Учқудуқ туман аҳоли бандлигига кўмаклашиш маркази томонидан 2022 йил давомида тумандаги вакант иш ўринларини топширишга мажбурий бўлган 56 та корхона ва ташкилот томонидан 793 та бўш иш ўринлари кўрсатилган бўлиб, ушбу бўш иш ўринларига марказ томонидан йил давомида 612 нафар фуқаролар маълумоти ва мутахассислиги бўйича доимий иш ўринларига ишга жойлаштирилди. Шу жумладан туман ҳокимининг 2021 йил 15 октябрь санасидаги 59-5-76-Қ-сонли квота қарорига асосан 2022 йилда ижтимоий ҳимояга муҳтож иш топшда қийналаётган фуқаролар учун 309 та иш ўринлари захиралаб қўйилган.
Ушбу захираланган бўш иш ўринларининг қуйидаги тоифалари бўйича марказ томонидан квота асосида доимий иш ўринларига ишга жойлаштирилган бўлиб улар қуйидаги тоифалар,
- 14 ёшга тўлмаган болалари, ногиронлиги бўлган болалари бор ёлғиз отага ёки онага, шунингдек кўп болали оилаларнинг ота-оналари учун белгиланган 25 та иш ўрнига 18 нафар фуқаролар,
- Умумий ўрта ва ўрта махсус таълим ташкилотларини, касб-ҳунар мактабларини, касб-ҳунар коллежларини ҳамда техникумларни тамомлаб, касбга эга бўлган ёшлар, «Меҳрибонлик» уйларининг битирувчилари, шунингдек олий таълим муассасаларининг давлат грантлари бўйича таълим олган битирувчилари учун белгиланган 181 та иш ўрнига 91 нафар фуқаролар
- Муддатли ҳарбий хизматдан бўшатилганлар учун белгиланган 22 та иш ўрнига 6 нафар фуқаролар
- Ногиронлар учун белгиланган 16 та иш ўрнига 4 нафар фуқаролар
- Пенсия олди ёшидаги шахслар учун белгиланган 8 та иш ўрнига 3 нафар фуқаролар,
- Жазони ўташ муассасаларидан ёки суднинг қарорига кўра тиббий тусдаги мажбурлов чоралари қўлланилган шахслар учун белгиланган 16 та иш ўрнига 11 нафар фуқаролар,
- Одам савдоси қурбони учун белгиланган 6 та иш ўрнига 0 нафар фуқаролар,
- Оғир турмуш шароитидаги хотин-қизлар тоифаси учун белгиланган 35 та иш ўрнига 31 нафар фуқаролар, жами бўлиб 164 нафар фуқаролар белгиланган квота тоифасига тўғри келганлиги сабабли туман ҳокимининг квота қарорида белгиланган тоифалари бўйича тумандаги корхона ва ташкилотларга ишга жойлаштирилган.
Учқудуқ туман аҳоли бандлигига кўмаклашиш маркази
Ўзбекистон Республикаси Президентининг 2021 йил 26 мартдаги “Маънавий-маърифий ишлар тизимини тубдан такомиллаштириш чора-тадбирлари тўғрисида”ги ПҚ–5040-сон қарори ҳамда 2022-2026 йилларга мўлжалланган Янги Ўзбекистоннинг тараққиёт стратегиясини “Инсон қадрини улуғлаш ва фаол маҳалла йили”да амалга оширишга оид Давлат дастурида белгиланган вазифалар ижроси юзасидан 2022 йилда Учқудуқ туманида маънавият ва маърифат соҳасида бир қатор ишлар амалга оширилди.
Жумладан, 2022 йилнинг январь ойи давомида туман миқёсида “Учқудуқ” маданият саройида Ўзбекистон Республикаси Қуролли Кучлари ташкил этилганлигининг 30 йиллиги ҳамда Ватан ҳимоячилари куни муносабати билан “Ватан ҳимояси муқаддас бурч!” мавзусида маънавий-марифий тадбир ўтказилди. Ушбу тадбирда жами 450 нафар, давлат ва жамоат ташкилотлари ходимлари, ҳуқуқ-тартибот идоралари ходимлари ҳамда аҳолининг турли қатламлари иштирок этишди.
Шунингдек, 2022 йилнинг март ойида туман марказида “Ассалом Наврўз – янгиланиш, меҳр-оқибат ва қадр-қиммат айёми” шиори остида Наврўз сайли ўтказилди. Байрам тадбирида жами 8000 мингдан зиёд туман аҳолиси қамраб олинди.
9-май Хотира ва қадрлаш куни муносабати билан туман маркизида жойлашган “Ғалаба” хиёбонида туман тадбири бўлиб ўтди. Жами 2000 мингдан зиёд аҳоли қамраб олинди.
1-июнь – Халқаро болаларни ҳимоя қилиш куни муносабати билан туманиздаги “Аёллар дафтари”, “Ёшлар дафтари” ва “Темир дафтар”га киритилган 300 нафарга яқин болажонлар иштирокида “Бахтли болалик” лойиҳаси амалга оширилди. Лойиҳа доирасида болажонлар учун “Олтин кўл” мажмуасида концерт дастури ташкил этилди. Жами 2000 мингдан зиёд аҳоли ва ёшлар қамраб олиниди.
30- июнь – Ёшлар куни муносабати билан туман доирасида “Ёшлар - келажак бунёдкорлари” шиори остида ёшлар фестивали ўтказилди. Фестивал доирасида 5000 мингга яқин ёшлар қамраб олинди.
Ўзбекистон Республикаси давлат мустақиллигининг 31 йиллиги муносабати билан “Янги Ўзбекистонда эл азиз, инсон азиз” бош ғояси остида туманда “Ватан учун яшайлик” шеърхонлик кечаси, “Ранглар жилдосида она диёр” расмлар танлови, “Менинг фарзандим Ўзбекистон фахри” “Янги Ўзбекистон – инсон қадри ва манфаатлари улуғланган юрт” эзгу ғояси остида маънавий-маърифий тадбир, “Меҳр-мурувват ва саховат” лойиҳалари ўтказилди.
“Янги Ўзбекистонда эл азиз, инсон азиз” улуғвор ғояси остида туман бўйлаб 14 та маҳалла, 25 та давлат ва жамоат ташкилотлари, 19 та таълим муассасаси ҳамда 2 та Маданият марказлари ва истироҳат боғларида жами 190 та маданий, маънавий-маърифий тадбирлар, концерт дастурлари, давра суҳбатлари, “Мустақиллик дарслари” ва “Маърифат соатлари” ўтказилди.
Маълумот учун: Ушбу тадбирларда жами 10000 мингдан зиёд аҳоли қамраб олинди.
Жорий йилнинг 5-9 ноябрь кунлари туман миқёсида Учқудуқ туманида “Маданият карвони” комплекс тадбирлар доирасида “Маънавият фестивали” ўтказилди.
Маълумот учун: Фестивал доирасида 12 та ижтимоий лойиҳани ўз ичига олган “Меҳр-мурувват ва саҳоват”, “Менинг фарзандим Ўзбекистон фахри! лойиҳалари, “Зиёлилар форуми”, “Кинокарвон” лойиҳаси доирасида “101-рейс”, ҳужжатли фильмлар намойиши, “Китоб - миллатнинг маданий ва маънавий мероси” шиори остида очиқ мулоқот ва давра суҳбатлари, “Янги Ўзбекистон инсон қадри улуғланган юрт”, “Инсон қадри” мавзуларида маданий-маърифий тадбирлар, “Янги Ўзбекистон китоб ва кутубхонадан бошланади” номли китоблар кўргазмалари, “Янги Ўзбекистонда миллатлараро тотувлик ва диний бағрикенглик”, “Учинчи ренессанс – маърифатли жамият сари”, “Оила – маънавият қўрғони, “Ватан учун яшайлик!” мавзуларида маънавий-маърифий тадбирлар, “маърифат соатлари” ва семинарлар ўтказилди.
Маълумот учун: Ушбу тадбирларда жами 7000 мингдан зиёд аҳоли қамраб олинди.
Фестивал доирасидаги “Маърифат улашиб” ва “Китоб карвони” акциялари ўтказилиб, жаҳон ва миллий адабиётимиз дурдоналаридан иборат 1000 нусхадаги китоблар аҳолига бепул тарқатилди.
Жорий йилнинг 18 ноябрь куни тумандаги “Учқудуқ” маданият саройида Ўзбекистон Республикаси Давлат байроғи қабул қилинганининг 31 йиллиги муносабати билан тумандаги маданият ва санъат намояндалари, корхона, ташкилот ва муассасалар ишчи ходимлари, спортчилар, ҳарбийлар, фаол ёшлар, оммавий ахборот воситалари ходимлари ва кенг жамоатчилик вакиллари иштирокида “Муқаддасдир Ватан байроғи!” шиори остида тантанали байрам тадбири ўтказилди.
Байрам тадбирида ҳарбий қисм аскарлари, курсантлар ва Миллий гвардия қўшини иштирокида ватанпарварлик мавзусида саф қўшиқлари ҳамда ҳарбий жанг санъати намуналари ва саҳна кўринишлари намойиш этилди.
Учқудуқ туманининг марказий кўчасида Давлат байроғини ўрнатган ҳолда “Ватанпарвар автокарвонлари” юриб ўтди ва ватанпарварлик тадбирлари аҳолига кенг кўламда намойиш этилди.
Шунингдек, туман миқёсида “Муқаддасдир Ватан байроғи!” улуғвор ғоясини ўзида мужассам этган “Давлат баёроғи – ифтихор рамзи”, “Байроғим – фахрим, ғурурим”, “Мангу ҳилпирайвер муқаддас байроғим!” шиорлари остида 82 та маънавий-маърифий тадбирлар, танловлар, акциялар ва тарғибот-ташвиқот ишлари ўтказилди.
Маълумот учун: Ушбу тадбирларда жами 6 721 нафар, давлат ва жамоат ташкилотлари ходимлари, ҳуқуқ-тартибот идоралари ходимлари ҳамда аҳолининг турли қатлами, ёшлар, хотин-қизлар, нуронийлар иштирок этди.
Ўзбекистон Республикаси Конститутсияси қабул қилинганлигининг
30-йиллиги муносабати билан тумандаги “Учқудуқ” маданият саройида "Конститутсия – юртимизда янги ҳаёт, янги жамият барпо этишнинг ҳуқуқий пойдевори” каби мавзусида маънавий-маърифий байрам тадбири ташкил этилди. Жами 350 нафар иштрокчилар қамраб олинди.
Нурладин МУРАТОВ,
Учқудуқ туман ҳокимининг ёшлар сиёсати,
ижтимоий ривожлантириш ва маънавий-маърифий
ишлар бўйича ўринбосари.
Ёшлар муаммоларини тинглаш, уларнинг таклиф ва ташаббусларини қўллаб-қувватлаш мақсадида бугунги кунда юртимизда кенг кўламли амалий ишлар олиб борилмоқда.
Шу жумладан, барча даражадаги раҳбарлар ёшлар соҳасини ўз кун тартибидаги бош вазифа сифатида белгилаган ҳолда, мамлакатимизнинг барча ҳудудларида, маҳалла ва қишлоқларда ёшлар билан сайёр қабул ва учрашувлар ташкил этишиб, уларнинг ўз мақсад ва интилишлари йўлидаги тўсиқларни бартараф этишга кўмаклашмоқдалар.
Kуни-кеча “КЕLАJАК” ёшлар марказида бўлиб ўтган сайёр қабул ҳам мана шу каби мақсад ва вазифаларга қаратилди. Унда Учқудуқ туман ҳокими С.Хамроев, Учқудуқ туман прокурори Р.Рахматов, мутасадди ташкилотлар вакиллари ҳамда 30 нафар ёшлар қатнашди.
Сайёр қабулда ёшлар томонидан билдирилган ишга жойлашиш, ўрта махсус ва олий таълимда таҳсил олиш учун шартнома пулини тўлаб бериш ҳамда ўз тадбиркорлигини йўлга қўйиш мақсадида кредит олиш ва яна бошқа масалалар юзасидан 26 та мурожаат қайд этилиб, шундан 9 таси шу жойнинг ўзида ижобий ҳал этилди. Яъни, аксарият иш сўраб мурожаат қилган ёшларнинг 9 нафари турли корхона ва ташкилотларга ишга жойлаштирилди. 2 нафарига “Ёшлар дафтари” маблағлари ҳисобидан шартнома пуллари тўлаб бериладиган бўлди. Сардор Бафоев, Охун Акбаровга Шимолий кон бошқармасининг ишга қабул қилиш онлайн платформасида эълон қилинган танловдан муваффақиятли ўтганлиги боис, ишга йўлланма олишда амалий кўмак кўрсатилди.
-2022 йилда Учқудуқ саноат техникумини аппаратчик-оператор мутахассислиги бўйича тугатганман. Шу вақт мобайнида иш қидираётгандим, бугун ёшлар марказида бўлиб ўтаётган сайёр қабулда иштирок этдим. Мутахассислигим бўйича ишга “Иссиқлик таъминоти” ДУК га йўлланма берилди, - дейди Динислам Қаржауов.
Cайёр қабулда ёшлар томонидан билдирилган бошқа мурожаатлар эса тегишли муддатга ижрога йўналтирилди.
Aлбатта, ёшларнинг ҳар бир мурожаати ўз ечимини топиши лозим. Чунки ҳар бир мурожаат ортида инсон тақдири бор. Шу билан бирга, эътибордан четда қолган муаммо вақт ўтиб, янги муаммони пайдо қилишини унутмаслик зарур. Бу каби ҳолатларнинг олдини олиш учун туман раҳбарларининг жойлардаги сайёр қабуллари давом этмоқда.
УЧҚУДУҚ ТУМАН ҲОКИМЛИГИ АХБОРОТ ХИЗМАТИ.
30 январь – Ўзбекистон Республикасининг Биринчи Президенти Ислом Каримов таваллуд топган кун.
Шу муносабат билан Учқудуқ туманидаги 20-умумий ўрта таълим мактабида хотира маросими ўтказилди. Унда кенг жамоатчилик вакиллари, таълим муассасалари раҳбарлари ҳамда ўқувчи-ёшлар иштирок этди.
Тадбирда Учқудуқ туман ҳокими Соли Хамроев сўзга чиқиб, Биринчи Президентимиз Ислом Каримовнинг ҳаёти ва фаолияти, мустақил Ўзбекистон Республикаси тараққиётидаги ўрни, мамлакатимизда барча соҳаларни ривожлантириш борасида айниқса, ёшларни етук ва баркамол инсонлар бўлиб камол топишлари йўлида амалга оширган ишлари ҳақида батафсил тўхталиб ўтди.
Шу куни мактаб фойесида Биринчи Президент бюсти ўрнатилди. Хотира маросимига йиғилганлар бюст пойига анвойи гуллар қўйиб, ҳурмат бажо келтирдилар.
Шундан сўнг, мактаб ўқувчи-ёшлари томонидан Биринчи Президентимиз Ислом Каримовнинг ҳаёти ва фаолиятига доир қимматли маълумотлар келтириб ўтилди. Асарларидан иқтибослар ёд айтилди. Ватанни мадҳ этувчи шеърлар, қўшиқлар ижро этилди.
УЧҚУДУҚ ТУМАН ҲОКИМЛИГИ АХБОРОТ ХИЗМАТИ.
Меҳнат шартномаси технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган ишлар ҳажмининг қисқарганлиги ёхуд корхонанинг тугатилганлиги муносабати билан (100-модда 2-қисмининг 1-банди), меҳнат шартномаси корхона мулкдори алмашиши сабабли бекор қилинганда (100-модда 2-қисмининг 6-банди), шунингдек ходимнинг пенсия ёшига тўлганлиги муносабати билан, қонунчиликка мувофиқ ёшга доир давлат пенсиясини олиш ҳуқуқи мавжуд бўлган тақдирда (100-модда 2-қисмининг 7-банди) бекор қилинганда камида 2 ой олдин.
