Душанба-Жума: 09:00-18:00,
    (0-436) 593-11-03,    uchquduq@nv.uz

       

“Учқудуқ” газетаси хабар қилади: “АЪЛОЧИ ХОДИМ” кўрик-танлови


 

Ўзбекистон Республикаси ИИВ ЁХББ НКМК ДК ЁХБ ШКБ ЁХБ қуйи тизимлари ўртасида касбий тайёргарлик ва ёнғинларни ўчиришни ташкил этиш йўналишида "Аълочи ходим” кўрик-танлови ўтказилди.

Танловни ШКБ ЁХБ бошлиғи, подполковник Вахобжон Юлдашев кириш сўзи билан очиб, юртимизда ёнғин хавфсизлиги хизматини такомиллаштириш борасида олиб борилаётган ислоҳотлар, ажратилаётган янги ва замонавий турдаги техникаларни иш жараёнига тадбиқ этишда кўникмаларни кучайтириш сингари муҳим масалаларга тўхталиб ўтди. Шунингдек, қабул қилинаётган қарор ва фармойиш каби ҳуқуқий ҳужжатлар ижросини ўз вақтида сўзсиз таъминлаш ҳар бир соҳа ходимининг бурчи эканлигига алоҳида тўъталиб ўтди.

"Аълочи ходим” кўрик-танловида иштирокчилар спорт тўсинида тортиниш, 3 минг метр масофага югуриш ҳамда ёнғин ўчириш амалий спортининг ишғол қилиш нарвони орқали ўқув минораси 4 қаватига кўтарилиш, 100 метрли йўлакли тўсиқлар оша югуриш бўйича ўзаро баҳслашдилар.

Муросасиз кечган беллашувларда ўзининг касб маҳорати ҳамда жанговар тайёргарлигини намойиш этган 9-ҲЁХҚ бошлиғи, майор Аваз Ортиқов, 6-ҲЁХҚ бўлинма командири, сафдор Жақсилиқ Пўлатовлар ғолибликни қўлга киритди.

Шуҳрат ПАЙЗИЕВ,

ШКБ ЁХБ бошлиғи ёрдамчиси, тезкор навбатчи майор.

Ғиёс ҚОДИРОВ,

6-ҲЁХҚ навбатчи смена бошлиғи, катта лейтенант.

"УЧҚУДУҚ" газетаси хабар қилади: ЎҚИТУВЧИЛАРНИНГ АНЪАНАВИЙ АВГУСТ КЕНГАШИ ялпи мажлиси “Учқудуқ” маданият уйида бўлиб ўтди

Туман халқ таълими тизими ходимларининг анъанавий август кенгаши "Азиз ва ягонамсан, жонажон Ўзбекистоним!” шиори остида ўтказилди.

Унда муҳтарам Президентимиз раҳнамолигида навқирон авлоднинг ижодий-интеллектуал салоҳиятини янада юксалтириш, ёшларни ҳар томонлама соғлом ва баркамол этиб вояга етказиш, таълим сифати ва самарадорлигини давр руҳи билан ҳамоҳанг йўлга қўйиш масаласига давлат сиёсатининг устувор йўналиши сифатида эътибор қаратилаётгани таъкидланди. Шунингдек, таълим-тарбия сифатини тубдан ошириш, мамлакатимизда ёшларни маънавий-ахлоқий важисмонан соғлом этиб тарбиялаш, уларни мамлакатимизда олиб борилаётган ислоҳотларнинг фаол иштирокчисига айлантиришга қаратилган қатор ҳуқуқий ҳужжатларнинг қабул қилиниши ўқитувчилик касбининг жамиятимиздаги нуфузини янада оширишга хизмат қилаётгани хусусида сўз юритилди.

Жумладан, Ўзбекистон Республикаси Президенти Шавкат Мирзиёев жорий йилнинг 13 август куни «Ёшларни маънавий-ахлоқий важисмоний баркамол этиб тарбиялаш, уларга таълим-тарбия бериш тизимини сифат жиҳатидан янги босқичга кўтариш чора-тадбирлари тўғрисида"ги қарорни имзолади.

Унга кўра, умумий ўрта таълим муассасалари ходимларининг базавий тариф ставкалари 2018 йил 1 сентябрдан бошланғич синф ўқитувчилари учун 1,1 бараварга, юқори синф ўқувчилари учун ўртача 1,24 бараваргача, директор, унинг ўринбосарлари ваахборот-ресурс маркази (кутубхона) мудирлари вакутубхоначилари учун 1,1 барварга оширилди.

2019 йил 1 январдан олий тоифали ўқитувчилар учун 1,25 бараварга, биринчи тоифали ўқитувчилар учун 1,2 бараварга, иккинчи тоифали ўқитувчилар учун 1,15 бараварга, мутахассис ўқитувчилар учун 1,1 бараварга, директор, унинг ўринбосарлари, ахборот-ресурс маркази (кутубхона) мудирлари вакутубхоначилари учун 1,1 бараварга оширилди.

