LOTIN-КИРИЛЛ

Reglament

UCHQUDUQ TUMAN HOKIMLIGINING 
REGLAMENTI

I. Umumiy qoidalar
II.Tuman hokimligi apparatining tuzilmasi
III. Tuman hokimligi apparatining tarkibiy boʻlinmalari
IV. Tuman hokimligi apparati ishini rejalashtirish
V. Tuman hokimligida asosiy yigʻilishlar va tadbirlarni oʻtkazish tartibi
VI. Tuman hokimligiga kelgan Oʻzbekiston Respublikasi Prezidenti Farmonlari. qarorlari va farmoyishlari, Oʻzbskiston Respublikasi Oliy Majlisi palatalari qarorlari, Vazirlar Mahkamasi hamda viloyat hoknmining qaror vaFarmoyishlari bilan ishlash
VII. Hokimlik apparati xizmatida foydalanadigan hujjatlar bilan ishlash
VIII. Tuman hokimining qaror va farmoyishlari loyihalarini tayyorlash. rasmiylashtirish va tarqatish
IX.Tumap hokimining qaror va farmonishlapi loyixalarining ekspertizasi
X. Fuqarorlarning murojaatlarini koʻrib chiqish hamda fuqarolarni qabul qilish
XI. Mukofotlash boʻyicha hujjatlarning tayyorlash tartibi
XII. Hokimlik apparatida hujjatlarning saqlanishini taʼminlash
XIII. Korporativ kompьyuter tarmogʻi va axborot-kommunikatsiya texnologiyalaridan samarali foydalanish
XIV. Tuman hokimligi tomonidan nazorat vakolatlarining amalga oshirilishi
XV. Xalq deputalari tuman Kengashi sessiyalarini tayyorlash va oʻtkazish
XVI. Tuman faollar yigʻilishlarini oʻtkazish tartibi
XVII. Tuman hokimlik soati yigʻilishini tashkil etish va oʻtkazish
XVIII. Tuman hokimligi apparat yigʻilishini tashkil etish va oʻtkazish
XIV. Tuman hokimligi huzuridagi komissiyalar va boshqa ishchi organlar ishini tashkil etish
XX. Tuman hokimligi qabulxonasida navbatchilikni tashkil etish

I. Umumiy qoidalar.

  • 1. Ushbu Reglament Oʻzbekiston Respublikasi Konstitutsiyasining 100, 101-moddalari, "Mahalliy davlat hokimiyati toʻgʻrisidagi Oʻzbekiston Respublikasi Qonuni, Oʻzbekiston Respublikasi Prezidenti farmonlari, qarorlari, Oʻzbekiston Respublikasi Vazirlar Mahkamasining 1999 yil 12 yanvardagi 12-sonli "Ijro intizomini mustahkamlash chora-tadbirlari toʻgʻrisida"gi qarori talablari asosida tuman hokimligining faoliyatini tashkil etish tartibini belgilaydi.
    2. Tuman hokimligi tumanni ijtimoiy-iqtisodiy rivojlantirish vazifalarini amalga oshirilishini, tumanda Oʻzbekiston Respublikasi Qonunlari, Oliy Majlis palatalari qarorlari, Oʻzbekiston Respublikasi Prezidentining Farmonlari, qarorlari, Vazirlar Mahkamasining qaror, farmoyishlari, viloyat hokimining qaror, farmoyishlari, xalq, deputatlari tuman Kengashi qarorlari hamda tuman hokimining qaror va farmoyishlari, bayonnomalari, topshiriqlari ijrosini taʼminlaydi.
    3. Davlat boshqaruvi organlarining oʻzini oʻzi boshqarish organlari hamda nodavlat-notijorat tashkilotlar bilan aloqalarini muvofiqlashtiradi.
    4. Tuman hokimligi oʻz faoliyatida Oʻzbekiston Respublikasi Prezidenti, Vazirlar Mahkamasi, viloyat hokimligi hamda xalq deputatlari tuman Kengashi oldida hisobot beradi.
    5. Tuman hokimligi vakolatlarining amalga oshirilishi tuman hokimi, hokim oʻrinbosarlari, mahalliy davlat boshqaruvi organlari rahbarlari, tuman hokimligining doimiy komissiyalari, tegishli qarorlar bilan tashkil etilgan boshqa ishchi organlarning hamda tuman hokimligi apparatining tashkiliy-amaliy ishi bilan taʼminlanadi.
    6. Tuman hokimligi faoliyati tuman hokimi tomonidan tashkil etiladi.
    Tuman hokimi qonun hujjatlarida belgilangan vakolatlar doirasida hududdagi barcha organlar, korxona va tashkilotlar, mansabdor shaxslar va fuqarolar tomonidan bajarilishi majburiy boʻlgan qarorlar chiqaradi.
    Tuman hokimining meʼyoriy tusdagi yoki muhim ahamiyatga ega boʻlgan hujjatlari qaror shaklida qabul qilinadi.
    7. Tuman hokimining tezkor va boshqa joriy masalalar boʻyicha hujjatlari farmoyish shaklida qabul qilinadi.
    8. Tuman hokimligi apparati oʻz faoliyatida Oʻzbekiston Respublikasi Konstitutsiyasi va "Mahalliy davlat hokimiyati toʻgʻrisida"gi Oʻzbekiston Respublikasi Qonuni, Vazirlar Mahkamasining 1999 yil 29 martdagi 140-sonli qarori bilan tasdiqlangan "Koraqalpogʻiston Respublikasi Vazirlar Kengashi, Oʻzbekiston Respublikasi viloyatlari, shaharlari va tumanlari hokimliklari apparatlarida ish yuritiish va hujjatlar ijrosini nazorat qilishni tashkil etish boʻyicha yoʻriqnoma" hamda ushbu reglamentga amal qiladi.
    9. Maxfiy hujjatlar bilan ishlash tartibi maxsus yuriqnomalar bilan belgilanadi. Fuqarolarning takliflari, arizalari va shikoyatlari boʻyicha ish yuritish "Fuqarolarning murojaatlari toʻgʻrisida"gi Oʻzbekiston Respublikasi Qonuni asosida amalga oshiriladi.
    10. Hokimlik apparatining umumiy boʻlimi tuman hokimi koʻrsatmasiga binoan hokimlik apparati xodimlarini Oʻzbekiston Respublikasi Qonunlari, Oʻzbekiston Respublikasi Prezidenti Farmonlari, qarorlari va farmoyishlari, Vazirlar Mahkamasining qarorlari hamda hokimlikka kelgan boshqa meʼyoriy hujjatlar hamda mazkur reglament bilan tanishtiradi.

II.Tuman hokimligi apparatining tuzilmasi.

1. Tuman hokimligi apparatiga hokim rahbarlik qiladi. Hokim Oʻzbekiston Respublikasi Vazirlar Mahkamasi belgilaydigan miqdorda birinchi oʻrinbosar va oʻrinbosarlarga ega boʻladi.
Tuman hokimi oʻrinbosarlari hokim tomonidan belgilangan vazifalar taqsimotiga muvofiq ish bajaradilar.
2. Tuman hokimligi apparati hokim tomonidan Vazirlar Mahkamasi qarori bilan tasdiqlangan namunaviy tuzilma asosida xalq deputatlari tuman Kengashi tasdiqlagan byudjet doirasida shakllantiriladi.

III. Tuman hokimligi apparatining tarkibiy boʻlinmalari.

1. Tuman hokimligi apparati hokim oʻrinbosarlari, guruhlar, boʻlimlar singari tarkibiy boʻlinmalardan iborat boʻladi. Ushbu boʻlinmalar faoliyati ularning rahbarlari tomonidan tuman hokimi qarori bilan tasdiqlangan Nizomlar asosida tashkil etiladi.
Tuman hokimligi apparati:
-sohalar va hududda oʻtkazilayotgan islohotlarni chuqurlashtirish yuzasidan ishlab chiqilgan maqsadli dasturlarning amalda bajarilishini taʼminlaydi;
-hokimlik muhokamasiga kiritilayotgan hujjatlar loyihalarini belgilangan muddatda ishlab chiqilishini tashkil qiladi. Yuqori tashkilotlar hamda hokim qaror va farmoyishlarining mahalliy boshqaruv organlari hamda idoralari tomonidan oʻz vaqtida bajarilishini taʼminlaydi va nazoratini tashkil qiladi;
-boʻlimlar vakolatiga taʼlluqli boʻlgan masalalar boʻyicha tahliliy hujjatlarni tayyorlaydi va hokimlikka tushgan axborot, taklif va mulohazalarni umumlashtiradi.
2. Ijrochi qilib bir necha xodim koʻrsatilgan taqdirda, ismi sharifi birinchi boʻlib koʻrsatilgan masʼul xodim ijro uchun javobgar hisoblanadi.
3. Hokimlik apparatining boʻlim va kompleksi rahbarlari oʻz boʻlinmalaridagi hujjatlarning oʻtishi va ijrosi haqida har oylik maʼlumotlarni tayyorlaydilar. Hokimlikning hujjatlarini nomenklaturaga asosan arxivga topshirish uchun taqdim etadilar.
4. Tuman hokimligi apparati boʻlinmalari faoliyatiga tuman hokimi va hokim oʻrinbosarlari rahbarlik qiladi. Ularning ichki apparat va hujjatlar bilan ishlash borasidagi faoliyati tashkiliy-nazorat guruhi tomonidan muvofiqlashtirib boriladi.

