Hokimiyat matbuot xizmati
Senat yalpi majlisida “Soliq va byudjet siyosatining 2025 yilga mo`ljallangan asosiy yo`nalishlari qabul qilinganligi munosabati bilan O`zbekiston Respublikasining ayrim qonun hujjatlariga qo`shimcha va o`zgartirishlar kiritish to`g`risida”gi qonun muhokama etildi.
Qonun bilan 2025 yilga mo`ljallangan soliq—byudjet siyosatining asosiy yo`nalishlari belgilangan. Shu jumladan, amaldagi qonunchilikni Jahon savdo tashkiloti bitimlariga muvofiqlashtirish, Prezidentimizning tadbirkorlar bilan ochiq muloqoti doirasida biznes yuritishni engillashtirish yuzasidan belgilab berilgan vazifalari ijrosini ta`minlash maqsadida ayrim qonunchilik hujjatlariga qo`shimcha va o`zgartirishlar kiritilmoqda.
2025 yil uchun belgilangan soliq siyosati asosiy soliq stavkalarida qo`shilgan qiymat solig`i 12, foyda solig`ining bazaviy stavkasi 15, jismoniy shaxslardan olinadigan daromad solig`i 12, yuridik shaxslarning mol-mulkiga solinadigan soliq stavkasi 1,5, qishloq xo`jaligiga mo`ljallangan erlar uchun er solig`i 0,95, ijtimoiy soliq 12 (byudjet tashkilotlari – 25) foiz, aylanmadan olinadigan soliq esa o`zgarishsiz – 4 foiz miqdorida qoldirilmoqda. Qishloq xo`jaligi erlarini sug`orish va baliqlarni etishtirish (o`stirish) uchun suv resurslaridan foydalanganlik uchun soliq 1 kub metrga 100 so`m etib belgilangan.
Qonun qabul qilinishi natijasida tadbirkorlik sub`ektlariga qulay shart-sharoitlarni yaratishga imkon beradigan soliq majburiyatlarini bajarish bo`yicha tegishli huquqiy munosabatlar tartibga solinadi.
Qayd etilganidek, soliq siyosatida asosiy soliq stavkalarini o`zgarishsiz saqlab qolgan holda aholini sog`lom turmush tarziga jalb qilish hamda atrof-muhitni himoya qilishni rag`batlantirish yo`nalishlari nazarda tutilmoqda.
2025 yil 1 yanvardan boshlab tadbirkorlar uchun soliq yukini kamaytirish orqali qulay biznes muhitini yaratish maqsadida mobil aloqa xizmatlari uchun aksiz solig`i bekor qilinmoqda hamda barcha nashriyot va matbaa korxonalari 2025 yil 1 yanvardan 2029 yil 1 yanvarga qadar foyda solig`idan ozod etilmoqda.
Qonunda xalq deputatlari mahalliy kengashlarining mahalliy byudjetga oid vakolatlari kengaytirilgan. Ularga tuman va shaharlarning iqtisodiy rivojlanish darajasidan kelib chiqib, yakka tartibdagi tadbirkorlar uchun qat`iy soliq stavkasini eng kam va eng yuqori stavkalar (diapazonda) doirasida belgilash hamda suv resurslaridan foydalanganlik uchun soliq hamda noruda qurilish materiallari bo`yicha er qa`ridan foydalanganlik uchun soliq stavkalariga oshiruvchi va kamaytiruvchi koeffisientlar qo`llash vakolatlari berilmoqda.
Senatorlar ma`qullagan qonunda byudjet daromadlari bazasini kengaytirish, soliq siyosatini belgilashda sog`lom turmush tarzini yaxshilash va tabiatni asrashni rag`batlantirish masalalariga e`tibor qaratilgan.
Qo‘shnim uy hayvonlariga juda qiziqadi shu sababli uyida it va mushuklari juda ko‘p, ko‘p qavatli uylarda o‘zi it va mushuk boqish mumkinmi?