Натижада, устамалар, синф раҳбарлиги вадафтар текширганлик учун тўланадиган тўловларни ҳисобга олган бошланғич синф ўқитувчиларининг базавий тариф ставкалари тоифалар бўйича ўртача ҳисобда 24 фоиздан 39 фоизгача, юқори синф фан ўқитувчиларининг базавий тариф ставкаси 37 фоиздан 49 фоизгача, мактаб директори вауларнинг ўринбосарлариники ўртача 27 фоизга, ахборот-ресурс маркази (кутубхона) мудирлари вакутубхоначиларики ўртача 26 фоизга оширилди.

Бундан ташқари, қарорда ҳудудий, республика вахалқаро фан олимпиадаларида совринли ўринларни қўлга киритган ўқувчиларни тайёрлаган педагог кадрларга энг кам иш ҳақининг 5 бараваридан 50 бараваригача миқдорда бир марталик пул мукофоти бериш тартибини ишлаб чиқиш, таълим ривожига муносиб ҳисса қўшган, давлат мукофотларига сазовор бўлган педагог кадрларни давлат ва хўжалик бошқарув органларига қарашли санаторий-соғломлаштириш муассасаларида имтиёзли шартларда соғломлаштириш тизими яратилиши кўзда тутилган.

Қарорнинг яна бир ўзига хос жиҳати 2018/2019 ўқув йилидан бошлаб умумтаълим мактаблари, шужумладан ихтисослаштирилган мактаблар, санъат вамаданият мактаб-интернатлари, олимпия захиралари мактаб-интернатлари ҳамда академик лицейлар битирувчиларига аъло билими, намунали хулқи важамоат ишларидаги фаоллиги учун олтин вакумуш медалларни бериш тартиби жорий қилинди.

Ҳа, айни кунларда ўқитувчи ва педагогларнинг меҳнати ана шундай муносиб рағбатлантирилмоқда. Ўз навбатида зиёлилар бу каби эътибор ва ғамхўрликни ўзларига билдирилган юксак ишонч, шу билан бирга катта масъулият деб қабул қилмоқдалар.

-Таълим жараёнида замонавий ахборот технологиялари, инновацион дастур ва қўлланмалардан кенг фойдаланилаётгани ўқитиш сифатини янада оширмоқда, мазмунан бойитмоқда,-дейди 7-умумтаълим мактабининг информатика фани ўқитувчиси Зумрад Нуриллаева.-Ёшларга янгича дарс ўтиш, ўқув машғулотларини инновацион лойиҳалар билан бойитишни замон талаб этмоқда. Шунинг учун биз, ўқитувчилар бу масалага алоҳида эътибор қаратишни биринчи галдаги вазифамиз деб биламиз.

Шунингдек, анжуманда туман ХТБ мудири Нурладин Муратовнинг "Ўтган ўқув йилида олиб борилган ишлар якуни, ўқув йилидаги ютуқлар, камчиликлар, муаммолар ҳамда 2018-2019 ўқув йилидаги устувор – вазифалар” тўғрисидаги маърузаси тингланди. Янгидан ишга қабул қилинган олийгоҳ битирувчилари бўлган ёш ўқитувчилар тантанали қасамёд қабул қилдилар.

Бундан ташқари, педагог ходимларнинг анъанавий август кенгаши мажлисида туман тиббиёт бирлашмаси бош врачи Ф.Ризаев, Ёшлар иттифоқи туман кенгаши раиси О.Тилавовлар иштирок этиб, эндигина мактаб остонасини ҳатлаб, 1-синфга қабул қилинган кичкинтойларга Президент совғаларини топширдилар.

Анжуманда туман ҳокими ўринбосари, хотин-қизлар қўмитаси раиси Г.Алланова сўзга чиқиб, педагог-ходимларни энг улуғ ва энг азиз байрам Ўзбекистон Республикаси Давлат мустақиллигининг 27 йиллиги ҳамда янги ўқув йили қутлади.

Мухтасар айтганда, анъанавий август кенгаши шўъба йиғилишларида тизимда амалга оширилган ишлар сарҳисоб қилиниб, истиқболдаги вазифалар белгилаб олинди.

Севдиёр САЙФИДДИНОВ,

туман халқ таълими бўлими мудири ўринбосари,

халқ депутатлари Учқудуқ туман кенгаши депутати.

УЧҚУДУҚДА “ПАУЭРЛИФТИНГ” БЎЙИЧА республика чемпионати ўтказилди

Жорий йилнинг айни баҳор ойларида яъни 28.03.2018 дан 01.04.2018-кунлари Республикамизнинг олис тумани бўлган Учқудуқда Ўзбекистон Республикаси Пауэрлифтинг федерацияси, Навоий вилояти Жисмоний тарбия ва спорт бошқармаси тасарруфидаги Учқудуқ туман Болалар ва ўсмирлар спорт мактаби ҳамда Учқудуқ тумани Ёшлар иттифоқи томонидан Ўзбекистон Республикаси Президентининг 2017-йил 3-июндаги ПҚ-3031 сонли қарори ижросини таъминлаш ва ёшлар ўртасида соғлом турмуш тарзини тарғиб қилиш, ҳамда туманда спортни ривожлантириш мақсадида спортнинг "Пауэрлифтинг” тури бўйича Республика чемпионати ўтказилди.