Меҳнат шартномаси ходимнинг малакаси етарли бўлмаганлиги ёки соғлиғи ҳолатига кўра бажараётган ишига нолойиқ бўлиб қолиши муносабати билан бекор қилинганда (100-модда 2-қисмининг 2-банди) камида 2 ҳафта олдин.
Меҳнат шартномаси ходим айбли хатти-ҳаракатлар содир этганлиги муносабати билан бекор қилинган ҳолларда (100-модда 2-қисмининг 3 ва 4-бандлари), иш берувчи ходимни меҳнатга оид муносабатларнинг бекор қилиниши тўғрисида камида 3 кун олдин хабардор қилади ёки унга шунга мутаносиб компенсация тўлайди. Эътибор қилинг бу ерда огоҳлантириш эмас, балки хабардор қилиш ҳақида гап кетмоқда. Бунда, қонун МК 100-моддаси 2-қисмининг 1, 2 ва 6-бандлари асосида меҳнат муносабатларини бекор қилишдан фарқли ўлароқ ходим билан меҳнат шартномасини МК 100-моддаси 2-қисми 3 ёки 4-бандлари бўйича бекор қилишда ходимни албатта ёзма шаклда хабардор қилишни кўзда тутмайди. Шунга кўра, бундай асослар бўйича ходим билан меҳнат муносабатларини бекор қилишда ходим ёзма ёки оғзаки хабардор қилиниши мумкин. Лекин ушбу вазиятда ходимни ёзма хабардор қилишни тавсия қиламиз.
МК 100-моддаси 2-қисмининг 5-банди (ўриндошлик асосида ишламайдиган бошқа ходимнинг ишга қабул қилиниши муносабати билан, шунингдек меҳнат шартларига кўра ўриндошлик иши чекланиши сабабли ўриндошлар билан меҳнат шартномасининг бекор қилинганлиги) ходимни огоҳлантиришни талаб қилмайди.
Огоҳлантириш муддатини пуллик компенсацияга алмаштириш:
1. Ходим билан иш берувчининг ўзаро келишуви асосида (100-модда 2-қисмининг 1, 2 (ходимнинг малакаси етарли бўлмаганлиги), 7-бандлари);
2. Ходим билан келишувсиз (100-модда 2-қисмининг 2- (ходимнинг соғлиғи ҳолатига кўра бажараётган ишига нолойиқ бўлиб қолиши) банди;
3. Иш берувчининг хоҳиши асосида (100-модда 2-қисмининг 6-банди) амалга оширилади.
Огоҳлантириш муддати пуллик компенсацияга алмаштирилганда, ходимнинг Меҳнат кодекси 67-моддасининг 1 ва 3-қисмида назарда тутилган моддий мадад олишга оид қўшимча кафолатлари сақланиб қолади, ҳамда у меҳнат шартномаси бекор қилингандан сўнг 2 ва 3-ойлар давомида ишга жойлашмаган тақдирда унга иккинчи ва учинчи ойлар учун илгариги иш жойидан ўртача иш ҳақини тўлаш муддатлари ҳам ўзгармайди.
Меҳнат шартномаси қолган асослар 97.1 (тарафларнинг келишувига кўра), 97.5 (меҳнат шартномасида назарда тутилган асосларга кўра), 97.6 (янги муддатга сайланмаганлиги (танлов бўйича ўтмаганлиги) ёхуд сайланишда (танловда) қатнашишни рад этганлиги муносабати билан), 105 (Муддатли меҳнат шартномасини муддати тугаши муносабати билан бекор қилиш), 106-моддалар (Меҳнат шартномасининг тарафлар ихтиёрига боғлиқ бўлмаган ҳолатлар бўйича бекор қилиниши) билан бекор қилинганда огоҳлантириш шарт эмас.
Огоҳлантириш муддатларидаги камида сўзига алоҳида эътибор қаратинг! Масалан, иш берувчи пенсия ёшига тўлган ходимни камида 2 ой олдин огоҳлантирди. Бугун 2 ойлик муддат тугади. Ходимни яна қайта огоҳлантириш шарт эмас, Чунки МК 102-моддаси бўйича камида 2 ой дейилган яъни муддат 2 ойдан ошиб кетса ҳам бўлаверади.
Учқудуқ туман адлия бўлими
More...
Гепатит С – бу жигарнинг яллиғланиш билан кечувчи гепатит С вируси чақирадиган юқумли касалликдир.
Жаҳон соғлиқни сақлаш ташкилоти маълумотларига асосан дунёда 58 млн. нафар инсон сурункали вирусли гепатит С билан касалланган бўлиб, шундан 3.2 млн. нафарини болалар ва ўсмирлар ташкил этади. Жаҳонда ҳар йили 1.5 млн. янги касалланиш ҳолатлари қайд қилинади.
Ўткир вирусли гепатит С билан касалланган беморларнинг 30 фоизи 6 ой ичида тўлиқ соғаяди. Аммо қолган 70 фоиз беморларда касаллик сурункали шаклга ўтади. Сурункали вирусли гепатит С билан касалланган беморларнинг 15-30 фоизида 20 йил ичида жигар циррози ривожланади.
Бугунги кунда бу касалликдан тўлиқ соғайишнинг имкони бор. Ҳатто, инъекция ҳам олмасдан вирусга қарши таблеткани шифокор кўрсатмасига асосан 12 ҳафта давомида тўғри қабул қилиш билан касалликдан тузалиш мумкин. ЖССТнинг маълумотига асосан гепатит С вирусига қарши дори ичган инсонларнинг 95 фоиздан ортиғи касалликдан тўлиқ соғаяди.
Дори воситаларини қабул қилиш тартиби ва қоидаларига тўла риоя қилган ҳолда юқори самарага эришиш мумкин. Беморда қўшимча ҳамроҳ касалликлар яъни қандли диабет ёки онкологик касаллик бўлганда ҳам гепатит С вирусига қарши дориларни қабул қилиши мумкин. Фақат даволаниш инфекционист тавсияси ва назорати остида амалга оширилиши керак.
Гепатит Сга қарши бепул дориларни қаердан олса бўлади?
2022 йил 16 майдаги “Айрим долзарб вирусли инфекциялар тарқалишига қарши курашиш чора-тадбирларини такомиллаштириш тўғрисида”ги Президент қарори асосида ҳар йили гепатит В ва С вирусига қарши 1 млн. аҳоли скрининг текширувидан ўтказилади. Текширувлар натижасида гепатит С вируси аниқланган беморларга давлатимиз томонидан бепул вирусга қарши дорилар берилади.
2022 йилда 10 мингдан ортиқ беморларга гепатит С вирусига қарши дорилар бепул берилди. 2023 йил учун ҳам марказлашган ҳолда харид қилинган гепатит С вирусига қарши дорилар республикамизнинг барча ҳудудларидаги юқумли касалликлар шифохоналарига юборилади.
Учкудук туман СЭО ва ЖС булими Эпидемиолог врач ёрдамчиси А. М. Толендинова.
Статистик маълумотларга кўра, республикамизда сўнги уч йил ичида кузги-қишки иситиш мавсуми даврида содир бўлаётган фавқулодда вазиятларнинг аксарияти ис газидан заҳарланиш ҳолатлари билан
боғлиқ.Оловнинг тилсиз ёв эканлиги жуда кўп уқтирилади. Аммо шунга қарамай, ҳамон айрим жойларда эҳтиёцизлик туфайли ёнғинлар келиб чиқаётганини кузатишимиз мумкин.Аслида ёнғинни ўчиришдан кўра, унинг олдини олишга қаратилган тадбирлар кўпроқ самара беришини кўпчилик билади,аммо.Ана шу ҳодисанинг олдини олиш эса ҳар бир кишинингт ўз қўлида.
Фуқаролар томонидан газ ва муқобил ёқилғи (кўмир, ўтин ва бошқа) турларидан фойдаланишда хавфсизлик чораларига риоя этмаслик;
- Ностандарт (қўлбола ясалган) ёки сертификатга эга бўлмаган иситиш печлари ва мосламаларидан фойдаланиш;
- Иситиш печларининг дудбуронларини нотўғри ўрнатиш;
- Газ ёки бошқа муқобил ёқилғига мослаштирилган иситиш печлари (мосламалари) ни дам олиш (ухлаш) хоналарига олиб кириш;
- Ҳаво алмашмайдиган хоналарни иситишда очиқ олов (кўмир ва ўтин чўғлари) дан фойдаланиш;
- Ҳавони алмаштирувчи шамоллатиш шахталари ёки туйнукларни беркитиб, тўсиб қўйиш;
Юқорида кўрсатиб ўтилган сабабларга кўра иситиш учун фойдаланилаётган ёқилғи (газ, кўмир, ўтин ва бошқалар) ни чала ёниши натижасида ис гази ҳосил бўлади.
Бундай сабабларни келиб чиқишига йўл қўймаслик ва ис газидан заҳарланишдан огоҳ бўлиш лозим.
Албатта фалокат вақт макон ва фасл танламайди.Ёнғинлар 12 ойда содир бўлади,бу сир эмас.Аммо шундай бўлса ҳам,ёнғин чиқиш ҳолатлари қишда кўпроқ чунки уйни иситиш истагида турли иситиш печлари ишлатилади.Табиий газнинг тўлиқ ёнмаслиги, газ оқимининг беҳосдан узилиб қолиши, хона ичида газ тўпланиши, газни ёқиб қаровсиз қолдириш, иситиш тизимларида газни улашда хавфсизлик қоидаларига амал қилмаслик оқибатида портлаш ва ёнғин содир бўлиши ҳамда табиий газ ва ис газларидан заҳарланиш ҳолатлари билан боғлиқ фавқулодда ҳолатлар содир бўлиши мумкин. Натижада инсонлар турли даражада тан жароҳати олишлари ёки ҳаётдан кўз юмишлари ҳам мумкин.
Аҳоли, ташкилотлар ва таълим муассасалари ўртасида ис газидан заҳарланишни олдини олиш ва ёнғин хавфсизлиги чора-тадбирларига риоя этиш тўғрисидаги шу каби кенг тушунтириш ишлари олиб боришдан мақсад, инсонларни бевақт ҳаётдан кўз юмишларини олдини олиш ва содир бўлиши мумкин бўлган ёнғинларни муваффақиятли бартараф этиш ишларига кенг жамоатчиликни жалб қилишдан иборатдир. ШКБ ОЁХТТЕБўлими П ва НБ инспекторлари ҳамда 7-ЁҚҚисм ҳарбий хизматчилари билан биргаликда Учқудуқ тумани Шалхар ОФЙ аҳолиси билан тарғибот ишлари оборилди
Зеро, хушёрлик, огоҳ бўлиб яшаш – у бир кунлик ёки бир ойлик мавсумий масала эмас, балки кундалик иш, кундалик амалий ҳаракат бўлиши лозим.
ШКБ ОЁХТТЕБ инспекторлари
катта лейтенант Сардор Камолов
оддий аскар Фаррух Улогов
Ўзбекистон Республикаси Президентининг қарори
Жаҳон тарихида ўчмас из қолдирган бетакрор сиймолардан бири Заҳириддин Муҳаммад Бобур буюк шоир, қомусий олим, давлат арбоби ва моҳир саркарда сифатида бутун дунёда маълум ва машҳурдир. Унинг беқиёс илмий-ижодий мероси нафақат миллий маданиятимиз ва халқимиз адабий-эстетик тафаккурининг шаклланишида, балки жаҳон адабиёти, илм-фани ва давлатчилиги тарихида алоҳида ўринга эга.
Мустақиллик даврида Заҳириддин Муҳаммад Бобурнинг ҳаёти ва фаолиятини ҳар томонлама чуқур ўрганиш, унинг асарларини юртимиз ва хорижий давлатларда тарғиб қилиш борасида кенг кўламли ишлар амалга оширилди. Хусусан, шоир туғилган кун – 14 февраль санаси ҳар йили мамлакатимиз бўйлаб адабиёт ва илм-маърифат байрами сифатида нишонланмоқда. Бобуршунослик соҳасида кўплаб тадқиқотлар, республика ва халқаро миқёсда илмий анжуманлар мунтазам ўтказилмоқда.
Кейинги йилларда Тошкент ва Андижон шаҳарларида Бобур Мирзонинг муаззам ҳайкаллари ўрнатилгани, унинг туғилиб ўсган юрти – Андижон шаҳрида Бобур номидаги халқаро жамоат фонди ва унинг тасарруфидаги “Бобур ва жаҳон маданияти” китоб музейи фаолият кўрсатаётгани, “Бобур энциклопедияси”, “Бобур куллиёти”, “Бабур. Бабуриды. Библиография” деб номланган салмоқли асарларнинг нашрдан чиқарилгани, “Бобур ва дунё” журналининг ташкил қилингани маданий ҳаётимизда катта воқеа сифатида эътироф этилди.
Жонажон Ватанимиз миллий ривожланишнинг янги босқичига – Учинчи Ренессанс даврига қадам қўяётган, ҳаётимизнинг барча жабҳаларида туб ўзгаришлар юз бераётган бугунги кунда Бобур Мирзонинг бебаҳо меросини чуқур ўрганиш ва оммалаштириш янада муҳим аҳамият касб этмоқда.
Буюк аждодимиз асарларининг миллий ва умуминсоний моҳиятини, унинг ёш авлодимиз интеллектуал ва маънавий салоҳиятини ошириш, фарзандларимизни шу асосда Янги Ўзбекистон бунёдкорлари этиб тарбиялаш борасидаги улкан ўрни ва таъсирини инобатга олиб, Бобур Мирзонинг илмий ва ижодий меросини мамлакатимиз ва халқаро миқёсда янада чуқур ўрганиш ва тарғиб этиш мақсадида:
1. Маданият ва туризм вазирлиги, Олий таълим, фан ва инновациялар вазирлиги, Фанлар академияси, Ёзувчилар уюшмаси, Республика Маънавият ва маърифат маркази, Бобур номидаги халқаро жамоат фонди ҳамда жамоатчилик вакилларининг 2023 йилда Заҳириддин Муҳаммад Бобур таваллудининг 540 йиллигини кенг нишонлаш тўғрисидаги таклифи маъқуллансин.
2. Заҳириддин Муҳаммад Бобур таваллудининг 540 йиллигини нишонлаш бўйича ташкилий қўмита (кейинги ўринларда – Ташкилий қўмита) тузилсин ва унинг таркиби иловага мувофиқ тасдиқлансин.
Ташкилий қўмита (А.Н.Арипов):
бир ҳафта муддатда Заҳириддин Муҳаммад Бобур таваллудининг 540 йиллигини нишонлаш бўйича амалга ошириладиган чора-тадбирлар дастурини тасдиқласин. Ушбу дастурда қуйидаги масалаларга алоҳида эътибор қаратилсин:
мамлакатимиздаги Заҳириддин Муҳаммад Бобур номи билан боғлиқ обида ва қадамжоларни, жумладан, ёдгорлик мажмуаларини таъмирлаш ва уларнинг ҳудудларини ободонлаштириш;
Бобур Мирзо меросига мансуб қўлёзма, қадимий китоблар, санъат асарлари ва бошқа маданий бойликларни реставрация қилиш, уларни ишончли даражада сақлаш учун зарур шароит яратиш;
хорижий мамлакатларда сақланаётган Заҳириддин Муҳаммад Бобурнинг ҳаёти, илмий-ижодий мероси ҳамда у яшаган даврга оид ноёб қўлёзма асарлар ва бошқа маданий бойликларни аниқлаш, уларнинг нусхаларини Ўзбекистонга олиб келиш ва тадқиқ қилишни давом эттириш;
Заҳириддин Муҳаммад Бобурнинг илмий-ижодий меросини, давлатчилик ва саркардалик фаолиятини кенг ўрганиш мақсадида халқаро миқёсда илмий изланишлар олиб бориш ва уларнинг натижаларини эълон қилиш, янги илмий, бадиий-публицистик асарлар яратиш;
Заҳириддин Муҳаммад Бобурнинг ҳаёти ва фаолиятига бағишланган юқори сифатли медиа маҳсулотлар ҳамда аудиовизуал асарлар яратиш, уларни маҳаллий ва хорижий оммавий ахборот воситаларида эълон қилиш, Интернет ва ижтимоий тармоқларда кенг тарғиб қилиш;
Ўзбекистон Республикасининг хорижий мамлакатлардаги элчихоналари, Ўзбек миллий маданий марказлари, ватандошлар жамиятларида Заҳириддин Муҳаммад Бобур ижодини кенг ўрганиш ва тарғиб қилишга бағишланган маърифий тадбирлар, давра суҳбатлари ташкил этиш.
3. Маданият ва туризм вазирлиги Ташкилий қўмитанинг ишчи органи этиб белгилансин ва мазкур қарорда белгиланган вазифалар бўйича вазирлик ва идоралар фаолиятини мувофиқлаштириб борсин.
4. Ташкилий қўмита қуйидаги тадбирлар:
Андижон вилояти ҳокимлиги томонидан Бобур номидаги халқаро жамоат фонди билан биргаликда Андижон шаҳрида “Заҳириддин Муҳаммад Бобур ижодий меросининг башарият маънавий-маърифий тараққиётидаги ўрни” мавзусидаги халқаро илмий-амалий конференция;
Олий таълим, фан ва инновациялар вазирлиги томонидан Алишер Навоий номидаги Тошкент давлат ўзбек тили ва адабиёти университетида “Заҳириддин Муҳаммад Бобур меросининг Шарқ давлатчилиги ва маданияти ривожида тутган ўрни” мавзусида халқаро илмий-назарий анжуман;
Тошкент шаҳар ҳокимлиги, Маданият ва туризм вазирлиги томонидан Тошкент шаҳрида Заҳириддин Муҳаммад Бобур таваллудининг 540 йиллигига бағишланган адабий-бадиий анжуман;
Маданий мерос агентлиги ва Бобур номидаги халқаро жамоат фонди томонидан Андижон шаҳридаги “Бобур ва жаҳон маданияти” китоб музейида Бобурнинг ҳаёти, илмий ва ижодий фаолиятига бағишланган асарларнинг қўлёзма ва нашр нусхаларининг кўргазмаси;
Бадиий академия ва “Ҳунарманд” уюшмаси томонидан мавзуга бағишланган тасвирий санъат асарлари, миниатюралар, халқ амалий санъати намуналари кўргазмалари юқори савияда ўтказилишини таъминласин.
5. Заҳириддин Муҳаммад Бобурнинг ибратли ҳаёти ва бой меросини аҳоли орасида кенг тарғиб қилиш мақсадида:
а) Маданият ва туризм вазирлиги Бобур номидаги халқаро жамоат фонди билан биргаликда:
“Бобур мероси” халқаро сайёҳлик тарғибот дастурини амалга оширсин;
2023 йилда Заҳириддин Муҳаммад Бобур ҳаёти ва асарлари асосида янги спектакллар яратиш, шоир ғазаллари билан ижро этиладиган энг яхши қўшиқлар танловлари ҳамда “Назм ва наво” мақом кечаларини ташкил этишни таъминласин;
давлат буюртмаси асосида Заҳириддин Муҳаммад Бобурнинг болалик даврига бағишлаб суратга олинаётган “Йўлбарснинг туғилиши” бадиий фильмини якунига етказиш чораларини кўрсин;
б) Маданият ва санъатни ривожлантириш жамғармаси 2023-2024 йилларда болалар учун Бобур Мирзо ҳақидаги спектакль ва кўп қисмли мультипликацион фильмни яратсин.
6. Ташкилий қўмита Фанлар академияси, Олий таълим, фан ва инновациялар вазирлиги, Ахборот ва оммавий коммуникациялар агентлиги, Жамоат хавфсизлиги университети, Бобур номидаги халқаро жамоат фонди, Ёзувчилар уюшмаси билан биргаликда:
ўзбек, рус ва инглиз тилларида Заҳириддин Муҳаммад Бобур ҳаёти ва ижодига доир “Бобур энциклопедияси”нинг тўлдирилган учинчи нашри, “Бобур” китоб-альбоми, шунингдек, Бобур асарлари луғати, Бобур девонининг мукаммал нашрини;
“Бобурнома” асарининг замонавий ўзбек ва қорақалпоқ тилларига табдилини яратиш;
“Бобурга армуғон” рукни остида шоир асарлари, унинг ҳаёти ва ижоди ҳақидаги илмий ва оммабоп китоблар туркумини тайёрлаш ва чоп қилиш чораларини кўрсин.