IV. Tuman hokimligi apparati ishini rejalashtirish.

1. Tuman hokimligi apparati faoliyati hududni iqtisodiy-ijtimoiy rivojlantirishning istiqbolga va bir yilga moʻljallangan maqsadli dasturlari asosida tuziladigan bir yillik ish yunalishlari, choraklik va oylik ish rejalari hamda tuman hokimi qarori bilan tasdiqlanadigan asosiy tadbirlar jadvaliga muvofiq olib boriladi.
2. Tuman hokimligi ish rejasida qoʻyidagi masalalar koʻzda tutiladi:
-Oʻzbekistan Respublikasi Qonunlari, Oʻzbekiston Respublikasi Prezidenti Farmonlari, qarorlari va farmoyishlari, Oliy Majlis palatalari qarorlari, Vazirlar Mahkamasi qarorlari, farmoyishlari, viloyat hokimi qarorlari va farmoyishlari, xalq deputatlari tuman Kengashi va tuman hokimi qaror va farmoyishlari ijrosini tashkil etish va nazoratini amalga oshirish;
-Davlat dasturlari hamda tumanni iqtisodiy-ijtimoiy rivojlantirish boʻyicha qabul qilingan maqsadli dasturlar ijrosini tashkil etish;
-tumanda iqtisodiy islohotlarning borishini tahlil qilish;
-tuman hokimligi xuzuridagi komissiyalar, kengashlar va ishchi guruhlar faoliyatini tashkil etish va majlislarini oʻtkazish;
-tuman hokimlik soati majlislarini oʻtkazish;
-nazorat va ijro;
-fuqarolarning murojaatlari bilan ishlash;
-kadrlar bilan ishlash (rahbarlik lavozimlariga kadrlar tayyorlash va ehtiyoj asosida mutaxassis kadrlar tayyorlash);
3. Tuman hokimi oʻrinbosarlari va hokimlik apparati boʻlinmalari oʻz ish faoliyatlarini tegishli soha boʻyicha tuzilgan, tuman hokimi tomonidan tasdiqlangan yarim yillik asosiy ish yoʻnalishlari hamda choraklik va oylik ish rejalari asosida tashkil etadilar.
4. Asosiy ish yoʻnalishlari va tadbirlar jadvalidan kelib chiqib, choraklik ish rejasiga kiritiladigan asosiy masalalar roʻyxatini nazarda tutgan holda hokim oʻrinbosarlari oʻz majmualari boʻyicha choraklik ish rejalarini tuzadilar. Shuningdek, har bir boʻlimlar ham oʻz ish faoliyatlarini oylik yoki choraklik ish rejalari asosida amalga oshiradilar.
5. Hokim oʻrinbosarlari hamda hokimlik apparati boʻlinmalarining ish rejalaridan kelib chiqib, umumiy boʻlim tomonidan tumanda bir oylik asosiy tadbirlar dasturi tuziladi va u tuman hokimi tomonidan tasdiqlanadi.
Boʻlim boshliqlari, bosh mutaxassislarning oylik ish rejalari buysunuvi asosida hokim va hokim oʻrinbosarlari tomonidan tasdiqlanadi. Mutaxassislarning ish rejalari tegishli boʻlinma rahbari tomonidan tasdiqlanadi.
6. Ish rejalarining bajarilishi monitoringi oyning yakunida tashkiliy-nazorat guruhi va umumiy boʻlim tomonidan oʻtkazilib, tuman hokimligi apparati yigʻilishi muhokamasiga kiritiladi.
V. Tuman hokimligida asosiy yigʻilishlar va tadbirlarni
oʻtkazish tartibi.

Tuman hokimi rahbarligida qoʻyidagi asosiy yigʻilish va tadbirlar tasdiqlangan jadval asosida oʻtkaziladi.
1. Tumanni iqtisodiy-ijtimoiy rivojlantirish va islohotlarning borishini baholashga bagʻishlangan, har bir chorak va yil yakunlari boʻyicha oʻtkaziladigan tuman faollari yigʻilishi tumanni ijtimoiy-iqtisodiy rivojlantirishga oid masalalarning tezkor muhokamasiga bagʻishlangan, har oynnng oxirgi seshanba kunida oʻtkaziladigan hokimlik soati yigʻilishi.
2. Har oyning uchinchi juma kuni oʻtkaziladigan kichik biznes va xususiy tadbirkorlikni rivojlantirishni ragʻbatlantirish boʻyicha muvofiqlashtiruvchi Kengash yigʻilishi.
3. Har chorakda oʻtkaziladigan Nazorat qiluvchi organlar faoliyatini muvofiqlashtiruvchi tuman komissiyasining yigʻilishi.
4. Har chorakda oʻtkaziladigan korxonalarning moliyaviy iqtisodiy ahvolini barqarorlashtirish, iqtisodiy nochor, past rentabelli korxonalarni aniqlash va ularni sogʻlomlashtirish, tarkibiy oʻzgartirish yoki tugatish asosida samarali raqobatga qodir boʻlgan ishlab chiqarishlarni tashkil etish boʻyicha tegishli tuman tashkilotlari faoliyatini muvofiqlashtiruvchi Kengash yigʻilishlari.
5. Har chorakda oʻtkaziladigan "Maʼnaviyat va maʼrifat" Kengashi yigʻilishi.
6. Har oyning birinchi juma kuni "Maʼnaviyat va maʼrifat kuni" tadbirlari.
7. Har chorakda oʻtkaziladigan toponomik obʼektlarga nom berish tuman komissiyasi yigʻilishi.
8. Har oyning birinchi, ikkinchi va uchinchi seshanba kunlari hokimlik apparati yigʻilishi.
9. Tuman hokimining yil yakunlari boʻyicha mehnat jamoalarida va har oyda mahalla va ovul fuqarolar yigʻinlarida uchrashuvlari oʻtkaziladi. Hokim tomonidan har juma kuni fuqarolar qabul qilinadi.
10. Hokim oʻrinbosarlari, majmua rahbarlari oʻz sohalari boʻyicha yigʻilishlarni va oʻzlari rahbarlik qilayotgan komissiya va ishchi guruhlar yigʻilishlarini yukoridagilardan kelib chiqib rejalashtiradilar.
11. Tumanni ijtimoiy-iqtisodiy rivojlantirish boʻyicha qabul qilingan maqsadli dasturlar ijrosini tashkil etish boʻyicha tuzilgan ishchi guruhlar har oy yakunlari boʻyicha oʻz yigʻilishlarini oʻtkazadilar.
Ushbu yigʻilishlar soat 7.00 dan keyin oʻtkaziladi.
12. Asosiy tadbirlar, kengashlar va ishchi guruhlarning yigʻilishlari unga rahbarlik qiluvchi tomonidan hududlarda sayyor tarzda oʻtkazilishi ham mumkin.
13. Asosiy tadbirlarni tayyorlash ishlari tuman hokimligining tegishli boʻlinmalari tomonidan amalga oshiriladi va muvofiqlashtirish ishlari umumiy boʻlim va hokim yordamchisi zimmalariga yuklatiladi. Sayyor tadbirlarni tayyorlash uchun masʼuliyat tegishli boʻlinma va hudud rahbari zimmasiga yuklatiladi.

VI. Tuman hokimligiga kelgan Oʻzbekiston Respublikasi Prezidenti farmonlari, qarorlari va farmoyishlari, Oʻzbekiston Respublikasi Oliy Majlisi palatalari qarorlari, Vazirlar Mahkamasi hamda viloyat hokimining qaror va farmoyishlari bilan ishlash.

1. Hokimlikka kelgan Prezident Farmonlari, qarorlari va farmoyishlari, Oliy Majlis palatalari qarorlari, Vazirlar Mahkamasi va viloyat hokimining qaror xamda farmoyishlari umumiy boʻlim tomonidan roʻyxatga olingandan soʻng 30 daqiqa mobaynida tuman hokimi, u boʻlmagan hollarda hokim tomonidan vakolat berilgan oʻrinbosarga tanishish hamda koʻrsatma (rezolyutsiya) qoʻyish uchun kiritiladi.
2. Tuman hokimining koʻrsatmasiga binoan ushbu hujjatlar 30 daqiqa mobaynida umumiy boʻlim yoki hokim yordamchisi orqali ijrochiga yetkaziladi.
3. Tegishli majmua oʻzining boʻlinmalari bilan birgalikda qaror va farmoyishda boshka muddat koʻrsatilmagan boʻlsa, ikki kunlik muddat ichida hujjatning ijrosini taʼminlash maksadida hokim qarori yoki bir kunlik muddatda farmoyish loyihasini tayyorlab, belgilangan tartibda tegishli masʼullarning vizalari toʻplangandan soʻng umumiy boʻlimga taqdim etadi. Hujjat loyihasi hokim yordamchisi orqali tuman hokimiga imzo uchun kiritiladi.

VII. Hokimlik apparati xizmatida foydalanadigan hujjatlar bilan ishlash.

Tuman hokimligi apparatida hujjatlar bilan ishlash ushbu reglament asosida olib boriladi.
1. Tuman hokimligi apparatiga keladigan barcha hujjatlarni umumiy boʻlim qabul qilib oladi va ularni kompьyuter dasturida roʻyxatdan oʻtkazadi. Kelgan hujjatlarga tuman hokimligida qabul qilingan yil, kun, oy hamda tartib rakami yoziladi. Umumiy boʻlim hujjatlarni tushgan kuniyoq, ularning mohiyati va mazmuniga koʻra tuman hokimiga, uning oʻrinbosarlari, tegishli boʻlim rahbarlariga tanishish hamda kursatma berish uchun 30 daqiqalik muhlatda taqdim etadi.
2. Hokim topshiriqlari boʻlgan hujjatlarga nazorat kartochkasi toʻldiriladi va nazoratga olingandan keyin tegishli idoralarga yoki mansabdor shaxslarga umumiy boʻlim orqali ijro etish uchun yuboriladi. Boʻlinmalar tomonidan qabul qilingan hujjatlar ham umumiy boʻlimdan roʻyxatdan oʻtkazilishi shart.
3. Tuman hokimligiga kelib tushadigan barcha maxfiy boʻlmagan xat-xabarlar umumiy boʻlim tomonidan, ishdan tashqari vaqtlarda esa masʼul navbatchi yoki hokim yordamchisi tomonidan qabul qilib olinadi, ular navbatchilikdan soʻng xat-xabarlarni umumiy boʻlimga topshirishga majburdirlar. Xat-xabarlarni bevosita boʻlimlarda qabul qilib olishga ruxsat etilmaydi.
4. Kadrlar masalalari boʻyicha kelgan hujjatlar tashkiliy-nazorat guruhida roʻyxatga olinadi va ushbu hujjatlar bilan "Tuman hokimligida kadrlar bilan ishlash tartibi" asosida ish olib boriladi.
5. Hujjatlarni hokimlik apparati xodimlari oʻrtasida bir-biriga oʻtkazish umumiy boʻlim orqali amalga oshiriladi. Tuman hokimligi apparatida hujjatlar aylanishini taʼminlash, ularning tezkorligiga erishish xokimlikda oʻrnatilgan kompьyuter lokal tarmogʻi tizimi orqali amalga oshiriladi.
6. Yuqori organlardan kelgan hujjatlarga ijro etish uchun yuborilishidan oldin "Qaytarilishi lozim" belgisi qoʻyiladi. Qaytarilishi lozim boʻlgan hujjatlar ijro etilgach, saqlash uchun ijrochi tomonidan umumiy boʻlimga topshiriladi. Nazorat kartochkalarida hamda kompьyuter dasturida mavjud boʻlgan varaqaga ijrochi tomonidan bajarilgan ishlar qayd etiladi, qaytarilmaydigan hujjatlar esa yigʻma jildlar roʻyxatiga muvofiq guruh va boʻlimlarda saqlanadi hamda ikki yil muddat oʻtgandan soʻng arxivga topshiriladi.
7. Yuqori tashkilotlardan kelgan huquqiy kuchga ega boʻlgan barcha meʼyoriy hujjatlar va Qonun loyihalari tanishish uchun tegishli xodimlar bilan bir qatorda huquqshunosga kiritiladi. Kelgusida bu hujjatlarga yuqori tashkilotlar tomonidan kiritiladigan barcha qoʻshimcha va oʻzgartirishlar huquqshunos tomonidan oʻz vaqtida belgilanib boriladi.
8. Hokimlik apparatidan chiqadigan hujjatlar ijrochilarning vizalari hamda rahbariyatning imzosidan soʻng, tegishli ijrochilarga joʻnatilishi qayd etilgan buyurtma (reyestr) bilan birga soat 16-00 ga qadar umumiy boʻlimga topshiriladi. (tegishli hokim oʻrinbosari, guruh, rahbari va boʻlim mudiri imzosi bilan).
9. Boshqaruv lavozimlariga nomzodlar tavsiya etish boʻyicha tuman hokimligidan chiqadigan xatlar tashkiliy-nazorat guruhida alohida roʻyxatdan oʻtkaziladi va nusxasi guruh rahbarida saqlanadi.
10. Hujjatlardan nusxa olish faqatgina tuman hokimining yozma roziligi bilan amalga oshiriladi. Tuman hokimligi faoliyatiga tegishli boʻlmagan hujjatlardan nusxa olib koʻpaytirish qatʼiyan taʼqiqlanadi.
11. Axborot va maʼlumotnoma tusidagi yozma axborotlar, maʼlumotnomalar va boshqa hujjatlar ijro etuvchilar tomonidan vizalanadi va tegishli xizmatlar tomonidan imzolanadi. Yuqori tashkilotlarga yuboriladigan xizmat xatlari hokim oʻrinbosarlari tomonidan uning nusxa varagʻining pastki qismida oʻng tomonidan vizalanadi va hokimning imzosi qoʻyiladi. Hujjatlarning toʻgʻriligi uchun masʼuliyat umumiy boʻlim mudiri zimmasiga yuklanadi.
12. Hokimlik apparati umumiy boʻlim mudiri xokimlikning muhr, tamgʻa va blankalarning saqlanishi hamda ulardan foydalanish uchun masʼul shaxs hisoblanadi, ushbu anjomlar maxsus ajratilgan xonada belgilangan tartibda saqlanadi.
13. Umumiy boʻlim mudiri xizmat hujjatlarining belgilangan tartibdagi harakatini taʼminlaydi, hokimlik apparatida hujjatlar bilan ishlashning holatini har oyda tahlil etadi va tuman hokimiga axborot beradi.
14. Yuriqnomaga asosan maxfiy hujjatlar ish yuritishini mustaqil olib boradi va xizmat doirasida foydalanish uchun hamda hukumat telegrammalarini rasmiylashtirish, ijrosini taьminlash, ijrochilarga toʻgʻri va belgilangan tartib asosida yetkazish hamda saqlanishi uchun shaxsan javobgardir.
15. Lavozmlar nomenklaturasiga asosan tuman hokimligi masʼul xodimlarini hamda tuman hokimligi xodimiga maxfiy hujjatlar bilan ishlashga ruxsatnoma olish uchun hujjatlarni tayyorlaydi va 26-shaklni MXX boʻlimi orqali rasmiylashtiradi.

