LOTIN-КИРИЛЛ
Subscribe to this RSS feed

O‘zbekistonda tergov sudyasi lavozimi joriy etiladi

       Sud huquq islohotlarining davomi sifatida 10 iyunda imzolangan O‘zbekiston Respublikasi Prezidentining "Tezkor qidiruv hamda tergov faoliyatida shaxsning huquq va erkinliklarini ishonchli himoya qilish kafolatlarini yanada kuchaytirish chora tadbirlari to‘g‘risida"gi PF-89-sonli farmoni bilan 2025 yilning 1 yanvaridan Tergov sudyasi lavozimi joriy etilishi belgilandi.
      Farmonga ko‘ra tergov sudyasi zimmasiga O‘zbekiston Respublikasi JPKda ko‘rsatilgan ishni sudga qadar yuritish jarayonida sudning qarori (ajrimi) talab qilinadigan prosessual harakatlar bo‘yicha sud vakolatlarining barchasi o‘tkazilishi, shuningdek tergov sudyalari ma’muriy huquqbuzarlikka oid ishlarni ko‘rib chiqishi belgilanmoqda.
        Farmonga muvofiq, tergov sudyasiga quyidagi jinoyat materiallarini qo‘llash masalasini ko‘rib chiqish vakolati beriladi:
-Qamoqqa olish yoki uy qamog‘i tarzidagi ehtiyot chorasini qo‘llash bilan bog‘liq iltimosnoma;
-Qamoqda saqlash yoki uy qamog‘i muddatini uzaytirish masalalari bilan bog‘liq iltimosnoma;
-Pasportning (harakatlanish hujjatning) amal qilishini to‘xtatib turish to‘g‘risidagi iltimosnoma;
-murdani eksgumatsiya qilish haqidagi iltimosnoma;
-pochta telegraf jo‘natmalarini xatlash to‘g‘risidagi iltimosnoma;
-tintuv o‘tkazish haqidagiiltimosnoma;
-telefonlar va boshqa telekomunikatsiya qurilmalari orqali uzatiladigan axborotni olish haqidagi iltimosnoma
-mol-mulkni xatlash to‘g‘risidagi iltimosnoma;
Bundan tashqari bir nechta majburlov choralari bilan bog‘liq iltimosnomalarni ko‘rib chiqadi.
“Tergov sudyasi o‘z faoliyatini mustaqil amalga oshirib, faqat qonunga bo‘ysunadi hamda tergov sudyasiga odil sudlovni amalga oshirish bilan bog‘liq bo‘lmagan ar qanday vazifalar yuklatilishiga yo‘l qo‘yilmaydi” – deyiladi farmonda.
Ularni lavozimga tayinlash va lavozimdan ozod qilish, shuningdek sudyalar korpusini shakllantirish qonunda belgilangan tartibga muvofiq amalga oshiriladi, tashkiliy faoliyatlariga Qoraqalpog‘iston sudi, viloyatlar va Toshkent shahar sudlari, Harbiy sud raislari rahbarlik qiladi.


Jinoyat ishlari bo‘yicha
Uchquduq tuman sudi raisi Kurbonov Akmal Abdishukurovich

Yangiliklar
Batafsil..

Notariusga bormasdan amalga oshiriladigan notarial harakat turlari ko‘paydi

 

    Endilikda avtomototransport vositasini tasarruf etish ishonchnomasini shahodatlash uchun notariusga borish shart bo‘lmaydi.

Notarial idoraga bormagan holda amalga oshiriladigan notarial harakat turlari ko‘paydi. Bu haqda Adliya vazirligi matbuot kotibi Sevara O‘rinboyeva xabar berdi.

Ma’lum qilinishicha, endilikda fuqarolar: 

 

— er va xotinning umumiy mol-mulkni, shu jumladan ko‘chmas mulkni tasarruf etish bo‘yicha bitim tuzish uchun xotin (er)ning rozilik arizasini;

— avtomototransport vositasini tasarruf etish (sotish, hadya, qilish, ayirboshlash, garovga qo‘yish va boshqa turdagi tasarruf qilish) ishonchnomasini;

— hujjatlarning bir tildan boshqa tilga to‘g‘ri tarjima qilinganligini shahodatlashni videokonferensiya orqali (onlayn) notarial rasmiylashtirishlari mumkin.

Yangiliklar
Batafsil..

