Учқудуқ туманидаги Тадбиркорлар мурожаатларини кўриб чиқиш қабулхонаси жорий йилнинг ўтган даврида қабулхонага 153 та мурожаатлар (шундан 161 та масалалар) келиб тушган ва ижрога олинган. Мурожаатларнинг 129 таси (80,1%) ижобий ҳал қилинди, 32 тасига (19,9%) тушунтириш берилган, 100% барча мурожаатларкўриб чиқилган бўлиб Тадбиркорлар мурожаатлари Бош вазир қабулхонасининг “business.gov.uz” порталига киритилиб, тегишлилиги бўйича масъул корхона ва ташкилотларга юборилиб, қаноатлантириш чоралари кўрилди.
    Тумандаги Бош вазир қабулхонаси томонидан 2021 йил утган даврида “Ўз Дом Строй” масъулияти чекланган жамияти раҳбари Келдиёров Умиджоннинг мурожаатидан сўнг “Абай” маҳалласи ҳудудидан қурилаётган кўп қаватли турар жой комплексини иссиқлик манбайига улаб берилди. "UCHQUDUQ DUNYO TRADE" масъулияти чекланган жамияти раҳбари Маҳмудов Жавлоннинг мурожаатидан сўнг Савдо хизматларини ташкил этиш ва жихозлаш учун сўралган 600 млн сўм кредит маблағи ажратилишига эришилди. Шунингдек, “UCHQUDUQ RAVON YO’L” масъулияти чекланган жамияти раҳбари Қосимов Азизнинг мурожаатидан сўнг хизмат кўрсатиш ва сервис йўналишида “Автотранспот воситаларини мажбурий техник кўрикдан ўтказиш” инвестиция лойиҳасини амалга ошишриш бўйича лозим бўлган ускуналарни сотиб олиш учун 370 млн сўмлик имтиёзли кредит маблағи ажратиб берилиши таъминланди.
       Ҳозирда мурожаатларнинг 89%ни сайёр қабулда қабул қилинган мурожаатлар ташкил қилади, бу мурожаатларнинг аксаряти “Ҳар бир оила - тадбиркор” давлат дастури дирасидаги имтиёзли кредитлар, ер, кадастр, архитектура ва қурилиш, инфратузулма масалалари, солиқ масалалари бўлиб, тумандаги Ўзбекистон Республикаси Бош вазирининг тадбиркорлар мурожаатларини кўриб чиқиш қабулхонаси томонидан кўриб чиқилган мурожаатларнидаражаси бўйича туман, вилоят вареспулика даражасидаги масалалар ижобий хал қилинишида амалий ёрдамлар бериб келмоқда,
     Ҳурматли, тадбиркорлар, тадбиркорлик қилиш истаги бор фуқаролар ва чет эл инвесторлар туман Бош вазир қабулхонаси тадбиркорлик фаолиятини бошлашингизда тўсиқ ва муоммоларингизни ечишда ва ўз бизнесингизни бошлаш учун тавсия ва масалаларга ечимлар топиш учун мурожаат қилишингиз мумкин.
Мурожаатлар учун Манзилимиз: Давлатхизматларимарказибиносидажойлашган. Тел: 79 593-51-39

Қабулхона мудири Ҳайдаров Иномжон Нўмонқулович

         Ўзбекистон Президенти Шавкат Мирзиёев 10 май куни 2021 йил учун ишланмайдиган кунларни тасдиқлаш кўзда тутилган фармонни имзолади. Бу ҳақда «Gazeta.uz» хабар қилди.

        Қўшимча ишланмайдиган кунлар сифатида қуйидагилар белгиланди:

• 14 май — жума;
• 2 сентябрь — пайшанба;
• 3 сентябрь — жума;
• 31 декабрь — жума».

        Кўчирилаётган дам олиш кунлари (Қурбон ҳайити байрами муносабати билан):

• 17 июль — шанба кунидан 21 июль — чоршанба кунига;
• 24 июль — шанба кунидан 22 июль — пайшанба кунига.

        Барча ишчилар учун ишланмайдиган кунлар (иш ҳафтаси туридан қатъи назар):

• 15 май — шанба;
• 21 июль — чоршанба;
• 22 июль — пайшанба;
• 4 сентябрь — шанба.

