Грипп ўткир юкумли вирусли касаллик бўлиб юқори нафас йўлларини заҳарланиши билан ҳарактерланади. 

Грипп касаллигига мавсумийлик хос, асосан куз-қиш-баҳор ойларига тўғри келади. Ушбу мавсумларда касалликнинг ортишига ҳаво ҳароратининг пасайиши, юқори нафас йўлларининг яллиғланиш касалликларининг кўплиги, организмдаги витаминлар танқислиги, хоналардаги одамлар зич яшаши сабаб бўлади.

Грипп вирусларни тарқатувчи асосий манбаи грипп билан касалланган бемор одам бўлиб, у касалликнинг 2-3 кунларида атрофидагилар учун жуда хафли бўлади. Касаллик кўпинча хаво-томчи йўли билан юқади. Бемор акса урганда, йўталганда, гаплашганда сўлак томчилари билан грипп вирусларини атроф-мухитга тарқатади. 

Грипп билан барча ёшдаги кишилар касалланади, айниқса заиф (нимжон) болалар, кекса ёшдаги кишилар, ҳомладорлик ҳамда сурункали хасталиклари бўлган ҳамда тамаки чекувчи шахсларга тез юқади ва уларда оғриб ўтиб, кўпгина оғир асоратларга олиб келиши мумкин. 

Касаллик эт увишиши, тана ҳароратининг (39-40 0С гача) кўтарилиши, бош оғриғи, мушаклардаги оғриқлар билан бошланади. Кейинчалик танглай муртакларни қизариши, бош айланиши, иштаҳасизлик, бурун  битиши, оғриқли йўтал кузатилади. Бу ҳолат 2-7 кунгача давом этиб, даво муолажалари ҳамда яхши парвариш қилинса, бемор ўзини яхши ҳис қила бошлайди.

Халқ орасида гриппнинг ўзи эмас, балки унинг асорати ёмон деган фикр бежиз айтилмаган. Баъзилар грипп касаллигига эътиборсизлик билан қарайдилар, яъни оёқда юриб ўтказадилар ёки ўз билганича нотўғри даво муолажаларини қиладилар. Бундай ҳолатларда касалликнинг асоратланиши: 

Ўпка тўқималарни яллиғланиши (Зотилжам),

Мия пардасининг  яллиғланиши (Менингит), 

Мия пардасини ва моддасининг яллиғланиши (Менингоэнцефалит),

Қулоқнинг яллиғланиши (Отит),

Бурун ёндош бўшлиқларнинг яллиғланиши (Синусит) каби оғир асоратлар кузатилади.

Касалликни олдини олиш чоралари:

Уюшган жамоаларда (мактаб, концерт заллари, иш жойлари, кинотеатрлар, умумий транспорт воситалари) 4 қаватли докадан тикилган ниқобда юриш тавсия қилинади. Яшаш хоналарини вақти-вақти билан шамоллатиб, исириқ тутатиб туриш керак бўлади;

Кўпроқ очиқ ҳавода сайр қилиш; 

Грипп  қарши  вакцина билан эмлаш,

Грипп касаллигига қабул қилинадиган даво муолажалари фақат шифокор тавсиясига кўра бўлиши керак,

Оилада бирор кишида грипп касаллигига шубъҳа бўлганда уни ишга, мактабга, мактабгача таълим-тарбия муассасаларига, жамоат жойларга юбормаслик. Беморни атрофдагилардан алохидалаш,

Яшаш хоналари вақти-вақти билан шамоллатиш, исириқ тутатиш тавсия этилади,

Ҳар бир шахс кун тартибига риоя қилиш, ҳаракатли машқлар, танати қуёшда тоблаш, сув муолажалари билан танани мунтазам равишда чиниқтириш, 

Аллоҳ томонидан яратиб қўйилган пишиқчилик мавсумларидаги мева ва сабзавотлардан вақтида  кўпроқ-кўпроқ истеъмол қилиб туриш, 

Мавсумга мос кийиниш,

Грипп касаллиги билан касалланган беморларга ва соғлом инсонларга суюқликлар (малина, смародина, лимон ва асал  қўшилган чой, иссиқ сут, наъматак дамламаси ичиш тавсия этилади. 

