Aholi murojaatlarini qabul qilish va ular bilan tizimli ravishda ishlash, xalq bilan yaqindan muloqot qilishda sayyor qabullar muhim ahamiyatga ega.
Bugun Uchquduq tuman hokimi U.F.Yelmuratov, oila va xotin-qizlar qo‘mitasi mas’ul xodimi, respublika ishchi guruhi a’zosi N.Asqarov, O‘zbekiston Respublikasi Prezidentining Uchquduq tumanidagi Xalq qabulxonasi mudiri B.Axmedov hamda tumandagi muassasa, korxona va tashkilotlar rahbarlari, mahalla faollari va keng jamoatchilik vakillari ishtirokida “Altintau” OFY Qulquduq ovulida xalq bilan bevosita muloqot qilish maqsadida sayyor qabul tashkil etildi.
      Aytish joizki, aholi muammolari bilan ishlashda murojaatlarni qabul qilish tizimining samaradorligi va shaffofligi joylarda murojaatlarning o‘z vaqtida ijobiy hal etilishi muhimdir. Ovul ahli kundalik maishiy muammolar, ishsizlik va yashash xonadoni bilan bog‘liq bir qator masalalarda tuman hokimiga murojaat qildilar.
Jumladan, ovul oqsoqollari Q.Seytnazarov va J.Abdiramanovlar: “Yerler ata” ziyoratgohidan ovulga 5 km masofada ichimlik suvi tortilganligi hozirda ushbu tarmoqda nosozlik tufayli suv ovulgacha yetib kelmayotganligi haqida gapirib, Obodonlashtirish boshqarmasi tomonidan suv quvurlariga xizmat qiladigan mas’ul xodim tayinlash taklifini bildirdilar. A.Davletov: Yaqinda tuman rahbarlari bilan misrlik investorlar ovulga tashrif buyurib, hududda sanoatni rivojlantirish loyihasini amalga oshiishga qaratilgan 20 mln. AQSH dollari hisobidan investisiya kiritishini aytishganda xursand bo‘ldik. Bu degani ovul yoshlari uchun ish o‘rni degani. Faqat, tuman rahbariyatidan iltimosim ushbu loyiha doirasida amalga oshiriladigan malaka talab qilinmaydigan ish o‘rinlariga ovul aholisi yoshlari va xotin-qizlaridan ishga olinsa maqsadga muvofiq bo‘lardi.
    Ovulning yana bir fuqarosi M.Davletov: 13 yildan beri tuman hokimligi balansida bo‘lgan uy-joyda yashayotganligi imkoni bo‘lsa xususiylashtirish masalasida ko‘mak ko‘rsatishlarini so‘rab murojaat qildi.
Sayyor qabulda aholining boshqa masalalar bo‘yicha ham murojaatlari tinglandi. Qabulda ishtirok etayotgan tegishli mas’ullarga murojaatlarni o‘z vaqtida, imkon qadar ijobiy hal qilish bo‘yicha ko‘rsatmalar berildi.

UCHQUDUQ TUMAN HOKIMLIGI AXBOROT XIZMATI

    Ижтимоий ҳимояга муҳтож оилаларнинг турмуш шароитларини яхшилаш, уларнинг иқтисодий жиҳатдан оёққа туриши учун имкониятлар яратиш, жамиятдаги ўрнини ошириш ҳамда мавжуд муаммоларини ҳал этиш мақсадида бугун Учқудуқ туман ҳокими, 1-сектор раҳбари У.Ф.Елмуратов, туман ИИБ бошлиғи, 3-сектор раҳбари А.Раджапов “Йўлчилар” овулидаГИ бир неча хонадонларда бўлди.
    Овул фуқаролар йиғинидаги 20 нафар “Ижтимоий ҳимоя ягона реестри” га киритилган оилаларнинг ижтимоий-иқтисодий аҳволи ўрганилиб, даромади паст оилалар, эҳтиёжманд ва ночор оилаларнинг даромад манбаини оширишга доир олиб борилаётган ишлар таҳлил қилинди.
Тумандаги корхона ва ташкилот раҳбарларига оилаларни бириктириш орқали улар муаммоларини баратараф этишнинг тизимли ишларини йўлга қўйиш яъни касбга ўқитиш, тадбиркорлик фаолиятини йўлга қўйишда амалий кўмаклашиш ва қўллаб-қувватлаш каби муҳим вазифалар белгилаб берилди.
      Шунингдек, оилаларга бириктирилган раҳбарларга ижтимоий ҳимояга муҳтож оилаларнинг камбағаллик сабабларини таҳлил қилиш, камбағалликдан чиқариш бўйича “еттилик” ва тижорат банк филиаллари билан чора-тадбирлар ишлаб чиқиш ва амалга ошириш юзасидан амалий тавсиялар берилди.