QO‘SHNILAR ORASINI BUZGAN FIRIBGAR

      Kibermadaniyatni yuksaltirish maqsadida «Targ‘ibot oyligi» start oldi

     UCHQUDUQ TUMAN IIB OGOHLANTIRADI

      QO‘SHNILAR ORASINI BUZGAN FIRIBGAR

        Nazima opa ertalab doimiy odati telegrammga kirsa qo‘shni kelin Nigoradan xabar keladi
- Opa pulingiz bo‘lsa biroz yordam qilib turing, bolamning mazzasi bo‘lmadi.Shunga kerak bo‘ldi.Obedda xo‘jayinim kelishi bilan yetkazaman. Hozir karta raqam jo‘nataman.
Ikki qo‘shni orasida doimiy oldi-berdi bo‘lgani uchun Nazima opa hech ham gumon shubhaga bormadi. Va Nigora so‘ragan 1 millionni va u jo‘ntagan Muxammadbobur nomidagi plastik kartaga tashlaymi deb so‘radi. “Ha shunga tashlang”degan javob olib pulni ko‘rasatilgan raqamlarni terib jo‘natdi.
-Obedda olib kirib beraman –degan javob yozdi “Nigora”.
Bozorga chiqish zaruriyati bilan uyida qolgan eriga Nazima opa:-Nigora pul olib keladi olib qoling dedi ishonch bilan. Kech kirdi. Puldan emas qo‘shnisidan xavotir olib Nigoraga telefon qildi.
- Nigoraxon bolangiz yaxshimi?
- Bolam yaxshi nimaga so‘rayapsiz dedi xavotir bilan Nigora.
-Tong saharlab pul so‘raganingizga biror kor –hol bo‘ldimikan dedim. Yana telefon qilish noqulay bo‘ldi. Obedda chiqsangiz so‘rarman deb kutdim. ..
Shundan keyin Nigora o‘zining profilini o‘zlashtirib olgan firibgarlar yon qo‘shnisi Nazima opani ham chuv tushurganini sezdi.

        ‼️BU VOQEA TO‘QIMA EMAS! Shu kunlarda Uchquduq tumanida sodir bo‘ldi. Firibgarlar telegrram profilni buzib kirib unga yaqin tanishlariga go‘yoki pul zaril bo‘lib qolganini aytib turli bahonalar bilan yozishadi. Ishonganlar u tashlagan plastik kartaga pulni osongina tashlab berishadi. Yuqorida nomi o‘zgartirilgan Nigora ismli shaxsning ham profilini buzib kirgan firibgarlar uning 10 lab tanishiga shunday xabarlar jo‘natib qaryib 6 milliondan oshiq pulni yechib olishgan.

       HURMATLI YURTDOSHLAR! HAR QANDAY XABARLARGA ISHONMANG! AYNIQSA KIMDIR SIZDAN XABAR ORQALI PUL SO‘RASA ULAR BILAN TELEFON ORQALI BOGʻLANING, SHUNCHAKI FIRIBGARLAR QURBONIGA AYLANMANG!

 

Yangiliklar
Batafsil..

"Uchquduq tumanida ijtimoiy himoyaga muhtoj oilalarni qo‘llab-quvvatlash hamda aholiga ayniqsa ayollarga sifatli tibbiy xizmat ko‘rsatish" mavzusida matbuot anjumani

        Uchquduq tuman hokimligi Oila va xotin-qizlar bo‘limi hamda tuman hokimligi axborot xizmati bo‘limi bilan hamkorlikda "Uchquduq tumanida ijtimoiy himoga muhtoj oilalarni qo‘llab-quvvatlash hamda aholiga ayniqsa ayollarga sifatli tibbiy xizmat ko‘rsatish" mavzusida matbuot anjumani o‘tkazildi.
         O‘tkazilgan matbuot anjumanida onalar va bolalar salomatligini muhofaza qilish, aholining reproduktiv salomatligini mustahkamlash, reproduktiv yoshdagi ayollarni kontrasepsiya vositalari bilan qamrab olish, voyaga yetmagan qizlarni erta turmushga berish va istalmagan homiladorliklarning oldini olish, ijtimoiy himoyaga muhtoj oilalarga, ayniqsa xotin-qizlarni tibbiy ko‘rikka keng jalb etish, ayollarni onkoskrining nazoratidan o‘z vaqtida o‘tishlarini ta’minlash, bu borada doimiy ravishda targ‘ibot tadbirlarini tashkil etish kabi mavzularda so‘z borib, tuman tibbiyot birlashmasi bilan hamkorlikda ishlarni tizimli amalga oshirish rejalashtirib olindi.

photo 2024 07 01 18 14 45

       Tumanda 2024 yilda 5-bosqich "Ayollar daftari" shakllantirilib, 3-toifa boquvchisi bo‘lmagan ehtiyojmand xotin-qizlarga 161 nafar, 4-toifa ijtimoiy yordamga muhtoj 1- va 2-guruh nogironligi bo‘lgan ehtiyojmand xotin-qizlarga 100 nafar, qaramog‘ida nogironligi bo‘lgan farzandi mavjud ehtiyojmand xotin-qizlarga 72 nafar xotin-qizlar kiritilgan bo‘lib, hozirgi kunda ularga "Ayollar daftari" jamg‘armasi mablag‘lari hisobidan bir matalik moddiy yordam, sog‘ligini tiklash uchun dori-darmonlar, davolanish va jarrohlik amaliyotlari uchun mablag‘ ajratilib kelinmoqda.

Yangiliklar
Batafsil..

