Душанба-Жума: 09:00-18:00,
    (0-436) 593-11-03,    uchquduq@nv.uz

       
/ Мақолалар Июл 2019 йилда

Ўзбекистон ҳудудида реклама давлат тилида тарқатилиши белгилаб қўйилади

Норматив-ҳуқуқий ҳужжатлар лойиҳалари муҳокамаси порталида «Ўзбекистон Республикасининг айрим қонунҳужжатларига ўзгартишлар киритиш тўғрисида»ги қонун лойиҳасиэълон қилиндиҲужжатга кўра, Ўзбекистон Республикасининг 1998 йил 25 декабрда қабулқилинган "Реклама тўғрисида”ги 723–I-сон Қонунининг 5-моддаси (Рекламанинг тили) матни қуйидаги таҳрирда баён этилади:
"Ўзбекистон Республикаси ҳудудида реклама Ўзбекистон Республикасининг давлат тилида тарқатилади. Реклама берувчининг хоҳишига кўра давлат тили билан бир вақтда бошқа тилларда тарқатишга йўл қўйилади. Реклама тарқатишда давлат тилида муқобили бўлмаган хорижий тилларнинг атамалари қўлланилиши мумкин. Белгиланган тартибда рўйхатга олинган товар белгилари (хизмат кўрсатиш белгилари), босма усулда терилган бўғинли белгилар (логотиплар) асли қайси тилда бўлса, шу тилда келтирилиши мумкин”.
Ўзбекистон Республикасининг 2006 йил 18 сентябрда қабул қилинган "Фирма номлари тўғрисида”ги 51-сон Қонунининг 3-моддаси (Фирма номи) иккинчи-учинчи қисмлариқуйидаги таҳрирда баён этилади:
"Юридик шахс давлат тилида ёки чет тилида баён этилган тўлиқ фирма номи билан бирга қисқартирилган фирма номига ҳам эга бўлиши мумкин.
Юридик шахснинг фирма номида давлат тилида баён этилган унинг ташкилий-ҳуқуқий шакли кўрсатилиши керак”.

 

«UzAutoMotors» томонидан ишлаб чиқариладиган автомобилларга акциз солиғи бекор қилинади

2019 йил 1 октябрдан кейин тузиладиган шартномалар бўйича «UzAutoMotors» АЖ томонидан ишлаб чиқариладиган автомобилларга акциз солиғи бекор қилинади. Бу Президентнинг «Ўзбекистон Республикаси автомобил саноатини жадал ривожлантиришга оид қўшимча чора-тадбирлар тўғрисида»гиқароридакўзда тутилган.

 Карорга мувофиқ, 2019 йил 1 октябрдан бошлаб Ўзбекистонда ишлаб чиқарилган янги автотранспорт воситаларини сотиб олганлик учун йиғим автотранспорт воситалари ишлаб чиқарувчилари томонидан тўланади.

«Ўзавтосаноат» АЖ ва унинг таркибига кирувчи корхоналарнинг асосий фаолият тури билан боғлиқ бўлмаган активлари қуйидагича сотилиши мумкин:
қўшилган қиймат солиғини (кўчмас мулк учун) ва ҳақиқийқийматини (хўжалик жамиятларидаги улушлар ва аксиялар пакети учун) ҳисобга олган ҳолда уларнинг қийматини баҳоламасдан «E-IJRO AUKSION» электрон савдо майдончасига бошланғич баҳоси бўйича аукционга қўйиш орқали;
Савдога қўйилган вақтдан буён икки ой ичида талабгорлар мавжуд бўлмаган тақдирда, бошланғич баҳосини қадам-бақадам тушириб бориш орқали.
«Ўзбекистон металлургия комбинати» АЖ устав капиталидаги «Автосаноат инвест» МЧЖ улушини баланс қийматида Давлат активларини бошқариш агентлигига топшириш тўғрисидаги таклифга розилик берилди.
«Ўзавтосаноат» АЖга рўйхат бўйича дилерлик ташкилотларининг устав жамғармалари (капиталлари)даги улушлар сотилишини тезлаштириш топширилди.

 2019–2023 йилларда автомобиль саноатини ривожлантиришнинг асосий кўрсаткичлари белгиланди

 Ўзбекистон Респуликаси Президентининг «Ўзбекистон Республикаси автомобиль саноатини жадал ривожлантириш бўйича чора-тадбирлар ҳақида»ги қарориқабулқилинди.

Президент қарори автомобиль саноати инвестицион жозибадорлигини ошириш ва жадал ривожлантириш, илғор хорижий тажрибалар асосида замонавий бозор механизмлари ва бошқарув усулларини жорий этиш, шунингдек, ички ва ташқи ишлаб чиқариш бозорларида рақобатбардош муҳитни ҳосил қилиш мақсадида қабул қилинган.
Унга кўра, 2019–2023 йилларда Ўзбекистон Республикаси автомобиль саноатини ривожлантиришнинг асосий кўрсаткичлари қуйидагича белгиланмоқда:
- енгил автомобилларни ишлаб чиқаришҳажмини йилига 350 минг бирликкача ошириш;
- енгил автомобиллар локализацияси даражасини ўртача 60 фоизга етказиш;
- юк автомобиллари ва авобуслар ишлаб чиқаришҳажмини 10 минг бирликка етказиш;
- автомобиллар экспорти йиллик ҳажмини 100 минг бирликка етказиш;
- корпоратив бошқарувнинг замонавий усуллари, шунингдек, «ERP» автоматлашган ҳисоблаш тизимини жорий этиш;
- автомобиллар моделлари қаторини янгилаш, жумладан, аҳолининг кенг қатламлари харид қилиш имкониятига эга бўлган янги ва замонавий енгил автомобиль ишлаб чиқариш;
- «Ўзавтосаноат» АЖ таркибига кирувчи иккитадан кам бўлмаган акциядорлик жамиятларининг акцияларини миллий ва халқаро фонд бозорларида дастлабки очиқжойлаштириш (IPO) йўли блан инвесторларни жалб этиш.

 Президент одамлар сотиб олишга қурби етадиган машиналар ишлаб чиқаришни топширди

 Президент Шавкат Мирзиёев аҳолининг барча қатламлари қурби етадиган арзон автомобиллар ишлаб чиқаришҳақидаги қарорниимзолади.

Ўзбекистонда автомобиль саноатини жадал ривожлантириш бўйича қўшимча чора-тадбирлари тўғрисидаги бу президент қарорида 2019–2023 йилларда автомобиль саноатини ривожлантиришнинг асосий кўрсаткичлари белгилаб берилган. Хусусан:
– енгил машина ишлаб чиқаришҳажми йилига 350 мингтага етказилади;
– енгил автомобиллар ўртача 60 фоизгача маҳаллийлаштирилади;
– юк машиналари ва автобуслар ишлаб чиқаришҳажми йилига 10 мингтагача оширилади;
– йилига 100 мингта автомобиль экспорт қилинади;
қатор автомобил моделлари янгиланади.
Шунингдек, «UzAutoMotors» билан 2019 йил 1 октябрдан кейин шартнома қилинган машиналар акциз солиғидан озод этилади.
2019 йил 1 декабргача «General Motors» билан 2019-2022 йилга мўлжалланган барча музокаралар ва шартномалар ниҳоясига етказилади.

 

Жаримани 60 кунда тўламаганлар «Автокон» орқали аниқланмоқда

Тошкентда ЙПХ инспекторлари ва Ўзбекистон Республикаси Бош прокуратураси қошидаги Мажбурий ижро бюроси ходимлари ҳамкорликда ЙҲҚни бузиб, белгиланган муддатда жаримани тўламаган ҳайдовчиларнинг транспорт воситаларини аниқлашгақаратилган тадбирлар ўтказишнибошлашди.

 

Бундан ташқари, пойтахт ҳудудида ва ЙПХ постлари орқали шаҳарга кириш/чиқишда 20 та автоматлаштирилган «Автокон» комплекслари фаолият юритишмоқда. Улар автоматик тарзда (инсон аралашувисиз) тўлов муддатини кечиктирган «қарздорлар» рўйхатига киритилган автомобилларни аниқлайдилар.
Икки кун – 22 ва 23-июль якуни бўйича, «Автокон» тизими ёрдамида ўз вақтида жарима тўламаган 35 889 та транспорт воситалари аниқланди. Шулардан 970 нафар транспорт эгалари бугунги кунда жаримани тўлаб бўлишди. 122 та транспорт воситалари жарима майдончасига жойланди.
Ҳурматли ҳайдовчилар! Йўл ҳаракати қоидаларига риоя қилинг. Шунда ўзингизни ҳам, ўзгаларни ҳам ҳаётини асраган бўласиз. Агар ЙҲҚни бузган бўлсангиз, жаримани ўз вақтида тўланг.

