Душанба-Жума: 09:00-18:00,
    (0-436) 593-11-03,    uchquduq@nv.uz

       

ЭЪТИРОФ-2019

"Учқудуқ” маданият уйида ўз қалб қўрини, кўз нурини, меҳр-муҳаббатини, келажаги буюк юртга баркамол авлодларни тарбиялашдек масъулиятли вазифани зиммаларига олиб, бу олижаноб ишни шараф билан бажаришга бел боғлаган устозларимизни, муаллиму мураббийларимиз меҳнатини қутлаш, эъзозлаш ва эътироф этишга бағишланган "Эътироф – 2019” маросими ўтказилди.

Тантанали тадбирда туманимиз таълим муассасаларида 2018-2019 ўқув йилида юқори натижаларга эришган ўз иш фаолиятида илғор педагогик усуллар ва янгича методлардан самарали фойдаланаётган бир қатор ўқитувчилар фахрий ёрлиқ ва эсдалик совғалари билан тақдирланди.

Тақдирлаш маросимида туман ҳокими С.Хамроев сўзга чиқиб, устоз деган шарафли номни улуғлаб келаётган барча ўқитувчи ва мураббийларни "Эътироф – 2019” тақдирлаш маросими билан самимий қутлади.

Туман ҳокимлиги матбуот хизмати.


«ҚАЙРАТТЫҢ ЖАУҺАР ЖЫРЛАРЫ» атты әдеби-сазды кеш болып өтті

Жақында Құлқұдық ауылында Президентіміз Ш.Мирзиёевті «Әлеуметтік, рухани ағарту салалардағы істерді жаңа тізім негізінде жолға қою, жастар руханиятын дамытып, олардың бос уа-қыттарын мазмұнды ұйымдастыру бойынша» 5-маңызды бастамасына орай, ұстаз әрі ақын Қайрат Ахметовтың шығармашылығына арналған «ҚАЙРАТТЫҢ ЖАУҺАР ЖЫРЛАРЫ» атты әдеби-сазды кеш жоғары дәрежеде болып өтті.

Аудан әкімінің қолдауымен өткен шараны Құлқұдық ауыл ақсақалы Жомарт Абдираманов ашып беріп, шара иесіне ізгі-тілектерін білдірді. Сонымен қоса «Үшқұдық» газеті редакторы Райхан Қадирова, «Хунармандлар» ұйымының төрайымы Зебинисо Шарипова арнайы келіп, кеш иесіне ізгі лебіздерін жеткізіп, алғыс хаттарын табыс етті.

Шара барысында ақын шығармашылығынан өлең жолдар мәнерлеп оқылып, авторлығында жазылған әндер оқушылар тарапынан шырқалды. Сондай-ақ кеште ауданымыздың түпкір-түпкірінен қонақ болып келген ақын жазушылар да болды.

Аудан әкімдігі баспасөз қызметі.


31 май – Халқаро тамакисиз кун!

Жаҳон соғлиқни сақлаш ташкилоти 1988 йилда 31 майни Халқаро чекишга қарши кураш куни деб эълон қилган.

ХХI асрда чекиш туфайли 1 миллиард киши ҳалок бўлиши мумкин.

Сўнгги 50 йил мобайнида чекиш туфайли 62 миллион киши ҳаёт билан видолашди. Бу иккинчи жаҳон урушида ҳалок бўлганлардан анча кўпдир.

Жаҳон соғлиқни сақлаш ташкилоти экспертларининг фикрича, агар қўшимча зарур чоралар кўрилмайдиган бўлса, у ҳолда 2030 йилга бориб ҳар йили сигарет 8 миллион кишининг ёстиғини қуритади.

Тарихга назар ташлайдиган бўлсак, ХVIII аср охири ХIХ аср бошларида папирос ишлаб чиқарадиган машинанинг ихтиро қилиниши билан чекиш оммалаша бошлади.

