LOTIN-КИРИЛЛ
Subscribe to this RSS feed

Ўғиллар

 

Қишлоқ кўчасига водопоровод суви келаркан деган хушхабар ҳаммани хурсанд қилди. Энди шаҳарликлардек жўмракни бурасанг сув келади. Ана сенга яхши яшаш... Ўша кун келди. Сув ҳамма ўйлагандек хонадонларга эмас уч тўрт ҳовли ўрталаб кўчага кранлар ўрнатилди. Вақти билан узатиладиган сув уйга пақирларда ташиб кирилади. Бундан норизолар ҳам бўлди. Шу кунгача ҳовузини бир ойлик сувга тўлдириб ичаётганлар шукр қилди, “Ҳовуздан ташиб кирганимиздекда, “зато” ҳар кунлик тоза сув ичамиз.... Бундан шукроналикни Салим бобо ва кампири ҳам қилди. Иккови учун трактор олиб келиб ташлайдиган бир ҳовуз сув бир ойдан ошиб ҳам тугамасди. Сув ҳам иссиқда айнирканда... Энди кўча бошидан икки пақир сув олиб кирса бир кунига етиб ортади. Унда-мунда неваралар келиб қолса, сув муаммоси бўлмаса...

- Сувга ҳамма айтган пулни бермаётган экан, маҳалла мажлис қилиб, ҳисоблагич қўйиб, уйинга сувни олиб кир деяпти,- деган гапни чол кўчадан топиб келди. 

- Энди нима қиламиз, Собир деди эрининг ҳурмати учун бош фарзандини исмини айтиб чақирадиган кампир.   

- Нима қилардик биз ҳам уйгача труба торттириб, сувни уйга олиб кирамиз. 

- Қанча пул кетишини биласизми, чол. 

- Кетса бир пенсиянг кетар... 

- Пенсия ҳам ўлсин, унга менга дори-дармон оласизми, невара келинга сарпо суруқ қиласизми. 

Бир миллиондан ошиқ нафақа пули оладиган чол-кампирнинг ҳисоб - китоби уйгача сув келишига етмади. Бир пенсияга сув олиб келишса кейин нима бўлади, ҳар ҳафта учта талаба пул сўрамасада, биз ўқишга кетдик, деган болани бобо-биби қуруқ қўл билан қайтаролмайди. Ҳали олинда ўғли ўғил уйлантиради. Бир нажот - топарман икки ҳовли нарида турадиган катта ўғил Собирда қолди.  

-Собир ўзига сув ўтказиб, бизни ўгай қилиб қўймас, онаси.

- У ҳам қай бирини қилсин , - деди хўрсиниб кампири. 

Салим бобо ва Қурсия биби ҳамма боласини илмли қилди. Худога шукр ҳаммаси ўқимишли. Ўзидан тинди. Бироқ ҳамманинг рўзғори бўлак. Бола чақаси бор. Сени ўқитдим, катта қилдим, деб на она на ота фарзандидан бир нарса сўрамайди. 

- Сизларга ҳам Қобил сув ўтказиб берса бўларди, деган шаъмали гап қилди шу кунларда катта келин. 

- Қобил қачон шаҳаридан кўчиб келса ўзига ўтказиб олар, унга ҳам нима деймиз. Кун ора боласи касал бўлади, ишига комиссия келади. Ишлари яхши бўлиб кетса ўтказар бир кун. Кенжасининг тарафи бўлди она. – Бобонгизга айтдим, яна ҳовузни тўлдирамиз, икки ойга етади. Менга водопровод нима керак. Битта чойим билан овқатимга сув бўлса бўлди. 

 Чол кампирига қаради. Ёшлиги етимликда ўтган бўлсада кампири 70 дан ошибдики, ҳали ориятли.  

 Ҳамманинг уйига 66, 67 хонадонларга ҳам сув кирди. Фақат кўчанинг бошини бошлаб берган 68 хонадонга келмай тўхтади...

...Ҳар тонг саҳарда хонадон олдида бир “Дамас” тўхтайди. Бир бочка туширилб, иккинчиси юкланади. Кейин дуога қўл очилади. “Сувдай сероб бўл, болам ”. Онаси билан отасининг уйига сув олиб кирилмаганидан ҳаммадан кўпроқ иккинчи ўғил куйинди. Ишхонаси ёпилиб ишсиз қолган ўғил эскироқ бўлса ҳам ойлик тўлови камроқ дея бир “Дамас”ни ижарага олди. Киракашликдан ҳам кўра, Дамхўжа трубалари ўтган, трасса ёриғидан онаси-отасига сув олиб келади. 

- Энди сув керак эмас, болам. Қобил уканг, водопроводга труба келтириб ташлади. 

- Она, мен олиб келаётган сув, тоза Дамхўжа суви. Водопроводга ўзимизнинг сувни аралаштиради. –деб мўлтираб қаради, иккинчи ўғил.