       Ўзбекистонда айрим тоифадаги фуқароларга белгиланган муддатдан олдинроқ нафақага чиқишга рухсат берилди, деб хабар берди Norma.

       Бу бандлик ва меҳнат муносабатлари вазирининг тегишли қарори билан белгиланди. Қарор 4 майдан кучга кирди.

       Ҳужжат қуйидаги асослар бўйича меҳнат шартномаси бекор қилингани муносабати билан ишдан бўшатилган ходимларга пенсияларни муддатидан олдин тайинлаш тартибини тартибга солади:

•         технология ўзгариши, ишлаб чиқариш ва меҳнатни ташкил этиш, иш ҳажмининг камайиши сабабли ходимлар сонининг (штатининг) ўзгариши ёки иш характерининг ўзгариши ёки корхонанинг тугатилиши.

       Шунингдек, юқоридаги шахсларга, агар улар расмий равишда ишсиз деб топилса ва керакли иш стажига эга бўлса, эрта пенсия олиш ҳуқуқи берилади (умумий асосда пенсия тайинлашнинг қонуний муддатидан икки йил олдин). Бунда:

•        эркаклар — 58 ёшга тўлганида ва иш стажи камида 25 йил бўлса;
•        аёллар — 53 ёшга тўлганида ва камида 20 йиллик иш стажига эга бўлса.

Учқудуқ туман адлия бўлими 

        2021 йил 1 апрелдан бошлаб: аҳоли ва тадбиркорлик субъектларининг кредит олиш учун аризалари Оилавий тадбиркорликни ривожлантириш дастурлари ягона электрон платформаси орқали қабул қилинади;

        кредит олувчи танлаган маҳсулот етказиб берувчи (иш бажарувчи) ташкилот (кейинги ўринларда — таъминотчи) томонидан маҳсулотлар етказиб берилгандан (иш бажарилганидан) сўнг, кредит маблағлари таъминотчига ажратиб берилади;

        ўзини ўзи банд қиладиган фуқароларга айрим турдаги фаолиятни амалга ошириш (касаначилик, ҳунармандчилик, иссиқхона қуриш ва шу кабилар учун зарурий хом ашё, эҳтиёт қисм ҳамда қурилиш молларини сотиб олиш) мақсадида 5 млн сўмгача миқдорида кредит маблағлари нақд пулда берилиши мумкин;

        “Аёллар дафтари”, “Ёшлар дафтари” ва “Темир дафтар”га киритилган фуқароларга ажратилган кредитларнинг мақсадли ишлатилишини мониторинг қилиш масъулияти тижорат банклари билан бирга мос равишда туман (шаҳар) маҳалла ва оилани қўллаб-қувватлаш бўлимлари, Ёшлар ишлари агентлигининг туман (шаҳар) бўлимлари ҳамда сектор раҳбарлари, шунингдек, маҳалла фуқаролар йиғини раислари зиммасига юклатилади.

                     Ҳукумат қарори (285-сон, 06.05.2021 й.) билан “Ўзбекистон Республикаси ўрмон хўжалиги фидойиси” кўкрак нишони таъсис этилди

         Мазкур кўкрак нишони билан мамлакатимиз ўрмон хўжалиги соҳасини ривожлантириш, ўрмонларни муҳофаза қилиш, сақлаш ва кўпайтириш, улардан оқилона фойдаланиш борасида салмоқли натижаларни қўлга киритаётган фуқаролар тақдирланади.

        Кўкрак нишони билан Ўзбекистон фуқароси бўлмаган шахслар ҳам тақдирланиши мумкин.

        Кўкрак нишони билан тақдирлаш учун номзодлар бўйича таклифлар (маълумотнома, сўнгги уч йил давомида ўрмончилик соҳасини ривожлантириш борасида амалга оширган ишлари акс эттирилган тавсифнома билан бирга) Ўрмон хўжалиги қўмитасига ҳар йили 1 февралга қадар тақдим этилади.

        Кўкрак нишони билан тақдирлашга оид таклифларни кўриб чиқиш бўйича комиссия ҳар йили 1 мартга қадар номзодлар ҳақидаги тегишли ҳужжатларни ўрганиб чиқади ва якуний хулосани қабул қилади.

        Кўкрак нишони ҳар йили 21 март – Халқаро ўрмончилар куни арафасида тантанали тарзда топширилади.

       Тақдирларганларга БҲМнинг 4 баравари (980 минг сўм) миқдорида бир йўла тўланадиган пул мукофоти ёки эсдалик совғалари берилади.

Учқудуқ туман адлия бўлими 

        Ўзбекистонда 2020 йилда мажбурий меҳнат ҳолатларига барҳам бериш бўйича 2019 йилга нисбатан яхши натижаларга эришилди. ЎзАнинг хабар беришича, бу ҳақда Давлат меҳнат инспекцияси бошлиғи, бош давлат меҳнат инспектори Қудратилла Одинаев маълум қилди.

        «2020 йилда Давлат меҳнат инспекцияси томонидан жами 26 мингдан кўпроқ фуқаронинг мурожаати кўриб чиқилди. Шундан 18 мингдан кўпроғи қаноатлантирилди. 9 мингга яқин фуқарога тушунтиришлар берилди. 2020 йилда 2019 йилга нисбатан мажбурий меҳнат ҳолатларига барҳам бериш бўйича яхши натижаларга эришдик.

       Мисол учун, 2019 йилда давлат меҳнат инспекторлари томонидан олиб борилган текширишлар натижасида жойларда жами 259 та мажбурий меҳнат ҳолати аниқланган бўлса, 2020 йилда бу ҳолат 106 тани ташкил қилади», — деган у Бандлик ва меҳнат муносабатлари вазирлиги томонидан 8 май куни ташкил этилган «Ўзбекистонда меҳнат қонунчилигининг бажарилиши тўғрисида шаффоф ҳисобот» мавзусидаги халқаро онлайн тадбирда.

         Тадбирда вазирлик раҳбарлари меҳнат ҳуқуқларининг ҳимоя қилиниши, халқаро меҳнат стандартларига мувофиқ ишлаб чиқилган чоралар, Давлат меҳнат инспекциясининг меҳнат соҳасидаги ҳуқуқбузарликларни аниқлашдаги салоҳиятини кучайтиришда эришилган ютуқлар ҳамда аёллар ва эркаклар учун муносиб меҳнат шароитларини яратишда қилиниши лозим бўлган ишлар юзасидан ҳам маълумотлар берилган.

        Соғлиқни сақлаш вазирлиги сўнгги бир кунда яна 400дан ортиқ янги касалланиш ҳолати қайд этилиб, пандемия бошидан буён қайд этилган ҳолатлар сони 94 мингдан ошгани ҳақида хабар берди.

        «2021 йил 8 май ҳолатига кўра, Ўзбекистонда коронавирус инфекцияси қайд этилганлар сони 94397 (+419) нафарни ташкил этмоқда», дейилади хабарда.

        Янги касалланиш ҳолатларининг:

• 3 нафари Қорақалпоғистон Республикасида,
• 7 нафари Андижон вилоятида,
• 6 нафари Бухоро вилоятида,
• 8 нафари Жиззах вилоятида,
• 6 нафари Қашқадарё вилоятида,
• 4 нафари Навоий вилоятида,
• 4 нафари Наманган вилоятида,
• 81 нафари Самарқанд вилоятида,
• 8 нафари Сирдарё вилоятида,
• 2 нафари Сурхондарё вилоятида,
• 11 нафари Фарғона вилоятида,
• 15 нафари Хоразм вилоятида,
• 72 нафари Тошкент вилоятида,
• 192 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

        Кеча кун давомида:

• Қорақалпоғистон Республикасида 3 нафар,
• Бухоро вилоятида 4 нафар,
• Қашқадарё вилоятида 12 нафар,
• Наманган вилоятида 3 нафар,
• Самарқанд вилоятида 61 нафар,
• Сирдарё вилоятида 6 нафар,
• Фарғона вилоятида 19 нафар,
• Хоразм вилоятида 17 нафар,
• Тошкент вилоятида 49 нафар,
• Тошкент шаҳрида 176 нафар бемор тузалиб, касалликдан соғайганлар жами 90053 (+350) нафарга етди ва соғайиш кўрсаткичи 95 фоизга тушди.

