Uchquduq tuman hokimi Soli Xamroyev bugungi ish kunini “Shalxar” ovulidan boshladi. Bu yerda Aqilbek Keubasov va Sandug‘ash Qalabayeva xonadonida bo‘lib, muammolarini joyida tingladi.
       3 nafar farzand tarbiyalayotgan oila ijtimoiy ko‘makka muhtoj. Aqilbek Keubasovning akasi Qasimbek Keubasovning yangi tug‘ilgan chaqalog‘i shu uyda parvarishlanmoqda. Asosiy masala onasi vafot etgan bolani parvarishlayotgan Sandug‘ash Qalabayevaga uning huquq va majburiyatlari tushuntirildi. Shuningdek, boquvchisini yo‘qotganlik nafaqasi hamda bolalar nafaqasini tayyorlash tartibi aytilib, tegishli mutasaddilarga yaqindan ko‘maklashish vazifasi topshirildi.
        Bundan tashqari, “Saxovat va ko‘mak” jamg‘armasidan 2 500 000 so‘m miqdoridagi pul mablag‘i yangi tug‘ilgan chaqaloqning ehtiyojlari uchun Qasimbek Keubasovga berildi.
        Tuman hokimi rahbarligida erta tongda qo‘l urilgan ish xayrli yakunlanishiga ishongan Sandug‘ash Qalabayeva barchaga minnatdorchilik bildirdi. Biz ham oila qarshisida turgan masalalarning ijobiy yechim topishida nazoratni davom ettiramiz va mavzuga yana qaytamiz.

UCHQUDUQ TUMAN HOKIMLIGI AXBOROT XIZMATI