Aholining turar joy, uy-ro‘zg‘or buyumlari, oziq-ovqat mahsulotlari, kiyim-kechak, tibbiy asbob-uskunalar va dori-darmonlar, ijtimoiy xizmatlar, ish o‘rinlariga bo‘lgan ehtiyojiga doir O‘zbekiston uchun muhim ahamiyatga ega bo‘lgan axborotni aholi to‘g‘risidagi ishonchli ma’lumotlar asosidagina aniqlash mumkin.
Dunyodagi har bir davlat, o‘zining aholisi va uning yashash holati bo‘yicha ishonchli ma’lumotga ega bo‘lish maqsadida ma’lum bir belgilangan davrlarda aholisini ro‘yxatga olib boradi. Ko‘pchilik davlatlarda aholini ro‘yxatga olish har besh yoki o‘n yilda amalga oshiriladi.
Aholini ro‘yxatga olish — shunchaki statistika emas, u umumdavlat miqyosidagi keng ko‘lamli tadbir, aholi to‘g‘risidagi ishonchli axborot manbai hisoblanadi. Buning natijasida nafaqat aholi soni, balki, uning yoshi, jinsi, milliy tarkibi, yashash sharoiti, oilaviy ahvoli, ma’lumoti, ta’lim darajasi, uy-joy bilan ta’minlanganlik darajasi, mehnat resurslari, bandligi, ishsizligi va boshqa ijtimoiy-demografik masalalar to‘g‘risida to‘liq ma’lumotlar yig‘iladi.
Ushbu ma’lumotlar aholining istiqboldagi hisob-kitoblari va yaqin yillarda mamlakatdagi ijtimoiy-iqtisodiy vaziyatning ustuvor yo‘nalishlarini belgilash uchun asos bo‘lib xizmat qiladi. Shuningdek, bu ma’lumotlar avvalgi aholini ro‘yxatga olishdan keyin o‘tgan vaqt davomida ushbu ko‘rsatkichlarning o‘zgarishlar dinamikasini baholash imkonini beradi.
Aholini ro‘yxatga olish jarayonida yig‘iladigan ma’lumotlar, o‘z navbatida, respublika va hududlarni ijtimoiy-iqtisodiy rivojlantirish, yangi ish o‘rinlari yaratish, ayollar va bolalar salomatligini yaxshilash, oilalarga yordam ko‘rsatish, sog‘liqni saqlash, ta’lim bo‘yicha dasturlarni manzilli ishlab chiqish imkoniyatini kengaytiradi.
Ayni chog‘da ular aholi punktlari infratuzulmasini yaxshilash, mehnat resurslaridan foydalanish va joylashtirish bo‘yicha qisqa, o‘rta va uzoq muddatli prognozlar, dasturlarni ishlab chiqishda ham nihoyatda qo‘l keladi. Masalan, odamlarning bir joydan ikkinchi joyga ish topish yoki boshqa maqsadlarda ko‘chib yurishlari, ularning bandliklari va kasblari to‘g‘risidagi ma’lumotlar butun mamlakat yoki uning muayyan bir hududida ishlab chiqarish va xizmat qo‘rsatish sohasini rivojlantirishni rejalashtirish imkonini beradi.
Shuningdek, aholini ro‘yxatga olish natijalari aholi jon boshiga makroiqtisodiy ko‘rsatkichlarning taqsimlanishini hisoblashda ishlatiladi, migratsiya holatini, mehnat resurslari taqsimotini aniq ko‘rsatib beradi.
Bu kabi ma’lumotlarning umumlashtirilishi natijasida Milliy barqaror rivojlanish maqsadlarini amalga oshirish ko‘rsatkichlarini shakllantirish va monitoringini yuritish, xalqaro tashkilotlar va foydalanuvchilar tahlillari uchun keng qamrovli axborotlar manbai yuzaga keladi.
Aholini ro‘yxatga olish natijalarini umumlashgan, ya’ni shaxssizlantirilgan ko‘rinishda turli xil jadvallarda aks ettiriladi va ulardan nafaqat butun mamlakat, balki aholining turli toifalari va hududlar bo‘yicha ham tahlil qilishda foydalanish mumkin.
Qonunchiligimizda koʻp kvartirali uyning yertoʻlasidan foydalanish, saqlash tartibi, foydalanishda belgilanadigan asosiy talablar, yertoʻlada shugʻullanish mumkin boʻlgan va mumkin boʻlmagan faoliyat turlari, shuningdek, yertoʻladan foydalanuvchilarning huquq va majburiyatlari bor.
Toshkent davlat yuridik universiteti Yuridik klinikasi xodimi Javohir Eshonqulov bu haqda batafsil tushuntirish berdi.
– Oʻzbekiston Respublikasining 2019 yil 7 noyabrdagi «Koʻp kvartirali uylarni boshqarish toʻgʻrisida»gi qonunning 13-moddasi birinchi qismiga asosan umumiy mol-mulk joylarning mulkdorlariga umumiy ulushli mulk huquqi asosida tegishli boʻlishi belgilangan.
Ushbu moddaning oltinchi qismida esa umumiy mol-mulkning ayrim qismlari umumiy ulushli mulkning barcha ishtirokchilari tomonidan bir ovozdan qabul qilingan qaror asosida boshqa shaxsga berilishi mumkinligi belgilangan.
Demak, uyda yashovchi barcha mulkdorlarning roziligini olgan taqdirdagina podvalni oʻz nomingizga oʻtkazishingiz mumkin boʻladi. Aks holda u yerni egallashingiz noqonuniy hisoblanadi.
Yana shuni taʼkidlash lozim, ushbu moddaning yettinchi va sakkizinchi qismiga binoan: umumiy mol-mulk, agar uning boshqa shaxsga berilishi yoki foydalanish uchun oʻtkazilishi boshqa mulkdorlarning oʻz mulk huquqlarini amalga oshirishini cheklaydigan boʻlsa, boshqa shaxsga berilishi yoxud bir yoki bir nechta mulkdorga yoki boshqa shaxslarga foydalanish uchun oʻtkazilishi mumkin emas.
Tayanch va toʻsiq konstruksiyalarni, kvartiralar oraligʻidagi ihotalangan (oʻrama) pillapoyalar, zinapoyalar, liftlar, liftning shaxtalari hamda boshqa shaxtalar, uy ichidagi muhandislik tarmoqlari va kommunikatsiyalari, joylarning tashqarisida yoki ichida joylashgan hamda bittadan ortiq joyga xizmat koʻrsatadigan mexanik, elektr, sanitariya-texnika uskunalari hamda qurilmalari va boshqa uskuna hamda qurilmalarni boshqa shaxsga berish taqiqlangan.
O`zbekiston Respublikasi Mehnat Kodeksining 404-moddasiga ko’ra, ayolga tug‘ruqqacha 70 kalendar kun hamda tug‘ruqdan keyin 56 kalendar kun (tug‘ish qiyin kechgan yoxud ikki yoki undan ortiq bola tug‘ilgan taqdirda 70 kalendar kun) homiladorlik va tug‘ish ta’tili berilib, qonunchilikda belgilangan, lekin o‘rtacha oylik ish haqining 75 foizidan kam bo‘lmagan miqdorda nafaqa to‘lanadi.
Vazirlar Mahkamasining 2024-yil 31-maydagi 314-son qaroriga 1-ilova “Vaqtinchalik mehnatga layoqatsizlik, homiladorlik va tug‘ish bo‘yicha nafaqalarni hamda yangi tug‘ilgan bolani farzandlikka olgan yoki unga vasiy qilib belgilangan xodimga nafaqani tayinlash hamda to‘lash tartibi to‘g‘risida”gi nizomning 22-bandiga ko’ra, qaramog‘ida 16 yoshga (o‘quvchilar 18 yoshga) yetmagan 3 yoki undan ortiq bolalari bo‘lgan xodimlarga vaqtinchalik mehnatga layoqatsizlik nafaqasi ish stajining davomiyligidan qat’i nazar, o‘rtacha ish haqining 100 foizi miqdorida to‘lanadi.
E’tibor bering 16 yoshga (o‘quvchilar 18 yoshga) yetmagan 3 yoki undan ortiq bolalari bo‘lgan xodimlarga bolnichniy puli 100% to’lanadi. Dekret pulini 75% yoki 100% to’lash bolalar soniga bog’liq emas, balki xodimning ishga qabul qilingan kundan keyingi stajiga ibog’liq!
Nizomning 35-bandiga ko’ra, homiladorlik va tug‘ish bo‘yicha hamda yangi tug‘ilgan bolani farzandlikka olgan yoki unga vasiy qilib belgilangan xodimga beriladigan nafaqalar xodim:
ishga qabul qilingan kundan 12 oygacha ish stajiga ega bo‘lganda — o‘rtacha oylik ish haqining 75 foizi;
ishga qabul qilingan kundan 12 oy ortiq ish stajiga ega bo‘lganda — o‘rtacha oylik ish haqining 100 foizi miqdorida to‘lanadi.
Diqqat etibor bering, umumiy ish staj haqida emas, aynan ishga qabul qilingan kundan keyingi staj haqida gap ketmoqda. Ya’ni aytaylik, 10 yillik ish stajiga ega ayol, boshqa yangi ishga qabul qilindi va oradan 6 oy o’tgach dekretga chiqdi, dekret puli 75 % to’lanadi.
Uchquduq tuman Adliya bo`limi Yuridik xizmat ko`rsatish markazi
bosh yuriskonsulti: Shodiyeva Nafisa Minboy qizi
Uchquduq tuman maktabgacha va maktab ta’limi bo‘limiga qarashli 9-maktabda qurilish ta'mirlash ishlari olib borilayotganligi sababli eski deraza-romlar, quvurlar va bir qator ikkilamchi mahsulotlar sotuvga qo'yilganligi ma'lum qilinadi.
Mahsulotlar narxi, soni holati bo'yicha 9-maktab ma'muriyatiga murojaat qilishingiz mumkin.
Auksion 12.07.2024 kuni 09:00 da bo'lib o'tadi
Bolalarni bog‘chaga joylashtirish yanada soddalashdi
Vazirlar Mahkamasining “Davlat xizmatlarini ko‘rsatish tizimi soddalashtirilganligi, byurokratik to‘siqlar qisqartirilganligi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida” 2024 yil 3 iyuldagi qaroriga asosan quyidagi yangiliklar joriy etilmoqda:
✅ Elektron raqamli imzo kalitini berishda jismoniy shaxslar biometrik (Face-ID) identifikatsiya qilinadi va elektron raqamli imzo kaliti avtomatik tarzda rasmiylashtirib beriladi;
✅ Qurilishi tugallanmagan ob’yektga birlamchi kadastr pasportini shakllantirishda vafot etgan shaxsning yaqin qarindoshlariga uning nomidan murojaat qilish tartiblari belgilandi;
✅ Bolalarni davlat maktabgacha ta’lim tashkilotiga qabul qilish uchun rasmiylashtirilgan yo‘llanmalarni maktabgacha ta’lim tashkilotiga axborot tizimi orqali yuborish tartibi joriy etildi.
- Bunda, yo‘llanma rasmiylashtirilganda fuqarolarga tasdiq kodga ega xabarnoma yuborish va shu tasdiq kod asosida bola maktabgacha ta’lim tashkilotiga qabul qilinadi.
- Fuqarolarga yo‘llanma olish uchun berilgan so‘rovnomadagi telefon raqamini istalgan vaqtda o‘zgartirish imkoniyati yaratildi.
- Bolalarni maktabgacha ta’lim tashkilotiga qabul qilish davlat tashkilotlarining aybi bilan kechikkanda yo‘llanma o‘z kuchida qoladi.
✅ Avtomototransport vositalarini qayta jihozlash uchun ruxsatnoma berish muddati avtomototransport vositalarini davlat ro‘yxatidan o‘tkazish muddati bilan muvofiqlashtirildi va avtomototransport vositalarini qayta jihozlash uchun ruxsatnoma berish muddati 10 kun etib belgilandi.
✅ Katta hajmli va og‘ir vaznli yuklarni avtomobil transportida tashish uchun ruxsatnoma berishda arizani ko‘rib chiqish muddati 8 ish kunidan 2 ish kuniga kamaytirildi.
✅ Avtomototransport vositasini boshqarish huquqini beruvchi ishonchnomani elektron shaklda rasmiylashtirishda mulkdorning Majburiy ijro byurosi bazasida qarzdorligini tekshirish axborot tizimlari orqali avtomatik ravishda amalga oshirilishi belgilandi.
✅Fuqarolarga Avtomobil transportida yo‘lovchilarni tashish faoliyatiga lisenziya olish jarayonida o‘zini o‘zi band qilgan shaxsni davlat soliq xizmati organlarida ro‘yxatdan o‘tkazish xizmatidan kompozit usulda foydalanish imkoniyati yaratildi.
Avvalo aytib o‘tish joizki, pensiya miqdori ish stajiga ham ish haqiga ham bog‘liq hisoblanadi.
Pensiyaga chiqish uchun ish staji yetarli bo‘lsa, lekin ish haqi kam bo‘lgan bo‘lgan taqdirda ham pensiya miqdori yuqori chiqmasligi mumkin. Aksincha ish haqi yuqori bo‘lib, lekin ish staji kam bo‘lsa, bu ham pensiya miqdori kam chiqishiga sababchi bo‘lishi mumkin.
Eslatib o‘tamiz, pensiyani hisoblashda fuqaroning oxirgi 10 yillik mehnat faoliyatidan istalgan ketma-ket 5 yillik davrning ish haqi inobatga olinadi.
Shuning uchun, fuqarolarimizdan ham ish stajiga, ham ish haqlariga e’tiborliroq bo‘lishlarini maslahat beramiz.
Uchquduq tuman maktabgacha va maktab ta’limi bo‘limiga qarashli 3-maktabda qurilish ta'mirlash ishlari olib borilayotganligi sababli eski deraza-romlar, quvurlar va bir qator ikkilamchi mahsulotlar sotuvga qo'yilganligi ma'lum qilinadi.
Mahsulotlar narxi, soni holati bo'yicha 3-maktab ma'muriyatiga murojaat qilishingiz mumkin.
Auksion 11.07.2024 kuni 15:00 da bo'lib o'tadi.
Uchquduq tuman maktabgacha va maktab ta’limi bo‘limiga qarashli DMTT tarbiyalanuvchilariga iyul oyi uchun go'sht mahsulotlari sotib olish uchun e’lon berilmoqda.
Uchquduq tuman maktabgacha va maktab ta’limi bo‘limiga qarashli DMTT tarbiyalanuvchilariga iyul oyi uchun non mahsulotlari sotib olish uchun e’lon berilmoqda.
Uchquduq tuman maktabgacha va maktab ta’limi bo‘limiga qarashli DMTT tarbiyalanuvchilariga iyul oyi uchun oziq -ovqat mahsulotlari sotib olish uchun e’lon berilmoqda.
More...
Test kunida abituriyent quyidagi narsalarni olib kirishi mumkin:
▪️ shaxsni tasdiqlovchi hujjat (ID-karta yoki pasport);
▪️ abituriyent ruxsatnomasi;
▪️ bosh kiyimi (jumladan, kepka yoki panama);
▪️ oddiy qoʻl soati (elektron aqlli-soat (smart-watch) bundan mustasno);
▪️ optik koʻzoynak (boshqa turdagi koʻzoynaklar bundan mustasno);
▪️ pul;
▪️ dastroʻmol;
▪️ kalit.
Quyidagilar narsalarni testga olib kirish mumkin emas:
◻️ telefon yoki boshqa elektron qurilmalar;
◻️ yordamchi qoralamalar (shpargalka) kalkulyator va h.k.;
◻️ ruchka (u ichkarida beriladi);
◻️ suv (u ichkarida beriladi);
◻️ qoralama uchun qogʻoz (u ichkarida beriladi);
◻️ Mendeleyev yoki fizik kattaliklar jadvali (ular ichkarida beriladi);
◻️ tibbiy niqob (u kirish joyida yangi beriladi);
◻️ mashina pulti (u kirish postida qoldiriladi).
Jamiyatimizda sog‘lom turmush tarzini shakllantirish aholining ayniqsa, yosh avlodning jismoniy tarbiya va ommaviy sport bilan muntazam shug‘ullanishi uchun zamon talablariga mos shart-sharoitlar yaratilmoqda. Tashkil etilayotgan sport musobaqalari orqali esa yoshlarda o‘z irodasi kuchi va imkoniyatlarini to‘la namoyon etish o‘ziga bo‘lgan ishonchini mustahkamlashga alohida e’tibor qaratilayotir.
Bu kabi amaliy ishlar ortidan mamlakatimiz vakillari yosh sportchilarning nufuzli xalqaro musobaqalarda yuksak natijalarni qo‘lga kiritayotganliklari tahsinga sazovordir. Aslida Uchquduq bepoyon vatanimizning eng chekka hududi bo‘lishiga qaramay, sportchi yoshlarimiz qo‘lga kiritayotgan salmoqli yutuqlari bilan moʻjazgina shahar nomini ko‘plab yurtlarga tarannum etmoqda, desak to‘g‘ri bo‘ladi.
Ana shunday umidli yoshlardan biri Nozima Normurodova. U 2011 yilda Uchquduq tumanida tug‘ilgan. Sportning milliy kurash, erkin kurash, sambo, dzyudo va jiu-jisu turlari bilan muntazam shug‘ullanib keladi. Nozima bor-yo‘g‘i 13 yoshda. Sportga kirib kelganiga ko‘p vaqt bo‘lmasa-da, bugun O‘zbekiston va jahon chempioni maqomini qo‘lga kiritishga ulgurdi. Undagi shijoat mitti jussasidagi katta jasorat Nozimani g‘alabalar sari ildam odimlashga undamoqda.
Haqiqatdan ham yoshlikdan sport bilan shug‘ullanish bolani kuchli, epchil qilib, o‘ziga bo‘lgan ishonchini mustahkamlaydi. Ham jismonan ham ruhiy jihatdan chiniqtiradi. Nozima ham endigina 6-sinfda o‘qishiga qaramay o‘zining iqtidorini namoyish etib, bir necha bor Osiyo va O‘zbekiston chempioni degan sharafli nomga ega bo‘ldi. U o‘tgan yilda jahon chempionatida faol ishtirok etib bronza medalini qo‘lga kiritgan bo‘lsa, joriy yilda ham uning yutuqlari bardavom bo‘ldi.
Kuni-kecha Rossiyaning Yakuti shahrida o‘tkazilgan VIII - Osiyo bolalari musobaqasida sportning erkin kurash turidan 39 kg vazn toifasida birinchi o‘rinni egallab, yurtimiz madhiyasini Osiyo arenalarida jaranglashiga sabab bo‘lganligini alohida faxr bilan ta’kidlash o‘rinli, albatta.
Nozima erishayotgan g‘alabalari ortida Uchquduq tuman sport maktabi jamoasi va murabbiyi Sardor Sattorovning mehnatlari beqiyosligi shubhasiz.
Yuragida Vatanga muhabbat va sadoqatni jo qilgan Nozima singari sportchi qizlarimizning ko‘zidagi shijoat uchqunlari aslo so‘nmasin, deymiz. Zero, har gal kurash uchun maydoga chiqayotgan Nozima singari qizlarning ortida xalqimizning ularga bo‘lgan ishonchi suyanch bo‘lib g‘alabalar sari yetaklayversin.
Lola SULAYMONOVA,
Uchquduq tuman sport maktabi metodisti.
Respublikamizda yoshlarga yaratilgan imkoniyatlarning hisobi, adadi yo‘q. Katta avlod vakillari bu borada yosh avlodga havas va kelajak bunyodkorlari amalga oshirayotgan ishlarga hayrat bilan boqishmoqda. Biroq, o‘ziga berilgan imkoniyatlarni ko‘rmay, to‘g‘rirog‘i, ne’matga shukur qilmay, to‘g‘ri yo‘l qolib egrisiga ergashadigan yoshlar ham afsuski yo‘q emas!
2024 yilning 27 aprel kuni Navoiy viloyati IIB “NKMK” IIB Uchquduq maydoni TQX xodimlari “NKMK” AJ Shimoliy kon boshqarmasi kon jihozlarini ta’mirlash syexi kislorod ishlab chiqarish uchastkasida o‘tkazilgan tezkor tadbir davomida “Cho‘l guli” ko‘chasida yashovchi J.Ch korxona mulki hisoblangan umumiy miqdori 5,5 kg bo‘lgan mis parchalarini hech qanday hujjat rasmiylashtirmasdan yashirin ravishda o‘z manfaatlari yo‘lida olib chiqqan. Davlat mulkini talon-taroj qilishga yo‘l qo‘ygan. Uning bu xatti-harakatlari qonunga xilof hisoblanib, korxona ichki mehnat tartib-qoidalariga hamda “NKMK” AJ odob-axloq kodeksiga ham mutlaqo zid hisoblanadi.
Mazkur holat yuzasidan J. Chga nisbatan O‘zbekiston Respublikasi MJtKning 61-moddasi 1-qismida nazarda tutilgan huquqbuzarlikni sodir etganligi uchun jinoiy ishlar bo‘yicha Tomdi tumani sudi tomonidan bazaviy hisoblash miqdorining bir baravari miqdorida jarima jazosi tayinlangan. Undan huquqbuzarlik ashyosi sifatida olingan 5,5 kg mis rangli metall davlat foydasiga undirilgan.
Shimoliy kon boshqarmasida ishlash tumandagi juda ko‘pchilik yoshlarning orzusi bo‘lgan bir paytda, barqaror ish haqi mehnat muhofazasi yana bir talay qulayliklari bo‘lgan tashkilotda halollik va shijoat bilan mehnat qilishga nima yetsin?!
Umidjon HAZRATOV,
Navoiy viloyati IIB “NKMK” IIB TQX tezkor vakili, kapitan.
Ketma-ket chalingan ogohlantiruvchi va jangovar signallardan so‘ng karyerda gumburlagan ovoz eshitiladi hamda osmonga chang-to‘zon ko‘tariladi. Yer ostidagi rudani oltinga aylantirish bir nechta bosqichlardan iborat va bunda minglab mutaxassislar mehnat qiladi.
Geologlar ma’dan joyini aniqlaydi, hududga burg‘ulash nuqtalari belgilanadi, chuqurlar kavlangach portlatuvchilar portlatish ishlarini bajaradi. Ma’dan ulkan texnikalarda kondan tashib chiqilib, 3-gidrometallurgiya zavodiga jo‘natiladi. Bu yerda bir necha syexdan o‘tib, tayyor mahsulot ko‘rinishiga keltiriladi.
Yerjan Janaxmetov Shimoliy kon boshqarmasi konchilik bo‘limida muhandis bo‘lib ishlaydi. Uning har kunlik “hujjat yo‘qlamalari”da portlatish uchun ketgan vaqt soatidan tortib sarf-xarajatlarigacha bo‘lgan ma’lumotlar qayd etiladi. Yerjan o‘z ishini puxta o‘zlashtirgan yetuk mutaxassis shu bilan birga sohada izlanishlar olib borgan yangilikka yaratuvchanlikka intiluvchi yoshlardan biridir.
U foydali qazilmalarni ochiq usulda qazib oluvchi karyerlarda ommaviy portlatish ishlarida qo‘llaniluvchi portlovchi modda igdanit tarkibini o‘rgandi. Izlanishlari natijasida igdanit tarkibini o‘zgartirish orqali iqtisodiy samaradorlikka erishish mumkinligini isbotladi.
-Eng oddiy portlovchi modda igdanit karyerlarimizda quruq kuduqlarni zaryadlashda va portlatish ishlarini olib borishga mo‘ljallangan, - deydi Yerjan Janaxmetov. -Mening rasionalizatorlik taklifim Shimoliy kon boshqarmasi konlarida portlatish ishlarini olib borishda portlovchi moddalar tarkibidagi komponentlarning texnik xususiyatlarini o‘zgartirmay turib, miqdorini almashtirish orqali samaradorlikka erishishni maqsad qilgan.
Portlovchi modda tarkibida mavjud ammiakli selitra Navoiyazot AJ sharoitida ishlab chiqariladi va mahalliylashtirilgan mahsulot hisoblanadi. 1 kg uchun o‘rtacha narx 1 900 so‘m, dizel yoqilg‘isi import qilingan mahsulot hisoblanadi va 1 kg uchun o‘rtacha narx 11 500 so‘mni tashkil etadi. Bu ammiakli selitra narxidan 6 baravar yuqori demakdir. Shimoliy kon boshqarmasi konlarida portlatish ishlarini olib borishda dizel yoqilg‘isi sarfini tejash maqsadida, eng oddiy portlovchi modda igdanit 94% (ammiak selitra) + 6% (dizel yoqilg‘isi) tarkibini 95% (ammiak selitra) + 5% (dizel yoqilg‘isiga) o‘zgartirish hisobiga (yillik dasturga muvofiq) dizel yoqilg‘isi sarfini 118, 881 tonnaga tejash mumkin.
Agarda korxona Yerjan Janaxmetovning rasionalizatorlik taklifidan foydalanadigan bo‘lsa, bir yilda 221,5 tonna dizel yoqilg‘isi iqtisod qilinadi. Bu esa yilliga 2,1 mlrd so‘mdan ortiq iqtisodiy samaradorlikka erishish imkonini beradi.
Ha, Shimoliy kon boshqarmasida yangilik yaratishga ishtiqyomand Yerjan Janaxmetov singari ilmli yoshlar ko‘plab topiladi. Ular haqida hikoya qilish ular faoliyatidan uchquduqliklarni boxabar qilish maqsadida biz ham izlanishdan to‘xtamaymiz, albatta. Negaki, ilmlik yoshlar yurt istiqboli, yurt tayanchi!.
Laylo KARIMOVA,
SHKB axborot xizmati rahbari.