Айни пайтда тиббиёт муассасаларида 3682 нафар бемор даволанмоқда.

     2021 йил 1 майдан бошлаб тадбиркорлик фаолиятини қўллаб-қувватлаш давлат жамғармаси томонидан кредитлар бўйича фоиз харажатларини қоплаш учун компенсация тақдим этилади;

      “Ижтимоий ҳимоя ягона реестри” ахборот тизимида рўйхатга олинган фуқароларга тадбиркорлик ташаббусларини амалга ошириш учун тижорат банклари кредитлари бўйича кафиллик берилади;

     2021 йил 1 июндан бошлаб тадбиркорлик субъектларига солиқларни бўлиб-бўлиб тўлаш, ташқи иқтисодий фаолият иштирокчиларига божхона тўловларини бўлиб-бўлиб тўлаш ҳуқуқи берилади;

      якка тартибдаги тадбиркорлар Тадбиркорлик фаолиятини қўллаб-қувватлаш давлат жамғармасининг кафиллик ва компенсацияларидан фойдаланиш ҳуқуқи мустаҳкамланди;

      халқ депутатлари туман (шаҳар) Кенгашларига олис ва чекка ҳудудларда жойлашган ер участкасидан доимий фойдаланиш ҳуқуқини аукционга қўйишда уларнинг бошланғич нархини 50 фоизгача камайтириш ваколати берилди;

     2021 йил 1 июндан бошлаб инфратузилмага яқин жойларда, шу жумладан республика аҳамиятидаги йўлларга туташ бўлган, белгиланган тартибда тасдиқланган рўйхат бўйича унумдорлиги паст, фойдаланишда бўлмаган қишлоқ хўжалиги ерларини саноат ва хизмат кўрсатиш объектларини барпо этиш учун лойиҳа асосида инвесторларга “E-IJRO AUKSION” савдо майдончасида электрон онлайн-аукцион орқали ажратишга рухсат берилди;

     Бош вазир ўринбосарлари Ж. Қўчқоров ва Ш. Ғаниев Қишлоқ хўжалиги вазирлиги, Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда 2021 йил 15 майга қадар қишлоқ хўжалиги ерларини хатловдан ўтказган ҳолда саноат ва хизмат кўрсатиш объектларини барпо этиш учун ажратиладиган унумдорлиги паст, фойдаланишда бўлмаган қишлоқ хўжалиги ерлари рўйхатини шакллантирсин ҳамда уларнинг аниқ чегараси ва майдонини кўрсатган ҳолда ҳар бир туман кесимида тасдиқланишини таъминлаш топширилди;

     2021 йил 1 май ҳолатига шаклланган ташқи савдо операциялари бўйича муддати ўтган дебитор қарздорлик учун хўжалик юритувчи субъектларга жарималар қўллаш тўхтатилди ва дебитор қарздорлик вужудга келиш муддатлари 2021 йил 1 майдан бошлаб янгидан ҳисобланди.

        Туман ҳокими С.Хамроевнинг 9 май умумхалқ байрами - Хотира ва қадрлаш куни ва Иккинчи жаҳон урушида қозонилган ғалабанинг 76 йиллиги муносабати билан туман аҳлига йўллаган табриги
Ассалому алайкум, муҳтарам фахрийлар!

         Ҳурматли учқудуқликлар!