Кундалик турмушда юқорида айтиб ўтилган тавсияларга  амал  қилинса, ҳар биримиз  грипп касаллигини олдини олишда ўз  ҳиссамизни  қўшган  бўламиз ва узимизни ҳамда атрофдаги ҳамюртларимизни грипп ҳамда юқори нафас йўлларининг ўткир респиратор хасталикларидан асраган бўламиз. 

Учқудуқ туман СЭО ва ЖС бўлими

Hurmatli tadbirkorlar!

        Uchquduq tuman Savdo sanoat palatasi tomonidan tumanda faoliyat yuritayotgan tadbirkorlar, investorlar va boshqa ishbilarmon doira vakillarini respublikamiz hamda xorijda tashkil etilayotgan xalqaro biznes ko'rgazmalariga quyidagi sanalarda qatnashish istagi borlarni taklif etib qolamiz;

        Joriy yilning 8-11 oktyabr kunlari Moskva shahrida qishloq xo‘jaligi texnikasining xalqaro ixtisoslashtirilgan ko‘rgazma “АГРОСАЛОН-2024” ko‘rgazmasi bo‘lib o‘tishi rejalashtirilgan. Mazkur ko‘rgazma Rossiya qishloq xo‘jaligi mashinasozlarning eng yirik professional uyushmasi “Росспецмаш” tomonidan tashkil etilgan bo‘lib ko‘rgazma an’anaviy ravishda agrosanoat majmuasidagi eng yangi texnik echimlarni namoyish etish, biznes aloqalarni o‘rnatish va ishlab chiqaruvchi distribyutorlar va fermerlar o‘rtasida tajriba almashish shuningdek, meva-sabzavot va boshqa ekinlarni qayta ishlash mashinalari va uskunalari, traktorlar, kombaynlar, butlovchi qismlar va ehtiyot qismlar, ozuqa yig'ish va tuproqni qayta ishlash texnikalari ko‘rgazmasini namoyish etish ko‘zda tutilgan. 

            Joriy yilning 9-13 oktyabr kunlari Volgagrad viloyatining ЭКСПОЦЕНТР (Волгоград, пр. Ленина, 65 Б ) markazida to‘qimachilik va yengil sanoat “Moda Tovarlari” hamda “Taste World” oziq-ovqat ko‘rgazma yarmarkasi bo‘lib o‘tishi rejalashtirilgan.

           Joriy yilning 23-25 oktyabr kunlari Qozog‘iston Respublikasining Olmaota shahrida “20 Xalqaro savdo dunyosi konvent” ko‘rgazmasi bo‘lib o‘tishi rejalashtirilgan. Mazkur ko‘rgazmada oziq-ovqat sanoati, modalar uyi, dekoratsiya, farmasevtika, go‘zallik saloni va boshqa shu kabi sohalarda faoliyat yurituvchi 15 ga yaqin davlatdan 500 ta kompaniyalar ishtirok etishi ko‘zda tutilgan.

           Joriy yilning 23-25 oktyabr kunlari O‘zbekiston Respublikasining CAEx Uzbekistan ko‘rgazmalar markazida “Automechatinka Tashkent 2024”, “Futuroad Expo Tashkent”, “Tashkent International Auto show”, va “Scalex Tashkent” ko‘rgazmasi bo‘lib o‘tishi rejalashtirilgan. Mazkur ko‘rgazmada avtomobil sanoati, innovatsiyalar, avtomobil ehtiyot qisimlari, avtomobil sanoatidagi ko‘plab turdagi sanoat vakillari ishtiro ketishi ko‘zda tutilgan.

           Joriy yilning 24-26 oktyabr kunlari Tojikiston Respublikasi Dushanbe shahrida “Tojikiston-2024” Xalqaro universal ko‘rgazmasi hamda Biznes-forum bo‘lib o‘tishi rejalashtirilgan.