"Абитуриент рухсатномаси" тарқатилиши бошланди

2019/2020 ўқув йили тест синовларида иштирок этиш учун "Абитуриент рухсатномаси"ни тарқатиш бошланди.

"Абитуриент рухсатномаси"ни тарқатиш қуйидагича амалга оширилади:
* Абитуриентлар 20-июлдан бошлаб Интернет орқали Давлат тест маркази www.dtm.uz расмий веб-сайтининг "Рухсатномани чоп этиш" бўлимидаги махсус ойнага паспорт (ёки туғилганлик гувоҳномаси) серияси ва рақамини киритади.
Экранда пайдо бўлган "Абитуриент рухсатномаси" ва "Абитуриентга эслатма”ни чоп этиб олади.
Буларни интернет тармоғига уланган компьютер бўлган хохлаган жойда: уйда, Интернет клублари ва бошқа жойларда амалга ошириш мумкин.
Кундузги таълим шакли бўйича рўйхатдан ўтган абитуриентлар 23-26 июль кунлари ва Сиртқи ва кечки таълим шакллари бўйича рўйхатдан ўтган абитуриентлар 27-29 июль кунлари яшаш жойидан қатъи назар қуйидаги ташкилотларга мурожаат этиши ва рухсатномаларини олишлари мумкин:

 

-ихтиёрий туман (шаҳар)даги Давлат хизматлари марказлари;

-ихтиёрий Олий таълим муассасалари қабул комиссиялари;

-ихтиёрий Бандлик ва меҳнат муносабатлари вазирлигининг Бандликка кўмаклашиш марказлари.
Ушбу ташкилот ходимлари ДТМнинг www.dtm.uz расмий веб-сайтидан юқорида қайд этилган тартиб бўйича "Абитуриент рухсатномаси"ни абитуриентга чоп этиб беради.

 

 

ДТМ абитуриентлардан йиғиб олган 53 миллиард сўм пулини нимага ишлатмоқчи?

Бу йилги тест синовларининг назорат ишларига Олий ва ўрта махсус таълим вазирлиги ҳамда Халқ таълими вазирлиги тизимидаги таълим муассасаларда фаолият юритаётган 5 минг 232 нафар педагог ходим жалб этилган бўлиб, жараён бошланишидан олдин назоратчилар учун малакали мутахассислар томонидан махсус семинар машғулотлари ўтказилган. Бу ҳақда бугун АОКАда ўтказилган брифингда Давлат тест маркази раҳбари Мажид Каримов маълумот берди.

 Унга кўра, икки сменали тарзда иш олиб борадиган ҳар бир назаратчи учун тушлик ҳамда бир сменалик иш ҳақи 92 минг сўм миқдоридаги маблағни ДТМ тўлаб беради.

 Жорий йилда абитуриентлар ҳужжат топширишда тарихида илк бор белгиланган тариф асосида пул маблағи тўлади. Хўш, бу қайси мезонлар асосида амалга оширилди ва бу пуллар нималарга сарфланади?
 Давлат тест маркази раҳбари бу саволга жорий йилги қабулда хорижий тиллар бўйича халқаро сертификат олган абитуриентларнинг тест синовларидан озод қилиш имтиёзи берилгани, жаҳоннинг турли мамлакатларида масалан Германияда таълим қуйи босқичдан юқори босқичга қадар мутлақо бепул экани,   Туркияда эса ўқишга ҳужжат топшириш, лавозимдан лавозимга ўтишдаги малакавий тестларгача пуллик экани ва умуман таълим тизими мураккабликларидан келиб чиқиб, ҳар хил ёндашувга эгалигини таъкидлади.
 Мажид Каримовга кўра, жорий ўқув йилида абитурентлардан олий таълим муассасаларига ҳужжат топширишда тушган пул маблағи 53 миллиард сўмни ташкил этади ва бу маблағ тест синовлари ўтказиладиган вазирликлар тасарруфидаги спорт ва кўргазма заллари, бошқа биноларнинг ижарасига, абитуриентлар учун ручкалар, ичимлик суви, тест ўтказиладиган залларни шамоллатиш мосламалари, кузатув камералари харид қилишга ҳамда назоратчиларнинг сменали ишига сарфланади.

Хотин-қизларни қўллаб-қувватлаш-бош мақсадимиз

Хотин-қизлар қўмитаси томонидан аёлларни ҳар томонлама қўллаб-қувватлаш, оилада маънавий муҳитни соғломлаштиришда ҳал қилиниши лозим бўлган долзарб масалалар юзасидан

"Хотин-қизларни қўллаб-қувватлаш-бош мақсадимиз" мавзусида амалий семинар

Хотин-қизларни қўллаб-қувватлаш-бош мақсадимиз

 

Учқудуқ туман ҳокимлиги, Хотин-қизлар қўмитаси тамонидан 2019 йил 9 июлда Ўзбекистон Республикаси Вазири ўринбосари, Хотин-қизлар қўмитаси раиси Э.Баситханованинг 2019 йил 9 июлда Навоий вилояти Қизилтепа туманида ўтказилган йиғилишда берилган топшириқлари ва вилоят ҳокими ўринбосари, Хотин-қизлар қўмитаси раисининг манзилли дастурида берилган топшириқлари ижросини таъминлаш мақсадида жорий йилнинг 27 июл куни туман ҳокимлиги, Хотин-қизлар қўмитаси томонидан амалий семинар ўтказилди ҳамда 

Хотин-қизларни қўллаб-қувватлаш-бош мақсадимиз

семинарда туман Тиббиёт бирлашмасидаги "Аёллар маслаҳатхонаси” ва "Қизлар саломатлик маркази”ларига ташриф буюриб, амалий машғулотлар ўтказилди.

Хотин-қизларни қўллаб-қувватлаш-бош мақсадимиз

Семинарда ҳар бир маҳаллада бошланғич хотин-қизлар тошкилоти тузилди. Унда энг фаол бўлган обрўли аёллар, уй бекалари, шифокорлар, ўқитувчилар, отинойлар, тадбиркорлар ва олималардан ташкил топган ташкилот таркибига 30 кишидан иборат бошланғич ташкилотларига вазифалар белгилаб берилди.

Хотин-қизларни қўллаб-қувватлаш-бош мақсадимиз

Хотин-қизларни қўллаб-қувватлаш-бош мақсадимиз


 


“ОҚ САРОЙ”: Фаолиятини саховат билан бошлади!

Охирги йилларда элимиз тўй-тантаналари, туғилган кунлари ва бошқа тадбирларни замонавий ва шинам тўйхоналарда ўтказишга одатланишди. Шу боис қишлоқлар ва туманлар марказида замонавий тўйхоналар қурилиб, элга хизмат кўрсатаяпти.

 

Туманимиздаги "Йўлчилар” ОФЙ да "Обод қишлоқ” давлат дастури доирасида бунёдкорлик, қурилиш ва таъмирлаш ишлари олиб борилмоқда. Кундан-кунга чирой очиб, янги турар-жойлар, кўркам ижтимоий соха объектлари, шинам ва чиройли хизмат кўрсатиш шохобчалари кўпайиб бораяпти.

Куни-кеча "Мега агро компания” фермер хўжалиги раҳбари Шерали Юсуповнинг саъй-ҳаракати билан "Оқ сарой” тўйхонаси қурилиб, фойдаланишга топширилди. Тўйхонанинг очилиш маросимида Шерали Юсупов саховат кўрсатди. Унинг ҳомийлигида "Йўлчилар” қўрғонида истиқомат қилувчи кам таъминланган, ижтимоий ҳимояга муҳтож Надежда Сидиқова, Комил Ҳамидов, Менгул Сидиқова ва Мусаллам Жабборованинг фарзандлари Сундет, Умрзоқ, Алижан ва Бахтиёржонларнинг суннат тўйлари ўтказилди.

Кичкинтойларнинг хатна тўйларида болажонларнинг ота-оналари, маҳалла фаоллари, жамоатчилик вакиллари ҳамда меҳнат фахрийлари иштирок этган тўй жуда файзли ўтди. Тўй болаларга туман ҳокимлиги ҳамда "Мега агро компания” фермер хўжалиги томонидан бош-оёқ сарпо ва велосипедлар ҳам совға қилинди.

