Ҳайдовчиларни тайёрлаш ва қайта тайёрлаш, шунингдек имтиҳон ўтказиш ва ҳайдовчилик гувоҳномасини бериш тартибини бузганлик учун алоҳида жиноий жавобгарлик белгиланади. Сенатда кўрилаётган қонунда ана шундай норма ҳам борлиги маълум бўлди.

      Турар жойга нисбатан мулкий ҳуқуқларга ёки турар жой мулкдори билан қариндошлик алоқаларига эга бўлмаган шахсларни ушбу турар жойдан доимий рўйхатдан чиқариш учун уларнинг розилигини олиш бекор қилинмоқда.

       Вазирлар Маҳкамасининг “Мулк ҳуқуқининг дахлсизлигини ишончли ҳимоя қилиш бўйича чора-тадбирлар белгиланганлиги муносабати билан ҳукумат айрим қарорларига ўзгартириш ва қўшимчалар киритиш тўғрисида”ги қарори қабул қилинди.

Турар жойга нисбатан мулкий ҳуқуқларга ёки турар жой мулкдори билан қариндошлик алоқаларига эга бўлмаган шахсларни ушбу турар жойдан доимий рўйхатдан чиқариш учун уларнинг розилигини олиш бекор қилинмоқда (бундан тарафлар ўртасида бошқача келишув тузилган ҳолатлар мустасно). 

       Жисмоний ва юридик шахсларга етказилган мулкий зарарларни компенсация қилиш бўйича республика ва ҳудудий мақсадли жамғармалар маблағларини шакллантириш ҳамда улардан фойдаланиш тартиби тўғрисидаги низомнинг янги таҳрири тасдиқланди.

       Республика компенсация жамғармаси маблағларидан ер участкалари жамоат эҳтиёжлари учун олиб қўйилиши муносабати билан етказилган зарарларни қоплаш учун фойдаланилади.

      Ҳудудий компенсация жамғармалари маблағларидан қуйидагилар учун фойдаланилади:

• ер участкалари жамоат эҳтиёжлари учун олиб қўйилиши муносабати билан етказилган зарарларни қоплаш;
• жисмоний ва юридик шахсларга етказилган қуйидаги зарарларни (кейинги ўринларда – мулкий ва маънавий зарар) қоплаш:
• кўчмас мулк объектларига бўлган ҳудудларнинг давлат реестрига ноқонуний ёди ҳақиқатга тўғри келмайдиган маълумотларнинг киритилиши натижасида уларга ишониб ҳаракат қилган жисмоний ва юридик шахсларга етказилган зарарлар;
• давлат органлари, уларнинг мансабдор шахслари ва хизматчиларининг қонунга хилоф деб топилган қарорлари, ҳаракатлари (ҳаракатсизлиги) натижасида жисмоний ва юридик шахсларга етказилган ва суднинг қонуний кучга кирган қарори билан аниқланган зарарлар;
• терговга қадар текширувни амалга оширувчи органлар, суриштирув, дастлабки тергов, прокуратура органлари ва суднинг қонунга хилоф деб топилган ҳаракатлари (ҳаракатсизлиги) туфайли етказилган зарар ва маънавий зиёнлар;
• турар жой инсофли эгалловчидан қонунчиликда белгиланган тартибда талаб қилиб олинишига йўл қўйилмаслиги натижасида мулкдорга етказилган зарар. 

      Ер участкаларини компенсация эвазига жамоат эҳтиёжлари учун олиб қўйиш натижасида жисмоний ва юридик шахсларга етказилган мулкий зарарларни қоплаб бериш схемаси қуйидагича: 

•       Қорақалпоғистон Республикаси Вазирлар Кенгаши, вилоятлар, Тошкент шаҳар ва туман (шаҳар) ҳокимликлари – жисмоний ва юридик шахсларнинг мурожаати асосида ёки ўз ташаббусига кўра тегишли ҳужжатларни республика ва ҳудудий мақсадли жамғармалар кузатув кенгашига (кейинги ўринларда – кузатув кенгашлари) мурожаат қилади;
• кузатув кенгашлари 3 иш куни мобайнида тақдим этилган ҳужжатларни кўриб чиқади ва ер участкалари жамоат эҳтиёжлари учун олиб қўйилиши муносабати билан зарарларнинг ўрнини жисмоний ва юридик шахсларга қопланишини молиялаштириш тўғрисида қарор қабул қилади;
• Қорақалпоғистон Республикаси Вазирлар Кенгаши, вилоятлар, Тошкент шаҳар ва туман (шаҳар) ҳокимликлари 3 иш куни мобайнида етказилган зарарларни қоплаб беради. 

      Жисмоний ва юридик шахсларга етказилган мулкий ва маънавий зарарларни қоплаш учун жисмоний ва юридик шахслар ариза, суд қарори ва бошқа тегишли ҳужжатларни илова қилган ҳолда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига мурожаат қилади.

      Бундан ташқари, “Автомобилсиз кун”, ҳафта кунларини жуфт ва тоқ рақамли автомобилларга бўлиш, жамоат транспортидан фойдаланишни кенгайтириш, АИ-80 бензинини тақиқлаш, саноатда кўмир ёқилғисидан воз кечиш ва бошқа чоралар бўйича таклифлар ишлаб чиқилади.

      Маҳкама матбуот хизматининг хабар беришича, йиғилиш якуни бўйича “Автомобилсиз кун”, ҳафта кунларини жуфт ва тоқ рақамли автомобилларга бўлиш, жамоат транспортидан фойдаланишни кенгайтириш, ёқилғи стандарти минимумини “Евро-4”га кўтариш, саноатда кўмир ёқилғисидан воз кечиш ва шу каби кўплаб таклифларни ишлаб чиқиш ва реализация қилишга келишилган.

Бош прокуратура аҳолини ҳаво ифлосланиши масаласида “норасмий манбалар”га таянмасликка чақирган.

“Ўзбекистон Гидрометеорология хизмати агентлиги ҳаво ифлосланишини автоматик усулда мониторинг қилишга мўлжалланган замонавий HORIBA станциялари билан таъминланган бўлиб, ҳаво ифлосланиши бўйича расмий маълумотларни эълон қилиб боради. Ҳаво ифлосланиши бўйича маълумотлар билан ишлашда расмий манбаалардан фойдаланган ҳолда норасмий манбааларга таянмаслик тавсия этилади”, – дейилади баёнотда.

Йиғилишда Бош прокуратура бошқарма бошлиғи Ўктам Ўтаев иштирок этган. Унинг сўзларига кўра, президент ташаббуси билан “Яшил макон” умуммиллий дастури доирасида мамлакатда 85 млн тупдан ортиқ дарахт экилган, Орол денгизининг қуриган тубида 1,8 млн гектар майдонда ёки Сурхондарёда қурғоқчиликка чидамли 3 млн туп ўсимликлардан иборат яшил ҳудудлар барпо этилган.

    Ўтаев ўз сўзида Тошкентда сунъий кўллар, сув ҳавзалари, яшил қопламаларнинг камайиб кетгани, минтақада сув танқислиги сабаб чўллашишнинг кенгайиб бораётгани, автотранспорт воситалари, ёқилғи энергетикаси ва сувдан тежамкорлик билан фойдаланишда муайян қонунбузилиш ҳолатларига чек қўйилмаётгани, атмосферага меъёридан ортиқ ташламалар ташланаётганига урғу берган.

    Учқудуқ туманидаги № 99818 – сонли ҳарбий қисмда Ўзбекистон Республикаси Қуролли Кучлари ташкил этилганлигининг 32 йиллиги ҳамда 14 январь Ватан ҳимоячилари куни байрами кенг нишонланди.

    Ватанимиз мустақиллиги, халқимизнинг тинч, эркин ва фаровон ҳаётининг мустаҳкам кафолати бўлган Ўзбекистон Қуролли Кучлари ўтган 32 йилда ғоят мураккаб ва айни пайтда шонли шаклланиш йўлини босиб ўтди. 

    Aйниқса, кейинги йилларда олиб борилаётган туб ислоҳотлар натижасида миллий армиямиз ҳар қандай хавф-хатарга муносиб зарба бера оладиган қудратли, тезкор ва самарали кучга айланиб бормоқда. Юртимиз хавфсизлиги, сарҳадларимиз дахлсизлигини ишончли ҳимоя қилишга, аҳолининг тинч ва осуда ҳаётига қаратилган ҳар қандай ғаразли қарашларнинг олдини олишга қодир бўлган, ихчам, тезкор, ташкилий жиҳатдан мукаммал, замонавий қурол-яроғ ва ҳарбий техника билан таъминланган миллий армиямиз шакллантирилди.

