2022 йилда ёшлар жамғармасида 1,639 млрд сўм маблағ ишлатилган. 2022 йил йил давомида 342 нафар ёшлар “Ёшлар дафтари”га киритилган бўлиб, 342 нафар ёшларга турли йўналишларда ёрдам кўрсатилган.
Жумладан, 2 нафар ёшларга кредит олишда амалий ёрдам кўрсатилган. 37 нафар ёшларга бандлиги таъминланишида амалий ёрдам кўрсатилган. 58 нафар ёшларга ўзини-ўзи банд қилиши учун субсидия асосида асбоб-ускуналар олиб берилган, 121 нафар ёшларга олий ва профессионал таълим тўлов шартнома маблағлари тўлаб берилди, 52 нафар ёшлар сафарбарлик чақирув резерви ҳизмати харажатлари тўлиқ субсидия асосида тўлаб берилди, 26 нафар ёшларга “Келажак касблари” лойиҳаси доирасида замонавий касбларга ўқиш курслари ҳаражатлари тўлаб берилди, 4 нафар ёшга ҳайдовчилик гувоҳномасига ўқиш харажатларининг 75% қоплаб берилди. 7 нафар ёшларга бирмарталик моддий ёрдам маблағлари тўлаб берилган. Шунингдек 21 нафар ёшларга бошқа йўналишларда амалий ёрдамлар кўрсатилган.
Беш ташаббус олимпиадаси доирасида эришилган натижалар қуйидагича бўлди. “Беш ташаббус” олимпиадасининг 1- мавсумида 14 та йўналишда спорт ва маданий тадбирлар ташкил этилган 7 мингдан ортиқ 7 ёшдан 30 ёшгача бўлган ёшлар қамраб олинган. Шундан ёшларимиз спортнинг шашка тури бўйича мусобақасида 16-22 ёш тоифаси (Бобоқандова Феруза) вилоят босқичида 1-ўрин Республика босқичида 2-ўринни қўлга киритди. Шахмат мусобақасида Бобоқандова Марғуба вилоят босқичида 1-ўринни қўлга киритди. Республика босқичида иштирок этиб 10 млн сўм пул мукофоти билан тақдирланди. Воркаут мусобақасида 27-30 ёш тоифасида Дўстлик МФЙдан вилоят босқичидан 1-ўринни қўлга киритди. Республика босқичида фаол иштирок этди.

Беш ташаббус олимпиадасининг 2- мавсумида 14 та йўналишда спорт ва маданий тадбирлар ташкил этилган 9 мингдан ортиқ 7 ёшдан 30 ёшгача бўлган ёшлар қамраб олинган. Шундан ёшларимиз спортнинг стол тенниси мусобақасида 22-26 ёш тоифада Навоий МФЙдан (Амиров Мансур) вилоят босқичида 1-ўринни қўлга киритди. Республика босқичида фаол иштирок этган. Айтим МФЙдан 16-21 ёш тоифада (Турсунова Барчиной) шашка мусобақасида вилоят босқичида 1-ўринни қўлга киритиб, Республика босқичида фаол иштирок этган. Худди шундай шашка мусобақасида 27-30 ёш тоифада Абай МФЙдан (Аминова Вазира) вилоят босқичида 3-ўринни эгаллаб, Республика босқичида 1-ўринни эгаллади. Стритбол мусобақасида 16-21 ёш тоифасида Айтим МФЙдан Республика босқичида 2-ўринни эгаллади. 27-30 ёш тоифада Абай МФЙдан вилоят босқичида 1-ўринни эгаллаб Республика босқичида фаол иштирок этди.
Хабарингиз бор, 2022 йилнинг 15-26 декабрь кунлари Учқудуқ туман ҳудудидаги маҳаллаларда истиқомат қилаётган ёшлар тўлиқ хатловдан ўтказилди.
Шундан, хатлов натижасига кўра 14-30 ёшлар 8737 нафар, 4204 нафари хотин қизлар), 18-30 ёшлар 6744 нафар (3272 нафари хотин-қизлар) уйма-уй юрган ҳолда сўровнома-анкета тўлдирилиб, чиқилди.
Шунингдек, хатлов натижасига кўра 278 нафар вақтинча ишсиз, 91 нафар ёшлар чет давлатларга (ишлаш, ўқиш, яшаш) кетганлиги аниқланди.

Хатлов натижаларига кўра маҳаллалардаги ёшлар етакчилари томонидан “Ёшлар дафтари”га тавсия этилган ёшлар 142 нафарни ташкил қилмоқда. Уларнинг 49 нафари хотин-қизлар.
Йўналишлар кесимида 11 нафарига бир марталик моддий ёрдам, 2 нафарига ҳайдовчилик гувоҳномаси олиш харажатларини қоплаш, 13 нафарига асбоб-ускуна ёки меҳнат қуроллари олиб бериш, 35 нафарига тўлов контрактини тўлаш, 6 нафарини замонавий касбларга ўқитиш, 9 нафар бемор ёшларга даволаниш харажатлари учун субсидия ажратиш, 8 нафарига сафарбарлик чақирув резерви бадалини қоплаб бериш, 4 нафар ёшларга тадбиркорлик учун имтиёзли кредит ажратиш режалаштирилган.
Шунингдек, 50 нафар ёшларнинг доимий бандлигини таъминлаш бўйича ёрдам кўрсатиш белгилаб олинган.

Нурилло ХАРИПОВ,
Ёшлар ишлар агентлиги Учқудуқ туман бўлими раҳбари.