O'zbekiston yangiliklari
Ўзбекистон Президенти Шавкат Мирзиёевнинг топшириғига мувофиқ, 2021 йил 2 май куни Туркияга коронавирус инфекцияси тарқалишини бартараф этиш учун зарур бўлган тиббий буюмлардан иборат инсонпарварлик ёрдами юборилди, дея хабар бермоқда ЎзА.
Туркияга инсонпарварлик ёрдамини юбориш тўғрисида қабул қилинган ҳукумат фармойишига асосан Uzbekistan Airways томонидан ажратилган юк самолётида Истанбул шаҳрига Ўзбекистонда ишлаб чиқарилган бир марталик респиратор Ecos N 95 тиббий ниқобидан бир миллион дона етказиб берилди.
Бугунги тадбиркор ислоҳотчи! Ҳудуднинг ижтимоий-иқтисодий ривожланишида муҳим куч эканлигини барча яхши тушуниб етмоқда. Зеро, тадбиркорларнинг юрт фаровонлигини таъминлашдаги ҳиссаси беқиёс.
Учқудуқ тумани фаолият кўрсатаётган тадбиркорлар билан бўлиб ўтаётган учрашувда вилоят ҳокими К.Турсунов уларга яқиндан кўмакдош эканлигини таъкидлади. Тадбиркорларнинг мурожаатлари тингланиб, уларни қийнаб келаётган масалаларга ечим изланди.
-Тадбиркорлар учун доимо эшиклар очиқ, -дейди вилоят раҳбари К.Турсунов. –Ҳар қандай масалада ҳудуд раҳбарларидан тортиб, менгача бемалол мурожаат қилишлари мумкин. Мурожаатлар энди ечилмасдан, ҳал этилмасдан қолмайди. Биз уларга ёрдамчи эканлигимизни амалда кўрсатишимиз керак.
Мазкур мулоқотда Обид Ҳамроев, Лайло Каримова, Шерзод Юсуповлар кредит, марказий коммунал тармоқларига уланиш сингари масалаларда
вилоят раҳбарига мурожаат қилди.
Тадбиркорларнинг ҳар бир мурожаати мутасадди идоралар вакиллари, бошқармалар ҳамда масалага даҳлдор корхона-ташкилот раҳбарлари иштирокида таҳлил этилиб, уларнинг аксарияти ижобий ҳал этилди.
Учқудуқ туман ҳокимлиги ахборот хизмати.
Ўзбекистонда 1 майдан коронавирусга қарши вакцинациянинг иккинчи босқичи бошланади. Бу ҳақда Инновацион ривожланиш вазирлиги хабар берди.
Вакцинациянинг биринчи босқичида 65 ёшдан катталар, сурункали касаллиги борлар, тиббиёт ва таълим муассасалари (мактаб ва боғча) ходимлар, шунингдек, ҳуқуқ-тартибот органлари вакиллари эмланди.
Иккинчи босқичда эмланадиганлар:
Бугунги кунгача Ўзбекистон бўйлаб жами 640 мингдан ортиқ одам коронавирусга қарши эмланган. Вакцинация ихтиёрий равишда, бир вақтнинг ўзида уч хил дори воситасида амалга оширилмоқда — AstraZeneca (2 доза), ZF-UZ-VAC2001 (3 доза) ҳамда «Спутник V» (2 доза).
Тўлқин Отамуродов Навоий вилояти ҳокимининг иқтисодиёт ва тадбиркорлик масалалари бўйича биринчи ўринбосари лавозимига тайинланди. Бу ҳақда вилоят ҳокимлиги матбуот хизмати хабар берди.
Тўлқин Отамуродов 2002 йилда Тошкент молия институти, 2005 йилда эса Банк-молия академиясини ҳамда 2015 йилда Sun Yat-Sen университетини (Хитой) тамомлаган.
Мазкур лавозимга қадар у «Микрокредитбанк» акциядорлик тижорат банки бошқарув раисининг биринчи ўринбосари лавозимида фаолият юритган.
Шавкат Мирзиёев бугун, 30 апрел куни Тожикистон ва Қирғизистон президентлари билан телефон орқали мулоқот қилди. Бу ҳақда Ўзбекистон президент матбуот хизмати хабар берди.
Тожикистон президенти Имомали Раҳмон билан телефон орқали мулоқотда давлат раҳбарлари Тожикистон-Қирғизистон чегарасидаги вазиятнинг ривожланишини муҳокама қилди.
