Учқудуқ тумани марказида фуқаро Ҳусниддин Нурмуродов томонидан савдо ва маиший хизмат кўрсатиш мажмуаси қурилиши режалаштирилган.
Қурилиш соҳасида ҳудудий назорат инспекциясини хабардор қилмасдан ер ишларини (котлавон қазиш) бажарганлиги учун фуқаро Ҳусниддин Нурмуродовга қурилиш ишларини тўхтатиш бўйича ёзма кўрсатма берилди.
Объект ҳудуди вақтинчалик ўралмаганлиги ҳақида туман ҳокимлиги ва ҚСХН инспекцияси ходими бошчилигида фуқарога тушунтирилди. Ҳозирда объект вақтинчалик қўрғон девор билан тўлиқ ўралди.
Мадали ХУДОЙБЕРДИЕВ,
қурилиш соҳасида ҳудудий назорат инспекцияси етакчи инспектори.
Ижтимоий тармоқларнинг бирида Учқудуқ саноат техникуми ҳудудидаги чиқинди ҳақида видеоматериал тарқатилди.
Учқудуқ саноат техникумида чиқиндилар график асосида ҳафтанинг душанба ва пайшанба кунлари Учқудуқ ободонлаштириш бошқармаси томонидан олиб чиқиб кетилади.
График асосида бугун пайшанба куни чиқиндилар ташиб кетилган.
УЧҚУДУҚ ТУМАН ҲОКИМЛИГИ АХБОРОТ ХИЗМАТИ
“НКМК” жамғармаси “Учқудуқ” ХБ №2-сонли тиббий-санитария қисми санитария-эпидимиологик маркази биносида таъмирлаш ишлари олиб борилган. Таъмирлаш ишларига 300 млн. сўм маблағ сарфланган бўлиб, бу ерда фаолият юритувчи тиббиёт ходимлари ва аҳолига зарур шарт-шароитлар яратилган.
Шунингдек, хоналардаги маънан эскирган мебель жиҳозлари ҳисобдан чиқарилиб, янгидан мебель жиҳозлари билан таъминланган.
Тиббиёт муассасаси биноси атрофида қурилиш-таъмирлаш ишларидан сўнг, тозалаш-ободонлаштириш ишлари олиб борилмоқда.
УЧҚУДУҚ ТУМАН ҲОКИМЛИГИ АХБОРОТ ХИЗМАТИ.
Ўзбекистон ХДП Учқудуқ туман кенгаши томонидан “Ўзбекистон Халқ демократик партиясининг энг фаол депутати” кўрик-танловининг туман босқичи ўтказилди. Кўрик-танлов Низомига кўра депутатлар сиёсий ҳозиржавоблик, аҳоли муаммоларини бартараф этиш юзасидан лойиҳа тақдимоти ва ўзлари севган машғулотлардан намуналар кўрсатишиб баҳс олиб боришди. Учқудуқ тумани ўтказилган танлов “Инсон қадри учун” шиори остидаги 1-босқичида иштирокчилар Низом асосида 3 та шарт асосида ўзаро баҳслашдилар. Туман Кенгаши депутати Нормуродов Эркин, Учқудуқ тумани кенгаши депутати Санаев Зафар, Туман Кенгаши депутати Абдикаримов Молдабек, Сатторов Шуҳратлар барча шартлар бўйича фаол иштирок этишди. Ҳакамлар ҳайъати хулосасига кўра депутат Эргашова Озода Хонтемировна ғолиб деб топилиб, кўрик-танловнинг вилоят босқичига йўлланма олди. Тадбирнинг барча иштирокчилари 1,2,3-даражали Диплом ва эсдалик совғалари ҳамда сертификатлар билан тақдирландилар.
Тадбир жараёнида Ўзбекистон ХДП Учқудуқ туман Кенгаши раиси С.Санаева, туман ҳокимлиги оила ва хотин-қизлар бўлими бошлиғи Нафиса Нажмиддинова, туман ҳокимлиги матбуот котиби Р.Қодирова ва “UCHQUDUQ” газетаси мухбири Мулдир Буркитбаевалар иштирок этди.
Тадбир туман ҳокимлиги мажлислар залида бўлиб ўтди.
ЎзХДП Учқудуқ туман Кенгаши раиси С.Санаева
Учқудуқ туман ҳокими Хамроев Соли Фармоновичнинг 8 март – Халқаро хотин-қизлар куни муносабати билан йўллаган байрам табриги
Ассалому алайкум, азиз ва мўътабар онахонлар!
Мунис опа-сингиллар, дилбар қизлар!
Она табиат чирой очиб, атроф-муҳит яшил либосга бурканиб, баҳор нашидаси тобора кучайиб бораётган айни шу фусункор айёмда сиз, азизларни эзгулик ва гўзаллик байрами 8 март — Хотин-қизлар куни билан самимий муборакбод этаман!
Аёлнинг нафосати ва назокати, вафо ва садоқати, ақл-заковати ва фидойилиги асрлар мобайнида ер юзида ҳаёт давомийлиги ва абадийлигига асос бўлиб келади. Шу боис ҳам дунёдаги энг буюк санъат асарлари, қўшиқ ва қасидалар, меъморий обидалар аёллар шаънига бағишлангандир.
Оила ва жамият устуни, ҳаётимизнинг файзи ва кўрки бўлган хотин-қизларни эъзозлаш, уларга ҳурмат ва эҳтиром кўрсатиш халқимиз учун азал-азалдан буюк қадрият бўлиб келган ва шундай бўлиб қолади. Чунки сизлар билан ҳаётимиз гўзал ва мазмунли, хонадонларимиз обод ва нурафшондир.
Аёлга, онага жамиятнинг, халқнинг, умуман, инсоннинг муносабати мазмун-моҳияти қадимий ва мўътабар китобларимизда айтиб қўйилган: “Жаннат оналарнинг оёғи остидадир”.Бугун Янги Ўзбекистонимизда Президентимиз Шавкат Мирзиёев раҳнамолигида аёлларимизга ҳурмат-эътибор кўрсатиш, уларни эъзозлаш борасида амалга оширилаётган эзгу ишларнинг моҳияти ота-боболаримиз асрлар оша амал қилиб келган ва келаётган ушбу қадимий ҳикматига ҳамоҳангдир!
Хонадонларимизнинг чироғи, фарзандларимизнинг меҳрибони, юракларимиз қўри, кўзларимизнинг нури ва ғуруримиз бўлган сиз аёлларга ҳар қанча таъзим қилсак, шунча кам! Сизнинг олтин қўлларингиз ҳам бешикни, ҳам дунёни тебратади.
Азиз ва мўътабар опа-сингиллар!
Таъкидлаш ўринлики, миллий давлатчилигимизнинг қадимий ва бой тарихида аёлларимиз ҳеч қачон давлат ва жамиятнинг бугунгидек юксак эъзоз-эътибори ва ғамхўрлигига сазовор бўлмаган. Бугун опа-сингилларимиз қалбида жўш ураётган шукроналик ва юртдан Юртбошидан миннатдорчилик ҳисси амалий фаолиятимизга кўчиб, ҳар бир соҳада юксак натижаларга эришишга руҳлантирмоқда.
Бугун туманимизда депутатлар, шифокорлар,кончилар, педагоглар, тадбиркорлар орасида – барча соҳаларда ном қозонган опа-сингилларимиз, қизларимиз тобора кўпаймоқда. Биз эса улар билан ҳақли равишда фахрланамиз!
Ҳурматли онахонлар, қадрли опа-сингиллар!
Бамисоли баҳор элчиси бўлиб келаётган, ўзингиздек гўзал ва дилбар мана шу қутлуғ айёмда барчангизга сиҳат-саломатлик, бахт ва омад, хонадонларингизга файзу барака тилайман.Умрингиз узоқ, иқболингиз зиёда бўлсин! Барча эзгу орзу-ниятларингиз амалга ошсин! Доимо оилангиз ва фарзандларингиз, элу юртимиз ардоғида бўлинг!
Юртимиз тинч, осмонимиз мусаффо, айёмингиз яна бир бор муборак бўлсин!