Vazirlar Mahkamasining 2011-yil 8-iyuldagi 202-son qarori bilan tasdiqlangan Aholi punktlarida itlar va mushuklarni saqlash qoidalarining 9-bandiga ko‘ra, ko‘p qavatli uyning alohida kvartirasida qo‘shnilarning va xususiy uy-joy mulkdorlari shirkatining roziligi bilan bittadan ortiq bo‘lmagan itni va bitta mushukni saqlashga ruxsat beriladi.
Alohida uyda itlarni saqlashga faqat bog‘langan holda, erkin sayr qildirishda - atrofi o‘ralgan hududda ajratilgan holda saqlashga yo‘l qo‘yiladi.
Shuningdek itlar ochiq joylarda sayr qildirilganda va turar joy binolarida itlarning egalari tinchlik saqlanishini ta’minlashlari — ertalab soat 8.00 gacha va kechqurun 22.00 dan keyin itlarning vovillashining oldini olishlari kerak.
Ish joylarida tazyiq va zoʻravonliklarni aniqlash, ularni sodir etgan shaxslarga tegishli choralar qoʻllash, jabrlangan shaxslarni ijtimoiy va huquqiy himoya qilish boʻyicha huquqiy asoslar mavjud emasligi, tabiiyki, bu koʻzda tutilgan salbiy holatlarning oldini olishga ham toʻsqinlik qiladi.
Shundan kelib chiqib, Oliy Majlis Qonunchilik palatasida “Oʻzbekiston Respublikasining Mehnat kodeksiga oʻzgartirish va qoʻshimchalar kiritish toʻgʻrisida”gi qonun loyihasi muhokama qilindi.
Taʼkidlanganidek, endilikda fuqaro muhofazasiga qaratilgan «mehnat huquqlarining tengligi, mehnat va mashgʻulotlar sohasida kamsitish, tazyiq va zoʻravonlikni taqiqlash» prinsipi oʻzgartirilishi taklif etilyapti. Shuningdek, kamsitish sifatida baholanadigan holatlar roʻyxatiga «terisining rangi, oilaviy ahvoli, siyosiy qarashlari» bilan bogʻliq holatlar ham kiritilmoqda.
Mehnat jarayonida boshqa xodimga nisbatan tazyiq va zoʻravonlik sodir etgan yoki tahdid qilgan xodimni ish beruvchi tashabbusi bilan boshqa ishga oʻtkazish va mehnat shartnomasini bekor qilish amaliyoti qoʻllanilishi belgilanmoqda.
Shuningdek, loyihada ishlayotgan erkaklar farzandli boʻlganda, turmush oʻrtogʻiga yordam berish va boshqa farzandlariga qarab turishi uchun qisqa muddatli taʼtilga chiqishi bilan bogʻliq meʼyorlar taklif etilmoqda. Shu kunga qadar milliy qonunchiligimizda bunday taʼtil nazarda tutilmagan edi. Shu sababli erkaklar kasbiy va oilaviy majburiyatlarini uygʻun tarzda amalga oshirishga qiynalgan yoki oʻz hisobidan taʼtil olishga majbur boʻlgan. Bu esa oilaning iqtisodiy holatiga salbiy taʼsir qiladi.
Loyihaga koʻra, yangi farzand koʻrgan otalarning turmush oʻrtogʻiga yordam berishi uning iqtisodiy ahvoliga taʼsir qilmaydi. Yaʼni, ota ixtiyoriy ravishda oʻz arizasi bilan belgilangan muddatlarga taʼtil olishi va ish haqini oʻrtacha oylik miqdorida saqlab qolishi mumkin.
Собиржон (исми ўзгартирилган) 2021 йил июнь ойидан бери Андижон темир йўл масофасида йўл созловчи бўлиб ишлаб келаётганди. Фаолияти давомида ҳамкасбларига қўлидан келганича ёрдамини аямади, кўмак сўраганга йўқ, демади.