        Аввало барчангизни ва албатта Ватан озодлиги, юртимиз тинчлиги учун Иккинчи жаҳон урушида меҳнат фронтида фидойилик кўрсатган Сиз табаррук нуронийларимизни “Хотира ва қадрлаш куни” ва Иккинчи жаҳон урушида қозонилган ғалабанинг 76 йиллиги билан туманимиз фаоллари ҳамда кенг жамоатчилиги номидан самимий қутлайман.
Азиз нуроний отахон ва онахонлар!
        Ҳурматли Юртбошимиз Шавкат Миромонович Мирзиёев айтганларидек “Инсон, миллат ва халқ тарихий хотира туйғуси билан барҳаётдир. Хотира-кечаги ўтмишни, аждодлар ўгитини, миллий меросимизни англатиб турувчи муқаддас китоб зарварақларидек ҳаётимизни ёритиб туради. Қадр - инсонни юксакликка кўтаради, унинг фаолиятига, орзу-интилишларига, мақсад-маслакларига олийжаноблик бағишлайди.”
Инсоният тарихида олтмиш миллиондан зиёд одамларнинг ёстиғини қуритган Иккинчи жаҳон уришида Ўзбекистондан бир ярим миллиондан зиёд ота-боболаримиз узоқ совуқ ўлкаларда Ватан озодлиги учун жанг қилишди.
        Уларнинг сафида 421 нафар Учқудуқнинг мард ўғлонлари елкама-елка туриб қонли жангларда фашизм устидан ғалабага ўз ҳиссаларини қўшишди.
Бу мудҳиш урушда уларнинг қарийб учдан бир қисми яъни 172 нафари айни навқирон ёшида ҳалок бўлганликларини эслаш ниҳоятда оғир.
Бугун мана шундай инсонлар хотираси олдида, ҳурмат билан бош эгамиз. Уларнинг буюк жасорати дилларимизда мангу яшайди.
Бугун ўша суронли кунларда, ёшлик йилларида фронт ортида оғир меҳнат шароитларида ишлаган, тақдир тақозоси билан ҳозирги бахтиёр кунларни кўришга муваффақ бўлган 4 нафар отахон ва онахонларимиз ўз яқинлари, маҳалла-кўй, эл-юрт ардоғида истиқомат қилмоқдалар.
Қадрли ва ҳурматли фахрийлар! Сизларнинг сафимизда эсон-омон, бардам бўлиб, барчамизга маънавий мадад бериб, ибрат бўлаётганингиз учун Сизларга узоқ умр тилаб, ҳурмат бажо келтириш барчамизга катта мамнуният бағишлайдиган савоб ишдир.
Дарҳақиқат, сизлар каби минг-минглаб мард ота-боболаримиз, оналаримизнинг матонати ва жасорати инсониятни ҳалокатдан асраб қолди.
Бугун мамлакатимизда, жумладан, вилоятимиз ва туманимизда ҳам жуда катта бунёдкорлик, яратувчанлик ишлари амалга оширилмоқда. Қишлоқ хўжалигида дейсизми, саноатни оласизми ёки қурилиш соҳасини кўринг, барча-барча жабҳаларда кенг кўламли янгиланишлар олиб борилмоқда.
Бунинг бош сабаби Мустақиллигимиз ва осмонимиз мусаффолигидандир.
Зеро, ҳурматли Юртбошимиз Шавкат Миромонович Мирзиёев таъкидлаганидек “Бугунги кунда Сизлар биз учун дона маслаҳатгуй, тоғдай таянч бўлиб турибсиз. Халқимизни рози қилиш учун барча соҳаларда амалга оширилаётган ислоҳотларга ўз амалий ишларингиз, дуоларингиз билан мадад бериб келаётганингизни биз юксак қадрлаймиз. Сизларнинг мардлик ва матонатингиз, меҳнат жасоратингиз бугунги ва келгуси авлодлар учун ҳамиша ибрат намунаси бўлиб қолади.”

Азиз юртдошлар!

        Бугун мамлакатимизда буюк тарихий сана, яъни, Иккинчи жаҳон урушида фашизм устидан ғалаба қозонилган куннинг 76 йиллиги ҳурматли Президентимиз Шавкат Миромонович Мирзиёевнинг 2021 йил 20 апрелдаги “Хотира ва Қадрлаш кунига тайёргарлик кўриш ва уни ўтказиш чора тадбирлари тўғрисида”ги Қарорига асосан, барча ҳудудларда кўтаринки руҳда ўтказилмоқда.
Иккинчи жаҳон уруши қатнашчиларига тантанали тарзда Юртбошимизни табриклари, бир марталик ўн икки миллион сўм миқдоридаги пул мукофоти ҳамда қимматбаҳо эсдалик совғалари топширилмоқда.
Ушбу кун шарофати билан туман маркази ва овулларидаги “Хотира” майдонлари, қатор муқаддас қадамжолар, аждодларимиз ҳоки ётган зиёратгоҳлар, қабристонлар ҳамда уларнинг атрофлари тартибга келтирилиб, ободонлаштириш ва кўкаламзорлаштириш ишлари давом эттирилмоқда. Энг қувонарлиси, бу хайрли ва савобли ишга барча бош қўшмоқда.
         Қадрли тадбир иштирокчилари!