УЧҚУДУҚ ТУМАН ҲОКИМЛИГИ АХБОРОТ ХИЗМАТИ

Бугун 6 сентябрь куни қўйган аҳоли мурожаатига хушхабар олдик. Бу масканда Ободонлаштириш бошқармаси ходимлари томонидан тозалик ва ободонлаштириш ишлари бажарилиб шундай саронжомланибди. ЭНДИ ЭСА АҲОЛИГА МУРОЖААТИМИЗ!
Ўзингиз яшаётган ҳудуддаги озодаликка сиз ҳам масъулсиз‼️ Олиб келаётган маиший чиқиндиларингизни ҳар томонга отиб кетманг, болаларингизга тушунтиринг! Ҳеч бўлмаса бировни меҳнатини қадрлайлик.
Ободонлаштириш бошқармаси ходимлари сизларга алоҳида раҳмат‼️

#БОНГ

Мана қарйиб бир ойдирки Чўл гули кўчасида жойлашган чиқинди йиғиш шаҳобчасидаги ахлат қутиси кўчага олиб чиқиб қўйилган. Шундоғам 10 дан ортиқ кўп қаватли уйда яшовчилар маиший чиқиндилари олиб келинадиган бу маскан бир кундаёқ "ахлатхона" га айланади. Ёнида болалар майдончаси, озиқ-овқат дўконлаои, овқатланиш маскани бўлган ҳудудда бугун эмас ҳар кун шу манзара. Минг афсуски мактабга қатнаётган болаларимизга табиатни асра, гигиенага риоя қил дея бот-бот таъкидлаяпмизу... ҳар кун шу манзарани кўрсатяпмиз‼️

МАСЪУЛЛАР ШУ ТОМОНГА ЙЎЛИНГИЗ ТУШСИН‼️ БУ ЕРДА ОДАМЛАР ЯШАЯПТИ

      Ijodning sehrli dunyosi - rassomlar o‘z asarlari orqali insonning ichki olamini, his-tuyg‘ularini va orzularini tasvirlaydilar. Ularning asarlari go‘yo ruhning chuqurliklarida yashiringan hikoyalarni ochib beradi. Bugun hikoya qilmoqchi bo‘lgan qahramonimiz ham yoshligidan o‘zining noziktabiati bilan boshqalardan ajralib turgan Ma’mura Sattorova bo‘ladi.

      Ma’mura bolaligini eslarkan tengdoshlaridan farqli ravishda xafa qalbini birovga sezdirmasdan ko‘ngil kechinmalarini chizgan naqshlariga ifodalaganini ta’kidlaydi.  U  1984 yilda Navoiy viloyatining Xatirchi tumanida tug‘ilgan.  Oilada  besh nafar o‘g‘il ichida yagona qiz farzand bo‘lib, ijodkorlik unga bolalikdan  hamroh!. Chekka qishloqda san’atda ustoz ko‘rmagan bo‘lsada, rasm chizishga bo‘lgan muhabbati va qiziqishi uni shu yo‘nalishda ta’lim olishga undadi.

     Ma’mura 2001 yilda Jizzax davlat pedagogika institutiga hujjat topshirib, tasviriy san’at va muhandislik grafikasi yo‘nalishida tahsil oldi.

  -Oilada bitta qiz bo‘lganim uchun uzoq masofaga  borib  o‘qishiga ruxsat berasanmi,  deya ota-onamni  fikridan qaytarmoqchi bo‘lganlar ko‘p edi. Xayriyat-ki, mening ichki dunyoyimni bilgan, qalbim taskin topgan sohani tanlashimni chin dildan istagan suyanchlarim ota-onam bu yo‘lda menga ishonch bildirdi. Ularning qo‘llab-quvvatlashi ortidan bugun o‘zim sevgan kasbim bilan shug‘ullanyapman. Oilamga, ro‘zg‘orimga nafim tegayapti. Chekka qishloqda ulg‘aygan oddiy fermer qizi uchun bundan ortiq baxt bo‘lmasa kerak,  - deydi suhbat chog‘ida Ma’mura  Sattorova.

Ilk mehnat faoliyatini Xatirchi tumanidagi maktabda tasviriy san’at fani o‘qituvchisi sifatida boshlagan bo‘lsa, 2011 yildan beri Uchquduq tumanidagi  musiqa va san’at maktabida faoliyatini davom ettirmoqda.

    Bilim maskani u  istagan rangtasvirga oshufta qalbli shogirdlar qurshovida bo‘yoqlar hidiga mast bo‘lib ijod qilish imkonini beradigan, o‘sha bolalikdagi orzular ro‘yobi, aslida. E’tiborlisi, Uchquduq tabiati va manzaralari uning ijodida alohida o‘rin egallaydi.

         Yaqinda seminar doirasida tashkil etilgan rasmlar ko‘rgazmasini ishtirokchilar iliq kutib olishdi. Unda muassasa tarbiyalanuvchilari va Ma’mura Sattorova ijodiga mansub 100 dan ortiq asarlar namoyish qilindi.

        Ma’mura uchun rasm chizish - faqatgina san’at emas, balki ruhning ifoda vositasi, ichki dunyoning yuzaga chiqarilishidir. Uning ijodiy asarlari insonning ichki olamini, his-tuyg‘ularini, orzularini va qayg‘ularini tasvirlaydi. Uning har bir asari o‘ziga xos ma’noga ega, undagi har bir chiziq va rang teran hikoyani ochib beradi.

      Uni nafaqat san’atda balki baxt borasida ham omadi chopgan.  Turmush o‘rtog‘i rassomchilikdan uzoq sohada faoliyat yuritsada, ayolining  ijodini hurmat qiladi  uni qo‘llab-quvvatlaydi.

       Oilada uch nafar qiz voyaga yetmoqda. Ularning ham  orzusi o‘z oldiga qo‘ygan maqsadlari bor. Katta qizi onasining  kasbiga qiziqish bildirib, qalam ushlagan.

       Darvoqe, Ma’muraning shogirdlari  bugungi kunda yurtimiz va Markaziy Osiyodagi taniqli oliy ta’lim muassasalarida tahsil olishmoqda.

      Ma’mura Sattorova singari qo‘liga qalam olib ijod qilayotgan ustozlarimizga kasbiy barkamollik tilab qolamiz.

Feruza YANDASHOVA, maxsus muxbirimiz.

          O‘zbekiston  –  bag‘rikeng diyor. Bag‘rikengligi tarixga aylangan asrlarning zahmatli sinovlarida sinalgan, sadoqati toblangan.  Tili va dinidan qat’iy nazar bu diyorda turli millatlar bir-birlari bilan qarindosh-urug‘ joni-jigar bo‘lib, yaxshiyu yomon kunlarda birga. Mustaqilligimiz 33 yilligining “Bir bo‘lsak – yagona xalqmiz, birlashsak – Vatanmiz!” bosh g‘oyasi ham bejiz emas – jamiyat hayotidagi xalqchil islohotlar  o‘zaro ahillik  millatlararo do‘stlik jipslik ertangi munavvar kunlarga ishora.

          Moʻjaz Uchquduqda ham turfa millatlarning ahil-inoqlik bilan hayot va mehnat jarayonlarida uyushqoqlik ila yashayotganlari odamni quvontiradi. Bu beadoq kengliklarda yashayotgan insonlarning o‘zlari ham topayotgan oltinlaridek bebaho, qalblari kengliklardek  hadsiz!

