“2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид давлат дастури тўғрисида”ги 2021 йил 3 февралдаги ПФ–6155-сон Фармон

1) Олий таълимга ажратиладиган давлат грантлари сони 25 фоизга ҳамда эҳтиёжманд оилалар фарзанди бўлган хотинқизлар учун давлат грантлари сони 2 бараварга оширилади, шунингдек, хусусий олий таълим муассасаларида мутахассисларни тайёрлашга давлат гранти бериш тизими жорий этилади;

2) Ишсиз аъзолари бор оилаларга, жумладан, “Темир дафтар”, “Аёллар дафтари” ва “Ёшлар дафтари”га киритилган фуқароларга деҳқончилик билан шуғулланиш имкониятларини кенгайтириш учун: деҳқончилик билан шуғулланиш учун, шу жумладан, янги ўзлаштирилган, лалми, фойдаланилмаётган ер майдонларида 0,1 гектардан 1 гектаргача ер ажратилиши; ажратилган ер майдонлари суғориш тизими (артезиан қудуқлар, томчилатиб суғориш тизими ва бошқалар) ҳамда электр энергияси билан таъминланиши;

берилган ерларни ўзлаштириш учун (ер ҳайдаш, уруғ, кўчат харид қилиш ва бошқалар) субсидия ажратилиши йўлга қўйилади;

3) тадбиркорлик ва ўзини ўзи банд қилиш фаолиятини бошламоқчи бўлган ишсиз, шу жумладан, «Темир дафтар», «Аёллар дафтари» ва «Ёшлар дафтари»га киритилган фуқароларга фаолиятини бошлаш учун керак бўлган асбоб-ускуна, меҳнат қуролларини харид қилиш учун 7 млн сўмгача субсидиялар ажратилади;

4) 2021/2022 ўқув йилидан бошлаб: энг юқори балл тўплаган 200 нафар ёшлар учун Ўзбекистон Республикаси Президенти гранти жорий этилади; икки ва ундан ортиқ фарзанди шартнома асосида ўқиётганларга таълим кредити бериш ва кредитни ўқиш тугагандан сўнг қайтариш жорий этилади;

5) 2021 йил 1 апрелдан бошлаб: хорижий олийгоҳлар магистратура ва докторантурасида ўқишга юбориладиган ёшлар сони 5 баробарга оширилади; 2021 йилда 100 нафар ёшлар хорижга таълим олиш учун юборилади;

6) “Бир миллион дастурчи” лойиҳаси доирасида ёшларни дастурлаш тилларини ўзлаштиришга қизиқтириш орқали улар иш билан таъминланади;

7) Халқаро таълим дастурлари (имтиҳонлар) бўйича энг юқори балл тўплаган ёшларга имтиҳон топшириш харажатлари тўлиқ қопланади;

8) “Ёшлар 1+1» дастури доирасида уюшмаган ва ишсиз ёшлар касб-ҳунар ва тадбиркорликка ўқитилади;

9) Ёш оилаларни арзон уй-жойлар билан таъминлаш мақсадида 2021-2023 йилларда Ёшлар уйларини қуриш дастури амалга оширилади;

10) “Ватанпарвар” базасида ёшларни касбга ўқитишни таъминланади.