- Раҳмат, болам бир йил ташидинг, ўзиям. Энди сенга ҳам қийин. Ишга кириб ол. Олдинку мошинанг бор эди.  

 Ўғилнинг кўзида ёш милтиллади, 

- Қани эди бойроқ бўлганимда водопроводни биринчи сизнинг уйингизга ўзим ўтказиб берардим. Шунда уни ҳар бураганингизда мени дуо қилардингиз. Олган бир йиллик дуом билан икки болам олий ўқув юрти талабаси бўлди. Сизлардан бошқа кимнинг ҳам дуоси ўтарди, менга Онажон! Аммо бу гапларни у онасига гапиролмасди. Йиғлаб юбориши аниқ. Телефонни баҳона қилдида эшикка томон юрди. 

- Сув олиб келмасанг ҳам дуо қилавераман, болам мен ахир онангманку, -деди она. У боласининг дили тубидаги ҳамма ўкинчларни у айтмаса ҳам ўқиб бўлган эди. Чунки она эди.

Yangiliklar
Batafsil..

КАСБ БАЙРАМИНГИЗ МУБОРАК БЎЛСИН!

 

Бир кун жамоадошларимиз билан суҳбатлашиб туриб, беихтиёр қўлига телефон олиб, хабарларга кўз қирини ташлаган ҳамкасбимиз юзида нимтабассум пайдо бўлди. Ҳамма ҳайрон. Ажойиб хабар, дея ўқий бошлади. “Ўзбекистон Республикаси Президенти қарори. Шанба ва якшанба кунлари республикамиз келинлари учун дам олиш кунлари. “Барча келинлар ота-оналари ҳолидан хабар олишлари, бирор жойга дам олиш учун боришлари мумкин. Бунга қаршилик қилган қайноналар ва уларнинг турмуш ўртоқларига белгиланган тартибда жазо чоралари қўлланилиши ҳақида огоҳлантирилсинлар,” дея ёзиб қўйилган эди. Ҳаммамизнинг юзимизга кулги югурди. Бу ижтимоий тармоқлар орқали келган ҳазиломуз маълумот эди.

Ўйлаб қарасам инсоният матбуот ва оммавий ахборот воситалари орқали берилаётган хабарларни ўқиб туриб гоҳида кулади, гоҳида йиғлайди, гоҳида ажабланади, баъзида ҳайратдан ёқа ушлайди, гоҳида ғазабланади, гоҳида қувонади, гоҳида нафратланади… Бироқ ҳар қандай ҳолатда ҳам ўзига тегишли хулосани чиқаради. Тўғри, ҳамма ҳам тўғри хулоса чиқаради, дея олмайман, аммо ўзида қайсидир жиҳатини ўзгартиради. 

Ҳа, дунёқарашимиз кенгайишида, фикрлаш қобилятимизнинг ошишида, дунё ҳамжамиятининг саҳналарида рўй бераётган воқеа-ҳодисалардан хабардор бўлишимизда, ОАВ вакилларининг ўрни беқиёс! Ҳозирги кунни уларсиз тасаввур қилиш жуда қийин. 

Ушбу йўналишнинг тарихига назар ташласак, ахборотни етказиш жуда оддий кўринишда, бироқ қийин бўлган. Оддий кўринишда деганда, чопарлар хизмат қилган, кабутарлардан фойдаланилган, халқ ичида баланд овозда жарчилар томонидан хабарлар тарқатилган ва ҳоказо. Қийинлиги, узоқ муддатда тарқатилиши билан бирга, қабул қилувчига аниқ етиб бориши ёки бормаслиги, яъни бошқалар қўлига тушиб қолиш эҳтимоллари кўп бўлган. Бир неча кундан бир неча ойларгача чўзилган бўлиши мумкин. Бироқ бугунга келиб ушбу соҳа жуда ривожланди. Албатта бу табиий. Чунки вақт ўтган сари ҳар бир йўналиш оддийликдан мураккабликка қараб бораверади, яъни мукаммаллашади. 

Ҳозирда бу ҳолатни газета, журналларимиз, радио ва телевидение, ҳамда интернет мисолида яққол кўриш мумкин. Ҳар бири ўз ўрнига эга, ҳар бирининг ўз аудиторияси бор. 

Оммавий ахборот воситалари жамиятнинг ижтимоий, иқтисодий, сиёсий, маънавий, маданий ва маърифий соҳаларини ёритар экан, инсоният улардан фақатгина тўғри хулосалар чиқара олса, бас!.

Дилором Салимова,

 ШКБ 3-гидрометаллургия заводи 

манънавий-маърифий ишлар 

бўйича инсректори.

Yangiliklar
Batafsil..