VIII. Tuman hokimining qaror va farmoyishlari loyihalarini tayyorlash. rasmiylashtirish va tarqatish

a) Qaror va farmoyish loyixalapining tayryolanishini tashkil etish.
Tuman hokimining qaror va farmoyishlari hokim tomonidan, u boʻlmagan hollarda imzo qoʻyish vakolatiga ega boʻlgan hokimning birinchi oʻrinbosari yoki hokim belgilagan oʻrinbosar tomonidan imzolanadi.
Qaror va farmoyish loyihalari, tuman hokimligi bosh mutaxassislari, apparatning boʻlim va guruhlari tomonidan bir nusxada tayyorlanadi.
b) Iqtisodiyotning alohida tarmoqlari, davlat boshqaruvining boshqa sohalariga doir qaror va farmoyishlari loyihalarini tayyorlashga tegishli tarmoqlar va boshqaruv sohalarining holati va rivojlanishi uchun masʼul boʻlgan idoralar jalb etiladi.
v) Normativ xususiyatiga ega boʻlgan qaror loyihasini tayyorlash uchun qoida tariqasida komissiya tuzilishi hamda loyihani tayyorlashga manfaatdor davlat organlari, ilmiy muassasalar va ayrim fuqarolar jalb etilishi mumkin.
Qaror va farmoyish loyihasida mavjud imkoniyatlarni hisobga olgan holda muhokama qilinadigan masalalarga toʻliq baho berilishi, amaldagi qonunchilikka mos boʻlishi, chuqur tahlil qilinib, ahvol obʼektiv ravishda talqin qilinmogi lozim. Takliflarda muammoni hal qilish boʻyicha aniq masalalar va tadbirlar davlat tilida bayon etilishi, ijrochilar tomonidan bajarilishini, shuningdek, qaror va farmoyishlarni toʻliq ijro etilshining aniq muddatlari va nazoratga oluvchi shaxsga koʻrsatilmogʻi zarur.
g) Qaror va farmoyishlar loyihalari, uni tayyorlovchi bosh mutaxassis, tegishli hokim oʻrinbosarlari, mazkur hujjatni bajarish bilan bogʻliq boʻlgan barcha tashkilotlar rahbarlari, huquqshunos tomonidan vizalanishi lozim. Qaror va farmoyishga ilovalar, uni tayyorlovchi xodim tomonidan imzolanadi, tegishliligiga qarab tuman hokimi oʻrinbosari vizasi olinadi. Qaror va farmoyish loyihasiga vizalar hujjatning oxirgi betida oʻng tomonida mavzudan boʻsh joyda qoʻyilib, familiyasi, lavozimi va imzo chekkan vaqti koʻrsatilishi lozim. Qaror, farmoyish loyihasi yoki uning alohida bandlari toʻgʻrisida boshqacha fikrlar boʻlsa, ularni asoslovchi maʼlumotnoma taqdim qilinadi. Qaror va farmoyish loyihasiga ushbu hujjatni tarqatish varaqasi tegishli hokim oʻrinbosari imzosi bilan ilova qilinadi. Barcha vizalar qoʻyilgan qaror yoki farmoyish loyihasi umumiy boʻlim tomonidan koʻrib chiqilgandan keyin hokim yordamchisi orqali tuman hokimiga imzo uchun kiritiladi.
ye). Loyihada huquqiy aktlarni qabul qilinishi uchun asos boʻladigan barcha meʼyoriy va tegishli-hujjatlar ilova qilingan boʻlishi lozim.
Huquqshunos hujjatlarni atroflicha tahlil qilgach, huquqiy baho bergan holda oʻz vizasini quyadi yoki qayta ishlash uchun yuboriladi.
j). Xalq deputatalari tuman Kengashida tasdiqlanishi nazarda tutilgan tuman hokimi qarorlari loyihalarini tayyorlash Kengashning tegishli doimiy komissiyalari bilan hamkorlikda amalga oshiriladi.

IX.Tuman hokimining qaror va farmoishlari loyixalarining ekspertizasi.

1. Tuman hokimining normativ xususiyatga ega boʻlgan qarorlari loyihalarining yuridik ekspertizasi viloyat adliya boshqarmasi tomonidan amalga oshiriladi. Loyiha sifatiga baho berish uchun hujjat boshqa xil (iqtisodiy, moliyaviy, ilmiy-texnikaviy, ekologiya va oʻzga) ekspertizadan ham oʻtkazilishi mumkin. Ekspertlar sifatida tegishli loyihani tayyorlashda ilgari bevosita ishtirok etmagan tashkilotlar va shaxslar jalb etiladi.
2. Tuman hokimining qaror va farmoyishlari mazmuniga nisbatan qoʻyiladigan talablar qaror va farmoyishlar loyihalari matni loʻnda, oddiy va ravon tilda bayon etiladi. Hujjatda foydalaniladigan tushunchalar va atamalar ularning amaldagi qonun hujjatlarida qabul qilingan mazmuniga muvofiq, turlicha sharhlash imkoniyatini istisno soʻzlar va iboralar, majoziy taqqoslashlar, sifatlashlar qoʻllanilishiga yoʻl qoʻyilmaydi.
3. Hujjat loyihasida uni amalga oshirishning huquqiy vositalari, shu jumladan moliyalashtirish manbalari va nazorat qilish chora-tadbirlari koʻrsatilishi mumkin.
4. Qaror va farmoyish loyihalarida koʻrsatmalar tartib raqamga ega boʻlgan bandlar tarzida bayon etiladi. Bandlar xatboshilarga boʻinishi mumkin.
5. Yangi qaror qabul qilinganligi munosabati bilan ilgari shu masala boʻyicha qabul kilingan qarorlarga oʻzgartirishlar yoki qoʻshimchalar kiritiladi.
6. Tuman hokimining qaror va farmoyishlari rekvizitlari.
Qaror va farmoyishlar qoʻyidagi rekvizitlarga ega boʻladi:
-hujjatning turi va nomi (qaror yoki farmoyish);
-hujjat qabul qilingan joy, sana va hujjat raqami;
-hujjatni imzo qoʻyib tasdiqlashga rasman vakolati boʻlgan shaxsning-tuman hokimining familiyasi, lavozimi va imzosi
7.Tuman hokimining qaror va farmoyishlarini rasmiylashtirish.
Tuman hokimi tomonidan imzolangan qaror va farmoyishlarni umumiy boʻlim mudiri hokim yordamchisidan qabul kilib oladi. Boʻlimning bosh mutaxassisi imzolangan qarorlarga sana qoʻyadi va roʻyxatga oladi. Qaror va farmoyishlar, agar ushbu hujjatlarda boshqa muddatlar belgilanmagan boʻlsa, imzolangan vaqtdan boshlab kuchga kiradi.
8. Roʻyxatga olingan qaror va farmoyishlarga ularning bajarilishini taʼminlash yuzasidan guruh va boʻlimlar tomonidan 3 kunlik muddatda nazorat rejasi tuziladi va hokim tomonidan tasdiqlanadi.
9. Tuman hokimining qaror va farioyishlarini tarqatish
Rasmiylashtirilgan qaror va farmoyishlar tegishli hokim oʻrinbosari, boʻlim yoki guruh rahbarining imzosi bilan tayyorlangan tarqatish varaqasi bilan birgalikda umumiy boʻlim mudiri tomonidan qabul kilib olinadi va koʻpaytirish uchuy topshiriq beriladi.
10. Intizomiy jazo chorasi qoʻllash toʻgʻrisidagi qaror va farmoyishlar nusxasi umumiy boʻlim tomonidan tashkiliy-nazorat guruhiga beriladi, guruh tomonidan bunday qaror va farmoyishlar kadrlarning yigʻma jildiga tikib boriladi va umumlashtiriladi.
11. Tuman hokimining qaror va farmoyishlari "Uchquduq" gazetasida eʼlon qilinishi, televideniye va radio orqali eshittirilishi mumkin. Hujjat rasman eʼlon kilinganda uning barcha rekvizitlari koʻrsatiladi.

