Бугун Учқудуқ тумани ҳокими Соли Хамроевнинг иш куни одатдагидан бироз бошқачароқ бошланди. Ҳоким ёшлар билан ўз иш кабинетида учрашди.
18-умумий ўрта таълим мактаби ёшлари ташаббуси билан бўлиб ўтган ҳоким ва ёшлар учрашувида Отабек Ҳасановнинг “Лидерлар” китоби асосида фикр-мулоҳазалар ўртага ташланди.
Шунингдек, мактабнинг 11-синф ўқувчилари Муниса Муродуллаева, Озода Ахматова ва Фарруҳ Эгамбердиевлар Хамроев Соли Фармоновичнинг ҳаёти ҳамда иш фаолияти тўғрисида ўзларини қизиқтирган саволларга жавоб олишди.
Учрашув сўнгида Соли Хамроев ёшларга ҳокимлик курсисида ўтиришга имкон берди. Ҳокимлик лавозимнинг масъулиятини ҳис қилган “Ёш ҳокимлар” янги марралар, катта довонлар, улуғ мақсадлар билан мулоқотлардан мотивация олиб туман ҳокими иш кабинетини тарк этишди.
Азиз учқудуқлик ёшлар!
Илм эгаллашда давом этинг. Ташаббускор бўлинг!
Мақсадингиздан ҳеч қачон воз кечманг!
Учқудуқ туман ҳокимлиги ёшларни ҳар доим қўллаб-қувватлашга тайёр.
Учқудуқ туман ҳокимлиги ахборот хизмати.