КӨЗҚАРАС ПЕН ПІКІРДІ СУРЕТ АРҚЫЛЫ СИПАТТАЙТЫН СЕЙІТЖАН

 

Тарих көптің жадында сурет арқылы сақталады. Олай болса, халықты таңғал-дырар кадр түсіру – өнермен пара-пар. Үшқұдық ауданында объективін арқалап, талай оқиғаның ортасында жүріп, қажырлы да тынымсыз қызмет еткен жастардың бірі – Сейітжан Арыбаев.

Ауданның соңғы жылдардағы қоғамдық, саяси, мәдени, әлеуметтік өміріндегі тыныс-тіршілігі Сейітжанның фотоаппараты арқылы газет беттерінде «сөйлеп» тұрды. 

Редакцияға 2018 жылы жұмысқа келген жас фотограф үлкенмен де, кішімен де тез тіл табысатын, тосырқауды білмейтін қарапайым мінезімен қайсы ортаға да тез бейімделе кететін қасиетімен ерекшеленеді. Ақжарқын мінезді жас дарын Қызылорда мемлекеттік университетін бітірген жоғары білімді кадр. 

 «Жігітке қырық өнер де аз» дегендей, ауданда өтіп жатқан іс-шараларды фото-бейне таспаға түсіру үшін фотограф, оператор, монтаждаушы, жүргізуші, тілші сияқты бар өнерін сарп етеді. Үшқұдықтың жылы бейнесін шетте жүріп сағына еске алатын жерлестер ауданның күнделікті өмірі туралы көптеген фильмдерді әдемі монтаж арқылы әлеуметтік желілерде үнемі тамашалайды. Ол Instagram желісінде жеке арнасын жүргізіп, құт дарыған киелі Қызылқұмның өмірі мен табиғаты туралы суреттерді үнемі жүктеп отырады. 

Үшқұдық ауданы облыс орталығынан 300 шақырым және ел астанасы Ташкенттен 1000 шақырымдай қашықтықта орналасқандықтан журналистер келе бермейтін шалғай аудан. Сондықтан Сейітжанның бейнеобъективке түсірген кадрлары облыстық, республикалық жаңалықтар арналарында көрсетіледі. Сейітжанды Үшқұдықтағы барлық тұрғын таниды. Өйткені жерлестердің өтінішін ешқашан жерге қалдырмайтын елгезек фотограф. 

Өз ісін, мамандығын жанындай артық көретін талапшаң дарын иесі видеокамера арқылы елдегі жаңалықтарды бүкіл республикаға қалай тарату керектігін жақсы меңгергендігімен ерекшеленеді. Тек еліміздің бұқаралық ақпарат құралдарында ғана емес, көршілес Қазақстанның бұқаралық ақпарат құралдарында да оның Үшқұдық ауданы туралы түсірген фильмдері мен фотолары жарияланып, эфирге үнемі шығады. 

Тұрғындардың әлеуметтік-тұрмыстық ахуалын, өлке тарихы мен ауданның жетістігін суретке сыйғызып, басылым мазмұнын арттыруға атсалысып келе жатқан жас маман Сейітжан жақында отбасын құрды. Бұл жас жанұяның Үшқұдықтағы өнегелі, ата-анасы, туаған туысымен қатар елге қызмет етер үлгілі отбасыларының бірі боларына сенімдіміз. 

Қалтқысыз қызмет атқарып келе жатқан жаңа толқын жас маман әріптесіміз Сейітжанды қос мереке – Баспасөз және ақпарат саласы қызметкерлерінің кәсіби мерекесі, сондай-ақ жалындаған жылулық сыйлайтын Жастар күнімен шынайы құттықтап, табысты еңбек тілейміз.

Гулдана НАРИНБЕТОВА

Yangiliklar
Batafsil..

БЕДЕЛ БИІГІНДЕГІ БАСЫЛЫМНЫҢ БІЛІКТІ КАДРЫ

• 27 июнь –Баспасөз және бұқаралық ақапарат құралдары қызметкерлері күні

Халқымыздың қоғамдық-әлеуметтік ой-пікірін оятуға, мәдени-әдеби дүниета-нымын қалыптастыруға, кеңейтуге өз кезегінде мерзімді басылымдардың қосар үлесі зор. Елдің жасампаз істерге толы шежіресін жазу жолында Қызылқұм өңіріндегі газет қаламгерлері де үнемі ізденіс үстінде жүреді десек артық айтқандық емес.

   Әсіресе, Науаи облысы шалғай аймағының тыныс-тіршілігін, халықтың әлеуметтік жағдайын, жеткен жетістігі мен еңбек адамын насихаттауда журналистер, газет қызметкерлерінің, баспасөз хатшыларының атқарған толассыз істердің қатарында екенін айта кеткен жөн. 

Кез келген өңір үшін ақпараттық жүйенің бәсекеге қабілеттілігі айрықша басымдық алып, газеттің баспа нұсқасымен бірге электрондық жүйесін қатар дамыту заман талабы. Газеттің электронды нұсқасын әзірлеп, бүгінде әлемнің қай түкпірінен оқимын деген үшқұдықтықтар болса да мүмкіндік бар. Осындай жауапты істі кейіпкеріміз Гауһар Бозаева қалтқысыз атқаруда.