Бугун ота-оналар ўз фарзандларини армияга кўзда ёш, юракда хавотир билан эмас, балки менинг ўғлим ҳақиқий Ватан ҳимоячиси бўлади, деб, юксак ишонч ва фахр туйғуси билан кузатмоқда.

№ 99818 – сонли ҳарбий қисм маърифат залида бўлиб ўтган байрам тадбирида Учқудуқ туман ҳокими Соли Хамроев, ҳуқуқ-тартибот идоралари раҳбарлари, Шимолий кон бошқармаси мутасаддилари иштирок этди.

Ўзбекистон Қуролли Кучлари ташкил этилганининг 32 йиллиги ва 14 январь Ватан ҳимоячилари куни муносабати билан "Халқ ва армия - бир тану бир жон" мавзусида ўтказилган маърифий – маданий тадбирида туман ҳокими С.Хамроев сўзга чиқиб, мамлакатимизнинг турли гўшаларидан келиб Учқудуқ туманидаги № 99818 – сонли ҳарбий қисмда ўз йигитлик бурчини ўтаётган қўрқмас ва ҳақиқий ватанпарвар аскар ва офицерларни шунингдек, эл-юрт тинчлиги ва осойишталиги йўлида хизмат қилаётган барча ҳарбийларни байрам билан муборакбод этди. Уларнинг ота-оналарига, яқинларига улкан миннатдорчилик билдирди.

Тадбир давомида, бугунги кунда аҳолингинг тинчлиги, осойишталиги ва ижтимоий ривожланишида ўз ҳиссасини қўшаётган бир қатор ҳарбийлар тақдирланди.

Ташкил этилган байрам дастурида № 99818 – сонли ҳарбий қисм зобит ва аскарлари томонидан саҳналаштирилган ичакузди ҳангомалар турли хил характерларда ижро этилиб, бутун зални кулдира олди. Асосий мавзу фидойилик, инсонпарварлик, ҳарбий хизматда учраб турадиган баъзи бир муаммолар енгил ҳазил-мутойиба асосида саҳнага олиб чиқилганлиги, персонажларнинг ранг-баранглиги билан ўзига хослик касб этди.

Шунингдек, “Учқудуқ” маданият саройи ҳамда “Қизилқум” маданият маркази бадиий жамоалари томонидан юртни тараннум этувчи куй-қўшиқлар ва рақсалар ижро этилди.

УЧҚУДУҚ ТУМАН ҲОКИМЛИГИ АХБОРОТ ХИЗМАТИ

      Ассалому алайкум, ҳурматли тумандошлар,  ҳарбий  офицерлар! 

      Қуролли Кучларимиз фахрийлари!

       Аввало, Сиз азизларни, сизлар орқали бутун туманимизнинг  ўз ҳаётини Ватанни ҳимоя қилишдек энг улуғ ва олижаноб ишга бағишлаган мард, жасур посбонларини Ўзбекистон Республикаси Қуролли Кучлари ташкил этилганлигининг  32 йиллиги ва Ватан ҳимоячилари куни билан чин қалбимдан самимий муборакбод этаман!

       Ушбу қутлуғ айёмда барчамиз аввало ўз жанговар постида доимо ҳушёр ва сергак туриб, юртимиз сарҳадларини кўз қорачиғидек асраб келаётган мард ва жасур, содиқ ўғлонларимиз шаънига энг эзгу тилакларимизни изҳор этамиз.

       Ана шундай ботир ва жонкуяр фарзандларни тарбиялаб вояга етказган ҳурматли ота-оналарга, ҳарбий хизматчиларимизга ўз муқаддас бурчини адо этишда ҳамиша тоғдек таянч бўлиб келаётган уларнинг оила аъзоларига чуқур миннатдорчилик билдирамиз.

        Дарҳақиқат, армиямизнинг куч-қудрати ҳарбий хизматчилар билан бутун жамиятимизнинг бирлиги ва ҳамжиҳатлигида, десак, айни ҳақиқатни айтган бўламиз.

Яқин тарихга назар соладиган бўлсак,  1992 йил январда мамлакатимиз ҳудудида жойлашган барча ҳарбий тузилмалар Ўзбекистон Республика-сининг ҳуқуқий тасарруфига ўтказилди. 1993 йил 29 декабрда 14 январни Ўзбекистонда Ватан ҳимоячилари куни, деб эълон қилиш ҳақидаги Ўзбекистон Республикасининг қонуни қабул қилинди.