Ўзбек шеъриятининг оташнафас шоираларидан бири, инсон руҳияти дунёсининг бетакрор куйчиси шоира Зулфия Исроилова таваллудининг 108 йиллиги муносабати билан Учқудуқ туманида маданий-маърифий тадбирлар, шеърият кечалари бўлиб ўтмоқда. Ана шундай тадбирлардан бири 14-сонли мактабгача таълим муассасасида ўтказилди.
“Зумрадойлар давраси” тўгараги аъзолари иштирокида бўлиб ўтган кўрик-танлов “Зулфияхоним издошлари” деб номланди. Унда иштирок этган 6 нафар жажжи қизлар 6 та шарт асосида ўзаро беллашдилар. Ўзини таништириш, гулдаста тайёрлаш, Зулфия шеърларидан намуналар ёд айтиш шартларида қизларнинг чиқишлари барчага бирдек манзур бўлди.
Арзанда бўлмайлик, пазанда бўлайлик шартида эса иштирокчи қизалоқлар манти тугиб, баҳорий салатлар тайёрлаб ҳакамларга тақдим этишди. Сўнгги уйга вазифа шартида эса иштирокчи қизлар “Бойчечагим қўшиғи”га маромига етказиб рақс ижро этишди.
Кўрик-танлов ҳакамлар ҳайъати хулосасига кўра, “Энг пазанда” номинациясида Раъно Элмуродова, “Энг чаққон” номинациясида Мадина Йўлчибоева, “Энг одобли” номинациясида Дилдора Бахронова, “Энг зукко” номинациясида Нигина Саъдуллаева, “Энг ёқимтой”номинациясида Зуҳра Холмаматова, “Энг билимдон” номинациясида Бибинора Авгановалар совриндор бўлишди.
“Зумрадойлар давраси” тўгарагининг одобли, истеъдодли, билимли қизалоқлари муносиб рағбатлантирилди.
Гулсара ШУКРУЛЛАЕВА,
14-сонли МТТ тарбиячиси.
“НКМК” АЖ Шимолий кон бошқармасида меҳнат қилаётган хотин-қизлар ўртасида “Қайнона-келин” кўрик-танлови ўтказилди.
Танловда корхона бўлинмаларидан 10 та оилавий жамоа иштирок этди. Жамолар “Мен унга шундай таъриф бераман”, “Ошхонадаги қайнона-келин”, “Бизнинг оила” шартлари бўйича беллашди. Шартларни моҳирлик, чаққонлик ва ўзаро ҳамкорлик билан бажарган темир йўл цехи ишчиси Манзура Бозорова келини Зарина билан ғолибликни қўлга киритди.
Кўрик-танлов ғолиб ва совриндорлари Шимолий кон бошқармаси маъмуриятининг фахрий ёрлиғи ва 1-сонли Бирлашган касаба уюшмасининг қимматбаҳо совғалари билан тақдирланди.
Йўлларда ҳаракатланиш қоидаларини болаларга ҳали ёшлигиданоқ, ўргатиш айниқса муҳим. Туманимиздаги 15-сонли ДМТТ да “Хавфсиз ва равон йўл” умуммилиий дастури доирасида тарбияланувчилар иштирокида “Йўл қоидаси – умр фойдаси” мавзусида машғулотлар ўтказилмоқда.
“Қувноқ дўмбоқчалар” мактабга тайёрлов гуруҳи тарбияланувчилари иштирок этган машғулотларда йўлларда пиёдаларнинг ҳаракатланиш қоидалари ўргатилмоқда. Кўргазмали қуроллар асосида ўтказилаётган машғулотларда болажонлар билим ва кўникмаларга эга бўлмоқда.
Мазкур намунали мактабгача таълим ташкилотида болаларга йўл қоидалари юзасидан билим бериш ишлари бардавом бўлади. Мақсадимиз - келгусида йўлларда уларнинг саломатлигини асрашдан иборат!
Гулсина ДАУЛЕТОВА,
15-сонли ДМТТ тарбиячиси.
Халқ депутатлари Учқудуқ туман Кенгашининг бўшаб қолган 11-“Қуёш” ва 23-“Аяқудуқ” сайлов округларида туман Кенгаши депутатлигига сайлов 2023 йил 2 апрель куни бўлиб ўтади.
More...
“Tashabbusli budjet” jarayonining birinchi mavsumiga joriy yilning
6 fevralidan start berilib 26 fevral kuni loyihalar berish tashabbuslar qoldirish jarayoni yakuniga yetganini ma‘lum qilamiz.
Joriy yil 6 fevraldan 26 fevralga qadar O‘zbekiston Respublikasi Moliya vazirligining openbudget.uz rasmiy veb sayti orqali, Uchququq tumanining faol fuqarolari tomonidan turli mazmundagi jami 238 ta takliflar bildirildi.
Xozirda ushbu bildirilgan takliflar maxsus ishchi komissiya tomonidan
26 fevraldan 18 martgacha bo‘lgan muddatda belgilangan mezonlar asosida o‘ranib chiqilmoqda.
Ovoz berish yakuniga ko‘ra eng ko‘p ovoz to‘plagan takliflar g‘olib deb topiladi hamda taklifni amalga oshirish uchun mablag‘ ajratilishi yuzasidan qaror qabul qilinib, amaliy ishlar boshlanadi.
Tashabbus ko‘rsating va “Tashabbusli byudjet” jarayonining ovoz berish jarayonida faol ishtirok eting!!!
Muammolarni hal etish endi o‘z qo‘lingizda.
Uchquduq tuman hokimligi moliya bo‘limi.
|
T/R |
Hudud nomi |
Jami loyihalar |
Umumta’lim maktablarini ta’mirlash va jixozlash |
Ichki yo‘llarni ta’mirlash |
Ichimlik suvi ta’minoti |
Ko‘cha chiroqlarini o‘rnatish |
Maktabgacha ta’lim tashkilotlarini ta’mirlash va jixozlash |
Tibbiyot tashkilotlarini ta‘mirlash va jihozlash |
Boshqalar |
|
1
|
Uchquduq |
238 |
43 |
24
|
2 |
11 |
57 |
30 |
71 |
Савол;
Тошкентда вақтинчалик пропискада турган шахс субсидияга уй олса бўладими ?
Жавоб;
Вазирлар Маҳкамасининг 182-сонли қарори билан тасдиқланган Низомга асосан, уй-жой олиш учун субсидия фуқароларга рўйхатга олинган доимий яшаш жойи бўлган ҳудуд доирасида ажратилади деб кўрсатилган.
Яъни, субсидиялар асосан ўзингиз доимий пропискада турган туман ва шаҳардан берилади.
Шунингдек, Қорақалпоғистон Республикаси ва вилоятлар шаҳарларига ажратилган субсидиялар ушбу ҳудуддаги аҳоли томонидан белгиланган тақсимот доирасида туман ёки шаҳардан олишлари мумкин
Яъни, ўзингиз яшаб турган жойдан бошқа тумандан ёки яшаб турган вилоятингиз марказидан тақсимот бўйича олсангиз бўлади.
Учқудуқ туман адлия бўлими
Quturish – hayvonlar va odamda uchraydigan, asab tizimining og’ir shikastlanishi bilan kechadigan hamda o’lim bilan yakun topadigan o’ta xavfli yuqumli virusli kasallikdir. Odamlar uchun kasallik manbai bo’lib: quturgan uy hayvonlari - it, mushuk, sigir, ot, eshak, cho’chqa, yovvoyi hayvonlardan – chiyabo’ri, tulki va boshqalar, hisoblanadi. Odamlarga quturish kasalligi 90-95 % holatlarda itlardan yuqadi.
Kasallik odamga qanday yuqadi?
Odamga quturish kasalligi shu kasallikka chalingan hayvonlarning tishlashi, tirnashi, tishlarining qadalishi, shuningdek, jarohatlangan teri va shilliq qavatlariga so’lagi tushishi paytida yuqadi. Kasallik o’ta og’ir kechib, doimo o’lim bilan tugaydi.
Quturish kasalligiga chalingan hayvonlarda kuzatiladigan belgilar :
-hayvon tajovuzkor bo’lib, duch kelgan hayvonlar va odamlarga tashlanadi, tishlashga, tirnashga harakat qiladi;
-yorug’likdan qo’rqadi, qorong’u joyga kirib olishga harakat qiladi, egasi chaqirganida oldiga kelmaydi;
-ovqatlanishdan bosh tortadi, to’g’ri kelgan jismlarni og’ziga solib, yutadi, keyinchalik yutunishi qiyinlashadi, og’zidan juda ko’p so’lak oqadi, bezovta bo’ladi, tovushi bo’g’ilib yo’qola boshlaydi va orqa oyoqlari yurmay qoladi, ya’ni falajlanish holatlari kuzatiladi.. Hayvonlarda ham kasallik o’lim bilan yakun topadi.
Siz agar it va boshqa uy hayvonlaringizda kasallikning shunday belgilarini kuzatsangiz, darhol veterinariya vrachiga murojaat eting!
Yodingizda bo’lsin!
-Itni doimo bog’langan holda saqlash, ko’chaga olib chiqilganda tumshuq tasmasini taqish, itni tunda ko’chaga chiqarib yubormaslik va ko’chada qarovsiz qolishi hamda yovvoyi hayvonlar bilan muloqotda bo’lishiga yo’l qo’ymaslik kerak;
-Farzandlaringizni qarovsiz qolgan va begona itlar bilan o’ynashiga hamda ularni uyga olib kelishiga aslo yo’l qo’ymang;
-Itni o’z vaqtida hududiy veterinariya idoralariga olib borib, ro’yxatdan o’tkazish, har yili uni veterinariya ko’rigidan o’tkazib, quturishga qarshi emlatish zarur.
Agar, Sizni hayvon tishlasa so’lagi jarohatlangan teri va shilliq qavatingizga tushsa, unda Siz zudlik bilan tibbiy yordamga murojaat qilishingiz hamda mutaxassis vrachning tavsiyasiga ko’ra, quturishga qarshi o’z vaqtida va to’liq emlanishingiz kerak.
Uchquduq tuman SEO va JS bo'limi.
N.Sanayeva
Савол; Бола пулини олиш ёки “Аёллар дафеари”га кириш учун домий рўйхатга туриш шартми ?
Жавоб;
Вазирлар Маҳкамасининг 2021-йил 21-октабрдаги 654-сон қарорига 1-илова билан тасдиқланган “Кам таъминланган оилаларни “Ижтимоий ҳимоя ягона реестри” ахборот тизими орқали аниқлаш, уларга кам таъминланган оилалар болалари учун нафақа ва моддий ёрдам тайинлаш ва тўлаш тартиби тўғрисида”ги низом 13-бандига кўра кам таъминланган деб эътироф этилган оилага болалар нафақаси ёхуд моддий ёрдам яшаш жойи бўйича оиланинг муомалага лаёқатли аъзосининг ёзма аризасига асосан тайинланади.
Эътибор берган бўлсангиз, ушбу нормада “яшаш жойи” жумласи келтирилган. Яъни қоидада мурожаат қилиш учун “доимий ёки вақтинча рўйхатда турадиган жой” жумласи келтирилмаган.
Шунинг учун ҳозир сиз қаерда яшаётган бўлсангиз, шу ердаги МФЙга мурожаат қилишга ҳақлисиз.
Агар МФЙ ходимлари “рўйхатда йўқсан” деган важни келтиришса, сиз туман адлия бўлимига мурожаат қилишингиз лозим.
Энди «Аёллар дафтари» масаласига келсак. Вазирлар Маҳкамасининг 2022 йил 31 мартдаги 145-сон қарорига 1-иловада тасдиқланган «Аёллар дафтари»ни юритиш орқали хотин-қизлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низом 4-бандида «Аёллар дафтари»га кимлар киритилиши кераклиги белгиланган.
Низомнинг 5-бандида «Аёллар дафтари»га хотин-қизлар яшаб турган жойи бўйича киритилиши, бунда хотин-қизларнинг яшаш жойи бўйича доимий ёки вақтинча рўйхатда турмаслиги «Аёллар дафтари»га киритишни рад этиш учун асос ҳисобланмаслиги қайд этилган.
Учқудуқ туман адлия бўлими.