          Joriy yilning 25-29 oktyabr kunlari Xitoyning Shensi provinsiyasida Yang Lin ko‘rgazma maydonida “Xitoy Yan Lin qishloq xo‘jaligi yuqori texnologiyali yarmarkasi” bo‘lib o‘tishi rejalashtirilgan.

          Joriy yilning 21-23 noyabr kunlari Qozog‘iston Respublikasining Olmaota shahrining «Atakent» ko‘rgazmalar markazida “NON-FOOD ASIA EXPO 2024” xalqaro ko‘rgazmasi bo‘lib o‘tishi rejalashtirilgan. Mazkur ko‘rgazmada uy anjomlari, oshxona uchun anjomlar, kir yuvish kukunlari, sovg‘a mahsulotlari, kosmetika atir upalar va boshqa shu kabi sohalarda faoliyat yurituvchi 15 ga yaqin MDH davlatlaridan 300 ta kompaniyalar ishtirok etishi ko‘zda tutilgan. 

         Joriy yilning 27-29-noyabr kunlari Rossiy Federatsiyaning Novosibirsk shahrida «ГлобалСибЭкспо-Китай» forum ko‘rgazmasi bo‘lib o‘tishi rejalashtirilgan. Tadbir doirasida logistika, omborlarni saqlash, mashinasozlik va avtomobilsozlik sanoati, avtomobillarni ta’mirlash uchun uskunalar, ehtiyot qismlar yetkazib berish sohasidagi mamlakatlar o‘rtasidagi savdo aloqalari va tadbirkorlik avtomobil texnikasi,avtomobillar va maxsus texnika, mamlakatlar o‘rtasida investitsiya va infratuzilma loyihalarini amalga oshirish, xorijiy davlatlar ishbilarmonlari vakillari o‘rtasida konferensiyalar, seminarlar, davra suhbatlari tashkil etish ko‘zda tutilgan.

         Joriy yilning 3-6-dekabr kunlari Moskva shahrida “Mehnat xavfsizligi va salomatligi 2024” ko‘rgazmasi bo‘lib o‘tishi rejalashtirilgan tadbir 10-13 dekabr kunlari Moskva shahrining Xalqaro ko‘rgazmalar markazi “Krokus Ekspo” (1 paviloin 1,2,3) zalida bo‘lib o‘tishi rejalashtirilgani ma’lum qilingan. 

 SIZNING TANLOVINGIZ BIZ UCHUN MUHIM!

    Savol; Yaqinda uylangandim, yangi turmush qurgan yoshlarga o‘z xonadoniga qo‘shimcha uy-joy qurish uchun garovsiz kredit ajratiladimii ?
Javob; “Temir daftar” va “Ayollar daftariga kiritilgan oilalarning farzandlari hamda “Yoshlar daftari”ga kiritilgan yangi turmush qurgan yoshlarning yakka tartibdagi xonadoniga qo‘shimcha uy-joy qurish uchun 33 million so‘ьgacha garovsiz kredit ajratish tartibi belgilangan.
    Kredit quyidagi shartlar asosida ajratiladi:
bozor stavkasida mijoz xohishiga ko‘ra 6 oy imtiyozli davr bilan;
20 yildan ko‘p bo‘lmagan muddatga;
boshlang‘ich badali yakka tartibdagi xonadonda qo‘shimcha qurilayotgan uy-joy qiymatining 15 foizidan kam bo‘lmagan miqdorda.
    Shuningdek, qarz oluvchi quyidagi muvofiqlik mezonlariga mos bo‘lishi lozim, jumladan:
a) kredit olish uchun murojaat qilgan kunida 18 yoshga to‘lgan va 30 yoshdan oshmagan yoshlarning alohida toifalariga mansub O‘zbekiston Respublikasi fuqarosi;

