Нурафшон шаҳрида халқ депутатлари Тошкент вилояти кенгашининг навбатдан ташқари сессияси бўлиб ўтди. 

Kun.uz мухбири хабарига кўра, сессияда иштирок этган ва вилоятга янги ҳоким тавсия қилган давлат раҳбари ҳокимларни бевосита сайлаш ҳақида тўхталиб ўтди.

“Ҳокимлар ҳам бевосита сайлансин, деган гаплар жуда кўп айтилади. Бундан хабарим бор, ўзим ҳам айтганман вақтида. Лекин бир савол: ҳозир биз ҳокимларни сайлашга тайёрмизми? Битта маҳалла раисини адолатли сайлай олмаймиз-ку. Гуруҳларга бўлиниб олиб, ўз яқинларимиз ёки танишларимизни сайлаймиз. 

Жамият тайёр бўлмаган муҳитга бундай сайловларни қўйиш хиёнат эмасми? Мен ҳам ҳокимлар сайланишини жуда ҳам хоҳлайман. Аммо кимни сайлаймиз? Лекин мен ишонаман, вақт келиб, албатта, ҳокимларни ҳам сайлаш жараёнига ҳам етиб келамиз”, деди Шавкат Мирзиёев.

Нурафшон шаҳрида халқ депутатлари Тошкент вилояти кенгашининг навбатдан ташқари сессияси бўлиб ўтди. 

Kun.uz мухбири хабарига кўра, сессияда иштирок этган ва вилоятга янги ҳоким тавсия қилган давлат раҳбари Тошкент вилояти иккига бўлиниши мумкинлигини айтган.

“Ҳозир сизларга бир сирни айтаман. Қўлимда харита турибди. Тошкент вилоятини иккига бўлишни режалаштириб турибман. Конституция бўйича шундай ҳуқуқ менга берилган, таклиф беришим мумкин.

Жимиб қолдинглар, биламан, бу сизларга ёқмайди. Аммо вилоятда бирлик йўқ. Ангреннинг оқсоқоли айтган гапни Чинозликлар қабул қилмайди. Шу билан бирга, вилоятнинг жойлашуви ноқулай, Ангрендан Бекободга етгунча жуда узоқ вақт кетади. 22та ҳудудни бошқариш қийин.

Бу фикрни ҳозирча ўзимда сақлаб турибман. Мана ҳозир Ҳидоятовни сизга раҳбар сифатида тавсия этяпмиз. Яна бир марта имкон бериб, Тошкент вилоятининг ривожланишини кўрмоқчиман”, деди президент сессия иштирокчиларига қарата.

Аввалроқ, Шавкат Мирзиёев Тошкент вилоятининг салоҳияти пойтахтникидан 1,5 баробар юқори эканини айтганди.

“Бир нарсани билинглар – ҳеч бир вилоятда Тошкент вилоятичалик иқтисодий имкониятлар йўқ. Тошкент вилояти салоҳияти Тошкент шаҳридан 1,5 баробар юқори. Буни кеча бош вазир ўринбосарлари, вазирлар ва ҳокимларга битталаб тушунтириб, ҳисоблаб бердим. Биз бу салоҳиятдан фойдалана олмаяпмиз, десак ҳақиқат бўлади. Мен ҳам ҳоким бўлганман, бугунгидек имкониятлар у пайт йўқ эди”, деди президент.

   Куни кеча Учқудуқ туман ҳокими С.Хамроевнинг Қулқудуқ ва Мингбулоқ овулларига ташрифи давомида фуқаролардан келиб тушган  мурожаатларни ҳал этишга доир тезкор йиғилиш ўтказилгани ҳақида хабар бергандик.

   Бугун мутасаддилар Учқудуқ туман Давлат хизматлари маркази директори У.Худойқулов, туман ФҲДЁ бўлими мудири И.Мустафаева Қулқудуқ овулида бўлишди.

  Биринчи манзил Нурлан Айтуғанов хонадони бўлди. Оиланинг кенжа ўғли  Бекжан ўртоқларига ҳавас қилиб: “мен қачон боғчага бораман”  дея ота - онасини ҳоли жонига қўймасди. Оиладаги етишмовчиликлар болажоннинг ўртоқлари сингари боғчага қатнашига монелик қиларди.

   Ушбу масалада кеча туман ҳокимига мурожаат қилган Салтанат Каримбаева бир кунда масаласи ижобий ҳал этилишини сира кутмаган чоғи, хурсандчилигидан қувонч кўз ёшларини тия олмади.

   Бугуннинг ўзида ўғли Бекжанни етаклаб  боғчага борган Салтанатга Учқудуқ туман Давлат хизматлари маркази директори У.Худойқулов йўлланмани шу ерда топширди.

   Бу оиланинг яна бир масаласи. Оила бошлиғи Нурлан Айтуғановни фуқаролик паспортини муддати ўтган. Жаримасини тўлаб паспорт олишга эса моддий имконияти етарли эмас. Бу муаммо ҳам ҳомийлик асосида ҳал бўлаётганидан хабар топган 82 ёшли онахон  Наршагул Каленова дуога қўл очиб, барчани меҳр-мурувват айёми Наврўз байрами билан қутлади.

   Яна бир хонадон Ақилбек Кеубасов. Бу оилага ташриф буюрган мутасаддилар, уч нафар болаларга туман ҳокимлигининг кийим-кечакларини ўзлари билан олиб келишган.

  Асосан овул чорвасини боқиб, рўзғор тебратадиган А.Кеубасов муддати ўтган кредитни тўлашга ҳеч бир имкон тополмаётганини айтиб, кеча туман ҳокимига мурожаат қилганди. Бугун масала ижобий ҳал қилинди. Қийналиб қолган оиланинг муддати ўтган кредити ҳомийлар томонидан тўлаб берилди. Бу ёш оиланинг яшаб турган уйини таъмирлаш ишларига ҳам ҳомийлар жалб этиладиган бўлди.

   Учқудуқда қийналиб қолган фуқаролар масалалари шу тарзда қисқа муддатларда  манзилли ҳал қилинади. Чунки, бугун  фуқаролар мурожаатларини эътиборсиз қолдирмасдан қисқа муддатда ҳал қилиш давлат идоралари раҳбарларининг биринчи даражали вазифаси  қилиб белгилаб берилган.

Учқудуқ туман ҳокимлиги ахборот хизмати.

Навоий вилоятида жорий йил бошидан буён 34 та йўл-транспорт ҳодисаси содир этилган. Шунинг 13 таси инсон ўлими билан боғлиқ. 21 та ҳолатда ҳодиса иштирокчилари тан жароҳати олишган. Бу ҳақда Навоий вилояти ИИБ ЙҲХБ томонидан 17 март куни ўтказилган матбуот анжуманида маълум қилинди.

Вилоят ИИБ ЙҲХБ бошлиғи Анвар Ҳафизовга кўра, ҳозирда вилоят бўйича 276 та МЧЖ мақомидаги тадбиркорлик субъектига бирлашган 6 000 дан ортиқ автотранспорт воситалари эгалари аҳолига йўловчи ташиш хизматини кўрсатади. Ўтган йили пандемия туфайли мазкур автотранспорт воситаларининг аксарияти техник кўрикдан ўтмай қолган. Жорий йилдаги техник кўрик эса уларнинг етмиш фоизга яқини ҳам техник, ҳам маънан йўловчи ташиш талабларига жавоб бермаслигини кўрсатмоқда. 

Ҳудудлар кесимида олиб қараганда, ўлим билан боғлиқ авариялар ўтган йилнинг мос даврига нисбатан Навбаҳор туманида 400 фоизга, Зарафшон шаҳри ва Томди туманида 200 фоизга ошган. Таъкидланишича, автоҳалокатларнинг 15 таси тезликни ошириш, 1 таси пиёдаларга йўл бермаслик, 1 таси светофорга риоя қилмаслик, 2 таси оралиқ масофани сақламаслик, 2 таси қарама-қарши йўналишга чиқиш, 3 таси бошқарув пайтида ухлаб қолиш, 1 таси маст ҳолда машина бошқариш натижасида содир этилган.

2021 йил якунига қадар 15 минг километр паст кучланишли электр тармоқлари ҳамда 4 минг дона трансформаторни янгилаш кўзда тутилган. Натижада Ўзбекистондаги 5 минг 377 та маҳалланинг электр таъминоти яхшиланади. Бу ҳақда «Ҳудудий электр тармоқлари» АЖ раиси Улуғбек Мустафоев 15 март, душанба куни журналистларга берган интервьюсида таъкидлаб ўтди, дея хабар бермоқда «Дарё» мухбири.

Мустафоевнинг таъкидлашича, 2021 йилда ҳам электр энергиясининг нархи ошмаслиги кутилмоқда.

«Тизимда қилинаётган ишлар ва ўзгаришлар ўз-ўзидан бўлаётгани йўқ. Халқимиз манфаати учун катта маблағлар сарфланяпти. Мана икки йилдирки, тарифларни оширганимиз йўқ. Икки йилдан бери 295 сўм турибди.

Беш бармоқ баробар эмас. Айни пайтда тармоғимизда 25 минг нафар одам ишлайди. Тўғри, бизнинг тизимда ҳам ўғриликлар, ножўя қилинаётган ишлар жуда кўп. Аммо аҳолининг фаровон ҳаёт кечириши учун астойдил ишлашга ҳаракат қиляпмиз», — деди Улуғбек Мустафоев.

2021 йилнинг февраль ойи дунёда 2014 йилдан бери кузатилган энг совуқ давр бўлди. Лекин 2021 йилнинг қиш фасли тарих давомида кузатилган энг иссиқ ўнталикдан ҳам жой олди. Бу ҳақда АҚШнинг Миллий океан ва атмосфера тадқиқотлари бошқармасига таяниб «Korrespondent.net» хабар берди.

Олимларнинг сўзларига кўра, Тинч океанининг тропик сувларида Ла-Нинья (бу ерусти сувлари ҳароратининг иқлим нормасидан пастроқ бўлишига таъсир қиладиган шамол) туфайли 2021 йил февраль ойи сайёрамизда сўнгги 7 йил ичидаги энг совуқ ой бўлди.

Шунингдек, жорий қиш мавсуми (декабрь—февраль) дунёда кузатилган иссиқ қишлар бўйича ўнталикнинг саккизинчи ўрнини банд қилди.

Февраль ойида ўртача қуруқлик ва океан сатҳининг ҳарорати 0,65 цельсий бўлди — бу ХХ аср давомида ўртачадан юқори бўлган кўрсаткич. Натижада бу ой дунёдаги энг иссиқ февраль ойларининг бирига айланди, лекин шу билан бирга, 2014 йилдан бери кузатилган энг совуқларидан бири сифатида ҳам эътироф этилди.

Шавкат Мирзиёев 17 март куни Қозоғистон биринчи президенти — элбоши Нурсултон Назарбоев билан телефон орқали мулоқот қилди.

Президент матбуот хизматининг хабар беришича, суҳбат аввалида икки мамлакат етакчилари яқинлашиб келаётган Наврўз байрами муносабати билан бир-бирини самимий қутлаб, қардош халқларга тинчлик, фаровонлик ва равнақ тилади.

Ўзбекистон ва Қозоғистон ўртасидаги кўп асрлик дўстлик, яхши қўшничилик ва стратегик шериклик муносабатларини янада мустаҳкамлашнинг долзарб масалалари кўриб чиқилган.

Туркий кенгашнинг бўлажак саммитига тайёргарлик кўриш масалалари ҳам муҳокама қилинган.

Uchquduq tuman xalq ta'limi bo'limiga qarashli 20-maktabda ta'lim olayotgan o‘quvchi-yoshlarning psixologik salomatligini saqlash, xodimlar va o‘quvchi-yoshlar bilan sodir bo‘lishi mumkin bo‘lgan
noxush holatlar va ta’lim berish, ta’lim olish samaradorligiga salbiy ta’sir etuvchi holatlar, shuningdek ta’lim-tarbiya sifatining pasayishini oldini olish yuzasidan “PSIXOLOGIK SALOMATLIK DEKADASI 10 kunligi” munosabati bilan "ANTI STRESS FEST" trening mashg'ulotlari o'tkazildi .