Учқудуқ шаҳридаги "ЛОЧИН” спорт мажмуаси Пауэрлифтинг ва Пауэрлифтинг паралимпия спортчилари ўртасида бўлиб ўтган мусобақаларга мезбонлик қилди. Чемпионатда республикамиздан 300 дан ортиқ, жумладан 70 нафар имконияти чекланган спортчилар иштирок этдилар. Беш кун давом этган мусобақалар якунида 9 та олтин, 4 та кумуш, 6 та бронза медални қўлга киритган мезбонлар биринчи ўринни эгаллашди. Фахрли 2-ўрин Хоразм вилояти спортчиларига, 3-ўрин эса Термиз шаҳри жамоасига насиб этди.

Паралимпиячилар ўртасидаги мусобақаларда жаҳон чемпионати совриндори Роза Қўзиева, Параосиё ўйинлари чемпиони Шаҳзода Мамадалиева, тўрт карра жаҳон чемпиони Исмира Исломова, Рио олимпиадаси иштирокчилари Ахрор Бозоров ва Нуриддин Давлатов сингари номдор спортчилар ўз вазн тоифаларида яхши натижаларни қайд этдилар ва ушбу спортчиларнинг иштироки чемпионат рейтингига ижобий таъсир қилди. Улар шу йилнинг сентябрь ойида Баку шаҳрида булиши мулжалланаётган мусулмон давлатлари олимпиадасида юртимиз шарафини ҳимоя қилишади. Энг қувонарлиси шундай нуфузли мусобақаларда қатнашиш ҳуқуқини қўлга киритганлар орасида Учқудуқ уй-жой коммунал хўжалиги касб-ҳунар коллежи ўқувчиси Шаҳбоз Бобомуродов ҳамда 48кг. вазнда 102кг. тош кўтарган учқудуқлик ўқувчи Азиз Эрназаров ҳам бор. Соғлом спортчилар мусобақасида, уч босқичда жами 660 кг.тош кўтарган НУМК Шимолий кон бошқармаси 1-автокорхона ҳайдовчиси Ҳусниддин Бўриев ҳам олтин медални қўлга киритиб 14марта Ўзбекистон чемпиони деган номга сазовор бўлди. Ҳусниддин шу кунгача 8 карра Осиё чемпиони ва рекордсмени, 1 марта жаҳон чемпиони ва 2 марта совриндор бўлган. Халқаро тоифадаги спорт устаси Ҳ.Буриев бугунги кунда ўз вазни тоифасида, ( 66кг.) жаҳон рейтинги бўйича иккинчи ўринни эгаллаб турибди.

У Кубада бўладиган жаҳон чемпионатида иштирок этади.

Иқтидорли спортчи ва мураббий Илҳом Бўриевнинг шогирдлари Нилуфар Шодмонова, Сарвиноз Носирова, Суғдиёна Ҳамзаева, Боғдагул Бобоқулова, Ҳусниддин Бўриев, Ўктам Мамаражабов, Шаҳзод Сафарбоев, Нуритдин Ҳалимов ва Шоҳжаҳон Шарифжоновлар чемпионатнинг олтин медалларига сазовор бўлдилар.

Ушбу нуфузли мусобақани ташкил этишда, учқудуқлик ёшларни Пауэрлифтинг спорт турига жалб қилиб, уларга мураббийлик қилгани ва унинг шогирдлари юқори ўринларни эгаллаб келишаётгани учун бир неча бор Республика, Осиё ва Жаҳон чемпионатлари ғолиби ва совриндори, Халқаро тоифадаги спорт устаси Илҳом Буриевга Жаҳон ва Олимпия ўйинларига ҳакамлик қилиш ҳуқуқини берадиган "Олий тоифали ҳакам” унвони берилди. Спортнинг дзюдо кураши бўйича Осиё чемпиони, Ўзбекистон терма жамоаси аъзоси, 2017-йилги Зулфия номидаги Давлат мукофоти соҳибаси Маҳлиё Маннонованининг бугунги кунда ушбу Болалар ва усмирлар спорт мактабида мураббийлик қилаётгани ҳам келажакда ушбу мактабдан кўплаб иқтидорли спортчилар етишиб чиқишига умид уйғотади.

Юқоридаги маълумотномалардаги натижалардан кўриниб турибдики муъжазгина Учқудуқ шаҳри ва туманида спортнинг барча турлари буйича юқори натижаларга эришилмоқда. Учқудуқ тумани Болалар ва ўсмирлар спорт мактаби 2015-йилда ташкил этилган бўлишига қарамасдан қисқа вақт ичида болалар ва ўсмирлар спортини ривожлантиришда оламшумул натижаларга эришилди. Спорт мактаби директори Умирбек Салимов раҳбарлигида туманда ва олис овулларда ҳам спортнинг кураш, шахмат-шашка ва бошқа турлари бўйича машғулотлар ташкил қилинган. Улардаги машғулотларни мураббийлик ҳуқуқига эга мутахассислар олиб бормоқдалар. Учқудуқлик ёшлар ва уларнинг ота-оналари соғлом ва баркамол авлодни тарбиялашда қилинаётган саъий-ҳаракатлар ва яратилаётган шароитлар учун мутасадди ходимларга, мураббийларга, туман, вилоят ва республика раҳбариятига ўз миннатдорликларини билдириб қоладилар.

УЧҚУДУҚДА: ЎЗБЕКИСТОН ЧЕМПИОНАТИГА САРАЛАШ МУСОБАҚАЛАРИ ЎТҚАЗИЛДИ.

Жориййилнинг 20-21-июнь кунлариЎзбекистон Республикаси жисмонийтарбия ва спортвазирлиги ҳамда ЎзбекистонКураш федерацияси томонидантасдиқланган Низомга мувофиқ,мамлакат чемпионатига саралашмусобақалари бўлиб ўтди.

Спортнингмиллий кураш туриданўтқазилган беллашувлар "Менингмаҳалламда жиноят содирбўлмаслиги керак” шиориостида ўтказилди. Мусобақанинг11та вазн тоифасидагибаҳсларда 185 нафар полвоништирок этиб, уларнинг35 нафарини қизлар ташкилэтди. Навоий вилоятининг8 та туманидан келганполвонлар муросасиз курашолиб бордилар. Кескинўтган беллашувларда мезбонлар,яъни Учқудуқлик полвонларЗамир Усенбаев, РобияАбдуллаева, Муҳиддин Исматов,Моҳинур Абдурашидовлар ўзвазн тоифасида шоҳсупанингюқори поғонасига кўтарилдилар. Умумжамоаҳисобида Навоий шаҳриполвонлари 1-ўринни, Қизилтепажамоаси 2-ўринни вамезбон Учқудуқликлар фахрли3-ўринни эгалладилар.

"УЧҚУДУҚ" газетаси хабар қилади: ИС ГАЗИДАН ЭҲТИЁТ БўЛИНГ

Азиз ҳамюртлар! Кейинги вақтларда Республикамиз бўйича содир бўлаётган ёнғинларнинг кўпчилиги ис газидан заҳарланиш ва газ асбобларидан фойдаланишда ёнғин хавфсизлиги қоидаларига риоя этмаслик натижасида содир бўлаётганлигини кўриш мумкин.

Аҳоли турар жойларида газ асбобларидан фойдаланишда қуйидаги ёнғин хавфсизлиги қоидаларига риоя этмаслик, инсонлар ҳаётига хавф солувчи оғир оқибатларга олиб келиши мумкин.

- Хонадонларда газ ускуналарига газни резина шланглари орқали уланиши;

- Газ билан ишлаш воситаларини қаровсиз қолдирилиши ва ёш болаларни гугурт билан йўнашларига йўл қўйиш;

- Газ плитаси устида кийим қуритилшига;

- Газ баллонларни газ плиталаридан камида 5 метр, иситиш воситаларидан 1 метр узоқликда ўрнатилиши;

Ҳурматли фуқаролар!

Газ плитасидан хонадонни иситиш учун ишлатманг, газ асбобларидан фойдаланганда хоналардаги дераза дарчасини очиб қўйилишини ёки, хонани шамоллатиш чораларини кўришни унутманг. Ис гази кучли таъсир этувчи газ ҳисобланиб, ёнаётган газнинг тўлиқ ёнмаслиги натижасида хонада тўпланиб қолади ва инсонларни ҳаётдан бевақт кўз юмишига олиб келади.

Газ сизиб чиқаётганилигини сезсангиз дархол «104» раками оркали газ идорасига хабар беринг, газ асбобларини чиринг, ёритувчи ҳамда бошқа электр асбобларини ёқманг ёки ўчирманг, газ келадиган асосий кранни ўчириб қўйинг, гугурт чақманг, учқун чиқарувчи мосламалардан фойдаланманг, деразаларни очиб хонани шамоллатинг ва хонани тарк этинг!

Ёнғин чиқиш хавфини сезганингизда зудлик билан яқин атрофдаги ёнғин хавфсизлиги қисмига ёки «101» рақамига қўнғироқ қилишни унутманг.

Уйғун Юнусов, ШКБ ЁХБ 7-ҲЁХҚисм бошлиғи майор

"УЧҚУДУҚ" газетаси хабар қилади: ОЛҚИШ ВА ОФАРИН эътирофнинг бир кўриниши бўлди

Жамият – ҳар қандай эврилишлар, ўзгаришлар, ўсиш ва ўзгаришлар жараёнида ҳам янги авлод ривожи, камолоти йўлида ҳаракатдан чекинмайди. Шарқ таълимоти манбаларида, тарих зарварақларида ҳам бунинг исботини кўриш мумкин. Аждодларимизнинг мозийга муҳрланган фаолият сарҳадларида бунга аниқ далиллар бисёр. Соҳибқирон Темур бобомизни, Навоий, Бобур ҳазратларини олайлик. Уларнинг камоли учун даврнинг шиддатли бўҳронлари ҳам тўсиқ бўла олмаган. 5 ёшли Алишернинг бийрон шеър мутолаа қилишлари, Бобур Мирзонинг ўтли ғазаллари, дунёни лол қолдирган адолатпеша Темурнинг 7 ёшлигиданоқ жанг сирларини ўрганиши, овчилик, мерганлик усулларини эгаллаб олиши ҳақида жуда кўп манбаларда ҳикоя қилинади. Биз ана шундай фикри теран, иқтидори бутун, зукко ва донишманд аждодларнинг ворисларимиз. Инчунун, уларнинг тарихда қолдирган излари асрлар оша сайқалланиб, биз учун ибрат мактаби бўлиб яшайверади.

Ҳақиқатдан ҳам мамлакатимизда сўнгги бир ярим йил мобайнида мактабгача таълим тизимини ислоҳ қилиш борасида қабул қилинган ўнлаб ҳуқуқий ҳужжатлар масаланинг нечоғли муҳим аҳамиятга эга эканлигидан далолат беради. Соҳа ходимлари меҳнатига ҳақ тўлаш механизми такомиллаштирилди, шу билан бирга боғчада камол топаётган кичкинтойларнинг соғлом ўсиб-улғайишлари учун имконият ва шарт-шароитлар яратиб берилмоқда. Бу ҳақда кўп ва хўб гапириш мумкин. Аммо, лавҳадан муддаомиз Учқудуқ тумани мактабгача таълим тизимида меҳнат қилаётган педагог-ходимларни рағбатлантириш мақсадида ўтказилган «Олқиш ва офарин» тақдирлаш маросими ҳақида хабар беришдан иборатдир.

26 нафар билимли, тажрибали, фидойи ва фаол педагог-ходимлар меҳнати муносиб равишда эътироф этилган ва тақдирланган маросимда туман ҳокими С.Хамроев, туман прокурори Ш.Шерназаров, туман ИИБ бошлиғи А.Савуров, «Учқудуқ» газетаси муҳаррири Р.Қодирова, туман Маънавият ва маърифат бўлими раҳбари Ж.Булекбаевалар сўзга чиқиб, онадек меҳрибон, отадек улуғ устоз-мураббийлар меҳнатини юксак баҳоладилар. Уларга диплом ва эсдалик совғаларини топширдилар.

Туман мактабгача таълим бўлимимудири Н.Амоновга сўзга чиқиб, педагог-ходимлар бор билим ва салоҳиятини беғубор болажонлар қалбига она Ватанга садоқат, ота-онага ҳурмат, элу-юртга муҳаббат туйғуларини сингдиришга сафарбар этишларини билдирди.

Тантанали тадбирда кичкинтойлар томонидан куйланган қўшиқ, ижро этилган рақслар даврага кўтаринки кайфият бағишлади.


“Учқудуқ” газетаси хабар қилади: 26 июнь – Халқаро гиёҳвандликкақарши кураш куни ЁШЛАРНИ: «ОҚ АЖАЛ» комидан асрайлик!

Гиёҳвандликнинг инсоният генофондига солаётган хавфи ҳозирнинг долзарб муаммоси эканлиги ҳеч кимга сир эмас. Бу офатга қарши айни пайтда халқаро миқёсда мислсиз ку­раш олиб борилмоқда. Шунга қарамай, БМТнинг сўнгги маълумотларига кўра, дунё бўйича тахминан 185 миллиондан ортиқ одам гиёҳвандлик балосига гирифтор бўлган. Шифокорларнинг таъкидлашича, гиёҳвандлар ҳам жисмоний, ҳам маънавий жиҳатдан жуда тез қарийди.

Ён қўшнимиз Афғон заминида заҳри қотилни етиштириш ва экспорт қилишнинг олдини олишда сиёсий ҳокимият кураша олмаётган бир пайтда огоҳликни қўлдан бермаслигимиз зарур бўлади. Ер юзида наркотик моддалар ишлаб чиқаришнинг 75 фоизи бу мамлакат ҳиссасисга тўғри келади.

Эътиборли томони шундаки, Ўзбекистон Республикаси билан Туркия, Покистон, Қирғизистон, Туркманистон, Тожикистон, Россия, Украина, Италия каби давлатлар ўртасида икки томонлама манфаатли шартномалар имзоланди.

 

Таассуфки, бугун бузғунчи кучлар томонидан "демократия” жараёнларига ўтишдек босқичнинг таклиф этилаётгани оқибатида Уругвай давлатида мудҳиш қонунга имзо чекилганлигининг замирида нима ётибди? Албатта, манфаат. Эндиликда ушбу мамлакат дорихоналарида ёшидан қатъий назар ҳар бир фуқаро кунига 2 грамм марихуана моддасини қонуний сотиб олиши мумкин. Бундай қонунни қабул қилган депутатлардан нафратланманг. Уларда ҳам виждон, сиёсат тили билан айтганда, гуманизм ғоялари бор. Эзгулик ғояларининг исботи шундаки, чет эл фуқароларига ушбу заҳарни сотиш таъқиқланган.
Бундан ташқари, глобаллашув жараёнларининг "оммавий маданият” кўринишларига ҳам беписандлик кайфияти нафақат бизнинг минтақа, балки дунё жамоатчилигини ҳам ташвишга солаётгани ҳеч кимга сир эмас. Бугун кўчаларда кетаётган баъзи ёшларнинг кийимларига кўзингиз тушганми? Айтайлик, яшил барг (марихуана) тасвирли қора футболка кийиб кетаётган ўспиринга қараб қандай хулоса чиқариш мумкин? Хулоса шуки, бугунги кунда "оммавий маданият”нинг жирканч кўриниши бўлган бузуқлик, ичкиликбозлик, гиёҳвандликка чорловчи маҳсулотлар Ўзбекистонда чекланганлиги боис, улар тарғиботнинг ўта содда, аммо таъсирли усулларидан фойдаланмоқда.
Мана шундай зарарли одатларга қарши курашиш мақсадида туман ҳокимлиги ҳузуридаги "Наркотик моддаларни назорат килиш” минтақавий комиссияси ва тегишли ташкилотлар томонидан ҳар йили 26 июнь "Халкаро гиёҳвандликка карши курашиш куни” муносабати билан жойларда тарғибот ойлиги ташкил этилади. Аммо, бугун биз ёшлар орасида наркотик моддаларнинг зарари фақат улар ҳаётида эмас, балки жамият, давлатнинг ривожи ва барқарорлигига таҳдид солиши мумкинлигини таъсирли тарзда етказиб бера олаяпмизми? Олдимизда катта вазифа, яъни ахборот технологияларидан фойдаланган ҳолда ёшларимиз онгига таъсир кўрсатиб, наркотик моддалар истеъмоли жамият бошига солаётган кулфатларни жонли мисоллар воситасида етказиб беришимиз лозим.
Бундай хайрли ишларга нафақат соғлом турмуш тарзи тарғиботчилари, балки кенг жамоатчилик масъул бўлиши шарт..
Келинг, яхшиси гиёҳванд моддаси ва гиёҳвандлик кулфатининг остонамизга яқинлашаётган қадамлари ҳақида ўйлаб кўрайлик. Фарзандларимиз тарбиясига эътиборсизлик қилган кунларимизни санайлик. Ушбу иллатга қарши барчамиз биргаликда курашайлик!

Ёшлик наволари

  Юртимизда ёш авлодни ҳеч кимдан кам бўлмаган, соғлом ва мустақил тафаккурли инсонлар этиб камолга етказиш, уларнинг ижодий-интеллектуал салоҳиятини юксалтириш, халқимизнинг маданий ҳордиқ чиқариши учун барча зарур шароит ва имкониятларни яратиш борасида амалга оширилаётган эзгу амалий чоралар кўлами тобора кенгайиб бормоқда.

  Бу жараёнда ёшларнинг бўш вақтини самарали ва мазмунли ташкил этиш, истеъдодини эрта аниқлаш ва тўғри йўналтириб боришнинг муҳим воситаси сифатида Болалар мусиқа ва санъат мактабларида фаолият юритаётган тўгаракларни янада ривожлантириш, улар ишини бугунги замон руҳи билан ҳамоҳанг тарзда йўлга қўйишга жиддий эътибор қаратилмоқда.
  Туманимиздаги 10 – сонли Болалар мусиқа ва санъат мактаби йигирмага яқин ижодий жамоани бирлаштирган. Уларда 355 нафар ўғил-қиз санъатнинг турли йўналишлари бўйича ўз маҳоратини оширмоқда. Мазкур Болалар мусиқа ва санъат мактаби ижодий жамоалари томонидантуманимизда бўлиб ўтаётганбайрам тадбирларида чиқишлар ташкил этилмоқда. Шунингдек, 2017-2018 ўқув йилида мактаб жамоаси бир қанча ютуқларни ҳам қўлга киритган.

  Жумладан, 10 йилдан буён миллий урф-одатлар асосида фаолият юритаётган ёш мусиқачиларни қўллаб - қувватлаш, қишлоқ жойларда яшовчи болалар орасидан янги истеъдодларни кашф этиш мақсадида "Наврўз садолари" фестивали ўтказилиб келинади. Ушбу фестивалнинг республика босқичида 10-сонли Болалар мусиқа ва санъат мактаби бадиий жамоалари фахрли учинчи ўринга сазовор бўлди. Шунингдек, "Шўх тарона”, "Наво” ансамбллари ҳам нафақат вилоятда балки, республика миқёсида юқори натижаларга эришмоқда.

  Куни-кеча ушбу билим маскани тарбияланувчиларининг "Ёшлик наволари” деб номланган ҳисобот концерти бўлиб ўтди. Унда ўқувчи ва ўқитувчилар, ота-оналар ҳамда кенг жамоатчилик вакиллари иштирок этиб, бир йил мобайнида амалга оширилганишлар, қўлга киритилган ижодий ютуқлар билан яқиндан танишдилар.

  Бу ерда фаолият юритаётган халқ чолғу, театр, рақс, амалий ва тасвирий санъат бўлимлари иқтидорли ўқувчи ва ўқитувчиларининг чиқишларини тадбирга йиғилганлар самимий кутиб олдилар.Истеъдод соҳибларининг Ватан, истиқлол, ёшлик, дўстлик, севги ва садоқат каби мавзулардаги куй-қўшиқлари йиғилганларга кўтаринки кайфият бағишлади.

  Ўз навбатида Болалар мусиқа ва санъат мактаби маъмурияти томонидан вилоят, республика миқёсида ўтказилган кўрик-танловларда совриндор бўлган ўқувчи ва ўқитувчилар фахрий ёрлиқлар билан тақдирланди.