Mamlakatimizda ilk bor aholidan qayta ishlanadigan chiqindilarni xarid qilish tajribasi yo‘lga qo‘yilmoqda

 

    Bugungi kunda chiqindi muammosi nafaqat O‘zbekistonni, balki butun dunyo ahlini tashvishga solmoqda. Ko‘chada ketayotgan odamning qo‘lidagi plastik idish yoki boshqa chiqindi biz uchun muammo bo‘lib ko‘rinadi. Vaholanki, mazkur chiqindini nafaqat to‘g‘ri tarzda yig‘ib yo‘q qilish, balki undan yaxshigina moddiy foyda qilish mumkin.

    Prezidentimizning 2024 yil 4 yanvardagi “Chiqindilarni boshqarish tizimini takomillashtirish va ularning ekologik vaziyatga salbiy ta’sirini kamaytirish bo‘yicha chora-tadbirlar to‘g‘risida”gi farmoniga ko‘ra, 2024–2026 yillarda – Toshkent, Angren va Buxoro shaharlari hamda Toshkent tumanida chiqindilarni “qayta ishlanadigan”, “qayta ishlanmaydigan” va “oziq-ovqat” toifalariga saralagan holda yig‘ish bo‘yicha tajriba o‘tkazilishi hamda ushbu turdagi chiqindilarni yig‘ish uchun alohida paketlar aholiga bepul berilishi, shuningdek, ko‘p qavatli uylar joylashgan hududlarda chiqindi yig‘ish maydonlarida “qayta ishlanadigan” toifaga mansub chiqindi turlari aholidan sotib olinishi belgilangan.   

    Ekologiya, atrof-muhitni muhofaza qilish va iqlim o‘zgarishi vazirligi huzuridagi Sanitar tozalash ishlarini tashkil etish respublika markazi tomonidan Toshkent viloyati Angren shahriga press-tur tashkil etildi.   

Press-tur davomida Angren shahri “Nurchi” MFYda joylashgan “Zero waste” davlat-xususiy sheriklik bitimi asosidagi sanitar tozalash korxonasi bosh direktori Habibullo Husanov bu borada amalga oshirilayotgan ishlar xususida ma’lumot berdi.   

– So‘nggi yillarda tabiiy resurslardan foydalanish hajmi va sur’atining o‘sib borishi tufayli insoniyatning tabiatga ko‘rsatayotgan ta’siri tobora kuchaymoqda, – deydi Habibullo Husanov. – Zamonaviy chiqindixona faoliyatini yo‘lga qo‘yish maqsadida hududdagi eng og‘ir sharoitli chiqindi yig‘ish maydonchasi tanlab olindi va mazkur maydoncha mutlaqo noodatiy ko‘rinishda qayta tiklandi. Chiqindixonani barpo etishda asosan ikkilamchi mahsulotlardan, chiqindilardan foydalanildi. Misol uchun, tashlab yuborilgan turli ko‘rinishdagi  shisha buyumlar, qurigan daraxt tanasi kabi chiqindilardan ajoyib dizayn yaratishga urindik. Saralangan chiqindilarni joylashtirish uchun alohida konteynerlar joylandi. Chiqindilarni saralash sayyoramizni chiqindilardan tozalashning birinchi qadamidir. Targ‘ibotni kuchaytirish uchun ekologiyaga taalluqli shiorlarni chiqindixona devorlariga joyladik. Bajarilgan ishlardan aholi juda mamnun. Mahallada istiqomat qiluvchilarning ko‘pchiligi allaqachon chiqindilarni saralab topshirishga ko‘nikdi.   

Shu o‘rinda qiziq ma’lumotlarni aytib o‘tsam. Qayta ishlangan shisha idishlarning 92 foizi yuqori sifatli material beradiki, uni yana ichimlik idishlarida ishlatish mumkin. Plastik idishlarni qayta ishlab, yana foydalanishdan tashqari, ulardan elektr energiyasi olish mumkin. Butun dunyo bo‘ylab ishlab chiqarilgan plastmassaning 91 foizi qayta ishlanmaydi. Har yili 8 million tonna plastmassa okeanlarni ifloslantiradi.   

    Sekinlik bilan aholining o‘zi chiqindilarni saralab tashlashga odatlana boshladi. Xususan, qora paket qayta ishlanmaydigan chiqindilar uchun, oq paket qayta ishlanadigan chiqindilar uchun hamda jigarrang paket oziq-ovqat chiqindilari (bio chiqindi) uchun ishlatilishiga ahamiyat berilmoqda.   

    Eng bosh maqsad chiqindilarga ikkinchi “hayot” berish. Oldinlari respublika bo‘ylab yig‘ilgan chiqindilar poligonlarga jo‘natilgan, yer ostiga ko‘mib yuborilgan. Shu bilan birga, poligonlar soni tobora ko‘payib borgan. Chiqindi poligonlarida chiqindilarning yer ostidagi kimyoviy parchalanishi natijasida atrof-muhitga karbonad angidrid va metan gazini chiqaradi. Bu esa atmosferadagi issiqlikni ushlab, sayyoramizga tahdid soladigan issiqxona effektini yaratadi. Chiqindilarga nisbatan noto‘g‘ri munosabat sababli mana shu ulkan  xavfga hissa qo‘shyapmiz.   