Гауһар Бозаева – 2009 жылдан бері Науаи облысының шалғай Үшқұдық ауданы «Үшқұдық» газетінің дизайнері болып жұмыс істейді. Білімі жоғары, Қазақстан Республикасының М.Әуезов атындағы мемлекеттік университетін бітірген. Өзінің сүйікті жұмысын тиянақты атқаратын кемел маман. Ол жаңа нәрселерге құштар. Газеттің әр нөмірін қызықты әрі тартымды дизайнмен оқырмандарға ұсынуға тырысады. Газет бетіндегі әрбір мақала заманауи дизайнмен әрленгенде оқырман еріксіз сол материалдың ішінде жұргендей сезінеді. Сол арқылы білікті маман мерзімдік басылым арқылы жарияланған мақалалардың оқылуын арттыра түсуде. Ал газеттің электронды нұсқасы ресми сайтта, ресми телеграмм каналында жариялана түсуі заманмен үндескен дизайнердің үлкен жетістігі екені даусыз. Газет жарияланар сайт жергілікті жаңалықтармен қатар әлемде болған оқиғалардың ақпараттары беріліп отыр. Бұл жағынан алғанда “Үшқұдық” тек аудан айнасы ғана емес, сонымен қатар, жаһан жаңалықтарының жаршысы болып келе жатқанын атап өтуге болады.

«Үшқұдық» газетінің оқырман қолына «шоқтай» жанып, жетуінде Гауһар Бозаеваның қызметі теңдессіз. 

Білікті дизайнер Г.Бозаева өмірлік жолдасымен екі қыз тәрбиелеп отырған Үшқұдықтағы үлгілі отбасы ұйытқысы. Алдағы уақытта шырайлы шығармалардың баспа бетінде әрленіп, заманауи дизайынмен жарық көруіне септігін тигізетін жаңашыл кадрге шығармашылық табыс тілейміз.

Yangiliklar
Batafsil..

Uchquduq tumanida ijtimoiy himoyaga muhtoj oilalarni qo‘llab-quvvatlash hamda aholiga ayniqsa ayollarga sifatli tibbiy xizmat ko‘rsatish" mavzusida matbuot anjumani

          Uchquduq tuman hokimligi Oila va xotin-qizlar bo‘limi hamda tuman hokimligi axborot xizmati bo‘limi bilan hamkorlikda "Uchquduq tumanida ijtimoiy himoyaga muhtoj oilalarni qo‘llab-quvvatlash hamda aholiga ayniqsa ayollarga sifatli tibbiy xizmat ko‘rsatish" mavzusida matbuot anjumani o‘tkazildi.
         O‘tkazilgan matbuot anjumanida onalar va bolalar salomatligini muhofaza qilish, aholining reproduktiv salomatligini mustahkamlash, reproduktiv yoshdagi ayollarni kontrasepsiya vositalari bilan qamrab olish, voyaga yetmagan qizlarni erta turmushga berish va istalmagan homiladorliklarning oldini olish, ijtimoiy himoyaga muhtoj oilalarga, ayniqsa xotin-qizlarni tibbiy ko‘rikka keng jalb etish, ayollarni onkoskrining nazoratidan o‘z vaqtida o‘tishlarini ta’minlash, bu borada doimiy ravishda targ‘ibot tadbirlarini tashkil etish kabi mavzularda so‘z borib, tuman tibbiyot birlashmasi bilan hamkorlikda ishlarni tizimli amalga oshirish rejalashtirib olindi.

photo 2024 07 01 18 14 45

       Tumanda 2024 yilda 5-bosqich "Ayollar daftari" shakllantirilib, 3-toifa boquvchisi bo‘lmagan ehtiyojmand xotin-qizlarga 161 nafar, 4-toifa ijtimoiy yordamga muhtoj 1- va 2-guruh nogironligi bo‘lgan ehtiyojmand xotin-qizlarga 100 nafar, qaramog‘ida nogironligi bo‘lgan farzandi mavjud ehtiyojmand xotin-qizlarga 72 nafar xotin-qizlar kiritilgan bo‘lib, hozirgi kunda ularga "Ayollar daftari" jamg‘armasi mablag‘lari hisobidan bir matalik moddiy yordam, sog‘ligini tiklash uchun dori-darmonlar, davolanish va jarrohlik amaliyotlari uchun mablag‘ ajratilib kelinmoqda.

 
O'qilgan: 0 bora
 
 
 
Yangiliklar
Batafsil..

Keyingi yetti yil ichida yoshlarga oid 100 dan ziyod qonun va qaror qabul qilinib, 200 dan ortiq imtiyoz berildi

Prezident Shavkat Mirziyoyev raisligida yoshlar siyosatiga bagʻishlangan videoselektor yigʻilishi hamda yoshlar bilan muloqot boshlandi.