b) «Temir daftar» va «Ayollar daftari»ga kiritilgan oilalarning farzandlari hamda «Yoshlar daftari»ga kiritilgan yoshlarning yangi turmush qurganlari (nikohi qayd etilganiga 3 yildan oshmagan bo‘lishi lozim);
v) daromad manbalariga, shaxsiy yordamchi yoki dehqon xo‘jaligidan yoxud yakka tartibdagi tadbirkorlik faoliyatidan doimiy daromadga, shuningdek, kredit bo‘yicha hisoblangan foizlarni va asosiy qarzni to‘lov jadvaliga muvofiq har oyda to‘lash uchun yetarli bo‘lgan qonunchilik hujjatlarida taqiqlanmagan va hujjatlar bilan tasdiqlangan boshqa daromad manbaiga ega bo‘lishi;
g) qarz yuki ko‘rsatkichi qarz oluvchining barcha kreditlari va mikroqarzlari bo‘yicha o‘rtacha oylik to‘lovlarining ushbu qarz oluvchi va birgalikda qarz oluvchilarning tasdiqlangan o‘rtacha oylik daromadlarining 70 foizdan yuqori bo‘lmasligi;
d) yakka tartibdagi xonadonda qo‘shimcha uy-joy qurish ishlari qiymatining kamida 15 foizi miqdorida boshlang‘ich badalni shakllantirish imkoniyatiga ega bo‘lishi;
ye) kredit ajratishni ko‘rib chiqish vaqtida qarz oluvchining kredit tashkilotlaridan avval olingan kreditlar bo‘yicha muddati o‘tgan qarzdorligi mavjud bo‘lmasligi;
j) ilgari arzon uy-joy qurish dasturlari doirasida imtiyozli ipoteka kreditlaridan va ipoteka kreditlari bo‘yicha subsidiyalardan foydalangan holda kvartira yoki yakka tartibdagi uy-joy hamda uy-joy bilan ta’minlash bo‘yicha boshqa yordam olmagan bo‘lishi;
z) yakka tartibdagi xonadonda qo‘shimcha uy-joy qurish uchun yer uchastkasiga umrbod egalik qilishi yoki mulk huquqi va belgilangan tartibda tasdiqlangan loyiha-smeta hujjatlariga ega bo‘lishi.

