Жорий йил 13 апрель куни Учқудуқ туманидаги 18-умумтаълим мактабининг 11-синф ўқувчилари фуқаролик ишлари бўйича Учқудуқ туман судининг биносига ташриф буюрди. Ташриф давомида фуқаролик ишлари бўйича Учқудуқ туман судининг раиси Б.Қ.Шерматов ўқувчи ёшларнинг ҳуқуқий билим ва маданиятини янада ошириш, уларда қонунларга ҳурматда бўлиш муносабатини шакллантириш, шунингдек ёшлар ўртасида ҳуқуқбузарлик ва жиноятчиликни олдини олиш борасида тушунтириш ишлари олиб борилди. Ташриф давомида суд раиси Б.Шкрматов ёшларни суд-ҳуқуқ соҳасига оид қизиқтирган барча саволларга жавоб берди. Тумандаги 18 мактабнинг 11-Б-синф ўқувчиси Абдуллаева Мадина болалигидан суд-ҳуқуқ соҳасида ишлашга бўлган қизиқиши юқори эканлигини, келгусида албатта олий юридик маълумотга эга бўлиб, суд-соҳасида фаолият олиб бориш энг катта орзуси эканлигини билдириб ўтди. 

    Шунингдек, суд раиси Б.Қ.Шерматов ёшларга юртимизда суд тизимида олиб борилаётган ислоҳотлар, тизимда соҳага оид замонавий ахборот коммуникация технологиялари ва уларнинг кенг имкониятлари юзасидан маълумотлар берди.

Фуқаролик ишлари бўйича Учқудуқ туман суди, судья ёрдамси Б.Қ.Давидов