Чекишга бўлган муносабат 1956 йилда бирданига ўзгарди. Ўшанда жаҳоннинг турли мамлакатларидаги 40 мингга яқин шифокор ўз мижозларининг касаллигига тамаки айбдор деган хулосага келган эди.

Чекиш турли касалликларни келтириб чиқаришдан ташқари инсон умрини 15-20 йилга қисқартириши аллақачон исботланган.

Халқаро чекишга қарши курашиш кунининг глобал мақсади ҳозирги ва келгуси авлодни тамакининг нафақат соғлиқ учун салбий жиҳатларидан, балки ижтимоий, экологик ва иқтисодий талофатларнинг вайронкор оқибатлариданҳимоя қилишга қаратилган.

Ёдингизда бўлсин, чекиш соғлиғингиз учун зарардир!

Туман ҳокимлиги матбуот хизмати.

ФАРЗАНДЛАРИМИЗНИ ҚАРОВСИЗ ҚОЛДИРМАЙЛИК!

Ҳар бир инсон учун унинг зурриёди барча неъматлардан ҳам азиз ҳисобланади. Инсон зоти фарзанди учун ҳар қандай синов ва азобларга бардош беришга қодир.

Ўз умрининг давомчисидан айрилиш эса ҳарқандай азоблардан ҳам кучли. Гоҳида фарзандларимиз нима билан машғул эканлигига, ўз вақтини қандай ўтказаётганига эътибор бермасдан уларни назоратсиз қолдирамиз.

Оламнинг ҳар бир синоатларига ҳайрат биланқараб, идрок этаётган фарзандларимиз эса баъзан ўйинга берилиб, ўзларини ҳам унитаёзишади. Бундай ҳолат айрим вақтларда турли фожиаларга сабаб бўлаётгани гоҳ-гоҳ қулоғимизга чалинса-да, "бола-да, ўйнайверсин” дея кифояланамиз.

Аммо "сўнгги пушаймон”...

2019 йилнинг 29 апрелида Йўлчилар ОФЙ да содир бўлган бахтсиз ҳодиса 5 ёшли норасида гўдак "Е” ни ҳаётдан бевақт олиб кетди. Шу куни у уйи ёнидаги сув сақлаш учун мўлжалланган ҳовузга эҳтиётсизлиги оқибатида тушиб вафот этди. Унинг яқинлари изтиробданҳар қанча нола чекишса-да, аммо кеч бўлган эди.

Ҳозирда мазкур ҳолат юзасидан туман прокуратураси томонидан терговга қадар текширув ҳаракатлари олиб борилмоқда.

Туман ички ишлар бўлими маъмурияти мазкур мақолани эълон қилишостонасида фарзандингиз нимага машғул, ўз вақтини қандай ўтказмоқда, дея саволлар қилмоқда?! Улар ҳолидан ҳар дақиқада хабардор бўлиб, болангиз ҳаёти ва соғлиги учун масъуллигингизни ҳеч қачон унатмасликни сўраб қоламиз.

Зеро, фарзанд доғиҳар қандай азобдан ҳам оғир!

Туман ҳокимлиги матбуот хизмати.

ПАСПОРТ – ШАРАФ ВА МАСЪУЛИЯТ!

Куни кеча туманимиздаги қурилиш ва уй-жой коммунал хўжалиги касб-ҳунар коллежида 10 нафар учқудуқлик ёшларгаЎзбекистон Республикаси паспорти тантанали равишда топширилди.

Паспортларни туман ички ишлар бўлими бошлиғи А.Савуров қўлиданқабул қилиб олган ёшлар юз-кўзларида ҳаяжон, қувонч, бахтиёрлик уфуриб турди.

Негаки, улар камолотга етиб, фуқаролик паспорти топширилишини ўзларига билдирилган юксак шараф, ишонч, бурч ва шу билан бирга катта масъулият деб билдилар.

Тадбирда таъкидланганидек,мамлакатимизда фуқаролик жамиятини ривожлантириш, инсон манфаатларининг тўлақонли ҳимоясиҳамда қонун устуворлигини таъминлашгақаратилган улкан ишлар амалга оширилаётир.
- Паспортни қўлга олганим менга янада катта масъулият юклайди. Буни ўзим учун юксак шараф деб биламан. Бу бахтни менга туҳфа этган Президентимизга, халқимизга янада садоқат билан хизмат қиламан, - деди ўқув муассасасининг 3-босқич ўқувчиси Фарангиз Ҳошимова.

Туман ҳокимлиги матбуот хизмати.

Китоб совға қилинди

Маълумки, жорий йилнинг 19 мартида Президентимиз Шавкат Мирзиёев раислигида ёшларга эътиборни кучайтириш, ёш авлодни маданият, санъат, жисмоний тарбия ва спортга кенг жалб этиш, уларда ахборот технологияларидан тўғри фойдаланиш кўникмасини шакллантириш, ёшлар ўртасида китобхонликни тарғибқилиш, хотин-қизлар бандлигини таъминлаш масалаларига бағишланган видеоселектор йиғилиши бўлиб ўтганди.

Унда ёшлар маънавиятини юксалтириш, уларнинг бўш вақтини мазмунли ташкил этиш бўйича муҳим вазифалар белгилаб берилди.

Яқинда Навоий вилояти судининг судьяси Нурали Рахмонов туманимиздаги 7-умумий ўрта таълим мактабига ташриф буюриб, бу ерда ўқувчи-ёшларнинг таълим-тарбиясига берилаётган эътибор ва шарт-шароитлар билан яқиндан танишди.

Ўз шахсий кутубхонасидан мазкур таълим даргоҳи кутубхонасигакитоблар тўпламини совғақилди.

Вилоят суди судьяси ўқувчилар ва педагоглар билан суҳбатлашар экан, бугунги адабий жараён ва мутолаа маданияти хусусида тўхталиб, китоб маънавиятни юксалтирувчи бебаҳо хазина эканини алоҳида таъкидлади.

Туман ҳокимлиги матбуот хизмати

“ЁШ КИТОБХОН”лар сараланди

"КELAJAK” ёшлар маркази ва кончилик касб-ҳунар коллежида "Ёш китобхон” танловининг саралаш босқичи бўлиб ўтди.

20-22 май кунлари бўлиб ўтган танловнинг мазкур босқичида 50 тест саволлари орқали ёшларнинг билими аниқланди.

Танловни ўтказишдан мақсад эса ёшлар ўртасида китобхонлик маданиятини оммалаштириш, уларнинг бадиий саводхонлигини янада ошириш ва мутолаа муҳитини шакллантиришдан иборатдир.

Ҳар битта тўғри жавоб учун иштирокчиларга 2 баллдан берилиб, жами 86 баллдан юқори кўрсаткич қайд этган йигит-қизлар танловнинг кейинги босқичига йўлланма олди.

Туманимизда уч кун давомида бўлиб ўтган "Ёш китобхон” танловининг саралаш босқичида 10-14 ёш тоифасида 3 минг, 15-19 ёш тоифасида 2 минг, 20-30 ёш тоифасида 848 нафар ёшлар иштирок этди.

-Танловга тайёргарлик давомида кўплаб бадиий асарларни ўқиб тугатдим. Ўзимда маънавий улғайишни, фикрлашимдаги ўзгаришларни англадим, - дейди туманимиздаги 20-умумий ўрта таълим мактабининг 9-синф ўқувчиси Ясмина Қўлдошева.

Туман ҳокимлиги матбуот хизмати

ХАЙРЛИ ИШЛАР БАРДАВОМ...