        2017 йил 18 декабрда “Ўзбекистон Республикаси Мудофаа доктринаси тўғрисида”ги қонун қабул қилинди. Шундан буён ҳар йили 14 январь – Ватан ҳимоячилари куни умумхалқ байрами сифатида кенг нишонланиб келинмоқда.

      Ватанимиз мустақиллиги, халқи-мизнинг тинч, эркин ва фаровон ҳаётининг мустаҳкам кафолати бўлган Ўзбекистон Қуролли Кучлари ўтган 32 йилда ғоят мураккаб ва айни пайтда шонли шаклланиш йўлини босиб ўтди.

    Айниқса, кейинги йилларда олиб борилаётган туб ислоҳотлар натижасида миллий армиямиз ҳар қандай хавф-хатарга муносиб зарба бера оладиган қудратли, тезкор ва самарали кучга айланиб бормоқда. Юртимиз хавфсизлиги, сарҳадларимиз дахлсизлигини ишончли ҳимоя қилишга, аҳолининг тинч ва осуда ҳаётига қаратилган ҳар қандай ғаразли қарашларнинг олдини олишга қодир бўлган, ихчам, тезкор, ташкилий жиҳатдан мукаммал, замонавий қурол-яроғ ва ҳарбий техника билан таъминланган миллий армиямиз шакллантирилди.

   Бугун ота-оналар ўз фарзандларини армияга кўзда ёш, юракда хавотир билан эмас, балки менинг ўғлим ҳақиқий Ватан ҳимоячиси бўлади, деб, юксак ишонч ва фахр туйғуси билан кузатмоқда.

    Фурсатдан фойдаланиб, мамлакатимизнинг турли гўшаларидан келиб Учқудуқ туманидаги № 99818 – сонли ҳарбий қисмда ўз йигитлик бурчини ўтаётган қўрқмас ва ҳақиқий ватанпарвар аскар ва офицерларни шунингдек, эл-юрт тинчлиги ва осойишталиги йўлида хизмат қилаётганбарча ҳарбийларни  байрам билан яна бир бор муборакбод этиб, уларнинг  ота-оналарига, яқинларига улкан миннат-дорчилик билдираман.

     Зеро, буюк мутаффаккир бобомиз Алишер Навоий қайд этганидек, “Бу дунёда эр йигитнинг энг буюк, эзгу ва муқаддас вазифаси, аввало, ўз оиласи, Ватани ва халқини муносиб ҳимоя қилишдан иборатдир”.

        Ҳурматли тадбир иштирокчилари!

     Дунёнинг турли минтақаларида давом этаётган урушлар, ҳарбий қарама-қаршилик ва можоралар, турли терроризм хуружлари халқаро хавфсизликка жиддий таҳдид қилаётганини ҳеч қачон унутмаслигимиз лозим.

     Ҳурматли Президентимиз, Қуролли Кучлар Олий Бош Қўмондони Шавкат Миромонович Мирзиёевнинг «Асосий мақсадимиз – халқ билан армия бирдамлиги. Ҳарбий қисмлар эшиклари эл учун очиқ бўлиши керак. Миллий армиямизнинг нури, маънавияти ҳаммага етиб бориши зарур. Ёшларни бу ерга олиб келиб кўрсатиш, ўргатиш керак. Бу уларни ватанпарварлик руҳида тарбиялаш, мамлакатимиз тарихи ва қудрати ҳақида билимларини бойитишга хизмат қилади. Бундан ота-оналар ҳам хурсанд бўлади», деган сўзлари фаолиятимизда  дастуриламал бўлиб хизмат қилмоқда.

    Туманимизда ўтказилаётган «Ҳарбий Ватанпарварлик ойлиги» доирасида  “Янги Ўзбекистон армияси – мамлакат қудрати, юксак ғурур ва садоқат  тимсолидир!” деган  ғоя ва амалий ҳаракат -  Ватан ҳимояси чиндан ҳам барчамизнинг нафақат вазифамиз, балки шарафли бурчимиз эканлигидан далолат беради.

    Ҳеч шубҳасиз, ўтказилаётган бу каби маърифий тарғибот тадбирлари  ёшларимизда миллий армиямиз билан фахрланиш туйғусини, Ватан ҳимоячисидек шарафли касбга ҳурмат-эҳтиром ҳиссини уйғотмоқда.

        Қадрли юртдошлар, мард ва жасур Ватан ҳимоячилари!

    Сизларни ота-онангиз, оилангиз ва  бутун мамлакатимиз аҳолиси  билан биргаликда кенг нишонлаётган бугунги шону-шараф айёми – Ватан ҳимоячилари куни билан яна бир бор табриклар эканман, барчангизга мустаҳкам соғлиқ, оилавий бахт ва саодат, шарафли ва масъулиятли фаолиятингизда улкан зафарлар тилайман!

    Юртимиз тинч, осмонимиз мусаффо бўлсин!

      Эътиборингиз учун рахмат!

 NAVOIY VILOYATI UCHQUDUQ TUMAN HOKIMLIGI AXBOROT XIZMATI FAOLIYATINI O‘RGANISH BO‘YICHA

SAVOLNOMA 

           Учқудуқда чет тили сертификатини қўлга киритаётган ёшлар саноғи йилдан йилга ошиб бормоқда. Туманда чет тилига қизиқиш билдираётган ёшларнинг ортиб боришига эса малакали мутахассис ва устозларнинг ҳам сони ошаётганлиги таъсир қилади албатта. 18-мактабнинг инглиз тили фани ўқитувчиси сифатида ёш авлодга таълим тарбия бериб келаётган  Караматдин Зинатдинович ҳам малакали инглиз тили фани ўқитувчиларидан бири.

          3 йиллик фаолияти давомида  кўплаб шогирдлар етиштирган қатор кўрик-танловларда фахрли ўринларни қўлга киритган бу ёш устознинг ўқувчилари бугун ишончни оқламоқда. Караматдин ўзбек, қозоқ ва рус тилларида дарс ўтиб, инглиз тили ўқув курсида ўқувчиларнинг чет тилларни билиш даражасини ошишига хизмат қилмоқда. 2023 йилда 64 нафар шогирдидан 57 нафари чет тилини билиш даражасини белгиловчи сертификатни қўлга киритган бўлса, биргина декабр ойида 32 нафар ўқувчидан 29 нафари имтихонлардан муваффақиятли ўтди. Тинимсиз меҳнат ва изланиш ортидан эришилаётган бу каби ғалабалар албатта мактабнинг ҳам ютуғи саналади, чунки, чет тилини билиш даражасини белгиловчи сертификатнинг қўлга киритилганлиги, бу олий таълим даргоҳига қадам қўйишнинг биринчи босқичи ҳисобланади. Караматдин каби илмли, салоҳиятли, ҳар томонлама мукаммал бўлган устозни тарбиялаб, халқ корига ярайдиган фарзанд қилиб тарбиялаган Караматдиннинг ота-онасига 18-мактаб жамоаси ўз миннатдорчилигини билдиради.

          Учқудуқлик ёшларнинг билимини оширишга хизмат қилаётган Караматдиндек ёш ва билимли устозларимизга омад тилаб қоламиз.

    
       Ўзбекистон Республикаси Президентининг 2018 йил 5 апрелдаги “Мактабгача таълим тизимини янада рағбатлантириш ва ривожлантириш чора-тадбирлари тўғрисида”ги ПҚ-3651-сонли ҳамда Ўзбекистон Республикаси Вазирлар Маҳкамасининг 2022 йил 2 августдаги “Мактабгача таълим соҳасида Давлат-хусусий шериклик муносабатларини замонавий рақамли технологиялар ёрдамида соддалаштириш чора-тадбирлари тўғрисида”ги 426-сонли қарорига асосан Ўзбекистон Республикаси Мактабгача ва мактаб таълими вазирлиги билан “Давлат хусусий шериклик тўғрисида”ги тузилган битимга мувофиқ, Учқудуқ тумани ҳудудида 20 та оилавий нодавлат мактабгача таълим ташкилотлари фаолият юритиб келмоқда ҳамда уларда 463 нафар 3 ёшдан, 6 ёшгача бўлган болалар тарбияланиб келмоқда.
       Ушбу оилавий нодавлат мактабгача таълим ташкилотларига озиқ-овқат маҳсулотлари, ходимлариш ҳақи ҳамда коммунал тўловлар харажатлари учун Давлат бюджети томонидан 2023 йил давомида 1 739,3 млн. сўм маблағ молиялатирилганлиги маълум қилинади.