        Афғонистондаги жанг майдонларида Учқудуқ туманидан 50 нафарга яқин мард ва жасур йигитлар диний экстремизм ва терроризмга қарши жангларда иштирок этишган. Уларнинг 40 нафари бугун тумандошларимиз сафларида бўлса, яна 2 нафар жасур йигитлар мустақиллик йилларида хизмат бурчини бажариш чоғида ҳалок бўлган.
Халқимизнинг қадр-қиммати, ор-номусини, миллий анъаналаримиз ва урф-одатларимизни ҳимоя қилишда, босқинчи ва ёвуз кучларга қарши машаққатли курашларда букилмас ирода ва жасорат намунасини амалда намоён этиб, бугунги тинч ва осойишта кунлар учун жонини фидо қилган аждодларимизнинг муқаддас хотирасини ёд этиб, эзгу ишларини давом эттириш – бизга тинчлик, омонлик керак, деб яшайдиган бағрикенг халқимизга хос азалий қадриятдир.
Энг муҳими, юртимизда тинчлик ва барқарорлик мустаҳкамланиб, кўпмиллатли мамлакатимизда ўзаро ҳурмат ва ҳамжиҳатлик тобора кенг қарор топаётганини таъкидлаш ўринлидир.
Азиз юртдошлар!
Яна бир бор фурсатдан фойдаланиб, туманимиз аҳлини, муҳтарам фахрийларимизни, ҳамюртларимизни бугунги қутлуғ байрам билан муборакбод этаман.
Барчангизга мустаҳкам соғлик-саломатлик, узоқ умр, хонадонларингизга файзу барака, тинчлик-осойишталик ва фаро¬вонлик тилайман.
Юртимиз тинч, осмонимиз мусаффо бўлсин!

Эътиборингиз учун раҳмат!

Здравствуйте, дорогие ветераны! Уважаемые учкудукцы!

          Прежде всего от имени активистов и общественности нашего района сердечно поздравляю всех вас с 76( семидесяти шести) летием победы и конечно же всех кто отдал свою жизнь за свободу Родины и мир нашей Родины на трудовом фронте во время второй мировой войны.
Во время Второй мировой войны которая в истории человечества легла в основу более шестидесяти миллионов человек, более полутора миллионов наших предков из Узбекистана боролись за свободу Родины на далеких холодных землях.
421 отважный юноша Учкудука плечом к плечу сражался в кровопролитных боях и способствовал победе над фашизмом.
Трудно вспомнить, что в этой ужасной войне около трети из них 172 человека, погибли в таком же молодом возрасте.
Сегодня мы с уважением преклоняемся перед памятью таких людей. Их великое мужество навсегда останется в наших сердцах.
Сегодня, в те бурные дни, в годы юности, четверо наших дедушек и бабушек, которые много работали в тылу и успели уведеть счастливые дни, тепер живут в честь своих близких, соседей и страны.

       Дорогие соотечественники!
       Сегодня в нашей стране великая историческая дата, 76- летие Победы над фашизмом во Второй Мировой войне. 2021 году 20- апреля Президент Республики Узбекистан Мирзиеев Шавкат Мирамонович подписал указ " О предосторожности и подготовке проведения дня Памяти и Почести" и по всем регионам проводится это мероприятие.
Участникам Великой Отечественной Войны торжественно вручаются единовременный приз в размере двенадцати миллионов сумов, ценные подарки и поздравление Президента нашей Республики.

      Дорогие ветераны! Уважаемые учкудукцы!

       Желаю всем крепкого здоровья , долголетия , благополучия и мира в ваших домах.
Пусть наша земля будет мирной, и наше небо будет чистым