ОҚ ЙЎЛ, АЗИЗ БИТИРУВЧИ!
ТУМАН ҲОКИМИ ХАМРОЕВ СОЛИ ФАРМОНОВИЧНИНГ УМУМТАЪЛИМ МАКТАБЛАРИ БИТИРУВЧИЛАРИ ЙЎЛЛАГАН ТАБРИГИ
Ассалому алайкум, ҳурматли битирувчилар!
Азиз устозлар!
Қадрли устозлар!
Ҳурматли Президентимиз илк маротаба мактаблар битирувчиларига табрик йўлладилар. Сиз азиз битирувчи-ёшлар давлат раҳбаридан табрик олган биринчи қалдирғоч – бахтли битирувчиларсизлар!
Ҳурматли Президентимиз ўз табригида: “Аввало, барчангизни беғубор ўқувчилик йилларингизни ортда қолдириб, қадрдон мактабингиз, меҳрибон устозларингиз билан хайрлашиб, ҳаётингизнинг янги, янада масъулиятли босқичига қадам қўяётганингиз билан чин қалбимдан муборакбод этаман.
Шунингдек, “Мамлакатда фаолият кўрсатаётган 137 та олий ўқув юрти, 339 та касб-ҳунар мактаби, 193 та коллеж, 196 та техникумлар сиз азиз битирувчиларга мунтазир” .
Қадрли битирувчи, фарзандларим!
Сизларни умрингизнинг камолот пиллапояси, ҳаётингиздаги энг қувончли ва ҳаяжонли дамлар – мактабларни тугатиб, етуклик онларига етиб келганингиз билан қизғин ва самимий муборакбод этаман.
Сиз мўътабар ва муҳтарам ота–оналарининг умид юлдузи бўлган, бугун мустақил ҳаётга йўлланма олиб, келажакда юртимиз таянчи ва суянчи бўлишга шайланиб турган ўғил-қизларимизга чин юракдан оқ йўл тилар эканман, бугунги орзу интилишларингиз, ёшлик шижоатингиз, пок ва ёруғ ниятларингиз Сизни асло тарк этмасин, дейман!
Дарҳақиқат, мактаб – нурли остона! Илк сабоқни ўргатган, дилга оппоқ орзулар солиб, юксак манзиллар сари йўл кўрсатувчи қутлуғ даргоҳ. Бу ерда ўтган ҳар бир кун, ҳар бир дарс ўқувчилар қалбида ўчмас бўлиб муҳрланиши аниқ.
Қадрли тадбир иштирокчилари!
Ушбу бетакрор лаҳзаларда фурсатдан фойдаланиб, айрим рақамларга эътиборингизни қаратмоқчиман. Жорий ўқув йилида умумтаълим мактабларининг 11- синфларини 446 нафар ўқувчи-ёшларимиз тамомламоқдалар. Шуниси қувончлики умумтаълим мактаблари битирувчиларининг 10 нафари олтин, 3 нафари кумуш медаль билан мактабни битиришга муваффақ бўлдилар.
Шунингдек, 3 - умумий ўрта таълим мактабининг 2 нафар, 7 – ихтисослаштирилган давлат умумтаълим мактабининг 1 нафар ўқувчилари муддатидан олдин олийгоҳ талабаси бўлиш бахтига мушарраф бўлишди.
Муҳаммад Облоқулов - Халқаро Westminstr университети, Шохрух Усмонов – Москва университети, Сухроб Қодиров – Сингапур университетига имтиҳон топшириб, ушбу нуфузли олийгоҳларнинг студентлари сафларидан жой эгалладилар.
Яна бир хушхабарни етказмоқчиман 22-23 май кунлари Навоий вилоятида қорақалпоқ, рус тили, қозоқ тили ва адабиёти, рус тили ва адабиёти фанлари бўйича фан олимпиадасининг республика босқичи ўтказилди.
Унда 9-умумий ўрта таълим мактабининг 11-синф ўқувчиси Балауса ДУЙСЕБАЕВА рус тили ва адабиёти фани бўйича фан олимпиадасининг республика босқичида фахрли иккинчи ўринни қўлга киритди.
Иқтидорли ва билимли ўқувчиларнинг бу ютуғидан нафақат ота-онаси, балки уларга 11 йил мобайнида таълим ва тарбия берган ўқитувчи ва устозлари қолаверса, бутун туман аҳли бирдек қувонди, десак муболаға бўлмайди.
