Ўзбекистонда 27—28 февраль кунлари соврин жамғармаси 100 миллион сўм бўлган брейн-ринг ўйини форматида катта очиқ чемпионат ўтказилади. Бу ҳақда Миллий масс-медиани қўллаб-қувватлаш ва ривожлантириш жамоат фонди матбуот хизмати хабар берди.

Блогер ва ҳуқуқшунос Хушнудбек Худойбердиевнинг маълум қилишича, «Заковат» интеллектуал клубида янги мавсум, янги давр бошланмоқда. 27—28 февраль кунлари соврин жамғармаси 100 миллион сўм бўлган брейн-ринг ўйини форматида катта очиқ чемпионат ўтказилади.

Турнирда исталган жамоа иштирок этиши мумкин ва бунинг учун 6 кишилик жамоа тузиш лозим. Жамоа тузилгач, «Zakovat.tv» сайтида рўйхатдан ўтиш керак бўлади.

«Агар 6 кишилик жамоа туза олмадингиз дейлик, унда нима бўлади? Хавотирга ўрин йўқ. Бемалол якка тартибда ҳам рўйхатдан ўта оласиз. Биз кейинчалик якка ариза юборганларни автоматик 6 кишилик жамоаларга бўлиб юборамиз. Баҳонада янги дўстлар орттиришингиз мумкин», — дейилади хабарда.

Маълум қилинишича, клубга аъзолик ва турнирда қатнашиш — бепул. Таъкидланишича, рўйхатдан ўтганлар ўртасида дастлаб интеллектуал кастинг ўтказилади ва ундан ўтган жамоалар турнирда қатнашиш ҳуқуқини қўлга киритади. Брейн-ринг турнири ва интеллектуал кастинг ўтказиладиган жой, вақти, шартлари ҳақида «Zakovat.tv» сайти ҳамда @zakovat Telegram каналида маълум қилинади.

Президент бош вазирга маҳалла раислари ва участка нозирларини ҳокимиятга мажлисга чақиришни қатъиян тақиқлаш бўйича топшириқ берди.

Президент Шавкат Мирзиёев раҳбарлигида «Ёшларни қўллаб-қувватлаш ва аҳоли саломатлигини мустаҳкамлаш йили»даги режалаштирилган вазифалар бўйича селектор ўтказилмоқда. Тадбирда барча вазирликлар, вилоятлар раҳбарлари иштирок этмоқда.

Давлат раҳбари яна бир бор мажлисбозликларни камайтириш зарурлиги ҳақида гапирган.

 «Давлат дастури бўйича менга халқимиздан келиб тушган 2 мингдан ортиқ таклифларни олиб келишди. Мен бундан жуда хурсанд бўлдим. Чунки халқимиз ўйғонмоқда.

Ҳар қанча қийин бўлмасин, жорий йилда 500 минг нафар ёшлар ва 200 минг аёлларни иш билан таъминлаш ҳамда «темир дафтар»га кирган 300 минг нафар кишини камбағалликдан чиқариш лозим.

Агар барча топшириқларга қунт билан, ақл ва садоқат билан ёндашилса, ҳаммасини бажарса бўлади.

Шу билан бирга, 33та «қизил» туман ва оғир аҳволдаги 970та маҳалланинг йўли, ичимлик суви ва электр таъминоти, ирригация тармоғи яхши бўлишини, даромад манбалари кўпайишини одамлар кутяпти.

Биз бу йил маррани жуда катта оляпмиз. Нима учун?

Аввало, кўпни кўрган, қийинчиликларда тобланган мард ва матонатли халқимизнинг буюк бунёдкорлик салоҳиятига, ўтган даврда яратилган иқтисодий пойдеворга ишониб, мана шундай улкан режа ва вазифалар ижросига киришмоқдамиз.

Буни мен пандемия бошланганда, 2020 йил 15 мартдаёқ айтганман. Темир интизом керак. Ҳар қандай мажлисбозликни йиғиштириш керак. Йиғилишларни фақат маҳаллаларда ўтказинглар, халқ билсин.

Бош вазирга топшириқ – маҳалла раислари ва участка нозирларини ҳокимиятга мажлисга чақириш қатъиян тақиқланади.

Бу «участковой»ларга бошлиқ бўлмаган одамнинг ўзи йўқ экан. Ички ишлар тизими масаласини ўзи яқин орада алоҳида кўриб чиқамиз», дея президентнинг сўзларини келтирмоқда Kun.uz мухбири.

Ўзбекистон Республикаси президенти Шавкат Мирзиёев 10 феврал куни Афғонистон Ислом Республикаси президенти Ашраф Ғани билан телефон орқали мулоқот қилди.

Президент матбуот хизмати хабар қилишича, икки томонлама муносабатлар ва минтақавий ҳамкорликнинг долзарб масалалари кўриб чиқилди.

Ашраф Ғани Ўзбекистон раҳбарига Афғонистонда тинчлик ва барқарорликни таъминлаш, ушбу мамлакат иқтисодиётини тиклаш масалаларида кўрсатилаётган ҳар томонлама кўмак учун биродар Афғонистон халқи номидан миннатдорлик билдирган.

Давлат раҳбарлари Ўзбекистон, Афғонистон ва Покистон ҳамда етакчи халқаро молиявий институтларнинг юқори даражадаги вакиллари иштирокида ўтган Транс-афғон транспорт йўлагини қуриш лойиҳасини илгари суриш бўйича уч томонлама ишчи гуруҳнинг биринчи йиғилиши муваффақиятли бўлганини катта мамнуният билан қайд этишди.

Ушбу лойиҳани амалга оширишни, шу жумладан, техник ҳужжатларни тайёрлашни ва қурилиш ишларини бошлаш муҳим экани таъкидланди.

Президентлар саъй-ҳаракатларни бирлаштириб, янги «Сурхон – Пули-Ҳумри» электр узатиш линиясини барпо этиш лойиҳасини амалга оширишни жадаллаштиришга келишиб олишган. Шу мақсадда режалаштирилган ишларнинг бажаралишини мувофиқлаштиришнинг икки томонлама механизми яратилади, унинг доирасида ҳар ой видеоанжуманлар ўтказиб борилади.

Шунингдек, кўп қиррали Ўзбекистон-Афғонистон муносабатларини, шу жумладан нефть-газ тармоғида, таълим соҳасида, техник ихтисосликлар бўйича малакали афғонистонлик кадрларни тайёрлаш борасида кенгайтириш имкониятлари кўриб чиқилган.

Буюк шоир ва мутафаккир Алишер Навоий таваллудининг 580-йиллигига бағишлаб жорий йил март ойида Ҳирот шаҳрида ўтказиладиган байрам тадбирларида Ўзбекистон делегацияси иштирок этиши юзасидан келишувга эришилган.

Бўлажак олий ва юқори даражадаги тадбирлар ва мулоқотлар режаси юзасидан ҳам фикр алмашилган.

Президентлар «Йўл харитаси» ва устувор инвестиция лойиҳаларининг амалга оширилишини доимий мониторинг қилиш ва самарали илгари суриш мақсадида қўшма ҳукумат гуруҳини шакллантириш топшириғини беришган.

«Ўзбекистон ва Афғонистон етакчиларининг телефон орқали мулоқоти ҳар доимгидек очиқ, конструктив ва дўстона муҳитда ўтди», дейилади хабарда.

Муайян об-ҳаво — қишдаги қуруқ совуқ ва ёздаги иссиқ, қуёшли ҳаво — COVID-19 тарқалишини секинлаштиради. Бу ҳақда АҚШнинг Виржиния штати Жорж Мэйсон Университетининг Тизимли биология мактаби профессори Анча Баранованинг маълумотига таяниб «РИА Новости» хабар берди.

Профессор, шунингдек, карантин чекловларини об-ҳаво шароитига мувофиқ равишда белгилаш мумкин деган фикрни илгари сурмоқда.

У бундай гипотезани «Суюқликлар физикаси» журналида чоп этилган дунёнинг уч шаҳрида коронавирус тарқалишининг илмий моделига асосланиб илгари сурди.

«Мазкур ишларга асосланиб, об-ҳаво даврий ўзгарадиган ҳар қандай шаҳарда вирус йилига икки марта ўз чўққисига чиқади, деб тахмин қилишимиз мумкин. Моделлаштиришнинг заиф томони шундаки, олимлар буни ҳали ўта совуқ ҳавода синаб кўрмаган, 20 даража совуқни ҳисобга олмаган. Энг ёмон об-ҳаво бу — нол даражадан сал юқори ва лойгарчилик шароити; қуёш кўпроқ қизитиб, очиқроқ бўлган ҳаво эса вирусни ўлдиришга ёрдам беради», — деди Баранова.