Ўзбекистон президенти юзага келган вазиятни тез фурсатда ҳал қилиш ва унинг кескинлашувига йўл қўймаслик бўйича Тожикистон ва Қирғизистон томонлари эришган келишувларни қўллаб-қувватлади.
Мавжуд барча масалалар дўстлик, яхши қўшничилик ва шериклик муносабатлари руҳида, фақат музокаралар ва маслаҳатлашувлар йўли билан ҳал қилиниш муҳим экани таъкидланди.
Тожикистонга бўлажак олий даражадаги ташрифга тайёргарликнинг бориши ҳам кўриб чиқилди. Мамлакатлар бош вазирлари ўтган ҳафта Хўжанд шаҳрида ўтказган амалий учрашувнинг самарали натижалари мамнуният билан қайд этилди.
Ўзбекистон ва Тожикистон ўртасида узоқ муддатли истиқболга мўлжалланган кенг кўламли ҳамкорликнинг янги “ўсиш нуқталари”ни биргаликда аниқлаш муҳимлиги алоҳида таъкидланди.
Шунингдек, Қирғизистон президенти Садир Жапаров билан телефон орқали мулоқотда минтақавий ҳамкорлик ва икки томонлама кун тартибидаги долзарб масалалар кўриб чиқилди.
Президентлар Қирғизистон-Тожикистон чегарасида юзага келган вазиятни ва уни тез фурсатда ҳал қилишни муҳокама қилди. Қирғизистон ва Тожикистон томонлари вазиятни барқарорлаштириш ва унинг янада кескинлашишига йўл қўймасликка қаратилган келишувларга эришгани мамнуният билан қайд этилди.
Юзага келаётган барча баҳсли масалалар кўп асрлик дўстлик, яхши қўшничилик, ишонч ва шериклик руҳидаги мулоқот асосида ҳал қилиниши зарур экани таъкидланди.
Давлат раҳбарлари жорий йил март ойида Тошкент шаҳрида ўтган саммит якунида қабул қилинган қўшма қарор ва келишувларни амалга ошириш масалаларига алоҳида тўхталдилар.
Қабул қилинган мажбуриятларни сўзсиз бажариш ва устувор лойиҳаларни илгари суриш мақсадида фаол алмашинувларни давом эттириш ва ҳамкорликни кенгайтириш муҳимлиги қайд этилди.
Давлат раҳбарларининг учрашувида икки мамлакат ўртасидаги дўстлик, яхши қўшничилик ва стратегик шериклик муносабатларини янада мустаҳкамлаш, турли соҳалардаги ҳамкорликни ривожлантириш масалалари муҳокама қилинади.
Ашхободдаги “Туркманбоши руҳи” мажмуасида хотира тадбири бўлиб ўтади.
Миллат генофондини сақлашни ва жамиятни тараққий этишини истаган ҳар қандай давлат гиёҳвандликка қарши аёвсиз кураш олиб бориши шарт. Ана шу боисдан мамлакатимизда гиёҳвандликка қарши кураш борасидаги ишлар бир зум ҳам сусайтирилмайди ва тўхтатилмайди. Ҳар йили икки босқичда “Қорадори” тезкор-профилактик тадбири ўтказилиб, қанчадан-қанча инсонларнинг умрига зомин бўлиши мумкин бўлган гиёҳвандлик воситалари ва психотроп моддаларнинг ноқонуний айланишини олди олинмоқда.
Айни кунларда “Қорадори” тезкор-профилактик тадбири расман тугаган бўлсада, гиёҳвандлик ва гиёҳфурушликка қарши кураш узлуксиз давом этмоқда.
Учқудуқ тумани ички ишлар бўлими томонидан олиб борилган тезкор профилактик чора-тадбирлар натижасида туманда гиёҳвандлик воситаларини ноқонуний айланиши билан шуғулланувчи шахслар фош этилди.
Куни-кеча ўтказилган тезкор тадбирда дастлаб, иккита гугурт қутисига жойланган 7,023 грамм “марихуана” гиёҳвандлик воситасини 1 500 000 сўмга сотишга уринган, С.Р. ва Ч.В. исмли фуқаролар қўлга олинди.
Улар ўзаро жиноий тил бириктириб, “Дўстлик” маҳалласидаги истироҳат боғида шартли харидор сифатида жалб қилинган “А” исмли шахсга “марихуана” гиёҳвандлик воситасини “сотаётган” вақтида ушланган.
Ушбу ҳолат юзасидан фуқаролар С.Р. ва Ч.В ларга Ўзбекистон Республикаси ЖК нинг 273 – моддаси 3-қисми “б” банди билан жиноят иши қўзғатилган.
Ҳа, инсон ҳаёти, ёш авлод келажагига раҳна солиши мумкин бўлган гиёҳвандлик-бангиликка қарши курашиш, жамият ҳаётидаги мавжуд ҳар қандай зарарли иллатни йўқ қилиш ва унинг олдини олиш ҳар биримизнинг вазифамиз, шарафли бурчимиздир.
Акмал ЭРШАШОВ,
Учқудуқ туман ИИБ бошлиғининг ҲПМ бўйича ўринбосари, капитан.
Ўзбекистонда коронавирусга қарши вакцина хусусий сектор томонидан пулли қилинаётгани ҳақида хабарлар тарқалди. Соғлиқни сақлаш вазирлиги мазкур хабарларга изоҳ берди.
Хабарга кўра, ушбу ҳолат юзасидан ССВ матбуот хизмати Санитария-эпидемиологик осойишталик ва жамоат саломатлиги хизмати раҳбари ўринбосари Нурмат Отабековга мурожаат қилди. Унинг маълум қилишича, хусусий иммунопрофилактика муассасалар (вакцинация марказлари) томонидан коронавирусга қарши эмлаш жараёнларига рухсат берилган. Шу билан бирга, ҳозирги кунда коронавирусга қарши вакциналар фақат давлат буюртмаси асосида олиб келинмоқда. Ушбу вакциналар билан аҳолининг хавф ости гуруҳига кирувчи қатламлари эмланмоқда.
Қайд этилишича, хусусий иммунапрофилактик муассасалар ҳам ўзлари коронавирусга қарши вакцинани олиб келиб, эмлаш жараёнларини амалга оширишлари мумкин. Аммо ҳозирча бирор-бир бундай марказда амалиётлар ўтказилмаяпти.
Таъкидланишича, кейинчалик мамлакатга олиб келинаётган вакциналарга давлат буюртмаси шакллантирилаётган пайтда хусусий сектор эҳтиёжи ҳам эътиборга олинса (бугунги кунда вакциналарни ишлаб чиқарувчи ташкилотларнинг ишлаб чиқариш қуввати эҳтиёжни тўлиқ қондира олмаяпти), уни мамлакатга етказиб бериш билан шуғулланадиган ташкилот, шу жумладан, «Дори-дармон» АК томонидан ҳам хусусий секторга йўналтирилиши мумкин. Аммо ҳозирча фақат давлат муассасаларида хавф ости гуруҳига мансуб аҳоли қатламини коронавирусга қарши эмлаш тадбирлари амалга оширилмоқда.
AОКAда 27 апрель, сешанба куни ҳудудларда тадбиркорликни ривожлантириш ва аҳоли бандлигини таъминлаш юзасидан ўтказилган матбуот анжуманида оғир турмуш шароитидаги хотин-қизларнинг қанчаси иш билан таъминлангани ҳақида маълумот берилди
Тадбиркорликни ривожлантиш агентлиги ходими Шерзод Отажоновга кўра, 2020 йил давомида ишлаш истагида бўлган уй бекаларининг рўйхати маҳаллабай тузилган. 471 615 нафар хотин-қизнинг рўйхати шакллантирилиб, ҳозирга қадар уларнинг 247 700 нафари доимий ишга жойлаштирилган.
Шунингдек, oғир турмуш шароитида яшовчи 7133 нафар хотин-қизнинг бандлиги таъминланган. Уларни миллий ҳунармандчилик касбларига йўналтириш мақсадида 4 минг 873 нафар аёл маҳаллалардаги тажрибали уста-ҳунармандларга бириктирилган.
Таъкидланишича, 2021 йилнинг ўтган даврида 5 минг 942 нафар хотин-қиз тикувчилик, сартарошлик, пазандачилик, психология, компьютер саводхонлиги, тадбиркорлик кўникмалари каби йўналишларда бепул ўқитилган. 5,5 минг нафар аёлнинг кичик бизнес лойиҳалари учун имтиёзли кредитлар асосида 102 миллиард сўм маблағ ажратилиб, натижада хотин-қизлар учун 4364 та янги иш ўрни яратилган.
