Душанба-Жума: 09:00-18:00,
    (0-436) 593-11-03,    uchquduq@nv.uz

       
/ / / Жисмоний тарбия ва спортни ривожлантириш жамғармасига энди Бош вазир раислик қилади

Жисмоний тарбия ва спортни ривожлантириш жамғармасига энди Бош вазир раислик қилади

Жисмоний тарбия ва спортни ривожлантириш жамғармасининг ҳомийлик маблағларини ўз вақтида шакллантириш, спорт иншоотларини белгиланган муддатларда ва сифатли фойдаланишга топширишни таъминлаш ҳамда бу борада ҳокимликларнинг масъулиятини ошириш мақсадида Ўзбекистон Республикаси Вазирлар Маҳкамасининг 2019 йил 15 январдаги 32-сонли қарори билан «Ўзбекистон Республикаси Жисмоний тарбия ва спорт вазирлиги ҳузуридаги Жисмоний тарбия ва спортни ривожлантириш жамғармаси фаолиятини ташкил этиш тўғрисида»ги 2018 йил 5 июлдаги 507-сон қарорга ўзгартириш ва қўшимчалар киритилди.

Қарор мувофиқ, эндиликда Жисмоний тарбия ва спортни ривожлантириш жамғармаси кузатув кенгашига Ўзбекистон Республикаси Бош вазири (Абдулла Арипов) раислик қилади. Ўз навбатида Қорақалпоғистон Республикаси Вазирлар Кенгашининг Раиси ҳамда вилоятлар ва Тошкент шаҳар ҳокимлари ҳудудий Жамоат кенгашлари раислари этиб белгиланиб, уларнинг спорт иншоотларида қурилиш-монтаж ишларининг бориши ва уларнинг ўз вақтида фойдаланишга топширилиши бўйича шахсий жавобгарликлари оширилди.

Шу билан бирга, жамғарма маблағлари ҳисобидан спорт объектларини қуришда ривожланган хорижий давлатлар тажрибасини ўрганиш ва республика ҳудудларида қуриладиган объектлар лойиҳаларига татбиқ этиш мақсадида жамғарма ҳамда қурилиш ва лойиҳа ташкилотларининг малакали мутахассислари хорижий давлатларга юборилади, шунингдек тажриба алмашиш учун хориждан мутахассислар жалб этилади.

Маълумот учун, мазкур жамғарма маблағлари хайрия ташкилотлари, хусусий тадбиркорлар, жисмоний ва юридик шахслар, шу жумладан Ўзбекистон Республикаси норезидентлари томонидан ўтказиладиган ҳомийлик ўтказмалари, давлат бюджети маблағлари, шунингдек қонун ҳужжатларида тақиқланмаган бошқа тушумлар ҳисобидан шакллантирилади.

Манбалар асосида тайёрланди.

Агарда Сиз мақолада хатони учратган бўлсангиз, унда матнни белгилаб, (CTRL + ENTER) клавишасини босиб, веб-сайт маъмурига хабарнома жўнатинг.

Мавзуга доир бошқа ўхшаш маълумотлар: