Душанба-Жума: 09:00-18:00,
    (0-436) 593-11-03,    uchquduq@nv.uz

       
/ Мақолалар Апрел 2019 йилда

Ҳуқуқий онг ва маданиятни юксалтириш - жиноятчилик ва ҳуқуқбузарликни олдини олишда энг муҳим вазифадир

НКМК Шимолий кон бошқармасида ҳафтанинг ҳар пайшанба куни «Ҳуқуқбузарликларни олдини олиш бўйича профилактикаси куни» сифатида белгиланиб, режа асосида ҳуқуқни муҳофаза қилувчи органлар вакиллари билан ишчи – ходимлар ўртасида профилактик суҳбатлар, учрашувлар сингари тадбирлар ташкил этилган. 3-Гидрометаллургия заводи ишчи-ходимлари билан Зарафшон ихтисослаштирилган прокуратураси терговчиси А.Тилавов, 2-сонли ихтисослаштирилган ИИБ тергов гуруҳи раҳбари А. Жўрақуловлар иштирокида жиноятчилик ва ҳуқубузарликни олдини олиш ва ҳуқуқий онг ва маданиятни оширишга қаратилган профилактика ва тарғибот тадбири ўтказилди. Унда Ўзбекитон Республикаси Президентининг 09 январь 2019 йилда қабул қилинган "Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги Фармони мазмун моҳияти ва шу аснода унинг ижросини таъминлаш бўйича қилинаётган ишлар юзасидан маълумотлар берилди. Ўз навбатида Ўзбекистон Республикаси Президентининг 2017 йил 14 мартдаги ПҚ-2833-сонли "Ҳуқуқбузарликлар профилактикаси ва жиноятчиликка қарши курашиш тизимини янада такомиллаштириш чора-тадбирлари тўғрисида”ги қарорига кўра ҳафтанинг ҳар пайшанба куни республикамиз миқёсида "Ҳуқуқбузарликлар профилактикаси куни” сифатида белгиланганлиги, давлат раҳбари ташаббуси билан ҳуқуқбузарликларнинг барвақт олдини олиш, жиноятчиликка қарши курашиш юзасидан кўрилаётган кенг кўламли чора-тадбирлар халқнинг осойишта, фаровон ҳаётини таъминлаш, ҳуқуқий маданиятини оширишда юксак самаралар бераётганини таъкидланди. Шимолий кон бошқармаси тассарруфидаги бўлинмаларда ҳуқуқбузарликлар профилактикаси ва жиноятларнинг барвақт олдини олиш бўйича амалга оширилган ишларни юзасидан маълумотлар берилди. Ўтган 2018 йил давомида Шимолий кон бошқармаси бўлинмаларида жами бўлиб 2 та жиноят ва 16 та маъмурий ҳуқубузарлик содир этилганлиги айтилди. Бир жиноят бўлса ҳам бу бизни ташвишга солиши кераклиги таъкидланди.

Шунингдек, иқтисодий жиноятларга қарши курашиш йўналишида давлат корхонасининг товар-моддий бойликларини талон-тарож қилиш билан боғлиқ бўлган жиноятлар тўғрисида жавобгарлик ва қаттиқ жазо чоралари муқаррарлигини таъкидланди ва барчани корхона ички-меҳнат тартиб қоидаларига риоя қилишга чақирди.

Бундан ташқари жамоат хавфсизлигини таъминлаш тизимида ҳуқуқ-тартиботни таъминлаш ва ушбу йўналишда ўзаро мақсадли ҳамкорликни ташкил этишда жойлардаги давлат ҳокимияти ва бошқаруви органлари ҳамда жамоатчилик тузилмалари билан биргаликда, ҳуқуқбузарликларнинг, биринчи навбатда, ижтимоий-маиший тусдаги жиноятларнинг олдини олиш, уларга чек қўйиш, содир этилганларини фош этишда ҳар бир ишчи-ходим фуқаролик позициясидан туриб, ҳуқуқ – тартибот органларига ҳайриҳоҳлик билдириши зарурлигини таъкидлади.

ШКБ Ахборот Хизмати

Учқудуқлик ёшлар: ҒАЛАБАЛАР МУБОРАК!

Шу йилнинг 19-21 апрель кунлари Бухоро шаҳрида спортнинг Жиу - Житсу тури бўйича 2004-2009 йилларда туғилган ўсмирлар ўртасида Ўзбекистон Чемпионати бўлиб ўтди. Баҳсларда мамлакатимизнинг барча минтақаларидан 300 га яқин спортчи қатнашиб, уч кун давомида мухлислар шиддатли ва муросасиз баҳсларга гувоҳ бўлишди.

Унда Шимолий кон бошқармасига қарашли ''Лочин'' спорт мажмуаси тарбияланувчиларидан 30 нафари иштирок этиб 49 та медаль билан қайтишди. Ушбу спорт мусобоқасида 27 та олтин, 14 та кумуш, 8 та бронза медалларини қўлга киритган Алишер Шодмонов, Гулнора Масагутдинова мураббийлиги остида тарбияланаётган учқудуқлик спортчилар медаллар сони бўйича Ўзбекистон рекордини ўрнатишди.

Жумладан, 30 кг. вазн тоифасида Бакир Тўраев биринчи, 30 кг. вазн тоифасида Озодбек Ҳайдаров иккинчи, 38 кг. вазн тоифасида Муҳиддин Исматов биринчи, 44 кг. вазн тоифасида Моҳинур Абдурашидова биринчи, 40 кг. вазн тоифасида Шаҳноза Нуриддинова биринчи, 40 кг.вазн тоифасида Асал Шавкатова биринчи, 50 кг.вазн тоифасида Зариф Зокиров фахрли биринчи ўринга эгалик қилишди.

Маълумот ўрнида шуни айтиш керакки Жиу-Житсу спорт тури халқаро миқёсда жадал ривожланиб бораётган қадимий яккакураш турларидан бири ҳисобланади.

Мамлакатимизда бу спорт турини кенг ривожлантириш, ёшлар орасида иқтидорли Жиу-Житсу усталарини тарбиялаш ва доимий рағбатлантириш мақсадида яқинда Ўзбекистон Жиу-Житсу федерацияси фаолияти ва раҳбарияти таркибида ўзгаришлар амалга оширилиб,қайта давлат рўйхатидан ўтказилди.

***

Яна бир учқудуқлик спортчи Давлатбек Хидиров ҳуқуқни муҳофаза қилиш органлари қўл жанги федарацияси томонидан ташкил этилган қўл жанги бўйича ўсмирлар ва катталар ўртасида Ўзбекистон чемпионатида кучли учликдан ўрин эгаллади.

Дарвоқе, кончилик касб-ҳунар коллежининг 2 – босқичида ўқиётган Давлатбек Хидиров 6 ёшидан бошлаб спорт билан мунтазам шуғулланади. Қўл жанги, бокс, турон яккакураш спорт турларидан 2 -разрядли спортчи бўлиб, яқинда спорт мастери кандидатлигига ҳужжатларни топширди.аРа

 

У "Лочин” спорт мажмуасининг тренери Улуғбек Раззоқов мураббийлигида 10-11 май кунлари Тошкентда ҳуқуқни муҳофаза қилиш органлари қўл жанги федарацияси томонидан ўтказиладиган мусобақаларга қизғин тайёргарлик кўрмоқда. Давлатбекка мусобақаларда омадлар тилаймиз.

***

Айнан ёшлик чоғидан спорт билан дўст бўлиш бола характерининг тобланиши, мусобақаларда қатнашиш орқали унда қатъиятлик ва мардлик хусусиятларининг шакл­ланиши, ғалабага интилиши, таъбир жоиз бўлса, аввало, ўз устидан ғалаба қозониши, мустаҳкам иродага эга бўлиши учун пухта замин яратади.