Davlatimiz rahbari mamlakatimizda soʻnggi yetti yil yoshlarni qoʻllab-quvvatlash, ularning isteʼdod va salohiyatini roʻyobga chiqarishda “katta sakrash davri” boʻlganini taʼkidladi.

Shu yetti yil ichida yoshlarga oid 100 dan ziyod qonun va qaror qabul qilinib, 200 dan ortiq imtiyoz berildi.

Birgina taʼlim kreditidan 151 ming yoshlar foydalandi. Ehtiyojmand oiladan boʻlgan yana 110 ming talabaning kontraktini toʻlashga 332 milliard soʻm ajratildi.

Natijada oliy taʼlimda qamrov 9 foizdan 42 foizga, oliygohlar soni esa 77 tadan 212 taga yetdi.

Yangiliklar
Batafsil..

Oʻzbekiston chiqindi gazlarni kamaytirgani uchun Jahon bankidan toʻlov qabul qilgan dunyodagi birinchi davlat boʻldi

 

        Energetika sektorida emissiyalarni kamaytirish boʻyicha hukumat siyosatini qoʻllab-quvvatlash dasturi doirasida erishgan natijalari evaziga Oʻzbekiston Jahon bankidan toʻlov qabul qilgan dunyodagi birinchi davlat boʻldi.

       Bu Jahon bankining mamlakatga energiya samaradorligini oshirish, energiya subsidiyalarini qisqartirish va toza energiya manbalariga oʻtishga koʻmaklashuvchi “Oʻzbekistonda energetika islohotlari uchun innovatsion uglerod resurslarini qoʻllash” (iCRAFT) loyihasi doirasida amalga oshirildi.

        Ushbu turdagi loyiha bank tomonidan dunyoda birinchi marotaba amalga oshirilmoqda.

        Loyiha doirasida 500 ming tonnalik issiqxona gazlari emissiyasi muvaffaqiyatli kamaytirilgani natijasida Jahon bankining Transformatsion uglerod aktivlari jamgʻarmasi (TCAF) Oʻzbekistonga 7,5 million dollar miqdorida grant ajratdi. Ushbu natijalarni uchinchi tomon mustaqil ravishda tasdiqladi.

        Yuqorida keltirilgan toʻlov Oʻzbekiston hukumati va Jahon banki oʻrtasida iCRAFT loyihasi doirasida tuzilgan Qisqartirilgan emissiyalarni sotib olish shartnomasi boʻyicha kutilayotgan bir nechta transhlarning birinchisidir.

       Bitimga koʻra, mamlakat energetika sektorini isloh qilish natijasida emissiyalarni, mustaqil ravishda tasdiqlangan holda, qisqartirgani uchun 20 million dollargacha grant mablagʻlari yoki “uglerod moliyalarini” olishi mumkin boʻladi.

Yangiliklar
Batafsil..

Qozogʻiston oʻzining messenjerini ishga tushirmoqchi

Qozogʻiston raqamli rivojlanish, innovatsiyalar va aerokosmik sanoat vaziri Jaslan Madiyev messenjerlarning mahalliy analoglari ishlab chiqilayotganiniaytdi. Bu haqda “Zakon.kz” xabar berdi.

Vazirdan WhatsApp va Telegram’ning mahalliy analogi ishlab chiqilishi ehtimoli soʻraldi.

“Sizni ishontirib aytamanki, bugungi kunda startaplar hamjamiyati shu kabi loyihalar ustida ishlamoqda. Ularni kuzatib, qoʻllab-quvvatlamoqdamiz. Ertami-kechmi, bunga guvoh boʻlamiz, deb oʻylayman. Muddatlarni aytmayman, chunki ertaga — shu sanaga qadar shu startapga vaʼda bergan edingiz, deysiz. Lekin bu bozor.  Bilasizmi, WhatsApp va Telegram dastlabki ishga tushirilgan paytlar ular zararga ishlagan, bu juda katta pul edi. Hattoki hozir ham bu ular uchun foydali biznesligi haqida ishonch bilan ayta olmayman”, — dedi u.

Vazirga koʻra, WhatsApp’da pul ishlash uchun hech qanday reklama yoʻq. Messenjer esa boshqa mahsulotlar tomonidan subsidiyalanadi.

“Shunday startapni topish, shunday biznes-modelni qurish va messenjer pul olib kelishi oson ish emas. Bu, albatta, zararga kiruvchi faoliyat. Keling, sabrimizni jamlaylik, ehtimol bizning daho startapchilarimiz nimadir oʻylab topar”, — dedi Jaslan Madiyev.

Yangiliklar
Batafsil..

"Uchquduq" ishlab chiqarish maydonida davra suhbati

    "Uchquduq" ishlab chiqarish maydoni faollar zalida O‘zbekiston Respublikasi huquqbuzarliklar profilaktikasi to‘g‘risidagi qonunning mazmun mohiyati, jinoyatchilikka qarshi kurashish va uni oldini olishga oid davra suhbati o‘tkazildi.

   Davra suhbatiga Uchquduq tuman IIB boshlig‘i birinchi o‘rinbosari B.Q.Fattoev, Navoiy viloyat IIB NKMK IIB tezkor qidiruv xizmati tezkor vakili U.E.Hazratov, Uchquduq tuman IIB YHXB boshlig‘i I.I.Axmedov, "Uchquduq" IChM ishlab chiqarish boshlig‘i F.A.Bozorov, "Uchquduq" IChM tartibot xizmati boshlig‘i O‘O‘Asadov, "Uchquduq" IChM yuriskonsulti R.R.Xalilov va "Uchquduq" IChMga qarashli "Uchquduq" GTK va SKIChS yoshlari va ishchi-xodimlari ishtirok etishdi.

  Har bir xodim korxonaning mol-mulkini asrab avaylash, talon-toroj qilinishini oldini olishga ma'sul ekanligini, jinoyat ishlari bo‘yicha sudining qarori asosida xodim bilan tuzilgan mehnat shartnomasi bekor qilinishi bo‘yicha BKUQga taqdimnoma kiritilishi, chunonchi, "Navoiyuran" DKda amal qiluvchi ichki mehnat tartib qoidalarining tegishli bandlariga asosan xodim bilan tuzilgan mehnat shartnomasini bekor qilishga asos bo‘lishi mumkinligi aytib o‘tildi. Shuningdek, jamiyatda kiber jinoyatchilikning soni tobora oshib borayotganligini, fuqarolarning shaxsiy uyali aloqa apparatlariga turli xil firibgarlar tomonidan xabarlar yuborib, aldovlar evaziga ularning plastik karta raqamlarini qo‘lga kiritish oqibatida plastik kartalarda mavjub bo‘lgan pul mablag‘lari olib qo‘yilayotganligini, xar bir fuqaro jinoyatchilikni oldini olishga faol qatnashishi lozimligini, chunki jinoyat sodir etilishini oldini olish samarali chora ekanligini haqida ma'lumot berildi.

    Bundan tashqari o'tkazilgan yig'ilish natijalariga ko'ra "Uchquduq" IChMda 2024 yil davomida jinoyatchilikni oldini olish maqsadida huquqni muhofaza qiluvchi organlar bilan hamkorlikda targ'ibot va tashviqot ishlari muntazam ravishda olib borilishi to'g'risida qaror qabul qilindi.

Yangiliklar
Batafsil..

Ёшлар куни муносабати билан туман ҳокими табриги

20 Jun 2024
Muallif:

Ассалому алайкум қадрли ёшлар, азиз ўғил-қизларим!

Ҳурматли тадбир иштирокчилари!

Сизларни ва сизнинг тимсолингизда барча учқудуқлик ёшларни тобора яқинлашиб келаётган 30 июнь – Ёшлар куни байрами билан самимий муборакбод этаман!

Учқудуқ туманининг ғайрати баланд, интилувчан ўғил-қизларимиз иштирокида  “Янги Ўзбекистон ёшлари, бирлашай-лик!” шиори остида ўтказилган барча тадбирлар ёшларимиз учун етуклик ва ҳақиқий ватанпарварлик кўриги бўлди, десак тўғри бўлади. 

Янги Ўзбекистонни барпо этишга қаратилган умумхалқ ҳаракати сафларида сиз, азиз ёшларимизнинг қудратли куч бўлиб майдонга чиқаётганингиз таҳсинга сазовор, албатта.

Ҳурматли Юртбошимиз ташаббуслари билан бугун ҳаётимизнинг қайси соҳа ва тармоғини олмайлик, ёшларга эътибор ва ғамхўрлик асосий ўринга кўтарилиб, уларга зарур шароит ва имкониятлар яратиб берилмоқда. Эртамиз эгалари бўлган ёшлар билан ишлашнинг мутлақо янги тизими – “Ёшлар дафтари” ва “Ёшлар дастурлари” ҳаётга татбиқ этилмоқда.

Олиб борилган амалий ишлар натижасида ўтган 6 ой мобайнида “Ёшлар дафтари”га кирган 87 нафар йигит-қизнинг муаммоларини ҳал этиш учун 452 млн. 391 минг сўм маблағ йўналтирилди. 54 нафар талабанинг 169 млн. 687 минг сўм миқдоридаги контракт пули, 6 нафар йигитнинг 36 млн. 903 минг сўм миқдоридаги сафарбарлик чақируви резерви учун белгиланган бадал пуллари тўлаб берилди. 11 нафар ёшларга 73 млн. сўм миқдорида субсидия маблағлари ажратилиб, меҳнат қуроллари олиб берилди.

Шу билан бирга, 28 нафар ўғил-қизларнинг тадбиркорлик лойиҳалари учун, 1,2 млрд. сўм имтиёзли кредитлар ажратилди. “Ёшлар саноат ва тадбиркорлик зонаси”даги 6 та лойиҳа доирасида ёшларимиз учун 32 та янги иш ўринлари яратилди.

Қолаверса, туман марказидаги “Олтин кўл”, “Орзу” истироҳат боғи, “КЕLАJАК” ёшлар маркази, IТ маркази ва ўнлаб спорт иношотлари бугун ёшлар ихтиёрига берилган. 

Жорий ўқув йилида туманимиздаги умумий ўрта таълим мактаблари, касб-ҳунар мактаби ва саноат техникумини 757 нафар ёшлар тамомлаб, мустақил ҳаётга қадам қўймоқда. Шу боис ёшларнинг бандлигини таъминлаш фаолиятимизнинг энг устувор йўналишларидан бири бўлиб қолади. Бу йўналишда ҳар бир маҳалла кесимида қанча ёшларни касб-ҳунарга ўқитиш, қанчасини иш билан таъминлаш, нечта тадбиркорлик лойиҳасини амалга ошириш белгилаб олинади.

Шунингдек, барча учун таълим кредити имтиёзли шартларда 7 йил муддатга, Марказий банкнинг асосий ставкасида, ажратилади. Бунга қўшимча равишда, таълим кредитларини қоплаш учун йўналтирилган маблағлар даромад солиғидан ҳам озод қилинган.

Бундан ташқари, “Дафтарлар”га кирган оилаларнинг янги турмуш қураётган фарзандларига ўз хонадонида қўшимча уй-жой тиклаб олиши учун 33 миллион сўмгача гаровсиз кредит ажратиш тизими йўлга қўйилди. 

Қадрли ёшлар!

Бугун шу юксак минбардан туриб, туманимизда ёшликка хос шижоат, жўшқинлик ва орзу-интилишларни амалий ҳаракатга айлантириб, салмоқли натижаларга эришаётган ёшлар кўпчиликни ташкил этишини таъкидламоқчиман. 

Жорий ўқув йилини 392 нафар битирувчи тугатаётган бўлса, уларнинг 143 нафари муддатидан олдин талаба бўлди. 11-синф битирувчиларнинг сафларида 15 нафари олтин медаль, 1 нафари кумуш медаль билан мактабни тамомлаётган ўқувчиларнинг борлиги, зукко ва билимдон фарзандларимиз билан ҳар қанча фахрлансак арзийди.

Шунингдек, 9-мактабнинг 11-синф ўқувчиси Альбина Жамаладинова фан олимпидасининг республика босқичида қозоқ тили ва адабиёти фанидан фахрли 2-ўринни эгаллаганлиги туманимизда билимли ва салоҳиятли ёшларнинг кўплигидан далолат беради, албатта!

Фурсатдан фойдаланиб, мактабни олтин ва кумуш медаллар билан тугатаётган битирувчиларнинг ана шундай ютуқларга эришишига катта ҳисса қўшган жонкуяр ота-оналарига, заҳматкаш устоз ва мураббийларига ҳам ўзимнинг самимий миннатдор-чилигимни билдираман.

Шу ўринда туман ёшларининг спортда қўлга киритаётган ютуқларини ҳам эътироф этиб ўтиш ўринли. Куни-кеча Қозоғистон Республикасининг Ақтау шаҳрида самбо бўйича ёшлар, ўсмирлар, кадетлар ва спорт усталари ўртасида Осиё чемпионати бўлиб ўтди. Мазкур нуфузли мусобақада туманимиздаги 18-сонли ва 10-сонли мактаб ўқувчилари, “Лочин” спорт мажмуаси тарбияланувчилари Гулина ва Гуласал Облоқулова ҳамда Асал Шавкатовалар 65 кг. вазн тоифасида кумуш медални қўлга киритишди. Бу муваффақият жорий йил октябрь ойида Кипр давлатида бўлиб ўтадиган Жаҳон чемпионатида қатнашиш ҳуқуқини беради. 

Яна бир эътиборли жиҳат, Гуласал Облоқулованинг спортда эришган ютуқлари инобатга олиниб, Ёшлар сиёсати ва спорт вазирлиги томонидан “спорт устаси” мақоми берилди. Спортчи қизимиз олий таълим муассасасига киришда ижодий имтиҳондан озод этилади ва спорт йўналишида талабаликка қабул қилинади.

Ҳурматли тадбир иштирокчилари!

Хабарингиз бор, ҳурматли Президентимиз томонидан илгари сурилган “Беш ташаббус олимпиадаси” нинг 2024 йил мавсуми мусобақаларига март ойида старт берилганди. Шу давр мобайнида маҳалла, сектор, туман ҳамда вилоят босқичлари ўтказиб келинмоқда. Ушбу олимпиада доирасида бўлиб ўтаётган беллашувларда Учқудуқ туман ёшлари ҳам фаол иштирок этишмоқда.

Хусусан, олимпиада доирасидаги “Бўзатов-ФЕСТ” ёшлар овози танловининг вилоят босқичида “Дўстлик” маҳалласи ёшларидан Севинч Эшмаматова мақом йўналишида фахрли 1-ўринни эгаллаб, Республика босқичида фаол иштирок этди. Артур Тайирбаев эса опера йўналишида фахрли 3-ўринни, эстрада йўналишида Бақытбек Тoйлибаев фахрли 3-ўринни қўлга киритишди. 

Айни кунларда давом этаётган олимпиаданинг вилоят босқичи спорт мусобақларида Учқудуқ ёшлари ҳам фаол иштирок этиб, ўз иқтидорларини намойиш этмоқда.

Азиз ёшлар!

Бутун дунёда глобаллашув жараёни изчил давом этаётган шу синовли кунларда ўз ақл-заковати, мустақил фикри билан ўзининг кимлигини, қандай буюк зотларнинг авлоди эканини чуқур англаб етган, ён-атрофидаги воқеаларга дахлдорлик туйғуси билан яшаётган баркамол ёшларимиз қалбимизга ҳамиша чексиз фахру ифтихор бағишлайди. 

Улар сафида бугун бепоён Қизилқум саҳроси бағрида камол топаётган, билим эгаллаётган, биз билан ёнма-ён меҳнат қилаётган шижоатли, матонатли чорвадор-у, кончиларнинг ёш авлод вакиллари ҳам борлиги қувонарлидир. 

Зеро, бугун ёнимизда шундай шижоатли ёшлар кўплаб топилади. Ана шундай кўзи ёниб турган, замонавий фикрлайдиган, илм-фан сирларини пухта эгаллаган издошларимиз етишиб келаётганидан ғурурланамиз.

Шу ўринда, эътиборларингизни қуйидаги рақамларга жалб этмоқчиман. Статистик маълумотларга қараганда, ҳозирда дунё аҳолисининг 20 фоизини, жонажон юртимизда эса аҳолининг 60 фоизини, туманимизда эса 63 фоизини ёшлар ташкил этади. Бу ўз-ўзидан Ўзбекистон ҳақиқий ёшлар мамлакати ва улар етакчи куч эканлигини тасдиқлайди.

Бир сўз билан айтганда, юртимизнинг ёрқин келажаги ва халқимизнинг умиду ишончи Сиз қора кўзларимизга боғлиқ. Ўз навбатида, келажагимиз эгалари ҳам яратилаётган кенг имкониятлардан фойдаланган ҳолда, мукаммал билим олиш ва касб-ҳунар эгаллаш, шунингдек, халқимизнинг орзу-истакларини амалий ишлар билан рўёбга чиқаришни ўз олдига мақсад қилиб қўйишлари лозим.

Ҳурматли Юртбошимиз Шавкат Миромонович Мирзиёев таъкидлаганларидек: “Сизлар том маънода юртимиз истиқболи, ёруғ келажагимиз бунёдкорисиз! Машҳур шоиримиз Эркин Воҳидов айтанидек, ёшликдаги куч-ғайратни эл-юртига бахш этган йигит-қиздан Ватан ҳам, халқ ҳам, ёшликнинг ўзи ҳам рози бўлади”!

Барчангизни ана шундай улкан бахт ва шараф насиб этсин! Ишонаманки, Сиздай шижоатли, ғайратли, ватанпарвар ёшларимиз бор экан, юкимиз ҳеч қачон ерда қолмайди. Кўзлаган юксак марраларимизни дадиллик билан забт этаверамиз!

Азиз ёшлар, Сизларни яна бир бор бугунги байрам - ёшлик, шижоат, куч-қудрат ва матонат айёми билан, чин қалбимдан муборакбод этаман!

Ўқиш ва ишларингизда, оилавий ҳаётингизда улкан муваффа-қияттар тилайман! 

Парвозингиз, интилишларингиз бундан ҳам сарбаланд бўлаверсин!

Юртимиз тинч, халқимиз соғ-саломат, эзгу ниятларимиз ижобат бўлсин. 

Эътиборингиз учун рахмат!

 

rasmiy ma'ruzalar va tabriklar
Batafsil..
Page 33 of 228

Uchquduq tumani

Tuman markazi - Uchquduq shahri.Tumanning tuzilgan vaqti – 1982 yil 22-aprel. Territoriyasi – 4663 ming2 km. Tuman markazi Navoiy viloyati markazigacha bulgan masofa – 300 km. Aholisi - 37028 ming kishi

Qisqacha ma'lumot

Aloqada bo'ling

  Email: This email address is being protected from spambots. You need JavaScript enabled to view it.
  Telefon: (+99879)222-00-05-101
  Telefon: (+99879)222-00-05-102
  Faks: (0436) 593-11-01
  Manzil: Navoiy viloyati, Uchquduq tumani, Amir Temur ko‘chasi, 28-uy

Ijtimoiy tarmoqlarda: