Учқудуқ туманида жойлашган Мудофаа вазирлиги тасарруфидаги ҳарбий қисмда янги чақирилган 84 нафар муддатли ҳарбий хизматчилари билан “Ватанга қасамёд” қабул қилиш тадбири ўтказилди.

   Тантанали марш садолари остида майдонга Ўзбекистон Республикаси ва Мудофаа вазирлиги байроқлари олиб кирилди. Шундан сўнг янги чақирилган муддатли ҳарбий хизматчилар она юртимизнинг сарҳадларини, халқимиз тинчлиги ва осойишталигини сўнгги нафаси қолгунча ҳимоя қилишга онт ичиб, Ватанга қасамёд қабул қилди. 

   Ҳарбий оркестр садолари остида Ўзбекистон Республикасининг давлат мадҳияси куйланди.

   Шалхар ОФЙ ҳудудида жойлашган 99818 сонли ҳарбий қисмда туман ИИБ бошлиғи А.Райхонов ва ШКБ директори Н. Ахатов ҳам иштирок этиб Президентимиз томонидан жўнатилган совғаларни ўз эгаларига  топширди.

    Амалдаги пенсия қонунчилигига асосан Чет элда ишлаган даврлар қуйидаги шартларга кўра меҳнат стажига қўшилади:

*2019-йил 1 январга қадар бўлган давр учун - Ўзбекистон Республикаси Молия вазирлиги ҳузуридаги бюджетдан ташқари пенсия жамғармасига суғурта бадаллари тўланган тақдирда;

*2019 йил 1 январдан 2019 йил 31 декабрга қадар бўлган давр учун – ягона ижтимоий тўлов тўланган тақдирда;

*2020 йил 1 январдан – ижтимоий солиқ тўланган тақдирда.

    Чет элда ишлаган даврлар учун ижтимоий солиқлар тўлаш Вазирлар Маҳкамасининг 2016 йил 22 февралдаги 46-сон билан тасдиқланган Низомида белгиланган, бунда чет элда ёлланган ҳолда ишловчи шахс пенсия билан таъминлаш миқдоридан келиб чиқиб, Пенсия жамғармасига ягона ижтимоий тўлов миқдорини мустақил равишда, бироқ йилига Пенсия жамғармасига ягона ижтимоий тўлов тўлаш санасида қонун ҳужжатларида белгиланган пенсияни ҳисоблашнинг базавий миқдорининг тўрт ярим баробари миқдорда белгилаши мумкин.

    Чет элда ёлланган ҳолда ишловчи шахс томонидан ягона ижтимоий тўлов тўлаш қуйидаги тартибда амалга ошириши мумкин. Ҳар ойда ёки ҳар чоракда, бир йўла – Ўзбекистон Республикасига келган кунидан бошлаб уч йил мобайнида.

Лобар ШЕРОВА, 

Бюджетдан ташқари пенсия жамғармаси туман бўлими етакчи инспектори.

    Ўзбекистон Республикаси Президентининг 2021 йил 13 апрелдаги ПК-5072-сон "Бюджет жараёнида фуқароларнинг фаол иштирокини таъминлаш бўйича қўшимча чора-тадбирлар тўғрисида"ги қарори қабул қилинди ҳамда Олий Мажлиси Сенатининг 2021 йил 22 апрелдаги к-213-IV-сон қарорига acocaн "Туман (шаҳар) бюджетларинининг тасдиқланган умумий харажатларининг 5 фоизи, туман (шаҳар) бюджетлари қўшимча маблағларининг камида 30 фоизи жамоатчилик фикри асосида шакллантирилган тадбирларга йўналтириш тартиби тўғрисида"ги Намунавий Низом тасдиқланди.

Ушбу қарорга асосан Халқ депутатлари Учқудуқ туман Кенгашининг 2021 йил 27 апрелдаги 27/189-сонли қарори қабул қилинди ва мазкур қарор билан "Учқудуқ туман маҳаллий бюджети маблағларини жамоатчилик фикри асосида шакллантирилган тадбирларга йўналтириш тартиби тўғрисида"ги Низом тасдиқланди. Қабул қилинган қарор ҳамда Низомга кўра, жамоатчилик фикри асосида тадбирларни шакллантиришнинг янги тартиби жорий этилганлигини инобатга олиб, шунингдек Давлат бюджети ижроси юзасидан маълумотларни фуқароларга сифатли тарзда ёритиб борилиши таъминлаш мақсадида "Очиқ бюджет" ахборот порталининг янги талқини ишлаб чиқилди.

     Жамоатчилик фикри асосида шакллантирилган тадбирларни танлаб олиш, туманда фуқаролар томонидан "Очиқ бюджет" ахборот портали оркали 3 босқичда амалга оширилди.

1- босқич таклифлар бериш, 2-босқич таклифларни кўриб чиқиш ва 3-босқич берилган таклифларга овоз бериш.

1-босқичда Жорий йил 1 февралдан 22 февралга қадар Ўзбекистон Республикаси Молия вазирлигининг "openbudjet.uz" расмий веб сайти орқали мавжуд маҳаллий муаммоларни бартараф этиш мақсадида туманда истиқомат қилувчи фуқаролар учун аҳамиятга эга бўлган жами 165 та таклифлар билдирилди. Ушбу таклифлар соҳаларга ажратилиб тадбирларни суммаларига аниқлик киритиш ва хулоса бериш учун ишчи комиссия аъзоларига тақдим этилди.

2-боскичда Ишчи комиссия аъзолари таклифларни белгиланган мезонлар асосида 23 февралдан 4 мартга қадар ўрганиб чиқиб, комиссия аъзоларининг хулосаларига асосан туманнинг ижтимоий иқтисодий ривожлантириш дастурига киритилган ёки бюджетдан маблағ ажратилиши кўзда тутилган тадбирлар, бир-бирини такрорловчи, Олий Мажлис сенат кенгашининг 2021 йил 22 апрелдаги КК-213-IV-сонли қарор талабларига мос келмайдиган жами 148 та таклифлар рад этилди.

   Ишчи комиссия аъзолари 17 та таклифга ўзларининг ижобий хулосаларини бериб ушбу таклифларни жамоатчилк фикри асосида овоз бериш жараёнига ўтказилди.

3-босқичда Учқудуқ туманида 5 мартдан 1 апрелга қадар "Очик бюджет" ахборот порталида овоз бериш жараёнлари бошланди. Бюджет жараёнида фуқароларнинг фаол иштирокини таъминлаш мақсадида туман бюджетидан 3 949,9 млн.сўм маблағ шакллантирилган эди. Овоз бериш якунига кўра 17 та таклифлар учун фуқаролар томонидан 2045 та онлайн, 3262 та смс орқали жами 5307 та овозлар келиб тушганлиги аниқланди.

    Юқоридаги овоз бериш жараёни якунларига кўра "Очиқ бюджет" ахборот порталида автоматик тарзда ғолиб деб топилган 10 та таклифлар учун 3 949,9 млн.сўм маблағ йўналтирилди.

Шу жумладан

1. Ид раками № 0790400125-сонли "Тумандаги таълим муассасаларнинг ўқув сифатини яхшилаш ҳамда моддий техника базасини мустаҳкамлаш учун халқ таълими бўлимига қарашли таълим муассасаларига янада 10 та электрон (интерактив) доска190 та мусиқа асбоб ускуналари 1 700 та спорт анжомлари 10 000 дона бадий адабиётлар 70 дона молберт (чизмачилик хонаси учун) доска 10 та компютер билан таъминлаш" учун 950.0 млн.сўм (жами 2777 та овоз).

2. Ид раками №0790400164-сонли "тумандаги Дўстлик МФЙ Тоғ кўчаси йўлини таъмирлаш (асфалт ёткизиш) " учун 600.0 млн. сўм (жами 530 та овоз).

3. ИД рақами №0790400135-сонли "тумандаги Йўлчилар ОФЙ аҳолисини турмуш даражасини яхшилаш мақсадида ҳудуддаги юксалиш кўчасини ичимлик суви билан таъминлаш учун ичимлик суви тармоғини қуриш" учун 650.0 млн.сўм (жами 502 та овоз)

4. Ид рақами №0790400131-сонли "туман марказидаги Дўстлик МФИ ҳудудидаги Олтин Тоғ кўчаси ички йўлларни таъмирлаш асфалт ётқизиш" учун 281.0 млн.сўм (жами 378 та овоз).

5. Ид рақами №0790400130-сонли "Йўлчилар ОФЙ ҳудудидаги ички йўлларни таъмирлаш (асфальт ётқизиш) ва қум йўлни тош шағал йўлга алмаштириш" учун 400.0 млн.сўм (жами 314 та овоз).

6. Ид рақами № 0790400154-сонли "тумандаги Дўстлик МФЙ М.Авезов кўчаси йўлини таъмирлаш (асфальт ётқизиш)" учун 250.0 млн.сўм (жами 282 та овоз).

7. Ид рақами №0790400136-сонли "туман ҳудудидаги кўчаларга кўча ёритиш чироқлари ўрнатиш" учун 100.0 млн.сўм (жами 176 та овоз).

8. Ид рақами No0790400163-сонли "тумандаги Мустақиллик МФЙ Қизилқум кўчаси ички йўлини таъмирлаш (асфальт ётқизиш)" учун 500.0 млн.сўм (жами 119 та овоз).

9. Ид рақами №0790400129-сонли "Мустақиллик МФЙ ҳудудидаги туман марказидаги деҳқон бозорга кириш йўлини таъмирлаш" учун 118.9 млн.сўм (жами 95 та овоз).

10. Ид рақами №0790400159-сонли "Тумандаги Абай МФ ҳудудидаги ички йўлни таъмирлаш (асфалт ётқизиш)" учун 100.0 млн.сўм (жами 70 та овоз), таклифлар ғолиб деб топилди.

    Бундан ташқари, Ўзбекистон Республикаси Вазирлар Маҳкамасининг 2022 йил 2 февралдаги 49-сон "Туман (шаҳар)лар маҳаллий бюджетлари параметрларида ҳудудий ички хўжалик йўлларни таъмирлаш учун ажратилган маблагларни жамоатчилик фикри асосида аникланган ички хўжалик йўлларни таъмирлашга йўналтириш тартиби тўғрисида"ги карори кабул килинди. Ушбу қарорга асосан жорий йил апрел ойида жамоатчилик фикри асосида ИЧКИ хужалик йўлларни таъмирлаш тадбирларни шакллантиришнинг ижроси юзасидан маълумотларни фуқароларга сифатли тарзда ёритиб борилишини таъминлаш мақсадида "Менинг йўлим" ахборот порталининг ишлаб чикилди.

   Жорий йил 4 апрелдан 19 апреллга қадар "Менинг йўлим" расмий веб сайти орқали мавжуд маҳаллий ички хўжалик йўлларни таъмирлаш мақсадида туманда истиқомат қилувчи фуқаролар томонидан жами 4 та таклиф билдирилди.

   Шу жумладан

1. Ид рақами № 0790500001-сонли "Тумандаги А.Темур шох асосий кўчасидаги автомабил йўлини учун. 

Ид рақами № 0790500002-сонли "тумандаги Қурувчилар кўчаси асосий йўлини таъмирлаш (асфалт ёткизиш) " учун. 11

3. Ид рақами №079050003-сонли A. Темур 21-23 куча уй олди ички йўлларни таъмирлаш асфалт ёткизиш" учун.

4. Ид рақами № 0790500004-сонли "Тумандаги Мустақиллик шох асосий кўчасидаги автомабил йўлларини таъмирлаш учун овоз бериш жараёнлари давом этмоқда.

Учқудуқ туманида 20 апрелдан 30 апрелга қадар "Менинг йўлим" ахборот порталида овоз бериш жараёнлари бошланди. Бюджет жараëнида фуқароларнинг фаол иштирокини таъминлаш мақсадида бюджетдан 2 250,0 млн.сўм маблаг шакллантирилган.

Учқудуқ туман молия бўлими.

    Куни кеча туман ҳокимлиги катта мажлислар залида Халқ депутатлари Учқудуқ туман Кенгашининг навбатдаги 46-сессияси бўлиб ўтди. Сессия ишида депутатлар, сектор раҳбарлари, туман ҳокими ўринбосарлари, кун тартибила муҳокама қилинган масалаларга тегишли бўлган корхона-ташкилот ва муассаса раҳбарлари, ОАВ вакиллари иштирок этишди. Мажлисни туман кенгаши раиси, туман ҳокими С.Хамроев олиб борди.

    Депутатлар Халқ депутатлари Учқудуқ туман Кенгашига сайловларни ўтказувчи туман сайлов комиссияси раиси У.Бурановнинг ахборотини тингладилар. Сайлов комиссияси раиси ўз ахборотида ўрни бўшаб қолган депутатлик сайлови жорий йилнинг 27 мартида 1-сонли Алтинтау сайлов округи ва 4-сонли Ёшлар сайлов округига ўтказилганлигини таъкидлади. 1-сонли Алтинтау сайлов округидан туман кенгашига сайланган депутат Мўминов Элбек Рўзимуродович ҳамда 4-сонли Ёшлар сайлов округидан туман кенгашига сайланган депутат Салимов Улуғбек Тоировичларнинг депутатлик ваколатлари эътироф этилди.

    Туманда ташкил этилган ишчи гуруҳлари томонидан уйма-уй юриш орқали аниқланган муаммоларни тизимли равишда ҳал этиш мақсадида “Аёллар дафтари” нинг 3-босқич рўйхатини ва “Йўл харита”сини тасдиқлаш тўғрисидаги масалани муҳокама қилдилар.

    Ўзбекистон Республикаси Вазирлар Маҳкамасининг 2022 йил 31 мартда “Хотин-қизлар муаммоларини ўрганиш ва ҳал этиш тизимини янада такомиллаштириш чора-тадбирлари тўғрисида”ги 145-сон қарори тасдиқланди. Мазкур қарорга асосан “Аёллар дафтари”ни юритиш орқали хотин-қизлар муаммоларини тизимли равишда ҳал этиш ва уларни ижтимоий қўллаб-кувватлаш тартиби тўғрисида низом ишлаб чиқилди. Ушбу Низом кам таъминланган ва эҳтиёжманд хотин-қизларнинг муаммоларини маҳаллабай ўрганиш ва ҳал этиш ҳамда уларни ижтимоий-иқтисодий ва ҳуқуқий қўллаб-қувватлаш тартибини белгилайди. “Аёллар дафтари”га киритилган хотин-қизларга 6 тоифа бўйича алоҳида манзилли ва 3 тоифа бўйича умумий ёрдам кўрсатилади.

    Туманимизда жорий йилнинг январь ойида хотин-қизларни ижтимоий-ҳуқуқий, психологик, тиббий ва моддий қўллаб-қуватлаш бўйича маҳалла фуқаролар йиғинларида тузилган ишчи гуруҳлар томонидан хатлов ўтказилди ва ўтказилган хатлов натижаларига кўра туманда 317 нафар эҳтиёжманд хотин-қизларнинг муаммолари борлиги аниқланди. Бу 317 нафар хотин-қизлар уларга кўрсатиладиган ёрдам турларига кўра қуйидаги 6 та тоифага ажратилиб, манзилли ёрдам кўрсатиш белгилаб олинди:

   1-тоифа: ижтимоий ҳимояга муҳтож ишсиз хотин-қизлар бўлиб, бу тоифага ишсиз ва даромад манбаига эга бўлмаган, бироқ ишлаш истагида бўлган эҳтиёжманд хотин-қизлар киради.

   Бу тоифага туманимиз бўйича 51 нафар хотин-қизларимиз киритилди ва жорий йил якунига қадар уларнинг 28 нафарини доимий ишга жойлаштириш, 5 нафарини ҳақ тўланадиган жамоатчилик ишларига жалб қилиш ва 18 нафарини касб-ҳунарга ўқитиш орқали субсидия асосида бандлигини таъминлаш белгилаб олинди. 

   2-тоифа: тадбиркорлик қилиш истагида бўлган эҳтиёжманд хотин-қизлар бўлиб, бу тоифага ишсиз, бироқ тадбиркорлик билан шуғулланиш истагида бўлган эҳтиёжманд хотин-қизлар киради.

   Бу тоифага туманимиз бўйича 35 нафар хотин-қизларимиз киритилди ва жорий йил якунига қадар секторлар кесимида ҳар бир маҳалладаги ҳоким ёрдамчилари масъуллигида уларнинг тадбиркорлик фаолиятини йўлга қўйиб бериш белгилаб олинди

    3-тоифа: боқувчиси бўлмаган эҳтиёжманд хотин-қизлар бўлиб, бу тоифага:

1) боқувчиси вафот этганлар;

2) боқувчиси жазони ижро этиш муассасаларида сақланаётганлар;

3) боқувчиси руҳий касалликка чалинганлар;

4) боқувчиси I-II гуруҳ ногирони бўлганлар;

5) боқувчиси бедарак йўқолганлар;

6) никоҳи бекор қилинган эҳтиёжманд хотин-қизлар; 

7) эҳтиёжманд ёлғиз оналар киради. 

   Бу тоифага туманимиз бўйича 142 нафар хотин-қизларимиз киритилди ва жорий йил якунига қадар уларнинг 91 нафарига “Аёллар дафтари жамғармаси” маблағлари ва 51 нафарига “Саховат ва кўмак” жамғармаси маблағлари ҳисобидан моддий ёрдам кўрсатилиб, муаммоларини бартараф этиш бўйича манзилли дастурлар белгиланди

4-тоифа: ижтимоий ёрдамга муҳтож I ва II гуруҳ ногиронлиги бўлган, шунингдек тезкор тиббий ёрдамга муҳтож эҳтиёжманд хотин-қизлар бўлиб, бу тоифага туманимиз бўйича 53 нафар хотин-қизларимиз киритилди ва жорий йил якунига қадар уларнинг саломатлигини тиклаш учун манзилли чора-тадбирлар белгиланди. Жумладан, фуқаролар даволаниш учун “Аёллар дафтари жамғармаси” маблағлари ҳисобидан 32 нафар ҳамда “Саховат ва кўмак” жамғармаси маблағлари ҳисобидан 21 нафарига дори-дармон учун моддий ёрдам, 5 нафари туман тиббиёт бўлими томонидан тиббий ордер билан таъминланади.

5-тоифа: уй-жойга муҳтож эҳтиёжманд хотин-қизлар бўлиб, бу тоифага:

– нотурар жойларда истиқомат қилаётган;

– доимий яшаш учун турар жойи бўлмаган;

– бир хонадонда (кичик ҳовлида) уч ва ундан ортиқ оила яшаётган, яъни уй-жой майдони белгиланган ижтимоий нормадан кам бўлган, бироқ ўзининг ёки биргаликда яшовчи оила аъзоларининг номида турар жой мавжуд бўлмаган;

– хусусий уй-жой фондида ижара ҳуқуқи асосида истиқомат қилаётган эҳтиёжманд хотин-қизлар киради.

    Туманимиз бўйича бу тоифага киритиш мумкин бўлган фуқаролар бор, аммо жорий йилда бу муаммонинг ечими бўлган ижтимоий уй-жой фонди мавжуд бўлмаганлиги сабабли, бу тоифага ҳеч кимни “Аёллар дафтари”га кирита олмадик

6-тоифа: қарамоғида ногиронлиги бўлган фарзанди мавжуд эҳтиёжманд хотин-қизлар бўлиб, ушбу тоифага вояга етмаган ногирон фарзандини боқаётган эҳтиёжманд хотин-қизлар киради.

    Бу тоифага туманимиз бўйича 36 нафар хотин-қизларимиз киритилди ва жорий йил якунига қадар уларнинг ногирон фарзандларини парваришлаш ва даволатиш учун “Аёллар дафтари жамғармаси” ҳисобидан 15 нафар ҳамда “Саховат ва кўмак” жамғармаси маблағлари ҳисобидан 21 нафар хотин-қизларга бир марталик моддий ёрдам бериш белгиланди.

3- ва 4-тоифага киритилган хотин-қизларнинг зарур ҳолларда, огир турмуш шароитидаги (уй-жойи таъмирлашга мухтож, бирок оиласининг моддий имконияти етмайдиган) хотин-қизларнинг уй-жойларини сектор рахбари хулосаси асосида таъмирлаш ҳам мумкин. Туманимиз бўйича “Аёллар дафтари”га киритилган хотин-қизлардан 4 нафарининг уйи таъмирга муҳтож бўлиб, “Аёллар дафтари” жамғармаси маблағлари ҳисобидан бу муаммо ҳал этилади.

    Ушбу шакллантирилган “Аёллар дафтари” рўйхатидаги хотин-қизларнинг муаммоларини ҳал этиш учун юқорида келтирилган кўрсаткичлар бўйича ҳар бир фуқаро учун индивидуал дастур (317 та) ҳамда шу дастурлар асосида туман миқёсида манзилли йўл харитаси ишлаб чиқилди. Галдаги вазифа, мазкур йўл харитаси халқ депутатлари туман кенгаши томонидан тасдиқланганидан сўнг, хотин-қизларнинг муаммоларини индивидуал дастур асосида ҳал этиш чораларини кўриш ҳисобланади ва 1 майдан бошлаб бу ишга киришилади. Йил якунига қадар йўл харитасида белгиланган вазифалар бажарилиши ва ҳар бир хотин-қиз муаммоси ечим топганлигини индивидуал дастурда имзо билан тасдиқлаганидан сўнг декабрь ойида яна туман кенгаши розилиги билан “Аёллар дафтари”дан чиқарилади.

    Шунингдек, туманимиздаги 10-умумий ўрта таълим мактабининг вакант директорлик лавозимига тавсия этилган номзодларнинг таълим муассасасини ривожлантиришнинг уч йиллик дастури билан иштирок этиб, энг яхши деб топилган номзодни директорликка тавсия этиш тўғрисидаги масала ҳам кўриб чиқилди.

   Номзодларнинг уч йиллик дастури билан танишган депутатлар Бафоев Шаҳло Жумаевна номзодини 10-умумий ўрта таълим мактаби директори лавозимига тавсия этишди.

   Бундан ташқари, сессияда ташкилий масалалар ҳам кўрилди. Учқудуқ туман ҳокимининг инвестициялар, инновациялар, хусусийлаштирилган корхоналарга кўмаклашиш ва кичик саноат зоналари ҳамда туризмни ривожлантириш масалалари бўйича ўринбосари Ф.Ғаффоров бошқа ишга ўтганлиги муносабати билан вазифасидан озод этилди. Шунингдек, Учқудуқ туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари - иқтисодий тараққиёт ва камбағалликни қисқартириш бўлими бошлиғи лавозимига Шакаров Дилшод Эсанович тасдиқланди.

    Халқ депутатлари Учқудуқ туман Кенгашининг навбатдаги 46-сессияси кун тартибида муҳокама қилинган масалалар юзасидан тегишли қарорлар қабул қилинди ва ижрога қаратилди.

 УЧҚУДУҚ ТУМАН ҲОКИМЛИГИ МАТБУОТ ХИЗМАТИ.

   Ўзбекистон Республикаси Президентининг 2021 йил 9 августдаги “Бола ҳуқуқларининг кафолатларини таъминлаш тизимини янада такомиллаштириш чора-тадбирлари тўғрисида”ги ПФ-6275-сонли Фармони ижросини таъминлаш бўйича Учқудуқ туман ҳокимининг 2021 йил 24 августдаги 31-5-76-Қ/2-сонли қарори қабул қилинди. Ушбу қарорнинг 4-бандининг 3-иловасига асосан 15 кишидан иборат Болалар масалалари бўйича Учқудуқ туман комиссиясининг намунавий таркиби тасдиқланди.   

        Бугунги кунда Болалар масалалари бўйича Учқудуқ туман комиссияси йиғилишларида боланинг ҳуқуқлари, эркинликлари ва қонуний манфаатларини ҳимоя қилиш ва тиклаш, болаларнинг жисмоний, интеллектуал, маънавий ва ахлоқий камол топишига кўмаклашиш, боланинг ота-она қарамоғидан маҳрум бўлишининг олдини олиш чораларини кўриш, болалар ўртасида назоратсизлик ва ҳуқуқбузарликлар профилактикасига оид маълумотларни таҳлил қилиш, болалар ўртасида назоратсизлик ва ҳуқуқбузарликларни олдини олиш, вояга етмаганларнинг ота-оналар ёки уларнинг ўрнини босувчи шахслар томонидан болаларни тарбиялаш ва уларга таълим бериш борасидаги мажбуриятларни бажармаслиги, шу жумладан вояга етмаган болаларнинг маъмурий ҳуқуқбузарликларни келтириб чиқарувчи шароитлар ва сабабларни аниқлаш ҳамда бартараф этиш мақсадида болалар ва уларнинг ота-оналар ёки уларнинг ўрнини босувчи шахсларга нисбатан тўпланган ҳужжатлар ўрганилиб, муҳокама қилиниб келинмоқда. 

           Жумладан:   22 апрел куни Учқудуқ туман ҳокимлигиининг кичик мажлислар залида Болалар масалалари бўйича Учқудуқ туман комиссиясининг навбатдаги йиғилиши бўлиб ўтди. Унда болаларнинг ҳатти-ҳаракатлари муҳокама қилинди. Комиссия йиғилишида комиссия аъзолари, тегишли ташкилот раҳбарлари иштирок этдилар.  

Учқудуқ тумани ИИБ ХТБ вояга етмаганлар масалалари бўйича катта инспектор психологи майёр Мухторов Шахриддин Нарзуллаевич 

    Учқудуқ туман маҳаллий бюджетининг 2022 йил тасдиқланган маҳаллий бюджет даромадлари режаси 50 млрд 643 млн 200 минг сўм белгиланган. 

    1-чорак маҳаллий бюджет даромадлари режаси 7 578,6 млн.сўм белгиланган бўлиб, белгиланган режа 8 890,5 млн.сўмга бажарилиб кўшимча 1 311,9 млн.сўм ёки режа 117,3 фоизга бажарилиши таъминланди.

   Шундан;

Январ ойи маҳаллий бюджет даромадлари режаси 

2 457,5 млн.сўм белгиланган бўлиб, белгиланган режа 2 665,8 млн.сўмга бажарилиб кўшимча 208,3 млн.сўм ёки режа 108,5 фоизга бажарилиши таъминланди.

феврал ойи маҳаллий бюджет даромадлари режаси 

2 625,6 млн.сўм белгиланган бўлиб, белгиланган режа 2 750,9 млн.сўмга бажарилиб кўшимча 125,4 млн.сўм ёки режа 104,8 фоизга бажарилиши таъминланди.    

март ойи маҳаллий бюджет даромадлари режаси 

2 495,6 млн.сўм белгиланган бўлиб, белгиланган режа 3 473,8 млн.сўмга бажарилиб кўшимча 978,3 млн.сўм ёки режа 139,2 фоизга бажарилиши таъминланди.

    Маҳаллий бюджет даромадлар режасини кўпайтириш қўшимча манбаалар аниқлаш мақсадида, Ўзбекистон Республикаси Вазирлар Маҳкамасининг 

2017 йил 29 июндаги “Маҳаллий бюджетларнинг даромадлар базасини кенгайтириш захираларини аниқлаш ишларини ташкил этиш чора-тадбирлари тўғрисида”ги 445-сонли қарорлари ижросини таъминлаш мақсадида солиққа тортиладиган базани кенгайтириш ҳисобига Молия бўлими ходимлари ўз олдимизга 4 та йўналиш белгилаб олганмиз ушбу йўналишлар бўйича 2021 йил 1 апрел холатига 96,9 млн.сўм қўшимча маблағлар туширилишига эришилди. 

I-йўналиш бўйича; Жисмоний шахсларнинг мол-мулклари ва ер участкаларини давлат солиқ хизмати органларида тўлиқ ҳисобга олиш ва мол-мулкни кадастир қийматидан келиб чиқиб хисоблаш орқали тушумни кўпайтириш ҳисобидан мулк солиғи бўйича 3 нафар фуқоролардан 1,7 млн,сўм, ер солиғи бўйича 3 нафар фуқоролардан 3.7 млн.сўм;

II-йўналиш бўйича; Туман худудида якка тартибдаги тадбиркорлик фаолияти билан белгиланган тартибда рўйхатдан ўтмасдан фаолият юритиб келаётган тадбиркорлик субъектларини қайта рўйхатдан ўтказиш натижасида 5 та якка тартибдаги тадбиркорлик фаолияти йўлга кўйилди.    

   Изоҳ: (Ушбу ЯТТлар ЎРПҚ-3301-сонли қарорига асосан 2017 йил 

1-октябрдан 2028 йил 1-январгача қатьий солиқдан имтиёз берилганлиги учун тўлов амалга оширилмайди, фақатгина ЯТТлар учун хар ойда енг кам иш ҳаққининг 1 барабари миқдорида сўғирта бадали тўлайди).

III-йўналиш бўйича; Давлат солиқ хизмати органларида солиқ хисобида турмасдан ноқонуний тадбиркорлик фаолияти билан шуғилланаётган, қўшимча даромад олиб, уни кўрсатмаётган, жисмоний шахслар яъни ходимлар сонини камайтириб кўрсатиш натижасида 42 та умумовкатланиш, савдо корхоналаридан 50,5 млн,сўм; 

 IV-йўналиш бўйича; Туман худудидаги Бозорлар ва савдо комплекслари фаолиятидан тушадиган тушумларни тўлиқ қамраб олиш ҳамда бошқа фаолиятлар бўйича (ижара шартнома, ёлланма ишчи ......) 49 нафар субъектлардан 32,3 млн,сўмлик қўшимча даромад манбалари аниқланди.

2021 йил 1 апрел холатига туман Давлат солиқ идораси билан хамкорликда 102 та ҳолатда 96,9 млн.сўмлик қўшимча даромад манбалари аниқланди ва ҳозирги кунда 102 та ҳолатдан 67,8 млн.сўм солиқ тўшумлари ўндирилди. 

Туман маҳаллий бюджетининг харажатлари 2022 йил учун жами харажатлари 86 млрд 782,4 млн.сўм миқдорида белгиланди 

   Шундан, 2022 йил 1 чорак харажатлар қисми 27.5 млрд сўм маблағлар ажратилган бўлиб, ушбу ажратилган маблағларнинг соҳалар кесимида таҳлил қиладиганда; 

    Мактабгача таълим соҳасига 3.7 млрд сўм ажратилган бўлиб, шундан иш хақи ва унга тенглаштирилган тўловларга 192 млн 946 минг сўм, коммунал тўловларга 1 млрд 376 млн 724 минг, Озиқ- овқат харажатларига 799 млн 188 минг сўм ва бошқа сақлаш харажатларига 413 млн 103 сўм маблағлар ажратилиб молиялаштириш ишлари амалга оширилди.

   Халқ таълими соҳасига 4 млрд 376 млн 503 минг сўм маблағлар режалаштирилиб иш хаққи ва унга тенглаштирилган тўловларга 1 млрд 974 млн 611 минг сўм, коммунал тўловларга 1 млрд 206 млн 045 минг ва бошқа сақлаш харажатларига 279 млн 121 минг сўм маблағлар ажратилиб молиялаштириш ишлари амалга оширилди.

  Соғлиқни сақлаш соҳасига 7 млрд 735 млн 131 минг сўм маблағлар режалаштирилиб иш хаққи ва унга тенглаштирилган тўловларга 6 млрд 569 млн. 256 минг сўм, дори-дармон харажатлари учун 104 млн 791 минг, коммунал тўловларга 283 млн 363 минг ва бошқа сақлаш харажатларига 165 млн 083 минг сўм маблағлар ажратилиб молиялаштириш ишлари амалга оширилди.

  Ободонлаштириш бошқармасига 3 млрд 741 млн 155 минг сўм маблағлар режалаштирилиб иш хаққи ва унга тенглаштирилган тўловларга 1 млрд 968 млн. 231 минг сўм, коммунал тўловларга 75 млн 694 минг ва бошқа сақлаш харажатларига 400 млн 138 минг сўм ажратилиб молиялаштириш ишлари амалга оширилди.

 Давлат хокимияти ва бошқарув органларига 3 млрд 463 млн 194 минг сўм маблағлар режалаштирилиб иш хаққи ва унга тенглаштирилган тўловларга 2 млрд 487 млн. 923 минг сўм, коммунал тўловларга 55 млн 698 минг ва бошқа сақлаш харажатларига 664 млн 456 минг сўм маблағлар ажратилиб молиялаштириш ишлари амалга оширилди.

   Маданият ва спорт соҳаларига 1 млрд 079 млн 454 минг сўм маблағлар режалаштирилиб иш хаққи ва унга тенглаштирилган тўловларга 974 млн. 250 минг сўм, коммунал тўловларга 17 млн 973 минг ва бошқа сақлаш харажатларига 39 млн 680 минг сўм ажратилиб молиялаштириш ишлари амалга оширилди.

   Бундан ташқари туман маҳаллий бюджетидан молиялашатириладиган бошқа харажатлар учун 3 млрд 500 млн 

 977 минг сўм маблағлар режалаштирилиб, нафақаларга 381.0 млн сўм, якка ёлғизлар учун озиқ-овқатга 13.0 млн сўм, ёшлар ва аёллар дафтарига 516,0 млн сўм, фуқароларнинг ташаббусли жамғармасига 2.5 млн сўм ажратилиш ишлари амалга оширилди.

Бундан ташқари, жорий йил 1-чорагида туман маҳаллий бюджетининг йил бошидаги эркин қолдиқ 1357.7 млн сўм шакллантирилди.

Ушбу йил бошидаги маблағларда қуйидаги йўналишларга ажратилди ва молиялаштирилиши таъминланди: Жумладан;

Соҳалар кесимида қарайдиган бўлсак, таълим тизимининг пойдевори бўлган Мактабгача таълим ташкилотларининг ижтимоий инфратузилмаларинимустаҳкамлаш,моддий техника базаларини мустахкамлаш ва киз-қиш мавсумини беталофот ўтказиш харажатлари учун 41.0 млн.сўм ;

Халқ таълим сохасини оладиган бўлсак моддий техника базаларини мустахкамлаш учун 40.3 млн сўм;

   Ижтимоий соҳанинг яна бир бўғини бўлган Соғликни сақлаш муассасалари учун моддий техника базаларини мустахкамлаш ва дори –дармон харажатларига 103.0 млн.сўм қўшимча маблағлар йўналтирилди. 

   Бундан ташқари худудни ободонлаштириш ишлари, туман марказидаги Айтим МФЙ худудидаги “Болалар боғи”да монимент (стела) таъмирлаш, туман аҳолисига қулайлик яратиш мақсадида кўча ёритқиш чироқлари ҳамда электр-энергия учун тармоқ кабеллари ва аҳолисига қулайлик яратиш мақсадида “Ақилли устунлар” харажатлари учун туман ободонлаштириш бошқармасига 

 228.4 млн.сўмқўшимча маблағлар йўналтирилди.

Ўзбекистон Республикасининг Президентининг 2021-йил 

26-феврал куни бўлиб ўтган селектор йиғилишида аёллар ва кизларни муоммоларни хал килиш хамда уларни хар томонлама кўллаб-кувватлаш максадида "Аёллар дафтари" жамғармасига 75.0 млн. сўм, Ўзбекистон Республикаси Вазирлар Маҳкамасининг 2021-йил

   11 мартдаги "Ёшларни ижтимоий қўллаб-қувватлаш бўйича қўшимча чора-тадбирлар тўғрисида"ги 132-сонли қарорининг 2-банди банди ижросини таъминлаш мақсадида ёшларни ижтимоий-иқтисодий муаммоларни ҳал этиш учун "Ёшлар дафтари" жамғармасига 

260.0 млн.сўм маблағлар йўналтирилди.

Ўзбкистон Республикаси Президентининг 2021 йил 13 апрелдаги "Бюджет жараёнида фуқароларнинг фаол иштирокини таъминлаш бўйича қўшимча чора-тадбирлари тўғрисида"ги ПҚ-5072-сонли қарор ижросини таъминлаш мақсадида Очиқ бюджет жамғармасига 

409.6 млн. сўммаблағ йўналтирилди.

Ўзбкистон Республикаси Президентининг 2021 йил 9августдаги "Ётим болалар ва ота-она қарамоғидан маҳрум бўлган болаларни давлат томонидан қўллаб-қувватлашнинг янги тизимини жорий этиш чора-тадбирлари тўғрисида"ги ПҚ-5216-сонли қарори асосида ётим болалар ва ота-она қарамоғидан маҳрум бўлган болаларга туман ғокими томонидан ажратилган уй-жойларнинг коммунал хизматлари учун 1.1 млн. Сўм маблағ йўналтирилди.

Ўзбекистон Республикаси Вазирлар Маҳкамасининг 2019 йил 

20 декабрдаги "Тадбиркорлик ва шахарсозлик фаолиятини амалга ошириш учун бўш турган ер участкаларини бериш тартиб-таомилларини янада такомиллаштириш чора-тадбирлар тўғрисида"ги 1023-соли қарорининг 1-иловаси 8-банди ижроси бўйича архитектура ва режалаштириш ишлаб чикиш харажатларига 81.0 млн сўммаблағ йўналтирилди.

Халқ Депутатлари Навоий вилояти Кенгашининг 2021-йил 

29 июндаги 222-сонли қарорига асосан 1-сектор котибига, лавозим маошига 50% устама хақи харажатларига 12.3 млн сўм туман ҳокимлигига қўшимча маблағлари йўналтирилди.

   Ўзбекистон Республикаси Вазирлар Махкамасининг 2021 йил 

   28 декабрдаги "Фуқароларнинг ўзини ўзи бошқариш органлари ходимларини рағбатлантириш жамғармаси тўғрисидаги низомни тасдиқлаш ҳақида"ги 779-сонли қарри ижросини таъминлаш максадида фуқароларнинг ўзини ўзи бошқариш органлари ходимларини рағбатлантириш жамғармасига 20.0 млн сўм, Ўзбекистон Республикаси Вазирлар Маҳкамасининг 2021 йил 

   23 февралдаги "Фуқароларнинг ўзини ўзи бошқариш органлари фаолиятида фаол иштирок этиб келаётган фуқароларни рағбатлантириш тартибини жорий этиш тўғрисида"ги 99-сонли қарорига асосан фуқароларнинг ўзини ўзи бошқариш органлари фаолиятида фаол иштирок этиб келаётган фуқароларни рағбатлантириш тариқасида уларга коммунал хизматлар учун мажбурий тўловлар бўйича базавий ҳисоблаш миқдорининг 50 фоизи миқдорида ҳар ойда компенсация пул тўловларини тўлаб бериш хараджатларига 12.6 млн сўм, туман Маҳалла ва оилани қўллаб-қувватлаш бўлимига қўшимча маблағлар йўналтирилди.

   Шу биилан бирга туман маҳаллий бюджетининг бошқа ташкилотларига моддий техника базасини мустаҳкамлаш, тадбир харажатлари ва бошқа харажатлар учун 31.6 млн.сўм маблағлар йўналтирилди.

     Соғлом турмуш тарзини шакллантиришнинг асл моҳиятини ташкил этувчи асосий омиллардан бири бу соғлом (тўғри) – рационал овқатланишдир. Рационал овқатланиш муаммоси, аҳоли орасида соғлом турмуш тарзини шакллантиришнинг энг асосий ва етакчи тамойилларидан бири ҳисобланади. Соғлом овқатланиш – соғлом турмуш тарзининг асосий йўналишларидан бири бўлиб, соғлом овқатланиш илм ва кўникмаларидан хабардор бўлиш ҳар бир инсон учун зарурдир. Соғлом овқатланиш – бу инсоннинг ўсиши, меъёрий ривожланиши ва ҳаёт фаолиятини, унинг саломатлигини мустаҳкамлашга ҳамда касалликларнинг олдини олишни таъминлашга имконият берувчи овқатланишдир.

         Овқатланиш – бу, озиқаларнинг организмга тушиши, ҳазм бўлиши, сўрилиши ва ўзлаштирилиши билан кечадиган тўқима ва ҳужайраларнинг таркиб топишида зарур бўлган, организмда сарфланган энергияни қопловчи ва унинг функциясини бошқарувчи мураккаб жараёндир.

         Овқатланиш жараёнининг ўзи инсон ҳаётининг асоси бўлиб, унинг саломатлиги, узоқ умр кўриш ва самарали меҳнат қилиш омили ҳисобланади. Шунинг учун овқатланиш рационал, тизимли, мувофиқлашган, ёшига, жинсига, касб фаолиятига ҳамда саломатлик ҳолатига мос келиши лозим.

          Тўғри ва тартибли овқатланиш юрак – қон-томир кассалликлари, буйрак, ошқозон-ичак хасталиклари, қандли диабет, баъзи хавфли ўсмалар ва қатор турли кассалликларнинг ривожланиш хавфини камайтириши исботланган.

        тўғри овқатланиш учун одам хилма-хил маҳсулотларни еб туриши лозимлиги соғлом овқатланиш тамойилларининг биринчи шартидир. 

 Соғлом овқатланиш ҳақидаги замонавий тасаввур учта асосий ёндашувга асосланади: баланслашган, адекват ва оптимал овқатланиш.

         Баланслашган овқатланиш истеъмол қилинган ва сарфланган энергия ўртасидаги баланс билан ифодаланади, бир кунлик ўртача овқат билан истеъмол қилинган энергиянинг асосий қисми кун давомида сарфланиши лозим. 

         Адекват овқатланиш кўп жиқатдан индивидуал хусусиятга эга бўлиб, одамни у ёки бу озиқ-овқат маҳсулотларига муносабати билан ифодаланади. Озиқа маҳсулотларнинг турли-туманлиги сабабли организм уларни турлича қабул қилади, шунинг учун соғлиққа фойдали, яхши ҳазм бўладиган, умумий аҳволни яхшилаб кайфиятни кўтарадиган овқат одам учун адекват ҳисобланади.

         Оптимал овқатланиш тушунчаси озиқ-овқат маҳсулотларини турли-туман бўлиши билан характерланади.  

         Ҳаётнинг турли даврларида организмда кечадиган функционал жараёнлар ҳамда моддалар алмашинувининг ўзгаришлари туфайли одамнинг овқатланиши ҳам кескин ўзгариб боради.

        Болаларда озиқ моддаларга ва энергияга бўлган эҳтиёжнинг абсолют меъёри тана вазни ва ёшига қараб, бир-бирига тўғридан-тўғри боғлиқ бўлади.

        Кекса ва қарияларда озиқ моддаларга, айниқса, оқсил, ёғлар ва углеводларга нисбатан бўлган эҳтиёж камайиб боради.

        Овқатланиш тартибида кундалик овқат ҳажмининг 60-65 фоизини куннинг биринчи ярмида 15:30 гача, кечки овқат уйқудан икки соат олдин ёки ундан ҳам илгари истеъмол қилиниши керак.

        Соғлом инсонга 4-5 маротаба овқатланиш тавсия этилади, эрталабки нонушта озиқ миқдори калориясига қараб, 30%, иккинчи нонушта 10%, тушлик 30-40%, кун ярми 10%, кечки овқат 20 фоизни ташкил этиши керак.

         Қайси гуруҳ моддалари ҳисобига килокалория ҳосил бўлиши организм учун муҳим аҳамиятга эга.

         Чой ва қаҳва таркибида танин моддаси юқори миқдорда мавжуд, у темир моддасининг сўрилишига тўсқинлик қилади. Шу билан бирга, қаҳва иштаҳани оширганлиги сабабли кўп овқат ейишга олиб келади. Шунинг учун овқатланиш вақтида чой ва қаҳва ичиш тавсия этилмайди. Овқатланиш пайтида ширин газланган ичимликлар ҳам тавсия қилинмайди, чунки улар таркибида сунъий қўшимчалар бўлиб, улар, айниқса, болаларда иммун тизимини сусайтириб юборади ва ошқазон ичак тизимига зарарли таъсир этади.

        Мутахассисларнинг тавсияларига кўра кундалик овқат таркибининг энергетик манбаини 10-15 фоизини оқсиллар, 30-35% ёғлар ва 50фоизини углеводлар таъминлаши лозим.

           Жаҳон Соғликни саклаш ташкилоти талабига биноан соғлом овқатланишнинг 12 тамойили мавжуд. 

Учқудуқ туман СЭО ва ЖСБ 

Санитария гигиена бўлими

    Учқудуқ туман ҳокимлиги катта мажлислар залида ўтказилган йиғилиш кун тартибида ташкилий масала кўрилди. Унда Учқудуқ туман ҳокими С.Хамроев, вилоят ҳокимининг 1-ўринбосари Т.Атамуродов ҳамда туман сектор раҳбарлари, корхона-ташкилот ва муассаса мутасаддилари, тадбиркорлар иштирок этди. 

    Шакаров Дилшод Эсанович Учқудуқ туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари - туман иқтисодий тараққиёт ва камбағалликни қисқартириш бўлими бошлиғи лавозимига тайинланди.

    Шакаров Дилшод Эсанович 1975 йил йилда Самарқанд шаҳрида туғилган. 1995 йилда Самарқанд саноат иқтисодиёт техникумини, 1999 йилда Самарқанд кооператив институтини, 2009 йилда Самарқанд давлат университетини тугатган. Маълумоти бўйича мутахассислиги озиқ-овқат маҳсулотлари технологи, ҳуқуқшунос.

    У меҳнат фаолиятини Самарқанд давлат университети иқтисодиёт факультети кафедраси асистентлигидан бошлаган. Кейинчалик Самарқанд шаҳар ҳокимлиги иқтисодиёт бўлими бошлиғи ўринбосари, Навоий вилояти ҳокимлиги ташкилий-назорат гуруҳи етакчи мутахассиси, вилоят Меҳнат ва аҳолини ижтимоий муҳофаза қилиш бош бошқармаси бошлиғи вазифаларида ишлаб келган.

    2019 йилдан Ўзбекистон Республикаси Бош Вазирнинг тадбиркорлар мурожаатларини кўриб чиқиш бўйича Навоий вилояти қабулхонаси мудири лавозимида ишлаб келаётган эди.

   Қайд этиш керакки, Учқудуқ туман ҳокимининг аввалги биринчи ўринбосари Бафоев Фарруҳ Жўрақулович бугунги кунда Учқудуқ туман маҳаллабай ишлаш ва тадбиркорликни ривожлантириш маркази раҳбари вазифасида фаолиятини давом эттирмоқда.

УЧҚУДУҚ ТУМАН ҲОКИМЛИГИ МАТБУОТ ХИЗМАТИ.

    Ташаббусли бюджет” лойиҳаси ғолиблари эълон қилинди (https://openbudget.uz/).

    Сайтдаги маълумотларга кўра, 2215 та ташаббус ғолиб деб топилган ва энди улар давлат бюджетидан молиялаштирилади. 

    Вилоятимиздан 134 та, туманимиздан 10 та ташаббус ғолиб деб топилган. Улар билан қуйидаги ҳавола (openbudget.uz/boards/4?district=79&region=6&page=1) ёки қуйидаги расм орқали танишиб чиқишингиз мумкин.

Ташаббусли бюджет” лойиҳаси ғолиблари эълон қилинди (https://openbudget.uz/).

Сайтдаги маълумотларга кўра, 2215 та ташаббус ғолиб деб топилган ва энди улар давлат бюджетидан молиялаштирилади. 

Вилоятимиздан 134 та, туманимиздан 10 та ташаббус ғолиб деб топилган. Улар билан қуйидаги ҳавола (openbudget.uz/boards/4?district=79&region=6&page=1) ёки қуйидаги расм  орқали танишиб чиқишингиз мумкин.