Азал- азалдан илм –маърифат ўчоғи бўлган, инсоният тамаддунига беқиёс ҳисса қўшган, башариятга қанчадан-қанча олиму алломаларни етказиб берган муқаддас заминнинг бугунги фарзандлари буюк авлодларига муносиб ворис бўлиб камолга етаётганидан нишонадир!
Ўн бешинчи асрда Соҳибқирон Амир Темур бобомиз асос солган ва унинг муносиб авлодлари давом эттирган муҳташам салтанат, юртимизда иккинчи Уйғониш, яъни иккинчи Ренессанс даврини бошлаб берди. Бу даврда Қозизода Румий, Мирзо Улуғбек, Ғиёсиддин Коший, Али Қушчи сингари беназир олимлар, Лутфий, Саккокий, Ҳофиз Хоразмий, Абдураҳмон Жомий, Алишер Навоий, Бобур Мирзо каби мумтоз шоир ва мутафаккирлар майдонга чиқди. Шарафиддин Али Яздий, Мирхонд, Хондамир каби тарихчилар, Маҳмуд Музаҳҳиб, Камолиддин Беҳзод сингари мусаввирлар, кўплаб хаттот ва созандалар, мусиқашунос ва меъморларнинг шуҳрати дунёга ёйилди.
Бугун эса муҳтарам Юртбошимиз Шавкат Миромонович Мирзиёев раҳнамолигида Ўзбекистонда янги Уйғониш даври, яъни Учинчи Ренессанс даврига қадам қўйдик.
Бу дегани кенг кўламли демократик ўзгаришлар, жумладан, таълим ислоҳотлари орқали Учинчи Ренессанс пойдеворини яратишни ўзимизга асосий мақсад қилиб белгиладик.
Албатта, бу йўлда биз сизларга ишонамиз, сизларга суянамиз, сизларга таянамиз! Жонажон Ватан – Ўзбекистон келажаги – сиз ёшларнинг қўлида!
Азиз ўқувчилар!
Жорий ўқув йили давомида мактаб битирувчиларнинг келгуси режалари тўғрисида олинган сўровномаларда уларнинг қарийб 100 фоизи олийгоҳда ўқишини давом эттириш истаги борлигини билдиришган.
Ўтган йилги тажрибалардан келиб чиққан ҳолда битирувчиларни олийгоҳларга кириш самарадорлигини яхшилаш мақсадида таълим муасасасаларини тугаллаётган фарзандларимизни олий таълимга тайёрлашга бу йил алоҳида эътибор қаратилди. Ўтган ўқув йилида SATT (самарали автоматлаштирилган таълим тизими) платформаси фақатгина туман халқ таълими бўлимига ўрнатилган.
Бу эса олий таълимга кириш истаги бўлган ёшларимизни бевосита туманимизда тайёргарликдан ўтишига имкон яратдик. Синов тестлари олиш сифати яхшиланди.
Тест базасига 10 мингдан ортиқ тест саволлари жойлаштирилди. Жорий ўқув йилида 8 марта ўқувчилардан синов тестлари олинди ва ўқувчиларни олийгоҳларга тайёргарлик кўришлари учун етарли шароит яратиб берилди.
Қадрли ўғил - қизларим!
Мен туман раҳбари сифатида аминман- ки сизлар – УЛКАН ҲАЁТ САБОҒИ ни олдингиз!
Сизни олдинда мустақил ҳаёт, юксак орзу-умидлар, катта марралар, улкан довонлар чорлаб турибди.
Шунинг учун Сиздан умидимиз катта. Жуда катта кўпчилигингиз олий таълим муассасаларига ўқишга кириб, Ўзингиз севган касбларда ишлаб, Халқимизга садоқатли фарзанд эканингизни албатта, исботлайсиз. Бу йўлда туман ҳокимлиги, давлат ва жамоат ташкилотлари, таълим даргоҳлари Сизни ҳар доим қўллаб-қувватлашга тайёр!
Ҳурматли ота-оналар!
Шу ўринда Сизлар ҳам фарзандларингиз келажагига беэътибор эмаслигингизни сидқидилдан эътироф этаман. Чунки эртанги кунимиз қандай бўлиши, халқимизнинг, давлатимизнинг тақдири ва толеи, обод ва фаровон ҳаётимиз учун замин яратиш масъулияти бугун ўсиб – униб келаётган ўғил-қизларимизнинг зиммасида эканини яхши биласиз!
Ёшларимизнинг ҳаётда ўз ўрнини топиши, аввало, ўзингизга, қолаверса эл-юртига муносиб, ҳурматли Юртбошимизга, бутун халқимизга қўшқанот бўладиган фарзанд бўлиб камолга етишида Сизнинг меҳрингиз, эътиборингиз, тарбиянгизнинг ўрнини ҳеч нарса босолмайди! Ўйлайманки, бу масъулият юкини бир зум ҳам хаёлдан соқит қилмайсиз!
Бугун Сиз азизларни ҳам фарзандингиз камоли билан қутлайман!
Қадрли битирувчилар! Азиз фарзандларим!
Сизга дилимдаги энг эзгу тилакларимни изҳор этмоқчиман! Мен ишонаман, кўпгина битикларда қизилқум жавоҳири - дея тилга олинадиган Учқудуқ тумани, жонимизга жондек пайванд – дунёда ягона Ўзбекистонимиз келажаги Сизга боғлиқ эканлигини асло унутмайсиз!
Ўқишдан, изланишдан, олға ҳаракат қилишдан тўхтаманг. Ёшликда олинган билим тошга ўйилган нақш каби абадий қолишини ва эзгуликка ҳизмат қилишини бир нафас ҳам эсдан чиқарманг!
Шунда Ал-Хоразмий, Ал-Беруний, Аз-Замаҳшарий, Жалолиддин Мангуберди каби жаҳон тан олган юзлаб буюкларга ҳақиқий издош бўласиз!
Ёрқин ва беғубор ниятлар остонасида барчангизни олдинда кутиб турган камолот уфқлари билан яна бир бор қутлаб, ҳаёт сари оқ йўл, узоқ умр тилайман!
Қўш қанотингиз толмасин, парвозингиз сарбаланд бўлсин!
Эътиборингиз учун рахмат!
“Аёллар дафтари”га киритилган аёлларнинг муаммоларини жойида ўрганиш, уларнинг муаммолари ечимини топиш, уларга манзилли ҳуқуқий ёрдам кўрсатиш мақсадида жорий йилнинг 25 март куни Учқудуқ туман иқтисодий суди раиси Х.Турсунов, фуқаролик ишлари бўйича Учқудуқ туман суди раиси Б.Шерматов ва жиноят ишлари бўйича Учқудуқ туман суди раиси А.Қурбонов ҳамда туман адлия бўлими бошлиғи Й.Эрмаматовлар ҳамкорлигида Учқудуқ туманидаги олис Қулқудуқ овулига ташриф буюрилиб, овул ҳудудида жойлашган “Алтинтау” ОФЙда истиқомат қилувчи хотин-қизлар билан сайёр учрашув ўтказилди. Учрашув давомида аёлларнинг мурожаатлари тингланиб, ҳуқуқий маслаҳат ва қонуний кўмак берилди. Шунингдек, “Аёллар дафтари”га киритилган аёлларнинг хонадонларига ҳам борилиб, уларни қийнаётган муаммолар ўрганилди ва ҳуқуқий тавсиялар берилди.
Учқудуқ туман иқтисодий суди архивариуси
Юсупова Гавҳар
Навбатдаги ёнғинлар профилактикаси куни доирасидаги тадбири НКМК ДК ШКБга қарашли Сульфат кислота ишлаб чиқариш цехида ШКБ ОЁХТТЭБ ходимлари томонидан уюшқоқлик билан ўтказилди. Тадбир давомида ёнғинларни келиб чиқиш сабабларини аниқлаш ва бартараф этишга жиддий эътибор қаратилди. Тадбирда ШКБ ОЁХТТЭБ ходимлари ва Сульфат кислота ишлаб чиқариш цехи Ёнғин техник комиссияси аъзоларидан иборат бир гуруҳ тарғиботчилар цехдаги ҳар бир участкалар муҳандис техник ва ишчи-хизматчилари билан ёнғин хавфсизлигига доир тушунтириш ишларини олиб боришди. Қолаверса, цехдаги ёнғинга қарши сув таъминоти (гидрант ва ички ёнғин ўчириш сув жўмраклари), бирламчи ёнғин ўчириш воситалари созлиги, ёнғин келиб чиқиши мумкин бўлган жойларни ўрганишга эътибор қаратилиб, бўлиши мумкин бўлган ёнғинни қисқа муддатда талофатларсиз ўчиришда муҳим аҳамият касб этиши айтиб ўтилди.
Цехнинг муҳандис техник ва ишчи хизматчилари билан ёнғин хавфсизлигини таъминлаш борасида ва ис газидан захарланиш борасида тушунтириш ишлари олиб борилиб, йўриқнома ва эслатмалар тарқатилди.