«Узоқ йиллардан буён ишсиз ёки бола парваришида бўлган, чет давлатдан қайтган, пандемия муносабати билан ишсиз қолган аёллардан 14 мингдан зиёди доимий ишга, 30 минг нафари оилавий тадбиркорлик фаолиятига жалб этилди. Авф этилган 38 нафар аёлга тадбиркорлик учун кўмаклашилди», — деди Шерзод Отажонов.
Унинг сўзларига кўра, бугунги кунга қадар «Аёллар дафтари»га киритилган 432 минг нафар аёлдан 56 902 нафарининг бандлиги таъминланди (22 474 нафари ижтимоий ҳимояга муҳтож), 4 984 нафари касб-ҳунарга ўқитилди ва махсус сертификатга эга бўлди. 2486 нафар аёлга имтиёзли кредит ажратилди, 1155 нафарига томорқадан фойдаланиши учун имтиёзлар берилди.
Молия вазирлиги ҳузуридаги бюджетдан ташқари Пенсия жамғармаси Ўзбекистонда пенсия ва нафақа олувчиларнинг умумий сони ва ундаги аёллар улушини маълум қилди.
Қайд этилишича, ҳудудий туман (шаҳар) бўлимларида ҳисобга олинган пенсия ва нафақа олувчиларнинг умумий сони 2021 йил 1 апрель ҳолатига кўра, 3 миллион 877 минг 200 нафарни ташкил этмоқда.
Шундан 3 миллион 464 минг 800 нафари пенсия олувчилардир. Уларнинг 2 миллион 10 минг 400 нафари (58,0 фоиз)ни аёллар ташкил этади.
Нафақа олувчилар сони 412 минг 400 нафар бўлиб, уларнинг 192 минг 100 нафари (46,5 фоиз) аёллардир.
Маълумот учун, пенсия ҳисоблашнинг базавий миқдори ойига 262 470 сўмни, ёшга доир энг кам пенсия 513 350 сўмни, болаликдан ногиронлиги бўлган шахсларга бериладиган нафақа 513 350 сўмни, зарур иш стажига эга бўлмаган кекса ёшдаги ва меҳнатга лаёқатсиз фуқораларга бериладиган нафақа ойига 315 030 сўмни ташкил этади.
Ўзбекистонда энди Telegram гуруҳ ва каналларида тўловларни амалга ошириш имконияти пайдо бўлди, деб ёзмоқда «Gazeta.uz» Spot’га таяниб.
Қайд этилишича, тўлов учун ботлар 2017 йилдан бери мавжуд, аммо улар билан фойдаланиш ноқулай бўлган. Мессенжернинг янгиланган версиясида тўловларни тўғридан-тўғри қабул қилиш имконияти туфайли ботлар билан ишлаш осонроқ бўлади.
Иловада 8 та ўрнатилган тўлов тизими мавжуд, улардан иккитаси Ўзбекистондаги PayMe ва Click тизимлари.
Тўлов платформаси очиқ ва бепул — комиссия олинмайди ва тўлов маълумотлари сақланмайди. Ҳар бир савдогар Telegram билан қўшимча келишувларсиз Payments API майдончасидан фойдалана олади.
Синов режими Demo Store каналида ўтказилмоқда.
Ўзбекистон Республикаси Президентининг 2019 йил 14 майдаги “Тадбиркорлик фаолиятини қўллаб-қувватлаш ва ҳимоя қилиш тизимини тубдан такомиллаштириш чора-тадбирлари тўғрисида”ги ПФ-5718-сонли Фармони ижроси юзасидан Учқудуқ туманидаги Тадбиркорлар мурожаатларини кўриб чиқиш қабулхонаси томонидан 2021 йилнинг ўтган даврида бир қанча ишлар амалга оширилди.
Жорий йилнинг ўтган даврида қабулхонага 153 та мурожаатлар (шундан 161 та масалалар) келиб тушган ва ижрога олинган. Мурожаатларнинг 121 таси (79,3%) ижобий ҳал қилинди, 32 тасига (20,7%) тушунтириш берилган, 9 таси кўриб чиқиш жараёндаги мурожаатлар ҳисобланади. Тадбиркорлар мурожаатлари Бош вазир қабулхонасининг “business.gov.uz” порталига киритилиб, тегишлилиги бўйича масъул корхона ва ташкилотларга юборилиб, қаноатлантириш чоралари кўрилди.
Тумандаги Бош вазир қабулхонаси ва 4 та сектор ҳамкорлигида Тадбиркорлар ва тадбиркорлик қилиш истагини билдирган фуқаролар билан сайёр учрашувлар графиги тасдиқланган бўлиб, хар ҳафтасигатумандаги МФЙ ва ОФЙда 2 мартадан Тадбиркорлар ҳамда,“Темир дафтар”, “Аёллар дафтири”, “Ёшлар дафтари”га киритилган ва тадбиркорлик қилиш истагини билдирган фуқаролар билан мунтазам равишда тегишли ташкилот раҳбарлари иштирокида сайёр қабуллар ташкил этилиб келинмоқда.
Ҳозирда мурожаатларнинг 86%ни сайёр қабулда қабул қилинган мурожаатлар ташкил қилади, бу мурожаатларнинг аксаряти “Ҳар бир оила - тадбиркор” давлат дастури дирасидаги имтиёзли кредитлар, ер, кадастр, архитектура ва қурилиш, инфратузулма масалалари, солиқ масалалари бўлиб, тумандаги Ўзбекистон Республикаси Бош вазирининг тадбиркорлар мурожаатларини кўриб чиқиш қабулхонаси томонидан кўриб чиқилган мурожаатларнидаражаси бўйича туман, вилоят вареспулика даражасидаги масалалар ижобий хал қилинишида амалий ёрдамлар бериб келмоқда,
Ҳурматли, тадбиркорлар, тадбиркорлик қилиш истаги бор фуқаролар ва чет эл инвесторлар туман Бош вазир қабулхонаси тадбиркорлик фаолиятини бошлашингизда тўсиқ ва муоммоларингизни ечишда ва ўз бизнесингизни бошлаш учун тавсия ва масалаларга ечимлар топиш учун мурожаат қилишингиз мумкин.
Мурожаатлар учун Манзилимиз: Давлат хизматлари маркази биносида жойлашган. Тел: 79 593-51-39
Қабулхона мудири Ҳайдаров Иномжон Нўмонқулович
IELTS’дан 7 балл олган ёшларнинг имтиҳон харажатлари қоплаб берилади
Ҳукумат қарорига биноан имтиҳон топшириш харажати компенсация қилинадиган халқаро имтиҳон тизимлари рўйхати ва компенсация учун талаб этиладиган юқори баллар белгилаб қўйилди. Унга кўра, ҳозирча IELTS, TOEFL, GMAT, GRE ва SAT имтиҳон тизимларидан юқори балл олган ёшларнинг имтиҳон харажатлари қоплаб берилади.
Давлат ҳокимияти ва бошқаруви органлари ҳамда уларнинг идоравий ва ҳудудий бўлинмалари бошқарув ходимларининг сони 15 фоизгача қисқартирилади
Президент қарорига биноан:
Капитал бозорини ривожлантириш агентлиги тугатилади
Президент қарорига асосан Капитал бозорини ривожлантириш агентлиги тугатилади ҳамда Агентликнинг жами 110 нафар штат бирлиги ҳисобидан Молия вазирлиги таркибида бошқарув ходимлари чекланган сони 54 нафардан иборат Капитал бозорини ривожлантириш департаменти ташкил этилади.
Шунингдек, 2021 йил 1 майдан бошлаб қуйидаги маблағлар Молия вазирлигининг бюджетдан ташқари жамғармасига йўналтирилади:
Молия вазирлиги давлат органлари бюджетдан ташқари жамғармаларининг даромад ва харажатларини эълон қилиб боради
2021 йил учун қабул қилинган давлат дастурида Молия вазирлиги томонидан:
«Шаффоф хайрия» ягона интерактив портали ишга туширилади
Президент фармонига асосан ҳомийлик маблағларини марказлаштирилган ҳолда тўплаш ва тарқатиш, уларнинг мақсадли ҳамда манзилли йўналтирилишини мониторинг қилиш, ушбу жараёнларни тўлиқ автоматлаштириш ва ошкоралигини таъминлаш, шунингдек, хайрия этувчи ўз маблағининг ишлатилишини кузатиб бориш имконини берувчи «Шаффоф хайрия» ягона интерактив портали ишга туширилади.
Барча ташкилотларда ижрони назорат қилиш фақат «Ijro.gov.uz» тизимида амалга оширилади
Президент фармонига асосан барча давлат органлари ва ташкилотлари ҳамда маҳаллий давлат ҳокимияти органларида ижрони назорат қилиш, назорат картотекаларини юритиш ва ҳисоботларни шакллантириш фақат «Ijro.gov.uz» тизимида амалга оширилади.
Ички ишлар органлари тарбия колонияси тарбиячиларига қўшимча ойлик устама ҳақ тўланади
Президент қарори билан ички ишлар органлари тарбия колонияси ҳузуридаги 35-сон умумий ўрта таълим мактаби филиали ўқитувчилари ва тарбия колониясининг тарбиячиларига, шу жумладан шаҳодатланган таркибга мансуб тарбиячиларига ҳам амалдаги устама ҳақлар ва тўловлардан қатъи назар, алоҳида меҳнат шароитлари учун тегишлича базавий тариф ставкасининг ва лавозим маошининг 75 фоизи миқдорида қўшимча ойлик устама ҳақ тўлаб берилади.
«Ўзбекистон миллий кинофонди» давлат муассасаси ходимларига 50 фоиз миқдорида шахсий устамалар тўланади
Президент фармонига асосан «Ўзбеккино» Миллий агентлиги ҳузуридаги «Ўзбекистон миллий кинофонди» давлат муассасасининг ходимларига уларнинг меҳнатига ҳақ тўлаш ойлик жамғармасининг 50 фоизи миқдорида Давлат бюджети ҳисобидан шахсий устамалар тўланади.
Кўп қаватли бино ва иншоотлар қурилишида электрон техник паспортлар шакллантирилади
Президент қарорига кўра, янги қурилиши режалаштирилаётган кўп қаватли бино ва иншоотларнинг конструктив тизими, қурилиш майдонининг сейсмик даражаси, юк кўтарувчи конструкциялар материалларининг мустаҳкамлик кўрсаткичларини назарда тутувчи электрон техник паспортларни шакллантириш амалиёти йўлга қўйилади.
Фуқаролар йиғинлари фаолияти самарадорлигини рейтинг баҳолаш тизимини олиб борувчи веб-портал тест режимида ишга туширилади
Ҳукумат қарорида Маҳалла ва оилани қўллаб-қувватлаш вазирлигига Ахборот технологиялари ва коммуникацияларини ривожлантириш вазирлиги билан биргаликда:
Ўзбекистонга олиб кириладиган ва олиб чиқиладиган экологик хавфли маҳсулотларни мажбурий экологик сертификатлаштириш тартиби жорий этилади
Ҳукумат қарори билан тасдиқланган Ўзбекистон Республикаси ҳудудига олиб кириш ва республика ҳудудидан олиб чиқишда экологик хавфли маҳсулотлар ва чиқиндиларни мажбурий экологик сертификатлаштириш тартиби тўғрисида низом 2021 йил 1 майдан кучга киради.
Инновацион ривожланиш вазирлиги коронавирусга қарши ўзбек—хитой вакцинасининг етишмаётгани тўғрисидаги миш-мишларни рад этди.
Ижтимоий тармоқларда ZF-UZ-VAC2001 ўзбек—хитой вакцинасининг иккинчи дозасини олиш учун борган фуқароларга вакцина йўқлиги айтилгани тўғрисида хабарлар тарқалди. Инновацион ривожланиш вазирлигининг маълум қилишича, вакцинанинг иккинчи дозаси 1 майдан эрта олинмайди.
«Ўзбек—хитой ZF-UZ-VAC2001 вакцинасининг 1-дозасини ҳамюртларимиз 1 апрелдан бошлаб олди. Демак, иккинчи доза 1 майдан эрта олинмайди. Ва учинчисини 1 июндан бошлаб олади. 2021 йилнинг апрель ойи охиригача ўзбек—хитой ZF-UZ-VAC2001 вакцинасининг яна 1 миллион дозаси Ўзбекистонга олиб келинади», — дейилади хабарда.
ZF-UZ-VAC2001 — уч компонентли вакцина бўлиб, ҳар бир дозани қилиш орасидаги муддат 28—30 кунни ташкил этади. Эмланаётган инсон вакцинация жараёнини биринчи қабул қилган вакцинада давом эттириши керак.
Инновацион ривожланиш вазирлиги ҳузуридаги Илғор технология марказининг лаборатория мудири Дилбар Долимованинг сўзларига кўра, маълум муддат вакциналар Хитойдан келтирилиши режалаштирилган. Лекин кейинчалик мазкур вакцинани Ўзбекистонда маҳаллийлаштириш мақсадида лаборатория ҳамда техник ва ишлаб чиқариш қувватларини инобатга олиб, Jurabek Laboratories МЧЖ қўшма корхонаси томонидан тақдим этилиши кўзда тутилган.
Qisqacha ma'lumot