7. Олий таълим, фан ва инновациялар вазирлиги Ёзувчилар уюшмаси, Республика Маънавият ва маърифат маркази, Бобур номидаги халқаро жамоат фонди билан биргаликда:
икки ой муддатда Заҳириддин Муҳаммад Бобур ҳаёти ва ижодий меросини тадқиқ этиш бўйича илмий-тадқиқот ишларига давлат буюртмаси талабларига мувофиқ илмий лойиҳалар танловини эълон қилсин;
ушбу қарорнинг 6-бандида белгиланган адабиётларни тайёрлаш билан боғлиқ ишлар учун давлат илмий дастурлари доирасида мақсадли маблағлар ажратилишини таъминласин;
талабалар ҳамда тадқиқотчилар ўртасида Бобур Мирзо ҳаёти ва ижодига бағишланган янги илмий-публицистик ҳамда бадиий асарлар танловини ўтказсин;
Бобур Мирзо ҳаёти ва фаолиятига бағишланган асарларнинг ўзбек тилидан хорижий тилларга ҳамда хорижий тиллардан ўзбек тилига босқичма-босқич таржима қилиниши ва чоп этилишини таъминласин.
8. 2023/2024 ўқув йилидан бошлаб олий таълим муассасалари талабалари учун тарих ва география йўналишларида Заҳириддин Муҳаммад Бобур номидаги давлат стипендияси таъсис этилсин.
Вазирлар Маҳкамаси уч ой муддатда мазкур давлат стипендиясини тайинлаш тартиби тўғрисидаги низомни тасдиқласин.
9. Ёшлар сиёсати ва спорт вазирлиги, Мактабгача ва мактаб таълими вазирлиги манфаатдор вазирлик ва идоралар билан биргаликда 2023 йил давомида қуйидаги вазифаларни ўз ичига олган “Бобур ва ёшлар” махсус дастурини амалга оширсин:
умумий ўрта таълим муассасалари ўқувчилари ўртасида “Бобур асарларининг билимдонлари” танлови ва “Бобурни англаш” мавзусида иншолар танловини ўтказиш ва ғолибларни муносиб тақдирлаш;
замонавий ахборот ва тарғибот технологиялари асосида Заҳириддин Муҳаммад Бобур асарларини ёшлар ўртасида кенг оммалаштириш.
10. Андижон вилояти ҳокимлиги Олий таълим, фан ва инновациялар вазирлиги, Фанлар академияси, Бобур номидаги халқаро жамоат фонди билан биргаликда 2023 йил 1 августга қадар маҳаллий бюджет маблағлари ҳисобидан ўзбек, рус, инглиз тилларида фаолият юритадиган халқаро илмий бобуршунослик электрон платформаси ва унинг мобиль иловасини яратсин. Бунда, мазкур платформанинг келгусида самарали юритилиши Бобур номидаги халқаро жамоат фонди томонидан амалга оширилиши белгилаб қўйилсин.
11. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Республика Маънавият ва маърифат маркази, Ёзувчилар уюшмаси, Мактабгача ва мактаб таълими вазирлиги, Олий таълим, фан ва инновациялар вазирлиги ҳамда бошқа вазирлик, идора ва ташкилотлар Заҳириддин Муҳаммад Бобурнинг илмий-ижодий меросига бағишланган ижодий учрашувлар, давра суҳбатлари, китоблар тақдимотлари ҳамда бошқа тадбирларни ташкил қилсин.
12. Ўзбекистон Миллий ахборот агентлиги, Ўзбекистон Миллий телерадиокомпанияси, Ахборот ва оммавий коммуникациялар агентилиги, Ўзбекистон миллий медиа ассоциацияси ва бошқа оммавий ахборот воситаларига Заҳириддин Муҳаммад Бобур таваллудининг 540 йиллигини нишонлаш билан боғлиқ тадбирларни кенг ёритиш тавсия этилсин.
13. Мазкур қарорда назарда тутилган чора-тадбирларни молиялаштириш манбалари этиб маҳаллий бюджетларнинг қўшимча манбалари, ижрочиларга ажратилган маблағлар доирасида Давлат бюджети маблағлари, ташкилотчиларнинг ўз маблағлари ҳамда қонунчилик ҳужжатлари билан тақиқланмаган бошқа манбалар белгилансин.
14. Ушбу қарор ижросини назорат қилиш Ўзбекистон Республикасининг Бош вазири А.Н.Арипов ва Ўзбекистон Республикаси Президентининг маслаҳатчиси О.Қ.Абдурахманов зиммасига юклансин.
Ўзбекистон Республикаси
Президенти Ш.МИРЗИЁЕВ
Тошкент шаҳри,
2023 йил 25 январь
САВОЛ;
Бизни оилавий шароитимиз яхши эмас, Даромад келадиган жойимиз хам йўқ. Қаердан ёрдам сўрашни билмаяпмиз. Шунга махалладан моддий ёрдам нафақасини олишимиз мумкинми. Ўзи моддий ёрдам нафақаси кимларга берилади ?
ЖАВОБ;
Ҳукуматнинг 654-сон қарори билан тасдиқланган низомга асосан, моддий ёрдам фарзандлари бўлмаган ёки барча болалари 18 ёшдан катта бўлган оилаларга ва якка-ёлғиз фуқароларга 6 ой муддатга тайинланади ва тўланади.
Моддий ёрдам олишнинг асосий шарти нима ?
Моддий ёрдам нафақаси оиланинг ойлик жами даромади киши бошига 498 минг сўмдан ошмайдиган оилаларга берилади.
Муддат тугаганидан кейин қайтиб берилмайдими ?
Муддат тугаганидан кейин яна олмоқчи бўлсангиз қайта хужжат тайёрлашингиз керак.
Буни аниқ суммаси нечпул ?
Хозирги кундаги моддий ёрдамнинг аниқ миқдори бир ойга 380 000 сўм
Учқудуқ туман адлия бўлимидан