УЧҚУДУҚ ТУМАН МОЛИЯ БЎЛИМИ

         “Очиқ бюджет”га ажратилган маблағлар ижтимоий соҳа, йўл, сув, электр энергия ва бошқа соҳалар кесимида ишлатилиши, улар ҳисобига амалга оширилган ишлар хусусида қуйидаги маълумот берилмоқда.
Ўзбекистон Республикаси Президентининг 2021 йил 13 апрелдаги “Бюджет жараёнида фуқароларнинг фаол иштирокини таъминлаш бўйича қўшимча чора-тадбирлар тўғрисида”ги ПҚ-5072-сонли қарори ижросини таъминлаш мақсадида, туманда “Ташаббусли бюджет” дастури доирасида 2023 йилда 7 090 млн. сўмлик шу жумладан, маҳаллий бюджет параметрлари ҳисобидан 5 849 млн. сўм, маҳаллий бюджетнинг қўшимча манбалари ҳисобидан 1 241 млн. сўмлик маблағ ажратилган.
Шунингдек, Ташаббусли бюджет жараёнининг 2023 йил 1-мавсумида “Фуқаролар ташаббуси” жамғармасига жами 4 541.0 млн.сўм маблағ шакллантирилди.
Маълумот учун, 01.01.2023 йил бошига қолдиқ:
      1 150.4 млн.сўм,эркин қолдиқ маблағларидан 390.3 млн.сўм, бюджет параметрида умумий харажатларнинг 5 % миқдорида режалаштирилган маблағ 3 000.0 млн. сўм.
Ушбу маблағлар учун фуқаролар томонидан 238 та турли хил мазмундаги таклифлар келиб тушди.Овоз бериш жараёнларига 15 360 мингга яқин фуқаролар иштирок этиб, натижада 4 470.0 млн. сўмлик 17 та лойиҳалар ғолиб деб топилди. Жумладан;
- 7 та лойиҳа 1 230.0 млн. сўм таълим муассасаларини таъмирлаш ва жихозлаш;
- 3 та лойиҳа 1 700.0 млн. сўм ички йўлларни таъмирлаш, пиёдалар йўлаклар барпо этиш;
- 3 та лойиҳа 640.0 млн. сўм мактабгача таълим соҳасини ривожлантириш;
- 2 та лойиҳа 700.0 млн. сўм тиббиёт объектларини таъмирлаш ва жихозлаш;
- 2 та лойиҳа 200.0 млн. сўм бошқа таълим муассасаларнии таъмирлаш ва жихозлаш каби аҳолини узоқ йиллардан бери қийнаб келаётган муаммоларини бартараф этилишига йўналтирилди.

       Мисол учун, Учқудуқ тумани Абай,Мустақиллик ва Дўстлик МФЙ ташаббускорлари томонидан 3 та ички йўлларни асфальтлаштириш таклиф келиб тушган. Ушбу махаллаларда истиқомат қилувчи аҳоли ушбу муаммони кўтариб, 1 059 та овоз билан ғолибликни қўлга киритди ва 1 700 млн. сўм ютиб олишга эришди.
Туманимизда таълим олиш имкониятини янада кенгайтириш уқув машғулот, касбга йўналтириш хоналарини замонавий жихозлар билан таъминлаш юзасидан 7 та таклифлар келиб тушган. Ушбу ташаббускорлар ушбу муаммони кўтариб, 7 727 та овоз билан ғолибликни қўлга киритди ва 1 230 млн. сўм ютиб олишга эришди, фуқароларимизнинг узоқ йиллардан бери қийнаб келаётган муаммоларини бартараф этилмоқда.
Бундан ташқари, Ташаббусли бюджет жараёнининг 2023 йил
2-мавсумида “Фуқаролар ташаббуси” жамғармасига жами 3 825.9 млн.сўм маблағ шакллантирилди.
Маълумот учун, бюджет параметрида умумий харажатларнинг 5 % миқдорида 3 000.0 млн.сўм,маҳаллий бюджет ортиқча бажарилган қисмининг 30 % 309.9 млн.сўм,жамғарма ҳисобидаги қолдиқ маблағлар 516 млн.сўм.
       Ушбу маблағлар учун фуқаролар томонидан 250 та турли хил мазмундаги таклифлар келиб тушди.Овоз бериш жараёнларига 124 та таклифлар ўтқазилиб ушбу таклифларга 19 минг 728 га яқин фуқаролар иштирок этиб, натижада 2 620.0 млн.сўмлик 2 та лойиҳалар ғолиб деб топилди. Жумладан;
- 1 та лойиҳа 1 320.0 млн. сўм таълим муассасаларини таъмирлаш ва жихозлаш;
- 1 та лойиҳа 1 300.0 млн. сўм ички йўлларни таъмирлаш, пиёдалар йўлаклар барпо этишга йўналтирилди;
Мисол учун, Учқудуқ тумани Дўстлик МФЙ ташаббускорлари томонидан ички ишлар биносига борадиган ички йўлларни асфальтлаштириш таклиф келиб тушган. Ушбу махаллаларда истиқомат қилувчи аҳоли ҳамда бутун учқудуқ аҳли ушбу муаммони кўтариб, 3 135 та овоз билан ғолибликни қўлга киритди ва 1 300 млн. сўм ютиб олишга эришди.
Туманимизда таълим олиш имкониятини янада кенгайтириш уқув машғулот хоналарини замонавий жихозлар билан таъминлаш юзасидан бир нечта таклифлар келиб тушган. Ушбу ташаббускорлар ушбу муаммони кўтариб, 2 896 та овоз билан ғолибликни қўлга киритди ва 1 320 млн. сўм ютиб олишга эришди, фуқароларимизнинг узоқ йиллардан бери қийнаб келаётган муаммолари бирин кетин бартараф этилмоқда бундан фуқороларимиз мамнун эканлигини кўришимиз мумкин.
2023 йилда туман маҳаллий бюджети харажатлари
125 828,4 млн. сўмни ташкил этмоқда. Жумладан,
- Халқ таълим соҳасида 2023 йил учун 14 160.6 млн.сўм маблағлар ажратилган бўлиб, умумий харажатларининг 12,4 фоизни
- мактабгача таълим соҳаси 11 425 млн. сўм умумий харажатларининг 9.1 фоизни
- маданият ва спорт сохасининг 2022 йил харажатлари 6 248.8 млн.сўм бўлиб умумий харажатнинг 5 фоизни
- соғлиқни сақлаш сохасининг 2023 йил харажатлари 42 977.6 млн. сўм бўлиб умумий харажатнинг 34,2 фоизни
- ободонлаштириш ва қишлоқ хўжалиги ташкилотлари соҳаси бўйича 2023 йил харажатлари 18 675.6 млн.сўм бўлиб умумий харажатнинг 14.8 фоизни
- бошқарув органларини маблағ билан таъминлаш учун 17 421.6 млн. сўм ёки умумий харажатларнинг 13.8 фоизи
- бошқа харажатларга 13 473.4 млн.сўм ёки харажатларнинг 10.7 фоизи йўналтирилди.
       Йил давомида маҳаллий бюджетининг йил бошидан эркин қолдиқ ҳамда даромодларидан харажатлари орттириб бажарилган қисми ҳисобидан туширилган қўшимча 4 млрд 592.2 млн.сўм харажатларга сарфланиши тўғрисида қисқача тўхталиб ўтсам. Ушбу манбалар ҳисобидан соҳалар кесимида қарайдиган бўлсак;
Таълим тизимининг пойдевори бўлган Мактабгача таълим ва мактаб таълимининг ижтимоий инфратузилмаларини мустаҳкамлаш, реконструксия қилиш, ободонлаштириш ва моддий техника базаларини мустахкамлаш харажатлари учун 223.2 млн.сўм қўшимча манбалар ҳисобидан маблағ ажратилди.
      Ижтимоий соҳанинг яна бир бўғини бўлган соғликни сақлаш муассасалари учун бу йил 113.3 млн.сўм қўшимча маблағлар йўналтирилди.
Бундан ташқари худудни ободонлаштириш ишлари, йўлларни таъмирлаш ва асфалт ётқизиш, ичимлик суви қувурларини реконструксия қилиш ҳамда туман кўчаларига тунги ёритиш чироқлари ўрнатиш ва бошқа харажатлар учун туман ободонлаштириш бошқармасига 764.3 млн.сўм маблағлар йўналтирилди
      Бундан ташқари, ёшларни ижтимоий-иқтисодий муоммоларни ҳал этиш учун "Ёшлар дафтари" жамғармасига 730.1 млн.сўм, аёллар ва қизларни муоммоларини ҳал қилиш ҳамда уларни хар томонлама қўллаб-қувватлаш мақсадида "Аёллар дафтари" жамғармасига 566.8 млн.сўм маблағлар йўналтирилди.
2023 йилда туман маҳаллий бюджети қўшимча манбалари ҳисобидан шаклланган маблағлардан 30% яъни 1 241.6 млн. сўм маблағ “Ташаббусли бюджет” жамғармасига қўшимча йўналтирилди
    Шу билан бирга туман маҳаллий бюджетининг бошқа ташкилотларнинг моддий техника базасини мустаҳкамлаш, тадбир харажатлари ва бошқа харажатлар учун 1 519.7 млн. сўм маблағлар молиялаштирилди.

