Ijtimoiy tarmoqlarning birida “Hokimlik qilish xola-xola o‘ynash, degani emas” sarlavhali material joylashtirildi. Tuman maktabgacha va maktab ta’limi bo‘limi rahbarini lavozimga tayinlash yoki vazifasida ozod etish tuman hokimining vakolatiga kirmaydi.
     Mazkur lavozimda ishlashni xohlovchi nomzodlar ARGOS tizimi orqali test sinovlaridan o‘tkaziladi. Tanlov ikki bosqichda amalga oshiriladi, birinchi bosqichda — talabgorning xalq ta’limi sohasiga oid normativ-huquqiy hujjatlarni bilish darajasi, IQ, EQ, menejerlik ko‘nikmalarini baholovchi test sinovi o‘tkaziladi. Ikkinchi bosqichda — talabgorning nazariy va amaliy bilimlarini aniqlash maqsadida suhbat o‘tkaziladi.
     Xalq ta’limi bo‘limi mudiri lavozimi uchun o‘tkazilgan tanlov natijalariga ko‘ra g‘olib deb topilgan talabgor bilan o‘rnatilgan tartibda O‘zbekiston Respublikasi xalq ta’limi vazirligi bilan mehnat shartnomasi tuzilib, lavozimga tayinlanadi.

UCHQUDUQ TUMAN HOKIMLIGI MATBUOT XIZMATI.