Uchquduq tuman adliya bo‘limi

         Бугун Учқудуқ туманида ёшлар билан ишлаш борасида амалга оширилган ишлар ҳамда мавжуд муаммолар тўғрисида маҳаллаларда ёшлар билан ишлаш масалаларини мувофиқлаштириш бўйича комиссия йиғилиши ўтказилди.
Туман ҳокими У.Ф.Елмуратов раҳбарлигида ўтказилган йиғилишда сектор раҳбарлари, туман ёшлар ишлари агентлиги, масъул корхона ва ташкилот раҳбарлари, маҳаллалардаги ёшлар етакчилари иштирок этди.
        Таъкидландики, ёшлар сиёсати соҳасида туманда бир қатор ижобий ишлар амалга оширилди, ёшлар билан учрашувлар ва мулоқотлар ташкил этиб уларнинг мавжуд муаммо ва таклифлари ҳал этиб борилмоқда.
       Айниқса, ёшларнинг муаммоларини ҳал этиш билан бир қаторда уларни биринчи навбатда ватанпарварлик, ватанга садоқат, муҳаббат руҳида тарбиялашга асосий эътибор қаратилмоқда.
        Тўғрисини айтишимиз керак, туманда ёшлар сиёсати соҳасида амалга оширилган ишлар билан бир қаторда, айрим хато ва камчиликлар ҳам йўқ эмас.
“Оталиққа олинган” ёшлар билан ишлаш, “оғир” тоифага киритилган, уюшмаган ёшларнинг муаммоларини ҳал этиш, ишсиз ёшлар бандлигини таъминлаш, “Уйчи тумани” тажрибасини жорий этиш масалалари ҳамда ёшларни қийнаётган муаммоларни ўрганишга алоҳида эътибор қаратилди.
Ўрганишлар давомида бириктирилган масъуллар томонидан йўл қўйилган хато ва камчиликлар аниқланди.
Тумандаги 14 та маҳаллада 8 минг 831 нафар ёшларнинг баланси шалклантирилди ва уларнинг 85 нафари “қизил” тоифада, 1267 нафари “сариқ” тоифа ҳамда 7 479 нафари “яшил” тоифага киритилган.
        Топшириққа мувофиқ, ҳуқуқни муҳофаза қилувчи органларнинг 9 нафар ходимларига 3 223 нафар ёшлар оталиққа берилиб, масъуллар томонидан ёшларнинг 3 153 нафари билан бевосита шахсан ҳамда 70 нафари билан онлайн суҳбатлар ўтказган ҳолда ёшларнинг 327 та муаммолари аниқланган ва бугунги кунга қадар 306 та ёки 93,5 % ижтимоий ва маиший муаммолари ҳал этилган.
Шунингдек, Учқудуқ туман мудофаа ишлари масъул бўлган “Дўстлик” МФЙ даги оғир тоифадаги ёшлардан 1 нафарини, уюшмаган ёшларнинг 2 нафари бандлигини таъминлаш масаласи муаммолигича қолмоқда.
Учқудуқ туман прокуратураси масъул бўлган “Кокпатас” МФЙдаги 4 нафар ишсиз ёшнинг бандлигини таъминлаш, “Навоий” МФЙ дан 1 нафар уюшмаган ёшнинг муаммолари ҳал этилмаган.
        Учқудуқ туман фавқулодда вазиятлар бўлими мутасадди бўлган Абай МФЙда истиқомат қиладиган 4 нафар ёшнинг бандлигини таъминлаш масаласи ечимини топмаган.
        Учқудуқ туман ички ишлар бўлими масъул ҳисобланган “Ифтихор” маҳалласидаги 1 нафар ёш иш билан таъминланмаган. Туман адлия бўлими мутасаддилари эса “Айтим” маҳалласи ёшларига масъул бўлиб, 1 нафарининг бандлигини таъминланмаган.
Миллий гвардия қўриқлаш бўлими масъуллари “Шалхар” ОФЙ даги ишсиз ёшлар бандлик дастурига киритилган ёшларнинг 1 нафарини бандлигини таъминлаш муаммолари ҳал этилмасдан қолмоқда.
      Туманда “Ёшлар баланси” асосида 593 нафар ёшлар
(61 нафар ишсиз, 297 нафар мактаб битирувчилари, 122 нафар профессионал таълим битирувчилари ҳамда 113 нафар ОТМ битирувчилари) бўйича маҳаллалар кесимида “фуқаробай” “Ёшлар бандлиги дастурлари” ишлаб чиқилиб, 567 нафар (96 %) ишсиз ёшларнинг бандлиги таъминланди.
Бандлик дастурига асосан, ёшларни доимий ишга жойлаштириш кўрсаткичи 303 та, ёшларни касб-ҳунарга ўқитиш кўрсаткичи 6 та, Ўзини ўзи банд қилиш йўналишида 94 та, ёшларга субсидия асосида асбоб ускуна олиб бериш кўрсаткичи 3 та, тадбиркорлик учун 7 нафар ёшларга имтиёзли кредитлпр ажратилган, 22 нафар ёшлар бошқа туман ёки вилоятларга кўчиб кетган ҳамда 132 нафар ёшлар таълимнинг кейинги босқичларига ўтган.
Ушбу кўрсаткичларни секторлар кесимида оладиган бўлсак, ҳокимлар 1-сектор 93 нафар ёшлар (97 фоиз), прокурорлар 2-сектор 198 нафар ёшлар (94 фоиз), ички ишлар бўлими бошлиқлари 3-сектор 177 нафар ёшлар (96 фоиз) ҳамда солиқ инспекцияси бошлиқлари 4-сектор 99 нафар ёшлар (96 фоиз)га бажарилган.
Танқидий ва таҳлилий руҳда ўтказилган йиғилишда ёшларнинг иқтидорини қўллаб-қувватлаш, уларнинг таклиф-истакларини рўъёбга чиқариш, бандлигини таъминлаш ва ватанпарварлик руҳида тарбиялаш ҳамда бўш вақтларини мазмунли ташкил этиш масалаларида етакчилар томонидан амалга оширилаётган ишлар кўриб чиқилди.