Ушбу тадбирни ўтказишдан мақсад ёнғинларни ўчиришдан кўра уларни олдини олиш авзаллигини цех ишчи-хизматчиларнинг онгига сингдиришдан иборатдир. Шундагина ўз мақсадимизга эришган бўламиз.
С.Саматов, Ф.Улуғов
НКМК ДК ЁХБ ШКБ ОЁХТТЭБ П ва НБ мутахассислари
O‘zbekiston Respublikasi Prezidentining "Maktabgacha ta’lim sifati – ertangi kunimizni hal qiladigan masala. Maktabgacha ta’lim sohasini rivojlantirish faqatgina yangi tashkil etilgan vazirlikning vazifasi emas, barchamizning eng muhim vazifamiz bo‘lishi kerak”, degan so‘zlarini dasturga aylantirgan uchquduqliklar qo‘shaloq eng ulug‘, eng aziz bayram – istiqlol arafasida yana bir ishga qo‘l urishdi.
Darhaqiqat, "Maktabgacha ta’lim tizimini boshqarishni takomillashtirish chora-tadbirlari to‘g‘risida”gi Prezident qarori bu borada amalga oshirilayotgan ishlarni yangi bosqichga ko‘taradi.
Maktabgacha ta’lim tizimini takomillashtirish borasida tumanimizda ham keng ko‘lamli ishlar amalga oshirilmoqda. Kuni-kecha Prezident tashrifi doirasida "Yo‘lchilar” ovulida 160 o‘ringa mo‘ljallangan"Kelajak yulduzlari” nomli 11-MTT qurib foydalanishga topshirilgan bo‘lsa, oradan hech qancha vaqt o‘tmay tuman markazida "Porloq yulduzchalar” muassasasi bolajonlar ixtiyoriga berildi.
Davlat xususiy sheriklik asosida tashkil etilgan mazkur muassasaga tadbirkor Munavvar Qoraboeva asos soldi. U Toshkent Davlat pedagogika institutining maktabgacha ta’lim yo‘nalishini tamomlagan oliy ma’lumotli mutaxassis.
Bolajonlar uchun haqiqiy orzular maskaniga aylangan muassasa bunyodkorligiga 2 mlrd. so‘mlik kredit hamda tadbirkorning 1 mlrd. so‘m miqdoridagi o‘z mablag‘i yo‘naltirildi.
150 o‘rinli muassasaning mashg‘ulot xonalari bolalar tarbiyasi uchun zarur, bejirim va qiziqarli inventarlarga boy. Oshxona va sport zali zaruriy jihozlar bilan ta’minlangan.
Ichkarida zina, keng va yorug‘ koridorlar hamda xonalarga ishlangan rus va o‘zbek xalq ertaklari qahramonlarini suratlari, tafakkurga undovchi rasmlar bolalarni rang bilish, sanashga o‘rgatadi.
muassasada ta’lim-tarbiya o‘zbek va rus tillarida olib boriladi. Bundan tashqari, tarbiyalanuvchilarga ingliz, koreys tili ham o‘rgatiladi. O‘nga yaqin sport sektsiyalari faoliyati yo‘lga qo‘yiladi.
E’tiborlisi, sutkada 24 soat ishlaydigan muassasada shanba va yakshanba kunlari navbatchi guruhlar tashkil etiladi.
-Ikki nafar farzandim bor. Kechki smenaga ishga ketayotganimda besh yoshli va uch yoshli farzandlarimga qarovchi bo‘lmaganligi sababli qo‘shnilarimga qoldirib ketishga majbur bo‘lardim, - deydi Nargiza Ro‘zieva. – Albatta muassasa men kabi onalarga ajoyib bayram sovg‘asi bo‘ldi.
Tumanimizda maktabgacha ta’lim tizimini rivojlantirish, xususan, yangilarini tashkil etish orqali bolalarning bog‘chaga qamrovini kengaytirish, ta’lim-tarbiya sifatini yaxshilashga alohida e’tibor qaratilmoqda.
Ma’lumotlarga ko‘ra, ayni paytda tumanda 19 ta maktabgacha ta’lim muassasasi faoliyat yuritmoqda. Ularda bog‘cha yoshidagi bolalarning 74 foizi qamrab olingan.
O‘zbekiston Respublikasi Oliy va o‘rta maxsus ta’lim vazirligi 2019 yilda oliy ta’lim muassasalarida to‘lov-kontrakt asosida o‘qitish qiymatining o‘rnatilishiga oid sharh bilan chiqdi.
Qayd etilishicha, talabalarga to‘lovlarni amalga oshirishda qulaylik yaratish, aholining keng qatlami uchun oliy ta’limning hammabopligini ta’minlash maqsadida 2019/2020 o‘quv yilidan boshlab, to‘lov-kontrakt qiymati miqdorlari ikki xil ko‘rinishda – "stipendiyali” va "stipendiyasiz” etib belgilandi.
Stipendiyasiz qiymat miqdorlari, har oylik talabaga to‘lanishi belgilanayotgan 400 000 so‘m, bir yilda jami 4 800 000 so‘mni chegirib tashlash hisobiga shakllantiriladi.
Misol uchun, bakalavriatning Gumanitar fanlar, Pedagogika, Texnika, Qishloq va suv xo‘jaligi ta’lim yo‘nalishlari bo‘yicha to‘lov-kontrakt asosida tahsil oladigan talabalar (jami talabalarning qariyb 80 foizi) 2019/2020 o‘quv yilidan boshlab, quyidagi tartibda to‘lovlarni amalga oshirishi mumkin:
Stipendiya bilan – 10 792 960 so‘m (Mehnatga haq to‘lashning eng kam miqdoriga nisbatan 17 barobarida);
Stipendiyasiz – 5 992 960 so‘m (10 792 960 so‘m - 4 800 000 so‘m).
Bundan tashqari, aholiga to‘lovlarni amalga oshirishda engillik yaratish maqsadida kontrakt summalarini oyma-oy bo‘lib to‘lash imkoniyati beriladi hamda oliy ta’lim muassasalari rektorlari to‘lov muddatlarini uzaytirish vakolatiga ega bo‘ladi.
Yangi o‘quv yilida to‘lov-kontrakt qiymati miqdorini 18 foizga oshirilishida (indeksatsiya qilishda) asosiy omil sifatida, oliy ta’lim muassasalari xodimlarining ish haqi miqdorlari (o‘tgan o‘quv yilida 3 marotaba), kommunal xizmatlar tariflar va boshqa saqlash xarajatlari oshgani holda, oliy ta’lim muassasalari xarajatlarini daromadlariga nisbatan 74 foizga o‘sganligi inobatga olingan.
Shu bilan birga, yoshlarni oliy ta’lim bilan qamrov ko‘rsatkichi 2017/2018 o‘quv yilidagi 9 foizdan joriy o‘quv yilida 20 foizga ortganligi yoki talabalar kontingentining 126 ming nafarga ko‘payganligi oliy ta’lim muassasalarida o‘qituvchilar va o‘quv binolari quvvatlarini yaratish bo‘yicha qo‘shimcha ehtiyojga olib keladi, bu esa o‘z navbatida qo‘shimcha xarajatlarni talab etadi.
Yuqoridagilarni inobatga olgan holda, 2019/2020 o‘quv yilidan to‘lov-kontrakt miqdorlarining o‘rtacha 18 foizga oshirilishi - bir talabani bir yillik o‘qitish xarajatlarini qisman, ya’ni o‘rtacha 68 foizi qoplamoqda xolos (bunda - xarajatlarni qoplanishi o‘tgan yilgi darajada saqlab qolinmoqda), deyiladi vazirlik sharhida.
| Loyiha maqsadi: | Yodlangan osh tuzi ishlab chiqarish loyihasini amalga oshirish. |
|---|---|
| Mavjud zaxiralar |
|
| Loyiha umumiy qiymati |
|
| Soliq tizimidagi imtiyozlar | O‘zbekiston Respublikasi Prezidentining 2017 yil 29-sentyabrdagi PQ-3301 sonli karoriga asosan 2028 yilgacha daromad solig‘i, qatiiy belgilangan soliq, yagona soliq, davlat maqsadli jamg‘armalari to‘lovlaridan ozod etiladi |
| Ishlab chiqarish infrastrukturasi | NKMK balansidagi Armatura va Farmovka sehi binosi
|
| Moliyalashtirish manbalari |
|
| Loyiha maqsadi: | Kaolinni qayta ishlab chiqarish orqali keramika, qog‘oz, plastmass, rezina ishlab chiqarish. |
|---|---|
| Mavjud zaxiralar |
|
| Loyiha umumiy qiymati |
|
| Soliq tizimidagi imtiyozlar | O‘zbekiston Respublikasi Prezidentining 2017 yil 29-sentyabrdagi PQ-3301 sonli karoriga asosan 2028 yilgacha daromad solig‘i, qatiiy belgilangan soliq, yagona soliq, davlat maqsadli jamg‘armalari to‘lovlaridan ozod etiladi |
| Ishlab chiqarish infrastrukturasi |
|
| Moliyalashtirish manbalari |
|
| Loyiha maqsadi: | Qimmatbaho buyumlar, suvinerlar ishlab chiqarish. |
|---|---|
| Mavjud zaxiralar |
|
| Ishlab chiqarilayotgan maxsulotga bo‘lgan talab | Bugungi kunda ushbu ishlab chiqarilayotgan suvener maxsulotlari va qimmatbaho buyumlarning 70 % chetdan olib kelinadi. Respublikaning barcha hududlarida Ushbu maxsulotlarga nisbatan aholining talabi yuqori. |
| Soliq tizimidagi imtiyozlar | O‘zbekiston Respublikasi Prezidentining 2017 yil 29-sentyabrdagi PQ-3301 sonli karoriga asosan 2028 yilgacha ga daromad solig‘i, qatiiy belgilangan soliq, yagona soliq, davlat maqsadli jamg‘armalari to‘lovlaridan ozod etiladi |
| Ishlab chiqarish infrastrukturasi | NKMK balansidagi "Mramor zavodi" binosi
|
| Moliyalashtirish manbalari |
|
| Loyiha maqsadi: | Tarkibida temir oksidi yuqori bo‘lgan xar xil rangdagi pigment maxsulotlarini ishlab chiarish. |
|---|---|
| Mavjud zaxiralar |
|
| Ishlab chiqarilayotgan maxsulotga bo‘lgan talab (Navoiy) | Ichki bozor (yirik qurilish tashkilotlari, xususiy sektor, NKMK, Navoiyazot, Qizilqumtsement) Tashqi bozor (tarkibida temir moddasi 40 foizdan yuqori bo‘lgan pigment mahsulotlarini Xitoy yiliga 2 mln.tonna chetdan xarid qiladi) |
| Soliq tizimidagi imtiyozlar | O‘zbekiston Respublikasi Prezidentining 2017 yil 29 sentyabrdagi PQ-3301 sonli qaroriga asosan 2028 yilgacha ga daromad solig‘i, qat'iy belgilangan soliq, yagona soliq, davlat maqsadli jamg‘armalari to‘lovlaridan ozod etiladi. Lokaliatsiya dasturi bo‘yicha yuridik shaxslardan olinadigan foyda solig‘i, yagona soliq, mol-mulk solig‘i, bojxona to‘lovlari, import bojlaridan ozod qilingan. |
| Ishlab chiqarish infrastrukturasi | Uzunquduq OFY hududidagi yer maydoni
|
| Moliyalashtirish manbalari |
|
| Qo‘shimcha imkoniyatlar | Tarkibida temir moddasi mavjud bo‘lgan pigment maxsulotari bilan, NKMK va AKMK sanoat chiqindilarini qayta ishalash orqali kartridjlar uchun toner (rang) ishlab chiqarish imkoniyati mavjud. |
| Loyiha maqsadi: | Granit, mramor, sheben, oxak ishlab chiqarish kompleksini tashkil etish. |
|---|---|
| Mavjud zaxiralar |
|
| Ishlab chiqarilayotgan maxsulotga bo‘lgan talab (Navoiy) | Ichki bozor (yirik qurilish tashkilotlari, xususiy sektor) 140.0 ming.m2 Tashqi bozor (Qozog‘iston, Qirg‘iziston, Rossiya) 50.0 ming.m2 |
| Soliq tizimidagi imtiyozlar | O‘zbekiston Respublikasi Prezidentining 2017 yil 29-sentyabrdagi PQ-3301 sonli karoriga asosan 2028 yilgacha ga daromad solig‘i, qatiiy belgilangan soliq, yagona soliq, davlat maqsadli jamg‘armalari to‘lovlaridan ozod etiladi |
| Ishlab chiqarish infrastrukturasi | NKMK balansidagi "Mramor zavodi" binosi
|
| Moliyalashtirish manbalari |
|
| Qo‘shimcha imkoniyatlar | Mramor va granit ishlab chiqarish jarayonidan chiqqan sanoat chiqindilaridan sheben ishlab chiqarishni tashkil etish imkoniyati (Ichki bozor talabi 5000 m3) |