Шу жиҳатларни эътиборга олган туман мактабгача таълим бўлими барча муассасаларда турли спорт тўгаракларини ташкил этишга алоҳида эътиборқаратаётир.

Куни кеча янгидан қурилиб фойдаланишга топширилган "Jоy оf bаbiеs” мактабгача таълим муассасасида тарбияланаётган 160 га яқин кичкинтойлар қисқа фурсатда катта-кичик ютуқларни қўлга киритмоқда.

"Ғlу high” гуруҳи тарбияланувчиси Марварид Абдуҳалилова Ашихара каратэспортидан Ўзбекистон очиқ чемпионатида иштирок этгани фикримизнинг ёрқин далилидир. Тошкентда жорий йилнинг 21 апрелида бўлиб ўтган мазкур мусобақаларда турли ёш тоифасида спортчилар иштирок этди.

Беллашувларнинг 6-7 ёш 20 кг. вазн тоифасида Марварид қизимиз мамлакат биринчилигини эгаллаб, кубикни қўлга киритди.

Мақоламиз аввалидаги фикрларни давом эттириб, фарзандларимизни боғча ва мактаб ёшидан спорт оламига жалб этган ҳолда, бу борада кўзланган эзгу мақсадларга эришишимиз мумкин.

САЙЁР ҚАБУЛ: МУАММОЛАРНИ БАРТАРАФ ЭТИШДА МУҲИМ!

Жисмоний ва юридик шахсларнинг мурожаатларини кўриб чиқиш ва уларни қабулини ташкил этишда аҳоли учун қулайликлар яратиш ҳамда уларнинг мурожаатларида баён этилган масалаларни тезкорлик билан жойида ҳал этиш мақсадида "Дўстлик” МФЙ да сайёр қабул ўтказилди.Мажлисни биринчи сектор раҳбари, туман ҳокими С.Хамроев олиб борди.

Бугунги кунда энг муҳим бўлган муаммолардан бири бу уй-жой ва ишсизлик масаласи бўлиб, фуқароларга Ўзбекистон Республикаси Вазирлар Маҳкамасининг 2016 йил 24 ноябрдаги 393-сонли қарори билан тасдиқланган "2017-2021 йилларда қишлоқ жойларида янгиланган намунавий лойиҳалар бўйича арзон уй-жойлар қуриш дастурида иштирок этиш тартиби тўғрисида”ги Низомга асосан тушунчалар берилди.

Туманимизда аҳоли ўртасида ишсизликнинг олдини олиш юзасидан тадбиркорларга берилаётган енгилликлар хусусида сўз юритилиб, ажратилаётган имтиёзли микрокредитлар ҳақида батафсил маълумотлар берилди.

Сайёр қабулда "Дўстлик”, "Навоий”, "Мустақиллик” МФЙ ва "Алтинтау” ОФЙ да истиқомат қиладиган 19 нафар фуқароларнинг мурожаатлари тингланди. Жумладан, мурожаатларнинг 2 таси шу ернинг ўзида қаноатлантирилди, 5 тасига ҳуқуқий маслаҳатлар берилди.

Сайёр қабулда фуқаролар Ш.Суюнова, Э.Шодмонов, М.Кунбасовлар тикувчилик, иссиқхона фаолияти ва чорвачиликни кенгайтириш мақсадида кредит олишга эҳтиёжи борлигини билдиришди. Микрокредитбанк АТБ Учқудуқ филиали раҳбари О.Мардоновга ушбу фуқароларнинг мурожаатини ўрганиб чиқиб, тегишли тартибда амалий ёрдам кўрсатиш юклатилди.

Яна бир "Дўстлик” МФЙ фуқароси Ш.Хамроев нонвойхона қуриш учун ер ажратилишини сўраган бўлса, И.Каримов ҳам ер масаласида мурожаат қилди.

Шунингдек, сайёр қабулда ўнга яқин учқудуқликлар иш масаласида туман раҳбарига, соҳа мутасаддиларига мурожаат қилдилар. С.Ярашева, Д.Жабборова, С.Пўлатовалар шулар жумласидандир.

"Пушкин” кўчаси 26 уй 4 хонадонда яшовчи Н.Саноев ва турмуш ўртоғи Р.Адизова соғлигини тиклаш мақсадида сиҳатгоҳга имтиёзли йўлланма ажратилишида амалий ёрдам сўради. "Фазогирлар” кўчаси 2 – уй 1 – хонадонда яшовчи Г.Абдуназарова, "Тинчлик” кўчаси 8 – уй, 4 – хонадонда яшовчи С.Абдурахмонова, "Наврўз” кўчаси 23 – уй, 2 – хонадонда яшовчи И.Суюновлар 2019 йилда қурилаётган арзон уй-жойлардан олишда амалий кўмак сўрадилар.

Фуқароларнинг мазкур мурожаатлари асосида уй-жой бериш тартиби тўғрисидаги қарор мазмун-моҳияти батафсил тушунтирилди. Тегишли мутасаддилар томонидан уларга ҳуқуқий маслаҳатлар берилди.

Сайёр қабулда мурожаат этган ҳар бир фуқаронинг мурожаати мутасаддилар томонидан назоратга олиниб, ижроси тегишли тартибда кўриб чиқилмоқда.

Учқудуқ туман ҳокимлиги тасарруфидаги захира ер майдонлари ҳисобидан фермер хўжалиги ташкил этиш учун танлов эълон қилиш тўғрисида

Ўзбекистон Республикаси Ер кодексининг 53-моддаси, "Фермер хўжалиги тўғрисида”ги Ўзбекистон Республикаси қонунининг 11-моддаси, Вазирлар Маҳкамасининг 2003 йил 30 октябрдаги 476-сонли қарори билан тасдиқланган "Ер участкаларини фермер хўжаликларига узоқмуддатли ижарага бериш тартиби тўғрисида”ги Низомининг 2,12-бандлари, Ўзбекистон Республикаси Адлия вазирлиги томонидан 2005 йил 19 ноябрда 1523-сон билан давлат рўйхатидан ўтказилган "Фермер хўжалиги юритиш учун ер участкалари беришда танлов ғолибини аниқлаш тартиби тўғрисида”ги Низом талабларига асосан ҳамда юридик ва жисмоний шахсларга берилмаган қишлоқ хўжалиги мақсадларига мўлжалланган туман захирасида турган ер майдонларидан оқилона фойдаланиш мақсадида,

ҚАРОР ҚИЛАМАН:

1. Учқудуқ туманидаги овул фуқаролар йиғини ҳудудларидан иловага мувофиқ туман захира ерларидан фермер хўжалиги ташкил этиш учун танлов эълон қилинсин.

2. Ер участкаларини эгалик қилишга, фойдаланишга, ижарага бериш ва мулк қилиб бериш (реализация қилиш) масалаларини кўриб чиқувчи туман комиссияси:

Ушбу қарор оммавий ахборот воситаларига расман эълон қилингандан сўнг бир ойдан кейин туман ҳокимининг юқоридаги қарорларига асосан фермер хўжалиги ташкил этиш ҳамда фермер хўжаликлари ер майдонларини мақбуллаштириш учун ажратилган ер участкалари 1-иловага асосан қайта танлов ўтказилишини ташкил қилсин.

Фермер хўжалиги ташкил этиш ҳамда фермер хўжаликлари ер майдонларини мақбуллаштириш учун ер участкалари ажратишда амалдаги қонун талабларида белгиланган муддатларга қатъий амал қилинсин.

Фермер хўжалиги ташкил этиш учун ўтказиладиган танлов тўғрисида фуқароларнинг ўзини-ўзи бошқариш органлари, қишлоқ хўжалиги корхоналари ва ташкилотлари бошқаруви (маъмурияти) биноларига осиб қўйиш вазифаси топширилсин.

Танловга қўйилган лойиҳалар бўйича очиқ ва ошкоралик асосида ўтказилиши таъминлансин.

3. "UCHQUDUQ” газетаси таҳририяти давлат корхонаси (Р.Қодирова)га, туман ҳокимининг ушбу қарорининг 1-иловасига мувофиқ фермер хўжалиги ташкил этиш ҳамда ер майдонларини мақбуллаштириш учун оммавий ахборот воситасида танлов эълон қилиш топширилсин.

4. Ер участкаларини бериш (реализация қилиш) масалаларини кўриб чиқувчи туман комиссияси мазкур қарор эълон қилинган кундан бошлаб бир ойдан кейин танлов ўтказилишини таъминласин.

5.Ушбу қарорнинг бажарилишини назорат қилиш туман ҳокимининг ўринбосари А.Негматов зиммасига юклатилсин.

Туман ҳокими С.Хамроев,

24 апрель 2019 йил №219-Қ.

Ҳурматли абитуриентлар!

Сизлар учун 3 та таълим йўналишини танлаш бўйича электрон қўлланма ишга туширилди

Ўзбекистон Республикаси Президентининг "Олий таълим муассасаларига тест синовлари орқали қабул қилиш тизимини такомиллаштириш бўйича қўшимча чора-тадбирлар тўғрисида”ги қарори лойиҳасида абитуриентларнинг ўқишга кириш имкониятларини ошириш мақсадида бир нечта ўзгаришлар киритилмоқда. Шулардан бири – 2019/2020 ўқув йилидан бошлаб, олий таълим муассасаларига ўқишга киришда абитуриентларга3 та таълим йўналишини танлашҳуқуқи берилмоқда.

Ушбу йўналишларни танлаш кўникмасини мустаҳкамлаш учун абитуриентларга кўмак ва қўлланма сифатида махсус дастур ишлаб чиқилди. Айни пайтда тест режимида ишга туширилган мазкур дастур орқали абитуриентлар 3 та таълим йўналишини танлаш тажрибаларини орттиришлари мумкин.

Дастур Давлат тест марказинингwww.дтм.узрасмий веб-сайтида жойлаштирилган. Эслатиб ўтамиз – дастур вақтинча олдинги йил базаси асосида ишламоқда, 2019/2020 ўқув йили учунтаълим йўналишлари рўйхатитасдиқлангандан кейин янги база асосида ишлаши йўлга қўйилади.

Мисол учун абитуриент ЎзМУнинг кимё факультетига ўқишга кирмоқчи. Қўшимча равишда олий талим муассасасида фанлар мажмуасига мувофиқкелувчи яна 2 та СамДУ ҳамда БухДУнинг кимё факультетларига ҳужжатларини илова қилади.

Абитуриент тест синови жараёнида бир марта иштирок этади. Дейлик, у ЎзМУнинг кимё факультетига ўқишга кириш учун имтиҳон топшириб, 138 балл олди. Эртаси куни тест натижасидан хабардор бўлади. Абитуриент ЎзМУга ўқишга киролмаган бўлса, кайфиятни туширмасдан СамДУ ва БухДУда ўтказилган тест синови натижаларини аниқлаши лозим. СамДУнинг кимё факултетига тўлов-шартнома асосида охирги кириш бали 130 бўлса, бундай ҳолатда у СамДУда шартнома асосида ўқиш имкониятига эга бўлади. Агар БухДУнинг кимё факултетига охирги бўлиб давлат гранти асосида ўқишга кирган кишининг натижаси 135 балл бўлса, унда у тўплаган 138 бали билан БухДУда давлат гранти асосида ўқиш имконини қўлга киритади.

Шунингдек, абитуриентлар 3 та олийгоҳгаҳужжат топшириш учун 3 марта тўлов қилмайди, яъни бир марта тўловни амалга ошириб, 3 та олийгоҳга топшириш мумкин. Тўлов энг кам иш хақининг 1 баравари яъни (202730 сўм) миқдорида бўлади.

Давлат хизматлари агентлигининг маълум қилишича,ҳукумат қарори лойиҳасига мувофиқ, май ойидан бошлаб Ўзбекистон ОТМларига ҳужжат топшириш жараёни бошланиши режалаштирилган. Энди абитуриентлар Ўзбекистондаги исталган олий таълим муассасасига ҳужжатларини яшаш жойидан узоқлашмай, Давлат хизматлари марказлари орқали ёки уйидан чиқмай, мй.гов.уз портал орқали юбориши ҳам мумкин.

Бу йил ОТМларга ҳужжат топшириш 2 босқичда амалга оширилади:

1-босқич: аввалги йилларда ўқишдан йиқилган абитуриентларнинг ҳужжатлари 1-майдан 20-майгача қабул қилинади;

2-босқич: тест йилида ўқишни тугатган битирувчилардан эса 21-июндан 10-июлгача ҳужжатларқабул қилинади

Умарқул Худайқулов,

Давлат хизматлари маркази директори.

ТАШВИШ КЕЛТИРГАН “ИШ”

Бугун учқудуқлик Гулзода Бўронова ва Роҳила Исмоилова (исм-фамилиялар ўзгартирилган) ҳам пушаймонликдан ўзларини қўярга жой тополмаётганлари тайин.

Негаки, улар юртимизда ноқонуний валюта савдосига қарши кураш олиб борилаётгани, бу масалага қонуний тус берилиб, валюта савдоси банклар орқали эркин амалга оширилаётганини жуда яхши билишарди. Била туриб тиконни босишди.

Ҳуқуқбузарлар 9250 рубль ва 51 сомоний валюта қимматликларини "қора бозор” да айирбошлаётган вақтида ашёвий далиллар билан қўлга олинди.

Гулзода Бўронова, Роҳила Исмоиловага Ўзбекистон Республикаси МЖтКнинг 170-моддасида назарда тутилган маъмурий ҳуқуқбузарликни содир этганликлари учун энг кам ойлик иш ҳақининг бир баравари миқдорида жарима жазоси тайинланди.

Шу ўринда бир мулоҳаза. Аслида ноқонуний валюта савдосига қарши кураш кучайгани билан ҳануз бу иллатни таг-томири билан юлиб ташлай олмаяпмиз. Бу каби ноқонуний ишларга қарши барча бирдек курашсагина, кутилган натижага эришамиз.

В СЕРДЦЕ МАТЕРИ ПОСЕЛИЛОСЬ НАСТОЯЩЕЕ СЧАСТЬЕ

2019 год объявлен годом Казахстана в Узбекистане. Благодаря этому на площадках страны мы знакомимся с эпосом, легендами и сказаниями, великими поэтами казахского народа, неповторимой музыкой вечных кочевников. В ней звучат просторы равнин, горы, ветер, любовь и переживания. Я тоже отношусь к этой неповторимой человеческой нации. В Узбекистане проживают более 150 национальностей и здесь, как нигде, уважение и почёт любому человеку, какой бы национальности он не был. Главное какой ты и каков твой вклад в развитие страны, в которой живёшь?!

2018 год был годом Узбекистана в Казахстане. Принимая эстафету преемственности традиций, руководители обеих стран обменялись взаимовыгодным партнёрством и уважением друг к другу. В прошлом году мои дети Молдир и Нуржас по выделенному в Республике Узбекистан гранту начали обучаться в лучших высших учебных заведениях Казахстана в городах Алма-Ате и Нур-Султане. С сердечной благодарностью я склоняюсь перед теми людьми, которые стали путеводной звездой в судьбах моих детей. Выражаю искреннюю благодарность главе нашего государства Шавкату Миромоновичу Мирзиёеву, хокиму Навоийской области Кобилу Бекназаровичу Турсунову и заместителю председателя образовательного казахского культурного центра в Республике Узбекистан Кларе Садирбаевой.

Я стала самой счастливой мамой, уверенной за счастливое будущее своих детей, за их обучение и стабильность в жизни. Моя дочь Молдир Тулегенова– студентка Казахской академии транспорта и коммуникаций имени Мухаммеджана Тынышбаева, сын– студент Казахской транспортной академии.

Жансая МАРДИСАДИКОВА,

жительница Учкудукского района.

Рўза тутинглар, саломат юрасизлар”

Она диёримизга муборак Рамазон ойи кириб келмоқда. Бу ой бир неча асрлардан буён мусулмонлар томонидан алоҳида аҳамият билан кутиб олинмоқда. Рўза инсоннинг соғлигига шифо бўлса, Қуръон унинг руҳиятига шифодир. Бу ой мусулмон киши учун тарбия, меҳр шавқат ойидир. Ривоят қилинишича, Расулуллоҳ соллаллоҳу алайҳи вассаллам: "Ким Рамазонда имон ила савоб умидида рўза тутса, унинг олдинги гуноҳлари мағфират қилинади. Ким Рамазонда "Лайлатул қадр”да имон ила савоб умидида қаюм бўлса яъни тунни бедор ўтказса унинг олдинги гуноҳлари мағфират қилинади”, дедилар”, яъни Рамазон ойи келганда Пайғамбаримиз (с.а.в)нинг саховатлари янада ошиб кетар экан. Биз ҳам у зотдан ўрнак олиб, рамазон кунлари оиламизга, қариндош уруғларга, маҳалламиздаги бева-бечораларга қўлимиздан келганича моддий ёрдам беришимиз, беморларни бориб кўришимиз керак. Чунки бу амаллар айниқса, ушбу муборак ойда кўп савоб бўладиган ишлардир. Рўза инсон тарбияси учун муҳим дастур ҳисобланади. Яъни рўза сабабли ҳаёт тарзимизни тўғрилаб, нафсимизни жиловлаб оламиз, масъулиятли бўламиз.

Рўза айнан нафснинг кунлик хоҳиши ҳамда унинг жасадга бўладиган ҳукмронлигини сусайтиради. Шунингдек, рўза нафақат соғлиқни сақлаш, балки хасталикларни даволаш учун ҳам ўта зарурлиги илмий исботини топган даво усулидир. Ҳозирги кунда кенг тарқалган хасталикларнинг кўпини тиббий мутахассислар ихтиёрий очлик йўли билан даволамоқда. Мазкур илмий тадқиқотлар натижасида рўза ҳозирда энг кўп тарқалган дардларга даво экани, киши доим соғ юрай деса, ҳар йили 28-30 кун ихтиёрий оч қолишни таъкидлаган.

Рўзага оид ушбу ҳақиқатлар бундан 14 аср аввал Пайғамбаримиз Маҳаммадсоллаллоҳу алайҳи ва салламнинг: "Рўза тутинглар, саломат юрасизлар, деб айтилган ҳадиси шарифларининг илмий тасдиғидир.

Юртдошлар ана шу муборак Рамазон ойида қиладиган ибодатлари-у, эзгу ниятларингиз ижобат бўлсин.

28 – АПРЕЛЬ “БУТУН ЖАҲОН МЕҲНАТНИ МУҲОФАЗА ҚИЛИШ КУНИ”

28 – апрель "Бутун жаҳон меҳнатни муҳофаза қилиш куни” этиб белгиланган. Кўплаб мамлакатлар қатори Ўзбекистон Республикасида меҳнаткашларнинг ҳаёти ва соғлигини муҳофаза килиш Ўзбекистон Конституцияси билан, давлатимизнинг меҳнат тўғрисидаги қонунлар мажмуи ва уларни ривожлантиришда ишлаб чиқилган қарорлар, шунингдек, хавфсизлик техникаси ва ишлаб чиқариш санитариясига оид нормалар ҳамда қоидалар билан кафолатланган. Меҳнаткашларнинг соғлигини сақлаш, меҳнат шароитини бехатар бўлишини таъминлаш, касб касалликларини ва ишлаб чиқаришда содир бўладиган бахтсиз ҳодисаларнинг олдини олиш давлатимизнинг асосий ғамхўрлигидан биридир.
Навоий кон металлургия комбинати Шимолий кон бошқармасида ҳам  соғлом ва хавфсиз меҳнат шароити яратиб беришда, корхона маъмурияти ва бевосита шу фаолият билан шуғулланувчи "Меҳнат муҳофазаси ва техника хавфсизлиги бўлими” зиммасига юклатилган. Навоий кон металлургия комбинати Бош муҳандисининг меҳнат муҳофазаси ва техника хавфсизлиги бўйича ўринбосари Ишанходжаев М.Н. бошчилигида ўз соҳасининг малакали мутахассислари Камолов Х., Жиянов А., Шеров А., Тошпулатов С., Шарипов М., сингари мутахассислар доимо корхонада хизмат қилаётган ишчи-ходимларга муносиб меҳнат шароитлари яратиш, ходимлар руҳиятига салбий таъсир этувчи омиллар, уларни бошқариш ва такомиллаштиришга алоҳида эътибор қаратишган. 
Шунингдек, 10 мингдан ошиқ ишчи-хизматчи меҳнат қилаётган Шимолий кон бошқармаси "Меҳнат муҳофазаси ва техника хавфсизлиги бўлими” ходимлари айни чоғда меҳнат муҳофазаси маданиятини ривожлантириш, корхонада ушбу йўналишда олиб борилаётган ишлар сифати ҳамда самарадорлигини ошириш, ишлаб чиқаришдаги жароҳатланиш ва касб касалликларининг олдини олишда қаратилган самарали механизмни янада такомиллаштириш йўналишида ишланишлар олиб бормоқдалар.
Фурсатдан фойдаланиб, соҳа мутахассисларини фаолиятларида муваффақиятлар эл корига яраб, соҳа ривожига улкан ҳисса қўшишларини тилаб қоламиз! 
Клара Мукаррамова,
 Шимолий кон бошқармаси
маънавий – маърифий ишлар
 бўйича мутахассиси.

Кўнгиллилар дастлабки (кийинги) тайёргарликдан ўтказилмоқда

Ўзбекистон Республикаси Вазирлар Махкамасининг 2013 йил 28 март кунидаги "Ёнғин хавфсизлиги тўғрисида”ги Ўзбекистон Республикаси қонунини амалга ошириш чора-тадбирлари ҳақидаги 89-сонли Қарорининг 2-иловасига асосан НКМК ДК ЁХБ Шимолий кон бошқармаси объектларини ёнғиндан муҳофаза қилувчи Ёнғин хавфсизлиги бўлими томонидан муҳофаза қилинаётган Завод саноат майдони 6-та масканларда 21-та бўлинма 92- иборат Кўнгилли ёнғин ўчириш дружина аъзоларидан ташкил топган. Кўнгилли ёнғин ўчириш дружина аъзолар жорий йилнинг 18-апрелдан 2-май кунига қадар дастлабки (кийинги) амалий ва назари жами 60-соат ўқув тайёргарликдан ўтказилмоқда.

Ўқув дарсларида малакали иш тажрибасига эга бўлган ходимлар томонидан ўтказилмоқда. Дарсларда асосан ёнғинни олдини олиш ва профилактика ишларини олиб бориш ҳамда масканларда фавқулотда ёнғин содир бўлганда инсонларни ва товар моддий бойликларни қутқариш ишлари тушунтирилиб ўтилмоқда.

 

ШКБ ЁХБ ЁН ва ПГ инспектори лейтенант С.С.Саматов