Биолог моделлаштириш Нью-Йорк, Париж ва Буэнос-Айрес шаҳарлари учун амалга оширилганини қўшимча қилди.

«Ушбу модель маҳаллий об-ҳаво шароити, локдаун ёки бошқа чеклов чораларини киритиш тўғрисидаги маълумотларга асосланган эди. Биз уч хил об-ҳаво омили — ҳарорат, намлик ва шамолни кўриб чиқдик. Улар орасида шамол катта рол ўйнайди. Кучли шамол, айниқса, намлик паст бўлганда томчиларни қуритиб, вирусни ‘учириб юборади’, илиқ, нам, тинч об-ҳаво эса вируснинг яшаб қолишига ёрдам беради. Бироқ енгил шабада тинч об-ҳаводан ҳам ёмонроқ. Бундай шабада вирусни 2-3 метрга олиб боради ва касаллик юқтирувчилар сонини оширади», — дея давом этди биолог.

Унинг таъкидлашича, турли шаҳарларда шу каби моделлар вирус тарқалиши учун қулай об-ҳаво шароитида қисқа муддатли чеклов чораларини кўриш имконини беради. Бундай об-ҳаво прогнози аввалдан эълон қилинса, шаҳар аҳолиси вазиятга тайёр туриши, жумладан, ишни уйга кўчириш, учрашувларни Zoom орқали ўтказиш ва уйда қолиш чораларини кўриши мумкин бўлади.

Аввалроқ олимлар иқлим ўзгариши ва COVID-19 келиб чиқиши ўртасидаги боғлиқликни аниқлаган эди. Унга кўра, иқлим ўзгариши натижасида маълум бир минтақада кўршапалак турлари сонининг кўпайиши ўша ерда зарарли коронавируснинг пайдо бўлиш, ёйилиш ёки ривожланиш эҳтимолини ошириши мумкин.

Шимолий кон бошқармасига қарашли Таъмирлаш механика цехида “Раҳбар ва ёшлар учрашуви” очиқ мулоқоти ташкил этилди. Унда ШКБ директор ўринбосари , сенатор Б. Шарипов ҳамда 1- сонли КУҚ раиси Т. Биковалар иштирок этишди. Йиғилишда Б.Шарипов ҳозирги кунда ёшларга қатор имкониятлар яратилиб, катта ишонч билдирилаётганлигини ва бу имкониятлардан тўлақонли фойдаланиш билан бирга ёш раҳбар ходимларни тайёрлашда уларни билим-савияларини ошириб ўз устиларида тинмай ишлашлари кераклигини таъкидлаб ўтди. Бунда эса ШКБ ёшлар иттифоқи етакчиси Кенгаши, корхона касаба уюшма қўмитаси ёрдамида ушбу ишларда жонбозлик кўрсатиши ва бу каби ишларни амалга оширишда уларга рахбарият томонидан барча заруририй шарт-шароитлар яратиб берилишини билдирилди.
Йиғилиш давомида ёшларни қизиқтирган саволлари ва муаммолари муҳокама қилинди.

