Ўзбекистон Экологик партиясидан Ўзбекистон Республикаси Президентлигига
номзод Нарзулло Обломуродов бугун Термиз шаҳрида бўлиб, сурхондарёлик
сайловчилар билан учрашмоқда.
Видеоанжуман шаклида ўтказилаётган учрашувда Экологик партия Сурхондарё
вилояти кенгаши раиси, номзоднинг ишончли вакили И.Ёқубов Н.Обламуродовнинг
таржимои ҳоли билан таништирди.
Айни пайтда Ўзбекистон Республикаси Президентлигига номзод Нарзулло
Обламуродов сайловолди дастури билан таништирмоқда.
“Бугун биз мустақиллигимизнинг 30 йиллиги кенг нишонланган тарихий кун
ва мамлакатимиз ҳаётида юз берадиган муҳим сиёсий жараён арафасида яшаяпмиз.
Ўзбекистон Республикаси Президенти сайлови илк марта Сайлов Кодекси асосида
янада очиқ, ошкора ўтказилмоқда. Шунингдек, бизнинг партиямиз ҳам Президент
сайловида илк марта қатнашмоқда.
Биз "Келажак учун жавобгармиз", деган эзгу ғояни илгари сураяпмиз.
Яшил тараққиёт билан боғлиқ вазифалар ва мамлакатимизнинг эртанги кунига
алоқадор ҳаётбахш масалаларни ўртага қўйганмиз. Албатта, ғояларимиз сизларга
ҳам маьқул бўлади, деган умиддамиз”, деди Нарзулло Обламуродов.