Тўкин дастурхон, куй-қўшиқлар ҳамоҳанглида ўтган суннат тўйи барчанинг эсида қоладиган бўлди.

Дарвоқе, мазкур шинам ва замонавий "Оқ сарой” қурилиши учун ТИФ Миллий банк Учқудуқ филиалининг 500 млн. сўмлик кредити йўналтирилиб, тадбиркор Шерали Юсупов ўнга яқин маҳалладошларини иш билан таъминлагани эътирофга сазовордир.

 

Туман ҳокимлиги матбуот хизмати.

УЧҚУДУҚДА МЕҲМОНХОНАЛАР СОНИ ЯНА БИТТАГА КЎПАЙДИ

Учқудуқ шаҳрида "ОАZIC Palace” меҳмонхонаси фойдаланишга топширилди.

 

Шу муносабат билан ташкил этилган тадбирда туман ҳокими С.Хамроев, кенг жамоатчилик вакиллари ҳамда маҳалла аҳли иштирок этди.

Янги меҳмонхона 25 ўринли бўлиб, 11 та хонадан иборат. Барча қулайликларга эга меҳмонхона миллий ва жаҳон андозалари асосида кўркам безатилган.

"Равшан – Гулшан равнақи” МЧЖ томонидан бунёд этилган мазкур "ОАZIC Palace” меҳмонхонаси Микрокредитбанк томонидан ажратилган 200 млн. сўм имтиёзли кредит ҳамда тадбиркор Ўктам Жумаевнинг шахсий маблағлари эвазигақуриб битказилди.

Таъкидлаш жоизки, Учқудуқда ўтган йили 2 та меҳмонхона қурилиб, фойдаланишга топширилган эди. Жорий йилда мазкур йўналишда маҳаллий ташаббускорлар томонидан яна 3 та лойиҳа амалга оширилиши белгиланган.

 

Туман ҳокимлиги матбуот хизмати.

Мия қаримаслиги учун 5 тавсия

Серғайрат, янгилик яратувчи ва соғлом фикрловчи бўлиб қолиш учун ўз одатларингизни ўзгартиринг.

Бир неча авлод илгари одамлар 50 йил умр кўриш ҳақида орзу ҳам қилишмаган. Яхшиямки, ҳозир аксарият одамлар аввалгиларга нисбатан 20-40 йил узоқроқ ҳаёт кечиришяпти. Бироқ, йил ўтган сайин мия ўз фаолиятини бажаришда қийинчиликларга дуч келади.

Ўтириб ишлашга мослашган ҳаёт тарзи ва зарарли одатлар бутун организмга салбий таъсирини ўтказади, хусусан мияга ҳам. Ёш қўшилган сари Альцгеймер касаллиги келиб чиқиши ва ривожланиши хавфи ортади.

Юқори аҳамиятли органнинг эрта қариши олдини олиш ва теран ақлни сақлаб қолиш учун бир неча муҳим тавсияларга амал қилиш зарур.

1. Овқатланиш тарзингизни ўзгартиринг

Соғлом овқатланиш ҳаёт тарзи нафақат қомат ва умумий ҳаракатланишга, балки мия учун ҳам фойдали. Бошланишига одат тарзингизда кичик ўзгаришлар қилинг. Масалан, кечки қаҳва ўрнига кўк чой ичинг. Унинг таркибида кофеинлар нисбатан кам ва мияҳужайраларини зарарланишдан асрашга кўмаклашувчи антиоксидантлар кўпроқ. Дудланган маҳсулотлар истеъмолини камайтиринг.

Тўғри овқатланиш кун давомида фақатгина кўкат, салат ва ёрмалар ейиш керак дегани эмас. Олимлар аниқлашича, таркиби кўп миқдорда сабзавот, мева, зайтун ёғи, балиқ ва денгиз маҳсулотларига бойлиги билан ажралиб турувчи Ўрта Ер денгизи диетаси мия ҳужайралари йўқотилишини камайтириш ва идрок қобилиятини сақлаб қолиш хусусиятига эга.