Ҳаммамизга маълумки, бугунги кунда Республикамиз иқтисодиёти жадал суратларда ривожланмоқда. Бунда давлат аҳамиятига молик йирик ишлаб чиқариш саноат корхоналарининг ҳиссаси беқиёсдир. Ўзбекистон Республикаси ФВВ ЎМ ва ТОЁХТТЭБ НКМК ДК ЁХТТЭМаркази Давлат ёнғин назорати органлари томонидан ёнғин хавфсизлиги таъминланаётган объектларда ёнғинларни ва уларда фуқароларнинг тан жароҳати олиш ҳолатларини олдини олиш барасида жорий 2021 йилда Комбинатнинг мутасадди раҳбарлари билан фавқулодда вазиятларни олдини олиш ва ёнғинлар профилактикасини амалга ошириш ҳамда аҳолини фавқулодда вазиятларда ҳаракатланишга тайёрлаш мақсадида чора-тадбирлар режаси ишлаб чиқилган. Ҳозирда, Навоий вилоятининг Қизилқум саҳросида жойлашган, иқтисодиётимизнинг бир қисмига айланган Навоий кон-металлургия комбинатининг Шимолий кон бошқармасига қарашли ишлаб чиқариш корхоналарида фавқулодда вазиятларни олдини олиш ва ёнғин хавфсизлигини таъминлаш мақсадида ШКБ ОЁХТТЭБўлими томонидан бир қатор тадбирлар амалга оширилмоқда. Ёнғин хавфсизлиги меъёр қоидалари асосида янги қурилиш ва реконструкция қилинган Автомобил транспорти бошқармасининг Автомобилларга техник хизмат кўрсатиш биноси ва маъмурий биноси янгидан қурилиб фойдаланишга топширилди. Шунингдек, "Кокпатас" ва "Даугизтау" руда қазиб олиш конларида файдаланишга янгидан келтирилган Япониянинг "KOMATSU", Финландиянинг "SANDVIK", Америка қўшма штатларининг "САТ" компанияларидан 50 дан ортиқ тоғ-кон техникаларининг ёнғин хавфсизлиги ҳолати ишончлилиги таъминланаш мақсадида автоматик ёнғин ўчириш ускуналари ўрнатиш ишлари амалган оширилмоқда ва бу тўғрисида тарғибот ишлари кучайтирилган. Шу каби Шимолий кон бошқармасининг барча корхона ва масканларида ёнғин хавфсизлиги ходимлари томонидан фавқулодда вазиятларни олдини олиш ва ёнғинлар профилактикаси тадбирлари ташкил этилмоқда.
Аҳоли, ташкилотлар ва таълим муассасаларида ёнғин хавфсизлиги чора-тадбирларига риоя этиш тўғрисидаги шу каби кенг тушунтириш ишлари олиб боришдан мақсад, инсонларни бевақт ҳаётдан кўз юмишларини олдини олиш ва содир бўлиши мумкин бўлган ёнғинларни муваффақиятли бартараф этиш ишларига кенг жамоатчиликни жалб қилишдан иборатдир.
Санжар Баходиров, АкмалТурдиев
ШКБ ОЁХТТЭБ инспекторлари

   Uchquduq  tumani  “Aytim” MFY hududidan fuqaro Jalolov Asqarjon Xaydarovichga “savdo do‘koni va maishiy xizmat ko‘rsatish” binosini qurish uchun  doimiy foydalanishga 600,0 kv.m yer maydoni ajratish to‘g‘risida

   O‘zbekiston Respublikasi Vazirlar Mahkamasining 2019-yil 16-noyabrdagi “Yer uchastkalari olib qo‘yilishi va olib qo‘yilayotgan yer uchastkasida joylashgan ko‘chmas mulk ob‘yektlari mulkdorlariga kompensatsiya berish tartibi to‘g‘risida”gi 911-sonli qaroriga asosan, Qizilqum ko‘chasi 12-uy 5-xonadonda yashovchi fuqaro Jalolov Askarjon Xaydarovichning 2021-yil 11-yanvardagi 05G’049-39-son bilan ro‘yxatga olingan murojaatini inobatga olib, O‘zbekiston Respublikasi “Mahalliy davlat hokimiyati to‘g‘risida”gi Qonunining 6-moddasiga asosan

   Q A R O R    Q I L A M A N:

1. Uchquduq tumani  “Aytim” MFY hududidan fuqaro Jalolov Asqarjon Xaydarovichga  “savdo do‘koni va maishiy xizmat ko‘rsatish” binosini qurish uchun doimiy foydalanishga 600,0 kv.m yer maydoni ajratilsin. (Yer maydonlarining chegaralari rejasi ilova qilinadi).
2. Fuqaro Jalolov Askarjon Xaydarovichga quyidagilar tavsiya etilsin:

topotasvir ishlarini bajarish uchun “O‘zGASHKLITI” Navoiy viloyat filialiga buyurtma berish   (1:500 miqyosda);

 tegishli muhandislik kommunikatsiya tarmoqlari korxonalari tomonidan texnik shartlar taqdim etilgan kundan boshlab o‘n kun muddatda arxitektura-rejalashtirish topshiriqlari (ART-1, ART-2)ni ishlab chiqilishini ta‘minlashini so‘rash;

 loyiha-smeta hujjatlarini ishlab chiqish uchun litsenziyaga ega loyihalash tashkiloti tomonidan loyiha ishlab chiqish;

“savdo do‘koni va maishiy xizmat ko‘rsatish” binosi tasdiqlangan loyiha-smeta hujjatlari asosida qurilsin.     

3. Tuman qurilish bo‘limi (I.Baxromzoda)ga ushbu “savdo do‘koni va maishiy xizmat ko‘rsatish” binosi tasdiqlangan loyiha asosida qurilishini nazorat qilib borish topshirilsin.
4. Tuman yer resurslari va davlat kadastr bo‘limi (A.Qilichov)ga belgilangan tartibda tuman yer hisobotlariga tegishli o‘zgartirishlar kiritish vazifasi topshirilsin.
5. Ushbu qaror ijrosini nazorat qilish tuman hokimining o‘rinbosari O.Ramazonov zimmasiga yuklatilsin.

S.Xamroyev,

Tuman hokimi

2021-yil 29 –yanvar

23-Q- son Uchquduq tuman

   Uchquduq  tumani “Mustaqillik” MFY hududi A.Temur ko‘chasida joylashgan fuqaro J.Xamroyevga tegishli bo‘lgan  “savdo do‘koni” binosi orqa tomonidan vaqtincha foydalanishga  o‘n (10)  yil muddatga 270,0 kv.m yer maydoni ajratish to‘g‘risidagi

 O‘zbekiston Respublikasi “Yer kodeksi”ning 6, 20-moddalariga asosan, Uchquduq tumani, Navoiy MFY hududi X.Do‘stligi ko‘chasi, 4-uy 29-xonadonda yashovchi fuqaro Xamroyev Jurabek Rizokulovichning 2021-yil 6-yanvardagi murojaatini inobatga olib hamda O‘zbekiston Respublikasi “Mahalliy davlat hokimiyati to‘g‘risida”gi Qonunining 6-moddasiga asosan

    Q A R O R    Q I L A M A N:

1. Uchquduq tumani “Mustaqillik” MFY hududi A.Temur ko‘chasidan Xamroyev Jurabek Rizokulovichga 270,0 kv.m yer uchastkasiga, 10 (o‘n) yil muddatga vaqtincha foydalanishga “savdo do‘koni” binosini qurishga ruxsat berish  to‘g‘risida Uchquduq tuman yer uchastkalarini berish (realizatsiya qilish) masalalarini ko‘rib chiqish komissiyasining dalolatnomasi tasdiqlansin. (Dalolatnoma ilova qilinadi).
2. Uchquduq tumani “Mustaqillik” MFY hududi A.Temur ko‘chasidan Xamroyev Jurabek Rizokulovichga 270,0 kv.m yer uchastkasiga, 10 (o‘n) yil muddatga vaqtincha foydalanishga “savdo do‘koni” binosini qurishga ruxsat berilsin. (Yer uchastkasining chegaralari rejasi ilova qilinadi).
3. Tuman qurilish bo‘limi (I.Baxromzoda)ga ushbu “savdo do‘koni” binosi qurilish ishlarini tasdiqlangan loyiha-smeta hujjatlari asosida nazorat qilib borish topshirilsin.
4. Tuman yer resurslari va davlat kadastr bo‘limi (A.Qilichov)ga belgilangan

    tartibda tuman yer hisobotlariga tegishli o‘zgartirishlar kiritish topshirilsin.

5. Ushbu qaror ijrosini nazorat qilish tuman hokimining o‘rinbosari O.Ramazonov zimmasiga yuklatilsin.

S.Xamroyev,

Tuman hokimi

2021-yil 29 –yanvar

22-Q- son Uchquduq tuman

   Uchquduq  tumani  “Do‘stlik” MFY hududidan Uchquduq tuman SEO va JS bo‘limiga yangi ma‘muriy binosini qurish uchun doimiy foydalanishga 0.22   ga yer maydoni ajratish to‘g‘risida

   O‘zbekiston Respublikasi Prezidentining 2020-yil 22-apreldagi “Koronavirus pandimiyasi davrida aholi, byudjet, bazaviy infratuzilma va tadbirkorlik sub‘ektlarini qullab-quvatlash uchun tashqi yordam mablag‘larini jalb qilish chora-tadbirlari to‘g‘risida”gi PQ-4691-sonli qaroriga asosan, Uchquduq tuman SEO va JS bo’liming    2021-yil 29-yanvardagi 01-06/88-sonli murojaatini inobatga olib, O’zbekiston Respublikasi “Mahalliy davlat hokimiyati to‘g‘risida”gi Qonunining 6-moddasiga asosan

    Q A R O R    Q I L A M A N:

1. Uchquduq tumani  “Do‘stlik” MFY hududidan Uchquduq tuman SEO va JS bo‘limiga yangi ma‘muriy binosini qurish uchun doimiy foydalanishga 0.22 ga yer maydoni ajratilsin. (Yer maydonlarining chegaralari rejasi ilova qilinadi).
2. Uchquduq tuman SEO va JS bo‘limiga yangi ma‘muriy binosini qurish uchun quyidagilar tavsiya etilsin:

topotasvir ishlarini bajarish uchun “O‘zGASHKLITI” Navoiy viloyat filialiga buyurtma berish   (1:500 miqyosda);

tegishli muhandislik kommunikatsiya tarmoqlari korxonalari tomonidan texnik shartlar taqdim etilgan kundan boshlab o‘n kun muddatda  arxitektura-rejalashtirish topshiriqlari (ART-1, ART-2)ni ishlab chiqilishini ta‘minlashini so‘rash;

 loyiha-smeta hujjatlarini ishlab chiqish uchun litsenziyaga ega loyihalash tashkiloti tomonidan loyiha ishlab chiqish;

Uchquduq tuman SEO va JS bo‘limiga yangi ma‘muriy binosi tasdiqlangan loyiha-smeta hujjatlari asosida qurilsin.     

3. Tuman qurilish bo‘limi (I.Baxromzoda)ga ushbu Uchquduq tuman SEO va JS bo‘limiga yangi ma‘muriy binosi tasdiqlangan loyiha asosida qurilishini nazorat qilib borish topshirilsin.
4. Tuman yer resurslari va davlat kadastr bo‘limi (A.Qilichov)ga belgilangan tartibda tuman yer hisobotlariga tegishli o‘zgartirishlar kiritish vazifasi topshirilsin.

     5. Ushbu qaror ijrosini nazorat qilish tuman hokimining o‘rinbosari O.Ramazonov zimmasiga yuklatilsin

S.Xamroyev,

Tuman hokimi

2021-yil 29 –yanvar

18-Q- son Uchquduq tuman

   Uchquduq tumani “Kukayaz” OFY 

   hududidan  “Mahalla” binosini rekonsrtuktsiya qilish to‘g‘risida

   “Obod qishloq” davlat dasturini 2021-yilda amalga oshirish bo‘yicha qo‘shimcha chora-tadbirlar ijrosini ta’minlash maqsadida hamda O‘zbekiston Respublikasi Navoiy viloyati hokimligi “Yagona buyurtmachi xizmati” injiniring kompaniyasining 2021-yil             27-yanvardagi 01-07/185-sonli xatini inobatga olib, O‘zbekiston Respublikasi “Mahalliy davlat hokimiyati to‘g‘risida”gi Qonunining 6-moddasiga asosan

   Q A R O R    Q I L A M A N:

1. Uchquduq tumani “Kukayaz” OFY hududidan “Mahalla” binosini rekonsrtuktsiya qilish to‘g‘risidagi tuman yer uchastkalarini berish (realizatsiya qilish) masalalarini ko‘rib chiqish komissiyasining dalolatnomasi tasdiqlansin. (Dalolatnoma ilova qilinadi).
2. Uchquduq tumani “Kukayaz” OFY hududidan “Mahalla” binosini rekonsrtuktsiya qilish to‘g‘risida tasdiqlangan loyiha-smeta hujjatlari asosida o‘rnatish ishlari amalga oshirilsin. (Yer uchastkasining chegaralari rejasi ilova qilinadi).
3. Tuman qurilish bo‘limi I.Baxromzodaga ushbu “Mahalla” binosini rekonsrtuktsiya qilish to‘g‘risida tasdiqlangan loyiha asosida o‘rnatish ishlarini nazorat qilib borish topshirilsin.
4. Tuman yer resurslari va davlat kadastr bo‘limi A.Qilichovga belgilangan tartibda tuman yer hisobotlariga tegishli o‘zgartirishlar kiritish topshirilsin.
5. Ushbu qaror ijrosini nazorat qilish tuman hokimining o‘rinbosari O.Ramazonov zimmasiga yuklatilsin.

S.Xamroyev,

Tuman hokimi

2021-yil 29 –yanvar

21-Q- son Uchquduq tuman