УЧҚУДУҚ ТУМАН МОЛИЯ БЎЛИМИ

       Учқудуқ туманида 2023 йилда хизмат кўрсатиш соҳасида амалга оширилган инвестиция лойиҳалари доирасида, жорий йилнинг ўтган даври мобайнида умумий қиймати 22 та инвестиция лойиҳаларини ишга туширилиб, 81 та янги иш ўринлари яратилди.
       Хусусан, “Динарахон Дилярахон 2019” МЧЖ умумий овқатланиш шахобчасини ташкил этиш, “Мавлуда Маржона” ХК савдо фаолиятини кенгайтириш, ЯТТ Очилов Шахзод Тойир угли Оилавий МТМ ташкил этиш, "Беҳзод-Беҳруз-Файз 2019" МЧЖ савдо фаолиятини кенгайтириш, “Обод Диёр Учқудуқ” МЧЖ Савдо фаолиятини кенгайтириш, “Престиж Учқудуқ” МЧЖ савдо ва хизмат кўрсатиш комплексини ташкил этиш, “Шер Рам Бусинесс 777” МЧЖ тўйхона хизматини ташкил этиш, “Гарант Учқудуқ” МЧЖ савдо хизматини ташкил этиш, “Лола Жаннатим Онам” МЧЖ савдо хизмати кўрсатишни ташкил этиш, “Best Dream Invest” МЧЖ транспорт ва юк ташиш хизматини ташкил этиш, “Uchquduq Humo Senter” МЧЖ меҳмонхона хизмати ташкил этиш, ЯТТ Нурмуродов Ҳусниддин савдо ва маиший хизмат кўрсатишни ташкил этиш, “Uchquduq-Stomatologiya” хусусий корхонаси стоматология хизматини ташкил этиш, ЯТТ Бойжонова Гулмира Кулдошевна МТМ хизматини ташкил этиш, “Shodlik Uchquduq” оилавий корхонаси дам олиш масканини ташкил этиш, “Nodirabegim Asqarjon Iftixori” МЧЖ музқаймоқ ишлаб чиқариш ва фаст-фоод хизматини ташкил этиш, ЯТТ Даминов Фазлиддин Садриддинович МТМ ташкил этиш, “Muxammad Odil Gold 2019” МЧЖ савдо хизматини ташкил этиш, “Bog‘I Shamol Uchquduq” МЧЖ меҳмонхона хизматини ташкил этиш лойиҳаси амалга оширилди.
Бундан ташқари, Ўзбекистон Республикаси Президентининг 52-сонли қарори ижросини таъминлаш мақсадида, хизмат кўрсатиш ва сервис йўналишида к-савдо электрон платформасига жойлаштирилган ер участкаларини сотиш ҳисобидан 160 та савдо объектлари ишга туширилиб, натижада 193 та янги иш ўринлари яратилишига эришилди.
      Бундан ташқари, қарорга мувофиқ, тумандаги А.Темур кўчаси махсус хизмат кўрсатиш кўчаларига айлантириш бўйича танлаб олинган бўлиб, ушбу махсус кўчада 30 та янгидан шу жумладан, туну-кун фаолият кўрсатувчи 24/7 соатлик хизмат кўрсатиш ва савдо объектлари ишга туширилди.
      Амалга оширилган ишлар натижасида, жорий йилнинг ўтган даври мобайнида хизмат кўрсатиш ҳажми 325,3 млрд. сўмга ёки ўтган йилнинг шу даврига нисбатан 108,7 фоизга ўсиб, 16 турдаги янги хизмат турлари ташкил этилиши таъминланди.

УЧҚУДУҚ ТУМАН МОЛИЯ БЎЛИМИ