2. Кунига камида 20 дақиқа спорт билан шуғулланинг

Ҳаракатли машқлар мия саломатлигини сақлаб қолиш учун жуда муҳим. Аэробика қон айланишини тезлаштиради, хотирани яхшилайди ва мияда янги ҳужайралар ўсишига туртки бўлади. Шу орқали қўшимча нейроалоқалар вужудга келади.

Спорт, шунингдек, мияга кичик дозадаги антидепрессант каби таъсир ўтказиши мумкин. Жисмоний фаолият стрессдан чиқишга кўмаклашади. Аэробика ёки истаган спорт машғулотингиз билан ҳафтасига камида 1,5 соат, яъни кунига 20 дақиқа машғул бўлинг. Бу саломатлигингиз учун аҳамиятли.

3. Қулай ҳудудингиздан тез-тез узоқлашинг

Бизнинг миямиз турли хил бошқотирма ва қийинчиликларни ечишга мажбурлаб турилганда ўз ёшлигини сақлаб қола олади. Тез-тез такрорланувчи фикрларга хилоф равишда, мия дастурланмаган, у ўзгара олади. Агар одам истаса, эски одатўрнига янгисини алмаштириши орқали ҳам бунга эришиши мумкин. Миянинг бу ўзгариши ҳодисаси нейропластиклик деб аталади.
Чет тилини ёки янги мусиқа асбобини ўрганиш миядаги пластиклик қобилиятини сақлаб қолади, янги нейроалоқалар вужудга келади. Шунингдек, нотаниш соҳа эгалари билан мулоқотда бўлиш ҳам ёрдам беради, дунёқарашни ҳам бойитади.

4. Етарлича ухланг

Уйқу давомида организмнинг лимфа тизимлари мияни нейротоксинлардан, жумладан, Альцгеймер касаллигини қўзғатувчи бета-амилоид ва тау оқсиллари, шунингдек, танада йиғилиши Паркинсон синдромига олиб келувчи альфа-синуклеинлардан тозалайди.

Тозалаш жараёни бир мунча вақт талаб этади. Айнан шунинг учун одам танаси кунига 7-9 соат уйқуда бўлиши керак.

5. Фаол ижтимоий ҳаёт тарзида яшанг

Инсон - ижтимоийлашган мавжудот. Бироқ ёш ўтган сари бизнинг мулоқот даврамиз қисқара боради, одамлар билан камроқ гаплашишга мослаша борамиз. Қариндошлар ва дўстлар билан алоқаларни сақлаб қолиш ҳам саломатлигимиз учун муҳим. Бошқалар билан мулоқотга кам киришувчи одамларнинг мия имкониятлари киришимлилардагига нисбатан 70 фоиз камайиб кетар экан.

Қизиқарли жиҳат шундаки, ёлғиз яшовчи одамлар ҳушёрроқ ва нотанишлардан кўпроқ хавфсирайдиган бўлиб қолишади. Бунинг сабаби улардаги мулоқотдан узоқлашган мия бегоналар билан алоқага киришини номаълум ва таҳликали ҳаракат сифатида қабул қилади. Бу ўзига хос ҳимоя реакциясидир.

Бутун умр давомида севимли одамлар билан бўлиш, хобби билан шуғулланиш ва янги нимадир ўрганишга кўпроқ вақт ажратиш керак. Шунда 100 ёшдан ўтганда ҳам мия ўзининг яхши хотиралари ва теран идроки билан сизни зериктирмайди.

Туман ҳокимлиги матбуот хизмати.

Инсон бир кун нафас олишига қанча сув керак?

ЎзА «Инсон бир кун нафас олишининг ўзига ярим литр сув керак» номли мақолачоп этди. Унда ёз ойларида қандай ва қанча сув истеъмол қилиш кераклиги, қандай ичимликлар ичишдан сақланиш зарурлиги ҳақида сўз боради. Қуйида ушбу мақола тўлиғича ҳавола этилди.

Қишда кишининг иссиқ ичимлик истеъмол қилгиси келса, ёзда табиийки, муздеккина ичимлик ичгиси келади. Аммо мутахассислар ёзнинг иссиқ кунларида ҳам, қишнинг совуқ кунларида ҳам илиқ ичимликларни истеъмол қилишни тавсия қилади.

– Иссиқ ҳаво инсонни кўп суюқлик истеъмол қилишга мойиллик туғдиради, — дейди диетолог Қаҳрамон Оқилов. – Бунда инсон организми салқин ичимлик ичишни хоҳласа-да, биз сув ва турли шарбатлар ичишни тавсия қиламиз. Ҳаво иссиқ бўлгани учун шираси ўткир бўлган ичимлик истеъмол қилмаган маъқул. Чунки у кишининг янада чанқоғини оширади. Бундай пайтда шираси ўртача, нордон ва табиий таъмга эга шарбат ичиш ўринли.

Ҳар қадамда турли рангдаги ва турфа таъмли шарбатлар тайёрлаб сотаётганларга кўзингиз тушади. Бу ҳам бир тадбиркорлик. Бундан ташқари, Coco cola, Pepsi, Fanta ва энергетик ичимликни муттасил ичиб юрувчи ёшларга кўзингиз тушади. Мутахассисларнинг айтишига кўра, ушбу ичимликлар чанқоқни босишдан кўра кишини ушбу маҳсулотга ўргатиб қўйиш ҳолатлари кўп кузатилади.

— Coco cola, Pepsi, Fanta бренди остида ишлаб чиқарилган маҳсулотларга талаб юқори, — дейди якка тартибдаги тадбиркор Достон Шомуродов. — Шунинг учун дўконимизда бу ичимликлар анча харидоргир. Ўзим ҳам бекорчиликдан кунига 2— 2,5 литр Pepsi ичардим. Анча ўрганиб қолган эдим. Кейинчалик соғлигимда салбий ҳолатлар кузатилди. Ҳолсизланиб қолдим, шифокор маслаҳати билан ҳозир ушбу маҳсулотни кам истеъмол қиляпман. Чанқаган вақтда ўзимизнинг оддий сувимиздан қўймасин, экан.

Ўзини яхши кўрган одамлар ёзнинг жазирамасида салқин ерларда дам олади, оқар сувларда чўмилиб, иссиқ мавсумни мароқли ўтказади. Мутахассисларнинг фикрича, муздек сувдан чиқиб яна муздек ичимлик истеъмол қилиш соғлиқ учун хавфли. Ёзда орттирилган грипп ва шамоллашнинг эса бадали оғирроқ бўлишиҳеч биримизга сир эмас. Тоғда оқувчи дарёдан, кўл ва очиқ сув ҳавзалари сувларидан истеъмол қилиш ҳам зарар. Ҳатто булоқ суви бўлса ҳам. Одамлар булоқ сувлари шифобахш ва доривор, дея ишонади. Аммо уни истеъмол қилишдан олдин филтрлаш ёки қайнатиш тавсия этилади.

— Ҳар куни ўртача 2 литр сув организмдан ичак, буйрак, ўпка ва тери орқали ташқарига чиқарилади, – дейди диетолог Қаҳрамон Оқилов. — Ўртача 0,5 литр суюқлик инсон соғлом нафас олишини таъминлайди. Агар мана шу чиқарилаётган сув ўрни тўлдирилмаса, организм сувсизланади. Бунда одамни чарчоқ босади, бош оғрийди, мушаклар ҳолсизланади. Оғиз ва кўз намланиши пасаяди, натижада, кишида иссиқни хушламаслик кайфияти пайдо бўлади. Белгиланган тартибда сув истеъмол қилган кишиларнинг юзига ажин кам тушади. Сув озишга ҳаракат қилаётган кишилар учун ҳам ёрдам беради. Бунинг учун тартибли овқатланиш ва сув истеъмол қилиш тартибини белгилаб олиш керак. Қаҳва, чой, ва алкогол енгил пешоб ҳайдовчи таъсирга эга, шунинг учун улардан кейин танадаги суюқлик ўрнини тўлдириш албатта сув истеъмол қилиш керак.

Ичимликлар организмнинг суюқликка бўлган талабини қондириши мумкин, аммо уларнинг таркибидаги калориялар табиий сувдек танага сингмайди. Сут ва шакарли ичимликларни инсон танаси қабул қилиши, танага сингиши учун ҳам организм ичимлик сувини талаб қилади.

Бугун атрофимизда юзлаб турдаги суюқ маҳсулотлар мавжуд. Улар орасида бизга оддий бўлиб кўринувчи аммо бебаҳо сувнинг ўрнини босадигани йўқ. Шундай экан, чанқаганда ҳеч иккиланмасдан сув, сув ва яна сув ичинг!