    Endilikda poligonga boradigan chiqindini qayta ishlash uchun zavodlarga yuborish yo‘lga qo‘yildi. Chiqindilarni qayta ishlashda eng avvalo chiqindini saralab olish muhim. Bunda aholining ko‘magiga ehtiyoj seziladi. Agar aholi belgilangan paketlarga chiqindilarni saralangan tarzda joylasa maqsadga muvofiq bo‘lar edi. Saralangan chiqindilarga talab bo‘lgani bois, hatto Rossiyadan import qilinadi. Oziq-ovqat chiqindilari ham alohida tashlansa, chiqindining bu turidan kerakli o‘g‘it tayyorlanadi. Qayta ishlash uchun to‘rtta asosiy turdagi chiqindilar mos keladi: plastmassa, shisha, metall, qog‘oz. Shu bilan birga, xavfli chiqindi turlari ham bor.   

    Bu borada aholini rag‘batlantirish ko‘pgina rivojlangan davlatlarda o‘zini oqlagan tajriba. Mamlakatimizda ham ilk bor aholidan qayta ishlanadigan chiqindilarni xarid qilish tajribasi yo‘lga qo‘yilmoqda.   

   Yangi tartibga ko‘ra, (QR-kod — matritsali shtrix kodli) chiqindi paketlari bilan fuqarolar bepul ta’minlanadi. Shuningdek, aholini rag‘batlantirish maqsadida maxsus dastur ham yaratilgan. Buning uchun  “tozauz.uz” ilovasi yuklab olinadi, telefon raqam orqali ro‘yxatdan o‘tiladi.  

   Aholi chiqindini qayta ishlanadigan, qayta ishlanmaydigan va organik toifaga ajratib, shoxobchaga olib boradi. Tadbirkor esa qayta ishlanadigan foydali chiqindini aholidan sotib oladi. Ushbu tizim dastlabki bosqichda Toshkent, Andijon, Buxoro, Termiz, Angren shaharlari va Toshkent tumanida yo‘lga qo‘yilishi rejalashtirilgan.  

Yangiliklar
Batafsil..

Yuk ko'targan yuzaga chiqar


       “Bu ayolga qaysi chiroyli so‘z yarasharkin? Qay ta’rifim uning fidokorligini, jonkuyarligiyu oddiyligini to‘liqligicha ifodalay olishga qodir? Qanday go‘zal so‘z bilan uning qalbida shu kunga qadar hech kim ilg‘amagan javohirotlarining yorqin rangini chizsam ekan?”
     “Daugiztau” konidan qaytyapmanu tafakkurimni cho‘lg‘ab olgan savollarga javob izlayman. Men bugun xazina topdim! Qo‘limda hech qanday geolog yoki marksheyderlik uskunalarisiz bepoyon cho‘llar bag‘ridan ma’dan topib oldim. Bir ma’danki, kashf etilmagan...
Mamlakat Ro‘ziyeva 1971 yilda Navoiy viloyati Xatirchi tumanida tug‘ilgan. Respublikada taniqli agronomlardan bo‘lgan Nazokat ayaning qat’iyatli tarbiyasi asosida katta bo‘lgan qahramonimiz bolaligini xotirlarkan, akasi yo opasining yohud o‘zining quyosh qizdirganda uyqudan uyg‘onganini yoki mehnatdan bo‘yin tovlaganini hech eslay olmaydi. “Saharda baraka bo‘ladi”, derdi otasi. Ruzi boboning og‘ir-bosiqlik va mulohazakorlik bilan aytgan shu ikki jumlasi oiladagi tartib-qoidaning chizig‘i bosilmasligiga kifoya edi, shu bois bolalik uyidagi barcha yumushlar quyoshni kutmasdan boshlanardi. Bu – Mamlakat opaning ota-onasi tomonidan belgilangan, farzandlarining mehnatga sadoqatli bo‘lishini ko‘zlab ko‘rsatilgan oydin yo‘lning boshlanishi edi. Opaning yoshi yarim asrdan oshdiki ana shu qoidani buzmay yashamoqda, bu oltin qoida hayotining quyoshi chiqmay qolgan kunlarida ham, oftob hali boshini ko‘tarmay, uni mardlarcha mehnatga yeng shimarishga undadi.
Mamlakat opaning qirqqa yetay deganda qanoti qirqildi – avtohalokat sabab suyangan tog‘i, turmush o‘rtog‘i O‘ktam aka vafot etdi. Uch bolasiga ota mehridek qaynoq, tog‘dek qudratli suyanch juda-juda kerak paytda, dilbandlarining o‘qishga, uy-joyga zarurati o‘ta muhim davrda ro‘zg‘or zahmati yelkasiga tushdi. Yo‘rgakdan yuqqan mehnatsevarligi bois, tuproq tilini biladigan, biroq, qo‘lida oliy ma’lumotli agronomlik diplomi yo‘q fermer opaning musibat sabab taqdir yo‘llari Kombinatga tutashdi.
2010 yil 9-noyabrda uning Mehnat daftarchasiga “Navoiy kon-metallurgiya kombinati” Shimoliy kon boshqarmasi “Daugiztau” ochiq usulda qazib olish koniga ishlab chiqarish xonalari farroshi etib tayinlangani to‘g‘risidagi qisqa izoh va buyruq raqami yozib qo‘yildi. Mana shu yozuvlar uni va farzandlarini kutayotgan oydin kelajak kafolati ekani Yaratgangagina ayon edi xolos...
Dunyo onalarining orzusi nima? Millati yo irqidan qat’iy nazar, barcha onalar uchun mushtarak orzu bor, bu – jigarbandlarining tinchlik va farovonlik qurshovida unib-o‘sishi. Menimcha, opani cho‘llarga yetaklagan kuch ham uning ona ekani, g‘amxo‘r va suyansang tog‘ bo‘luvchi Kombinat qanoti ostida ro‘zg‘or tebratish, bolalarining hayotida farovonlik bunyod qilish! Og‘riqlarini ichiga yashirib, armonlarini g‘ult-g‘ult yutib yashagan yolg‘iz Onaning mardu maydonligi ham aslida shu bo‘lsa kerak! Opa kam bo‘lmabdi. Farzandlari oilali, baxtdan, o‘zlaridan tinishibdi, bir etak nevarasi bag‘rida, ona uchun bundan ortiq baxt bormi? Uning mana shu baxti bag‘rima’dan tuproqlarni qamrab olgan Kombinat negizida shakllandi. O‘g‘illari shu konda, biri burg‘ulash uskunasi mashinisti, biri mashinist yordamchisi. Qizi ham tog‘-kon sohasi bo‘yicha oliygohda tahsil olmoqda, shu bilan birga, tadbirkorlik bilan ham shug‘ullanadi.

Ish faoliyatim davomida tushunganim, Kombinat tizimidagi bo‘linmalarda mehnat qilish juda ko‘pchilikning orzusi. Buning sabablari barchaga kundek ravshan: mehnat muhofazasi, barqaror ish haqi, qulay ish jadvali va sharoitlari, ijtimoiy himoya, sog‘liqni saqlash, madaniy hordiq, umuman olganda, insonning o‘z hayotidan rozi bo‘lib yashashini ta’minlovchi savobli sabablar ushbu gigant korxonaga har bir odamni ohanrabodek tortadi. “Daugiztau” koni Ma’muriy-xo‘jalik qismi zimmasidagi mas’uliyat zalvori kondagi texnologik jarayonlar kabi g‘oyat ahamiyatli. Bugun, birgina Mamlakat opaning kunlik ish faoliyati negizida kon hududida mehnat qilayotgan xodimlarga yaratilgan sharoitlar bilan tanisharkanman, yaydoq va toshloq bo‘lgan bu yerlarda qulochini yozayotgan turli navdagi daraxtlarni, yashillikni, amalga oshirilayotgan bunyodkorlik va obodonlashtirish ishlarini ko‘rib, qariyb 1400 nafar ishchi-xodimni vaxta asosida kutib-kuzatish jarayonidagi mehnatning zalvorini chamalab hayratlanaman. Bu, ortida katta mashaqqat va mas’uliyatlari uyum-uyum bo‘lgan, biroq, yozish-aytishga oson so‘zlar xolos! Yotoqxona fayzli, ozoda, har bir xonada kondisioner, televizor mavjud, ovqatlanish xonalari mikroto‘lqinli pechlar, muzlatgichlar, elektr gaz plitasi bilan ta’minlangan. Xonalar, yotoq-krovatlariga to‘shalgan choyshablar toza, yuvinish xonalari chinnidek. Har biri bir tonnadan suv saqlaydigan ikki dona suv sig‘imi o‘rnatilgan hammom kunduzgi va tungi smenalarda ishlovchilar uchun xizmatga shay holatda. Bu yerdagi tartib va ozodalikni saqlash og‘izdagi oshmas, turlicha hayot tarzida yashagan xodimlar orasida mehnatning qadrini tushunadigan olijanoblar ham, yohud birovning mehnatini toptaydiganlar ham topiladi. Koinotni kashf etishga qudrati yetgan, sahrolarni dengizlarga ulayotgan odamzot, ba’zan, kichik ko‘ringan, biroq o‘ta og‘riqli bo‘lgan bu kabi kabi masalalar oldida, tarbiya asnosida orttirilgan bo‘shliqlar sabab hamon ojiz qolmoqda. Ana shunday vaziyatlarda ham o‘z vazifasini sidqidildan ado etayotgan, qalbida shukri uyg‘oq tozalik posbonlari, xususan, Bayan Namuratova, Perdegul Kuldiyeva, Nazifa Nuraliyeva, Sohiba Asaboyeva, ishchi Xusanjon Xamroyev kabi halol, mehnatsevar, shijoatli xodimlarning borligi Mamlakat opaga qanot bag‘ishlaydi.
Opaning moʻjaz xonasi. To‘rda qo‘li gul Sohibaning yasagan gullari xuddi tirikdek yashnab turibdi. Oldida kattagina kompyuter. Avvallari, u bino bilan bunisi orasida bo‘zchining mokisidek qatnagan opaga endi, zamona zayli bilan texnik qulayliklar ortib, kuzatuv dasturi o‘rnatilgan kompyuter berishgan. Kompyuterini bir ko‘zdan kechirib olgan Mamlakat opa shkafda taxlog‘liq turgan bir nechta jurnallarini olib, varaqlab nimalarnidir yozadi. Hisob-kitobga no‘noqligim uchunmi u yozayotgan raqamlarga qarab ko‘zim charchaydi. Charchog‘imni sezgan opa stoli ustida bankaga damlangan qizil choyi (karkade)dan uzatadi: “Saxar bo‘lib qolganimni bilmabmanam, shu choy yaxshiykan”, deydi yozuvlaridan ko‘z uzmay xotirjamgina. Mehnat jarayoniga shu qadar singib ketganidan, qizil choyiga ko‘zi tushgandagina kasali esiga keladi. “Shukur, shu yerlarga rizqimizni sochib qo‘ygan ekan, terib yuribmiz-da, yomonlik ko‘rmadik, kamlik ko‘rmadik, kam bo‘lmadik”, deydi baxtiyorlik bilan. Yuziga ajindan rasm solgan og‘riqlar ham, portlolmay ichda qolgan po‘rtanalar ham, o‘rtoq bo‘lib qolgan dardi ham uning shukurli qalbiga zarracha soya solmagan.
Yo‘lim oxirladi. Avtobus ohista to‘xtadi. Yo‘l bo‘yi xayolimni band etgan maqolam qahramoniga ta’rifni Xalq shoirining tafakkurimda tinmay aylangan she’ri o‘yimga keltirib qo‘ydi: ba’zilar tirnoqlar bezagi uchun sarflaydigan vaqtni opa mehnatga, farzandlariga baxshida etgan, zeb va oroni yurakka yo‘naltirilgan!