Юртимизда ойлар султони бўлмиш муқаддас Рамазон ойи ҳукмрон. Муборакойнинг маънавий ҳаётимиздаги ўрни, моҳияти ва аҳамияти жуда катта. Чунки бу кунларда халқимизга хос меҳр-оқибат, инсонийлик, ҳурмат-эътибор, шукроналик ва бағрикенглик каби такрорланмас хислатлар янада кенгроқ намоён бўлади. Миллий ва диний қадриятимизнинг ажралмас қисми бўлган Рамазон ойида аввало яқин инсонлар, қолаверса, беморлар, ўзгалар ёрдамига муҳтож, кўп фарзандли оилалар ҳолидан хабар олиш, уларнинг ўксик қалбларига имкон қадар малҳам бўлиш одат тусига кирган.

Қутлуғ айём кунида Шимолий кон бошқармасининг барча бўлинмалари қатори кадрлар бўлими бошлиғи ва ходимлари ҳамкорхонада узоқ йиллар меҳнат қилган, ҳозирда нафақада бўлган В. Баришников хонадонида бўлишди.

Бугунда ёлғиз яшаётган қария отахон унинг ҳолидан хабар олиб, ёрдам кўрсатиш мақсадида хонадонига ташриф буюрганларни кўриб ғоят қувонди ва кўз ёшларини яшира олмади.

Отахон билан суҳбатдан сўнг бўлганлар бундай хайрли, ишни нафақат байрам арафасида ёки муборак кунларда балки, йилнинг бошқа, оддий кунларида ҳам шундай давом эттирамиз, деган хулоса билан қайтдилар.

Туман ҳокимлиги матбуот хизмати.

МЕНИНГ МАКТАБИМ – МЕНИНГ УЙИМ!

25 май. Мамлакатимиздаги умумий ўрта таълим мактаблари битирувчилари қалбида ўзгача ҳис-ҳаяжон ҳукмрон. Чунки, улар қадрдон мактаб билан хайрлашиб катта ҳаётга йўлланма олмоқдалар. Шу муносабат билан барча ўқув даргоҳларида "Менинг мактабим – менинг уйим!” тадбирлари бўлиб ўтди.

Шу куни мактаб ўқувчилариқалбида ҳис-ҳаяжон, ўзгача туйғу. Чунки туманимиздаги 19 та мактабда яна бир ўқув йили тугаб, "Сўнгги қўнғироқ” чалинди.

Бунда 210 нафар битирувчи жонажон мактаби билан хайрлашиб мустақил ҳаётга қадамқўйди. Уларнинг қай бирлари касб-ҳунар эгаллаш мақсадида янги билим масканлари томон шошилса, янабошқалари ўқишни олий таълимда давом эттиришни орзулайдилар.

Бугун не-не орзу-умидлар оғушидақадрдон мактаб билан хайрлашаётган азиз битирувчилар, катта ҳаёт сари қўяётган қадамингиз қутлуғ бўлсин!

Бундан кейинги ҳар ишингиз, сўз-амалларингиз ва ҳаттоки ўй-режаларингиз ҳам Ватан иқболи, эл саодати билан боғлиқ бўлишини тилаймиз.

Туман ҳокимлиги матбуот хизмати

АЛЕКСАНДРУ СЕРГЕЕВИЧУ ПУШКИНУ – 220 ЛЕТ

Недавно в общеобразовательной школе 10 состоялось мероприятие, посвящённое 220-летию со дня рождения великого классика русской литературы А.С. Пушкина, подготовленное учителями русского языка Х.Бурановой и Ф.Егамбердиевой.

На мероприятии были даны сведения о жизни и творчестве великого поэта и писателя, прочитаны стихи и показаны сцены из сказок. На сцене активно участвовали учащиеся 3 классов Р.Исамиддинова, Г.Исломова,Д.Исмаилова, Жалолов,О.Эркинов, 4 классов Ф.Пулатова, С.Очилова, Т.Зиядуллаев, 6 классов Д.Менглиева, Ш.Каримова, Ш.Журакулова, М.Гаффарова, У.Абдурахимов, Х.Ахмеджанова, С.Нуруллаева, С.Насимова,Х.Жабборова, З.Нарзуллаева, Д.Кучкарова,Х.Каримова, С.Бахшиллаева, А.Бабакулов, М.Тоштемиров и другие.