X. Fuqarorlarning murojaatlarini koʻrib chiqish hamda fuqarolarni qabul qilish

1. Tuman hokimligi apparatida fuqarolarning ogʻzaki yoki yozma shakldagi ariza, taklif va shikoyatlari bilan ishlash hamda fuqarolarni qabul qilish Oʻzbekiston Respublikasining "Fuqarolarning murojaatlari toʻgʻrisida”ti Qonuni hamda tuman hokimining qarori bilan tasdiqlangan "Uchquduq tuman hokimligida fuqarolarning murojaatlarini koʻrib chiqish va ularni qabul qilish tartibi" asosida amalga oshiriladi.
2. Fuqarolarning murojaatlari bilan ishlash uchun masʼuliyat tuman hokimi oʻrinbosarlari, umumiy boʻlim, guruh rahbarlari va bosh mutaxassislar zimmasiga yuklanadi.
3. Tuman hokimligida fuqarolar tuman hokimi, hokim oʻrinbosarlari, hokimlik apparatining boʻlim va guruh rahbarlari tomonidan fuqarolarni qabul kilish xonasida qabul qilinadi. Fuqarolarni qabul qilish tuman hokimi qarori bilan tasdiqlangan jadval asosida amalga oshiriladi. Qabul jadvali fuqarolar eʼtiboriga yetkaziladi.
4. Tuman hokimi va hokim oʻrinbosarlari tomonidan fuqarolar hududlarda maxsus jadval asosida sayyor qabul qilinadi.
5. Har bir fuqaroning qabulidan soʻng qabul varaqalari rasmiylashtiriladi. Unda qabul qilingan fuqaroning familiyasi, ismi, otasining ismi, aniq istiqomat joyi, murojaatning qisqacha mazmuni yozib qoʻyiladi. Qabul varaqasi umumiy boʻlimda roʻyxatdan oʻtkaziladi. Qabulda koʻtarilgan muammoni hal etish uchun tegishli ijrochilarga yuboriladi va uning nazorati hokimlik apparatining tegishli boʻlinmasi va umumiy boʻlim rahbarlari tomonidan nazorat qilinadi.
6. Fuqarolarni qabul qilishni tashkil etish uchun masʼuliyat tuman hokimi yordamchisi zimmasiga yuklatiladi.
7. Tuman hokimi nomiga kelgan ariza, taklif va shikoyatlar umumiy boʻlimning bosh mutaxassisi tomonidan roʻyxatga olinadi hokim yordamchisi orqali tuman hokimiga koʻrib chiqish uchun kiritiladi.
8. Tuman hokimi tomonidan murojaatni oʻrganish boʻyicha berilgan topshiriq umumiy boʻlim tomonidan tegishli ijrochilarga yetkaziladi va uning bajarilishi nazoratga olinadi.
9. Fuqarolarning murojaatlarini oʻrganib chiqish uchun tuman hokimi yoki ushbu murojaat koʻrib chiqish uchun yuborilgan hokim oʻrinbosari tomonidan tegishli mutaxassislardan iborat ishchi guruh tuzilishi mumkin.
10. Fuqarolarning takliflari tushgan kundan eʼtiboran bir oygacha boʻlgan muddat ichida koʻrib chiqiladi, qoʻshimcha oʻrganish talab etiladigan takliflar bundan mustasno va bu xaqda taklif kiritgan shaxsga oʻn kunlik muddat ichida maʼlum qilinadi.
11. Ariza va shikoyatlar tuman hokimligiga tushgan kunidan eʼtiboran bir oygacha bulgan muddat ichida, qoʻshimcha oʻrganishni va tekshirishni talab etmaydigan ariza va shikoyatlar esa oʻn besh kundan kechiktirmay koʻrib chiqiladi.
12. Ariza yoki shikoyatni koʻrib chiqish uchun tekshirish oʻtkazish, qoʻshimcha materiallar talab qilib olish yoki boshqa zarur-tadbirlar koʻrish zarur boʻlgan hollarda ariza yoki shikoyatni koʻrib chiqish muddati tuman hokimi tomonidan istisno tariqasida uzogʻi bilan bir oyga uzaytirilishi mumkin va bu xaqda ariza yoki shikoyat bergan shaxsga maʼlum qilinadi.Tuman hokimligiga qabulga kelgan fuqarolarga murojaatlari boʻyicha oʻsha paytda tushuntirish beriladi, masalaning mohiyatiga qarab uning koʻrib chiqilishi natijalari toʻgʻrisida murojaat mualiflariga yozma xabar berilishi ham mumkin.
13. Fuqaroning familiyasi (ismi,otasining ismi), yashash joyi toʻgʻrisidagi maʼlumotlar koʻrsatilgan yoki u haqda soxta maʼlumotlar koʻrsatilgan, shuningdek imzo qoʻyilmagan yozma murojaatlar anonim deb hisoblanadi va koʻrib chiqilmaydi.
14. Fuqarolarning murojaatlarida qoʻyilgan masalalarni hal etish tuman hokimligining vakolatiga kirmaydigan boʻlsa, uzogʻi bilan besh kunlik muddat ichida tegishli organlarga joʻnatiladi va bu haqda fuqarolarga xabar filinadi.
15. Umumiy boʻlim har oy yakunlari boʻyicha tuman hokimligiga Fuqarolardan kelgan murojaatlarni umumlashtiradi va ularni mazmuni boʻyicha tahlil qiladi. Tahliliy hujjatlar tuman hokimligi soati va apparat yigʻilishlari muhokamasiga kiritiladi.

XI. Mukofotlash boʻyicha hujjatlarning tayyorlash tartibi.

1. Mukofatlash boʻyicha hujjatlarning tayyorlash tartibi "Oʻzbekiston Respublikasi Davlat mukofotlari toʻgʻrisida"gi Nizom asosida amalga oshiriladi.
2. Oʻzbekiston Respublikasi Davlat mukofotlari bilan taqdirlashga nomzodlarni tavsiya etish qoʻyidagi tartibda amalga oshiriladi:
-mukofotga tavsiya etilayotgan shaxsning pasporti nusxasi, uning mehnat faoliyati toʻgʻrisida varaqa (2 dona 4x6 oʻlchamidagi fotosurat bilan), jamoat tashkiloti, mehnat jamoasining yigʻilishi bayonnomasi, korxona rahbariyati tomonidan berilgan tasvifnoma hamda tasdiqlangan shakldagi mukofot varaqasi belgilangan tartibda va talab darajasida toʻldirib, mukofot topshirilishi lozim boʻlgan muddatdan uch oy ilgari viloyat hokimligi apparati tashkiliy-nazorat guruhiga taqdim etiladi;
-mukofotga tavsiya etilgan nomzodlar tuman hokimligi apparati tashkiliy-nazorat guruhi tomonidan tuman hokimining tegishli oʻrinbosarlari bilan hamkorlikda oʻrganib chiqiladi va xulosalar viloyat hokimiga takdim etiladi.
3. Mukofotga taqdim etilgan nomzodlar toʻgʻrisidagi barcha maʼlumotlar hokimlik tizimida joriy "Mukofot" kompьyuter dasturiga kiritiladi.
4. Tuman hokimligi apparati tashkiliy-nazorat guruhi Oʻzbekiston Respublikasi Davlat mukofotlari bilan taqdirlanganlar roʻyxatini yuritadi.
5. Tuman hokimligining Faxriy yorligʻi bilan taqdirlash uchun korxona, tashkilot, muassasa yoki jamoat tashkilotlari tomonidan tuman hokimiga takdimnoma kiritilib, ushbu takdimnomaga Faxriy yorliq bilan taqdirlashga tavsiya etilgan nomzodga berilgan, korxona rahbari va kasaba uyushmasi qoʻmitasi raisi tomonidan imzolangan tavsifnoma ilova qilinadi. Tuman hokimligi apparatining tegishli boʻlim yoki guruhi tomonidan taqdim etilgan shaxsning xizmatlari oʻrganib chiqilgandan soʻng tuman hokimining qarori loyihasi hamda tasdiqlangan shakldagi Faxriy yorliq tayyorlanadi va imzolashga kiritiladi.
6. Tuman hokimligi apparati tashkiliy-nazorat guruhi Davlat mukofotlari, viloyat hokimligi Faxriy yorligʻi hamda tuman hokimligi faxriy yorligʻi bilan takdirlanganlar hisobini yuritadi.

XII. Hokimlik apparatida hujjatlarning saqlanishini taʼminlash.

1. Hokimlik apparati hujjatlari yigʻma jildlari nomenklaturasi umumiy boʻlim tomonidan ishlab chiqiladi va hokim tomonidan tasdiqlanadi.
2. Hujjatlar yigʻma jildlari nomenklaturasi hokimlik apparatining vazifasi va tuzilmasi tubdan oʻzgargan taqdirda, ammo besh yilda kamida bir marta qayta tuzilish va qayta tasdiqlanishi lozim.
3. Hujjatlar yigʻma jildlarni nomenklaturasiga hokimlik faoliyatini aks ettiruvchi barcha hujjatlar yigʻma jildlari, maʼlumotnoma, shaxsiy hujjatlar, doimiy va vqaktinchalik komissiyalar hujjatlari hamda jamoat tashkilotlarining hujjatlari yigʻma jildlari kiradi.
4. Hujjatlar yigʻma jildlarini shakllantirishda qoʻyidagi umumiy qoidalarga rioya kilinishi shart:
-yigʻma jildga faqat bajarilgan toʻgʻri rasmiylashtirilgan hujjatlarni solish;
-bitta masalani xal etishga doyr barcha hujjatlarni bitga yigʻma jildga solish;
-ilovalarni asosiy hujjatlar bilan joylashtirish; (yigʻma jildda bir kalendar yil hujjatlarini koʻrikdan keyingi yilga oʻtadigan yigʻma jildlar bundan mustasno)
-saqlash muddatlari doimiy va vaqtincha boʻlgan hujjatlarni yigʻma jildda alohida guruhlash.
5. Yigʻma jildda qaytarilishi lozim boʻlgan hujjatlar, hujjatlarning ortiqcha boʻlgan nusxalari, qulyozmalar toʻplanmasligi lozim.
6. Tuman hokimligi apparati tashkiliy-nazorat guruhida tuman hokimligi tasarrufiga kiritilgan lavozimlardagi tadbirlarning shaxsiy hujjatlar yigʻma jildlari shakllantiriladi va saqlanadi.
7. Tuman hokimi qarori bilan tasdiqlangan jildlarda jamlanadigan roʻyxat asosida ish olib boriladi.
8. Kadrlarning yigʻma jildlaridagi hujjatlari bilan tanishish tuman hokimi yoki tashkiliy-nazorat guruhi rahbari ruxsati bilan amalga oshiriladi. Yigʻma jidlardagi hujjatlar zaruratga karab "Kadr-4" kompьyuter dasturiga ham kiritiladi.
9. Tugallangan hujjatlar yigʻma jildlari ikki yil mobaynida xizmatda foydalanish uchun apparatning boʻlimlarida saqlanadi.
10. Saqlanadigan yigʻma jildlar arxivga roʻyxat boʻyicha topshiriladi. Hokimlik arxiviga topshirilishi lozim boʻlgan hujjatlar yigʻma jildlari tartibga solinishi davlat arxivi xodimlari tomonidan hokimlik bilan tuzilgan shartnomaga muvofiq amalga oshiriladi.
11. Xodim ishdan boʻshagan yoki boshkq ishga oʻtganda uning mehnat faoliyatiga tegishli barcha hujjatlar yigʻma jildlari tarkibiy boʻlinma rahbari yoki lavozimiga tayinlangan xodimga dalolatnoma asosida umumiy boʻlim masʼul xodimi ishtirokida topshiriladi.
12. Masʼul xodim ishdan bushagandan ilgari olingan barcha meʼyoriy hujjatlarni (ish tartibi, ish yuritish boʻyicha yoʻriqnoma va boshqalari) umumiy boʻlimga topshirilishi shart.
13. Umumiy boʻlimda tuman hokimligiga kelgan barcha hujjatlar saqlanadi.

XIII. Korporativ kompyuter tarmogʻi va axborot-kommunikatsiya texnologiyalaridan samarali foydalanish.

14. Tuman hokimligida kompyuterlashtirish va axborot-kommunikatsiya texnologiyalarini keng joriy etish Oʻzbekiston Respublikasi Prezidentining 2005 yil 8 iyuldagi "Axborot-kommunikatsiya texnologiyalarini yanada rivojlantirishga oid qoʻshimcha chora-tadbirlar toʻgʻrisida"gi PQ-117-sonli Qarori talablari asosida amalga oshiriladi.
15. Tuman hokimligining ichki va tashqi hujjat almashinuvida elektron shaklda almashiniladigan hujjatlarning ulushi barqaror oʻsib boradi.
16. Almashiniladigan elektron hujjatlar elektron raqamli imzo bilan tasdiqlanganda, Oʻzbekiston Respublikasining "Elektron imzo toʻgʻrisida"gi Qonuniga asosan toʻla huquqiy kuchga ega buladi.
17. Hokimlik apparatida barcha masʼul xodimlariga zamonaviy kompyuter va boshqa zarur jihozlar biriktiriladi. Masʼul xodim oʻziga biriktirilgan asosiy vositalardan toʻgʻri foydalanilishi va ularning saqlanishi uchun shaxsan javobgar hisoblanadi.
18. Tuman hokimligining barcha masʼul xodimlariga internet tarmogʻi, korporativ kompьyuter tarmogʻi, ichki va tashqi elektron pochta xizmati hamda kompьyuter markazining malakali texnik xizmatidan foydalanish imkoniyati yaratib beriladi.
19. Tuman hokimligida barcha masʼul xodimlar uchun tuman hokimi tomonidan tasdiqlangan oʻquv rejasi asosida doimiy ravishdagi "Kompьyuter savodxonligi" oʻquvlari oʻtkazib boriladi.
20. Tumanni ijtimoiy-iqtisodiy rivojlantirishga oid maʼlumotlar maxsus kompьyuter dasturlari va korporativ kompьyuter tarmogʻi vositasida tuman hokimligi serverida toʻplanadi, tahlil qilinadi va ular asosida tegishli chora tadbirlar belgilanadi.
21. Tuman hokimligi tomonidan qabul qilingan barcha hujjatlar elektron koʻrinishda maxsus "Hujjatlar banki" dasturida umumiy boʻlim tomonidan toʻplab boriladi. Hujjatni imzoga kiritgan masʼul xodim imzolangan hujjatning elektron nusxasini "Hujjatlar banki" dasturiga kiritish uchun umumiy boʻlimga taqdim etish shart.
22. Kadrlar toʻgʻrisidagi maʼlumotlar bazasi tashkiliy-nazorat guruhi kompьyuterida saqlanadi va tanishish uchun asos boʻlgan taqdirda tuman hokimi roziligi bilan kompьyuterga kirishga ruxsat beriladi.
23. Masʼul xodimning eʼtiborsizligi yoki boshqa aybi bilan unga biriktirilgan kompьyuter texnikasiga jiddiy zarar yetkazilganda, yetkazilgan zarar masʼul xodimning hisobidan qoplanadi.

XIV. Tuman hokimligi tomonidan nazorat vakolatlarining amalga oshirilishi

1. Oʻzbekiston Respublikasi Prezidenti farmonlari, qarorlari va farmoyishlari, Vazirlar Mahkamasi qaror va farmoyishlari, viloyat hokimi va tuman hokimining qaror va farmoyishlari bajarilishini tashkil etish Vazirlar Mahkamasining 1999 yil 12 yanvar 12-son qarorida belgilangan tartibda xamda Vazirlar Mahkamasining 2009 yil 19 avgustdagi 13-5-4-sonli Tartibi asosida amalga oshiriladi.
2. Tuman hokimligi apparatida ijrosi nazoratga olinadigan hujjatlar:
Oʻzbekiston Respublikasi Qonunlari;
Oʻzbekiston Respublikasi Prezidenta Farmonlari;
Oʻzbekiston Respublikasi Prezidenti qarorlari;
Oʻzbekiston Respublikasi Prezidenti Farmoyishlari;
Oʻzbekiston Respublikasi Prezidenti devoni bayonnomalari;
Oʻzbekiston Respublikasi Prezidenti devoni topshiriqlari (yozma va ogʻzaki);
Oʻzbekiston Respublikasi Oliy majlisi palatalari qarorlari;
Oʻzbekiston Respublikasi Prezidenti Davlat maslaxatchilarining topshiriqlari;
Oʻzbekiston Respublikasi Vazirlar Mahkamasining qarorlari, farmoyishlari;
Oʻzbekiston Respublikasi Vazirlar Mahkamasining majlislari bayoni, topshiriqlari;
Xalq deputatlari tuman Kengashi sessiyalari qarorlari;
Viloyat va tuman hokimi qaror va farmoyishlari;
Tuman faollar yigʻilishlari, hokimlik soatlari yigʻilishlari va hokim rahbarligida oʻtkaziladigan majlislar bayonnomalari;
Tuman hokimi topshiriklari (yozma yoki ogzaki)
Tuman hokimi oʻrinbosarlarining topshiriqlari;
Apparat yigʻilishlari bayonnomalari:
Ish yuritish boʻyicha yuriqnomada belgilanadigan boshqa hujjatlar;
3. Hujjatlarning koʻrsatib oʻtilgan turlari bajarilishi boʻyicha ishlarni tashkil etish tuman hokimligi apparati, korxonalar rahbarlari, tegishli tarkibiy boʻlinmalar tomonidan amalga oshiriladi.
4. Ijrosi taʼminlanishi shart boʻlgan har bir huquqiy hujjatning nazorati, tegishli boʻlim yoki guruhlar tomonidan alohida yigʻma jildda olib boriladi. Ushbu yigʻma jildda:
-hujjatlarning bajarilishini va nazorat qilinishini tashkil etish;
-tumanni ijtimoiy-iqtisodiy rivojlantirishning eng muhim va ustuvor masalalari, shuningdek, uzoq davrga moʻljallangan hujjatlar boʻyicha nazorat rejasini ishlab chiqish va hayotga tadbiq etish;
-tasdiqlangan muddatlarda tegishli tarkibiy boʻlinmalar, mansabdor shaxslar va xodimlar tomonidan amaliy chora-tadbirlarni amalga oshirish;
-bajarilishini tuman hokimligi boʻlim va guruhlarida, bevosita korxona va tashkilotlarda maqsadli oʻrganish hamda tuman hokimligi yigʻilishlariga muhokama qilish uchun kiritish;
-tuman hokimligi, bevosita korxonalar, muassasalar va tashkilotlarning aytib oʻtilgan hujjatlarni ijrosini taʼminlash yuzasidan qabul qilingan oʻz qarorlarining bajarilishi yuzasidan monitoring oʻtkazish boʻyicha hujjatlar jamlanadi.
5. Oʻzbekiston Respublikasi Prezidentining Farmonlari, qarorlari, farmoyishlari va topshiriqlarida, Vazirlar Mahkamasining, viloyat va tuman hokimining qaror va farmoyishlarida qoʻyilgan vazifalarning oʻz vaqtida va toʻliq amalga oshirilishini taʼminlamagan rahbarlar, mansabdor shaxslar va xodimlarga nisbatan qonunda belgilangan tartibda shaxsiy javobgarlik choralari koʻriladi.
6. Nazoratga olingan hujjatlarning bajarilishi toʻgʻrisidagi yakuniy axborot nazoratdan chiqarish yoki muddatini uzaytirish taklifi bilan tuman hokimiga imzo uchun kiritiladi.
7. Nazoratga olingan qaror va farmoyishlarni nazoratdan chiqarish tegishli qaror va farmoyish bilan amalga oshiriladi.
8. Nazoratga olingan hujjatlarning ijro muddatlari va bajarilishi toʻgʻrisida umumiy boʻlim har oy tahliliy maʼlumot tayyorlab, tuman hokimiga taqdim etadi.
9. Maxfiy hujjatlar boʻyicha ish yuritish va topshiriqlarning oʻz vaqtida ijrosini taʼminlash huquqshunos tomonidan amalga oshiriladi.
10. Nazoratdan chiqarilgan hujjatlarning yigʻma jildi umumiy boʻlimga topshiriladi.

XV. Xalq deputalari tuman Kengashi sessiyalarini
tayyorlash va oʻtkazish.

1. Tumanni iqtisodiy-ijtimoiy rivojlantirishning muhim masalalari boʻyicha xalq deputatlari tuman Kengashining sessiyalari ish-rejasiga binoan, yilida kamida 4 marta hokim tomonidan chaqiriladi.
2. Oʻzbekiston Respublikasi Oliy Majlisi Senati aʼzolarini saylash boʻyicha viloyat va tuman Kengashlarining qoʻshma majlisi Markaziy saylov komissisining qarori bilan chaqiriladi va "Oʻzbekiston Respublikasi Oliy Majlisi Senati aʼzolarini saylash tartibi toʻgʻrisida Nizom" asosida oʻtkaziladi.
3. Sessiyani chaqirish toʻgʻrisidagi qarorda deputatlar sessiya ochilishidan kamida 7 kun oldin xabardor qilinadi. Sessiya, shuningdek xalq deputatlari tuman Kengashi deputatlari kamida 3 dan 2 qismining tashabbusiga binoan ham chaqirilishi mumkin. Kengashning faoliyati oʻzining ish tartibiga muvofiq tashkil etiladi.
4. Xalq deputatlari tuman Kengashining doimiy komissiyalari tuman Kengashi tomonidan tuziladi. Ularning faoliyati tuman Kengashi tomonidan tasdiqlangan Nizom asosida amalga oshiriladi.
5. Sessiya hujjatlari belgilangan kun tartibiga muvofiq Xalq deputatlari tuman Kengashining doimiy komissiyalari va sessiyani tayyorlash boʻyicha ishchi guruhi tomonidan tashkiliy-nazorat guruhi yordamida tayyorlanadi. Barcha hujjatlar sessiyadan 5 kun oldin Kengash raisi, tuman hokimiga takdim kilinishi shart.
6. Tashkiliy-nazorat guruhi Kengashning doimiy komissiyalari bilan birgalikda sessiyani tayyorlash va oʻtkazish boʻyicha tadbirlarni ishlab chiqadi, qatnashchilar tarkibini aniqlaydi va roʻyxatini tuzadi.
7. Barcha tadbirlar tuman hokimi tomonidan tasdiqlanadi va ishchi guruh tomonidan muvofiqlashtiriladi.
8. Xalq deputatlari tuman Kengashining har bir sessiyasida bayonnoma yuritiladi. Bayonnoma sessiya kotibi hamda Kengash raisi tomonidan imzolangandan soʻng tashkiliy-nazorat guruhida saqlanadi, soʻngra esa doimiy saqlash uchun arxivga topshiriladi.
10. Kengash qarorlari 10 kunlik muddatdan kechiktirilmay doimiy komissiyalarga, hokimlik boʻlinmalariga, davlat boshqaruvi organlariga tarqatiladi.
11. Xalq deputatlari tuman Kengashi qarorlarini ijro etilishi yuzasidan nazorat tegishli doimiy komissiya tomonidan amalga oshiriladi va uning natijalari xususida keyingi sessiyada axborot berib boriladi.

XVI. Tuman faollar yigʻilishlarini oʻtkazish tartibi.

1. Faollar yigʻilishi tuman iqtisodiyoti va ijtimoiy hayotiga taalluqli turli masalalar boʻyicha tuman hokimligining ish-rejasiga asosan hamda tuman hokimi yoki uning oʻrinbosarlari taklifiga binoan yoki viloyat hokimligi topshirigʻi asosida oʻtkaziladi.
2. Faollar yigʻilishini tayyorlash va oʻtkazish bilan bogʻliq tadbirlar tuman hokimi tomonidan tasdiqlanadi.
3. Tumanni iqtisodiy-ijtimoiy rivojlantirishning chorak va yil yakunlari boʻyicha faollar yigʻilishlari ijtimoiy-iqtisodiy rivojlantirish masalalari majmui tomonidan hokimlik apparatining tegishli mutaxassislari jalb etilgan holda tayyorlanadi. Ijtimoiy-iqtisodiy rivojlantirish masalalari majmui yigʻilishni oʻtkazish va tayyorlash boʻyicha tadbirlarni ishlab chiqadi, qatnashchilar miqdorini aniqlaydi va boshqa tegishli hujjatlarni (kun tartibi, tahliliy hujjatlar, bayon loyixalari) tayyorlaydi.
4. Tuman ijtimoiy-siyosiy hayotining boshqa dolzarb masalalar boʻyicha oʻtkaziladigan faollar yigʻilishlari tegishli hokim oʻrinbosarlari tomonidan tashkiliy-nazorat guruhi bilan hamkorlikda tayyorlanadi va barcha hujjatlar 5 kun oldin tuman hokimiga taqdim qilinadi.
5. Faollar yigʻilishi bayoni iqtisod boʻlimi tomonidan tayyorlanadi va tuman hokimi tomonidan tasdiqlangandan soʻng rasmiylashtirish uchun umumiy boʻlimga topshiriladi. Umumiy boʻlim bayonni roʻyxatga oladi, unga tartib raqami beradi. Yigʻilish bayonining nazorat-rejasi tuzilib, hokim tomonidan tasdiqlanadi.
6. Faollar yigʻilish bayonining ijrosi boʻyicha monitoring tashkiliy-nazorat guruhi tomonidan olib boriladi.
7. Tuman hokimligi tashkiliy-nazorat guruhi faollar yigʻilishi oʻtkazilishi uchun zarur shart-sharoitlarni yaratilishini taʼminlaydi.

XVII. Tuman hokimlik soati yigʻilishini tashkil etish va oʻtkazish

1. Tumanning ijtimoiy-siyosiy iqtisodiy hayotidagi muhim va dolzarb masalalarni muhokama qilish, mavjud muammolarni tezlik bilan hal qilish, keyingi oydagi vazifalarni belgilash maqsadida tuman hokimlik soati yigʻilishi oʻtkaziladi. Yigʻilishga tuman hokimi raislik qiladi. Hokim soati har oyning oxirgi haftasida oʻtkaziladi.
2. Hokim soati yigʻilishiga qoʻyidagi masalalar qoida tariqasida kiritiladi:
-tumanni ijtimoiy-iqtisodiy rivojlantirishning oylik yakunlari va kelgusi
oydagi vazifalar;
-Oʻzbekiston Respublikasi Qonunlari, Prezident Farmonlari, qarorlari, farmoyishlari va hukumat qarorlari ijrosining holati;
-tarmoqlarda iqtisodiy islohotlarning borishi;
-fuqarolarning murojaatlari bilan ishlashning oylik tahlili;
-nazorat va ijroning xolati;
-kadrlar masalalari;
-dolzarb masalalar;
3. Hokim soati yigʻilishi kun tartibi yigʻilish oʻtkazilishidan 10 kun oldin umumiy boʻlim mudiri tomonidan tayyorlanib ijrochilarga yetkaziladi.
4. Hokim soati yigʻilishlariga masalalarni tayyorlash tuman hokimi oʻrinbosarlari, tuman hokimligi apparati xodimlari tomonidan amalga oshiriladi. Zarur hollarda masalalarni tayyorlash uchun tuman hokimi tomonidan komissiyalar tashkil etilishi mumkin. Hokim soati yigʻilishi muhokamasiga kiritiladigan masalalar boʻyicha hujjatlar yigʻilishdan 5 kun oldin tuman hokimiga taqdim etiladi.
5. Hokim soati yigʻilishi ishtirokchilari hokim tomonidan belgilanadi. Qoʻshimcha taklif qilinadiganlar roʻyxati 5 kun oldin boʻlim va guruhlar tomonidan umumiy boʻlimga taqdim qilinadi.
6. Hokim soati yigʻilishiga sohalar boʻyicha ishtirokchilarni taklif qilish hokim yordamchisi tomonidan amalga oshiriladi.
7. Yigʻilishni tashkiliy texnik tomonidan taʼminlash tashkiliy-nazorat guruhi tomonidan amalga oshiriladi.
8. Yigʻilish bayoni umumiy boʻlim mudiri tomonidan rasmiylashtiriladi, 1 kunlik muddatda imzolash uchun tuman hokimiga taqdim etiladi. Tasdiqlangan bayon 2 kunlik muddatda barcha ijrochilarga yetkaziladi.
9. Yigʻilish bayonlari ijrosining nazorati umumiy boʻlim tomonidan amalga oshiriladi. Umumiy boʻlim mudiri navbatdagi hokim soatida oldingi yigʻilishda berilgai topshiriklarning ijrosi toʻgʻrisida axborot kiritadi.

XVIII. Tuman hokimligi apparat yigʻilishini tashkil etish va oʻtkazish

1. Tuman hokimligi apparati yigʻilishi tuman hokimi tomonidan har oyda uch marotaba oʻtkaziladi. Yigʻilishda apparatning 20 kunlik faoliyatiga yakun yasaladi va kelgusi vazifalar belgilanadi.
2. Apparat yigʻilishi kun tartibi tasdiqlangan ish rejaga asosan belgilanadi. Yigʻilishda qoida tariqasida qoʻyidagi masalalar muhokama etiladi:
-ish rejalarda belgilangan tadbirlarning ijrosi;
-ijro intizomining ahvoli;
-fuqarolarning murojaati bilan ishlashning holati-kadrlar bilan ishlashning holati;
3. Apparat yigʻilishida hokimlik tomonidan oʻtkaziladigan tadbirlar, majlislar, qabul qilinadigan qarorlar, yigʻilish bayonlari va boshqa tahliliy materiallarni tayyorlash, qabul qilingan qarorlar va berilgan topshiriqlarning ijrosini nazorat qilish bilan bogʻliq masalalar koʻrib chiqiladi. Hokim oʻrinbosarlari va mutaxassislarining hisobotlari eshitiladi. Muhokama etilgan masalalar yuzasidan tegishli qarorlar qabul qilinadi.
4. Apparat yigʻilishining bayoni umumiy boʻlim tomonidan yuritiladi va yigʻilishdan soʻng 1 kunlik muddatda imzolash uchun tuman hokimiga taqdim etiladi. Bayon hokim tomonidan tasdiqlangandan soʻng 1 kunlik muddatda tuman hokimlik apparatining barcha tarkibiy boʻlinmalariga yetkaziladi.
5. Apparat yigʻilishida berilgan topshiriqlar umumiy boʻlim tomonidan nazorat qilinadi va monitoringi yuritiladi. Ijrosi toʻgʻrisidagi axborot kelgusi apparat yigʻilishi muhokamasiga kiritiladi.

XIV. Tuman hokimligi huzuridagi komissiyalar va boshqa ishchi organlar ishini tashkil etish

6. Tuman hokimi qaror va farmoyishlarini hayotga tadbiq etishga koʻmaklashish, davlat boshqaruvi organlari faoliyatini muvofiqlashtirish maqsadida tuman hokimligi huzurida komissiyalar va boshqa ishchi organlar (Kengash, ishchi guruh) tuzilishi mumkin. Komissiyalar va boshka ishchi organlar tarkibi tuman hokimi qarori bilan tasdiqlanadi.
7. Tuziladigan komissiyalar va boshqa ishchi organlarning huquqiy maqomi, vakolatlari va vazifalari hokim qarorida yoki ushbu qaror bilan tasdiqlanadigan Nizomlarda belgilanadi.
8. Tuman hokimligi xuzuridagi komissiyalar hamda ishchi organlarning asosiy ish shakli majlis boʻlib hisoblanadi. Majlisda komissiyalar va ishchi organlar faoliyatini tashkil etish bilan bogʻliq masalalar koʻrib chiqiladi. Majlis hujjatlari bayonlar bilan rasmiylashtiriladi va tegishli ijrochilarga yetkaziladi. Koʻrsatib oʻtilgan komissiyalar va ishchi organlarning majlis bayonlari ularga boshchilik qilayotgan rahbarlar tomonidan imzolandi.
9. Komissiyalar va ishchi organlar tomonidan koʻrib chiqilishi kerak boʻlgan materiallarni tayyorlash hamda komissiyalarni tavsiyalarini bajarilishini nazorat qilish boʻlimlar va guruhlar tomonidan, ularga texnikaviy xizmat koʻrsatish xoʻjalik ishlari mudiri tomonidan amalga oshiriladi. Zarurat boʻlganda bu materiallarni tayyorlashda tuman hokimligi apparati mutaxassislari va boshqa tegishli tashkilotlarning mutasaddi xodimlari jalb qilinishi mumkin.

XX. Tuman hokimligi qabulxonasida navbatchilikni tashkil etish.

1. Tuman hokimi kabulxonasida 16 soatlik navbatchilik tashkil etiladi. Navbatchilik soat 7-00 dan boshlanib kech soat 11-00da tugallanadi (bayram arafasida kuchaytirilgan tartibda 24 soatlik navbatchilik tashkil etiladi).
2. Navbatchilar roʻyxati hokim yordamchisi tomonidan tuziladi va tuman hokimi yoki hokimning birinchi oʻrinbosari tomonidan tasdiqlanadi.
3. Bayram kunlari navbatchilik alohida tuzilgan jadval asosida hokim tasdiqlagandan soʻng hokim oʻrinbosarlari va hokimlik apparati xodimlari tomonidan amalga oshiriladi. Bunday kunlarda apparat xodimlari tuman hokimi qabulxonasida hokim oʻrinbosarlari esa oʻz xizmat xonalarida boʻlishlari lozim.
4. Navbatchilikning keyingi kuni navbatchilik vaqtiga mutanosib ravishda belgilangan tartibda xodimlarga dam olish vaqti beriladi.
5. Tuman hokimining ruxsatisiz jadvaldan tashqari xodimlarning navbatchilik qilishlari, navbatchilik vaqtini oʻzgartirishlari yoki boshqa xodim bilan almashtirishlari taʼqiqlanadi.
6. Belgilangan vaqtda navbatchilikka sababsiz kelmaslik holatlari mehnat intizomini buzish sifatida baholanadi va bunday xodimlarga nisbatan intizomiy jazo choralari koʻriladi.
7. Navbatchilikni tashkil etish boʻyicha masʼuliyat hokim yordamchisi zimmasiga yuklatiladi.

 

Tashkiliy-nazorat guruhi
yetakchi mutaxassisi L.Gadoyev

O'qilgan: 151 bora O'zgartirish kiritilgan san'a 15 Sep 2019

Uchquduq tumani

Tuman markazi - Uchquduq shahri.Tumanning tuzilgan vaqti – 1982 yil 22-aprel. Territoriyasi – 4663 ming2 km. Tuman markazi Navoiy viloyati markazigacha bulgan masofa – 300 km. Aholisi - 37028 ming kishi

Qisqacha ma'lumot

Aloqada bo'ling

  Email: This email address is being protected from spambots. You need JavaScript enabled to view it.
  Telefon: (+99879) 593-11-03
  Faks: (0436) 593-11-01
  Manzil: Navoiy viloyati, Uchquduq tumani, Amir Temur ko‘chasi, 28-uy

Ijtimoiy tarmoqlarda: