Учқудуқ тумани Навоий вилоятининг энг олис ҳудудларидан бири. Бу ерда маҳалла фуқаролар йиғинлари қаторида овул фуқаролар йиғинлари ҳам фаолият юритадики, уларнинг оралик масофаси камида 100 чақиримча чиқади. Аҳоли тарқоқ жойлашган Учқудуқ ҳудудида ҳам эндиликда, юридик хизмат кўрсатиш маркази иш бошлади.Ўзбекистон Республикаси Адлия вазирлиги ишчи гуруҳи Учқудуқ тумани юридик хизмат кўрсатиш марказида яратилган шароитлар билан яқиндан танишишди.
    Айтиш жоиз, бу ерда ҳам марказ моддий-техник база билан тўлиқ таъминланган. Ишчи гуруҳ вакиллари мавжуд қулайликларни кўздан кечирар экан, ходимлар билан ҳам мулоқотга киришди.
    Суҳбат жараёнида уларнинг ўз вазифаларини қай даражада билиши, масъулиятни ҳис қилиш даражаси англашилган бўлса, ўз ўрнида ходимларни қизиқтирган саволларга гуруҳ вакиллари томонидан аниқ жавоблар берилди. Самимий мулоқот амалий семинарга уланди.
    Бунда ҳар бир туман давлат органлари ва ташкилотларнинг раҳбарлари, ижро интизоми учун масъул мутахассислари семинарда юридик хизмат кўрсатиш марказларини ташкил этишнинг ҳуқуқий асослари, мақсади, қулайлиги,соҳа вакилларига қўйилаётган меъёрлар, ташкилот ва муассасалар билан ҳуқуқий ахборот алмашинувининг замонавий механизми ҳақида маълумот бериб ўтилди.
   Шунингдек, йиғилганларга “e-huquqshunos” дастури ва унинг афзалликлари тўғрисида муҳим маълумотлар тақдим этилди.