Yoshlarga yaratib berilayotgan imkoniyatlardan to‘g‘ri foydalib, hayotda o‘z o‘rniga ega bo‘lgan yoshlar ko‘plab topiladi. Ana shunday bilimli va salohiyatli, kasbiga mehr qo‘ygan yoshlardan biri Shohista Namozova bo‘ladi. 

O‘n yildirki, “Mikrokreditbank” Uchquduq filialida birinchi toifali mutaxasis bo‘lib ishlab kelmoqda. Uchquduqning farzandi, maktabni kasb-hunar kollejini shu yerda tamomlagan. Faoliyati davomida hamkasblaridan ko‘p narsani o‘rgandi. Baribir bilim va malakasini oshirish kerakligini tushunib, 2021 yilda Toshkent davlat iqtisodiyot universitetiga o‘qishga kirdi. Hozirda universitetni sirtqi bo‘lim 3-kurs talabasi.

-Faoliyatimizda insonlar bilan muloqot qilamiz. Doim xushmuomalalik bilan e’tiborli bo‘lishni kasbimiz taqozo etadi, - dedi Shohista Namozova.

Shohista kabi yosh va intiluvchan ayollarimizning kelgusi faoliyatida omadlar tilab qolamiz. 

ОНА МЕҲРИНИНГ ТИЛИ БЎЛМАЙДИ

Олтин корхона, дея таъриф берадиганимиз 3-сонли гидрометаллургия заводида турли миллат вакиллари ҳамжиҳатликда меҳнат қилиб, ризқ-рўз яратмоқдалар. Улардан бири Лагода Лада Викторовна.

Навоий шаҳрида таваллуд топган Лада Лагода мактабни тамомлаб, Навоий саноат техникумининг бино ва иншоотларни қуриш ва улардан фойдаланиш йўналишида таълим олган. Аввалига Навоий қурилиш бошқармаси Учқудуқ қурилиш монтаж трестида 1999 йилдан бошлаб, то ҳозирга қадар 3-сонли гидрометаллургия заводида муҳандис - конструктор бўлиб ишлаб келмоқда. Мана 24 йилдирки заводда амалга ошириладиган ҳар бир лойиҳа Лада Викторовнанинг чизмаларида ўз аксини топган. 

-Чизма бу шунчаки расм эмас, уни ҳамма ҳам тушунавермайди, ҳамма ҳам ўқий олмайди, - дейди Лада Лагода. - Заводдаги лойиҳа чизмаларнинг ҳаммасини меники, деб айтолмайман. Сабаби ҳар бир чизмани мутахассислар билан маслаҳатлашган ҳолда камчиликлари бартараф этилади. Ўзгартириш ва қўшимчалар киритилади, мукаммаллаштирилади.

Шу ўринда қаҳрамонимизнинг узоқ йиллар қилган фидокорона меҳнатлари муносиб эътироф этилиб, "НКМК фахрийси" ва "Кончилик шуҳрати" кўкрак нишонининг 3-даражаси билан мукофотланганлигини айтиб ўтиш ўринли.

Лада Викторовнанинг қизи Анастасия Москва давлат университетининг Тошкент филиали 3-босқич талабаси. Иш столида рамкага солинган “Онажон сизни яхши кўраман” сатри билан бошланувчи шеърга кўз югуртираман. Буни сезган Лада Викторовна қизим 15 ёшида ёзган, дейди кўзларига ёш ҳалқаланиб.

Қайси миллат вакили бўлмасин барча оналарнинг ягона орзуси фарзандлари соғлигию, бахту-камолини кўриш. Она меҳрининг бир хиллигини кўрамиз, меҳрни тушуниш учун тил билиш шарт эмаслигини англаймиз. 

Шу ерда ўқиган бир маълумот ёдимга тушди. Оллоҳим аёлга ҳамма хислатлардан берган экан. Гўзаллик, латофат, малоҳат, сабр-тоқат, матонат, шижоат... бироқ уларнинг нозик хилқатлигини билдириб туриш учун кўз ёшларни ҳам ҳадя этган экан. 

Мен бунинг исботини украин қизи, заводимизнинг малакали муҳандис-конструктори Лада Викторовнанинг нигоҳларида яна бир бор кўрдим.

Дилором Салимова,

3-ГМЗ маънавият ва маърифат ишлари бўйича инспектор. 

Мейірім мен жылылыққа толы жанұясы мен қарбалас қызметін ұштастыра білген Марита Ментурова ГМЗ-3 өндіріс орнында химиялық анализ зертханасының лаборанты. Марита Калымқызы осы жұмыста табан аудармастан 15 жыл еңбек еткен адал жар, ардақты ана, ұжымға сыйлы әріптес, екі немеренің ардақты әжесі.

 Қызметіне жауапты, өз ісінің шебері М.Ментурова 1969 жылы Жүзқұдық ауылында туылған. Отбасында 10 перзент ішінде тәрбиеленген бауырмал кейіпкеріміз 7 қыз бен 3 ұлдан тұратын ағайынды. Мектепті бітірген соң Ташкент педагогикалық техникумын аяқтаған Марита Қалымқызы №3 бала бақшада тәрбиеші 20 жылдан астам уақыт бүлдіршіндерге тәлім-тәрбие беру сынды жауапты іске сүбелі үлесін қосты.

Кейінгі жас буынға көрген-түйгенін үйретіп, жұмыстағы тәжірибесімен бөлісуді Марита Ментурова өзінің парызы санайды.

– Бұдан бірнеше жыл бұрын маман боп келгенімізде жұмыстағы лобарант мамандар бізге жұмысты ерінбей үйретті. Бүгінгі жастар сауатты ғой, айтқаныңды лезде қағып алады. Тек ынтасы мен жауапкершілігі арта түссе нұр үстіне нұр болар еді, – дейді кейіпкеріміз.

 Болмысынан ақжарқын, кішіге қамқор жанның қызметтік жылдары шәкірт дайындап, Дилшода Халмуратова, Дилдора Нармуратова сынды әріптестеріне зерттеу жасаудық қыз-сырларын меңгерткен. Қазіргі жаңа технология мен тұрмыстың түзелуі қызметіне оң серпін беруде деп айтады кейіпкеріміз. Бүгінде шәкірті Дилшода Халмуратова ГМЗ-3 өндіріс орны химиялық анализ зертханасының басшысы.

Иә, санамалай берсек, бүгінгі кейіпкер Марита Ментурова жөнінде ұзақ айтуға болады. Отбасының бабын тауып, кәсібін де бір кісідей атқарып жүрген жандардың ісі көпке үлгі боларлықтай. Бір жыл алдын зейнетке шықса да, іскер апа жұмысын қоса атқарып жүр. 

Әйелге тән ізгі қасиеттерді бойынан жоғалтпай, айналасына жан жылулығын сыйлай білген Ментурова Марита Қалымқызы шын мәнінде бақытқа кенелуде. Әйел, ана бақыты дегеніміз осы-ау бәлкім?!

Xoh musiqa xoh teatr san’ati bo‘lsin insoniylik tuyg‘ulari namoyon bo‘ladigan bu sohada faoliyat yuritishining ham o‘ziga xos qiyinchiliklari va ta’riflab bo‘lmas zavqi bo‘ladi. 

Sohada 22 yillik ish tajribasiga ega Berdiyeva Lobar O‘ktamovna tumanimizdagi 10-son Bolalar musiqa va san’at maktabida teatr to‘garagi rahbari bo‘lib ishlaydi. U 2002 yildan boshlab o‘quvchi yoshlarga odamlarni ezgulikka chorlaydigan, yaxshilikka undaydigan eng go‘zal tuyg‘ularni in’om etadigan teatr san’atidan saboq berib kelmoqda.

Bolalik xotiralarini eslar ekan pedagogika yo‘nalishidagi oliy ta’lim dargoh ostonasidan san’at sohasida o‘qiyman, degan qat’iy ahd bilan chiqib ketgan onlarini haligacha entikish bilan yodga oladi. Bugun esa san’atning bir vakili ekanligidan, yoshlikda qilgan qat’iyati bugun shogirdlar kamolida ular erishayotgan yutuqlarda o‘z ifodasini topayotganidan qalbi g‘ururga to‘ladi. 

-Garchi, bugun oliy ma’lumotli pedagog bo‘lmasam-da, o‘tgan yillar meni hayotning oliy dargohida tarbiyaladi tobladi,- deydi Lobar Berdiyeva.

O‘zining talabchanligi bilan bir qatorda xushmuomalaligi, yuksak insoniy fazilatlari bilan boshqalarga namuna bo‘lib kelayotgan qahramonimiz bugun musiqa maktabining sevimli ustozlaridan. Shogirdlari ishtirokidagi sahna ko‘rinishlari bilan tuman va viloyat miqyosida turli tadbirlarda ko‘rik-tanlovlarda muvaffaqiyatli ishtirok etib kelishayotir. Bugun ta’lim berayotgan iste’dodli o‘quvchilari nufuzli sahnalarda bir-biridan ajoyib rollarni ijro etishiga ishonchi baland.

Ha, Lobar Berdiyeva har bir shogirdining yutuqlaridan quvonadi. Shu bilan bir qatorda xalqaro va respublika miqyosdagi tanlovlar sovrindori bo‘lgan jamoasi bilan faxrlanadi. Yoshlikdagi qat’iyati ortidan bugun sevgan kasbi bilan shug‘ullanayotganiga esa mudom shukrona aytadi. 

   Bugun qaysi sohani olib qaramang ayollarimiz erkaklar bilan bir safda turib, faoliyat olib borayotganining guvohi bo‘lasiz. “O‘zbek geologiya qidiruv” AK “Qizilqum” markaziy GQE tarkibidagi “Kokpatas” DGQE ning dala xo‘jalik xizmati mudirasi Oyniso Muxammedova ham gelogiya sohasida ishlaydigan erkaklar bilan yelkama-yelka turi, yurt ravnaqi yo‘lida xizmat qilayotgan matonatli ayollardan.

Azim Buxoroning qizi Oyniso opa texnikumni muhandislik yo‘nalishida tamomlab, ish faoliyatini “Kokpatas” DGQEda boshlagan. Dastlab bosh dispetcher sifatida ishlab o‘zining kasbiga muhabbatini namoyon eta olgach, unga ma’muriy xo‘jalik xizmati mudirasi vazifasi ishonib topshirildi. 

“Daraxt bir joyda ko‘karadi”, deydi dono xalqimiz, shundanmi 23 yildan beri shu korxonada rizqini terib yurgan Oynisa opada ham o‘zga kasbga mehr yoki qiziqish bo‘lmagan. Uning yagona maqsadi shu sohaning sir-asrorlarini to‘la o‘rganish ekanligini rahbarlari ham alohida e’tirof etadi.   

Tariximiz o‘zining pahlavonlari va polvonlari bilan, qolaversa ajdodlar qoldirib ketgan boy madaniy merosi bilan faxrlanib so‘zlaydi. Azim yurtimizning Alpomishu Farhodlari qatorida, To‘maris va Barchinoydek mard qizlari-yu, Nodirabegim va Uvaysiydek aql zakovat sohibalari bo‘lganidek, bugunimizning Oyniso opadek shijoatli ayollari ham ko‘plab topiladi. 

Zero, biz bugunning avlodimiz yonimizdagi insonlarni qadrlash esa bizning insoniylik burchimizdir.

O‘qituvchilar haqida so‘z borganda albatta so‘z mulkining sultoni bo‘lmish Mir Alisher Navoiy bobomizning ushbu so‘zlari qulog‘ingiz ostida bot-bot jaranglayveradi:

Haq yo‘linda kim senga bir harf o‘qitmish ranj ila, 

Aylamak bo‘lmas ado oning haqin yuz ganj ila.

Yoki “Otalar so‘zi” kitobida keltirilgan ushbu jumalalar yodingizga tushadi

Buzrukmehrdan:

Nima uchun ustozingni otangdan afzalroq hurmat qilasan? – deb so‘radilar

- Chunki otam meni o‘tkinchi hayotga olib keldi, ustozim esa boqiy hayot bag‘ishladi, - deb javob berdi. 

Ha ustoz ana shunday ta’rifu tasnifga loyiq inson. Ular haqida qanchalik to‘lqinlanib yozmaylik, baribir kamlik qiladi. Bugun biz tilga olayotgan qahramonimiz Sayyora Shernazarova ham maqtovlarga molik ustozlardan. 1993 yilda Rossiyada Kursk davlat instituti filologiya fakulьtetini a’lo baholarda tugatib, dastavval shu shahardagi 1-sonli umumiy o‘rta ta’lim maktabida ikki yil ishladi. 1995 yildan esa Uchquduq tumanidagi 18-maktab o‘quvchilariga rus tili fanidan saboq berishni boshladi. 

Sayyora Shernazarova o‘z kasbining fidoyilaridan. U yangilikka o‘ch, o‘z ustida ishlashni kanda qilmaydi. Shu bois ham ustozning yangi pedagogik axborot texnologiyalarga asoslangan ilg‘or ish tajribasi viloyat miqyosida bir necha bor ommalashtirilgan. Sayyora opadagi ustozlik mas’uliyati ko‘plab shogirdlarga ibrat. Dars mashg‘ulotining o‘quvchilar uchun foydali va samarali bo‘lishi uchun izlanishdan charchamaydigan Sayyora opaning darsini kuzatar ekansiz, bolalarni sevgan, kasbini sevgan bu kabi aziz ustozlarga hurmatingiz oshadi. 

-Hayotda birgina chinakam baxt bor, u ham bo‘lsa boshqalar uchun yashamoqlik baxti! Ha, bu ham katta baxt aslida. Chunki umrim bolalar bilan o‘tdi, ular uchun yashadim, ular bilan baxtni his qildim, - deydi Sayyora opa Shernazarova o‘z hayotidan, kasbidan mamnun bo‘lib. 

Darvoqe, nozik yelkalarida zamonning zalvorli yukini ko‘targan, qalbida esa nozik g‘unchalar o‘stirgan Sayyoraxondek ayollarga “Bor bo‘ling aslo charchamang!” deging keladi. 

Sayyora opaning yutuqlariga to‘xtalmadik, uning o‘zi bir mavzu bo‘ladi, Sayyora Shernazarova! Umr daftaringiz sahifalari shirin xotiralar bilan to‘la bo‘lishinit ilab qolamiz. 

Insoniyat qanchalik taraqqiy etmasin, shunchalik kitobga ehtiyoj sezib, unga talpinib boraveradi. Kitob aql-zakovat va taraqqiyotning ildizi. Shunday ilm-ziyo ulashish esa shu ildizni sug‘orish bilan barobar nazarimda.

 “KELAJAK” yoshlar markazida faoliyat yuritadigan axborot kutubxona markazi tuman aholisi va yoshlarini kitob mutolaasiga bo‘lgan qiziqishlarini orttirishga ular o‘rtasida turli kitobxonlik tanlovlari, “Zakovat” intellektual o‘yinlari o‘tkazishga ulkan hissa qo‘shib kelayotgan ilm o‘choqlaridan biri. Uncha ham katta bo‘lmagan bu ahil jamoada Umida opa Itoqova 30 yillik ish tajribasiga ega.

Buxoro viloyatining Olot tumanida tug‘ilgan Umidaning yoshligi kitoblar orasida o‘tdi. Uyining yonida kutubxona borligi uchunmi bu dargoh uni o‘ziga ohangrabodek chorlab turardi. Doimiy kitoblar qurshovida yuradigan kutubxonachilarga esa havas bilan qarardi. O‘tkir Hoshimovning kitoblarini sevib o‘qir ekan Buxorodagi texnikumda ham “kutubxonachilik” yo‘nalishida tahsil oldi. 

O‘qishni tamomlab, Olot tumanidagi 8-sonli maktab kutubxonasida ish faoliyatini boshladi. Keyinchalik oila qurib, Uchquduqqa kelishdi. 1994 yildan avvalgi Ibn Sino nomli markaziy kutubxona hozirgi axborot-kutubxona markazida yordamchi kutuxonachi bo‘lib ish faoliyatini davom ettirdi.

Albatta, har qanday kasbning qiyinchiliklari va afzalliklari bo‘lgani kabi kutubxonachilik kasbi ham bundan mustasno emas. Har bir inson muvaffaqiyatlarga erishish uchun ko‘plab mashaqatlarni boshidan o‘tkazadi. Oldiniga yordamchi kutubxonachi, so‘ngra uslubshunos vazifasida ishlagan qahramonimiz 2019 yildan bibliografiya xizmati bo‘limiga rahbar bo‘lib tayinlangan. 

Darvoqe, erishilgan natijalar ortida doim fidoyi ustozlar bo‘ladi. Umida opa ham ustozlari Nasiba Hamroyeva, Ilmira Bekpulatovalardan sohaning sir – asrorlarini qunt bilan o‘rganganidan mamnunligini yashirmaydi. 

Kitob bilan oshno bo‘lgan qalbdan aslo yomonlik chiqmaydi, deyiladi donolar bisotida. Ziyo ulashuvchi kutubxonadek tabarruk joyda faoliyat yuritib, kattayu kichik insonlar qalbiga ilm-u hikmat ulashayotgan Umida opa Itoqova hamisha hurmatga loyiq!

      Uchquduq tuman hokimi Xamroyev Soli Farmonovichning 8 mart – Xalqaro xotin-qizlar kuni munosabati bilan yo‘llagan bayram tabrigi

     Assalomu alaykum, aziz va moʻtabar onaxonlar!

     Munis opa-singillar, dilbar qizlar!

Eng go‘zal oyning eng nafis bayrami - xotin-qizlarga ehtirom ko‘rsatish an’anasi, 8 mart – xotin-qizlar kuni bilan Siz azizlarni chuqur ta’zim bilan chin qalbimdan samimiy muborakbod etaman! 

Darhaqiqat, jamiyatning madaniyat darajasi, ma’naviy barkamolligi ayollarga bo‘lgan munosabat bilan belgilanadi.

Donolar aytganidek, dunyoda ayol mehrining bahosini o‘lchaydigan me’zon, tenglashtiradigan boylik yo‘q. Bu ayol degan ulug‘ xilqatda nozik ta’b, buyuk qalb, nazokatli ko‘ngil, betakror fidoiylik, ona jasorati mujassamligi natijasidir.

   Mana shunday fazilatlar egasi bo‘lgan har biringizga bayram muborak bo‘lsin!

   Aziz opa-singillar!

Ayolning nafosati va nazokati, vafo va sadoqati, aql-zakovati va fidoyiligi asrlar mobaynida yer yuzida hayot davomiyligi va abadiyligiga asos bo‘lib keladi. Shu bois ham dunyodagi eng buyuk san’at asarlari, qo‘shiq va qasidalar, me’moriy obidalar ayollar sha’niga bag‘ishlangandir.

Oila va jamiyat ustuni, hayotimizning fayzi va ko‘rki bo‘lgan xotin-qizlarni e’zozlash, ularga hurmat va ehtirom ko‘rsatish xalqimiz uchun azal-azaldan buyuk qadriyat bo‘lib kelgan va shunday bo‘lib qoladi. Chunki sizlar bilan hayotimiz go‘zal va mazmunli, xonadonlarimiz obod va nurafshondir. 

Xalqimizda “Otasi yaxshi-bittasi yaxshi, onasi-yaxshi hammasi yaxshi” yoki «Bitta qiz bolani o‘qitsangiz, butun oilani o‘qitgan bo‘lasiz», kabi so‘zlar bejiz aytilmagan. Buning zamirida hayotiy haqiqat borligini albatta, hammamiz yaxshi bilamiz. 

Ko‘p ming yillik davlatchiligimiz tarixida buyuk namoyandalarimiz, mohir sarkarda va siyosatchi bo‘lgan ota-bobolarimiz yonida hamisha oqila, jasur va fidoyi momolarimiz ham o‘zlarining yuksak aql-zakovati, teran fikr va mulohazalari, amaliy harakatlari bilan mamlakat taraqqiyoti va rannaqiga munosib ulush qo‘shganlar.

  Bu ko‘hna tarix Bibixonim, To‘maris, Nodirabegim, Xonzodabegim, Uvaysiy, Zulfiya, Saida Zunnunovadek buyuk ajdodlarimizning millatimiz sha’ni, or-nomusini saqlash yo‘lidagi jasoratlariga guvohdir. 

  Bu borada hurmatli Prezidentimiz Shavkat Miromonovich Mirziyoyevning “Biz o‘tmishni yodga olar ekanmiz, dunyo ilm-fani va madaniyati rivojiga ulkan hissa qo‘shgan ajdodlarimiz, jahongir bobolarimiz qatorida, buyuk insonlarni dunyoga keltirib, mehr bilan tarbiyalagan, ularni ulug‘vor ishlarga ruhlantirib, har bir ishda kamarbasta bo‘lgan fozila ayollarimiz bilan haqli ravishda faxrlanamiz” degan so‘zlari har jihatdan ibratlidir. 

Aziz va moʻtabar opa-singillar!

Ta’kidlash o‘rinliki, milliy davlatchiligimizning qadimiy va boy tarixida ayollarimiz hech qachon davlat va jamiyatning bugungidek yuksak e’zoz-e’tibori va g‘amxo‘rligiga sazovor bo‘lmagan. Bugun opa-singillarimiz qalbida jo‘sh urayotgan shukronalik yurtdan va Yurtboshidan minnatdorchilik hissi amaliy faoliyatimizga ko‘chib, har bir sohada yuksak natijalarga erishishga ruhlantirmoqda. 

Ayol zotining qo‘li gul. Ozgina sharoit va imkoniyat berilsa, mohir qo‘llari bilan moʻjizalar yarata oladi. Ayniqsa, oilasi, yaqinlari uchun barcha imkonini ishga soladi. Prezidentimiz sa’y-harakati bilan yo‘lga qo‘yilgan ijtimoiy qiyin ahvoldagi xotin-qizlarni qo‘llab-quvvatlashga qaratilgan “Ayollar daftari” mana shunday qo‘li gul ayollarga imkon berib kelmoqda.

Bu borada Uchquduq tumanida ham o‘tgan 2023 yilda qator ijobiy ishlar amalga oshirildi. Jumladan, 421 nafar xotin-qizlar «Ayollar daftari»ga kiritilib, ularning 122 nafari ish bilan ta’minlandi, 65 nafar xotin-qizlarga subsidiya asosida mehnat qurollari sotib olib berildi. Tadbirkorlik qilish istagida bo‘lgan ehtiyojmand, ishsiz 6 nafar xotin-qizga 33 mln. so‘mdan jami 198 mln. so‘m kredit mablag‘i ajratildi. Ehtiyojmand, boquvchisi bo‘lmagan 135 nafar xotin-qizga bazaviy hisoblashning 4 baravari miqdorida bir martalik moddiy yordam ko‘rsatildi.Bundan tashqari, nogironligi bo‘lgan, tezkor tibbiy yordamga muhtoj xotin-qizlarning 75 nafariga 88 mln. 200 ming so‘m miqdorida bir martalik yordam berildi. Jarrohlik operatsiyalarini o‘tkazish va dori-darmon sotib olish uchun 100 mln. so‘mdan ortiq mablag‘ yo‘naltirildi. 

Qaramog‘ida nogiron farzandi bo‘lgan ehtiyojmand onalarning 65 nafariga nogiron bolasini davolatish uchun 78 mln. so‘m, 6 nafar ayolning ta’mirga muhtoj uyini ta’mirlashga 54 mln. so‘m, 4 nafarining ijara pullarini to‘lab berishga esa 20 mln. so‘m mablag‘ sarflangan.

Uchquduq tumanida 2023 yil davomida «Ayollar daftari» ga kiritilgan ehtiyojmand xotin-qizlarning muammolarini hal etishga jami 1 mlrd. 220 mln. so‘m mablag‘ yo‘naltirilib, qabul qilingan reja 117 foizga bajarilgan.

Joriy 2024 yilda ham bu kabi ezgu ishlar davom ettirilib, 476 nafar tibbiy-ijtimoiy ko‘makka muhtoj xotin-qizlar “Ayollar daftari”ga ro‘yxatga olingan bo‘lib yil davomida 1 mlrd 200 mln. so‘m miqdoridagi mablag‘ hisobidan turli ko‘maklar ko‘rsatiladi.

Bu kabi fakt va raqamlarga batafsil to‘xtalib o‘tishimning boisi, bugun ayollarning dardu tashvishlari, ularni qiynayotgan muammolarini bartaraf etishga davlat siyosati darajasida e’tibor berilayotganligini ta’kidlashni istardim.

Yana bir muhim jihat,“Navoiuran” davlat korxonasining “Uchquduq” ishlab chiqarish maydoni geotexnologik koni apparatchisi Nuriddinova Manzura Toshqulovna “Shuhrat” medali bilan, Do‘stlik mahallasi yoshlar yetakchisi Malika Xudoyberdiyeva “Kelajak bunyodkori” medali bilan taqdirlangani, Xalq deputatlari tuman kengashi deputati Ozoda Ergasheva va Uchquduq tuman tibbiyot birlashmasi shoshilinch tibbiy yordam bo‘limi mudiri, terapevt vrach Ra’no Ahmedovalar «Moʻtabar ayol» ko‘krak nishoniga munosib ko‘rilgani barcha uchquduqlik opa-singillarimizni behad quvontirdi.

   Ularni yuksak e’tirof bilan samimiy muborakbod etamiz!

Hurmatli opa-singillar!

Bamisoli bahor elchisi bo‘lib kelayotgan, o‘zingizdek go‘zal va dilbar mana shu qutlug‘ ayyomda barchangizga sihat-salomatlik, baxt va omad, xonadonlaringizga fayzu baraka tilayman. Umringiz uzoq, iqbolingiz ziyoda bo‘lsin! Barcha ezgu orzu-niyatlaringiz amalga oshsin! Doimo oilangiz va farzandlaringiz, elu yurtimiz ardog‘ida bo‘ling!

Yurtimiz tinch, osmonimiz musaffo, ayyomingiz yana bir bor muborak bo‘lsin!

       Bugun Uchquduq tuman hokimi 1-sektor rahbari S.F.Xamroyev boshchiligida Uchquduq tuman prokurori, 2-sektor rahbari M.Ortiqov, Uchquduq tuman IIB boshlig‘i, 3-sektor rahbari A.Rayxanov, Shimoliy kon boshqarmasi direktor o‘rinbosari B. Sharipov, xalq qabulxonasi bo‘limi mudiri B.Axmedovlar ishtirokida fuqarolarining murojaatlari tinglandi.
        Unda fuqarolarning doimiy ishga joylashish, moddiy yordam, davolanish xarajatlari uchun pul mablag‘lari va tadbirkorlik faoliyatini yo‘lga qo‘yishda amaliy ko‘mak so‘rab qilgan 50 ga yaqin turli soha va yo‘nalishdagi muammo va takliflari qabul qilindi.
         Shuningdek, qabul davomida fuqarolar tomonidan moddiy yordam so‘rab qilingan murojaatlar va farzandini davolatish istagida qilingan murojaatlar ijobiy hal etilib, qolgan murojaatlarni ham o‘rgangan holda ijobiy tomonga hal etish borasida mas’ullarga topshiriq berildi.

UCHQUDUQ TUMAN HOKIMLIGI AXBOROT XIZMATI