         Qizilqum saxovatining siri tuprog‘ida. Yerning ranginligi undagi yashirin xazinalardan darak.  Yana ne-ne azizlarning sohibi ilmlarning yaxshilarning tavalludiga doyalik qilgan tuproq bu! Bugun, men ta’rifida so‘z yuritayotgan hikoyam qahramoni  –  zukko va tajribali ustoz, dilbar ayol Tolqыn Djabbarova ham mana shu bepoyon va saxovatli kengliklar farzandi. U 1968 yilda Tomdi tumanining ko‘zga ko‘ringan ziyoli mutaxassislaridan bo‘lgan Maxmut og‘a Serikbayev xonadonida beshinchi farzand bo‘lib dunyoga kelgan. Maxmut og‘aning eshigi qulfsiz, dasturxoni yig‘ilmas, kuni qo‘noqsiz o‘tmas. Ochiq va samimiy chehrali bu odamning har ovulu har millatdan do‘sti bo‘lib, ularning o‘tar-qaytardagi bosh soladigan manzili og‘aning uyi edi.

Maxmut og‘aning yozuv-chizuv, xat-hujjatdan tashqari uyida moʻjazgina chorvachligi bo‘lib, unda  quyondan tortib qo‘y-echki, parrandayu tuya-tumaloqqacha boqilardi. Ro‘zg‘orning suti, moyiyu go‘shtini bozordan sotib olishga zarurat yo‘q, har bir farzandning zimmasida  uy va chorva ishlarini bajarish bo‘yicha yozilmagan ammo bajarilishi lozim bo‘lgan topshiriqlari qat’iy belgilangandi. Kahramonimiz ham ana shu tartibli muhitda ulg‘ayib, aka-opasidan ibrat oldi.

Ayniqsa, onasining mehnatkashligini shunday ta’riflaydi:  “Onamni eslasam, uni faqat mehnat uchun tug‘ilganmi, deb o‘ylab qolaman. Qo‘y - tuya sog‘ar, mehmonlarga qorachoy tayyorlar, beshbarmoq solar, xamir qorar, xullas, uy ishlariga ko‘milib qolgan ro‘zg‘ori ayol edi. Bo‘sh o‘tirganini hech eslolmayman. Qo‘shnilarga sut-qatiq tarqatgani, ovul ayollarini chaqirib, birgalikdaqora uy (o‘tov) uchun bezaklar tikkani yodimda. U meni ham bezaklar tikishga o‘rgatgan.Bahor-kuzda qo‘ylarning junini olish mavsumida jun to‘plab, yuvib – tozalab, savalab so‘ngra  yigirib mayin ip hosil qilardi. O‘z qo‘llari bilan qo‘y junidan bizga paypoqlar to‘qib berardi. Biz uning issiq mehri qo‘shib to‘qilgan paypoqlarda qishni, sovuqni his etmasdik ham. Bag‘rikeng, uddaburon nasihatli ayol bo‘lgan. Faqat uningdek onalargina millatning qadriyatlarini avloddan-avlodga olib  o‘tishadi...”

Mitti Tolqыn ana shunday odamshavanda, mehnatsevar tegrada o‘sdi. Ota tomondan ham ona tomondan ham ziyoli, madaniyatli qarindoshlar qurshovida bo‘lgani  yana ichi to‘la ertak-o‘lan, ma’rifat bo‘lgan Dametken aje (buvi)ning hikmatlari uni ziyraklikka o‘rgatdi. Uning jajji yuragi atrofida bo‘layotgan har bir jarayonga savollar bilan yondoshishga, ajoyibotlarga hayrat ko‘zi bilan qarashga undar, opasining, akalarining qo‘lidagi kitoblariga bo‘lgan qiziquvi, zavqi maktab atalmish muqaddas dargohga borish orzusida dukurlardi.

      1974yilning sentyabri unga ana shu orzusining ro‘yobini boshlab keldi. Uchquduq tumanida yangi ochilgan 4-maktabning ilk qaldirg‘ochlaridan bo‘lib  1-sinfga bordi. Maktab uning uchun sehrli dunyoni ochgandi.

       Ovuldan shaharga  –  bolalarning maktabga qatnovi uchun ajratilgan avtobus o‘quv jadvaliga muvofiq harakatlanar, shahardan qaytar chog‘da ovulgacha bo‘lgan15-20 daqiqalik yo‘l, atrof-kengliklar bolalarning qozoqcha o‘lanlariyu quvnoq kulgilaridan jonlanib ketardi.

         Bahorda – cho‘llar gul-gul yashnagan mahal bolalar “Shalxar”ga qadar ochilgan ko‘klam gullarining sanog‘ini sanab-chug‘urlashib, avtobusni boshlariga ko‘tarishardi go‘yo! O‘yinlarining turlari ham bolalarning o‘zlaridek turfa va ajoyib: “beshtosh”, “lanka”, “kartoshka”, “mak”. Bolalikda hamma fasl go‘zal edi! Ayniqsa, qishlar ziynati va qorbo‘ronlari bilan Tolqыnning qalbiga xuddi oyinaga ayoz rasm solganidek  erimas,  qaytmas sog‘inchlarning suratini  chizib ketgan.

         Tolqыn harflarni qo‘shib o‘qishni o‘rganib olgani hamono maktabi ichidan hayratlar maskanini topdi. Bu – kutubxona edi! Boshlang‘ich sinfni tugallaganda, tafakkuri yuzlab ertaklardan boyib bo‘lgandi. Shu tariqa u kitoblar olamiga bog‘lanib qoldi. Tolqыndagi qat’iyat, intiluvchanlik xarakteri va qiziquvchanlik uni barcha fanlarni tirishqoqlik bilan o‘zlashtirishga undar, ba’zan ijodkorlik qobiliyati jo‘shib she’rlar ham yozardi.

      U ona tili bilan bir qatorda rus tili va adabiyotini ham puxta o‘rgandi. 1985 yili maktabni bitirib, Xarkov shahrida ta’lim olayotgan akasi Seylxan hamrohligida Leningradga borib tibbiyot bilim yurtiga hujjat topshirdi. Bir kuni muhtasham shahar ko‘chalarida akasi bilan sayr qilib yurisharkan, uzoqdan ko‘ringan qalampirnusxa o‘zbek do‘ppisi uning yuragiga xayajon soladi, ko‘zlarida bir olam quvonch bilan: “Qara, Seylxan! Qara, bizni o‘zbeklar, biznikilar!”, deya shodlikdan qichqirib yuboradi. Bu shodlik, bu hayrat uning yurak tomirlari O‘zbekiston tuprog‘igachirmashib, ajratib-uzib bo‘lmas darajada botib ketganining ifodasi edi. Balki shu sababdir, qadrdon uyidan, tug‘ilgan tuprog‘idan bir qadam uzoqlashmagan qiz uchun begonadek tuyulgan bu gavjum va sershovqin shaharda uning omadi chopmagani? 

        1986-1988 yilllari Toshkent yuridik bilim yurtida huquqshunoslik mutaxassisligi bo‘yicha ta’lim oldi va o‘quv muassasasida olgan saboqlarini1988-1993 yillarda Uchquduq shahar xalq sudidagi mehnat faoliyati davomida xarjladi. 1993 yili Shimoliy kon boshqarmasi kadrlar bo‘limida inspektor sifatida ish boshladi. Boshqarmadagi ikki nafar milliy kadrning biri bo‘lgan nozik va xushbichim qozoq qizi ish jarayonlariga shu qadar sho‘ng‘ib ketganidan unga nisbatan nozik so‘zining qo‘llanilishiga so‘z qoldirmadi – ishiga qat’iyat va mas’uliyat bilan kirishdi. U paytlar, hozirgidek axborot texnologiyalari takomillashmagan, yozuv mashinasi atalmish dastgoh insondan alohida diqqat va zehnni talab etar, birozgina e’tiborsizlik va xato butun boshli hujjat matnini qaytadan yozishni va qog‘oz isrofini keltirib chiqarardi.

        Guruh rahbari bu kabi xatolarni kechirmasdi va ana shu qattiqqo‘llik talabchanlik uni tobladi. Izlanishga yetakladi,  malakasini oshirdi. Shu ko‘yi u kadrlar bo‘limining faol, tezkor va tashabbuskor xodimlaridan biriga topshiriqlarni sifatli ijro etuvchi ishonchli kadr - mutaxassisiga aylandi.

1993-2007 yillarda Shimoliy kon boshqarmasi kadrlar bo‘limi kadrlarni qabul qilish va butlash guruhi - byurosi  inspektori,  2007-2010 yillarda Geotexnologiya koni kadrlarni butlash va hisobga olish guruhi rahbari, 2010-2012 yillarda  SHKB kadrlar bo‘limi  boshlig‘i o‘rinbosari, 2012 yildan hozirgi kunga qadar kadrlar bo‘limi xodimlarni qabul qilish va butlash guruhi kadrlar bo‘yicha muhandisi  vazifasida ishlaydi.

    Kadrlar bo‘limi – tashkilotning ostonasi. Kon boshqarmasi xodimlari yoki boshqa tashkilot ishchilari va endigina ishga qabul qilinayotgan fuqarolar ham turli masalalarda bu ostonaning eshigidan kirmay o‘tmaydi. O‘tgan o‘ttiz uch yillik mehnat faoliyati  davomida Tolqыn Djabbarova ishlagan xona eshigi million marta ochilib, bu eshikdan minglab turfa xil xarakterli odamlar kirmagan, qaysi biri
tuzuk-quruq savol bilan, qay biri boshqotirma-murojaati bilan hujjatlar ichiga sho‘ng‘igan xodimni chalg‘itmagan, deysizmi? Biroq, u qay vaziyat bo‘lmasin odamlar bilan nim tabassum va e’tibor orqali suhbatlashishiga kuch topdi.  Rayhona Quvandiqova,Dilara Miraliyeva, Sohiba Amonova  kabi shogirdlariga ham har bir murojaatchiga hurmat bilan yondoshishni o‘rgatdi.

    Arxiv hujjatlari orasida tarixga aylanib ulgurgan qabul buyruqlarini ko‘zdan kechirarkanman Tolqыn Djabbarova ijro imzosi ostida terilgan ism-shariflar e’tiborimni tortadi. Bular – hozirgi kunda sanoatning turli tarmoqlarini olg‘a boshqarayotgan o‘sha paytning umidli yoshlari, bugunning texnik masalalariga tezkorlik bilan yechim topuvchi malakali mutaxassislari. Ularning yutuqlari va muvaffaqiyatlaridan u ham iftixor tuyadi. Umuman olganda ustozning kechinmalari, mehnat faoliyatini mushohada qilarkanman bu nafosatli va temir irodali xonim  taqdirning suronli yillarida ham mehnatga hamdamligi va yo‘qotishlarga bardoshliligi, nafis chehra, oltin xotira va go‘zal madaniyatini saqlab qolgani kishini hayratlantiradi.

    U bugun mehribon va ma’rifatli buvijon, boshlang‘ich sinfdaligida o‘qib, yodlab olgan yuzlab ertaklari bilan oqshomlari nevaralarini allalaydi. Allalaydiyu bag‘rikeng Qizilqumda o‘tgan olislanib ketgan bolaligini, bolalik uyini sog‘inib bir entikib qo‘yadi. Yuragining tub-tubidan ajib qozoqcha o‘lan  yo ona allasi taralgandek bo‘ladi. Shirin uxlayotgan Anel va Janelga, ajib tushlar ko‘rib-mi, jilmayib qo‘ygan Daniyelga termulib orzular qiladi.

     Ha, uning orzulari o‘zi yashayotgan olamlardan katta koinotlarga sig‘mas...                      

                Nilufar Muydinova,

SHKB mutaxassisi, gazetaning jamoatchi muxbiri.