Аввал хабар берганимиздек, куни-кеча рўй берган кучли шамол оқибатида “Алтинтау” овул фуқаролар йиғини Қулқудуқ овулидаги баъзи хонадон соҳибларининг турар жойларига зарар етган.
      Ўша куннинг ўзида Учқудуқ туман ҳокими Хамроев Соли Фармонович раҳбарлигида мутасадди идоралар раҳбарлари билан Қулқудуқ овулида бўлиб, зарар миқдори аниқланган. Табиий офат туфайли зарар кўрган 4 та хонадонга моддий томондан кўмаклашишга ваъда берганди.
Ваъда вафоси билан гўзал, деганларидек бугун туман раҳбари Қулқудуқ овулида бўлиб, “Саховат ва кўмак” жамғармасидан Нурлибек Муратбаев, Сидиқбай Базаров,    Мектепбай Кадаркуловларнинг ҳар бирига 10 млн. сўмдан Роза Абиловага 5 млн. сўм жами 35 млн. сўм маблағ беғараз ёрдам берилди.
-Табиий офат туфайли уй-жойларимизга анча зарар етди. Биз сингари яна 3 та оилада ҳам шу аҳвол. Эътиборсиз қарамай, ўз ҳолимизга ташлаб қўйишмагани учун мутасаддилардан беҳад миннатдормиз, - дейди Нурлибек Муратбаев.

УЧҚУДУҚ ТУМАН ҲОКИМЛИГИ АХБОРОТ ХИЗМАТИ