УЧҚУДУҚ ТУМАН ҲОКИМЛИГИ АХБОРОТ ХИЗМАТИ

     Bugun Uchquduq tuman hokimi, 1-sektor rahbari U.Yelmuratov, tuman prokurori, 2-sektor rahbari M.Ortiqov, tuman IIB boshlig‘i, 3-sektor rahbari A.Radjapov, tuman DSI boshlig‘i, 4-sektor rahbari A.Usmonov va bir qator mas’ullar tomonidan tuman markazidagi “Uchquduq dehqon - bozori” hududida sanitariya, veterinariya normalariga, shuningdek tegishli standartlarga, yong‘in xavfsizligi qoidalariga rioya etilishi holatlari o‘rganildi.
    O‘rganish davomida bozor hududida amaldagi shaharsozlik normalari, sanitariya qoidalari hamda gigiyenik normativlarni qo‘pol ravishda buzish, fuqarolar xavfsizligini va ob’yektlarda yong‘in xavfsizligini ta’minlash talablariga amal qilmasdan savdo qilayotganlar aniqlandi. Shuningdek, o‘zboshimchalik bilan hududlarini kengaytiri, do‘kon tashqarisida savdo-sotiq bilan shug‘ullanayotgan tadbirkorlar ogohlantirildi.
     Bozor hududida mahsulotlarning sifatli saqlanishi va aholiga yetkazib berish borasida yuzaga kelayotgan kamchiliklarni bartaraf etish bo‘yicha mas’ullarga aniq ko‘rsatma va topshiriqlar berildi.

UCHQUDUQ TUMAN HOKIMLIGI AXBOROT XIZMATI

       Kuydirgi- o‘ta xavfli yuqumli kasallik bo‘lib, qishloq xo‘jalik va yovvoyi hayvonlar hamda odamlar kasallanadi. Kasallik shiddatli, o‘tkir, yarim o‘tkir holatlarda namayon bo‘ladi.Kasallik ko‘zgag‘uvchisi- «Bac. Antracis» bo‘lib, spora hosil qiladi, ma’lum sharoitlarda tuprokda ko‘payish xususiyatiga ega bo‘lib yuz yillar moboynida bemolol yashay oladi. Shu davrda virulentligi (tashqi muhitga chidamligi) saqlanadi, o‘sha joylar esa kasallik qo‘zgatuvchi o‘chog‘iga aylanadi.Kasallikning kelib chiqishini oldini olish uchun tavsiya etilgan vaksinani kasallikka moyil hayvonlar uchun yo‘riqnoma asosida qo‘llash bilan amalga oshiriladi.
      Yirik va mayda shoxli hayvonlar va tuya, ot, eshaklar yiliga bir marta kasallikka qarshi emlanadi.Emlash o‘tkazilgandan 14 kundan so‘ng to‘liq kasallikka qarshi immunitet hosil bo‘ladi. Ko‘rsatilgan muddat ichida kasallikka qarshi emlangan hayvonlarni ixtiyoriy yoki majburiy so‘yish taqiqlanadi.Kasallikka qarshi emlash tadbirlarini samarali va o‘z vaqtida olib borilishi uchun joylardagi MFY va OFYlarda aholi qaramog‘idagi hayvonlarini kasallikka qarshi emlashda veterinariya xodimlariga amaliy yordam berishlarini so‘raymiz.

Iqtisodiy jinoyatlarga qarshi kurashish Departamentining Uchquduq tuman bo‘limi tomonidan o‘tkazilgan tezkor tadbirlar davomida bir qator qonun buzilish holatlari aniqlandi.

TANISHI BILAN ISHGA KIRITAMAN DEGAN EDI...

Iqtisodiy jinoyatlarga qarshi kurashish Departamentining Uchquduq tuman bo‘limi tomonidan o‘tkazilgan tezkor tadbirda qonunga xilof ravishda fuqaro A.N.R. aldov yo‘li bilan fuqaro S.I.Aning ishonchiga kirib o‘zining yuqori lavozimda ishlovchi tanishlari orqali ishga kiritish evaziga 33 000 000 so‘m so‘rab, oldindan 20 000 000 so‘m olgan vaqtda ashyoviy dalillar bilan ushlangan.

YAROQSIZ MAHSULOT XARIDORGACHA YETIB BORMADI

Iqtisodiy jinoyatlarga qarshi kurashish Departamentining Uchquduq tuman bo‘limi tomonidan o‘tkazilgan tezkor tadbirda "Sh.S.K" MCHJning mansabdor shaxslari tomonidan qonunga xilof ravishda o‘ziga tegishli do‘konda qalbaki aksiz markali iste’molga yaroqsiz 16 turdagi jami 485 dona alkagol (aroq) mahsulotlarini sotish uchun saqlab kelayotganligi aniqlanib, ushbu alkagol mahsulotlari ashyoviy dalil sifatida olib qo‘yilgan.

    Qizilqum kengliklari bag‘rida joylashgan Uchquduq tumani o‘zining yer osti boyliklari hamda tabiiy-iqlim sharoiti bilan alohida ajralib turadi. Hududdagi mavjud yer osti boyliklar xorijiy sarmoyadorlarning Uchquduq tumaniga bo‘lgan qiziqishini kundan-kunga oshirmoqda. Bu esa hamkorlikdagi yirik loyihalarni amalga oshirishga zamin hozirlamoqda. Hozirda xorijiy investorlar bilan hamkorlikda faoliyat yuritadigan qo‘shma korxonalar soni 5 ta bo‘lsa, kuni-kecha ular soni yana bittaga ko‘paydi.
     “Orascom Investment Holding” (Misr) kompaniyasi bilan “Copper Mining” MCHJ hamkorlikdagi qo‘shma korxonaga asos solindi. Ushbu loyiha doirasida qariyb 20 mln. AQSH dollari miqdorida to‘g‘ridan-to‘g‘ri xorijiy investisiya kiritilishi ko‘zda tutilgan bo‘lib, 2024-2026 yillarda "Shimoliy Bukantau" maydonida geologiya-qidiruv ishlari olib boriladi. Uchquduq tumanidan 100 km. shimolda joylashgan 1170 km2ni masofani tashkil etadigan "Qaramurun”, "Orazali", "Qarabulaq” va boshqa yaqin uchastkalarda tegishli ishlarni amalga oshirish rejalashtirilgan.
     Kuni-kecha Uchquduq tuman hokimi U.Yelmuratov ushbu qo‘shma korxona faoliyat boshlayotganligini bildiruvchi ramziy lentani kesish marosimida ishtirok etdi. Unda “Qulquduq” ovuli faollari ham qatnashib, mazkur korxonaning aynan “Qulquduq” ovulida faoliyati yo‘lga qo‘yilayotgani hudud aholisi bandligini ta’minlashda muhim ahamiyatga ega ekanligi ta’kidlandi.
   -Ushbu loyiha asosida "Qaramurun" va "Orazali" uchastkalarining prognoz resurs ko‘rsatkichlari ya’ni mis - 722 ming tonna, oltin - 7,2 tonna va molibden - 90 ming tonna zaxiralarni tashkil etishi aniqlangan, - dedi “Copper Mining” MCHJ rahbari Ilyos Azamov. - Keyinchalik loyihaning texnik-iqtisodiy asosida aniqlanadigan zaxiralarni o‘zlashtirishga 300 mln. AQSH dollaridan ortiq investisiya mablag‘lari jalb etilishi ko‘zda tutilgan. Muhimi 200 dan ortiq yangi ish o‘rni yaratiladi.