Nilufar Muydinova
Shimoliy kon boshqarmasi mutaxassisi

Yangiliklar
Batafsil..

Antoniu Guterrish Oʻzbekistonga keldi

Shavkat Mirziyoyevning taklifiga binoan Birlashgan Millatlar Tashkiloti Bosh kotibi Antoniu Guterrish rasmiy tashrif bilan Oʻzbekistonga keldi.

Toshkent xalqaro aeroportida oliy martabali mehmonni Oʻzbekiston Bosh vaziri Abdulla Aripov va boshqa rasmiylar kutib olgan.

Ma'lumot uchun, BMT Bosh kotibi 30-iyun – 1-iyul kunlari rasmiy tashrif bilan mamlakatimizda boʻladi.

Tashrif doirasida Toshkent shahrida oliy darajadagi muzokaralar oʻtkazilishi koʻzda tutilgan.

Kun tartibidan Oʻzbekistonning BMT va uning institutlari bilan koʻp qirrali hamkorligini yanada kengaytirish va mustahkamlash masalalari, shuningdek, global siyosat va mintaqaviy hamkorlikning dolzarb jihatlari oʻrin olgan.

Bundan tashqari, BMT Bosh kotibining qator sanoat va ijtimoiy soha obyektlarini ham borib koʻrishi hamda ikki tomonlama uchrashuv va tadbirlar oʻtkazilishi rejalashtirilgan.

Yangiliklar
Batafsil..

Энг яхши тарбиячилар аниқланди

 Учқудуқдаги давлат мактабгача таълим ташкилотлари методист-тарбиячилари ва тарбиячилари ўртасида «Йилнинг энг яхши тарбиячиси-2024» касбий кўрик танловининг туман босқичи ўтказилди.  Танлов 6 та номинация 

«Энг яхши методист», 

«Энг яхши фидокор тарбиячи», 

«Энг яхши ижодкор-ихтирочи тарбиячи», 

«Инновацион ва ахборот технологияларини қўллайдиган энг яхши тарбиячи», «Энг яхши эко-тарғиботчи тарбиячи»,

«Янги Ўзбекистонда янги авлод болаларини маънавий камолотга етакловчи энг яхши тарбиячи» номинациялари бўйича  жами 42 нафар иштирокчи 3 та шарт асосида беллашишди.

Танлов якунига кўра,

⭐️«Энг яхши методист» номинациясидан 5-сонли МТТ услубчиси- Комилова Наргиза Комиловна 1-ўринни,

⭐️«Энг яхши фидокор тарбиячи» номинациясидан 15-сонли МТТ тарбиячиси Насимова Шаҳодат  Нормуродовна 1-ўринни, 5-сонли МТТ тарбиячиси Ғуломова Нурбека Ғайратовна 2-ўринни, 14-сонли МТТ тарбиячиси Тошпўлатова Ўғилой 3-ўринни,

⭐️«Энг яхши ижодкор-ихтирочи тарбиячи» номинациясидан 15-сонли МТТ тарбиячиси Даулетова Гулсина Абдуалиевна 1-ўринни, 12-сонли МТТ тарбиячиси Бекжанова Джамиля Бийсенбаевна 2-ўринни, 10-сонли МТТ тарбиячиси Жабборова Нигина Фарход қизи 3-ўринни,

⭐️«Инновацион ва ахборот технологияларини қўллайдиган энг яхши тарбиячи» номинациясидан 10-сонли МТТ тарбиячиси Ғайбуллаева Юлдуз Исмаиловна 1-ўринни, 5-сонли МТТ тарбиячиси Холбоева Муножат Абдуазизовна 2-ўринни, 2-сонли МТТ тарбиячиси Ниёзова Шахло  Искандаровна 3-ўринни,

⭐️«Энг яхши эко-тарғиботчи тарбиячи» номинациясидан 10-сонли МТТ тарбиячиси Ўсарова Наргиза Истамовна 1-ўринни, 14-сонли МТТ тарбиячиси Рахмонова Мафтуна 2-ўринни, 15-сонли МТТ тарбиячиси Боборажабова Комила Юсуповна 3-ўринни,

⭐️«Янги Ўзбекистонда янги авлод болаларини маънавий камолотга етакловчи энг яхши тарбиячи» номинациясидан 13-сонли МТТ тарбиячиси Обидова Гулҳаё Акмаловна 1-ўринни, 12-сонли МТТ тарбиячиси Формонова Гулбека Каримжон қизи 2-ўринни, 1-сонли МТТ тарбиячиси Ибодова Дилдора Ризақуловна 3-ўринни қўлга киритиб, мактабгача ва мактаб таълими бўлимининг фахрий ёрлиқлари ва туман таълим ва фан ходимлари касаба уюшмаси бўлинмаси кенгаши томонидан эсдалик совғалари билан тақдирландилар.

Yangiliklar
Batafsil..

Энг яхши тарбиячилар аниқланди

 Учқудуқдаги давлат мактабгача таълим ташкилотлари методист-тарбиячилари ва тарбиячилари ўртасида «Йилнинг энг яхши тарбиячиси-2024» касбий кўрик танловининг туман босқичи ўтказилди.  Танлов 6 та номинация 

«Энг яхши методист», 

«Энг яхши фидокор тарбиячи», 

«Энг яхши ижодкор-ихтирочи тарбиячи», 

«Инновацион ва ахборот технологияларини қўллайдиган энг яхши тарбиячи», «Энг яхши эко-тарғиботчи тарбиячи»,

«Янги Ўзбекистонда янги авлод болаларини маънавий камолотга етакловчи энг яхши тарбиячи» номинациялари бўйича  жами 42 нафар иштирокчи 3 та шарт асосида беллашишди.

Танлов якунига кўра,

⭐️«Энг яхши методист» номинациясидан 5-сонли МТТ услубчиси- Комилова Наргиза Комиловна 1-ўринни,

⭐️«Энг яхши фидокор тарбиячи» номинациясидан 15-сонли МТТ тарбиячиси Насимова Шаҳодат  Нормуродовна 1-ўринни, 5-сонли МТТ тарбиячиси Ғуломова Нурбека Ғайратовна 2-ўринни, 14-сонли МТТ тарбиячиси Тошпўлатова Ўғилой 3-ўринни,

⭐️«Энг яхши ижодкор-ихтирочи тарбиячи» номинациясидан 15-сонли МТТ тарбиячиси Даулетова Гулсина Абдуалиевна 1-ўринни, 12-сонли МТТ тарбиячиси Бекжанова Джамиля Бийсенбаевна 2-ўринни, 10-сонли МТТ тарбиячиси Жабборова Нигина Фарход қизи 3-ўринни,

⭐️«Инновацион ва ахборот технологияларини қўллайдиган энг яхши тарбиячи» номинациясидан 10-сонли МТТ тарбиячиси Ғайбуллаева Юлдуз Исмаиловна 1-ўринни, 5-сонли МТТ тарбиячиси Холбоева Муножат Абдуазизовна 2-ўринни, 2-сонли МТТ тарбиячиси Ниёзова Шахло  Искандаровна 3-ўринни,

⭐️«Энг яхши эко-тарғиботчи тарбиячи» номинациясидан 10-сонли МТТ тарбиячиси Ўсарова Наргиза Истамовна 1-ўринни, 14-сонли МТТ тарбиячиси Рахмонова Мафтуна 2-ўринни, 15-сонли МТТ тарбиячиси Боборажабова Комила Юсуповна 3-ўринни,

⭐️«Янги Ўзбекистонда янги авлод болаларини маънавий камолотга етакловчи энг яхши тарбиячи» номинациясидан 13-сонли МТТ тарбиячиси Обидова Гулҳаё Акмаловна 1-ўринни, 12-сонли МТТ тарбиячиси Формонова Гулбека Каримжон қизи 2-ўринни, 1-сонли МТТ тарбиячиси Ибодова Дилдора Ризақуловна 3-ўринни қўлга киритиб, мактабгача ва мактаб таълими бўлимининг фахрий ёрлиқлари ва туман таълим ва фан ходимлари касаба уюшмаси бўлинмаси кенгаши томонидан эсдалик совғалари билан тақдирландилар.