  Ҳисобот концертига ташриф буюрган ота-оналар ўз фарзандининг истеъдодини кўриб, уларнинг ютуқларига гувоҳ бўлиб мамнунлик ҳис этган ҳолда зални тарк этдилар.

Райҳон ЎРАЛОВА,

тумандаги 10-сонли Болалар мусиқа ва санъат мактабининг ўқув ишлари бўйича директор ўринбосари.


Камбағалликка сабаб бўлувчи амаллар

 Бугунги кунда мусулмонлар кўп яшайдиган давлатларда, ҳатто, нефтга бой бўлган Яқин Шарқ ерларида ҳам, қашшоқлик муаммолари ечим топмади, деб ёзади «Islom.uz».

 Дарҳақиқат, бошқа мусибатларни синов деб билгани каби, қашшоқлик ҳам Аллоҳ тарафидан келган синов ё банданинг Яратган олдида мақоми ортишига сабаб, ёки бўлмаса, у қилган гуноҳларга жазо бўлиши мумкин. Умматнинг қашшоқлашишига асосий сабаб унинг шариат рукнларига амал қилмаслигидир. Рукнлардан бирини камчиликларсиз бажо қилиш, масалан, закот бериш тўлақонлигича қашшоқликнинг  олдини олиши мумкин. Бунга тарихдан машҳур бир воқеани далил қилиш мумкин.

 Умар ибн Абдулазиз бутун мусулмонларга амирлик қилган даврларида деярли бирорта закотга муҳтож инсон қолмаган. Иқтисодий ислоҳотлар натижасида аҳолининг яшаш шароити етарли даражада юксалган. Инсонлар шундай яхши яшашганидан, закот беришга одам топишга қийналишган.

 Бундан ташқари,қашшоқликнинг кўплаб сабаблари бор. У сабаблар орасида инсон оқибатини ўйламай қиладиган нотўғри амаллар ҳамбўлиши мумкин. Ушбу мақолада айни сабаблар ҳақида гаплашамиз, токи ҳар кимса улардан огоҳбўлсин ва узоқлашсин.

                                                                                   Зино

 Қашшоқликкасабаб бўладиган гуноҳларнинг бошида хиёнат туради. Ибн Аббос розияллоҳу анҳудан ривоят қилинади. Расулуллоҳсаллаллоҳу алайҳи васаллам айтганлар:

«Агар бирор жойда зино ва судхўрлик тарқалса, ўша ернинг аҳолиси ўзига Аллоҳнинг азобини чақиради».

(Ал Ҳаким, Табароний)

 Унинг жазоларидан бири қашшоқлик ҳисобланади. Бошқа ҳадисда айтилганидек, қашшоқликнинг сабаби зинодир. Аллоҳнинг Расули шундай деганлар:

«Зино қашшоқликка олиб келади».

(Ал Байҳақий, «Шуъаб ал-иймон», 4/363)

 Бундан чин тавба, тез-тез гуноҳларини кечиришини сўраш ва кўплаб солиҳамаллар қилиш билан қутулиш ҳамда Охиратда жазолардан озод бўлиш мумкин. Зино қилиб, қилган гуноҳи, ифлос иши билан фахрланиб юрувчиларга кўплаб мисол келтириш мумкин. Аммо уларнинг ҳаёти маданиятли одамларнинг ҳаётидан фарқли бўлади. Бугун у инсонлар биридан қарз олади, эртага бошқасидан. Буларнинг бари навбатдаги тунги базмда ўзига ўхшаш қарз олганларни атрофига тўплаб, гуноҳ амалларни қилиш учундир. Мана шунинг ўзи айни зинодир.

Тиланчилик

 Қашшоқликнингэшиклари тиланчилик билан шуғулланувчилар учун ҳам очилади. Абу Кабши Умар ибн Саъд Ал Анмордан ривоят қилинганҳадислардан бирида Расулуллоҳ саллаллоҳу алайҳи васаллам айтганлар:

«Садақа билан мол камаймайди».

(Термизий (2325), Имoм Аҳмад (4/231, №18031)

 Ушбу ҳадиснинг Имoм Ғаззолий ўзининг «Ихяулумм ад-дийн» китобида келтирган бошқа шарҳида шундай дейилган:

«Ким ўзига тиланчилик эшигини очса, Аллоҳ унга қашшоқликнинг 70 та эшигини очиб қўяди».

 

Рибо (Судхўрлик)

Кенг тарқалган ва одамларни яхшиликлардан тўсиб қўядиган гуноҳлардан бири, минг афсуслар бўлсинким, замонамизда оддий ҳолга айланган судхўрликдир. Бу фақат фоизли қарз олувчилар эмас, балки фоизли қарз берувчи ёки рибонинг бошқа турлари билан шуғулланувчиларнинг ҳам қашшоқлашишига сабаб бўлиши мумкин. Амр ибн Ал Асо розияллоҳу анҳудан ривоят қилинадики, «Кунларнинг бирида Расулуллоҳ соллаллоҳу алайҳи васаллам шундай деганларини   эшитдим:

 «Судхўрлик кенг тарқалган халқ қандай бўлишидан қатъи назар, қашшоқлик билан жазоланади. Порахўрлик билан шуғулланган халқ эса қўрқув билан жазоланади ва қўрқув уни тарк этмайди».

(Имoм Аҳмад).

 Аллоҳ таоло Қуръонда шундай марҳамат қилади:

«Аллоҳ рибони доимо нуқсонга учратади ва садақаларни зиёда қилади. Ва Аллоҳ ҳар бир кофир, гуноҳкорни хуш кўрмас»

Шарҳ:

 Судхўрнинг пули ҳисоб жиҳатидан кўп бўлса ҳам, Аллоҳ ундан баракани кўтариб, егани ўзига юқмайдиган қилиб қўяди. Судхўрни турли касалликларга дучор қилади, тинчлигини, хотиржамлигини олади. Яна биз билмайдиган кўп бало-офатларга дучор қилади. Шунингдек, сиртдан қараганда, садақа қилган кишиларнинг моли камайганга ўхшайди. Аслида эса, иш бунинг тескариси бўлади:

 Аллоҳ «Садақаларни зиёда қилади. Агар ҳисобда садақа қилувчининг моли ҳажми оз бўлса ҳам, Аллоҳ унга барака ато қилади, бало-офатлардан сақлайди, ўзини тинч, хотирини жам қилади»

(Бақара, 276).

Ибн Масъуд розияллоҳу анҳудан ривоят қилинади. Расулуллоҳ соллаллоҳу алайҳи васаллам айтдилар:

«Судхўрлик кўплаб маблағни келтирса ҳам, унинг охири етишмовчилик бўлади».

(Имoм Аҳмад)

 Биз ушбу мақолада камбағалликка сабаб бўлувчи бир қанча амалларни келтирдик, холос. Барчамиз бу иллатлардан узоқ бўлмоғимиз ва шариатимиз буюрган амалларни бажармоғимиз даркор. Ана ўшанда Аллоҳнинг изни билан қашшоқлик ҳам, бошқа мусибатлар ҳам келмайди, дейилади мақолада.

НОВЫХ ТРУДОВЫХ СВЕРШЕНИЙ И ПОБЕД!

Поздравление директора Северного Рудоуправления Юрия Петровича Золотарёва с Днём работников горной и металлургической промышленности Республики Узбекистан!

Дорогие учкудукцы!

  Уважаемые коллеги! Вот уже восемнадцатый год, в соответствии Указом Первого Президента третье воскресенье мая месяца отмечается как День работников горной и металлургической промышленности Республики Узбекистан. И мы с чувством глубокого удовлетворения можем сказать, что отмечаем этот праздник с радостью и уверенностью в завтрашнем дне.

  Если бросить взгляд в историю, то увидим, что в 1990-1991 годы потребность в продукции урана резко уменьшилась. И поэтому пришлось уменьшить объёмы его производства. Учитывая, что Учкудук был занят на производстве урана, вопрос его уменьшения создал опасность в вопросе занятости рабочих и сотрудников Северного Рудоуправления, тем самым в существовании всего города Учкудук в целом. Проблему можно было решить лишь одним путём, а именно – осуществлением нового проекта по добыче и переработке золотосодержащей сульфидной руды расположенного недалеко от города рудника «Кокпатас».

  Под руководством и непосредственной инициативе Первого Президента Республики Узбекистан Исламом Каримовым было принято постановление Кабинета Министров Республики Узбекистан №236 «Об обеспечении в 1992-1995 годах равномерной непрерывной работы Навоийского горно-металлургического комбината и мероприятиях социально-экономического развития территории Зарафшан-Учкудук».

  Признавая, что всё значение и сущность нашей современной жизни освещены жизнеутверждающими лучами независимости, создание Гидрометаллургического завода №3 с уверенностью можно назвать образцом самоотверженности нашего народа – созидателя, примером достижения независимости.

  Последние годы для Северного Рудоуправления, являющегося одним из подразделений Навоийского горно-металлургического комбината, периодом возрождения развития. И это благодаря тому, что расширились отрасли производства, в несколько раз вырос объём производства валовой внутренней продукции за счёт применения новых инновационных идей и технологий в процесс производства на основе дальновидной политике нашего Президента Шавката Мирзиёева.

  На сегодняшний день, эта территория, которая когда-то считалась лишь базой добычи подземных ископаемых, становится крупным промышленным центром. С каждым днём увеличивается число больших и малых производственных предприятий, современных пунктов бытового обслуживания. Но самое важное то, что люди чётко осознают значение созидательных реформ нашей независимости, живут, ощущая причастность к осуществляемым благим делам.

Уважаемые коллеги!

  Сегодня, наш коллектив, который является доказательством уникального примера мира и согласия, самоотверженно трудится на пути укрепления независимости нашей прекрасной страны! Желаю всем вам здоровья и счастья, а вашим семьям - благополучия и мирного неба над головой!

  Мы верим в то, что Учкудук будет продолжать честно и достойно служить основным гарантом светлого будущего и процветания нашей любимой Родины!

С праздником вас, самоотверженные и преданные своему труду и стране работники горной и металлургической промышленности!