UCHQUDUQ TUMAN HOKIMLIGI AXBOROT XIZMATI

Savol: Onamning pensiyasi kam. Staj 42 yil lekin katta stajga qaramasdan eng kichkina oylikdan pensiya tayinlashdi pensiyani qayta ko'rib chiqishning imkoni bormi?

      Javob: Fuqarolarning davlat pensiya ta’minoti to‘g‘risidagi qonun 49-moddasiga muvofiq Pensiyalarni qayta hisoblash:
➖ pensioner pensiya miqdoriga ta’sir ko‘rsatuvchi (pensiya tayinlanishigacha bo‘lgan ish staji va ish haqi to‘g‘risidagi hamda boshqa) qo‘shimcha hujjatlarni taqdim etgan taqdirda;
➖ nogironlik guruhi o‘zgarganda;
➖ boquvchisini yo‘qotganlik pensiyasi oladigan oila a’zolari soni o‘zgarganda;
➖ pensiyani hisoblashning bazaviy miqdorlari o‘zgargan taqdirda;
➖ yoshga doir eng kam pensiya miqdori o‘zgarganda;
➖ daromadlar indeksatsiya qilingan taqdirda amalga oshiriladi.

     Bunda pensiya miqdori yil davomida tovarlar va xizmatlarning iste’mol narxlari (tariflari) indeksi (inflatsiya) darajasining o‘sish sur’atlari hisobga olingan holda, O‘zbekiston Respublikasi Prezidentining hujjatlariga asosan indeksatsiya qilinadi (oshiriladi).

    Shunga ko‘ra, sizdagi holatda yuqoridagi asoslardan biri mavjud  bo‘lsa, pensiyani qayta hisoblash bo‘yicha hududiy pensiya jamg‘armasiga murojaat qilishingiz mumkin.

Uchquduq tuman adliya bo‘limi

         Savol; Yangi mehnat kodeksiga asosan yillik mehnat ta’tillarini berish tartibi qanday?

         Javob; O‘zbekiston Respublikasi normativ huquqiy hujjatlariga asosan barcha xodimlarga, shu jumladan o‘rindoshlik asosida ishlayotgan xodimlarga, dam olish va ish qobiliyatini tiklash uchun ish joyi va o‘rtacha ish haqi saqlangan holda yillik mehnat ta’tillari beriladi. Xodimlarga beriladigan asosiy mehnat ta’tilining eng kam davomiyligi 21 kalendar kunidan iboratdir. Barcha hollarda qonunchilik bilan belgilangan ta’tillarni jamlashda ularning davomiyligi bir ish yili uchun eng ko‘pi 56 kalendar kundan oshib ketishi mumkin emas.
         Ushbu ta’tillarga oid holatlar O‘zbekiston Respublikasining Mehnat kodeksining IV bobi, ya’ni 216-235-moddalar bilan tartibga solib qo‘yilgan.
Har yilgi mehnat ta’tilining davomiyligini ishlab berilgan vaqtga mutanosib ravishda hisoblab chiqarishda uning davomiyligi har yilgi asosiy va qo‘shimcha mehnat ta’tilining to‘liq miqdorini o‘n ikkiga bo‘lish hamda to‘liq ishlangan oylar soniga ko‘paytirish yo‘li bilan aniqlanadi.
         Yangi mehnat kodeksiga ko‘ra, Xodim va ish beruvchi o‘rtasidagi kelishuvga ko‘ra har yilgi mehnat ta’tili qismlarga bo‘linishi mumkin. Bunda ushbu ta’tilning hech bo‘lmaganda bir qismi o‘n to‘rt kalendar kundan kam bo‘lmasligi kerak.Mehnat shartnomasi bekor qilinganda xodimga barcha foydalanilmagan har yilgi asosiy va qo‘shimcha mehnat ta’tillari uchun pulli kompensatsiya to‘lanadi.

Uchquduq tuman adliya bo‘limi