Yangiliklar
Batafsil..

Энг яхши тарбиячилар аниқланди

 Учқудуқдаги давлат мактабгача таълим ташкилотлари методист-тарбиячилари ва тарбиячилари ўртасида «Йилнинг энг яхши тарбиячиси-2024» касбий кўрик танловининг туман босқичи ўтказилди.  Танлов 6 та номинация 

«Энг яхши методист», 

«Энг яхши фидокор тарбиячи», 

«Энг яхши ижодкор-ихтирочи тарбиячи», 

«Инновацион ва ахборот технологияларини қўллайдиган энг яхши тарбиячи», «Энг яхши эко-тарғиботчи тарбиячи»,

«Янги Ўзбекистонда янги авлод болаларини маънавий камолотга етакловчи энг яхши тарбиячи» номинациялари бўйича  жами 42 нафар иштирокчи 3 та шарт асосида беллашишди.

Танлов якунига кўра,

⭐️«Энг яхши методист» номинациясидан 5-сонли МТТ услубчиси- Комилова Наргиза Комиловна 1-ўринни,

⭐️«Энг яхши фидокор тарбиячи» номинациясидан 15-сонли МТТ тарбиячиси Насимова Шаҳодат  Нормуродовна 1-ўринни, 5-сонли МТТ тарбиячиси Ғуломова Нурбека Ғайратовна 2-ўринни, 14-сонли МТТ тарбиячиси Тошпўлатова Ўғилой 3-ўринни,

⭐️«Энг яхши ижодкор-ихтирочи тарбиячи» номинациясидан 15-сонли МТТ тарбиячиси Даулетова Гулсина Абдуалиевна 1-ўринни, 12-сонли МТТ тарбиячиси Бекжанова Джамиля Бийсенбаевна 2-ўринни, 10-сонли МТТ тарбиячиси Жабборова Нигина Фарход қизи 3-ўринни,

⭐️«Инновацион ва ахборот технологияларини қўллайдиган энг яхши тарбиячи» номинациясидан 10-сонли МТТ тарбиячиси Ғайбуллаева Юлдуз Исмаиловна 1-ўринни, 5-сонли МТТ тарбиячиси Холбоева Муножат Абдуазизовна 2-ўринни, 2-сонли МТТ тарбиячиси Ниёзова Шахло  Искандаровна 3-ўринни,

⭐️«Энг яхши эко-тарғиботчи тарбиячи» номинациясидан 10-сонли МТТ тарбиячиси Ўсарова Наргиза Истамовна 1-ўринни, 14-сонли МТТ тарбиячиси Рахмонова Мафтуна 2-ўринни, 15-сонли МТТ тарбиячиси Боборажабова Комила Юсуповна 3-ўринни,

⭐️«Янги Ўзбекистонда янги авлод болаларини маънавий камолотга етакловчи энг яхши тарбиячи» номинациясидан 13-сонли МТТ тарбиячиси Обидова Гулҳаё Акмаловна 1-ўринни, 12-сонли МТТ тарбиячиси Формонова Гулбека Каримжон қизи 2-ўринни, 1-сонли МТТ тарбиячиси Ибодова Дилдора Ризақуловна 3-ўринни қўлга киритиб, мактабгача ва мактаб таълими бўлимининг фахрий ёрлиқлари ва туман таълим ва фан ходимлари касаба уюшмаси бўлинмаси кенгаши томонидан эсдалик совғалари билан тақдирландилар.

Yangiliklar
Batafsil..
Page 22 of 218

Uchquduq tumani

Tuman markazi - Uchquduq shahri.Tumanning tuzilgan vaqti – 1982 yil 22-aprel. Territoriyasi – 4663 ming2 km. Tuman markazi Navoiy viloyati markazigacha bulgan masofa – 300 km. Aholisi - 37028 ming kishi

Qisqacha ma'lumot

Aloqada bo'ling

  Email: This email address is being protected from spambots. You need JavaScript enabled to view it.
  Telefon: (+99879)222-00-05-101
  Telefon: (+99879)222-00-05-102
  Faks: (0436) 593-11-01
  Manzil: Navoiy viloyati, Uchquduq tumani, Amir Temur ko‘chasi, 28-uy

Ijtimoiy tarmoqlarda: