Учқудуқ туманида “Меҳр” ойлиги профилактик тадбирлари доирасида туманда яшовчи якка–ёлғиз қариялар ҳолидан хабар олинмоқда. Туман ИИБ хотин-қизлар бўйича инспектори Дилноза Камолованинг таъкидлашича бугунги кунда Учқудуқ туманида 46 нафар ўзгалар қаровига муҳтож қариялар истиқомат қилади. Ойлик давомида ҳамкор ташкилотлар билан биргаликда якка-ёлғизларнинг хонадонларида бўлиниб улар билан суҳбатлар ташкил этилмоқда, ҳамда муаммоларини жойида бартараф этиш чоралари кўриб чиқилмоқда.