2022 йил март ойида ҳамкасби Икром (исми ўзгартирилган) ундан мобиль илова орқали банклардан онлайн кредит олиш учун ёрдам беришини сўрайди. У ҳамкасбининг “Redmi 11” русумли телефонида мобиль илова орқали 10 миллион сўм кредит расмийлаштириб беради.
Икром бу пулларни пластик картадан икки йил давомида бўлиб-бўлиб тўлаши шарт эди ва банк томонидан бу пуллар автоматик равишда ечиб олинарди. Ўшанда Собиржон хамкасбининг мобиль иловасига кириш паролини ҳам ўрнатиб бериб, келгусида ўзининг асл мақсадини хаёлида “пишитиб” қўйганди.
2023 йил сентябрида Собиржонга пул зарур бўлиб, “пулни қаердан топсам экан?”, деб ўйлайди ва Икромнинг уяли телефонига банкнинг мобиль иловасини ўрнатиб берганлиги эсига тушади. Эрталаб ишга борганида танишлари билан гаплашиб олиш учун Икромдан телефонини бериб туришини сўрайди.
Телефон қўлига тегиши биланоқ, унинг ёнидан узоқроққа бориб, яширин равишда банк мобиль иловасига кирмоқчи бўлади. Аммо уринишлари зое кетиб, қачонлардир ўзи ўрнатган кириш пароли нотўғри эканлиги тўғрисидаги хабарни олади.
Ҳар ишни йўлини топган Собиржон бу сафар ҳам ишни амаллайди, ўрнатилган илованинг паролини янгилаб, “2222” паролни ўрнатади ва иловага киради. Банкдан Икромнинг номига 14 миллион 244 минг сўм миқдорида қўшимча кредит расмийлаштириб ҳамкасбининг иловадаги ҳисоб рақамига тушириб олинишига эришади.
Ишни қилсанг, пухта қил, хом қилмагин, деганларидек яширин тарзда олинган кредитни тўғридан-тўғри пластик картасига эмас синфдош дўстининг картасига ўтказиб олишни режалаштиради. Россия Федерациясидан танишлари пул жўнатмоқчи эканлигини, ўзининг пластик картасига пул туширса банк томонидан кредитлари учун ечиб олинаётганлигини айтиб, синфдошини розилигини олади. 14 миллион 244 минг сўм миқдордаги пул маблағини синфдош дўстининг пластик картасига ўтказиб олади.
Режаси силлиққина бўлиб амалга ошган Собиржон уяли телефонни Икромга қайтариб беради. Ишдан сўнг синфдошига учрашиб, унинг пластик картасини олади ва пулларни ўз эҳтиёжларига ишлатиб юборади.
Орадан кўп ўтмай Икром пластик картасига тушган ойлик иш ҳаққидан банк кредити учун ҳар доимгидан кўпроқ пул ечиб олинганлигидан ҳайрон бўлиб, банкка мурожаат қилади. Аниқланганидек, мобиль иловаси орқали 14 миллион 244 минг сўм миқдорда қўшимча кредит расмийлаштирилганлиги ва бу пуллар бошқа пластик картасига ўтказиб юборилганлиги маълум бўлади.
Икром дарҳол ҳуқуқ-тартибот органларига бу ҳақда хабар беради. Олиб борилган текширув ҳаракатлари натижасида кўп ўтмай Собиржоннинг содир этган қилмиши фош этилади.
Собиржон томонидан ўз ҳамкасбининг пул маблағини фирибгарлик йўли билан талон-торож қилганлиги ҳолати бўйича жиноят иши қўзғатилиб, унга нисбатан Ўзбекистон Республикаси Жиноят кодексининг 168-моддаси 3-қисми “г” банди билан айблов эълон қилинади. Эҳтиёт чораси тариқасида қамоққа олиш қўлланилади.
“Ишонмагин дўстингга сомон тиқар пўстингга”, деб бежизга айтишмаган. Ҳозирда мақоладаги сингари воқеа-ҳодисаларга бот-бот дуч келаётганлигимиз боис: “Бу дунёда чин дўст топиш қийин” дейишгача борамиз. Лекин бир-биримизга бўлган ишонч — Яратган томонидан аталган ҳаёт йўлимизда бизни асровчи энг чиройли туҳфа. Ноодатий бўлиб кўринса-да, шундай хулосани илгари сурамиз: Оламни асранг дўстлар, одамни асранг дўстлар!
Шерзод ШОДМОНОВ,
ИИВ транспорт ва туризм объектларида
хавфсизликни таъминлаш департаменти терговчиси.
Жиноят ишлари бўйича Учқудуқ туман суди томонидан бу гал энг шов-шувли иш кўрилди. Бу иш устаси фаранг анча - мунча ўғриларни ҳам ҳайратга қолдириши турган гап.
Судланувчи Ф. 34 ёшда. Кўпчилик орзу қиладиган корхонада ишлайди, 1 нафар фарзанди бор, муқаддам судланмаган.
Фахриддин (исми ўзгартирилган) укасининг йўл транспорт ҳодисасига учраб, 2-гуруҳ ногирони бўлиб қолгани боз устига отасининг дардманлиги сабаб моддий тарафдан анча қийналиб қолади. Ойлик маошини оила харажатларига етказолмаганлиги учун ҳам қўшимча даромад топиш мақсадида “Binanсe” биржа криптоволютадан рўйхатдан ўтади.
Аслида ушбу фаолият тури билан шуғулланиши учун ҳам пул керак бўлади. Бунинг ечимини узоқ ўйлаб ўтирмай ўзи билан бирга ишловчи ойлиги тайин ҳамкасблари номига онлайн микроқарзлар расмийлаштириб, ушбу пуллардан фойдаланиш режасини тузади.
Бу “тузоқ” таваккалчиликдан бошланиб охири “вой” билан тугашини билсада: “Тўрваси сувга тўлгунча, қирғоққа етгунча”, дея хаёлда 2023-2024 йиллар давомида телефон орқали ҳамкасблари номига онлайн микроқарзлар расмийлаштириш билан “шуғулланади”.
Фахриддиннинг биринчи “қурбон”и ўзи билан ишловчи Нурбек ака бўлади. Телефон орқали ўзининг номига 10-15 млн. сўм миқдорда онлайн кредит расмийлаштирмоқчи эканлигини, Нурбек ака эса унга кафил бўлиб иштирок этишини сўрайди. Бунда банк кафиллик шартномасини тузишини, кредитни ўзининг номига расмийлаштиришини вақтида ўзи сўндириб боришини айтади. Аслида эса онлайн кредит учун кафил сўралмайди.
Нурбек аканинг “ишонувчанлиги”дан фойдаланиб, ҳамкасбининг юзини расмга тушириб олган. Қолаверса, кафиллик шартномаси учун фуқаролик паспорти керак бўлишини рўкач қилиб, шахсига оид маълумотларни ушбу иловага юклаган. Ҳамкасбининг хабарисиз ва рухсатисиз TBS Bank дан 21 млн. сўм микроқарз олади. ANORBANK дан эса 23 млн. 800 минг сўм миқдорда онлайн кредит расмийлаштириб, ушбу пулларни ўзининг телефонига расмийлаштирилган “Binanсe” биржа криптовалютасидаги аккаунтига кўчириб олган.
Кўзлаган режасининг силлиққина бўлиб амалга ошаётганидан “ҳаволаниб”, яна қурбонларни ҳамкасблари орасидан излайди. Бу гал унинг тузоғига яна бир ҳамкасби Шербек илинади. Уни бошқача баҳона билан “аврайди” гўёки, опаси чет элда экани ва унга пул жўнатаётганлиги сабабли ANORBANK дан пластик карта очиш керак бўлаётганлигин айтади. Ўзининг картаси эса блокланганлиги сабабли ундан номига пластик карта очиб беришини сўрайди. Аввалига Шербек унамайди, лекин Фахриддин илтимос қилавергани учун ҳам рози бўлишдан бошқа иложи қолмай ўзига тегишли бўлган телефонига расмга олдириб, паспорт нусхаларини ҳам беради.
Соддадил Шербекнинг қилган яхшилигига Фахриддин турли тижорат банклари иловаларидан рўйхатдан ўтиб, унинг номига ҳам 50 млн. сўм кредит олиш билан жавоб беради. Англаганингиздек, бу пулларни ҳам ўз эҳтиёжлари учун ишлатиб юборган.
Учинчи қурбон эса Ғайрат эди. Унга бетоб укасини чет элда даволатишга олиб кетиш учун унинг номига виза карта очишни илтимос қилиб сўрайди. Бемор укаси борлигидан хабари бўлгани учун ҳам бу таклифга рози бўлган Ғайрат фирибгарнинг Хiaomi12” русумли телефонига тушган суратию ҳужжатлари яна бир тижорат банки Asaka bank иловасидан рўйхатдан ўтказилганлигини билмай қолади. Банк билан тузилган шартномага асосан 50 млн. сўм миқдоридаги онлайн микроқарз унинг ҳисобига ёзилади.
Шу тариқа 8 нафар ишонган ҳамкасбларию дўстларини фириб тўрига илинтирган Фахриддин Жўраев жами ярим миллиард сўм маблағни товламачилик йўли билан қўлга киритган ва ўз эҳтиёжлари учун ишлатиб юборган. Судда унинг барча кирдикорлари инкор этиб бўлмас далиллар билан ўз исботини топди.
Ўзбекистон Республикаси ЖКнинг 168-моддаси 3-қисми тегишли бандлари билан айбдор, деб топилган Фахриддин Жўраевга 6 йил муддатга озодликдан маҳрум қилиш жазоси тайинланди.
Фирибгар-ку жазосини олди, аммо унинг ноғорасига ўйнаганлар-чи? Улар ҳам бу воқеадан керакли хулоса чиқариб, хушёрликни оширсалар мақсадга мувофиқ бўларди.
Ҳаётнинг мазмуни — изланиш, ўсиш ва меҳнатнинг мевасидан лаззатланишда. Ҳар бир касб улуғ, ҳар бир касб эъзозли айниқса, унга қалбдан меҳр қўйган инсон учун. Шуҳрат Истамович Жўраевнинг ҳаёти ва фаолияти бунга ёрқин мисолдир.
Шуҳрат Истамович 1970 йилда Навоий вилояти Қизилтепа туманида туғилган. Оилада тўрт фарзанд орасида вояга етган. Отаси Истам Жўраевнинг темир йўл соҳасидаги узоқ йиллик фаолияти унда техникага бўлган меҳр ва қизиқишни уйғотгани рост. Ота касби оила ҳаётининг ажралмас қисми бўлса, онасининг газеталар дўконида ишлаши китобга бўлган меҳрнинг шаклланишига туртки бўлди. “Китоб – инсониятнинг энг яхши дўсти”, деган ҳикмат ёшлигиданоқ Шуҳрат акани қалб қалбига сингиб кетган.
Мактабда адабиёт ва тарих фанларига ўзгача меҳр қўйган қаҳрамонимиз 1988 йилда Навоий давлат педагогика институти тарих факультетига ўқишга кирди. Бу орада армия сафида йигитлик бурчини ўтаб қайтди. 1994 йилда институтни тамомлади. Ўқитувчи бўлиш истагига қарамай, оилавий масъулият ва ҳаёт синовлари уни бошқа йўлга бошқа соҳага бошлади.
УЧҚУДУҚҚА ҚАДАМ ВА МЕҲНАТНИНГ МУКОФОТИ
Болалигида ёзги таътил бошланиши билан Учқудуқ томонларга соғинчларидан қанот ясаб, амакиси Ахтам ака Жўраев хонадонига кўп келарди. Бу сафарги чорлов ёзги дам олишга эмас балки доимий яшаш ва ишлаш учун...
У илк меҳнат фаолиятини Учқудуқдаги уй-жой коммунал хўжалигида чилангарликдан бошлади. Ҳам ишлади ҳам саноатга ихтисослашган техникумнинг кечки бўлимида ер ости қазилмалар мутахассислиги бўйича ўқиди. “Меҳнат қилган инсоннинг қадри ҳамиша баланд бўлади”, дейди Шуҳрат ака. Чиндан ҳам меҳнатеварлиги ортидан чилангар, диспетчер, кейин эса катта уста лавозимида ишлади.
2008 йилдан “Навоийуран” ДМ “Учқудуқ” ИЧМ Геотехнологик конда қудуқларни ковлаш, бурғулаш ва хизмат кўрсатиш бўйича чилангар бўлиб ишлаб келмоқда. Бу даврда тажрибали устозлар Сергей Шастенко, Юрий Суворов ва Сергей Казловлар унга катта билим манбаи бўлиб хизмат қилди. Йиллар ўтиб, ўзи ҳам ёш мутахассисларга устозлик қилиб келаётир.
ОИЛА – ҲАР БИР ИНСОННИНГ МУСТАҲКАМ ҚАЛЪАСИ
Шуҳрат Истамовичнинг оиласи ҳам жамият учун намуна. Турмуш ўртоғи Бибигул Ашурова 12-сонли МТТ да тарбиячи. Уларнинг уч нафар фарзанди олий маълумотли бўлиб, юрт корига яраётган комил инсонлар. Ўғли архитектура йўналишида олийгоҳни тамомлаган. Бугунги кунда Шуҳрат ака ва Бибигул опа беш нафар неваранинг севимли бобо ва бувиси бўлиб, бахтли ҳаёт кечирмоқда.
Ҳа, инсон меҳнат билан камол топади. Касбига садоқат, оиласига фидойилик, юртига хизмат билан ўтган умр — бу чинакам бахтдир! Шуҳрат ака Жўраевнинг бахти корхона ривожи учун қилаётган ҳалол меҳнатида, ўригидан данаги ширин бўлган неваралари ва оиласи даврасида!.
2024-yilning 28-oktabrdagi Hukumat komisiyasining 2-sonli bayoniga asosan 2024-yilning 15-noyabrdan 15-dekabrigacha “Yong’in xavfsizligi oyligi” tadbiri doirasida ShKB OYXTTEB inspektorlari va 8-YQQ boshlig‘i hamda o‘rin bosari tamonidan Uchquduq tumani 9-maktab ma’muriyati bilan hamkorlikda maktab o‘quvchilari o‘rtasida “Yosh qutqaruvchi” ko‘rik tanlovi o‘tkazildi. Ko‘rik tanlovni o‘tkazishdan maqsad yoshlarni favqulodda vaziyatlar sodir bo‘lganda harakat qilish, jabirlanganlarga yordam ko‘rsatish shuningdek vatanparvarlik ruhida tarbiyalashdan iborat.
Ko‘rik tanlov 4 ta shartdan iborat bo‘lib unda 6 ta jamoa qizg‘in bellashishdi. Ko‘rik tanlov hakamlar hayati tamonidan oqilona baholanib munosib o‘rin olgan jamoalarni ShKB OYXTTEBo‘limi tamonidan diplom va estalik sovg‘alar bilan taqdirlandi. Faxrli birinchi o‘rinni “Olov botirlar” jamoasi qo‘lga kiritgan bo‘lsa, ikkinchi o‘rinni “Alanga” jamoasi, uchunchi o‘rinni “Firemen” jamoasi egalladi.
Bunday tadbirdan ko‘zlangan maqsad kuz-qish mavsumida aholini va yoshlarni hamda davlat idoralarida favqulodda vaziyatlar sodir bo‘lishini oldini olish va bunday holatlar kuzatilgan taqdirda ko‘riladigan choralarni o‘rgatishdan iboratdir.
ShKB OYXTTEB inspektori leytenant N.N.Beshimov
ShKB OYXTTEB inspektori leytenant O.K.Shukurillayev
Shavkat Mirziyoyevga ko‘chmas mulk uchun hisob-kitoblar bankdagi «Escrow» hisobvarag‘i orqali amalga oshiriladigan tizim taqdim etildi. U xorijda sinovdan o‘tgan bo‘lib, xaridorlar mablag‘larining kafolatli saqlanishini ta’minlaydi. Prezident taklifni ma’qulladi.
Prezident Shavkat Mirziyoyev uy-joy qurilishida aholi mablag‘larini kafolatlash tizimiga oid taqdimot bilan tanishdi.
Qayd qilinishicha, talab ko‘pligidan foydalanib, bu sohada insofsiz biznes qilayotganlar ham bor. To‘lov tizimi tartibga solinmagani, raqamlashtirish va ochiq-oshkoralik yo‘qligi bunga yo‘l ochib berayapti. Yangi uylarni olmoqchi bo‘lgan odamlar pulini bank orqali emas, to‘g‘ridan-to‘g‘ri quruvchiga berayotgani uchun bu mablag‘lar «soya»da qolayapti. Ko‘p hollarda uylarni topshirish muddati kechikib, aholi to‘lagan pullar «muzlab» turibdi. Ulushdorlik shartnomalari hech qayerda ro‘yxatga olinmay, faqat quruvchining manfaatiga xizmat qilayapti.
Shu bois davlat rahbari 23 sentabr kuni qurilish industriyasi bo‘yicha o‘tgan yig‘ilishda uy-joy sotib olishda aholi mablag‘larini kafolatlaydigan tizim yaratish topshirig‘ini bergan edi. Taqdimotda shu boradagi takliflar ko‘rib chiqildi.
Qayd etilganidek, xorijiy davlatlarda «Escrow» tizimi tajribadan o‘tgan. Unga ko‘ra, buyurtmachi va tijorat banki o‘rtasida tuziladigan shartnomaga asosan, har bir qurilish inshooti bo‘yicha «Escrow» hisobvarag‘i ochiladi. Ko‘chmas mulk uchun kelishilgan mablag‘lar ushbu hisobvaraq orqali amalga oshiriladi. Unda yig‘iladigan mablag‘lar asosida tijorat banklari buyurtmachiga pasaytirilgan foizda kredit taqdim etadi. Qurilish bitgach, xaridorning hisobvarag‘idagi pul developer tashkilotga o‘tkaziladi. Quruvchi o‘z majburiyatini bajarmagan taqdirda, bu pul egasiga qaytarib beriladi. «Escrow» hisobvarag‘ida turgan mablag‘larga undiruv qaratilmaydi.
Prezident takliflarni ma’qullab, bu borada huquqiy asos yaratish, mazkur tizimni qurilishga aloqador vazirlik va idoralarda integratsiya qilish bo‘yicha ko‘rsatma berdi.
Yurtimizda kunlar o`tgan sayin yangi yil yaqinlashib kelmoqda jamiyatimizda yashayotgan har bir inson o`z xonadonida oila davrasida nishonlaydilar, ozgina etiborsizlik bayram kayfiyatini buzishi mumkin, ko’chada hamda xonadonlarda yangi yil archani o`rnatishda bezatishda xavfsizlik talablariga rioya qiling.
. Archani o`rnatishda xonadagi isitish qurulmalari, pechlar, radiatorlar va ochiq olov manbalaridan kamida 1-1,5 metr uzoqlikda o’rnatish kerak.
. Archani barqaror joyga qo’ying, yiqilish xavfini oldini olish uchun uni polga yoki mustahkan o’rindiqqa o’rnatish kerak.
. Archani bezatishda quyidagilarga amal qilishimiz lozim.
. Faqat sertifikatga ega va sifatli elektr chiroqlarini ishlating. Chiroqlarning simlari yaroqli va shikastlanmagan bo’lishi lozim.
. Elektr chiroqlarini uzoq vaqt davomida yoqib qo’ymang, ayniqsa xonani tark etganingizda.
. Bolalarni archaning simlari va elektr jihozlaridan uzoqda ushlang.
Qoidalarga qa’tiy rioya qilish bayramni xavfsiz va xotirjam o’tkazishga yordam beradi!
Elyor Dilmurodov ShKB OYXTTEB inspektori oddiy askar
Ismoil Qilichev ShKB OYXTTEB inspektori oddiy askar
Toshkent shahridagi 77-sonli “Nurli maskan” ixtisoslashtirilgan maktab-internatida ko‘rishga qiynaladigan bolalar tahsil oladi. Ularning orzulari ko‘p. 10 yoshli Azamat prezident bo‘lishni istasa, Munisa ko‘z shifokori, Azizbek esa uchuvchi bo‘lishni orzu qiladi.
3 dekabr Xalqaro nogironligi bor shaxslar kuni Toshkent shahridagi 77-sonli “Nurli maskan” ixtisoslashtirilgan maktab-internati o‘quvchilari uchun alohida nishonlanadi. Maktabda tahsil oladigan 350 ga yaqin o‘quvchining har biri dunyoni turlicha tasavvur qiladi. Ularning o‘ziga xos iqtidor va kelajak bilan bog‘liq rejalari bor. Masalan, 10 yoshli Azamat ulg‘ayib prezident bo‘lishni istaydi. Bu bilan u odamlarga yordam berishga ko‘proq imkoni bo‘lishini aytadi. “Odamlarga uylar qurib beraman. Kambag‘allarga sharoit yaratib beraman. Odamlarning yashash sharoiti yaxshi bo‘lishi kerak. Buning uchun yaxshi ishlash kerak”, – deydi Azamat.
3-sinf o‘quvchisi Muslima esa ko‘z shifokori bo‘lishni orzu qilishini aytadi.
Saidkamol esa uchuvchi bo‘lib, samolyotida ota-onasini sayohatga olib borishni xayol qilishini aytadi.
“Men dizayner bo‘lishni istayman. Tabiat va turli gullarni chizishni xohlayman”, – dedi 10 yoshli Munisa.
Yana bir 3-sinf o‘quvchisi Mubina boshlang‘ich sinf o‘qituvchisi bo‘lishni istashini aytdi. “Chunki ustozlar bilim beradi. Boshqalar katta bo‘lganda musobaqalarga borganda, kasblarni egallasa, ustoz yuzi yarqirab turadi. Shu o‘quvchini ustoz o‘qitgan deb aytib yurishadi”, – dedi u.
10-sinf o‘quvchisi Shahriyor bastakor bo‘lish istagida turli to‘garaklarga qatnashayotganini aytdi.
O‘quvchilarning tabiat va odamlar haqidagi tasavvurlari ham turlicha. Azamat odamlarni dumaloq yuzli, tanasi to‘rtburchak deb tasavvur qiladi. “Odamlar xuddi o‘zimga o‘xshaydi. Har xil yuzli, ba’zilarining yuzi uchburchakka o‘xshaydi. Ba’zilarining yuzi dumaloq. Mening yuzim ham dumaloq. Tanam to‘rtburchakka o‘xshaydi”, – dedi u.
Muslima esa buni tasavvur qilib ko‘rmaganini aytdi. Shahriyor odamlarni bir-biriga mehribon, oqibatli deb hisoblaydi.
Bolalarning tabiat haqidagi tasavvurlari esa bir-biriga o‘xshaydi. Ular tabiatni barg, daraxt va gullar shaklida ko‘z oldilarida gavdalantirishadi.
“Daraxtlar bor. Yozda yam-yashil, gullar bor. Shularni ko‘z oldimga keltirsam, kayfiyatim ko‘tariladi. Bahorda gullar ochilganda, yomg‘ir tagida aylanib yurishni yaxshi ko‘raman”, – deydi Shahriyor.
