 33,6 минг тонна хашак жамғарилиб режага нисбатан
98 %, фермер хўжаликларида 16,4 минг тонна жамғарилиб режага нисбатан 97 % га бажарилган.

Учқудуқ туманида  қўйчилик, қорамолчилик, йилқичилик, туячилик тармоқлари кенг ривожланганлиги сабабли чорвачилик тармоғини ривожлантириш мақсадида сув таъминоти оғир бўлган ҳудудлар танлаб олиниб, 2023 йилда 2 млрд сўм маблағ ҳисобидан 20 та тик қудуқ қазиш ишлари олиб бориш режалаштирилган бўлсада ҳозирда 15 та  тик қудуқлар қазилиб фойдаланишга берилган.

 (Яйловларни ишга солиш орқали эчкичилик ва қўйчиликни кескин ривожлантириш):

“Яйловларни ишга солиш орқали” туман ҳудудидаги яйловларда кўп йиллардан буён фойдаланилмай келаётган 80 дан ортиқ тик ва шахтали қудуқларни қайта тиклаш имконияти мавжудлиги аниқланди. Яйлов ва сув таъминоти оғир бўлган майдонлардан самарали фойдаланишни ташкил этиш учун туманда  250,0 минг гектар ерларни ўзлаштириш режалаштирилган бўлиб, бугунги кунда туман ўрмон хўжалиги бўлими томонидан ижара шартномалари асосида ва “Учқудуқ Чорва Кластер” МЧЖ томонидан иккиламчи ижара шартномалари асосида жами 221,2 минг гектар яйлов ер майдонлари ажратилган.

Тумандаги яйлов ерларида ёшлар бандлигини таъминлаш дастур ишлаб чиқилди. Мазкур дастурга мувофиқ Алтинтау, Боздун, Мингбулоқ, Кокпатас, Узунқудуқ ОФЙ ҳудудларидан жами 23 800 гектар яйлов ерларни аукцион савдоларига чиқариш орқали, 4 та тик қудуқлари қазиш, 4,5 минг бош чорва чорва молларини ташкил этиб, 33 нафар ёшларнинг бандлиги таъминланади.

Бугунги кунда 4 нафар чорвачилик билан шуғулланиш истагида бўлган ёшларга Ипакчилик ва жун саноатини ривожлантириш қўмитасига доимий фойдаланишга берилган яйлов ерларда жойлашган тик қудуқлар “Учқудуқ чорва кластер” МЧЖ томонидан ажратиб берилди ва бундан ташқари Ипакчилик ва жун саноатини ривожлантириш қўмитасига Учқудуқ туманидан доимий фойдаланишга берилган яйлов ерлардан  15 970 гектар яйлов ер майдонлари ҳам “Учқудуқ чорва кластер” МЧЖ томонидан 33 нафар ёшларга ажратиб берилди.

Ўрмон хўжалиги бўйича:

   Ўзбекистон Республикаси Вазирлар Маҳкамасининг 2022 йил
18 январдаги “Орол денгизининг суви қуриган тубида ва оролбўйи ҳудудларида “яшил қопламалар” – ҳимоя ўрмонзорларини барпо этишнинг қўшимча чора- тадбирлари тўғрисида”ги 31-сонли қарорига асосан Учқудуқ туманида  2022-2026 йилларда 100 минг гектар майдонда “яшил қопламалар” – ҳимоя ўрмонзорларини барпо этиш режалаштирилган.

Туман Давлат ўрмон хўжалиги бўлими томонидан жорий йилда 71,6 тонна саксовул уруғлари йиғиб олинган бўлиб, 2023 йил баҳор мавсумида 5 500 гектар майдонга уруғ сепиш ишлари олиб борилган. Жорий йил куз мавсумида эса 14 500 гектар майдонга уруғ сепиш ишлари олиб борилмоқда, бугунги кунда эса 13 100 гектар майдонга 52,4 тонна саксовул уруғлари экилган ва ҳозирда экиш ишлари давом этмоқда.

Д.Астанов  Туман ҳокими ўринбосари